Peace Poems

26/07/2025

❝ ငါတို့ ကမ္ဘာကြီး ❞

🌐 ကမ္ဘာကြီးက လည်နေတယ်
ကမ္ဘာကြီး က ၂၃ ၁/၂ ဒီကရီစောင်းပြီးလည်နေတယ်။

🌐 ကမ္ဘာကြီးပေါ်မှာ ပန်းတွေပွင့်တယ်
ကမ္ဘာကြီးပေါ်မှာ စစ်ပွဲတွေဖြစ်တယ်။

🌐 ကမ္ဘာကြီးပေါ်မှာ ဟမ်ဘာဂါတွေ ရှိတယ်
ကမ္ဘာကြီးပေါ်မှာ ငတ်နေတဲ့ကလေးတွေရှိတယ်။

🌐 ကမ္ဘာကြီးပေါ်မှာ ဟစ်တလာရှိခဲ့တယ်
ကမ္ဘာကြီးပေါ်မှာ နာတန်ညာဟု ရှိနေတယ်။

🌐 ကမ္ဘာကြီးပေါ်မှာ ယူဂျင်း ပေါ်တီယာ ရှင်သန်ခဲ့တယ် ကမ္ဘာကြီးပေါ်မှာ ဂျွန်လင်နွန်ရှင်သန်ခဲ့တယ်။

🌐 ကမ္ဘာကြီးရဲ့မြေပုံဟာ အမြဲ ပြောင်းလဲ ပစ်တာ ခံနေရတယ်
တချို့နိုင်ငံအသစ်တွေပေါ်ထွန်းလာတယ် တချို့နိုင်ငံတွေပျောက်ကွယ်သွားတယ်

🌐 ကမ္ဘာကြီးပေါ်က လူတချို့မှာ နိင်ငံရှိတယ်
နေစရာအိမ်ရှိတယ်
တချို့ဟာ ကိုယ့်မွေးရပ်မှာပဲ နိုင်ငံမဲ့၊အိုးမဲ့အိမ်မဲ့ဖြစ်နေကြတယ်။

🌐 ကမ္ဘာကြီးကိုက ၂၃ ၁/၂ ဒီကရီစောင်းပြီး လည်နေတော့ ကမ္ဘာကြီးပေါ်က ကိစ္စတွေဟာ တဘက်စောင်းနင်းဖြစ်နေတာပဲ
ဖြစ်မှာပါလေဆိုပြီး တရားနဲ့ဖြေနေရတဲ့ ကမ္ဘာကြီး။

မျိုးတေဇာမောင် ၂၀၂၄ ၊ဇွန် (၄)

#ဘဝကိုရိုးသားစွာအသက်ဆက်ရှင်သန်နိုင်ပါစေ​

#မနက်ဖြန်တိုင်းမှာအပြုံးနဲ့ဆုံကြမယ်​​ 🫰😊 ​​ ✌️

08/04/2025

#နိုင်ငံတော်

19/02/2025

❝ နေ့ ❞
-----------------------------------------
မုသားတွေကို
အနံ့မထွက်ဘဲပြောဖို့
ကျွန်တော်တို့သွားတိုက်ကြတယ် ။

တစ်ယောက်ကိုတစ်ယောက်
မျက်နှာပြောင်ပြောင် ပြစ်မှားဖို့
ကျွန်တော်တို့ မျက်နှာသစ်ကြတယ် ။

ကာမဂုဏ်အမျိုးမျိုးနဲ့
ခေါက်ရိုးကျိုးနေတဲ့ ခန္ဓာကိုယ်ကြီးကို
ဆပ်ပြာတိုက်
ရေမိုးချိုး
ခေါက်ရိုးမကျိုးသေးတဲ့ အဝတ်အစားတွေ ဖုံးလွှမ်းပြီး
လမ်းမတွေပေါ်
ကျွန်တော်တို့ ထွက်ခွာလာကြတယ် ။

အို....
ကျက်သရေအပေါင်းနှင့် ပြည့်စုံသော ကမ္ဘာကြီး
မင်္ဂလာအပေါင်းနှင့် ပြည့်စုံသော မနက်ခင်း၌
သန့်ရှင်းသူတို့အား ကြိုဆိုလော့ ။ ။

▪မိုဃ်းဇော်

ပန်းအလင်္ကာမဂ္ဂဇင်း၊ ဇူလိုင်၊ ၂ဝဝ၈

#ဘဝကိုရိုးသားစွာအသက်ဆက်ရှင်သန်နိုင်ပါစေ

#မနက်ဖြန်တိုင်းမှာအပြုံးနဲ့ဆုံကြမယ်​ 🫰😊 ​ ✌️

06/09/2024

❝ တိုက်ပွဲတခုပဲ ❞ #မောင်ကြူးရင့်

🕊ငါ တို့ အတွက်
က ဗျာ ရေး ဖို့ နဲ့
က ဗျာ အ လုပ် လုပ် ဖို့ ဟာ လည်း
တိုက် ပွဲ တ ခု ပဲ....✡️

