21/02/2026
Popcorn ဝါသနာအိုးတွေအတွက် သတင်းကောင်း! 😍 ဆိုင်မှာဝယ်စားရင် တစ်ထုပ်ကို ထောင်ဂဏန်းပေးနေရတဲ့ Caramel Popcorn ကို အိမ်မှာပဲ ကျပ်ရာဂဏန်းလောက်နဲ့ စိတ်ကြိုက်လုပ်စားလို့ ရနေပါပြီ။
လုပ်ရတာကလည်း လွယ်လွန်းလို့ ကလေးတွေတောင် ဝိုင်းကူလို့ရတယ်နော်။❤️
နှစ်ယောက်စာအတွက် လိုအပ်တဲ့ပစ္စည်းများ -
ပြောင်းဖူးစေ့ -ထမင်းစားဇွန်း ၃ ဇွန်း (ပေါက်လာရင် နှစ်ယောက်စာအနေတော်ပါပဲ)
ထောပတ် - ထမင်းစားဇွန်း ၁ ဇွန်းခွဲ
သကြား - ထမင်းစားဇွန်း ၃ ဇွန်း (အချိုကြိုက်ရင် ၄ ဇွန်း)
ဆား - အနည်းငယ် (အရသာလေးလေးပင်ပင် ဖြစ်စေဖို့)
ပြုလုပ်နည်းအဆင့်ဆင့် -
အရင်ဆုံး ပြောင်းဖူးစေ့တွေကို အိုးထဲမှာ အဖုံးအုပ်ပြီး ပေါက်အောင်အရင်လုပ်ပါ။
အိုးတစ်လုံးထဲမှာ သကြားနဲ့ ထောပတ်ကို ထည့်ပြီး သကြားလေးတွေ အရည်ပျော်ပြီး အညိုရောင် Caramel ရည်လေးဖြစ်လာတဲ့အထိ အပူပေးပါ။
ရလာတဲ့ Caramel ရည်လေးထဲကို ဆားလေးနည်းနည်းထည့်ပြီး မီးပိတ်လိုက်ပါ။
ပေါက်ထားတဲ့ Popcorn တွေပေါ်ကို Caramel ရည်လေးလောင်းချပြီး သမအောင် မွှေပေးလိုက်ရင် ရပါပြီ!
Extra tip💡👇
Caramel ရည်ရသွားတဲ့အချိန်မှာ မုန့်ဖုတ်ဆိုဒါ (Baking Soda) လေး အနည်းငယ် ထည့်မွှေလိုက်ပါ။ ဒါဆိုရင် Caramel က ပွတက်လာပြီး ပေါက်ပေါက် တွေပေါ်မှာ ပါးပါးကြည်ကြည်လေးနဲ့ ကပ်သွားမှာပါ။ သွားမှာလည်း လုံးဝမကပ်ဘဲ တကယ့်ကို ကြွပ်ကြွပ်ရွရွ ဖြစ်သွားစေမယ့် လျှို့ဝှက်ချက်ပဲ ဖြစ်ပါတယ်။ 🤫
မရှိရင်တော့ မထည့်လဲ အဆင်ပြေပါတယ်နော်။
