Say me Hello

26/07/2025

မိုးရာသီမှာ လေတိုးသံတွေဟာ ဆံပင်တွေကြားကနေ ကြားနေရ

ဆံပင်တွေကို နားရွက်နောက်ကိုသပ်တင်ထားလိုက်တယ်
နှာသီးဖျားလေးတွေ နားရွက်အဖျားလေးတွေဟာအေးစက်လို့ တစ်ခုခုကို ဆုံးရှုံးလိုက်တဲ့အချိန်မှာ အေးအေးဆေးဆေးနေနိုင်တယ်လို့လည်းဘယ်ဟုတ်ပမလည်း ဆုံးရှုံးမှုတွေဟာ အများဆိုင်နာမ်တွေဖြစ်လာတယ် မတော်တဆဆိုတာ ဖယောင်းတိုင်မီးလေးထွန်းထားရင်းနဲ့ လှပတဲ့ညနေခင်းကို မီးရှို့လိုက်နိုင်သလိုမျိုးညနေတွေကို သယ်ဆောင်လာကြလို့ ကိုယ်ကလည်း စာနာပေးရ ကိုယ်တိုင်လည်း စာနာခံရတဲ့ နေ့တွေအဖြစ်ကူးပြောင်းသွားကြတာပေါ့။

အချစ်တွေလည်း အတူတူဖြစ်ကြတယ်
စစ်တွေလည်း အတူတူဖြစ်ကြတယ်
နားနားကို တိုးပြီး ရောက်လာတဲ့ လေညှင်းကို
ထိတွေကြည့်လိုက်တယ်
အပူအအေး မျှမျှတတ ဖြစ်ဖို့
ဆံပင်တွေကို လက်နဲ့ ခပ်ကြမ်းကြမ်းထိုးဖွရင်း
နောက်ထပ် ဖယောင်းတိုင်တွေကို
ထွန်းညှိလိုက်ကြတယ်။

26

09/07/2025

တစ်ခုထက်ပိုသော ဆုတောင်း ဒါမှမဟုတ်

ဒီနှစ်ထဲမှာ ကိုယ်က ဝါဂွမ်းစလေး
ကိုယ့်ကို သယ်ဆောင်တာ က လေညှင်း
လေညှင်း က တိုက်ချင်တဲ့အခါ မှသာတိုက်တတ်ပြီး
ကိုယ်ကလည်း ရွေ့လျှားချင်တဲ့ အခါမျိုးမှသာ
ပေါ့ပါးနေတတ်တာမျိုး

အလိုကျ ဆိုတာက
သူ့ (လေညှင်း) အလိုကျ
ကိုယ့်အလိုကျ ဒါမှမဟုတ်
ကိုယိ့တို့ မဟုတ်တဲ့
တစ်စုံတစ်ခုသော အကြောင်းအရာ
တစုံတစ်ယောက် လူပုဂ္ဂိုလ်
တစ်စုံတစ်ခု အရာဝတ္ထု
ထိုသို့သော အကြောင်း တစ်ရားပေါင်းများစွာ

ရှေ့ကဖြစ်ခဲ့သော အကုသိုလ်ကိုပယ်ပြီး
နောက်ဆက်တွဲမှာ ကုသိုလ်ကို ဆက်ချင်တာ
ဒါက ကိုယ်တို့ရဲ့သဘောထား
ရာသီခွင်တွေရဲ့ သဘောထားက
ကာလဒေသ နေရာထိုင်ခင်း
အချစ်ရေး စီးပွါးရေး လူမှုရေး
ဆောင်ရန် ရှောင်ရန်

တစ်ယောက်ပြောတော့ တစ်မျိုးဖြစ်ပြီး
အများပြောတော့ အမျိုးမျိုးပေါ့
ကိုယ်တို့ နဲ့ မတူလိုဆိုပြီး
စိတ်ကောက်ချင်လဲ ကောက်မှာပေါ့
အဆင်ပြေလား မေးပြီး ရင် ပြေတဲ့ အကြောင်းပဲဖြေ
မပြေဘူး ပြောမိရင် မိုက်

မိုက်ခနဲပဲ ပြောရရင် ခပ်မိုက်မိုက်ပါပဲ
ဝါဂွမ်းစ လေးတွေဟာ
လေညှင်းလေး မသယ်ဆောင်သရွေ့
ကျောက်ချ လိုက်ရွက်လွှင့်လိုက် ပါပဲ

