PDF Channel, Yangon (2025)

27/11/2023

မတ္တရာမြို့နယ်အတွင်း စစ်ကောင်စီစခန်းကုန်းကို မန္တလေး PDF နှင့် TNLA တို့ပူးပေါင်းတိုက်ခိုက်မှု စစ်သား ၁၅ ဦးသေဆုံး‌ပြီး ၄ ဦး အရှင်ဖမ်းမိ၊ လက်နက်မျိုးစုံ ၁၃ လက်နှင့် ခဲယမ်းများ ရရှိ

ရန်ကုန်၊ နိုဝင်ဘာလ ၂၇

မန္တလေးတိုင်း၊ မတ္တရာမြို့နယ်အတွင်း စစ်ကောင်စီစခန်းကုန်းကို မန္တလေး PDF နှင့် TNLA တို့ပူးပေါင်းတိုက်ခိုက်မှု စစ်သား ၁၅ ဦးသေဆုံး‌ပြီး ၄ ဦး အရှင်ဖမ်းမိကာ လက်နက်မျိုးစုံ ၁၃ လက်နှင့် ခဲယမ်းများ ရရှိကြောင်း မန္တလေး PDF ပြောခွင့်ရ ကိုအော်စမွန်က ရန်ကုန်ခေတ်သစ်သတင်းဌာနထံသို့ ပြောဆိုသည်။

နိုဝင်ဘာလ ၂၇ ရက်နေ့ နံနက် ၈ နာရီအချိန်တွင် မတ္တရာမြိုနယ်အတွင်းရှိ စစ်ကောင်စီ စခန်းကုန်းတစ်ခုအား ထိုးစစ်ဆင် တိုက်ခိုက်ခဲ့ပြီး နံနက် ၁၀ နာရီ ၃၀ မိနစ်အချိန်တွင် စခန်းကုန်းကို အပြီးသတ် သိမ်းပိုက်နိုင်ခဲ့ကြောင်း၊ လက်နက်မျိုးစုံ (၁၃) လက်နှင့် ဆက်စပ်ခဲယမ်း အမြောက်အများကို သိမ်းဆည်းရရှိခဲ့ကြောင်း သိရှိရသည်။

ထို့ပြင် စစ်ကောင်စီ တပ််ဖွဲဝင်(၄)ဦး အရှင်ဖမ်းဆီးရမိခဲ့ပြီး အလောင်း ၁၅ လောင်း သိမ်းဆည်းရမိခဲ့ကြောင်း သိရှိရသည်။

27/11/2023

တနင်္သာရီမှာ တပ်ဖွဲ့သုံးဖွဲ့ပေါင်းပြီး တောင်ပိုင်းညီနောင်တပ်ပေါင်းစုစစ်ကြောင်း ဖွဲ့စည်း

တနင်္သာရီတိုင်းမ်၊ နိုဝင်ဘာ ၂၇

တနင်္သာရီမြို့နယ်အခြေစိုက် မဟာမိတ်တပ်ဖွဲ့သုံးခုပေါင်းပြီး တောင်ပိုင်းညီနောင်တပ်ပေါင်းစု - Southern brothers army (SBA) အမည်နဲ့ စစ်ကြောင်းတစ်ခုဖွဲ့စည်းလိုက်ပါတယ်။

လွန်ခဲ့တဲ့ ၂ ရက်က ဖွဲ့စည်းခဲ့တာဖြစ်ပြီး KTLA-tcjf၊ ခွပ်ဒေါင်းတမန်အထူးစစ်ကြောင်းနဲ့ People Liberation Army(PLA) တို့ ပူးပေါင်းဖွဲ့စည်းခဲ့တာလို့ စစ်ကြောင်းရဲ့ ပြန်ကြားရေးအရာရှိ ကိုစိုင်းညီက ပြောပါတယ်။

KTLA-tcjf တပ်ဖွဲ့ဟာ ကော်သူးလေအာမီ KTLA ထီးစမယ်ယွာတပ်ရင်းရဲ့ တပ်ခွဲ(၃) ဖြစ်ပါတယ်။

ကိုစိုင်းညီက “စည်းလုံးညီညွတ်ခြင်း၊ ယုံကြည်မှုပိုမိုခိုင်မာခြင်းရဲ့ရလဒ်ကတော့ ကျနော်တို့အတွက် အားသာချက်ပေါ့။ မြေပြင်မှာ အုပ်ချုပ်ကွပ်ကဲရတာကအစ ပိုကောင်းသွားတာပေါ့။” လို့ပြောပါတယ်။

အားလုံးတစုတစည်းထဲဖြစ်သွားတဲ့အတွက် အင်အားတွေများလာကာ စားဝတ်နေရေးကအစ ရဲဘော်တစ်ဦးချင်းစီရဲ့ လိုအပ်ချက်တွေအဆုံး ပိုပြီးရုန်းကန်ရမှာဖြစ်တယ်လို့ ကိုစိုင်းညီက ဆက်ပြောပါတယ်။

စစ်ကြောင်းဖွဲ့စည်းလိုက်တာနဲ့ပတ်သက်ပြီး စစ်ကောင်စီဘက် ထူးထူးခြားခြားတုံ့ပြန်တာမျိုးတော့ မရှိသေးဘူးလို့ ဆိုပါတယ်။

စစ်ကြောင်းကို တော်လှန်ရေးအင်အားစုအချင်းချင်းစည်းလုံးညီညွတ်ပြီး ခိုင်မာတဲ့ယုံကြည်ချက်နဲ့ စစ်မှန်တဲ့ဖက်ဒရယ်ဒီမိုကရေစီနိုင်ငံတော်အသစ်ပေါ်ထွန်းလာဖို့အတွက် အာဏာရှင်စနစ်ကိုအမြစ်ပြတ်တွန်းလှန်နိုင်ဖို့ရည်ရွယ်ပြီး ဖွဲ့စည်းတာဖြစ်တယ်လို့ ထုတ်ပြန်ချက်မှာရေးသားဖော်ပြထားပါတယ်။

စစ်ကြောင်းဖွဲ့စည်းတဲ့နေ့က KTLA ထီးစမယ်ယွာတပ်ရင်းရဲ့ တပ်ရင်းမှူး အဖူးစောလှမြင့်၊ စစ်ကြောင်းမှူး ဗိုလ်ပါးမွေး၊ဒု-စစ်ကြောင်းမှူး ဗိုလ်သားနီနဲ့ တာဝန်ရှိသူတွေဖြစ်တဲ့ ဗိုလ်စိုင်းညီ တို့က အမှာစကားပြောခဲ့တယ်လို့လည်း ထုတ်ပြန်ချက်မှာ ရေးသားထားပါတယ်။

တော်လှန်ရေးတပ်ဖွဲ့တွေ မဟာမိတ်ပြုပြီးစစ်ကြောင်းတွေ ဖွဲ့စည်းတဲ့အပေါ် ဘက်မလိုက်ပြောက်ကျားတပ်ဖွဲ့ (တနင်္သာရီ ပကဖ) SWDF ရဲ့ ပြန်ကြားရေးတာဝန်ခံက “ တစ်ဖွဲ့တည်းလှုပ်ရှားနေမယ်ဆိုရင် လက်နက်အင်အားမလုံလောက်တာတို့၊ မပြည့်စုံတာတို့များတယ်။ မဟာမိတ်ဖွဲ့လိုက်တော့ Selection ရွေးထုတ်လို့ ရတယ်လေ။ ဒါက ကောင်းကျိုး အများကြီးထဲက တစ်ခုပေါ့” လို့ ပြောပါတယ်။

တနင်္သာရီမြို့နယ်အတွင်း ခွပ်ဒေါင်းတမန် အထူးစစ်ကြောင်း၊ တနင်္သာရီမဟာမိတ်တပ် ပေါင်းစု စစ်ကြောင်း ၁ နဲ့ စစ်ကြောင်း ၂ တို့ရှိတယ်လို့ SWDF ပြန်ကြားရေးတာဝန်ခံဆီက သိရပါတယ်။

The Tanintharyi Times

ဓာတ်ပုံ - KTLA-tcjf

(တနင်္သာရီတိုင်းမ်သတင်းဌာနရဲ့သတင်းတွေကို https://www.tntynews.com မှာဝင်ရောက်ဖတ်ရှုနိုင်ပါတယ်)