🕊ငါ တို့ အ တွက်
ငွေ စ လေး ရ ဖို့
ကျန်း မာ အောင် နေ ဖို့
အ သက် ရှင် သန် ဖို့ ဟာ လည်း
တိုက် ပွဲ တ ခု ပဲ....✡️

🕊ငါ တို့ အ တွက်
အ ရာ ရာ အ ဆင် ပြေ ဖို့ ဟာ လည်း
တိုက် ပွဲ တ ခု ပဲ....✡️

🕊ငါ တို့ အ တွက်
က ဗျာ ရွတ် ဖို့
ခ ရီး ထွက် ဖို့ ဟာ လည်း
တိုက် ပွဲ တ ခု ပဲ....✡️

🕊 ငါ တို့ အ တွက်
အိပ် ယာ နိုး တဲ့ အ ခါ
ငါ တို့ ရှိ သေး ရယ် လား လို့
ငါ တို့ မျက် နှာ ငါ တို့ စမ်း ကြည့် ရ တာ ဟာ လည်း
တိုက် ပွဲ တ ခု ပဲ....✡️

🕊ဒီ တိုက် ပွဲ တ ခု မှာ
ငါ တို့ လိပ် ပြာ လှ ဖို့ လို တယ်
ငါ တို့ မ ကျ ရှုံး ဖို့ လို တယ်
ငါ တို့ အ သက် ရှင် ဖို့ လို တယ်....✡️

#ဘဝကိုရိုးသားစွာအသက်ဆက်ရှင်သန်နိုင်ပါစေ

#မနက်ဖြန်တိုင်းမှာအပြုံးနဲ့ဆုံကြမယ်​ 🫰😊 ​ ✌️

08/08/2024

https://youtu.be/OLnIidxxtgU?si=Mw2Qj7sDVwDkdq3F

❝ အနာဂတ်အိမ်မက် ❞ #လုင်ပိုင်စိုး🩴တာရာဖိနပ်စီးတယ် အနာဂတ်အိမ်မက်ရှိတယ်🩴ရာဘာဖိနပ်စီးတယ် အနာဂတ်အိမ်မက်ရှိတယ....

05/08/2024

https://youtu.be/P9LZSaHeG8A?si=dHEpUBVVeZnQpiB8

❝ မျက်ရည်စက်ရုံ ❞ #မျိုးတေဇာမောင်----------🗯 နောက်တစ်ကြိမ် နှစ်ပတ်လည်အစီရင်ခံစာအရ မျက်ရည်စက်ရုံဟာ ထုတ်လုပ်မှုနှ.....