ဒီလို နဲ့ လေညှင်းလေးက ပြောလာတယ်
အချင်းချင်းပဲနားလည်မယ့် ဘာသာစကားတွေရှိတဲ့ အရပ်ဒေသဆိုတာ မှန်ထဲမှာ ရှာပါတဲ့
ဒီစကားကို ကိုယ့်တို့ လက်ခံရလိမ့်မယ်

ကိုယ်တို့ ရည်ရွယ်ချက်က တစ်ခုသာလျှင်ဖြစ်ပြီး
ကိုယ်တို့ ကြုံ တွေရမှာက တစ်ခုထက်ပိုသော
တစ်ခုမကသော အကြောင်းတရားပေါင်းများစွာ

ဘဝဟာ တိုတယ်လို့ပြောကြတယ်
ရယ်ရင်း မမောပဲ ရယ်မောချင်ပါတယ်။

လဝ

28/06/2025

👉Something Cool is coming👀

မင်္ဂလာပါ 🙌

မိတ်ဆွေတို့အတွက် Unisex T-Shirt Collection အသစ် လေးတွေ အရည်အသွေးကောင်း စျေးနှုန်း သင့်တင့်ပြီး
Design အမိုက်စားတွေ ရောင်းချပေးမည့်အကြောင်း သတင်းကောင်းပါးလိုက်ပါတယ်။

📣Pre-Order ဖွင့်မည့်ရက် နှင့် စတင်ရောင်းချပေးမည့်ရက်ကိုမကြာမီတင်ပေးသွားပါမယ်။

📌လိုအပ်ရင် Cover, text, Image, captain style လည်းရေးခိုင်းပြီး စိတ်တိုင်းကျမှာယူနိုင်ပါတယ်။

🧵Colour - Black & White only

👕Fit - Unisex (S,M,L,XL)

🖇️Pre - Order - coming soon

📍Delivery service Available (Cash on delivery)

28/06/2025

ငယ်ငယ်က ၁၀ တန်းပြီးရင် စာတွေ ဒီလောက်ထိ ထပ်လုပ်စရာမလိုတော့ ဘူး ထင်ခဲ့တာ တက္ကသိုလ်တက်တော့လည်း ပေါ့ပေါ့ပါးပါးပဲ ဒီလိုနဲ့ အလုပ်လုပ်တော့ လည်း ကိုယ်အလုပ်အတွက် ပညာလေးတွေထပ်ဖြည့်ဖို့ ကျောင်းဆက်တက်ရ ဘွဲ့ထပ်ယူရနဲ့ မပြီးနိုင်တော့ဘူး အခုလည်း ဒီဝါတွင်း ကာလပြီး ရင် ဘွဲ့တစ်ခု ထပ်ယူဖို့ စဉ်းစားထားတယ် ဗုဒ္ဓဟူး သားဆိုတော့ ဉူးဝိမလ ဖြစ်မလား ဘာဖြစ်မလည်း တော့ မသိဘူး ဆရာတော် ပေးသလို့ပေါ့

28/06/2025

ဗုဒ္ဓဟူးနေ့ မွေးသူများ အားလုံး ရာဟုပါမကျန် မင်္ဂလာပါ

ဒီကနေ့ ဒီရက်ဟာ ဆိုရင်တော့ နှစ်ပေါင်း ၇၀ မှာ မှ တစ်နှစ် ဗုဒ္ဓဟူးနေ့ဖွား သားသမီးတွေရဲ့ နှစ်ဆိုရင်လည်း မမှားပါဘူး ဒါဟာဗေဒင် တားရော့ ဟောသူများ အားလုံးရဲ့ ပါးစပ်ဖျားမှာရေပန်းအစားဆုံး ဖြစ်ပါတယ်
အခုစာရေးသူဟာဆိုရင်တော့ဖြင့် ခြေလက်အနည်း ငယ် ထိခိုက်မယ် ကျန်းမာရေး ညံ့မယ် အစရှိသိများမှာ သွေးထွက်အောင် မှန် ပြီး ငွေဝင်မည် ဆိုသည်မှာ ယခုအချိန်ထိ ထိုင်းထီထိုးသည့် အခါတိုင်း ၆ လုံးစလုံးမတူမှ ဆုကြေးပေါက်မည်ဟု ပြောင်း လည်း သတ်မှတ် မှသာ ရရှိမည်ဖြစ်သောကြောင့် လက်ရှိလုပ်ကိုင်နေရသော အလုပ်အကိုင်များ ကို သာ ဂရုတစ်စိုက် ကြိုးစားနေရ ပါသည်။

