The Football Arena - Myanmar, Yagon (2025)

27/07/2025

နောက်ဆုံး ၄၊ ၅နှစ်အတွင်း ကျွန်တော်သဘောကျရတဲ့ တိုက်စစ်မှုးတွေထဲ ဗလာဟိုဗစ်ပါတယ်။ ဖီအိုရင်တီးနားက ဗလာဟိုဗစ်ဟာ သိပ်ကိုကြွယွလွန်းခဲ့သလို သိပ်ကိုသဘောကျခဲ့ရတယ်။ အဲ့နောက်မှာ ဂျူဗင်တပ်က သူ့အတွက်မှားယွင်းတဲ့အရွေ့တစ်ခုဖြစ်သွားတယ်လို့ ကျွန်တော်ထင်တယ်။ သူကိုယ်တိုင်လည်း နောက်ဆုံးနှစ်အပိုင်းအခြားတွေမှာ ဒါကိုနားလည်လိမ့်မယ်။ ခန့်အပ်လိုက်တဲ့ နည်းပြတွေက ဗလာဟိုဗစ်ကို သိပ်သဘောကျပုံမရပဲ ကိုလိုမူအာနီရောက်ပီးကတည်းက ပုံမှန်ပွဲထွက်ခွင့်လည်း သိပ််မရတော့ပါဘူး။ ဒါတောင်မှ အသင်းရဲ့ top scorer ကဗလာဟိုဗစ်ဖြစ်နေတုန်းပါ။ personally အရတော့ ဗလာဟိုဗစ်ကို goal poacher တစ်ယောက်အနေနဲ့မြင်မိတယ်။ အသင်းရဲ့ကစားကွက်ထဲပါချင်မှပါမယ်၊ သွင်းဂိုးတွေရဖို့အတွက်တော့ တစ်ဦးတည်းတာဝန်ယူနိုင်တယ်ဆိုတဲ့ပုံစံ။ သူ့ရဲ့ဒီပုံစံကြောင့်ပဲ modern playing style အသားပြုတဲ့ သီယာဂိုမော့တာ သဘောမကျခဲ့တာထင်ပါတယ်။

ဗလာဟိုဗစ်ရဲ့ပုံစံက ဆီမြွန်နီလိုနည်းပြမျိုးနဲ့ဆို တအားကြောက်ဖို့ကောင်းမှာ။ ဗလာဟိုဗစ်ဟာ box ထဲမှာ နေရာယူပုံကောင်းတယ်၊ movement တွေကောင်းတယ်။ box ထဲမှာဆို ထိန်းချုပ်ဖို့ခက်ပီး fox in the box စစ်စစ်ကစားသမား။ သူ့ရဲ့ strength နဲ့ power ကလည်းကောင်းတော့ ပြိုင်ဖက်ခံစစ်မှုးတွေအတွက် ပိုထိန်းချုပ်ရခက်တာပါ။ pressing အားနည်းတယ်၊ build up၊ hold up play တွေအကောင်းကြီးမဟုတ်ဘူး၊ ဒါပေမဲ့ area ထဲမှာတော့ ဗလာဟိုဗစ်ဟာ တကယ့် danger hit ပါ။ ကျွန်တော်က striker ဆိုရင် CF တွေ၊ target man တွေထက် goal poacher ပုံစံကို ပိုသဘောကျသူ။ goal poacher တွေကိုသဘောကျရတဲ့အကြောင်းပြချက်တွေထဲ ကာဗာနီကအဓိကပေါ့၊ ကာဗာနီကို သိပ်ကြိုက်ခဲ့ရတယ်။ အခုနောက်ပိုင်းမှာလည်း ဗလာဟိုဗစ်ပေါ့။ ဗလာဟိုဗစ်ဟာ နည်းပြအများစုကြိုက်ချင်မှကြိုက်မယ်၊ ဒါပေမဲ့ အသုံးချတတ်တဲ့နည်းပြနဲ့ဆို တကယ့်ကိုကြောက်စရာကောင်းမှာ အသေအချာပါ ….

07/07/2025

ဝုဗ်ဗာဟန်တန်မြို့ထဲက မထင်မရှားကော်ဖီဆိုင်ပိုင်ရှင် မိုနီကာဖာရဲရားဆိုတဲ့ အမျိုးသမီးတစ်ယောက်က ဒီယေဂိုဂျိုတာဟာ လူကောင်းတစ်ယောက်၊ တန်ဖိုးရှိတဲ့လူတစ်ယောက်ဆိုတာထက် အများကြီးပိုတဲ့အကြောင်းတွေကို ဝမ်းနည်းစွာပြောပြတယ်။

ဂျိုတာဆုံးပါးသွားတဲ့သတင်းကိုကြားကြားချင်း စိတ်ထိခိုက်သွားတဲ့အထဲ မိုနီကာဖာရဲရားလည်း တစ်ယောက်အပါအဝင်ပေါ့။

သူမက “ကျွန်မ ဒီမြို့လေးမှာကော်ဖီဆိုင်စဖွင့်တော့ ဂျိုတာက ပထမဆုံးလာအားပေးတဲ့သူတွေထဲကတစ်ယောက်။ ကျွန်မက သူ့ကိုဘောလုံးသမားမှန်းမသိဘူး။ တစ်နေ့သား ကျွန်မအမျိုးသားက သူဆိုင်လာတဲ့အချိန်တွေ့သွားပြီး ပြောပြတော့မှ ကျွန်မသူ့အကြောင်းတွေ သေချာသိတာပေါ့”

