icon 7

icon 7 Contact information, map and directions, contact form, opening hours, services, ratings, photos, videos and announcements from icon 7, Media/News Company, Yangon.

■ ရာသီဝက်အပြောင်းအရွှေ့ကာလမှာ ဒဂုံစတားယူနိုက်တက် သွက်လက်စွာလှုပ်ရှားနေပြီး နိုင်ငံခြားသားကစားသမား ပထမဆုံးခေါ်ယူမြန်မာနေ...
10/01/2026

■ ရာသီဝက်အပြောင်းအရွှေ့ကာလမှာ ဒဂုံစတားယူနိုက်တက် သွက်လက်စွာလှုပ်ရှားနေပြီး နိုင်ငံခြားသားကစားသမား ပထမဆုံးခေါ်ယူ

မြန်မာနေရှင်နယ်လိဂ်ကလပ် ဒဂုံစတားယူနိုက်တက်အသင်းဟာ ရာသီဝက်အပြောင်းအရွှေ့ကာလမှာ သွက်လက်စွာလှုပ်ရှားနေပြီး အသင်းသမိုင်းတစ်လျှောက် ပထမဆုံးအကြိမ် နိုင်ငံခြားသားကစားသမား ခေါ်ယူခဲ့ပါတယ်။

ဒဂုံစတားယူနိုက်တက်အသင်းဟာ လက်ရွေးစင်တိုက်စစ်ကစားသမား သီဟဇော်ကို ခေါ်ယူပြီးနောက် Dagon Port အသင်းက အိုင်ဗရီကို့စ်နောက်ခံလူ မိုကာလူးနှင့် လူငယ်ကစားသမား ထွန်းထွန်းသိန်းတို့ကို ထပ်မံခေါ်ယူလိုက်တာဖြစ်ပါတယ်။ ဒဂုံစတားယူနိုက်တက်အသင်းဟာ ဒီရာသီကျမှ နိုင်ငံခြားသားကစားသမား ပထမဆုံးခေါ်ယူတာဖြစ်ပါတယ်။

ဒဂုံစတားယူနိုက်တက်အသင်းဟာ ပထမအကျော့အပြီးမှာ အဆင့် ၃ နေရာ ရပ်တည်နေပြီး ဒုတိယအကျော့အဖွင့်ပွဲအဖြစ် ဇန်နဝါရီ ၁၁ ရက်မှာ ရာမညယူနိုက်တက်အသင်းနဲ့ ကစားရမှာဖြစ်ပါတယ်။

■ ဦးဇော်လင်းထွန်းနဲ့ လမ်းခွဲပြီးနောက် ယုကီကို နည်းပြချုပ်အဖြစ် ရန်ကုန်ယူနိုက်တက်အသင်း ခန့်အပ်မြန်မာနေရှင်နယ်လိဂ်ကလပ် ရန်...
09/01/2026

■ ဦးဇော်လင်းထွန်းနဲ့ လမ်းခွဲပြီးနောက် ယုကီကို နည်းပြချုပ်အဖြစ် ရန်ကုန်ယူနိုက်တက်အသင်း ခန့်အပ်

မြန်မာနေရှင်နယ်လိဂ်ကလပ် ရန်ကုန်ယူနိုက်တက်အသင်းဟာ ဦးဇော်လင်းထွန်းနဲ့ နှစ်ဦးသဘောတူလမ်းခွဲပြီးကြောင်း သတင်းထုတ်ပြန်ပြီး နာရီပိုင်းအကြာမှာ ဂျပန်နိုင်ငံသား နည်းပြ ယုကီတက်ဆုရိုကို နည်းပြချုပ်အဖြစ် ခန့်အပ်လိုက်ပါတယ်။

ရန်ကုန်ယူနိုက်တက်အသင်းဟာ ဒီဇင်ဘာလကုန်ပိုင်းမှာ နည်းပြချုပ်နေရာအပြောင်းအလဲပြုလုပ်ခဲ့ပြီး ဦးတင်မောင်ထွန်းနေရာမှာ ဦးဇော်လင်းထွန်းကို တာဝန်ပေးပြီး ရက်ပိုင်းအကြာမှာ မြန်မာ့လက်ရွေးစင် အမျိုးသမီးအသင်း နည်းပြချုပ်ဟောင်းဖြစ်သူ ဂျပန်နိုင်ငံသား ယုကီတက်ဆိုရိုကို နည်းစနစ်ဒါရိုက်တာအနေနဲ့ ခန့်အပ်ခဲ့တာဖြစ်ပါတယ်။ ရန်ကုန်ယူနိုက်တက်အသင်းဟာ ဦးဇော်လင်းထွန်းနဲ့ ထပ်မံလမ်းခွဲလိုက်တာကြောင့် လစ်လပ်နေတဲ့ နည်းပြချုပ်ရာထူးအတွက် ယုကီကို ပြောင်းလဲတာဝန်ပေးလိုက်တာပါ။