ပညာရေး။ ယခင်ထက်ပိုမိုကြိးစားရန်

လူမှုရေး ။ ဘယ်လိုနေထိုင်ရ မှန်း ကိုယ့်ဘာသာ
လေ့လာ

စီးပွါးရေး ။ နှစ်စတိုးကြိုးစား

အချစ်ရေး ။ ဆရာ/ဆရာမကြီး များထံမှာ ပညာရှာ

ယတြာ အနေဖြင့် မိမိ လုပ်ငန်းများ အထမြောက်စေရန် ယခင်ထက်ပိုမိုကြိုးစားလုပ်ကိုင် ရမည်ဖြစ်ပါကြောင်း အကြံပြုလိုက်ပါသည်။

24/06/2025

လူတွေဟာ ကြောက်စရာကောင်းတယ် သတိထားလို့ ရေးလို့ရပေမယ့် စာ အရှည်ကြီးရေးချင်လို့ပါ

ငယ်ငယ်တုန်းက ကျွန်တော်တို့ နယ်မှာ နေတဲ့ အိမ်က မန်ကျည်း နှစ်ချို့ ပင်ကြီး တွေ ဝိုင်းနေတဲ့ အလယ်မှာပေါ့
တစ်ခြံထဲမှာ နှစ်အိမ် အမေ့ရဲ့ အမေ ကျွန်တော့် အဘွားအိမ်က ရေနံတွေဝနေတဲ့ရှေ့ဟောင်းသစ်သားအိမ်ကြီးပေါ့ ကျွန်တော်တို့ အိမ်က တော့ သစ်သားနှစ်ထပ်အိမ်ခပ်သေးသေးရယ် ဒီနှစ်အိမ်လုံးကိုတော့ အိမ်ရှေ့မှာ မန်းကျည်းနှစ်ပင် ခေါင်းရင်းမှာ မန်ကျည်းနှစ်ပင် ကသစ်ပင် ဆူးပုဒ်ပင် ကင်ပွန်းချဉ်ပင် အုံးပင် တွေနဲ့ နောက်ဖက်မှာ တော့ ဘောဇကိုင်းပင် မန်ကျည်း ပင် ဝါးရုံတောတွေနဲ့ ဝန်းရံထားတာ ညဖက်လေတိုက်တဲ့ အခါ အပင်တွေလေတိုးတဲ့ အသံဟာ ကြက်သီးထစရာ ကြီး အိမ်ရှေ့တည့်တည့်မှာဆိုရင်တော့ ရေတွင်း ကြီးတစ်တွင်း ရှိတယ် ရက်ကွက်ထဲက လူတစ်ချို့က ဒီရေတွင်း ကြီးမှာရေလာခပ်ရင်း ဖူးစာဆုံသွားကြတယ်လို့လည်း ပြောကြတယ် ကျန်တော်တို့ ကလေး တွေ အတွက်ကတော့ ဘောလုံး ဂေါ်လီလုံးတွေ ကျလွန်းလို့ စိတ်ညစ်ရတဲ့ တွင်းပေါ့ ခြံရဲ့ မျက်နှာစာတန်း မှာ ဦးလေးက ပုံနရိပ်ပင်တွေ နဲ့ ခြံစည်းရိုးလုပ်ထားတယ် ခြံအဝင်ဝကိုတော့ စက္ကူပန်းရုံတင်ထားတယ် ဒါက ခြံရဲ့ဖွဲ့စည်း ပုံကိုပြောပြတာ အော်တစ်ခုကျန်သေးတယ် ခြံရဲ့မြောက်ဖက်မှာလည်း ဦးလေးရဲ့ ပဲစိုက်တဲ့စင် မာလကာပင်နဲ့ ခြံစည်းရိုးပုံနရိပ်ပင်တန်းလည်း ရှိသေး အဲ့မှာထူးဆန်းတစ်ခုက သစ်ရွက်အမှိုက်တွေ အများကြီး နဲ့ ရှိနေနိုင်တဲ့နေရာမှာ မြေသားပြောင်ပြာင်နဲ့ ရှင်းလင်းနေတဲ့ ကုန်းလေးတစိခု ရှိတယ် အဒေါ်ကတော့ အတာကြတ်ကုန်းလို့ ပြောတာပဲ သူအိမ်နောက်ဖေးမှာပန်းကန်တွေဘာတွေဆေးနေတဲ့ အချိန် ဆရာမရေ ဆရာမရေလို့ လှမ်းခေါ်သံကြားရင် ထွက်ကြည့်ဘယ်သူ့မှရှိမနေဘူးလို့ပြောတာ အသံကတော့အဲ့ဖက်ကနေလာတာတဲ့ အဲ့အဒေါ်က ဘုရားရှင့်ခိုးတာ အမျှဝေတာက အမြဲလုပ်တာ အဲ့လိုလုပ်တာက အဒေါ်မှ မဟုတ်ဘူး ခြံထဲမှာရှိတဲ့ လူကြီး အကုန်လုံးဆိုပါတော့ ဘာသာရေးကိုင်းရှိုင်းလို့ လုပ်တာအပြင်ကိုမှ ခြံရဲ့ အရင်ပိုင်ရှင်က နာနာဘာဝတွေမွေးခဲ့လို့ နှင်မရတာနဲ့ ကုသိုလ်ကောင်းမှု လုပ်အမျှဝေ ဖြစ်တာပေါ့လို့ အဘွားကပြောပြတော့ ကျွန်တော် က ပေါက်စလေ အမေကြည် အမေကြည် (အဘွားကိုအမေကြည်လို့ခေါ်တာ) သားတို့ ခြံထဲ မှာ သရဲတွေရှိတာလားလို့ မေးတော့ အေးရှိတာပေါ့ ကလေးရဲ့လို့ ပြန်ဖြေ လိုက်တဲ့ အခါ ကျွန်တော်ဖြင့် ကြောက်လိုက်တာ ဆိုတာ နေစရာမရှိ အဘွားက သရဏဂုံ အမြဲရွတ်အတာဆိုကြောက်စရာမလိုဘူး လို့ပြောပေမယ့်လည်း မှောင်ရီပျိုးစဖြစ်ပြီဆိုတာနဲ့ ကျွန်တော် နေစရာ နေရာမရှိ တော့ လူကြီးတွေကြားထဲမှာပဲ အမြဲနေ ရှစ်တန်းလောက်ထိဖြစ်မယ် အပေါ့သွားချင်အမေ့ကိုလိုက်ပို့ခိုင်းတာ နောက်ပိုင်းကျ ဦးလေးနဲ့စကားပြောဖြစ်ရင် ငါ့တူရသရဲဆိုတာ ကြောက်စရာမလိုဘူး မင်းကြောက်ရမှာလူတွေကိုလို့ ပြောတော့ အဲ့တာကိုနည်းမလည်ခဲ့ဘူး အဲ့လိုနဲ့ တက္ကသိုလ်ရောက်တော့ လည်း နေတဲ့ အဆောင်မှာက ပိုင်ရှင်က သရဲမွေးထားတယ်ပြောလို့ ကြောက်ရတာနဲ့ လူ ကြောက်ဖို့ သတိမမူမိလိုက်ဘူး အရွယ်ရောက်ကတည်းက ပတ်ဝန်းကျင်အသစ်သစ်တွေ အသိအကျွမ်းဖြစ်ခဲ့တဲ့ သူတွေ နဲ့ ဖြတ်သန်းလာရင်း နဲ့ လူတွေကိုကြောက်တတ်လာတာပဲ ဖြတ်သန်းခဲ့တဲ့တစ်လျှောက် အခုလက်ရှိဉာဏ်နဲ့ ပြန်သုံးသပ်ကြည့်လိုက်ရင် သင်္ခန်းစာရစရာတွေက တသီတစ်တန်းကြီးပေါ်လာတာပဲ အဲ့လိုကျပြန်တော့ လူတွေဟာ ကြောက်စရာမဟုတ်ပဲ သတိထားစရာ အဖြစ်ပြောင်းသွားရော ဒီနေရာမှာ စာဖတ်တာနဲ့ ပတ်သက်လို့ နည်းနည်းပြောချင်တာက ကျွန်တော်ငယ်ငယ်က စာအသေဖတ်တာ တွေသမျှစာအုပ်ဖတ်တာ ဒါပေမဲ့ ပုံပြင်တွေ စိတ်ဝင်စားစရာ ဆောင်းပါးအချို့တွေ အချစ်ဝတ္တုတွေ ဂမ္ဘီရ တွေ ဖတ်တာ ဒါမယ့်ဖတ်ပြီးပြီးသွားတ ပဲ ဆင့်ပွါးတွေးတာ တွေ လိုက်နာကျင့်သုံးတာတွေ သိပ်မရှိခဲ့ ဘူး အဲ့လို့ကျနေမယ် တကယ့်ဘဝလက်တွေဖြတ်သန်းတဲ့အခါကျ ဆင်ခြင်စရာတွေ ပြင်ဆင်စရာတွေ များများရှိခဲ့တာ အခုနေပြန်တွေးရင် နောင်တရစရာတွေတောင်ပါနေသေး ဆိုတော့ စာဖတ်တာကောင်းတယ် ဆင့်ပွါးတွေးတော့ပြီး ယူသင့်တာယူရင်တော့ ပိုကောင်းတာပေါ့လို့ ကြုံတုန်း ဆရာလုပ်ပါရစေပေါ့ ကိုယ်တိုင်လည်း အဲ့လို့စာဖတ်နိုငိအောင်ကြိုးစားနေပါတယ် ဆိုတော့ လူတွေဟာ ကြောက်စရာကောင်းကြောင်း သတိထားစရာကောင်းကြောင်း အဲ့ထဲမှာ ကိုယ်မပါဝင်ဖို့ ကိုယ်ဟာ မျက်နှာနှစ်မျိုးနဲ့ လူမဖြစ်ဖို့ ကိုယ့်လိပ်ပြာ ကိုယ်လုံဖို့ ကို ကိုယ်တိုင်သတိကပ်ရမှာပါ သူတစ်ပါးအပေါ် သနားစရာကောင်းလိုက်တာလို့ ဂရုဏာသက်မိရင်း ကိုယ်တိုင်ကသနားစရာဖြစ်နေတာမျိုး မဖြစ်ဖို့ ကလည်းအရေးကြီးပါတယ် အတွေ့အကြုံနဲ့ ယှဉ်ရေး ပြချင်ပေမယ့်လို့ ကိုယ်ကောင်းကြောင်း သူများမကောင်းကြောင်း ပြောတာမျိုးကို ဆင်ခြင်ဖို့ ဆုံးဖြတ်ထားတာကြောင့် မို့ ဒီလောက်ပါပဲ ဆုံးအောင်ဖတ်ဖြစ်လို့ တစ်ခုခုအတွေးကောင်းရသွားပါစေလို့ ဆန္ဒပြုပါတယ်ဗျာ။