“သူက ကျွန်မဆိုင်ကကော်ဖီကို အရမ်းကြိုက်တယ်၊ ကျွန်မဆိုင်လေးကို ပုံမှန်လာလေ့ရှိတယ်။ သာမန်ဖောက်သည်တစ်ယောက်လိုပဲဝင်ထွက်တယ်။ သူက အရမ်းယဉ်ကျေးတယ်၊ အမြဲတမ်းနှိမ့်နှိမ့်ချချနေတတ်တယ်။ ရံဖန်ရံခါသူ့ဇနီးလည်း ပါလာလေ့ရှိတယ်။ နှစ်ယောက်လုံးက အရမ်းကိုဖော်ရွေကြပါတယ်”

“ဂျိုတာဆိုင်လာတဲ့အချိန် ပရိတ်သတ်တွေ စကားစမြည်လာပြောတာတို့၊ နှုတ်ဆက်တာတို့၊ လက်မှတ်ထိုး၊ ဓာတ်ပုံရိုက်တာတွေလာလုပ်ရင်လည်း သူကဘယ်တော့မှငြင်းဆန်လေ့မရှိဘူး။ ကျွန်မက တခါတလေသူ့ကိုအားနာပီး ဆိုင်တံခါးထပိတ်ဖို့လုပ်ရင်တောင် မလုပ်ဖို့တားတဲ့သူမျိုး”

“သူ့မှာ မာနတွေ၊ ပကာသနတွေလုံးဝမရှိဘူး၊ အဲ့တစ်ခုကိုတော့ ကျွန်မသေချာပေါက်ပြောရဲတယ်” ဆိုပီး ဂျိုတာနဲ့အမှတ်တရတွေကို ပြန်ပြောင်းပြောပြနေရင်း မိုနီကာဖာရဲရားရဲ့မျက်ဝန်းတွေထဲမှာလည်း မျက်ရည်စတွေနဲ့ပေါ့ ….

03/07/2025

ဒီယေဂိုဂျိုတာဝင်လာရင် ဂိုးရတော့မယ်ဆိုတဲ့ခံစားချက်မျိုးကို အများစုခံစားဖူးလိမ့်မယ်။ အဆုံးသတ်ကောင်းတယ်၊ တိုးအားရုန်းအားကောင်းတယ်၊ ဂိုးလာဘ်ရှိတယ်။ ကလော့ပ်လက်ထက်ကနေ လက်ရှိအချိန်အထိ လီဗာပူးတိုက်စစ်မှာ အဆုံးသတ်အကောင်းဆုံး၊ သွင်းဂိုးအတွက် စိတ်အချရဆုံးဆို ဂျိုတာပဲ။ တချိန်က ပြိုင်ဖက်တွေ ကစားအားကျချိန်ဆို ဂျိုတာကိုထည့်တဲ့ ကလော့ပ်ရဲ့အထာတွေကိုလည်း အခုထိအမှတ်ရနေတုန်း။ ဆာလာ၊ မာနေး၊ ဖာမီနိုခေတ်မှာ လီဗာပူးကိုရောက်ခဲ့ပေမဲ့ သူ့နည်းသူ့ဟန်၊ သူ့ပုံစံနဲ့အသင်းကိုအကျိုးပြုခဲ့သူ။ ဂျိုတာရဲ့လီဗာပူးအချိန်တွေမှာ သူ့ရဲ့အရေးပါမှုတွေကိုလည်း သွေဖယ်ထားလို့မရတာတော့အမှန်။

ကလော့ပ်က ဂျိုတာကိုသိပ်ချစ်တာ၊ ဂျိုတာရဲ့လုပ်နိုင်စွမ်းနဲ့အရည်အသွေးတွေကို ကောင်းကောင်းသိတဲ့သူဆိုရင် ကလော့ပ်ပဲ။ ကလော့ပ်ပျိုးခဲ့တဲ့စိုက်ခင်းတွေထဲ ဂျိုတာဟာလည်း အသီးအပွင့်တစ်ခုပါ။ ဒီအချိန်လောက်ဆို ကလော့ပ်လည်း သူ့တပည့်အတွက် စိတ်ထိခိုက်နေလောက်ရောပေါ့။ အရာအားလုံးဟာ မြန်ဆန်လွန်းတယ်။ အာနီဆလော့နဲ့လီဗာပူးအသင်းသားတွေကတော့ ဂျိုတာရဲ့နောက်ဆုံးဘောလုံးရာသီဖြစ်လာတဲ့နှစ်မှာ ပရီးမီးယားလိဂ်ဖလားနဲ့ နှုတ်ဆက်ပေးနိုင်ခဲ့တာလေးကိုတော့ ဝမ်းနည်းမှုတွေနဲ့ ဖြေသိမ့်နေလောက်မယ်။ နောက်ဆုံးနှစ်အပိုင်းအခြားတွေမှာ ဒဏ်ရာပြဿနာတွေသာမရှိရင် တအားကြောက်ဖို့ကောင်းမဲ့ကစားသမား။ ဒီလောက်နဲ့ပဲ အဆုံးသတ်သွားရတာကိုတော့ အခုထိမယုံနိုင်သေးပါဘူး ….