ယုကီဟာ နည်းပြချုပ်အနေနဲ့ ပထမဆုံးပွဲအဖြစ် ဇန်နဝါရီ ၁၂ ရက်မှာကစားမယ့် ရခိုင်ယူနိုက်တက်အသင်းနဲ့ ဒုတိယအကျော့ အဖွင့်ပွဲမှာ စတင်ကိုင်တွယ်မှာဖြစ်ပါတယ်။

■ MNL ပြိုင်ပွဲ ဒုတိယအကျော့ပွဲစဉ်များ ထုတ်ပြန်ပြီး ဇန်နဝါရီ ၁၁ ရက်စတင်ကာ မတ် ၁၈ ရက် ပြီးဆုံးမယ်၂၀၂၅-၂၀၂၆ ရာသီ MNL အမှတ်...
09/01/2026

■ MNL ပြိုင်ပွဲ ဒုတိယအကျော့ပွဲစဉ်များ ထုတ်ပြန်ပြီး ဇန်နဝါရီ ၁၁ ရက်စတင်ကာ မတ် ၁၈ ရက် ပြီးဆုံးမယ်

၂၀၂၅-၂၀၂၆ ရာသီ MNL အမှတ်ပေးပြိုင်ပွဲ ဒုတိယအကျော့ပွဲစဉ်များ ထုတ်ပြန်လိုက်ပြီဖြစ်ပြီး ဇန်နဝါရီ ၁၁ ရက်ကနေ မတ် ၁၈ ရက်အထိ ကျင်းပမှာဖြစ်ပါတယ်။

မြန်မာ့လက်ရွေးစင်အသင်းဟာ မတ်လနိုင်ငံတကာရက်သတ္တပတ်မှာ အာရှဖလား တတိယအဆင့်ခြေစစ်ပွဲ အုပ်စုလက်ကျန်နှစ်ပွဲ ကစားရမှာဖြစ်လို့ မြန်မာနေရှင်နယ်လိဂ်ဟာ အရင်ရေးဆွဲထားတဲ့ ပွဲစဉ်ကို အနည်းငယ်ပြောင်းလဲပြီး မတ် ၂၁ ရက် ပြီးဆုံးမယ့်အစား မတ် ၁၈ ရက်မှာ ပြီးဆုံးစေမှာဖြစ်ပါတယ်။

ပထမအကျော့အပြီး အနေအထားအရ ချန်ပီယံဆုအတွက် ရှမ်းယူနိုက်တက်နဲ့ ရန်ကုန်ယူနိုက်တက်အသင်းသာ အပြိုင်လုရဖွယ်ရှိပြီး ရှမ်းယူနိုက်တက်အသင်းက သုံးမှတ်အသာနဲ့ ဦးဆောင်နေပါတယ်။

■ ရှမ်းယူနိုက်တက်နဲ့ အဝေးကွင်းတစ်ပွဲသာ ကိုင်တွယ်ပြီးနောက် ဦးဇော်လင်းထွန်းနှင့် ရန်ကုန်ယူနိုက်တက်အသင်း လမ်းခွဲရန်ကုန်ယူနိ...
09/01/2026

■ ရှမ်းယူနိုက်တက်နဲ့ အဝေးကွင်းတစ်ပွဲသာ ကိုင်တွယ်ပြီးနောက် ဦးဇော်လင်းထွန်းနှင့် ရန်ကုန်ယူနိုက်တက်အသင်း လမ်းခွဲ

ရန်ကုန်ယူနိုက်တက်အသင်း နည်းပြချုပ်သစ် ဦးဇော်လင်းထွန်းသည် ဒီဇင်ဘာ ၃၁ ရက်က တောင်ကြီးမြို့၌ ယှဉ်ပြိုင်ကစားသည့် ရှမ်းယူနိုက်တက်အသင်းနှင့် အဝေးကွင်းပွဲကို ကိုင်တွယ်ပြီးနောက် အသင်းနဲ့ လမ်းခွဲလိုက်ပြီဖြစ်ကြောင်း ဇန်နဝါရီ ၉ ရက်က ရန်ကုန်ယူနိုက်တက်အသင်းက သတင်းထုတ်ပြန်ခဲ့ပါတယ်။