22/06/2025

15/05/2025

ငါမေးမယ်အမှန်အတိုင်းဖြေ မင်းရဲ့ကိုယ်ကောင်းကြောင်း သူများမကောင်းကြောင်း

ငါမသိသောအကြောင်းအရာတွေ ဒီအကြောင်းတွေပဲ ဘာလို့ထပ်ခါထပ်ခါ ကြားယောင်နေရတာလည်း ငါ ဒီလိုခံစားချက်မျိုးကိုမုန်းလိုက်တာ ဟုတ်ပါပြီ အဲ့တော့မင်းက ဘယ်လိုဆက်လုပ်ချင်တုန်း ဘဝကို ဒီအတိုင်းရေစုန်မျှောလိုက်ဖို့ဆိုတာ လက်တွေ့မပြောနဲ့ အတွေးနဲ့တောင်လွယ်ကူနေမှာမဟုတ်ဘူးနော် ပြင်လွယ်ပြောင်းလွယ်တော့ရှိရမှာပေါ့ကွာ ဒါပေမယ့် ငါ့ ဆေးလိပ်သောက်ဟန်ကိုတော့ မပြောင်းနိုင်ဘူး လေထုညစ်ညမ်းတာလည်း ငါသိတယ် ငါ့အဆုတ်ထိခိုက်တာလည်း ငါသိတယ် သို့ပေမယ့်လို့ ငါကြိုက်တယ်ကွာ တစ်ခြားသူတွေကို မထိခိုက်အောင်တော့ ဂရုစိုက်ရတာပေါ့ နောက်ဆုံးတော့လည်း ကိုကြိုက်တာ ကိုယ်လုပ်ရင်းနဲ့ သဘာဝပတ်ဝန်းကျင်နဲ့ တော့ နဲနဲဖြစ်ဖြစ် ကွဲလွဲနေကြတာပဲလေ ဟုတ်တယ်မလား ကိုယ်မကြိုက်တာကို ကြိတ်မှိတ်လုပ်နေရသူတွေထက်တော့ ရှင်သန်ရတာ ပိုကောင်းလောက်မယ်လို့ထင်ရပေမယ့် နဲနဲပေါ့ ထက်ဝက်တောင်ပိုဖို့ မျှော်လင့်လို့တော့မရနိုင်ဘူးလေ သူ့နေရာနဲ့သူ သူ့စည်းနဲ့ သူပေါ့ သတ်မှတ်ချက်တွေ သတ်မှတ်ချက်တွေ ပေါ့ကွာ သိပ်တော့စိတ်ထဲဘဝင်မကျခြင်ဘူး လွပ်လပ်တာကို ကြိုက်တာ နေရာတိုင်းတော့ လွပ်လပ်နေတာမျိုးမဟုတ်ဘူးပေါ့ ဤနေရာတွင်မထိုင်ရဆိုတဲ့ ဆိုင်းဘုတ်နဲ့ ကြိုးတန်းပေါ်ကို တက်ထိုင်တဲ့ ကောင်တွေကိုတော့ငါချဉ်တယ် ဒီကောင်တွေ ဟာ ရှင်သန်နေရတာခြင်း အတူတူ နူရာမှာ ဝဲစွဲနေတဲ့ကောင်တွေပဲကွာ ထားပါတော့ ဒီသောက်ရေးမပါတဲ့ကောင်တွေအကြောင်း လူတွေဟာ ရထားနှင့်သွားတဲ့ခရီးသည်တွေလို တက်လိုက်ဆင်းလိုက် ကိုယ့်ခရီးရောက်ဖို့သာပဲအာရုံထားတဲ့ လူတန်းစားတွေပဲလို့ ငါကတော့သမုတ်လိုက်တာပဲ ကိုယ်က ဘူတာဖြစ်လိုက် ကိုယ်က ခရီးသွားဖြစ်လိုက်ပေါ့ ကိုယ့်အလုပ်နဲ့ ကိုယ်ရှုပ်နေကြ ရင်း နဲ့ကို အသက်ရှူတွေကြပ်ရတယ် စီးပွါးရေးတွေ ပြေလည်ချင်တဲ့အကြောင်း လူမှုရေးတွေ လူမှုဆက်ဆံရေးတွေ က လူမှုအရေးတွေပေါ့ကွာ အထူးတလည်ဖော်ပြရင် သတင်းလည်း ဖြစ်သလို အတင်းလည်း ဖြစ်တတ်တာပဲ အမြဲတမ်းအားကျနေရတာက အိမ်ကလေးတစ်လုံး ရေတွင်းလေး တစ်တွင်း စိုက်ခင်းတစ်ခု နဲ့ ဘလော့တွေရိုက်တင်နေတဲ့ ဘဲတွေပဲ အမယ်သူတို့က အကောင်ဘလောင်လေး တွေတောင်မွေးလိုက်သေး အတော်ပြည့်စုံတဲ့ဘဲတွေ ဒီဘဲတွေ အားကျလို့ ငါလည်း ကုသိုလ်ကောင်းမှုတွေ လုပ်ဖြစ်တဲ့အခါ စိတ်၏ ချမ်းသာခြင်းကိုယ် ၏ ကျန်းမာခြင်းတွေ ပြည့်စုံရပါလို၏ အရှင်ဘုရား လို့ မရဲတရဲ ပဲ ဆုတောင်းမိတယ် ငါတိုဟာ ရှေ့ကိုကြည့်ရင် ခန့်မှန်း ရာသီဥတုသတင်း ကို ကြိုနားထောင်လို့ရပြီး အဆိုပါရာသီဥတု နဲ့ အတူဆက်ရှိနိုင်ပါ့မလားက သံသယဖြစ်ဖွယ်ရာမရှိတဲ့ အနာဂတ်နိုင်ငံတော် နောက်ကိုကြည့်ရင် နောက်ဆံတင်းစရာတွေ မှတ်ဉာဏ်တွေ နဲ့ အမှတ်သညာမရှိနိင်ရတဲ့ဘဝတွေ ဘဝတွေဟာခဏပါပဲ ငါတို့ခန္ဒာတွေဟာ ဝဋ်ဆင်းရဲကြီးစွာ နဲ့ ခဏဝန်တွေ ကို ထမ်းရပါတယ်။