03/07/2025

Shock Breaking News ပါပဲ၊ လီဗာပူးနဲ့ပေါ်တူဂီလက်ရွေးစင်တိုက်စစ်ကစားသမား ဒီယေဂိုဂျိုတာ (28နှစ်) ဟာ ကားအက်စီးဒင့်တစ်ခုကြောင့် အသက်ဆုံးရှုံးသွားပြီလို့ သိရပါတယ်။

လွန်ခဲ့တဲ့ ၅ရက်ကမှ မင်္ဂလာဆောင်ထားတာဖြစ်လို့ သူ့မိသားစုလည်း တအားကိုစိတ်ထိခိုက်ရမှာပါ။

ဂျိုတာနဲ့အတူ ပေါ်တူဂီလိဂ် ၂ ကလပ်၊ Penafiel FC မှာကစားနေတဲ့သူ့ညီ အန်ဒရီဆေးလ်ဗား (25နှစ်) လည်း အသက်ဆုံးရှုံးခဲ့ပါတယ်။

တစ်ကမ္ဘာလုံးကလီဗာပူးပရိတ်သတ်တိုင်းနဲ့အတူ ထပ်တူဝမ်းနည်းရပါတယ် ….

စောလွန်းပါတယ် ဂျိုတာရေ၊ အမြဲအမှတ်ရနေမှာပါ ….

01/07/2025

အန်သွန်နီဂေါ်ဒွန်နဲ့ပတ်သက်ရင် သူ့ကိုဒီထက်အများကြီးပိုဖြစ်စေချင်သေးတယ်။ အဓိကကတော့ ဒီကောင်လေးကို အသင်းကြီးတစ်သင်းနဲ့ တွဲမြင်ချင်မိတာ။ လက်ရှိမှာ အသက် 24 နှစ်၊ ဒီထက်ပိုမြင့်တဲ့နေရာတစ်ခုဆီ တက်လှမ်းဖို့အကောင်းဆုံးအချိန်ပဲ။ ဂေါ်ဒွန်မှာက ပင်ကိုယ်အရည်အသွေးကောင်းတွေ ထုထည်ကြီးကြီးမားမားကိုရှိတယ်။ အဲဗာတန်မှာကတည်းက သူ့ရဲ့ပုံစံကိုသဘောကျခဲ့ရတယ်။ နယူးကာဆယ်မှာ ပိုကောင်းတဲ့ဂေါ်ဒွန်ဖြစ်လာတယ်။ ဂေါ်ဒွန်က inverted winger စစ်စစ်၊ လိုအပ်ရင် no.10 role နဲ့ striker နေရာတွေမှာလည်းကစားနိုင်တယ်။ ဘယ်တောင်ပံကနေ အရှိန်အဟုန်နဲ့ဘောလုံးသယ်လာမယ်၊ အတွင်းကိုချိုးဝင်ပီး ပြိုင်ဖက်ကိုအန္တရာယ်ပေးမယ်၊ left inverted winger ကတော့ ဂေါ်ဒွန်ရဲ့ကြောက်စရာအကောင်းဆုံးဗားရှင်းပဲ။ ဂိုးကန်သွင်းတာတွေကောင်းတယ်၊ ball carrying၊ dribbling တွေမှာလည်း အရမ်းကောင်းတဲ့ကစားသမားပါ။

ဂေါ်ဒွန်နဲ့ပတ်သက်ရင် ထင်ရှားတဲ့အချက်က work rate နဲ့ pressing power အရမ်းကောင်းတာ။ pressing လုပ်တဲ့နေရာမှာ ဂေါ်ဒွန်ကဉာဏ်အရမ်းသုံးတယ်၊ သူပစ်မှတ်ထားတဲ့ကစားသမားကိုဖိအားပေးတာမျိုးအပြင် သူ့ပစ်မှတ်ကစားသမားဆီကထွက်မဲ့၊ အဲ့ကစားသမားဆီကိုလာမဲ့ passing lane တွေကို ကြိုတင်တွက်ဆပီးလိုက်ပိတ်နိုင်တယ်။ ကစားပွဲထဲမှာဂေါ်ဒွန်ရဲ့ pressing ကိုမိနစ် ၉၀ လုံးအမှားအယွင်းမရှိ တောင့်ခံနိုင်ဖို့က အတော်လေးခက်ပါတယ်၊ နယူးကာဆယ်ပွဲကြည့်ဖြစ်တဲ့သူတွေဆို ဒါကိုကောင်းကောင်းသိလိမ့်မယ်။ ကျွမ်းကျင်သူတွေကတော့ အန်သွန်နီဂေါ်ဒွန်ကို pressing လုပ်တဲ့နေရာမှာ တကယ့် ‘workhorse’ ပဲဆိုပီးသုံးနှုန်းကြတယ်။ ကစားပုံအရမ်းပါးနပ်သလို ကျဉ်းထဲကြပ်ထဲအခြေအနေတွေမှာတောင် အတော်လေးလုပ်နိုင်စွမ်းမြင့်တဲ့ ကစားသမားပါ။ မှန်ကန်တဲ့ဆုံးဖြတ်ချက်တွေနဲ့အတူ အနာဂတ်ခရီးလမ်းကို သေသပ်ကောင်းမွန်စွာ ဆက်လက်လျှောက်လှမ်းနိုင်ပါစေ အန်သွန်နီဂေါ်ဒွန် ….