04/08/2024

❝ ကျွန်တော်နှင့်ကြယ်ကြွေသတို့သမီး ❞ #တာရာမင်းဝေ

~~~~~~~~~~~~~~~~~~~~~~~

■ မွေ့ရာပေါ်မှာ အိပ်မှ မဟုတ်ပါဘူး
ကျောက်လမ်းပေါ် အိပ်သူလည်း
နတ်သမီးအိပ်မက် မက်ခွင့်ရှိပါတယ်။

■ ချစ်ရသူတစ်ယောက်နဲ့သာ
ဘဝကို ရုန်းကန်ဖောက်ထွက်မယ် ဆိုရင်
ပိတ်ထားတဲ့ တံခါးအထပ်ထပ်လည်း
ဖျပ်ခနဲ ပွင့်သွားကြမှာပါပဲ။

■ မိုးပေါ်မှာ ငှက်တွေဟာ
အတောင်ပံနဲ့ လှော်ခတ်ကြ။

■ ပန်းဆိုတာ
သနပ်ခါးလိမ်းထားတဲ့
မြက်ပင်လှလှလေးတွေပါ။

■ လမ်းပေါ်မှာ လမ်းလျောက်နေတဲ့ ကျွန်တော်ဟာ
လှေကားထစ်က ဆင်းလာတဲ့ ချစ်သူကို
ဒဏ္ဏာရီလို ဖတ်လိုက်ရတာပါ။
(တစ်ရံရောအခါက .. လို့ စခဲ့ပေမယ့်
ယနေ့ထိတိုင် ရင်ထဲကို ငြိတွယ်နိုင်စွမ်းရှိလို့ပါပဲ....)

■ သာယာတဲ့လင်္ကာ စောင်းညှင်းနဲ့အတူ
မိုးပေါ်က အလင်းနတ်သမီးလေး
ဆင်းချလာသလိုပါပဲ
ကျွန်တော့်ရင်ကို ဆွတ်ပျံ့လှိုက်မောစေခဲ့တယ်။

■ သူ့ကို ချစ်မြတ်ရဲရင့်တဲ့
လူငယ်တစ်ယောက် အဖြစ်နဲ့
သူ့သမိုင်းမှာ ကျွန်တော် ပါဝင်ချင်တယ်။

■ နောင်ခေတ် အဆက်ဆက်က
လူတွေ ကမ္ဘာမြေကို ပြန်တူးဖော်တဲ့အခါ
ကျွန်တော့်ရင်ဘတ်ဟာ
သူ့အကြောင်းတွေ မှတ်တမ်းတင်ထားတဲ့
ခရမ်းပြာ ကျောက်စာတစ်ချပ် ဖြစ်ချင်တယ်။

■ ချစ်သူပါဝင်ခဲ့တဲ့
ကျွန်တော့်ရဲ့ ဂျစ်ပ်စီနေ့ရက်တွေဟာ
ရွှေရောင်တွေ ပေကျံတောက်ပနေခဲ့တယ်။

■ သူ့မျက်နှာကို အလင်္ကာလို ဖတ်ရင်း
ကျွန်တော် ချစ်ရတဲ့ လေညှင်းပေါင်းများစွာဟာ
ပန်းရနံ့သစ်ကို ဖွင့်လှစ်ယူဆောင်လာကြတယ်။

■ အဲလိုမျိုးပေါ့....

■ ကျွန်တော်ဟာ ဘဝမှာ
မရှုမလှ ပျော်ခဲ့ရဖူးပါတယ်။

■ စုတ်ပြတ်ဟောင်းနွမ်းတဲ့ ဂျာကင်ကို
တင်းတင်းဆွဲစေ့ရင်း
ရွှေမြို့ခေါင်ခေါင်မှာ ဒီကောင်ဟာ
တစ်တောင်တက် တစ်တောင်ဆင်းခဲ့တယ်။

■ ညများစွာ ဖျတ်ခနဲ မိုးလင်းသွားတော့
ကျွန်တော့်မှာ ကျိန်းစပ်လို့တောင်နေပါပြီ။

■ ချစ်သူကိုတော့ ဘယ်ဆီဘယ်ဝယ်
လိုက်မမှီခဲ့ပါဘူး။

■ နှင်းတွေ နှင်းတွေ
ဒီကောင့်ရဲ့ အိပ်မက်ဂူမှာ
တက်ကုန်ရွက်ကုန် ဝေလို့။

■ ချစ်သူ့လွယ်အိတ်ကလေးရဲ့ ခြူသံဟာ
ပန်းကျောင်းတကာတို့ရဲ့ ခေါင်းလောင်းပါပဲ။

■ ကိုယ့်ချစ်သူကို ချစ်တဲ့အကြောင်း
ရှေးလူတွေ ဘယ်လိုစာလုံးပေါင်းခဲ့သလဲ။

■ ကျွန်တော့်လက်ဖျားမှာ
သစ္စာတွေ မီးပွင့်ထွက်တော့မယ်။

■ အချစ်ဆိုတာ
နေနဲ့လမှာ ပန်းဘာသာနဲ့
ရေးထိုးထားတဲ့
အလျှို့ဝှက်ဆုံး အက္ခရာတစ်လုံးပါပဲ။

■ ဒီကောင်သာ မိုက်ကန်းရဲတင်း
မမြင်မချင်း ဖတ်ချင်ခဲ့မိပါတယ်။

■ ရှိရှိသမျှ သစ်ပင်တွေအားလုံး
တဝုန်းဝုန်း လဲပြိုနေတဲ့ တောအုပ်ကို
မီးတစ်ဆုပ်နဲ့သာ
လှမ်းပက်လိုက်ပါတော့ တန်ခိုးရှင်။
■ ရပ်တန့်ခြင်းနဲ့ မခိုင်မာရင်
လှဲပြီးသာ နေလိုက်ချင်တာ
ကျွန်တော့်ရဲ့ သဘာဝပါ။

■ သူ့ကို မြတ်နိုးမိကတည်းက
ကိုယ့်ကိုကိုယ် မှင်နီပြန်တားရင်း
ရင်ထဲမှာ ရဲဗလောင်းခတ်နေခဲ့ပါပြီ။

■ သူ့ကိုချစ်လို့ သီဝရီအသစ်တွေနဲ့
ပြန်ဆောက်ထားတဲ့လူ။

■ လေးကိုင်းမှာ စောင်းကြိုးအသွယ်သွယ် တပ်ပြီး
မြှားပလိုင်းမှာလည်း ပန်းတွေကို
အပြည့်အမောက် ထည့်ခဲ့မိပေါ့။

■ အဲသလိုနဲ့ မှော်တောင်ခါးပန်းမှာ
ချစ်သူကို လွမ်းရင်း
နေပျော်ခဲ့ပါပြီ။

■ လရောင်ဟာ
မှောင်တဲ့ညမှာမှ ပိုလင်းသလိုမျိုး
အဲဒီ့မိန်းကလေးကိုမှ
ကျွန်တော်က ဖြေမရဖျောက်မရ
ရူးသွပ်လှပစွာ ချစ်ခဲ့တယ်။

■ အန္ဓတို့ရဲ့ ပုရပိုဒ်မှာတော့
ကျွန်တော်ဟာ
ဓါးသွားကိုကိုက်တဲ့ လူမိုက်ဖြစ်တယ်။

■ ရံဖန်ရံခါတော့လည်း
ရယ်ရွှန်းပက်ရွှန်းနဲ့
ကျွန်တော် နစ်မွန်းခဲ့တာတွေကို
ပြောပြချင်ပါသေးတယ်။

■ တောင်းလို့ရမယ်ဆိုရင်
တောင်းလို့ရမယ့် လျော်ကြေးအတွက်
သူ့ရှေ့ မှာ ကျွန်တော့်လက်ဖဝါးတွေ
ဖြန့်ထားချင်ပါတယ်။

■ ဘာကြေးလဲ ဘာပေးမလဲ
ကျွန်တော် သူ့ကိုတိုးတိုးလေး မေးချင်ပါတယ်။

■ စွန့်လွှတ်စိတ်နဲ့ ချစ်ခဲ့ပေမယ့်
ဖြစ်နိုင်မယ်ဆိုရင်
ပိုင်ဆိုင်ချင်တာ တကယ်ပါ။

■ ကောင် မ လေး ရယ်
ငါနင့်ကို စကားတစ်လုံးတောင် မညာရက်ပါဘူး။

ငါလေ .. ငါ

■ မြောက်ပြန်လေကတော့
ရွှေရောင်တွေ ရိုင်းရိုင်း မှုတ်ထုတ်ရင်း
ဆောင်းပန်းပုရုပ်ကို ပုံဖော်ဆဲပါ
မိသံလွင်....။

■ ငါ့ရဲ့ လာရာလမ်းမှာ မင်းကို လွမ်းရင်း
လခြမ်းတွေ ရှုပ်ရှက်ခတ်အောင်
ကြွေခဲ့ဖူးတယ်ဆိုတာ မင်းယုံပါ။

■ ဆံနွယ်ခက်ကလေးကို သပ်တင်လိုက်ပါဦး
သံလွင်ရယ်....။

■ ချီချီကြွကြွဖြစ်နေတဲ့ ငါ့ဥယျာဉ်ထဲက
မီးတစ်ရုံနှစ်ရုံကို မျက်တောင်ကလေး
ယိမ်းပင့်လှုပ်ခတ်လိုက်ရုံမျှနဲ့
မင်းက ငြိမ်းသတ်နိုင်ပါတယ်။

■ ဘယ်ဘဝက ဝဋ်ကြွေးလဲ မိသံလွင်
ဒီဘဝမှာကော ဘာတွေပြီးရင်
ဘာတွေငါ ထပ်ပေးရဦးမလဲ။

ကြောက်ပြလည်း ရှုံးမယ့်အတူတူတော့