ဦးဇော်လင်းထွန်းဟာ ဇန်နဝါရီ ၆ ရက်က ကစားတဲ့ ရန်ကုန်ယူနိုက်တက်-မဟာယူနိုက်တက်ပွဲကို ကျန်းမာရေးအခြေအနေကြောင့် ကိုင်တွယ်နိုင်ခြင်းမရှိဘဲ ရက်ပိုင်းအကြာမှာ နှစ်ဦးသဘောတူ လမ်းခွဲခဲ့တာဖြစ်ပါတယ်။ မြန်မာနေရှင်နယ်လိဂ်ကလပ်အသင်းတွေထဲမှာ နည်းပြအပြောင်းအလဲအများဆုံးအသင်းဖြစ်တဲ့ ရန်ကုန်ယူနိုက်တက်အသင်းဟာ ဒီရာသီမှာ နည်းပြချုပ် သုံးဦးပြောင်းလဲထားပြီး ဦးကျော်ဒွန်း၊ ဦးတင်မောင်ထွန်းပြီးနောက် ဦးဇော်လင်းထွန်းကို တာဝန်ပေးခဲ့ပေမယ့် တစ်ပွဲသာကိုင်တွယ်ပြီး ထပ်မံလမ်းခွဲခဲ့တာဖြစ်ပါတယ်။

ရန်ကုန်ယူနိုက်တက်အသင်းဟာ နည်းပြသစ်ကို မကြာခင် ကြေညာဖွယ်ရှိပြီး မဟာယူနိုက်တက်နဲ့ပွဲမှာ ယာယီနည်းပြချုပ်အဖြစ် ကိုင်တွယ်ခဲ့တဲ့ ဦးသန်းဝေ၊ နည်းစနစ်ဒါရိုက်တာအဖြစ် ခန့်အပ်ထားတဲ့ မြန်မာ့လက်ရွေးစင် အမျိုးသမီးအသင်းနည်းပြချုပ်ဟောင်း ဂျပန်နိုင်ငံသား ယုကီတက်ဆိုရိုထဲက တစ်ဦးကို တာဝန်ပေးဖွယ်ရှိနေပါတယ်။

■ တိုက်စစ်ကစားသမား အောင်ကျော်နိုင်ကို ရှမ်းယူနိုက်တက်အသင်း ခေါ်ယူမြန်မာနေရှင်နယ်လိဂ် ထိပ်သီးကလပ် ရှမ်းယူနိုက်တက်အသင်းဟာ ...
08/01/2026

■ တိုက်စစ်ကစားသမား အောင်ကျော်နိုင်ကို ရှမ်းယူနိုက်တက်အသင်း ခေါ်ယူ

မြန်မာနေရှင်နယ်လိဂ် ထိပ်သီးကလပ် ရှမ်းယူနိုက်တက်အသင်းဟာ ဒုတိယအကျော့အတွက် တိုက်စစ်အားဖြည့်တဲ့အနေနဲ့ တိုက်စစ်ကစားသမား အောင်ကျော်နိုင်ကို ခေါ်ယူလိုက်ပါတယ်။

အောင်ကျော်နိုင်ဟာ ဒီရာသီအစမှာ ဧရာဝတီယူနိုက်တက်အသင်းမှာ ကစားခဲ့တဲ့သူဖြစ်ပြီး ပထမအကျော့မပြီးဆုံးခင် လမ်းခွဲကာ ရှမ်းယူနိုက်တက်အသင်းကို ရောက်ရှိလာတာဖြစ်ပါတယ်။ ရှမ်းယူနိုက်တက်အသင်းဟာ ရာသီဝက်အပြောင်းအရွှေ့ကာလမှာ ကစားသမားသစ်တွေ အားဖြည့်မှာဖြစ်ပြီး အောင်ကျော်နိုင်ပြီးနောက် နိုင်ငံခြားသားတိုက်စစ်မှူးတစ်ဦးနဲ့ ပြည်တွင်းနောက်ခံလူတစ်ဦး ခေါ်ယူဖို့ရှိပါတယ်။