30/06/2025

ဂျာအိုပတ်ဒရိုဟာ ဘရိုက်တန်မှာတရိပ်ရိပ်တက်လာတဲ့ ကစားသမား။ ပြိုင်ဖက်တွေအတွက် တဖြည်းဖြည်းအန္တရာယ်ကြီးလာတဲ့ ကစားသမားဆိုလည်းမမှားဘူး။ ချဲလ်ဆီးက ဂျာအိုပတ်ဒရိုကို တစ်ရက်ထဲသတင်းထွက်ပီး တစ်ရက်ထဲခေါ်သွားတာတော့ အတော်လေးမိုက်တယ်ပြောရမယ်။ ဘယ်ချိန်ကတည်းက ဆွေးနွေးနေလဲဆိုတာမသိနိုင်လို့ ဒါကတော့ထားပါ။ ဒါပေမဲ့ ဒီခေါ်ယူမှုက ချဲလ်ဆီးတိုက်စစ်ပိုင်းအတွက် အကျိုးရှိလိမ့်မယ်လို့ ယေဘုယျသုံးသပ်လို့ရတယ်။ အဓိကကတော့ ဂျာအိုပတ်ဒရိုကစားတဲ့ role နဲ့ function တွေက လက်ရှိချဲလ်ဆီးတိုက်စစ်ပိုင်းမှာရှိနေတဲ့ ဘယ်ကစားသမားနဲ့မှ မတူညီပါဘူး။ 9.5 player ဖြစ်ပီး မာရက်စ်ကာက သူ့အသင်းမှာဒီလိုပုံစံကစားနိုင်တဲ့ ကစားသမားတစ်ယောက်ကို လုံးဝလိုချင်နေတယ်ဆိုတာ ပြီးခဲ့တဲ့ရာသီကတည်းက မြင်ရပါတယ်။ အန်ကွန်ကူကို သုံးကြည့်ပေမဲ့ အဆင်မပြေတာကြောင့် ဂျာအိုပတ်ဒရိုကိုရအောင်ခေါ်ခဲ့ပုံပါ။ ဒါကြောင့် ဂျာအိုပတ်ဒရိုကို ရုတ်တရက်ထခေါ်တာမျိုးမဟုတ်ပဲ အစောကြီးထဲက plan ရှိထားပီးသားပုံစံထင်ပါတယ်။

သေချာတာကတော့ ဂျာအိုပတ်ဒရိုကြောင့် ချဲလ်ဆီးတိုက်စစ်ပိုင်းရဲ့ squad depth ကအတော်လေးကြောက်စရာကောင်းသွားတယ်။ ရွေးချယ်စရာများသွားမယ်၊ ကစားသမားတစ်ယောက်ချင်းစီရဲ့ ကစားနိုင်တဲ့ function တွေမတူတာကြောင့် ပြိုင်ဖက်တွေအတွက် မှန်းဆရခက်သွားနိုင်ပါတယ်။ ဂျာအိုပတ်ဒရိုက ဘောလုံးကိုင်တွယ်ပုံကောင်းတယ်၊ တည်ငြိမ်တယ်။ အဓိကသဘောကျမိတာက နည်းစနစ်ပိုင်းအရမ်းကောင်းပီး ပါးပါးနပ်နပ်နဲ့ ဉာဏ်သုံးကစားတတ်တာ။ movement တွေ၊ positioning တွေမှာ သူ့ရဲ့ဉာဏ်ရည်ကို ကောင်းကောင်းမြင်ရတယ်။ ကစားပွဲထဲမှာ movement တွေအများကြီးလုပ်နေတတ်ပီး ပြိုင်ဖက်တွေအတွက် မှန်းဆရခက်တဲ့ကစားသမားမျိုးပါ။ drop deep တွေ၊ build up play တွေဆိုလည်း အတော်လေးအဆင့်တန်းမြင့်ပီး ဖာမီနိုလို 9.5 ဖြစ်မလာနိုင်ဘူးလို့ ပြောလို့မရပါဘူး။ dribbling ကောင်းတယ်၊ pace ရှိပီး တွန်းတွန်းတိုက်တိုက်ကစားနိုင်ပါတယ်။ ဂျာအိုပတ်ဒရိုသာ ချဲလ်ဆီးမှာအံဝင်ခဲ့ရင် ချဲလ်ဆီးတိုက်စစ်က သေချာပေါက်နောက်တစ်ဆင့်ရောက်သွားပါလိမ့်မယ် ….

