Sporty Cozy Space

14/08/2025

https://youtu.be/zYHzgwU6VPY?si=EMowQ7jgLVU-DHc0
🥹🥹🥹🥹

#စာအုပ်စာပေ #စာအုပ် #ရသ #ရသစာပေ #သုတရသ #သုတရသစာပေများ #စာတိုများ...

06/07/2025

Homesick 🥲

05/07/2025

အရေပြားပေါ်မှာ ရေးတဲ့ ကဗျာ
~~~~~~~~~~~~~~~~~~~

ကမ္ဘာ့ ချောင်ကြိုချောင်ကြား
အပြင်းဖျားတဲ့ တစ်နေ့
ကိုယ့်အရေပြား ကိုယ်စစ်ဆေးမိတော့

ဒါဟာ ပိုးသားကတ္တီပါ မဟုတ်
ကျွဲသားရေနဲ့ တူတဲ့
နေလောင်ခံ အရေပြား

အဲဒီ အရေပြားအောက်မှာ
ပရိုမိသယပ်စ် ရှိတယ်
စတီဖင် ဒက်ဒလပ် ရှိတယ်
စပါတာကတ် ရှိတယ်

အဲဒီ အရေပြားပေါ်မှာတော့
သစ္စာလေးပါး ရှိတယ်
ဘော့မာလီရဲ့ သီချင်းတွေ ရှိတယ်
အမာရွတ်တွေလည်း ရှိတယ်

တစ်ခါက အဲဒီ အရေပြားပေါ်မှာ
ကြက်ခြေခတ်ထားတဲ့ လက်ဖျံရိုးနှစ်ချောင်းနဲ့
ဦးခေါင်းခွံတစ်ခုပုံ
ဆေးမင်ကြောင်ထိုးဖို့ စီစဥ်ဖူးတယ်
ဒါပေမဲ့ မလုပ်ဖြစ်ခဲ့

တစ်ခါက အဲဒီအရေပြားကို
ကင်းဗက်စ်စ တစ်စလို သဘောထား
ပန်းချီကားတစ်ချပ် ရေးဖို့ စိတ်ကူးဖူးတယ်
သံဆူးကြိုးမှာ နားနေတဲ့ လိပ်ပြာတစ်ကောင်ပုံ

လှိုင်းလေ မငြိမ်သက်တဲ့ နေ့ရက်တွေမှာ
အဲဒီ အရေပြားကို ရွက်လွှင့်ပြီး
ပင်လယ်ရဲ့တံခါးကို ဖွင့်ကြည့်ဖူးတယ်

ခုတော့ နေပူထဲမှာ
အဲဒီ အရေပြားကို ဖြန့်ခင်း
စပ်ဖျင်းဖျင်း ကဗျာတစ်ပုဒ် ချရေးကြည့်မိတယ်။ ။

#လှသန်း

01/07/2025

“Help! Single since forever 💔😂”

30/06/2025

Rain🌧️

29/06/2025

အနေအထိုင်မတတ်မှုများ
--------------------------------------

ကြယ်တွေ မရိုးမရွ
ကောင်းကင် ကျိုးကျတော့မယ်
မြေကြီးကို ရွှေ့ထားရရင်ကောင်းမလား

ခေါင်းတိုင်က မီးခိုးလို
ပါးစပ်အဟောင်းတွေထဲက
အသံဟောင်းတွေ ပေါ်ထွက်လာ
နားတွေလည်း ညောင်းလှပါပြီ

လမ်းဆိုးလို့ ယာဉ်ပျက်တာ
ဘယ်သူ့ကို စွဲချက်တင်ရမလဲ
မျိုးဆက်တခုလုံး ချကျွေးခဲ့တာတောင်မှ
ရှေ့ရေးက မကောင်းနိုင်သေးဘူး

မာယာများတဲ့ မြက်ခင်းပြင်ပေါ်မှာ
ကျင်းစိမ်ဖို့ ကြိုးစားမိသူ ဂေါက်ရိုက်သမား
ဒါဟာ အပြစ်လို့ ခေါ်လို့ရရင်
အပြစ်တင်ခံပါ့မယ်
ကျူးလွန်ခဲ့သမျှမှာ
ထူးချွန်ဖို့ပဲ လိုအပ်တယ် ။

#လှသန်း
(ရနံ့သစ် ဇူလိုင် ၊ ၁၉၉၉)

28/06/2025

"သင်​သေသွား​သော်”

သြော် လူ့ပြည်လောက
လူ့ဘဝကား
အိုရ နာရ သေရဦးမည်
မှန်ပေသည်တည့်။

သို့တပြီးကား
သင်သေသွားသော်
သင်ဖွားသောမြေ ၊သင်တို့မြေသည်
အခြေတိုးမြင့်၊ ကျန်ကောင်းသင့်၏ ။

သင်၏အမျိုးသား၊စာစကားလည်း
ကြီးပွားတိုးမြင့်၊ကျန်ကောင်းသင့်၏။
သင်ဦးချ၍ ၊အမျှဝေရာ

စေတီသာနှင့်၊သစ္စာအရောင်
ဥာဏ်တန်ဆောင်လည်း
ပြောင်လျက်ဝင်းလျက် ကျန်စေသတည်း။

ဇော်ဂျီ
အိုးဝေမဂ္ဂဇင်း အတွဲ( ၅) အမှတ်( ၁)ဒီဇင်ဘာ ၁၉၃၅ ခုနှစ်။

23/06/2025

ကြွေလုနှင်းဆီ

နှင်းဆီကို မေမခူးတော့
နွဲ့ဆူးက လှောင်သလို။
သူ့ကိုပင် ကြောက်လို့လားတဲ့
တဖက်သား မခံချိအောင်
ပြုံးစိစိဆို။