လဝ

30/04/2025

လူတွေစည်ကားတဲ့ လမ်းမကနေတိုးဝှေ့ ပြီး
ထောင့်ကျကျ စားပွဲဝိုင်းလေးမှာ
အားလုံးကို မြင်ရလည်း
မမြင်သလို ပေါ့
ဘယ်တံခါးမှ သွားမခေါက်တော့ဘူး
ကိုယ့် စီရောက်လာရင်တော့
အကြွေစေ့ လေး လှည့်လိုက်သလိုပဲ
ခေါင်းကျကျ ပန်းကျကျ
နေသားကျသလောက်ထိပေါ့။

လဝ

20/04/2025

ဒီလိုလေး ညှပ်ပေး👇။ တူတယ်ဟ

28/03/2025

ငလျင်အကြောင်းဝင် ကြည့်တာ အင်းဂိတ်လိုတွေချည်း
အားလုံး ဘေးကင်းပြီး အန္တရာယ် နည်းနိုင်သမျှနည်း နိုင်ကြပါစေဗျာ

နောက်ထပ်လည်း ထပ်မလာပါစေနဲ့

https://earthquake.usgs.gov/earthquakes/eventpage/us7000pn9s/executive

27/03/2025

နည်းလမ်းဟောင်းတွေက အသုံးဝင်နေတုန်းပဲ

မျှားတယ် ဆိုတဲ့ အဓိပ္ပါယ် ဟာ တစ်ခုကိုလိုချင်လို့
ဘာပေးလည်း ဆိုရင် မျှော်လင့်ချက်တွေ
ပြီးရင် ဒုက္ခတွေ တစ်သီတစ်တန်း
လိုချင်လို့ပေးတယ် လုပ်ကြံပြီးပေးတယ်
မေတ္တာပေးလို့ မေတ္တာပြန်ရတယ်ဆိုတာ
အေးအတူပူအမျှ မေတ္တာတွေ သာရောင်ပြန်ဟပ်ရ
ခွေးလိုအူကြ မေတ္တာတွေကြတော့
သတ္တလောကကြီးထဲက ရှင်းမရတဲ့အမှိုက်တွေ

ပဒေသာပင်တွေ လှိုင်လှိုင်ပေါသယောင်ယောင်
ခူးသူတွေ ဟာ လောဘတက်ကြ
နွေခေါင်ခေါင်ဟာ ရထားဥဩသံလိုကြီး
ဆွဲဆွဲငင်ငင်နဲ့ နောက်ထပ်နေ့ရက်တွေဆီသို့
ဒီမှာဟေ့ ငါတို့ရဲ့အိုအေစစ်ဟာ ရောက်နှင့်ပြီးသားငရဲ

လွယ်လင့်တစ်ကူပဲ အယုံသွင်းလို့
လွယ်လင့်တစ်ကူပဲ ကူးလူးဆက်ဆံကြ
ရယ်စရာရှိရင် ရယ်လိုက် ငိုစရာရှိရင်ငိုလိုက်ကြ
ဒီတစ်နည်းပြီးရင် နောက်တစ်နည်း
နည်းလမ်းပေါင်းစုံသွားရင် နည်းလမ်းဟောင်း
အစစ်မပေးနိုင်ရင် အစစ်မရနိုင်သလို
အဟောင်းပဲပေးနေရင်လည်း
ဒီနွေလိုပဲ နောက်ထပ်ဥတုတွေဟာလည်း
ပူမြဲပူနေဦးမှာ။ သို့ပေမယ့်လို့

လဝ