(Premium Content တွေတင်မဲ့ ကျွန်တော်တို့ရဲ့ Telegram Channel ကိုလည်း Subscribe လုပ်ထားပေးပါဦး)

https://t.me/TFA_Myanmar

21/06/2025

ကျွန်တော်လက်လှမ်းမီခဲ့တဲ့ ဘရာဇီးဘောလုံးမျိုးဆက်မှာဆိုရင် သီယာဂိုဆေးလ်ဗားကို ဘက်ပေါင်းစုံကနေ သဘောကျရတယ်။ အဓိကကတော့ သီယာဂိုဆေးလ်ဗားက အနေအေးတာ၊ ပကာသနမမက်ဘူး၊ ကွင်းတွင်းစွမ်းဆောင်ရည်ကိုအာရုံစိုက်သလောက် ကွင်းပြပကျော်ကြားမှုတွေကို အာရုံမရှိတဲ့သူ။ အပျော်အပါးတွေထက် မိသားစုနဲ့အချိန်ကုန်ဆုံးရတာကို သဘောကျတဲ့သူမျိုးပေါ့။ ဘရာဇီးသားတွေဆိုတာ အားလုံးသိတဲ့အတိုင်း ဘောလုံးအရည်အသွေးကောင်းသလောက် အပျော်အပါးမက်တယ်၊ လွတ်လပ်တဲ့ပုံစံတွေကို သဘောကျကြတယ်။သူတို့ရဲ့အပျော်အပါးမက်တဲ့ပုံစံကပဲ သူတို့ရဲ့ကစားသမားဘဝက ရောက်သင့်သလောက်မရောက်ဘူး။ သီယာဂိုဆေးလ်ဗားကတော့ ဒီလိုပုံစံတွေနဲ့လုံးဝဆန့်ကျင်ဖက်။ ဘောလုံးကစားဖို့တစ်ခုတည်းအတွက်ပဲ ရှင်သန်နေတဲ့သူ။

အသိအမှတ်ပြုခံရတာ၊ ထင်ပေါ်တာတွေ သူမမက်ဘူး၊ သူ့အလုပ်သူလုပ်တယ်။ ရော်နယ်ဒို၊ မက်ဆီ၊ မိုဒရစ်တို့ ဒီအသက်အရွယ်တွေရောက်တဲ့အထိ ဘယ်လိုတွေကစားပြနေတုန်းဆိုတဲ့ စကားဖောင်ဖွဲ့မှုတွေမြင်တိုင်းကြားတိုင်း သီယာဂိုဆေးလ်ဗားကိုလည်း သတိရမိတယ်။ အသက် 36/37 ပတ်ဝန်းကျင်နဲ့တောင် ပရီးမီးယားလိဂ်လိုနေရာမျိုးမှာ အရေးပါတဲ့အခန်းကဏ္ဍကနေ ကစားပြခဲ့တဲ့ကစားသမား။ ဟိုရက်ကကလပ်ကမ္ဘာ့ဖလား ဒေါ့မွန်နဲ့ဖလူမီးနန့်စ်ပွဲကြည့်ဖြစ်တော့လည်း physical အရမ်းမလိုက်နိုင်တော့ပေမဲ့ သူ့ရဲ့ဉာဏ်ရည်နဲ့အတွေ့အကြုံတွေကလာတဲ့ movement နဲ့ positioning တွေ၊ space တွေကို recover လုပ်နိုင်တာတွေနဲ့ ဦးဆောင်နိုင်တာတွေက ကစားပွဲထဲမှာ အတော်လေးတန်ဖိုးရှိတယ်။ ခံစစ်ဘယ်လိုကစားရတယ်ဆိုတဲ့ဗီဇကို သီယာဂိုဆေးလ်ဗားဆီကမြင်နေရတုန်းပါပဲ ….

17/06/2025

ရာကီတစ်ဟာ ရိုးရှင်းတယ်၊ သေသပ်တယ်၊ ထိရောက်တယ်။ ကစားပွဲထဲမှာ ဉာဏ်ရည်အရမ်းမြင့်သလို လုပ်အားနှုန်းလည်း အတော်လေးကောင်းတဲ့သူ။ ဉာဏ်ရည်နဲ့လုပ်အားနှုန်းကို အချိုးကျပေါင်းစပ်ကစားနိုင်တဲ့ကစားသမား။ ဒီလိုကစားသမားမျိုးတွေက သိပ်ကိုရှားတယ်။ ကစားပွဲထဲမှာ ပြေးလွှားနေနိုင်တယ်၊ ပြိုင်ဖက်တွေကို ခုခံတယ်၊ အသင်းဖော်တွေအတွက် ဖာထေးပေးတယ်၊ ဉာဏ်ရည်မြင့်လှုပ်ရှားမှုတွေ ပြုလုပ်တယ်၊ သူလုပ်နိုင်တာအားလုံးကို မခိုမကပ်လုပ်လေ့ရှိတယ်။ ကစားပွဲထဲမှာ သက်ရောက်မှုကြီးသလောက် ထင်ပေါ်မှုမရှိတဲ့ကစားသမားမျိုးတွေ။ ရာကီတစ်တို့လို ကစားသမားတွေရဲ့တန်ဖိုးက မြင်အောင်ကြည့်မှမြင်ရတာမျိုးပါ။