ငါ 'ရဲ' ပါရေစလား။

■ ငါဟာ မငိုတတ်ပေမယ့်
ဝမ်းနည်းစရာရှိရင်တော့
ဝမ်းနည်းတတ်တဲ့
သာမန်လူငယ်ပါ....။

■ လက်ကိုင်ပဝါ မဆောင်ထားပေမယ့်
ခေါင်းငုံ့တတ်အောင်တော့ လေ့ကျင့်ထားပါတယ်။

■ ငါ့ကိုခေါ်ပါ မိသံလွင်
မင်းခေါ်ရင် တောင်နဲ့တိမ်ကို ကျော်ပြီး
ငါ လိုက်ခဲ့ချင်ပါတယ်။

သံလွင်ရေ ....
■ သားအသေလေးမွေးတဲ့ မိခင်ဟာ
ဘယ်လိုခံစားမလဲ။

ငါ့ကိုလည်း စာနာစမ်းကွယ်....

■ ငါကလည်း အိပ်မက်အသေတွေ
မက်ခဲ့ရတဲ့ကောင်ပါ။

■ သံကုတင်မှာ အိပ်ပြီး
ရာဇဝင်ကို လက်သည်းထိပ်နဲ့
ကုတ်ခြစ်ပြီး ရေးနေတဲ့ကောင်ပါ။

■ ပင်လယ်ပေါ်တက်ပြီး
အိန္ဒြေကြီးနဲ့ ရေငတ်နေတဲ့ကောင်ပါ။

■ မစားဖူးဘဲနဲ့ ကျွန်တော့် အာရုံထဲမှာ
ပန်းတွေကို ဆာတယ်။

■ တံစဉ်းကိုင်ထားတဲ့ လယ်သမားရှေ့မှာ
စပါးပင်လေး ခါးကိုင်းပေးပြီး
အခုတ်ခံရသလိုမျိုး ရိုကျိုးသိမ်မွေ့စွာ
ကျွန်တော်သူ့ကို ချစ်သွားမှာပါ။

■ လူတစ်ယောက်က လူတစ်ယောက်ကို
တကယ်ချစ်လာပြီ ဆိုရင်
မာရ်နတ်ရဲ့ လက်တစ်ထောင်ကလည်း
ကြားကနေ ဖြန့်ကာတားဆီးလို့မရဘူး လို့
ကျွန်တော် ထင်ပါတယ်။

■ ကန္တာရမှာ
ကျောက်တုံးအိုတွေ လဲ့ပြာကွဲအက်
ငါဟာ
ကိုယ့်ကိုကိုယ် ပြန်တူးနေတဲ့
ပေါက်ချွန်းတစ်လက်ပါကွယ်။

■ နီးလျက်နဲ့မဆုံဆည်းခြင်းဟာ
အဝေးကြီးဝေးနေခြင်းနဲ့
ဘာမှ မထူးလှပါဘူး။

■ အဲဒါကြောင့် ပိုလွမ်းရမယ် မိသံလွင်....
နေ့စဉ်နဲ့အမျှပါပဲလေ ...
ငါဒါကြောင့် လွမ်းခဲ့တယ် မိသံလွင်။

■ လူတစ်ယောက်ဟာ ဘဝမှာ
ဘယ်ရွေ့ ဘယ်မျှထိ မမြင်ရတဲ့
ကြိုးကလေးတစ်ချောင်းထိ
ငြိနေနိုင်သလဲ။

■ အဖြေရှိမယ် ဆိုရင်
မျက်နှာကို လက်နဲ့အုပ်ပြီး
လက်ချောင်းလေးတွေကြားထဲကနေ
လှမ်းကြည့်ချင်ပါတယ်။

■ ရေစုန်မှာမျောပြီးမှ
မင်းကို ငါ မိရမယ်ဆိုရင်
ရေဆန်မှာပဲ ရင်ပွင့်ခံလိုက်ပါတော့မယ် မိသံလွင်။

မင်းမသိပေမယ့် ငါသတ္တိရှိပါတယ်....

■ ချစ်မိသူဆိုတာ
လောကမှာ အမြင့်မြတ်ဆုံးလူပဲလို့
ကိုယ့်ဘဝဖြစ်အင်ကို နှုတ်ကပတ်တော် တစ်ခုလို
ရွတ်ကျုးနေရုံမှတစ်ပါး
ကျွန်တော့်မှာ ဘာဆေးမှမရှိခဲ့တာ ကြာပြီ။

■ ဒါပေမယ့်....
ယူဆောင်ခံစားသွားရမှာကတော့
ရာသက်ပန်တမျှလို့ ကျွန်တော်နားလည်တယ်။

■ ဘာပဲဖြစ်ဖြစ်
ကျွန်တော်သူ့ကို ချစ်တာကို
သူ မသိဘူးဆိုရင်တောင်
ဘုရားကတော့ သိလိမ့်မယ်။