ဘယ်ဟုတ်လိမ့် နှင်းဆီပျိုရယ်
သင်မို့လို့ ပြောင်လေအား။
ကြည့်စမ်း ဖြူလျော်လျော်နဲ့
ကြွေလု အခါတော်မို့
ဆွတ်ဖူးနော် သည်မေငြင်းတာပေါ့
ပြောင်စိတ်ကို ဇွတ်မသွင်းပါနဲ့
မင်း သတိထား။

ငွေတာရီ

🌹

15/06/2023

ဒီစာအုပ် မဖတ်ရသေးရင် ဖတ်စေချင်ပါတယ်
pdf link တွေလည်း ရှိတယ်
youtube မှာလည်း Audio book ရှိပါတယ်
စာဖတ်သူက အသက်ငယ်သေးရင်၊ အတွေးနုသေးရင်
တစ်ခေါက်နဲ့ နားမလည်ရင် နှစ်ခေါက်ဖတ်ပါ
နှစ်ခေါက်နဲ့ နားမလည်သေးရင်
အချိန်ကာလ အသက်ရွယ်တစ်ခု စောင့်လိုက်ပါ
ပြီးရင် ပြန်ဖတ်ကြည့်ပါ ❤️❤️❤️

11/06/2023

“အချစ်ဆိုတာ ဘယ်လောက်ပဲ စွမ်းအားကြီးမားတယ်လို့ ပြောကြပေမဲ့ လူတန်းစား ဘဝကိုတော့ မကျော်လွှားနိုင်ပါဘူး၊ ဓနရှင်နှင့် ဆင်းရဲသား၊ ပစ္စည်းရှိနှင့် ပစ္စည်းမဲ့ရယ်လို့ လူတန်းစားတွေရှိနေသမျှ ကာလပတ်လုံး အချစ်ဟာလည်း ဘဝတူတဲ့ လူချင်း လူတန်းစားတူတဲ့ လူချင်း ချစ်တဲ့ လူတန်းစား အချစ်ပဲရှိမှာပဲ”

, ဓားတောင်ကိုကျော်၍မီးပင်လယ်ကိုဖြတ်မည်

10/06/2023

ဒီတစ်ခါတော့ ကိုယ်ဖတ်ဖူးတဲ့
ဆရာ မောင်သာနိုးရဲ့ကဗျာ ဘာသာပြန် စာအုပ်ထဲက ကဗျာဟောင်းလေးကို လေ့လာလို့ ရအောင်
မျှဝေ ပေးလိုက်ပါတယ်နော်😉❤️☮️

ရေကန်သာ
…………………..

မောင်
တောင်ဖီလာ တောင်ခမောက်
တောင်အောက်က ရေကန်သာ
ချိုးမယ်လို့ လာ
ရေကန်က သာဘူး။
နတ်ရေကန် သာတဲ့ အင်း
ငါးနဲ့ မကင်း။
မယ်
တောင်ဖီလာ တောင်ခမောက်
တောင်အောက်က ရေကန်သာ
ချိုးမယ်လို့ လာ။
ချိုးမယ် လာ
ရေကန်က ရှုမငြီး၊
တောတောင်တွေ ပိတ်ကာ သန်းတယ်
လှမ်းခဲ့ မောင်ကြီး။
အမည်မသိရှေးစာဆို
အင်းလေး တိုက်တေးမှ

The Lake
……………………..

Boys
Hpila Hill and Khamauk Hill
below the hill is a pond
and I’ve come for a bathe,
Come for a bathe,
The pond is not very nice, though.
Heavenly pond, pleasant pond,
it’s not void of fish.
Girls
Hpila Hill and Hhsmauk Hill
below the hill is a pond
and you’ve come for a bathe,
Come for a bathe,
such a pleasant pond it is
you never tire of admiring it,
do come, elder brother!
Translated by
Maung Thar Noe

10/06/2023

❝ ဗေဒါလမ်း ❞

ညိုပြာပြာ လတာပြင်ခြေရင်း
လှိုင်းတက်ရာ ဗေဒါတက်၊ လှိုင်းသက်ရာဆင်း။
ဆင်းရလဲ မသက်သာ
အုန်းလက်ကြွေရေပေါလော၊ မျောစုန်လို့လာ
အဆင်းနဲ့အလာ၊ ဗေဒါမ အထွေး
အုန်းလက်ကြွေ သူ့နံဘေး၊ ဆောင့်ခဲ့ရသေး။
ဆောင့်ခဲ့လဲ မသက်သာ
နောက်တချီ ဒီတလုံးက၊ ဖုံးလိုက်ပြန်ပါ
မြုပ်လေပေါ့ ပေါ်မလာ၊ မဗေဒါအလှ
တလံကွာ လှိုင်းအကြွ၊ ပေါ်လိုက်ပြန်ရ။
ပေါ်ပြန်လဲ မသက်သာ
ချောင်းအဆွယ် မြောင်းငယ်ထဲက၊ ဘဲထွက်လို့လာ
ဘဲအုပ်မှာ တရာနှစ်ရာ၊ ဗေဒါက တပင်ထဲ
အယက်အကန်ခံလို့
ဗေဒါပျံအံကိုခဲ၊ ပန်းပန်လျက်ဘဲ။ ။

ဇော်ဂျီ - တက္ကသိုလ် အိုးဝေမဂ္ဂဇင်း