ရာကီတစ်နဲ့ပတ်သက်ရင် အင်တာဗျူးတစ်ခုမှာ မော်ရင်ဟိုပြောဖူးတာလေး သဘောကျမိတယ်။ မော်ရင်ဟိုဆိုတာကလည်း သိတဲ့အတိုင်းပဲ၊ စကားလုံးတစ်လုံဆို ဆိုသလောက် တာသွားအောင်ပြောနိုင်တဲ့သူ။ မော်ရင်ဟိုက “ရာကီတစ်က social media ကျွမ်းကျွမ်းကျင်ကျင်သုံးတတ်ဖို့ သင်သင့်တယ်(ရယ်လျက်)။ အဲ့အရာတွေက ဒီအချိန်မှာအရမ်းကိုအရေးပါနေတယ်။ လူတွေက social media မှာထင်ပေါ်တဲ့သူတွေကို ကောင်းကောင်းသိ၊ ကောင်းကောင်းမှတ်မိကြတယ်။ ရာကီတစ်က အဲ့အပိုင်းတွေမှာ ကျွမ်းကျင်ပုံမရဘူး၊ ဒါပေမဲ့ ကစားပွဲထဲမှာတော့ ဒီလူ့ရဲ့ကျွမ်းကျင်မှုက တကယ့်ထိပ်တန်းပဲ” လို့ပြောခဲ့ဖူးတယ်။ မော်ရင်ဟိုရဲ့စကားတွေက ထိမိလွန်းတယ်။ လွန်ခဲ့တဲ့ ၁၀စုနှစ်လောက်အတွင်း underrated ဆိုတဲ့စကားလုံးအကြောင်း ပြောကြရရင် ရာကီတစ်ဟာ ထိပ်ဆုံးတစ်နေရာမှာ သေချာပေါက်ရှိနေပါလိမ့်မယ် ….

13/06/2025

ကိုးပယ်လ်မာကိုကြည့်ပီး ခံစားမိတာပြောပါဆိုရင် တည်ငြိမ်လွန်းတယ်၊ သွေးအေးလွန်းတယ်၊ တိကျလွန်းတယ်လို့ပဲ အရင်ဆုံးပြောမိလိမ့်မယ်။ ကစားပွဲထဲက ပယ်လ်မာကိုကြည့်ရတာ သက်သောင့်သက်သာဖြစ်လွန်းတယ်။ ဘောလုံးနဲ့အတူ ရွေ့လျားပုံတွေ၊ ကျဉ်းထဲကြပ်ထဲလှုပ်ရှားပုံတွေ၊ ဆုံးဖြတ်ချက်တွေမှာ ပယ်လ်မာက တည်ငြိမ်လွန်းတယ်။ no.10 role နဲ့ wide position တွေမှာကစားရတာကိုသဘောကျတဲ့သူ။ အဓိကသဘောကျမိတာက ကစားပွဲထဲမှာ ပယ်လ်မာဆီက ဂိုးနဲ့နီးစပ်တဲ့ခံစားချက်မျိုးရတာ။ ကိုယ်တိုင်အဆုံးသတ်နိုင်သလို အသင်းဖော်တွေကို တိတိကျကျဖန်တီးပေးနိုင်တဲ့ကစားသမားမျိုး။

ဉာဏ်သုံးပီး ကစားတယ်၊ သူ့ရဲ့ off the ball movement တွေနဲ့ space ရှာနိုင်တာတွေမှာ သူ့ရဲ့ဉာဏ်ရည်ထက်မြက်မှုကို အထင်းသားမြင်ရတယ်။ vision အတော်လေးကောင်းတယ်၊ ပြိုင်ဖက်ခံစစ်တန်းကြားက space တွေနဲ့ ပြိုင်ဖက်ခံစစ်တန်းနောက်က space တွေကိုကောင်းကောင်းမြင်နိုင်ပီး အဲ့ space တွေဆီလှမ်းလှမ်းပေးတဲ့ သူ့ရဲ့ pass တွေ၊ through ball တွေက ပြိုင်ဖက်တွေအတွက် တကယ်အန္တရာယ်ကြီးပါတယ်။ technically၊ pressing၊ dribbling အားလုံးကောင်းပီး ပယ်လ်မာရဲ့ခြေထဲက ဘောလုံးလုယူဖို့ခက်ခဲပါတယ်။ defensive contribution နဲ့ crossing ပိုင်းတွေအားနည်းပေမဲ့ သူ့ရဲ့ playing style နဲ့ ကစားရတဲ့ role အရဆို ဒီအားနည်းချက်တွေက လက်ခံပေးလို့ရပါတယ်။ ဘာပဲဖြစ်ဖြစ်တော့ ချဲလ်ဆီးက ပယ်လ်မာကိုရလိုက်တာဟာ ချဲလ်ဆီးအနာဂတ်ကို ရလိုက်သလိုပါပဲ ….

09/06/2025

ဒီအသက်အရွယ်မှာ ဒီလိုအနေအထားမျိုးနဲ့ ကစားနိုင်နေသေးတာ ရော်နယ်ဒိုလောက်ပဲရှိမယ်ထင်တယ်။ အသက် ၄၀ အရွယ်နဲ့ သူ့ရဲ့သက်ရောက်မှုနဲ့ပါဝင်မှုက လက်ရွေးစင်အသင်းမှာ ကြီးမားနေတုန်း။ ရော်နယ်ဒိုနဲ့ပတ်သက်ရင် ယူနိုက်တက်မှာ တကျော့ပြန်လာကစားတဲ့အချိန်တွေတုန်းက ရော်နယ်ဒိုကြောင့် နည်းပြကစားချင်တဲ့ကစားကွက် ကစားလို့မရဘူးဆိုတဲ့အသံတွေကို အတော်လေးသဘောမတွေ့ခဲ့ဘူး။ ဘယ်လိုတွေမြင်ပီး ဘယ်လိုပြောကြလဲမသိပေမဲ့ လုံးဝမဆိုင်တဲ့အရာတွေ။ ရော်နယ်ဒိုဟာ အသက်အရွယ်ကြောင့် အရင်လို range ကြီးကြီးမလှုပ်ရှားနိုင်တော့ပေမဲ့ အကွာအဝေးအတိုလေးအတွင်း လှုပ်ရှားမှုတွေမှာတော့ ရော်နယ်ဒိုဟာရော်နယ်ဒိုဖြစ်နေတုန်း။ ပြောရမယ်ဆိုရင် အကောင်းဆုံးတိုက်စစ်မှုးတစ်ယောက်ဖြစ်နေတုန်းလို့တောင်ပြောလို့ရပါတယ်။