■ လေမှာ မျောနေတဲ့ ဆပ်ပြာပူဖောင်းတစ်လုံး
'အုံး' ခနဲ ပေါက်ကွဲသွားတာမျိုးကို
တွေ့ဖူးကြပါသလား။

■ အပိုင်းအစတွေဟာ မှုန်မှုန်မွှားမွှား
သေလုသေခင် ဆောင်းရဲ့
နောက်ဆုံးနှင်းစက်များလို
ဝေဖြာ ကျလာပါတော့သည်။

■ အိပ်မရသူ မျက်စိကြောင်တော့
ညကိုပိုမှောင်သလို မြင်ခဲ့မိတာပေါ့။

■ ကြက်ခြေခတ်ထမ်းပြီး
လာလမ်းပြန်ရမယ့် လူငယ်
လက်ညှိုးတွေကို မုန်းတယ်။

■ အထိတ်တလန့် ရှုလိုက်ရတဲ့
ခရေပန်း ရနံ့ဟာ
ဖုန်းဆိုးလွင်ပြင်တစ်ခုလို
ဆွတ်ပျံ့ တိုးဝင်လာတယ်။

■ ချိုလွင်ကွဲရှနေတဲ့ အလွမ်းကလည်း
မြေပြင်အနှံ့ မွှေးရနံ့တွေ လိုက်ဖြန့်ပြီး
ကျွန်တော့်ကို ရွှေလမ်းခင်းပေးတယ်။

ရှူံး .... ပြီ

■ တစ်ယောက်တည်း
ဘာကိုစောင့်နေတာလဲ။

■ ခါးကုန်းနေတဲ့ည
တောင်ဝှေးကိုင်တဲ့ လက်ပြုတ်ကျ
ဘာကို စောင့်နေတာလဲ။

■ ကြယ်တွေ ကြယ်တွေ
ကြွေသလိုလိုနဲ့ အမြင့်ကို ပိုမိုပျံတက်
ဘာကိုစောင့်နေတာလဲ။

■ မြင်းခွာတစ်ချက်က ရင်ဘတ်ကို
မီးပွင့်ထွက်အောင် ပေါက်သွားခဲ့
ဘာကို စောင့်နေတာလဲ။

■ အခုတော့ ....
အားလုံးပြီးဆုံးသွားပါပြီ....

■ အရှုံးနဲ့ပြီးဆုံးသွားတဲ့
စစ်သမိုင်းထဲမှာတောင်မှ
ကျွန်တော်ဟာ
အလံရွက်ကျွတ်ထွက်သွားတဲ့
အလံတစ်လက်မျှသာ။

■ အခုတော့ဖြင့်
မြေပြင်ပေါ်မှာ
မီး
သင့်
လဲ
လျောင်း
လျက်
ပေါ့

#တာရာမင်းဝေ

#ဘဝကိုရိုးသားစွာအသက်ဆက်ရှင်သန်နိုင်ပါစေ

​ ✌️ #မနက်ဖြန်တိုင်းမှာအပြုံးနဲ့ဆုံကြမယ်​ 🫰🏼 😊

02/08/2024

❝ #သေနေတဲ့ကဗျာ ❞ #တာရာမင်းဝေ
----------

■ လွမ်းတယ်
သက်တံ့ရဲ့ အဲဒီဘက်အခြမ်းကလေးကို လွမ်းတယ်
မပြယ့်တပြယ်နဲ့ လူနံ့သင်းရတာကိုလည်း မုန်းတယ် ။

■ စိတ်ထဲမှာ မီးစုန်းတွေ အခါခါပွက်ခဲ့
ကျဉ်းကျဉ်းကလေးဆိုပေမယ့် ကိုယ့်တွင်းကို ကိုယ် တူးခဲ့တယ် ။

■ ဘယ်တုန်းကမှ မဖူးပွင့်ခဲ့သလိုပဲ
နှစ်တွေဟာလည်း ပွတ်ကာ သီကာ ကြာခဲ့ပြီ ။

■ ခွဲခွာရမှာကို စံပယ်တပွင့်စာလောက် ကြိုသိခဲ့ပါရဲ့
ဒါပေမယ့် ....ပူအိုက်စွတ်စိုတဲ့ အဲဒီ လမ်းကလေးမှာ ကျွန်တော်တို့ အတူတူ မိုးခိုခဲ့ကြပါတယ် ။

■ အရှုံးကို ဘယ်လို သဲကန္တာရတွေနဲ့
ခြယ်မှုန်းရမှာလဲ ပြောပါ ။

■ ၀န်ခံပါတယ်
ဆောင်းမြအမှုန်တွေကို တွေ့တိုင်း တလဲ့ လဲ့ ပြေးကောက် တခွက်တည်းပါ လို့ ပြောဆိုခွင့်တောင်းပြီး
ကျွန်တော်ဟာ ပင်လယ်အဟောင်းကို