27/11/2023

နိုဝင်ဘာလ ၂၆ ရက်နေ့မှ ၂၇ ရက်နေ့ မဟာမိတ်တပ်ဖွဲ့တိုက်ပွဲသတင်းများ
ကိုးကန့်နှင့် ကျောက်မဲဒေသရှိ စစ်ကောင်စီတပ်စခန်း(၂)ခုကိုထပ်မံသိမ်းပိုက်ပြီး တပ်မ(၉၉) လက်အောက်ခံ တပ်ရင်းမှူးတစ်ယောက်ကိုပစ်သတ်ချေမှုန်းနိုင်ခဲ့
=======
ကိုးကန့်မီဒီယာ
၂၀၂၃ ခုနှစ် နိုဝင်ဘာလ ၂၇ ရက်
နိုဝင်ဘာလ ၂၆ ရက်နေ့မှ ၂၇ ရက်နေ့တွင် MNDAAနှင့် မဟာမိတ်တပ်ဖွဲ့တို့ပူးတွဲပြီး ကိုးကန့်နှင့် ကျောက်မဲဒေသရှိ စစ်ကောင်စီတပ်စခန်း(၂)ခုကိုထပ်မံသိမ်းပိုက်ပြီး လုံခမ်းနေရာတွင်အခြေချနေထိုင်သော စစ်ကောင်စီတပ်ဖွဲ့မှ တပ်ရင်းမှူးတစ်ယောက်ကို ပစ်သတ်ချေမှုန်းနိုင်ခဲ့ကာ တပ်ဖွဲ့ဝင်တစ်ယောက်ကိုလည်း အရှင်ဖမ်းဆီးရမိပါသည်။
ကိုးကန့်တိုက်ပွဲ
နိုဝင်ဘာလ ၂၆ ရက်နေ့ ညနေ(၁၇း၃၀)နာရီတွင် MNDAAသည် လေကြောင်းပစ်ကူမှုဖြင့် တုန်းရှမ်းဒေသ မှတ်တိုင်(၁၂၇) ဓာတ်အားပေးစက်ရုံတွင်အခြေချနေထိုင်သော စစ်ကောင်စီတပ်ဖွဲ့ကို ထိုးစစ်ဆင်တိုက်ခိုက်လာ ပြီး ညနေ(၁၇း၄၇)နာရီတွင် ၎င်းနေရာကို အောင်မြင်စွာသိမ်းပိုက်နိုင်ခဲ့ပါသည်။
ကျောက်မဲတိုက်ပွဲ
နိုဝင်ဘာလ ၂၇ ရက်နေ့ ညနေ(၇း၃၁)နာရီခန့် MNDAA အင်အားတစ်စုနှင့် TNLAတပ်မဟာ(၂)တို့ပူးတွဲပြီး ကျောက်မဲနှင့် လားရှိုးကြားရှိ ခုတန်စေတီကုန်း High Pointတွင် အခြေချနေထိုင်သော စစ်ကောင်စီတပ်စခန်းကို ထိုးစစ်တိုက်ခိုက်ကာ ခြေလျင်နှင့် ဒရုန်း ပူးပေါင်းစစ်ဆင်မှုရေးဖြင့် (၈း၀၁)နာရီအချိန်တွင် အောင်မြင်စွာ သိမ်းပိုက်ခဲ့ပါသည်။
မုံးကိုးတိုက်ပွဲ
နိုဝင်ဘာလ ၂၆ ရက်နေ့ မုံးကိုးခရိုင် ၊ မိုင်းပေါ်ဒေသ ၊ နန်တောက်အုပ်စု ၊ လုံခမ်းတိုက်ပွဲတွင် စစ်ကောင်စီ တပ်မ(၉၉)လက်အောက်ခံ တပ်ရင်း(၇၉) ၏ တပ်ရင်းမှူးသည် ပစ်သတ်ချေမှုန်းနိုင်ခဲ့ပါသည်။ သတင်းအချက် အလက်အရ အလောင်းကို ယနေ့နံနက်တွင် မူဆယ်ဆေးရုံသို့ပို့ဆောင်ခဲ့သည်ဟု သိရှိရပါသည်။ ထို့ပြင် စစ်ကောင်စီ ခမရ (၄၂၀)၏ ဒဏ်ရာရ အဖွဲ့ဝင်တစ်ယောက်ကိုဖမ်းဆီးရမိပြီး MNDAAမှ လူသားချင်းစာနာ ထောက်ထားမှုအရ ဆေးကုသကယ်ဆယ်ပေးခဲ့ပါသည်။
၂၆ ရက်နေ့ညနေ(၁၄း၄၅)နာရီခန့်တွင်လည်း MNDAA သည် မူပန်(သိန္နီ)ခရိုင် ၊ မူပန်‌ဒေသ ၊ ဟိုပင်အုပ်စု ၊ မိုင်းတင်ရော်ဘာကုန်းနှင့် လက်ဖက်တောင်ကုန်းရှိ စစ်ကောင်စီစခန်းကို ဒရုန်းဖြင့် (၇)ကြိမ် တိုင်တိုင် ဗုံးကြဲတိုက်ခိုက်ခဲ့ပါသည်။
မိမိတို့ဌာန သတင်းများတင်ဆက်သည့်အချိန်ထိ MNDAA မှ စစ်ကောင်စီတပ်စခန်းအကြီးအသေး စုစုပေါင်း (၁၇၈)ခု သိမ်းပိုက်ရရှိခဲ့သည်ဟုသိရပါသည်။

27/11/2023

မူဆယ် ၁၀၅ မိုင် ဗျူဟာကုန်းအနီး တိုက်ပွဲပြင်းထန်နေပြီး စစ်တပ်က လေကြောင်းဖြင့် ဗုံးကျဲနေ၊ ပို့ကုန်ဝင်းအတွင်းရှိ ဂိုဒေါင်လည်း မီးလောင်နေ

ရန်ကုန်၊ နိုဝင်ဘာ ၂၇

ရှမ်းပြည်နယ်မြောက်ပိုင်း၊ မူဆယ် ၁၀၅ မိုင် ဗျူဟာကုန်းအနီး တိုက်ပွဲပြင်းထန်နေပြီး စစ်တပ်က လေကြောင်းဖြင့် ဗုံးကျဲ တိုက်ခိုက်နေကြောင်း ဒေသပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။

နိုဝင်ဘာလ ၂၇ ရက်နေ့ မွန်းလွဲ ၂ နာရီခန့်တွင် ၁၀၅ မိုင် ဗျူဟာကုန်း အတက်တောင်ခြေရှိတဲ့ ပို့ကုန်ဝင်း အတွင်း ဂိုဒေါင် မီးလောင် နေပြီး တိုက်ပွဲများ ဆက်လက် ပြင်းထန်လျက်ရှိကြောင်း သိရသည်။

ယနေ့ ညနေ ၄ နာရီခန့်တွင်လည်း မူဆယ် ၁၀၅ မိုင် ဖရဲကွင်း နောက်ဘက်ရှိ ဝေလုရွာဘက်ကို အကြမ်းဖက် စစ်တပ်က တိုက်လေယာဥ်ဖြင့် ဗုံးကျဲ တိုက်ခိုက်နေကြောင်း သိရှိရသည်။

၁၀၅ မိုင်တွင် ယမန်နေ့ ညပိုင်းက စတင်ကာ ပစ်ခတ်မှုများ ဖြစ်ပွားခဲ့ပြီးနောက် ဗျူဟာကုန်းနှင့် ကုန်သွယ်ရေးဇုန် ရုံးကြီးဝန်းကို တော်လှန်ရေး တပ်ဖွဲ့များက ဒရုန်းဖြင့် ဗုံးသီးချ တိုက်ခိုက်ကာ အကြမ်းဖက် စစ်တပ်က လေကြောင်းဖြင့် ဗုံးကျဲချကာ နှစ်ဖက် ပစ်ခတ်မှုများ ဖြစ်ပွားခဲ့ကြောင်း၊ အလားတူ နမ့်ပေါ် တံတားစခန်းကိုလည်း တော်လှန်ရေး တပ်ဖွဲ့များက ဒရုန်းဖြင့် ဗုံးကျဲ တိုက်ခိုက်ခဲ့ကြောင်း သိရသည်။

" ဒီနေ့ မွန်းလွဲ ၂ နာရီလောက်ကစပြီး ၁၀၅ မိုင် ဗျူဟာကုန်း အတက်တောင်ခြေမှာရှိတဲ့ ပို့ကုန်ဝင်းအတွင်းမှာရှိတဲ့ ဂိုဒေါင် မီးလောင် နေတယ်။ တိုက်ပွဲတွေ ဆက်လက် ပြင်းထန်နေပါတယ်။ ညနေ ၄ နာရီမှာ ၁၀၅ မိုင် ဖရဲကွင်းနောက်ဘက် ဝေလုရွာဘက်ကို စစ်တပ်က တိုက်လေယာဥ်နဲ့ ဗုံး ၂ လုံးကျဲချ တိုက်ခိုက်ခဲ့တယ်" ဟု ဒေသပြည်သူတစ်ဦးက ပြောဆိုသည်။