အောင်ကျော်နိုင်ဟာ စင်ကာပူ၊ ထိုင်း၊ ဘူတန်ကလပ်တွေမှာ ကစားခဲ့ဖူးသလို MNL ကလပ်တွေဖြစ်တဲ့ နေပြည်တော်၊ ရန်ကုန်ယူနိုက်တက်အသင်းနဲ့ ဧရာဝတီယူနိုက်တက်အသင်းတွေမှာ ကစားခဲ့တဲ့ အတွေ့အကြုံရှိ ကစားသမားတစ်ဦးဖြစ်ပါတယ်။

■ ပရော်ဖက်ရှင်နယ် နည်းပြလိုင်စင်သင်တန်း မြန်မာနိုင်ငံမှာ ပထမဆုံးဖွင့်လှစ်မယ်မြန်မာနိုင်ငံဘောလုံးအဖွဲ့ချုပ်ဟာ အာရှဘောလုံ...
08/01/2026

■ ပရော်ဖက်ရှင်နယ် နည်းပြလိုင်စင်သင်တန်း မြန်မာနိုင်ငံမှာ ပထမဆုံးဖွင့်လှစ်မယ်

မြန်မာနိုင်ငံဘောလုံးအဖွဲ့ချုပ်ဟာ အာရှဘောလုံးအဖွဲ့ချုပ်နဲ့ ပူးပေါင်းပြီး မြန်မာနိုင်ငံမှာ ပရော်ဖက်ရှင်နယ် နည်းပြလိုင်စင်သင်တန်း ပထမဆုံးဖွင့်လှစ်မှာဖြစ်ပါတယ်။

သင်တန်းကာလက ၂၀၂၆ ခုနှစ် မတ်လကနေ ၂၀၂၇ ခုနှစ် ဇွန်လအထိ တစ်နှစ်ကျော်ကြာမြင့်မှာဖြစ်ပြီး အပိုင်း ငါးပိုင်းခွဲပြီး တက်ရောက်ရမှာဖြစ်ပါတယ်။ အခုဖွင့်လှစ်မယ့်သင်တန်းကို မြန်မာနည်းပြတွေအတွက် ရည်ရွယ်ဖွင့်လှစ်တာဖြစ်ပေမယ့် နိုင်ငံခြားသားတွေလည်း တက်ရောက်ခွင့်ရှိပြီး သင်တန်းကြေးအနေနဲ့ မြန်မာနည်းပြတွေက သင်တန်းတစ်ကြိမ်ကို ဒေါ်လာ ၁၀၀၀နဲ့ ငါးကြိမ်အတွက် ဒေါ်လာ ၅၀၀၀ ကျသင့်မှာပါ။ နိုင်ငံခြားသားတွေကတော့ သင်တန်း ငါးကြိမ်အတွက် ဒေါ်လာ ၁၆၀၀၀ ပေးသွင်းရမှာပါ။

သင်တန်းရဲ့ ပထမအကြိမ်ကို ၂၀၂၆ ခုနှစ် မတ်လမှာ ရန်ကုန်မြို့၊ ဒုတိယအကြိမ်ကို ၂၀၂၆ ခုနှစ် ဇွန်လမှာ ရန်ကုန်မြို့၊ တတိယအကြိမ်ကို ၂၀၂၆ ခုနှစ် စက်တင်ဘာမှာ ဂျပန်နိုင်ငံ၊ စတုတ္ထအကြိမ်ကို ၂၀၂၇ ခုနှစ် ဇန်နဝါရီနဲ့ ဖေဖော်ဝါရီမှာ ဆော်ဒီအာရေဗျနိုင်ငံ၊ ပ ဉ္စမအကြိမ်ကို ၂၀၂၇ ဇွန်လမှာ ရန်ကုန်မြို့မှာ ဖွင့်လှစ်မှာဖြစ်ပြီး ဇန်နဝါရီ ၂၃ ရက် နောက်ဆုံးထား စာရင်းပေးသွင်းရမှာပါ။

သင်တန်းတက်ရောက်လိုသူတွေအနေနဲ့ အသက် ၅၅ နှစ်အောက်၊ AFC "A" လိုင်စင်ရရှိထားသူ၊ လက်ရှိ မြန်မာ့လက်ရွေးစင်အသင်း၊ သက်တမ်းအလိုက် လူငယ်လက်ရွေးစင်အသင်းတွေနဲ့ MNL ကလပ်အသင်းတွေမှာ တာဝန်ထမ်းဆောင်နေသူ၊ နည်းပြသက်တမ်း နှစ်နှစ်နဲ့အထက် လုပ်ဆောင်နေသူ၊ အင်္ဂလိပ်ဘာသာစကား အခြေခံနားလည်၍ ရေး၊ ဖတ်၊ ပြော၊ နားထောင် လုပ်ဆောင်နိုင်သူ၊ စိတ်ပိုင်းဆိုင်ရာ၊ ကျန်းမာရေးကောင်းမွန်ပြီး စာတွေ့၊ လက်တွေ့လေ့ကျင့်မှုများ လုပ်ဆောင်နိုင်သူဖြစ်ရမှာပါ။