ခပ်သောက်ချင်တုန်းပဲ ။

#တာရာမင်းဝေ

#ဘဝကိုရိုးသားစွာအသက်ဆက်ရှင်သန်နိုင်ပါစေ

​ ✌️ #မနက်ဖြန်တိုင်းမှာအပြုံးနဲ့ဆုံကြမယ်​ 🫰🏼 😊

❝ သေနေတဲ့ကဗျာ ❞ #တာရာမင်းဝေ----------လွမ်းတယ်သက်တံ့ရဲ့ အဲဒီဘက်အခြမ်းကလေးကို လွမ်းတယ်မပြယ့်တပြယ်နဲ့ လူနံ့သင်းရတာ....

31/07/2024

❝ ပျောက်သောသူတယောက် ❞ #ဝင်းမြင့်
----------

■ နှစ်ယောက်ထိုင်ခုံမှာ
တယောက်တည်းထိုင်နေရတဲ့ အခါ
ကျယ်ဝန်းတယ်
လွတ်လပ်တယ် လို့ ထင်ရပေမယ့်
တကယ်တော့ အဖော်မဲ့တယ်
ကြေကွဲတယ်လို့ အမည်ထွက်တယ်။

■ မလွယ်ပါဘူး
လမ်းပေါ်မှာလည်း လူတွေမတွေ့ဘူး
လူတွေထဲမှာလည်း ပျောက်သောသူ
မတွေ့ဘူး ။

■ မလွယ်ပါဘူး
လွယ်ထားတဲ့ လွယ်အိတ်ထဲမှာလည်း
လိပ်စာမရှိဘူး ။

■ မလွယ်ပါဘူး
လွယ်လွယ်မေ့မပစ်တတ်တော့
လိပ်စာရှိတော့လည်း
လူကိုမတွေ့ဘူး။ ။

#ဝင်းမြင့်

#ဘဝကိုရိုးသားစွာအသက်ဆက်ရှင်သန်နိုင်ပါစေ

​ ✌️ #မနက်ဖြန်တိုင်းမှာအပြုံးနဲ့ဆုံကြမယ်​ 🫰 😊

30/07/2024

❝ ကြည်အေးကဗျာနှင့် ရန်ဖြစ်ခြင်း ❞ #မောင်သင်းခိုင်

■ အလင်းအလှူ
ပေးဝေသူ ငွေလမင်း
ငါ့အခန်းကျဉ်းကလေးထဲ
ဘာကြောင့် ရောက်မလာတာလဲ
ကပ်စေးနည်းလွန်းလို့လား ပြောစမ်းပါ။

■ စံပယ်ရနံ့
ဆိပ်ဖလူးရနံ့
သယ်ဆောင်ဖြန့်တဲ့ လေနုအေး
ဘယ်ချောင် ပုန်းခိုဝင်ပြေး
မှေးစက်အိပ်ပျော်နေပါလိမ့်နော်။

■ ဝမ်းနည်းခြင်း အထိမ်းအမှတ်
အဝတ်စကို ခြုံထားလည်း
ညကမ္မဋ္ဌာန်းရုပ်
အခန်းတံခါးကို တဒေါက်ဒေါက်ပုတ်
ငါ့ကို လာနှုတ်ဆက်နေပါပေါ့လား။

■ ကြည်အေးရဲ့ တစ္ဆေကဗျာ
ဝေဒနာသံခြေကွင်း
တချွင်ချွင်မြည်သံ
သွေးတိုးနှုန်းဗြောင်းမဆန်
ပုံမှန် လှည့်ပတ်လှုပ်ရှား
သံမဏိ နှလုံးသားထံ
အလံဖြူ လွှင့်ထူဝင်ရောက်
ဒူးထောက် အညံ့ခံ
အားမတန် မာန်လျော့
ပြန်တော့ ပြန်တော့ တစ္ဆေရယ်။

■ အိပ်စက်ခြင်းအမှု
ခိုးယူလုယက်ခြင်းခံရ
လှပတဲ့ အိပ်မက် သက်တန့်ကွေး
ဘယ်သူယူလို့ ပုန်းရှောင်ပြေး
တေးသံတို့ မပီမသ
နုပျိုတဲ့ဘဝ တစ်ဝက်တစ်ပျက်
နှစ်ချို့ဝိုင်အရက် ဖြစ်သွားပေါ့လား
နှလုံးသားမြစ်ထဲမှာ
ကဗျာလှိုင်းလုံးတို့ တငြိမ့်ငြိမ့်စီးဆင်းနေဆဲပါ အချစ်ရယ်။

■ သမိုင်းစာမျက်နှာဟောင်းက
မြင်းစီးကောင်းတဲ့ “ဂျင်ဂျစ်ခန်'
တမန်တော်စေလွှတ်
ဓားလွတ်နဲ့ ခုတ်ပိုင်းစေ
မကြွေမကြွေ
အချစ်ပန်းတို့ တဝေဝေ