သူ့ရဲ့နေရာလွတ်တွေကို နားလည်နိုင်မှုတွေ၊ ဉာဏ်ရည်မြင့်လှုပ်ရှားမှုတွေက ဘယ်လောက်အန္တရာယ်ပေးနိုင်သေးလဲဆိုတာ သေချာကြည့်ရင်မြင်နိုင်တယ်။ အထူးသဖြင့် ပြိုင်ဖက်ဧရိယာထဲ ဘောလုံးလမ်းကြောင်းကြိုတင်တွက်ဆပီး လှုပ်ရှားမှုတွေတွေမှာ အတိတ်ကရော်နယ်ဒိုရဲ့အငွေ့အသက်တွေကို ခံစားနေရတုန်းပဲ။ အနီးစပ်ဆုံး ဂျာမဏီနဲ့ဆီမီးဖိုင်နယ်ပွဲ၊ စပိန်နဲ့ဖိုင်နယ်ပွဲတွေမှာ ရော်နယ်ဒိုရဲ့ကြောက်စရာကောင်းမှုက သေချာကြည့်ရင်မြင်ပါလိမ့်မယ်။ သူ့ရဲ့ off the ball movement တွေက ပြိုင်ဖက်ခံစစ်တန်းတွေကို ဖရိုဖရဲဖြစ်စေခဲ့ပီး ပေါ်တူဂီရဲ့နေးရှင်းလိဂ်အောင်ပွဲမှာ အဓိကကျခဲ့ပါတယ်။ တခြားနိုင်ငံအသင်းကြီးတွေမှာ ထိပ်တန်းတိုက်စစ်မှုးစစ်စစ်တွေရှားပါးနေချိန် ရော်နယ်ဒိုကတော့ အသက် ၄၀ ဆိုသည့်တိုင် သူ့ရဲ့တည်ရှိနေမှုက ပေါ်တူဂီအတွက်အရေးပါနေတုန်းပါပဲ ….

06/06/2025

ညကစပိန်နဲ့ပြင်သစ်ပွဲကို သေချာစောင့်ကြည့်ဖြစ်တယ်။ ပြိုင်ပွဲကြီးတစ်ခုမဟုတ်ပေမဲ့ ကြည့်ကောင်းလွန်းခဲ့တဲ့ ဆီမီးဖိုင်နယ်တစ်ခုပါပဲ။ ကျွန်တော်အတွက်က UEFA ရဲ့ Nations League ဆိုပီး စပေါ်လာကတည်းက ဒီပြိုင်ပွဲဟာ ကစားသမားတွေအတွက် အနားယူရမဲ့အချိန်အနားမယူရတဲ့ အဓိပ္ပာယ်မရှိတဲ့ပြိုင်ပွဲလို့ယူဆပီး အာသီသသိပ်မရှိခဲ့ဘူး။ အခုလည်း ဒီလိုပဲ၊ ဆီမီးဖိုင်နယ်ရယ်လို့တောင် သတိမထားမိခဲ့ပါဘူး။ ဒါပေမဲ့ ယာမယ်လ်ရဲ့ပွဲကြိုစကားတစ်ခွန်းကို သဘောကျပီး ညကပွဲကိုဂရုတစိုက်စောင့်ကြည့်ဖြစ်တယ်ဆိုပါတော့။ “လူတွေက ကြာသပတေးနေ့ပွဲကို Ballon d’Or အတွက် အဆုံးအဖြတ်လို့ပြောနေကြတာလား၊ ဒါဆိုလည်း ကြည့်ကြတာပေါ့ဗျာ” တဲ့၊ 17နှစ်သားတစ်ယောက်ဆီက ဘယ်လောက် smart ဖြစ်တဲ့စကားလဲ။