27/11/2023

လွိုင်ကော်မြို့တွင် တိုက်ပွဲ ပြင်းထန်နေပြီး ဌာနဆိုင်ရာ ရုံး အ များအပြားကို ကရင်နီ တော်လှန်ရေး တပ်ဖွဲ့များက သိမ်းပိုက်ထား၊ စစ်တပ်က လက်နက်ကြီးဖြင့် ပစ်ခတ်မှုကြောင့် နေအိမ်များ မီးလောင်နေ

ရန်ကုန်၊ နိုဝင်ဘာ ၂၇

ကရင်နီပြည်၊ လွိုင်ကော်မြို့တွင် တိုက်ပွဲ ပြင်းထန်နေပြီး ဌာနဆိုင်ရာ ရုံး အများအပြားကို တော်လှန်ရေး အင်အားစုများက သိမ်းပိုက်ထားကြောင်း ရှေ့တန်းရောက် တော်လှန်ရေး သ တင်းရင်းမြစ်က ရန်ကုန်ခေတ်သစ် မီဒီယာသို့ ပြောဆိုသည်။

ယနေ့ နိုဝင်ဘာလ ၂၇ ရက်နေ့တွင် လွိုင်ကော်မြို့ရှိ နေရာ ၂ ခုကို အကြမ်းဖက် စစ်တပ်က ပစ်ခတ်သော လက်နက်ကြီးကျည် ကျရောက်ပေါက်ကွဲမှုကြောင့် ဒေါဥခူရပ်ကွက် အပါအဝင် နေရာ ၂ ခု၌ မီးလောင်နေပြီး အကြမ်းဖက်စစ်ကောင်စီတပ်ကလည်း လက်နက်ကြီးများ အဆက်မပြတ် ပစ်ခတ်နေကြာင်း သိရသည်။

ထို့ပြင် လွိုင်ကော်မြို့တွင် တိုက်ပွဲများ ဆက်လက် ပြင်းထန်နေပြီး EPC ရုံးအပါအဝင် ဌာန ဆိုင်ရာ ရုံးအများအပြားကို ကရင်နီတော်လှန်ရေးတပ်ဖွဲ့များက သိမ်းပိုက် ထားကြောင်း သိရသည်။

“ဒီနေ့တော့ လေယာဉ်လာတာ မတွေ့ရဘူးဗျ၊ လွိုင်ကော်မြို့ထဲက ရုံးတော်တော်များများတော့ ရထား ပြီပါပြီ၊ မြို့ရဲ့ ၅ ပုံ ပုံရင် တစ်ပုံလောက်ပဲ ရသေးတယ်၊ တိုက်ပွဲက ပြင်းထန်နေတုန်းပဲ၊ မယ်စဲ့မြို့ဘက်က တပ်အင်အားတွေကလည်း လွိုင်ကော်မြို့ ဘက်ကို ပြန်ပေါင်းထားတာ၊ သူတို့ ရဟတ်ယာဉ်နဲ့ သယ်ပြီး တော့ ပို့ထားတာဆိုတော့ စစ်တပ်အင်အားက တော်တော်များသေးတယ်လို့ ပြောလို့ရတာပေါ့၊ လက်နက်ချ အလင်းဝင်တာတွေတော့ မကြားမိသေးဘူး၊ ဖမ်းမိတာရှိတယ်လို့တော့ကြားတယ်၊ အခုတော့ ပြည်သူ့နေအိမ် တစ်လုံးမီးလောင် နေတယ်” ဟု ရှေ့တန်းရောက် တော်လှန်ရေး သတင်းရင်းမြစ်က ရန်ကုန်ခေတ်သစ်သတင်း ဌာနထံသို့ ပြောကြားသည်။

26/11/2023

မြောက်ပိုင်းမဟာမိတ် ၃ ဖွဲ့ က ၁၀၂၇ စစ်ဆင်ရေးကို နိုင်ငံလုံးအဆင့်သို့ ပြောင်းလဲပြီး နောက်တစ်ဆင့်တက်မည်ဟု ကြေညာထားမှုကြောင့် စစ်ကောင်စီက ရန်ကုန်၊ နေပြည်တော်၊ မန္တလေး၊ ပြင်ဦးလွင် အပါအဝင် တစ်နိုင်ငံလုံး တပ်လှန့်လုံခြုံရေး တိုးမြှင့်

ရန်ကုန်၊ နိုဝင်ဘာ ၂၆

မြောက်ပိုင်းမဟာမိတ် ၃ ဖွဲ့ က ၁၀၂၇ စစ်ဆင်ရေးကို နိုင်ငံလုံးအဆင့်သို့ ပြောင်းလဲပြီး နောက်တစ်ဆင့်တက်မည်ဟု ကြေညာထားမှုကြောင့် စစ်ကောင်စီက ရန်ကုန်၊ နေပြည်တော်၊ မန္တလေး၊ ပြင်ဦးလွင် အပါအဝင် တစ်နိုင်ငံလုံး တပ်လှန့်လုံခြုံရေး တိုးမြှင့်ထားကြောင်း နေပြည်တော်စစ်ဘက်သတင်းရင်းမြစ်နှင့် ရန်ကုန်တိုင်းစစ်ကောင်စီသတင်းရင်းမြစ်ထံမှ သိရှိရသည်။

နိုဝင်ဘာလ ၂၇ ရက်နေ့ ၁၀၂၇ စစ်ဆင်ရေး ၁ လပြည့်သည့်နေ့တွင် Nationwide Operation ကို နောက်တစ်ဆင့် တက်မည်ဟု မြောက်ပိုင်းမဟာမိတ် ၃ ဖွဲ့က ကြေညာထားမှုကို စစ်ကောင်စီက ဌာနဆိုင်ရာနှင့် တပ်ရင်းတပ်ဖွဲ့အားလုံး လုံခြုံရေးတိုးမြှင့်ကြရန် ယနေ့ နှုတ်မိန့်ဖြင့် ညွှန်ကြားချက်ပေးကြောင်း သိရှိရသည်။

"နေပြည်တော်မှာလည်း လုံခြုံရေးတွေ ၂ ဆ ထပ်တိုးပါတယ်။ အခြားပြည်နယ်/တိုင်းတွေမှာလည်း ဌာနဆိုင်ရာရုံးတွေ၊ တပ်ရင်းတပ်ဖွဲ့၊ ရဲစခန်းတွေ လုံခြုံရေးတိုးမြှင့်ပြီး သတိရှိကြဖို့ နှုတ်မိန့် ညွှန်ကြားချက်တွေ ပေးတယ်။ အဓိက လောက်ကိုင်၊ ရခိုင်၊ စစ်ကိုင်း၊ ကယား၊ ချင်း အထူး သတိထားဖို့ ညွှန်ကြားမှုတွေ ရှိပါတယ်" ဟု နေပြည်တော်စစ်ဘက်သတင်းရင်းမြစ်က ဆိုသည်။

ရန်ကုန်တိုင်းစစ်ကောင်စီသတင်းရင်းမြစ်ကလည်း တိုင်းစစ်ကောင်စီအခြေစိုက် ရန်ကုန်တိုင်းလွှတ်တော်ဝင်းအတွင်းတွင် တင့်ကား၊ သံချပ်ကာကားများနှင့် ဒရုန်းပစ်လက်နက်များ၊ စစ်အင်အားကိုပါ ယနေ့ညပိုင်း တိုးမြှင့်လိုက်ကြောင်း ပြောဆိုသည်။

"ဒရုန်း Jammer တွေ ဒရုန်းပစ်လက်နက်တွေ ဒီနေ့ည တိုင်းလွှတ်တော်ဝင်းအတွင်းမှာ ပိုပြီး တပ်ဆင်တယ်။ တင့်ကားနဲ့ သံချပ်ကာတွေလည်း ထပ်ရောက်တယ်။ ဒီနေ့ညနဲ့ မနက်ဖြန်ကို စစ်အင်အား ထပ်တိုးလိုက်တယ်" ဟု ရန်ကုန်တိုင်းစစ်ကောင်စီ သတင်းရင်းမြစ်က ပြောဆိုသည်။

အခြားတစ်ဘက်တွင်လည်း ရန်ကုန်တိုင်း၊ မင်္ဂလာတောင်ညွန့်မြို့နယ် အပေါ်ထပ်တွင် စစ်သားများ လာရောက်တပ်စွဲထားကြောင်း၊ ရပ်ကွက်အုပ်ချုပ်ရေးမှူးရုံး၊ မီးသတ်နှင့် ရဲစခန်းများတွင်လည်း အကာအရံ သံဆူးကြိုး ဘယ်ရီယာများ ချထားကြောင်း သိရှိရသည်။

စစ်ကောင်စီတပ်နှင့် တက္ကသိုလ်များ အခြေစိုက် ပြင်ဦးလွင်တွင်လည်း အဝင်အထွက်ပိုမို စိစစ်ပြီး ပြင်ဦးလွင် စစ်တက္ကသိုလ်နှင့်စစ်နည်းပညာတက္ကသိုလ်ပတ်ဝန်းကျင်တွင် စစ်ကားများဖြင့် ကင်းလှည့်နေကြောင်း သိရှိရသည်။