လက်ရှိ မြန်မာနိုင်ငံမှာ ပရော်ဖက်ရှင်နယ်နည်းပြလိုင်စင် ရရှိထားသူတစ်ဦးသာရှိပြီး ၂၀၂၄ ခုနှစ်ကနေ ၂၀၂၅ ခုနှစ်အထိ ဂျပန်နိုင်ငံမှာဖွင့်လှစ်တဲ့သင်တန်းမှာ တက်ရောက်အောင်မြင်ခဲ့တဲ့ မြန်မာ့လက်ရွေးစင် အမျိုးသမီးအသင်း လက်ထောက်နည်းပြ ဒေါ်စန်းစန်းသိန်း (အား/ကာသိပ္ပံအမျိုးသမီးအသင်း နည်းပြချုပ်) ဖြစ်ပါတယ်။

■ ရန်ကုန်အသင်း အသစ်ခေါ်ယူထားတဲ့ မောင်မောင်လွင်နဲ့ လိုင်ဘေးရီးယားတိုက်စစ်မှူး ဒုတိယအကျော့အဖွင့်ပွဲမှာ ပါ၀င်နိုင်မယ်ရန်ကုန...
07/01/2026

■ ရန်ကုန်အသင်း အသစ်ခေါ်ယူထားတဲ့ မောင်မောင်လွင်နဲ့ လိုင်ဘေးရီးယားတိုက်စစ်မှူး ဒုတိယအကျော့အဖွင့်ပွဲမှာ ပါ၀င်နိုင်မယ်

ရန်ကုန်ယူနိုက်တက်အသင်းက အသစ်ခေါ်ယူထားတဲ့ မြန်မာ့လက်ရွေးစင် အသင်းခေါင်းဆောင် မောင်မောင်လွင်နဲ့ လိုင်ဘေးရီးယားတိုက်စစ်မှူး ဘလာမိုဝီတို့ဟာ ဇန်နဝါရီ ၁၁ ရက်မှာ စတင်ကျင်းပမယ့် MNL ပြိုင်ပွဲ ဒုတိယအကျော့ပွဲစဉ်တွေမှာ စတင်ပါ၀င်ကစားနိုင်မှာဖြစ်ပါတယ်။

မောင်မောင်လွင်ဟာ ထိုင်းကလပ် လမ်ဖွန်ဝါရီယာအသင်းမှာ ကာလရှည်ကစားနေတဲ့သူဖြစ်ပြီး ရာသီကုန်အထိ အငှားစာချုပ်နဲ့ လာရောက်ကစားမှာဖြစ်ပါတယ်။ ဘလာမိုဝီကတော့ တိုက်စစ်ပိုင်းအားဖြည့်ဖို့ ခေါ်ယူထားတာဖြစ်ပါတယ်။

ရန်ကုန်ယူနိုက်တက်အသင်းဟာ ဒုတိယအကျော့အဖွင့်ပွဲအဖြစ် ဇန်နဝါရီ ၁၂ ရက်မှာ ရခိုင်ယူနိုက်တက်အသင်းနဲ့ ယှဉ်ပြိုင်ရမှာဖြစ်ပါတယ်။

■ ရှမ်းယူနိုက်တက် နည်းပြချုပ်ဟောင်း ဟီရိုအိုနိုကို ရန်ကုန်စီးတီးအသင်း နည်းစနစ်ဒါရိုက်တာ ခန့်အပ်MNL-2 ကလပ် ရန်ကုန်စီးတီးအ...
07/01/2026

■ ရှမ်းယူနိုက်တက် နည်းပြချုပ်ဟောင်း ဟီရိုအိုနိုကို ရန်ကုန်စီးတီးအသင်း နည်းစနစ်ဒါရိုက်တာ ခန့်အပ်

MNL-2 ကလပ် ရန်ကုန်စီးတီးအသင်းဟာ ရှမ်းယူနိုက်တက် နည်းပြချုပ်ဟောင်း ဟီရိုအိုနိုကို နည်းစနစ်ဒါရိုက်တာအဖြစ် ခန့်အပ်လိုက်ပါတယ်။