မကြွေမကြွေ
ကဗျာပန်းတို့ တဝေဝေ
မောင်ရင်ဆိုင်းထမ်း
ရေမှုတ်ကမ်းတဲ့အချိန်
ချိုမြိန်တဲ့ သစ်တော်ပင်
ကန္တာရလွင်ပြင်ထဲမှာ
နိုးတလာပါလိမ့်မယ် အချစ်ရယ်။

၁၉၇၈ မိုးနှောင်းဆောင်းဦးညများထဲက တစ်ပိုင်းတစ်စ ပုံရိပ်မှ

#မောင်သင်းခိုင်

#ဘဝကိုရိုးသားစွာအသက်ဆက်ရှင်သန်နိုင်ပါစေ
​ ✌️ #မနက်ဖြန်တိုင်းမှာအပြုံးနဲ့ဆုံကြမယ်​ 🫰 😊

ဆရာမောင်သင်းခိုင် ကွယ်လွန်ခြင်း ၃နှစ်ပြည့် အ မှတ်တရ ❝ ကြည်ဇော်အေးကဗျာနှင့် ရန်ဖြစ်ခြင်း ❞ #မောင်သင်းခိုင်■ ....

30/07/2024

ဒီနေ့ ဆရာမောင်သင်းခိုင်ဆုံးတာ ၃ နှစ်ပြည့်ပြီ။

​ ✌️ #မနက်ဖြန်တိုင်းမှာအပြုံးနဲ့ဆုံကြမယ်​ 🫰 😊

❝ ငါတို့ရဲ့အ​ကြောက်တရား ❞ #​မောင်သင်းခိုင် ငါတို့ရဲ့ အကြောက်တရားဟာ ညဝတ်အင်္ကျီဝတ်မထားဘူး။ ဇီကွက်မျက်လုံးတ....

29/07/2024

#ပျဥ်းမနား_က_ကဗျာဆရာတွေအကြောင်း

❝ #တိမ်တွေကို_ကဗျာမရွတ်ခဲ့ဘူး ❞ #နေရိုင်း
----------

တစ်ခါတလေ ဗြောက်ဖောက်တာတောင် လန့်နေရတယ်
စိတ်တွေ တကယ် နက်နဲစေခဲ့တာ
အသွေးအသားထဲကပဲ စေ့ဆော်ခဲ့တာ
ဘာမဟုတ်တဲ့ ခံစားမှုကပဲ
ရောက်တယ် မရောက်ဘူး
လွတ်တယ် မလွတ်ဘူး၊ မျှားတယ် မမျှားဘူး
ကမ္ဘာကြီးကလည်နေတယ်
ခက်တယ် ခက်ထန်ပိုင်စိုးရေ၊
မိုးကျော်အောင်နဲ့ လင်းခါးက အနှိုးရခက်နေတယ်။
မျိုးတေဇာမောင်ကတော့ ငပိ ငပိနဲ့ တတွတ်တွတ် ပြောနေတယ်။

ငါတို့အရွေ့က ဘယ်မှာ
စိတ်က စိတ်ပါပဲ အနုပညာ အနုပညာပဲ
ကျွန်တော်က ဘယ်သူမှ မကြိုက်တဲ့သူပါ
ဇေယျာလင်းလည်း မဟုတ်ခဲ့ဘူး
မိုးကောင်း မဟုတ်ခဲ့ဘူး
မိုးကျော်သူလည်း မဟုတ်ခဲ့ဘူး
စိုးဝင်းမြင့်လည်း မဟုတ်ခဲ့ဘူး
ဝင်းမြင့်လည်း မဟုတ်ခဲ့ဘူး
ကိုရွေးလည်း မဟုတ်ခဲ့ဘူး။

အောင်ချိမ့်ဟာ စာမသင်ဘူး
ခက်ထန်ဟာ ဆေးရောင်းနေတယ်
မောင်သင်းခိုင်ဟာ ကျန်းမာရေးကြောင့် အနားယူနေတယ်။
မောင်ကြူးရင့်က အသက်ကြီးပြီ။
မိုးကျော်အောင် ကဗျာများများရေးဖို့ဆုတောင်း
ခက်ထန်က မိန်းမက ကဗျာပဲလေ ကြည်ဇော်အေးရဲ့ ညကပေါ့
တိမ်တွေကို ကဗျာမရွတ်ခဲ့ဘူး။

#နေရိုင်း

#ဘဝကိုရိုးသားစွာအသက်ဆက်ရှင်သန်နိုင်ပါစေ

​ ✌️ #မနက်ဖြန်တိုင်းမှာအပြုံးနဲ့ဆုံကြမယ်​ 🫰 😊

❝ တိမ်တွေကို ကဗျာမရွတ်ခဲ့ဘူး ❞ #နေရိုင်း----------❝ ❞တစ်ခါတလေ ဗြောက်ဖောက်တာတောင် လန့်နေရတယ်စိတ်တွေ တကယ် နက်နဲစေခဲ....