"ပြင်ဦးလွင်မှာ ဒီနေ့ အဝင်အထွက် တအားစစ်ပါတယ်။ ဗဟိုဝန်ထမ်းတက္ကသိုလ် ဘယ်ညာတစ်လျောက် စစ်ခွေး တွေ ရှိနေတယ်။ အင်အားများတယ်။ အုန်းချောရွာ (ဂိတ်တွင်) အဆင်းတွင် ဆိုင်ကယ်၊ ကားတွေအစစ်အဆေးကြမ်းနေပြီး မိသားစုကားတွေပါ ဘယ်ကပြန်လာသလဲ၊ တစ်ဦးချင်းစစ်ဆေးနေပါတယ်။ ပြင်ဦးလွင်တစ်မြို့လုံးလည်း စစ်ကားတွေနဲ့ လုံခြုံရေးတင်းကျပ်ထားတယ်" ဟု ဒေသပြည်သူတစ်ဦးက ပြောဆိုသည်။

မန္တလေးမြို့တွင် ယနေ့ညပိုင်း တင့်ကားများ၊ သံချပ်ကာကားများနှင့် မြို့ပေါ်တွင် စစ်တပ်က ကင်းလှည့်နေကြောင်း သိရှိရသည်။

"စကစ တင့်ကားတွေ စစ်ကြောင်းတွေနဲ့ မန္တလေး စက်မှုဘက်မှာ ကင်းလှည့်နေတယ်။ ဒီည ကင်းလှည့်နေတာ"ဟု မန္တလေး ဒေသပြည်သူတစ်ဦးက ပြောဆိုသည် ။

မြောက်ပိုင်းမဟာမိတ် ၃ ဖွဲ့က အောက်တိုဘာလ ၂၇ နေ့တွင် ၁၀၂၇ စစ်ဆင် ရေးစတင်ပြီး ရှမ်းမြောက်ဒေသတွင် စစ်ကောင်စီ၏ တပ်စခန်း ၂၀၀ နီးပါးနှင့် မြို့ပေါင်း ၁၀ မြို့ထက်မနည်းကို တိုက်ခိုက်သိမ်းပိုက်ထားကြောင်း သိရှိရသည်။

ဓာတ်ပုံ- စစ်တပ်လော်ဘီများ ထုတ်ပြန်ထားသည့် ရန်ကုန်တွင် ဟန်ရေးပြ ကင်းလှည့်‌နေသော အကြမ်းဖက်စစ်ကောင်စီတပ်များ။

26/11/2023

1 1 2 7

26/11/2023

လှမ်းရင်း လှမ်းရင်း
ပန်းခင်းမှာ လူအစုံ
အကုန်ပြန်တွေ့ပါစေ။

မောင်စိန်ဝင်း(ပုတီးကုန်း)

25/11/2023

ချင်းတပ်ဖွဲ့များ သိမ်းပိုက်ထားသော အိန္ဒိယ-မြန်မာနယ်စပ်ဂိတ်၊ ရိဒ်ခေါဒါရ်မြို့ တွင် "REPUBLIC OF THE UNION OF MYANMAR" စာသားကို ဖြုတ်ချပြီး "WELCOME TO CHINLAND" ဟု ဆိုင်းဘုတ် ပြောင်းလဲတပ်ဆင်

ရန်ကုန်၊ နိုဝင်ဘာ ၂၅

ချင်းတော်လှန်ရေးတပ်ဖွဲ့များ သိမ်းပိုက်ထားသော အိန္ဒိယ-မြန်မာနယ်စပ်ဂိတ်၊ ရိဒ်ခေါဒါရ်မြို့ တွင် "REPUBLIC OF THE UNION OF MYANMAR" စာသားကို ဖြုတ်ချပြီး "WELCOME TO CHINLAND" ဟု ပြောင်းလဲတပ်ဆင်လိုက်ကြောင်း ဒေသသတင်းရင်းမြစ်များနှင့် ချင်းတော်လှန်ရေးတပ်ဖွဲ့သတင်းရင်းမြစ်များထံမှ သိရှိရသည်။

နိုဝင်ဘာလ ၁၃ ရက်နေ့တွင် ရိဒ်ခေါဒါရ်မြို့ရှိ ရိဒ်စစ်စခန်းနှင့် Tio စစ်စခန်းတို့ကို ချင်းတော်လှန်ရေးတပ်များက သိမ်းပိုက်ပြီးနောက် မြို့ကိုပါ သိမ်းပိုက်ခဲ့ကြောင်း၊ ယင်းနောက် ချင်းအမျိုးသားအလံကို လွှင့်ထူခဲ့ပြီး လုံခြုံရေးနှင့် နယ်မြေရှင်းလင်းရေး လုပ်ငန်းများ ၊ မြို့ထဲတွင် မိုင်းရှင်းလင်း လုပ်ငန်းများ လုပ်ဆောင်ခဲ့ကြောင်း၊ ယင်းနောက် ရိဒ်ခေါဒါရ် အခြေစိုက် ကာကွယ်ရေးတပ်များက အုပ်ချုပ်ရေးဆိုင်ရာ လုပ်ငန်းများကို စတင်လျက်ရှိကြောင်း သိရှိရသည်။

ယမန်နေ့ နိုဝင်ဘာလ ၂၄ ရက်နေ့တွင်လည်း ချင်းပြည်နယ်၊ ဖလမ်းမြို့နယ်တွင် လေယာဉ်ကွင်းပါ တည်ဆောက်နေသည့် လိုင်လင်းပီမြို့ကို ချင်းတော်လှန်ရေးတပ်ဖွဲ့များက တိုက်ခိုက်သိမ်းပိုက်ခဲ့ကြောင်း သိရှိရသည်။

ဓာတ်ပုံ- အိန္ဒိယ-မြန်မာနယ်စပ်ဂိတ်၊ ရိဒ်ခေါဒါရ်မြို့ တွင် "REPUBLIC OF THE UNION OF MYANMAR" စာသားကို ဖြုတ်ချပြီး "WELCOME TO CHINLAND" ဆိုင်းဘုတ်ပြောင်းလဲတပ်ဆင်ထားစဉ်။

Photo- ချင်းတော်လှန်ရေးအဖွဲ့များနှင့် ချင်းဒေသမီဒီယာများ။

25/11/2023

ရေးမြို့နယ်၊ ခေါဇာမြို့နယ်ခွဲ ရဲစခန်းမှ ရဲတပ်ကြပ် ၁ ဦး G-3 သေနတ် ယူဆောင်လာပြီး အလင်းဝင်

ရန်ကုန်၊ နိုဝင်ဘာ ၂၅

မွန်ပြည်နယ်၊ ရေးမြို့နယ်၊ ခေါဇာမြို့နယ်ခွဲ ရဲစခန်းမှ ရဲတပ်ကြပ် ၁ ဦး G-3 သေနတ် ယူဆောင်လာပြီး အလင်းဝင်လာကြောင်း Ye Guerilla Force - ရေးပြောက်ကျားတပ်ဖွဲ့ထံမှ သိရသည်။

ယနေ့ နိုဝင်ဘာလ ၂၅ ရက်နေ့တွင် ရေးမြို့နယ်၊ ခေါဇာမြို့နယ်ခွဲ ရဲစခန်းမှ ရဲတပ်ကြပ် တစ်ဦးသည် ၎င်းကိုင်ဆောင်သော G3 သေနတ် ၁ လက်၊ ကျည်ဘောက် ၂ ခု၊ ကျည်အတောင့် ၁၀၀ နှင့်အတူ အလင်း ဝင်ရောက်လာခြင်းဖြစ်ကြောင်း သိရသည်။

ထိုသို့ အလင်းဝင်ရောက်လာရခြင်းမှာ ပြည်သူများကို အကြောင်းမဲ့ ဖမ်းဆီးသတ်ဖြတ်ခြင်း၊ ပြည်သူများ ၏ အသက်အိုးအိမ်၊ စည်းစိမ်များကို မီးရှို့ဖျက်ဆီး၊ လုယက်၊ မတရားယူဆောင်ခြင်း၊ ခိုးယူခြင်း၊ အာဏာ ရှင်လူတစ်စုနှင့်အာဏာရှင်စနစ်အတွက် ကျွန်သဖွယ်လုပ်ကိုင်နေရခြင်းတို့ကို ရွံရှာမုန်းတီးလာသဖြင့် အလင်းဝင်ရောက်ခဲ့ခြင်းဖြစ်ကြောင်း သိရသည်။