ရန်ကုန်စီးတီးအသင်းဟာ လာမယ့်ရာသီမှာ MNL ကို တန်းတက်နိုင်ဖို့ ပြင်ဆင်မှုတွေ အများကြီးပြုလုပ်ထားပြီး နည်းပြချုပ် ဦးသူရဆွေကို နည်းစနစ်ပိုင်းကူညီပေးနိုင်ဖို့ MNL အတွေ့အကြုံရှိတဲ့ ဟီရိုကို ခန့်အပ်လိုက်တာပါ။ ရန်ကုန်စီးတီးအသင်းဟာ MNL-2 ကလပ်တွေထဲမှာ ပထမဆုံး ပြည်ပနည်းစနစ်ဒါရိုက်တာ ခေါ်ယူတဲ့အသင်းဖြစ်လာပါတယ်။

ရန်ကုန်စီးတီးအသင်းဟာ ဒီရာသီ MNL-2 ပြိုင်ပွဲမှာ ထိပ်ဆုံးက ဦးဆောင်နေပြီး ဝင်းနိုင်ထွန်း၊ အောင်ကောင်းမာန်၊ စည်သူအောင်စတဲ့ လက်ရွေးစင်ကစားသမားတွေကို ခေါ်ယူထားပါတယ်။

■ ရှမ်းယူနိုက်တက်အသင်း နိုင်ငံခြားသားတိုက်စစ်မှူး တစ်ဦး ခေါ်ယူမယ်ဒီရာသီ MNL အမှတ်ပေးပြိုင်ပွဲမှာလည်း စံချိန်တင်အောင်မြင်...
07/01/2026

■ ရှမ်းယူနိုက်တက်အသင်း နိုင်ငံခြားသားတိုက်စစ်မှူး တစ်ဦး ခေါ်ယူမယ်

ဒီရာသီ MNL အမှတ်ပေးပြိုင်ပွဲမှာလည်း စံချိန်တင်အောင်မြင်မှုတွေရဖို့ ကြိုးစားနေတဲ့ ရှမ်းယူနိုက်တက်အသင်းဟာ ရာသီဝက်အပြောင်းအရွှေ့ကာလမှာ နိုင်ငံခြားသားတိုက်စစ်မှူး တစ်ဦး ခေါ်ယူသွားမှာဖြစ်ပါတယ်။

ရှမ်းယူနိုက်တက်အသင်းဟာ ဒီရာသီ ပထမအကျော့ကာလမှာ အသုံးပြုခဲ့တဲ့ ဘရာဇီးတောင်ပံတိုက်စစ်ကစားသမား ဆိုဇာနဲ့ ပြည်ပကလပ်ပြိုင်ပွဲတွေအတွက် ပြန်လည်ခေါ်ယူထားတဲ့ ဘရာဇီးတိုက်စစ်မှူး ရင်တာရိုတို့ကို ထိုင်းကလပ်တွေကို ပြောင်းရွှေ့ခွင့်ပြုခဲ့ပြီး ဗီယက်နမ်လိဂ်-၁ မှာ ကစားနေတဲ့ ဘရာဇီးတိုက်စစ်မှူး တစ်ဦး ပြန်လည်ခေါ်ယူမှာပါ။

ရှမ်းယူနိုက်တက်အသင်းဟာ ရာသီဝက်အပြောင်းအရွှေ့ကာလမှာ ပြည်တွင်းကစားသမားတချို့လည်း ခေါ်ယူမှာဖြစ်ပြီး မကြာခင်မိတ်ဆက်သွားဖို့ရှိပါတယ်။

■ လက်ရွေးစင်တောင်ပံကစားသမား သီဟဇော်ကို ဒဂုံစတားယူနိုက်တက်အသင်း ခေါ်ယူမြန်မာနေရှင်နယ်လိဂ်ကလပ် ဒဂုံစတားယူနိုက်တက်အသင်းဟာ ဒ...
07/01/2026

■ လက်ရွေးစင်တောင်ပံကစားသမား သီဟဇော်ကို ဒဂုံစတားယူနိုက်တက်အသင်း ခေါ်ယူ

မြန်မာနေရှင်နယ်လိဂ်ကလပ် ဒဂုံစတားယူနိုက်တက်အသင်းဟာ ဒီရာသီ MNL အမှတ်ပေးပြိုင်ပွဲ ဒုတိယအကျော့အတွက် ပြင်ဆင်တဲ့အနေနဲ့ မြန်မာ့လက်ရွေးစင် တောင်ပံကစားသမား သီဟဇော်ကို ခေါ်ယူလိုက်ပြီဖြစ်ပါတယ်။