ဒီစကားမှာ သူဘာလုပ်နိုင်လဲဆိုတာနဲ့ သူကိုယ့်သူယုံကြည်ချက်အပြည့်ရှိတဲ့ပုံစံမျိုးမြင်ရတယ်။ ပြင်သစ်တိုက်စစ်ကစားသမားတွေရဲ့ individual brilliance ကတော်တော်လေးကြောက်ဖို့ကောင်းပါတယ်၊ ဒါပေမဲ့ ယာမယ်လ်ကပိုကြောက်ဖို့ကောင်းပါတယ်။ ကစားပွဲထဲမှာရှိတဲ့ကစားသမားအားလုံးထက် တဆင့်ပိုမြင့်နေတဲ့ ခံစားချက်မျိုးကို ယာမယ်လ်ကပေးတယ်။ ယာမယ်လ်ခြေထဲဘောလုံးရောက်ပီဆိုရင် တစ်ခုခုလုပ်ပြတော့မယ်ဆိုတဲ့ ခံစားချက်မျိုးကိုရနေတာ။ သူ့ရဲ့ potential ကအများကြီးကျန်သေးတယ်။ အနာဂတ်မှာ မက်ဆီ၊ ရော်နယ်ဒိုတို့လိုဖြစ်မလား၊ သူ့တို့ထက်ပဲသာမလား ပြောလို့မရသေးပေမဲ့ ဒီအသက်အရွယ်အပိုင်းအခြားမှာ မက်ဆီနဲ့ရော်နယ်ဒိုတို့တောင် ယာမယ်လ်လောက်မကောင်းပါဘူး။ ‘Football is Art’ ဆိုတာ ယာမယ်လ်နဲ့မှ ပိုမိုအဓိပ္ပာယ်ရှိသွားတာမျိုးပါ ….

(Premium Content တွေတင်မဲ့ ကျွန်တော်တို့ရဲ့ Telegram Channel ကိုလည်း Subscribe လုပ်ထားပေးပါဦး)

https://t.me/TFA_Myanmar

29/05/2025

ကွန်ညာကပြီးခဲ့တဲ့ရာသီကတည်းက ဝုဗ်မှာထင်ထင်ပေါ်ပေါ် စဖြစ်နေတာပါ။ ပြီးခဲ့တဲ့ရာသီကတည်းက ဝုဗ်ရဲ့ကစားပွဲတွေမှာ သူ့ရဲ့ခြေစွမ်းကအထင်ပေါ်ဆုံးဖြစ်နေတယ်ဆိုပါတော့။ ကွန်ညာရဲ့ကစားပုံက aggressive ဖြစ်တယ်။ physical အားပြုကစားပီး စိတ်ဓာတ်ပြင်းပြတဲ့ကစားပုံမျိုးမြင်ရတယ်။ မခိုကပ်ဘူး၊ တွန်းတွန်းတိုက်တိုက်ရှိတယ်။ 1v1 ဆိုသူနဲ့ physical ယှဉ်ဆော့ဖို့မလွယ်ဘူး။ ယူနိုက်တက်မှာ လိုအပ်နေတာကလည်း ဒီလိုကစားပုံမျိုးနဲ့ကစားသမား။ ယူနိုက်တက်က ပြိုင်ဘက်တွေနဲ့ တွန်းတွန်းတိုက်တိုက်ယှဉ်ဆော့ပီဆို အမြဲအရေးနိမ့်လေ့ရှိတယ်။ ကွန်ညာကိုခေါ်ယူနိုင်ခဲ့တာက အကျိုးရှိပီးလက်တွေ့ဆန်တဲ့ခေါ်ယူမှုမျိုးလို့ ကျွန်တော်ကတော့မြင်တယ်။ ကွန်ညာကတိုက်စစ်မှာ versatile အရမ်းဖြစ်တယ်။ တိုက်စစ်မှာ နေရာစုံကစားနိုင်တယ်။

သွင်းဂိုးတွေအတွက်ပဲ တိုက်ရိုက်ဦးတည်ကစားတဲ့ ကစားသမားဖြစ်ပီး ဖန်တီးမှုရော၊ ကိုယ်တိုင်ဂိုးသွင်းနိုင်တာရောက သဘောကျဖို့ကောင်းတယ်။ ကွန်ညာနဲ့ပတ်သက်ရင် နောက်ထပ်သဘောကျမိတာတစ်ခုက progressive ball carrier တစ်ယောက်။ progressive carrier ဆိုတာက ဘောလုံးနဲ့အတူဆွဲပြေးလာပီဆိုရင် ပြိုင်ဖက်ကစားသမားတွေကို ကျော်ဖြတ်ပီး ပြိုင်ဖက်ခံစစ်တန်းကို ထိထိရောက်ရောက် အန္တရာယ်ပေးနိုင်တဲ့ပုံစံ။ ကွန်ညာဆီမှာ ဒါကိုကောင်းကောင်းတွေ့ရတယ်။ ကစားပွဲထဲမှာ သူ့ရဲ့ trade mark တွေထဲက တစ်ခုလို့တောင်ပြောလို့ရပါတယ်။ ယူနိုက်တက်မှာ progressive ball carrier မရှိဘူး၊ ကွန်ညာက ဒီလိုအပ်ချက်ကို ကောင်းကောင်းဖြည့်ဆည်းပေးလိမ့်မယ်။ creativity၊ press resistance အားလုံးထိပ်တန်းအဆင့်ရှိပီး အမော်ရင်ရဲ့ narrow winger system မှာကောင်းကောင်းအံဝင်မဲ့သူလို့ ယေဘုယျသုံးသပ်လို့ရပါတယ်။ အိုးထရက်ဖို့ဒ်ကို လာခြင်းကောင်းတဲ့သူဖြစ်ပါစေ ကွန်ညာ ….

The Football Arena - Myanmar

27/07/2025

07/07/2025

03/07/2025

03/07/2025

01/07/2025

30/06/2025

21/06/2025

17/06/2025

13/06/2025

09/06/2025

06/06/2025

29/05/2025

Address

Telephone

Website

Alerts

Contact The Business

Shortcuts

Share

Category