ယခုကဲ့သို့ အမှားအမှန်ခွဲခြား သိမြင်စွာ အချိန်မီဝင်ရောက်ခဲ့သဖြင့် Ye Guerilla Force - ရေး ပြောက် ကျားတပ်ဖွဲ့ထံမှ ဂုဏ်ယူဝမ်းမြောက်စွာ နွေးထွေးစွာကြိုဆိုခဲ့ပြီး အဆိုပါရဲတပ်ကြပ်သည် ရေးမြို့နယ်၌ ပထမဆုံးအကြိမ် ခိုလှုံဝင်ရောက်လာသည့် ရဲတစ်ဦးဖြစ်ကြောင်း သိရသည်။

အကြမ်းဖက်စစ်ကောင်စီတပ်ဖွဲ့ဝင်များ၊ Non CDM ဝန်ထမ်းများ၊ ပြည်သူ့စစ်များအနေဖြင့် အမှား အမှန်ခွဲခြားသိမြင်ကာ အလင်းဝင်ရောက်ကြရန်၊ ၎င်းတို့ကို နွေးထွေးစွာကြိုဆိုမည့်အပြင် ၎င်းတို့၏ လုံခြုံရေးကို အပြည့်အဝတာဝန်ယူပေးမည်ဖြစ်ကြောင်း အသိပေးထားသည်။

25/11/2023

လားရှိုးတွင် TNLA က သိမ်းပိုက်ထားသော မိုင်းကျက်တပ်စခန်းကို ရှင်းလင်းရေးပြုလုပ်စဥ် ဟောင်ဝှစ်ဇာလက်နက်ကြီး အပါအဝင် လက်နက် မျိုးစုံ ၇၈ လက်နှင့် ခဲယမ်း အမြောက် အများ သိမ်းဆည်းရရှိ

■ စစ်ကောင်စီ တပ်သား အလောင်း ၅၀ ကျော်မြုပ်နှံထား သည့်နေရာကိုလည်း ရှာဖွေတွေ့ရှိ

ရန်ကုန်၊ နိုဝင်ဘာ ၂၅

ရှမ်းပြည်နယ် မြောက်ပိုင်း၊ လားရှိုးမြို့နယ်တွင် TNLA က သိမ်းပိုက်ထားသော မိုင်းကျက်တပ်စခန်းကို နယ်မြေ ရှင်းလင်းရေးပြုလုပ်စဥ် ဟောင်ဝှစ်ဇာလက်နက်ကြီး အပါအဝင် လက်နက် မျိုးစုံ ၇၈ လက်နှင့် ခဲယမ်း အမြောက် အများ သိမ်းဆည်းရရှိခဲ့ကြောင်း TNLA သတင်းနှင့်ပြန်ကြားရေးဌာနက ထုတ်ပြန် ထားသည်။

ယမန်နေ့ နိုဝင်ဘာလ ၂၄ ရက်နေ့ မွန်းတည့် ၁၂ နာရီ ၅ မိနစ်တွင် လားရှိးမြို့နယ်ရှိ စစ်ကောင်စီ၏ မိုင်းကျက်တပ်စခန်းကို တအာင်းတပ်မတော် PSLF/TNLA က သိမ်းပိုက်ပြီး ဝင်ရောက် ရှင်းလင်းခဲ့ရာ ၎င်းတပ်စခန်းအတွင်းမှ စစ်ကောင်စီ၏ ဟောင်ဝစ်ဇာ လက်နက် ကြီး အပါအဝင်၊ လက်နက်မျိုးစုံ ၇၈ လက်၊ ကျည်ပေါင်းများစွာသိမ်းဆည်းရရှိခဲ့ကြောင်း သိရသည်။

ထို့ပြင် စစ်ကောင်စီတပ်သား အလောင်း ၅၀ ကျော် မြုပ်နှံထားသည့် နေရာကိုလည်း ရှာဖွေတွေ့ရှိခဲ့ကြောင်း သိရှိရသည်။

အဆိုပါ မိုင်းကျက်တပ်စခန်းကို ၁၀၂၇ စစ်ဆင်ရေးစတင်ခဲ့သည့် အောက်တိုဘာလ ၂၇ ရက်နေ့မှစ၍ တအာင်းတပ်မတော် PSLF/TNLA က တိုက်ခိုက်ခဲ့ခြင်းဖြစ်ပြီး သီတင်းပတ် ၄ ပတ်ကြာ နိုဝင်ဘာ ၂၄ ရက်တွင် အလုံးစုံသိမ်းပိုက်နိုင်ခဲ့ခြင်းဖြစ်ကြောင်း သိရှိရသည်။

ယင်း စစ်ကောင်စီ တပ်စခန်းကို တိုက်ခိုက်မှုများအတွင်း အကြမ်းဖက် စစ်ကောင်စီတပ်က Jet Fighter ဖြင့် ၉၅ ကြိမ်၊ Y8/Y12 လေယာဉ် ဖြင့် ၁၂ ကြိမ်၊ Mi 35 ရဟတ်ယာဉ်ဖြင့် ၁၅ ကြိမ်၊ Mi17 ၁၅ ကြိမ် ထက်မနည်း လေကြောင်းမှ တိုက်ခိုက်ခဲ့ကြောင်း သိရသည်။

25/11/2023

၁၀၂၇ စစ်ဆင်ရေး တစ်လ ပြည့်သည့် နိုဝင်ဘာလ ၂၇ ရက်နေ့တွင် တစ်နိုင်ငံလုံးအဆင့် စစ်ဆင်ရေး နောက် တစ်ဆင့် တက်မည်ဟု ညီနောင်မဟာမိတ် ၃ ဖွဲ့ ကြေညာ

■ စစ်အာဏာရှင်စနစ် အမြစ်ဖြတ်နိုင်ရေး လူတိုင်းပါဝင်ကြရန် နှိုးဆော်

ရန်ကုန်| နိုဝင်ဘာ ၂၅

ရှမ်းပြည်နယ်မြောက်ပိုင်းတွင် စတင်ခဲ့သော ၁၀၂၇ စစ်ဆင်ရေး တစ်လပြည့်သည့် နိုဝင်ဘာလ ၂၇ ရက်နေ့တွင် တစ်နိုင်ငံလုံးအဆင့် စစ်ဆင်ရေး (Nationwide Operation) နောက်တစ်ဆင့် တက်မည်ဟု ညီနောင်မဟာမိတ် ၃ ဖွဲ့ ကြေညာလိုက်သည်။

အောက်တိုဘာလ ၂၇ ရက်နေ့က ရှမ်းပြည်မြောက်ဒေသတွင် စတင်ခဲ့သည့် ၁၀၂၇ စစ်ဆင်ရေးကို တစ်နိုင်ငံလုံးအဆင့် Nationwide Operation အဖြစ်ပြောင်းလဲပြီးနောက် နိုဝင်ဘာလ ၂၇ ရက်နေ့ တစ်လပြည့်သည့်နေ့တွင် တစ်နိုင်ငံလုံးအဆင့် စစ်ဆင်ရေးကို နောက်တစ်ဆင့် တက်မည်ဟု ညီနောင်မဟာမိတ်တပ်ဖွဲ့ ၃ ဖွဲ့က ယမန်နေ့တွင် ကြေညာခြင်းဖြစ်သည်။

"Nationwide Operation သည်လည်း မိမိတို့ စစ်ဆင်ရေး တစ်လပြည့်သည့် နိုဝင်ဘာလ ၂၇ ရက်နေ့တွင် နောက်တစ်ဆင့် တက်ရန် အသင့်ဖြစ်နေပြီ" ဟု ညီနောင် မဟာမိတ် ၃ ဖွဲ့က ပြောသည်။

ဟန်ချက်ညီစစ်ဆင်ရေးမှတစ်ဆင့် ပြည်သူကို လက်နက်ကြီးများဖြင့် ပစ်ခတ်သတ်ဖြတ်နေသော စစ်ကောင်စီ၏ စစ်စခန်းများ၊ မဟာဗျူဟာမြောက် အချက်အချာကျသော ကုန်းများအား အပြီးသတ်ချေမှုန်းတိုက်ခိုက်သည့် စစ်ဆင်ရေးတိုင်းတွင် မိမိတို့တပ်ဖွဲ့ဝင်များ၏ အသက်၊ သွေး၊ ချွေး၊ အရင်းအနှီး၊ ပေးဆပ်မှုများစွာဖြင့် ရယူနိုင်ခဲ့သည်ဟု ညီနောင်မဟာမိတ်တပ်က ဆိုသည်။

၁၀၂၇ စစ်ဆင်ရေးမှာ စတင်ခဲ့သည့်နေ့မှ ယမန်နေ့အထိ ၂၉ ရက်နေ့မြောက်သို့ ရောက်ရှိလာနေပြီး စစ်ရေးလှုပ်ရှားရာဒေသများတွင် စစ်ရှိန်ဆက်လက်မြင့်တက်လျှက် သတ်မှတ်ထားသော စစ်ကောင်စီ၏ အရေးပါသော နေရာများ၊ လက်နက်ကြီးကုန်းများကို တစ်ခုပြီးတစ်ခု ထိုးစစ်ဆင် တိုက်ခိုက်လျှက်ရှိသည်ဟု သိရသည်။