သီဟဇော်ဟာ မလေးရှားကလပ် Immigration အသင်းမှာ နောက်ဆုံးကစားခဲ့တာဖြစ်ပြီး ပြည်တွင်းကလပ်ကို ပြန်လည်ရောက်ရှိလာတာပါ။ သီဟဇော်ဟာ ၂၀၂၂ ခုနှစ်ကတည်းက ပြည်ပကလပ်တွေမှာ ကျင်လည်ခဲ့တဲ့သူဖြစ်ပြီး ကမေ႓ာဒီးယားကလပ် သုံးသင်းမှာ ကစားခဲ့ကာ ၂၀၂၅ ခုနှစ်မှာ မလေးရှားကလပ်ကို ပြောင်းရွှေ့ခဲ့တာဖြစ်ပါတယ်။ သီဟဇော်ဟာ ဧရာဝတီအသင်းမှာ ပရော်ဖက်ရှင်နယ်ကစားသမားဘဝ စတင်ဖြတ်သန်းခဲ့သူဖြစ်ပြီး ၂၀၂၁ ခုနှစ်မှာ ရှမ်းယူနိုက်တက်အသင်းကို ပြောင်းရွှေ့ခဲ့ပေမယ့် လိဂ်မကျင်းပဖြစ်လို့ နောက်နှစ်မှာ ပြည်ပကလပ်ကို ပြောင်းရွှေ့သွားတာဖြစ်ပါတယ်။

ဒဂုံစတားယူနိုက်တက်အသင်းဟာ ပြည်တွင်းကစားသမားတွေနဲ့ပဲ ဖွဲ့စည်းထားတဲ့အသင်းဖြစ်ပြီး လက်ရွေးစင်ဟောင်းတွေ အများစုနဲ့ ဖွဲ့စည်းထားသလို လက်ရှိလက်ရွေးစင်နဲ့ လူငယ်လက်ရွေးစင်ကစားသမားတွေလည်း ကစားနေပါတယ်။

■ MNL ပြိုင်ပွဲမှာ ရှမ်းယူနိုက်တက်အသင်း ရာသီဝက်ချန်ပီယံအဖြစ် ရပ်တည်၂၀၂၅-၂၀၂၆ ရာသီ MNL အမှတ်ပေးပြိုင်ပွဲ ပထမအကျော့ပွဲစဉ်...
06/01/2026

■ MNL ပြိုင်ပွဲမှာ ရှမ်းယူနိုက်တက်အသင်း ရာသီဝက်ချန်ပီယံအဖြစ် ရပ်တည်

၂၀၂၅-၂၀၂၆ ရာသီ MNL အမှတ်ပေးပြိုင်ပွဲ ပထမအကျော့ပွဲစဉ်တွေ ပြီးဆုံးတော့မှာဖြစ်ပြီး ရှမ်းယူနိုက်တက်အသင်းက ရာသီဝက်ချန်ပီယံအဖြစ် ရပ်တည်နိုင်ခဲ့ပါတယ်။

ရှမ်းယူနိုက်တက်အသင်းဟာ နောက်ဆုံးပွဲမှာ အား/ကာသိပ္ပံအသင်းကို အိမ်ကွင်းဖြစ်တဲ့ တောင်ကြီးကွင်းမှာ ၄-၀ ဂိုးနဲ့ ဂိုးပြတ်အနိုင်ရခဲ့ပါတယ်။ ဒုတိယနေရာက ရန်ကုန်ယူနိုက်တက်အသင်းလည်း ဂိုးပြတ်နိုင်ခဲ့ပေမယ့် သုံးမှတ်အသာရပြီး ရာသီဝက်ချန်ပီယံဖြစ်ခဲ့တာပါ။ ရှမ်းယူနိုက်တက်အသင်းဟာ ပထမအကျော့ ၁၁ ပွဲကစားရာမှာ ကိုးပွဲနိုင်၊ နှစ်ပွဲသရေကျပြီး ရမှတ် ၂၉ မှတ် ရရှိခဲ့ပါတယ်။