၁၀၂၇ စစ်ဆင်ရေးစတင်သည့်အချိန်မှ ယနေ့အချိန်အထိ သမိုင်းဝင်စစ်ဆင်ရေးများကို တစ်ခုပြီးတစ်ခု ဆင်နွှဲခဲ့ပြီး စစ်ဆင်ရေးကာလအတွင်း ပေးဆပ်မှုများစွာဖြင့် နေ့ရက်တိုင်းကိုကျော်ဖြတ်ကာ တစ်ဖွဲ့ချင်းစီ၏ ရည်မှန်းချက်၊ ဘုံရည်မှန်းချက်များကို စည်းလုံးညီညွတ်စွာဖြင့် တစ်ဆင့်ချင်းအကောင်အထည်ဖော်လျက်ရှိကြောင်းလည်း ပြောသည်။

" စစ်ဆင်ရေးအောင်မြင်မှုများနှင့်အတူ ဟန်ချက်ညီစစ်ဆင်ရေးမှသည် Nationwide Operation တစ်နိုင်ငံလုံးမှ လူတိုင်း ပါဝင်သော စစ်ဆင်ရေးကြီး ဖြစ်ပေါ်လာမှသာလျှင် စစ်အာဏာရှင်စနစ် အမြစ်ဖြတ်နိုင်မည်ဖြစ်သောကြောင့် ဤစစ်ဆင်ရေးကြီးထဲတွင် လူတိုင်း၊ တစ်ယောက်ချင်းစီတိုင်း ပါဝင်ကြရန် တိုက်တွန်းနှိုးဆော်ပါသည်" ဟု ထုတ်ပြန်ထားသည်။

ညီနောင်မဟာမိတ် ၃ ဖွဲ့ အနေဖြင့် ရည်မှန်းထားသော စစ်ဆင်ရေးအစီအမံများကို တစ်ခုပြီးတစ်ခု ဆက်လက်အကောင်အထည်ဖော် ဆောင်ရွက်လျက်ရှိပြီး စစ်ဆင်ရေးအရှိန်ကိုလည်း ရပ်တန့်မသွားရစေရန် အခြားသော မိတ်ဖက်အဖွဲ့အစည်းများ၊ နွေဦး တော်လှန်ရေးအဖွဲ့အစည်းထဲမှ ပေါက်ဖွားလာသော တော်လှန်ရေးအဖွဲ့အစည်းများ၊ ဘုံရည်မှန်းချက်တူညီသော အဖွဲ့အစည်းများနှင့် အတူတကွ ဆင်နွှဲလျက်ရှိကြောင်း သိရှိရသည်။

ရှမ်းပြည်မြောက်ပိုင်းဒေသတွင် ကိုးကန့်တပ် MNDAA နှင့် တအောင်းတပ် TNLA တို့သည် ၎င်းတို့ ယခင် နယ်မြေများဖြစ်သည့် နေရာဒေသ မြို့အချို့အား လက်ရှိတွင် စစ်ကောင်စီလက်ထဲမှ ရယူထားနိုင်ပြီဖြစ်ကြောင်းနှင့် MNDAA သည် ၎င်းတို့၏ မိခင်မြေဖြစ်သည့် လောက်ကိုင်မြို့ကို အလုံးစုံရရှိနိုင်ရန် စစ်ကောင်စီအား ပြင်းပြင်းထန်ထန် တိုက်ခိုက်နေပြီး မကြာမီအချိန်တွင် မြို့တစ်ခုလုံးကို ဝင်သိမ်းပိုက်တော့မည်ဟု သတိပေး ကြေညာထားသည်။

ရက္ခိုင့်တပ်တော် AA သည်လည်း ရခိုင်ပြည်တွင် စစ်ကောင်စီ၏ ရဲတပ်ရင်းတပ်ဖွဲ့များကို ပထမဆုံး ဦးတည်တိုက်ခိုက်နေပြီး ယနေ့အထိ ရဲတပ်စခန်း ၄ ခုကို သိမ်းပိုက်ထားကာ စစ်ကောင်စီတပ်ဖွဲ့ဝင်များ စွန့်လွှတ်ခဲ့သော စခန်း ၄၀ ကျော်ကိုလည်း သိမ်းပိုက်ထားကြောင်း AA က ပြောသည်။

ထို့ပြင် ပလက်ဝမြို့နယ်ရှိ စစ်ကောင်စီ၏ အရေးပါသော အခိုင်အမာပြုလုပ်ထားသည့် တရွန်အိုင်ဗျူဟာနှင့် နှုံးဘူးဗျူဟာတို့ကို အပြီးအပိုင် သိမ်းပိုက်နိုင်ရေးအတွက် နိုဝင်ဘာလ ၁၄ ရက်နေ့မှစ၍ ထိုးစစ်ဆင်တိုက်ခိုက်နေသည်ဟု AA က ထုတ်ပြန်ထားသည်။

ဓာတ်ပုံ- AA စစ်ဦးစီးချုပ် ဗိုလ်ချုပ်ထွန်းမြတ်နိုင်၊ MNDAA စစ်ဦးစီးချုပ် ဒုတိယ ဗိုလ်ချုပ်ကြီးဖုန်တာရွှင်၊ TNLA ဥက္ကဋ္ဌ ဒုတိယဗိုလ်ချုပ်ကြီး တားအိုက်ဘုန်း။

25/11/2023

ကရင်ပြည်နယ်ဘက်မှာ
အသုံးပြုနေကြတဲ့ အင်တာနက်...

ဘယ်ဆင်းကတ်မှ မလိုတဲ့
Starlink ဂြိုဟ်တု အင်တာနက်

( Just For Knowledge )

25/11/2023

ကိုးကန့်ဒေသရှိ စစ်စခန်းများကို ကိုးကန့် MNDAA က ဆက်တိုက် သိမ်းပိုက်နေပြီး တပ်စခန်း စုစုပေါင်း ၁၇၁ ခု သိမ်းပိုက်ထား၊ MNDAA ၏ စစ်ဆင်ရေးသည် လောက်ကိုင်မြို့ကို ဦးတည်နေပြီဖြစ်ကြောင်း အသိပေး

ရန်ကုန်၊ နိုဝင်ဘာ ၂၄

ရှမ်းပြည်နယ်၊ ကိုးကန့်ဒေသရှိ အကြမ်းဖက် စစ်တပ်၏ စစ်စခန်းများကို MNDAA က ဆက်တိုက် သိမ်းပိုက်နေပြီး တပ်စခန်း စုစုပေါင်း ၁၇၁ ခု သိမ်းပိုက်ထားကြောင်း MNDAA ၏ ပြန်ကြားရေး The kokang က ထုတ်ပြန်ထားသည်။

နိုဝင်ဘာလ ၂၄ ရက်နေ့ နံနက် ၅ နာရီ ၃၀ မိနစ်ခန့်တွင် MNDAA က ကိုးကန့် တုန်းရှမ်းဒေသ၊ ပါကျောက်ရွှေနှင့် လွမ်းလောက်လင် တောင်ကုန်းရှိ အကြမ်းဖက် စစ်တပ်စခန်း ၂ ခုကို ထိုးစစ်တိုက်ခိုက်ကာ နံနက် ၈ နာရီ ၂၅ မိနစ်ခန့်တွင် အောင်မြင်စွာ သိမ်းယူ နိုင်ခဲ့ကြောင်း သိရသည်။

ယနေ့ နံနက် ၁၀ နာရီ ၂၀ မိနစ်ခန့်တွင် MNDAA က ကိုးကန့်တုန်းရှမ်းဒေသ (လောက်ကိုင်တုန်းချိန်ပြင်ပတစ်ဝိုက်) ဆိုင်တာအိုင် တောင်ကုန်းရှိ အကြမ်းဖက် စစ်တပ်စခန်းကို လက်နက်ကြီးများဖြင့် ပစ်ခတ်ခဲ့ကာ မွန်းလွဲ ၂ နာရီ ၄၀ မိနစ်ခန့်တွင် ခြေလျင် တပ်ဖွဲ့ဖြင့် ထိုးစစ်ဆင် တိုက်ခိုက်ခဲ့ပြီး ခြေလျင်နှင့် အမြောက်များ၏ ပူးတွဲတိုက်ခိုက်မှုဖြင့် မွန်းလွဲ ၃ နာရီ ၁၆ မိနစ်တွင် အောင်မြင်စွာ သိမ်းယူနိုင်ခဲ့ကြောင်း သိရှိရသည်။

အဆိုပါ စစ်စခန်းသည် အကြမ်းဖက် စစ်တပ်၏ လောက်ကိုင်ဒေသတွင် အခြေချသော နောက်ဆုံးတောင်ကုန်း (High Point)တစ်ခု ဖြစ်ပြီး လက်ရှိတွင် MNDAA ၏ စစ်ဆင်ရေးသည် လောက်ကိုင်‌မြို့ဘက်ကို ဦးတည်လာနေပြီဖြစ်ကြောင်း အသိပေးထုတ်ပြန်ထားသည်။

ထို့ပြင် ကိုးကန့်မြောက်ပိုင်း ဟုန်ရှင်းဒေသတွင်လည်း နိုဝင်ဘာလ ၂၄ ရက်နေ့ နံနက် ၈ နာရီ ၆ မိနစ်ခန့်တွင် MNDAA က လောက်ပေါက်ကျိုင့် အနောက်တောင်ကုန်းမှ စစ်ကောင်စီ အခြေချနေထိုင်သော ပေထန်တပ်စခန်းကို ချီတက်လာကာ ဒရုန်းဖြင့် ဦးစွာ ပစ်ကူတိုက်ခိုက်ခဲ့ပြီး နံနက် ၉ နာရီ ၄၀ မိနစ်တွင် ခြေလျင်တပ်ဖြင့် ထိုးစစ်ဆင် တိုက်ခိုက်ခဲ့သိရသည်။

ယင်းတိုက်ပွဲတွင် စစ်တပ်ဘက်မှ ၂ ဦးသေဆုံးပြီး ဒဏ်ရာရရှိသူ အရေအတွက်ကို အတည်မပြုနိုင်ကြောင်း၊ ထို့ပြင် ၆၀ မမ စိန်ပြောင်း (၂)လက် ၊ (၈၄ မမ) နောက်ကန်အားမဲ့အမြောက်(၁)လက် ၊ စက်သေနက် အကြီး(၂)လက် ၊ ရိုင်ဖယ်(၃)လက် ၊ ပီစတို(၁)လက် ၊ မိုင်းထောက်စက်(၁)စက်နှင့် ၆၀မမကျည်များ ၊ ဟောင်ဝီဇာ အမြောက်ကျည် ၊ လက်ပစ်ဗုံးအမျိုးမျိုး နှင့် ကျည်ဆံများ စသည့်စစ်ပစ္စည်းများနှင့် ကွန်ဗျူတာ တစ်လုံး ၊ မြင်းနှင့် မြည်း(၁၅)ကောင် တို့ကို သိမ်းဆည်းရရှိခဲ့ကြောင်း သိရှိရသည်။

အလားတူ နိုဝင်ဘာလ ၂၃ ရက်နေ့က ကိုးကန့် တုန်းရှမ်းဒေသရှိ ဟူတောင်စခန်းကို သိမ်းပိုက်စဉ်တွင် စစ်ကောင်စီ၏ လက်နက်ခဲယမ်းများလည်း သိမ်းဆည်းရရှိခဲ့ကြောင်း၊ လက်ရှိချိန်တွင် MNDAA တပ်ဖွဲ့နှင့် မဟာမိတ်တပ်ဖွဲ့များက စစ်ကောင်စီ၏ တပ်စခန်းအကြီးအသေး အနည်းဆုံး စုစုပေါင်း ၁၇၁ ခု သိမ်းပိုက်ရရှိထားကြောင်း သိရသည်။

24/11/2023

ပခုက္ကူမြို့မရဲစခန်းမှ ရဲတပ်သား ၁ ဦး G 3 လက်နက်၊ ကျည်တောင့်များနှင့်အတူ အလင်းဝင်၊ ငွေကျပ် သိန်း ၈၀ ချီးမြှင့်

ရန်ကုန်၊ နိုဝင်ဘာ ၂၄

မကွေးတိုင်း၊ ပခုက္ကူမြို့မရဲစခန်းမှ ရဲတပ်သား တစ်ဦးသည် G3 လက်နက်၊ ကျည်တောင့်များနှင့်အတူ အလင်းဝင်လာသဖြင့် Southern YSO PDF အဖွဲ့က‌ ငွေကျပ် သိန်း ၈၀ ချီးမြှင့်ကြောင်း အဆိုပါအဖွဲ့မှ တာဝန်ရှိသူ ဗိုလ်အောင်မောင်းက ပြောဆိုသည်။

အောက်တိုဘာလ ၃၀ ရက်နေ့တွင် ပခုက္ကူမြို့မ ရဲစခန်းတွင် တာဝန်ကျထမ်းဆောင်နေသော ရဲတပ်သား တစ်ဦးသည် G3 သေနတ်တစ်လက်၊ ကျည်ဘောက် ၄ခု၊ ကျည် ၁၂၇ တောင့်၊လက်ထိပ် ၁ ခု တို့ဖြင့် လက်နက်အပ် အလင်း ဝင်ရောက်လာကြောင်း၊ ထို့ကြောင့် Southern YSO PDF က နွေးထွေးစွာကြိုဆိုပြီး ဂုဏ်ပြုဆုငွေ ကျပ်သိန်း ၈၀ ချီးမြှင့်ခဲ့ကြောင်း၊ ယင်းနောက် ရဲတပ်သားနေထိုင်လိုသော အရပ်သို့ ဘေးကင်းလုံခြုံစွာ ပို့ဆောင်လိုက်ပြီဖြစ်ကြောင်း သိရှိရသည်။

အလင်းဝင်ရောက်လာသော ရဲတပ်သားက ၎င်းအနေဖြင့် စစ်ကောင်စီ လက်အောက်တွင် တာဝန်မထမ်းဆောင်နိုင်တော့ကြောင်း၊ အဓိကအားဖြင့် စစ်ကောင်စီက "ပြည်သူများကို အကြောင်းမဲ့သတ်ဖြတ်ခြင်း "ကိုမနှစ်မြို့ခြင်း၊ "ပြည်သူများ၏ အိုးအိမ် နှင့် စည်းစိမ်ကို မီးရှို့ဖျက်ဆီး လုယက်ယူဆောင်ခြင်း" ကို မနှစ်မြို့ခြင်း၊ "အာဏာရှင်အတွက် အလုပ်လုပ်ခြင်း" ကို မနှစ်မြို့ခြင်း စသည့် အကြောင်းအမျိုးမျိုးကြောင့် ပြည်သူ့ရင်ခွင်ဆီသို့ ဝင်ရောက်ခိုလှုံခြင်းဖြစ်ကြောင်း သိရှိရသည်။

Southern YSO PDF အနေဖြင့် ထပ်မံ၍ လက်နက်အပ် အလင်းဝင်ရောက်လာမည့် စစ်ကောင်စီတပ်သားများကို နွေးထွေးစွာ ကြိုဆိုကြောင်း၊ အလင်းဝင်လာသည့် ရဲတပ်သားကို ဆုကြေးငွေ ချီးမြှင့်ပေးရာတွင် ငွေကြေးမလုံလောက်ခဲ့သည့်အတွက် ငွေ ချေးဌား ပေးဆောင်ခဲ့ရကြောင်း၊ ပြည်သူများအနေဖြင့် နိုင်ရာဘက်မှ ပါဝင်ကူညီပေးရန် ဗိုလ်အောင်မောင်းက မေတ္တာရပ်ခံသည်။

24/11/2023

အယ်ဘက
ပျားအုံ ကိုဒုတ်နဲ့သွားထိုးတာကို
ခုတော့ လာကုန်ပီ 😍

Credit Video

24/11/2023

ကိုးကန့်ဒေသရှိ စစ်တပ်၏ တပ်စခန်း ၂ ခုကို ကိုးကန့် MNDAA က ထပ်မံ သိမ်းပိုက်၊ ကိုးကန့် တိုင်းရင်းသားများ၏ ရိုးရာ၊ ဘာသာရေး အဆောက်အအုံများကို စစ်တပ်က ဖျက်ဆီးခဲ့

ရန်ကုန်၊ နိုဝင်ဘာ ၂၄

ရှမ်းပြည်နယ်၊ ကိုးကန့်ဒေသရှိ အကြမ်းဖက် စစ်တပ်၏ တပ်စခန်း ၂ ခုကို ကိုးကန့် MNDAA က ထပ်မံ သိမ်းပိုက်ခဲ့ကြောင်း MNDAA ၏ သတင်းပြန်ကြားရေး The Kokang က ထုတ်ပြန်ထားသည်။

နိုဝင်ဘာလ ၂၃ ရက်နေ့ နံနက် ၁၀ နာရီခန့်တွင် MNDAA က ရှီးရှမ်းဒေသ၊ လူရွှေအနီး သူ့ကြားလယ်ကွင်းအနောက်တောင်ကုန်းတွင် အခြေချ တပ်စွဲထားသော အကြမ်းဖက် စစ်တပ် စခန်းကို ဒရုန်းဖြင့် ပစ်ခတ်ပြီးနောက် ခြေလျင်တပ်ဖွဲ့ဖြင့် ထိုးစစ်ဆင် တိုက်ခိုက်ကာ မွန်းလွဲ ၂ နာရီ ၁၀ မိနစ်တွင် အောင်မြင်စွာ သိမ်းယူနိုင်ခဲ့ပြီး လက်နက် ခဲယမ်း အချို့ သိမ်းဆည်း ရရှိခဲ့ကြောင်း၊ ဖောက်လုပ်တောင် စခန်းမှ ထွက်ပြေးလာသော စစ်ကောင်စီ အဖွဲ့ဝင် ၁ ဦးသည် ရှီးရှမ်း ဒေသအုပ်ချုပ်ရေးအဖွဲ့ထံ အလင်းဝင်လာကြောင်း သိရသည်။

အလားတူ တုန်းရှမ်းဒေသ ရှိဟူတောင်နေရာရှိ စစ်ကောင်စီ၏ တပ်စခန်းကို မွန်းလွဲ ၃ နာရီ ၅၀ မိနစ်တွင် MNDAA က ဒရုန်း ပစ်ကူမှုဖြင့် အောင်မြင်စွာ သိမ်းယူနိုင်ခဲ့ကြောင်း၊ နိုဝင်ဘာလ ၂၂ ရက်နေ့ နံနက် ၈ နာရီခန့်တွင် စစ်ကောင်စီ တပ်ဖွဲ့သည် လောက်ရှုကုတ်ရွာမှ MNDAA အခြေချ နေထိုင်ရာ လောက်ရှုကုတ်အနောက်တောင်ကုန်းကို ချီတက်လာပြီး မွန်းလွဲ ၁၁ နာရီခန့် တွင် စစ်ကောင်စီက စစ်ကြောင်း ၂ ကြောင်းခွဲ၍ MNDAA ကို ထိုးစစ်တိုက်ခိုက်လာကာ တိုက်ပွဲဖြစ်ပွားပြီး MNDAA က စစ်ကောင်စီ တပ်ဖွဲ့ဝင်များကို လောက်ရှုကုတ်ရွာထိ နောက်ပြန်ဆုတ် ခုခံတိုက်ခိုက်နိုင်ခဲ့ကြောင်း သိရှိရသည်။

MNDAA က တိုက်ပွဲဖြစ်ပွားရာ နေရာကို နယ်မြေ ရှင်းလင်းရေး လုပ်ဆောင်ချိန်တွင် ၆၀ မမ အမြောက်၂ လက် ၊ရိုင်ဖယ် ၄ လက် (၈၁အမျိုး အစား ၁ လက်အပါအဝင်) ၊ ပစ်စတို ၁ လက် စသည့်လက်နက်ခဲယမ်းအချို့ သိမ်းဆည်းရရှိခဲ့ကြောင်း၊ ထို့ပြင် စစ်ကောင်စီတပ်ဖွဲ့မှ စွန့်ပစ်ခဲ့သော အလောင်း ၄ လောင်းတွေ့ရှိခဲ့ပြီး ဗိုလ်အဆင့် အရာရှိ ၁ ဦးလည်း ပါဝင်ကြောင်း၊ ယင်း ထိတွေ့ တိုက်ပွဲအတွင်း စစ်ကောင်စီ ဘက်မှ စစ်သား ၁၀ ဦးခန့် ထိခိုက် သေဆုံးနိုင်ခဲ့ကြောင်း သိရသည်။

ထို့ပြင် နိုဝင်ဘာလ ၂၂ ရက်နေ့ မွန်းလွဲ ၂ နာရီ ၃၀ မိနစ်တွင် MNDAA က ဒရုန်းပစ်ကူမှုဖြင့် ရင့်ရှင့် ၊ ကွမ်ညိုရှမ်းရာခုတ် နေရာတွင် အခြေချ နေထိုင်သော စစ်ကောင်စီစခန်းကို ထိုးစစ်ဆင် တိုက်ခိုက်ခဲ့ပြီး မွန်းလွဲ ၃ နာရီခန့်တွင် သိမ်းပိုက်နိုင်ခဲ့ကြောင်း သိရှိရသည်။

သိန္နီမြို့နယ်တွင်လည်း နိုဝင်ဘာလ ၂၂ ရက်နေ့၌ MNDAA နှင့် ဒေသ လုံခြုံရေးအဖွဲ့တို့သည် မူပန်ခရိုင် ၊ မူပန်ဒေသ ၊ ဟိုပင်အုပ်စု ၊ ၁၃၊ ၁၄ မိုင် နေရာတွင် အခြေချနေထိုင်သော စစ်ကောင်စီတပ်စခန်းကို ဒရုန်းများဖြင့် ၁ ကြိမ်ပစ်ခတ်တိုက်ခိုက် ခဲ့ကြောင်း သိရသည်။

ထို့ပြင် အကြမ်းဖက် စစ်တပ်က ၂၀၁၅ ခုနှစ် နောက်ပိုင်းတွင် ကိုးကန့်နယ်မြေအတွင်း တောင်ကုန်းများပေါ် ရှိ ကိုးကန့်တိုင်းရင်းသားများ၏ ရိုးရာယဥ်ကျေးမှုအမွေအနှစ်များ နှင့် ဘာသာရေးကျောင်းများကို ဖျက်ဆီးခဲ့ပြီး တပ်စခန်းများတည်‌ဆောက်ခဲ့ကြောင်း ကိုးကန့် MNDAA က ထုတ်ပြန်ထားသည်။

အကြမ်းဖက် စစ်တပ်က ရင်းရှင်း‌တောင်ကုန်းရှိ နတ်ပူဇော်ရေး ကျောင်း၏ တံခါးများကိုဖျက်ဆီးခြင်း၊ နတ်ရုပ်ထုများကို ဖျက်ဆီးခြင်း၊ အမွေးတိုင်အိုးများ ရိုက်ခွဲခြင်း၊ စစ်ကတုတ်ကျင်းတူးခြင်း စသည့် တိုင်းရင်းသား ရိုးရာယဥ်ကျေးမှု နှင့် ဘာသာရေးကို လုံးဝအလေးမထား၊ အရေးမစိုက်သည့် လုပ်ရပ်များကို ကျူးလွန်ခဲ့ကြောင်းကို ကိုးကန့် MNDAA က ဗီဒီယိုဖိုင်ဖြင့် ထုတ်ပြန်ထားသည်။

Photo - ရှမ်းပြည်နယ် မြောက်ပိုင်းတွင် တိုက်ပွဲဝင်နေသော MNDAA တပ်ဖွဲ့ဝင်များ။

24/11/2023

လားရှိုး၊ စစ်ကောင်စီ၏ မိုင်းကျက်စခန်းသိမ်းတိုက်ပွဲတွင် ဟောင်ဝစ်ဇာ အမြောက်၊ ၁၂၀ မမ အမြောက်များ အပါအဝင် လက်နက်ခဲယမ်းမြောက်မြားစွာ သိမ်းဆည်းရရှိ

ရန်ကုန်၊ နိုဝင်ဘာ ၂၄

ရှမ်းပြည်နယ်၊ မြောက်ပိုင်း လားရှိုးမြို့နယ်ရှိ စစ်ကောင်စီတပ်၏ မိုင်းကျက်စစ်စခန်းကို TNLA က သိမ်းပိုက်လိုက်ပြီ ဖြစ်ကြောင်း တအာင်းတပ်မတော်က တရားဝင် သတင်းထုတ်ပြန်သည်။

အောက်တိုဘာလ ၂၇ ရက်နေ့မှစတင်၍ လားရှိးမြိုနယ်၊ စစ်ကောင်စီ၏ မိုင်းကျက် တပ်စခန်းကို တအာင်းတပ်မတော် PSLF/TNLA က စတင်တိုက်ခိုက်ခဲ့ပြီး နို၀င်ဘာ ၂၄ ရက်နေ့ နံနက် ၀၀ နာရိ ၀၅ မိနစ်အချိန်တွင် သိမ်းပိုက်နိုင်ကြောင်း သိရှိရသည်။

မိုင်းကျက်စခန်းသိမ်းတိုက်ပွဲတွင် ဟောင်ဝစ်ဇာ အမြောက်၊ ၁၂၀ မမ အမြောက်များ အပါအဝင် လက်နက်ခဲယမ်းမြောက်မြားစွာ သိမ်းဆည်းရရှိကြောင်း သိရှိရသည်။

PDF Channel

27/11/2023

27/11/2023

27/11/2023

27/11/2023

27/11/2023

26/11/2023

26/11/2023

26/11/2023

25/11/2023

25/11/2023

25/11/2023

25/11/2023

25/11/2023

25/11/2023

24/11/2023

24/11/2023

24/11/2023

24/11/2023

Address

Website

Alerts

Contact The Business

Shortcuts

Share

Category