ရှမ်းယူနိုက်တက်အသင်းရဲ့ ၂၀၂၀ ရာသီကတည်းက တင်ရှိထားတဲ့ ရှုံးပွဲမရှိစံချိန်ကလည်း ၈၉ ပွဲအထိရှိလာပြီး ဒီရာသီ ဒုတိယအကျော့ပွဲအားလုံး ရှုံးပွဲမရှိအောင် ကစားနိုင်ရင် ပွဲ ၁၀၀ ပြည့်မြောက်မှာပါ။ ရှမ်းယူနိုက်တက်အသင်းဟာ နောက်ဆုံး ငါးရာသီဆက်တိုက် MNL အမှတ်ပေးချန်ပီယံဆု ရယူထားပြီး စံချိန်တင် ခြောက်ရာသီဆက်နဲ့ ခုနစ်ကြိမ်မြောက် ရယူနိုင်ဖို့ အခွင့်အရေးရှိနေပါတယ်။

■ မြန်မာ့လက်ရွေးစင် အမျိုးသမီးအသင်း နည်းပြဟောင်း ယုကီတက်ဆုရိုကို ရန်ကုန်ယူနိုက်တက်အသင်း နည်းစနစ်ဒါရိုက်တာအဖြစ် ခန့်အပ်မ...
29/12/2025

■ မြန်မာ့လက်ရွေးစင် အမျိုးသမီးအသင်း နည်းပြဟောင်း ယုကီတက်ဆုရိုကို ရန်ကုန်ယူနိုက်တက်အသင်း နည်းစနစ်ဒါရိုက်တာအဖြစ် ခန့်အပ်

မြန်မာနေရှင်နယ်လိဂ်ကလပ် ရန်ကုန်ယူနိုက်တက်အသင်းဟာ စီနီယာအသင်းအတွက် နည်းပြချုပ်နေရာအပြောင်းအလဲပြုလုပ်အပြီး နှစ်ရက်အကြာမှာ နိုင်ငံခြားသားနည်းစနစ်ဒါရိုက်တာ တစ်ဦး ခန့်အပ်ခဲ့ပါတယ်။

ရန်ကုန်ယူနိုက်တက်အသင်းဟာ ပြီးခဲ့တဲ့ ၂၀၂၅ ထိုင်းဆီးဂိမ်းပြိုင်ပွဲအထိ မြန်မာ့လက်ရွေးစင် အမျိုးသမီးအသင်း နည်းပြချုပ်အဖြစ် တာဝန်ယူခဲ့တဲ့ ဂျပန်နိုင်ငံသား ယုကီတက်ဆုရိုကို ခန့်အပ်လိုက်တာဖြစ်ပါတယ်။ ယုကီတက်ဆုရိုဟာ ဒီရာသီကုန်အထိ ရန်ကုန်ယူနိုက်တက်အသင်း နည်းစနစ်ဒါရိုက်တာအဖြစ် တာဝန်ယူသွားမှာဖြစ်ပါတယ်။

ယုကီတက်ဆုရိုဟာ ၂၀၂၃ ခုနှစ်မှာ မြန်မာနိုင်ငံဘောလုံးအဖွဲ့ချုပ်ကို အမျိုးသမီးဘောလုံးဖွံ့ဖြိုးရေး နည်းစနစ်ဒါရိုက်တာအဖြစ် ရောက်ရှိလာတာဖြစ်ပြီး ၂၀၂၃ ကမေ႓ာဒီးယားဆီးဂိမ်းပြိုင်ပွဲမှာ မြန်မာ့လက်ရွေးစင် အမျိုးသမီးအသင်း နည်းပြချုပ်အနေနဲ့ ပြောင်းလဲတာဝန်ယူခဲ့တဲ့သူဖြစ်ပါတယ်။ သူ့လက်ထက်မှာ မြန်မာ့လက်ရွေးစင် အမျိုးသမီးအသင်းအနေနဲ့ ၂၀၂၃ ကမေ႓ာဒီးယားဆီးဂိမ်းပြိုင်ပွဲ ငွေတံဆိပ်ဆု၊ နီပေါလေးနိုင်ငံ ဖိတ်ခေါ်ပြိုင်ပွဲ ချန်ပီယံဆု၊ ၂၀၂၅ အာဆီယံ အမျိုးသမီးချန်ပီယံရှစ်ပြိုင်ပွဲ ဒုတိယဆုရခဲ့ပေမယ့် ပြီးခဲ့တဲ့ ဆီးဂိမ်းပြိုင်ပွဲမှာ အုပ်စုကနေထွက်ခဲ့ရလို့ ရာထူးကနေ နုတ်ထွက်ခဲ့တဲ့သူဖြစ်ပါတယ်။

Address

Yangon

Website

Alerts

Be the first to know and let us send you an email when icon 7 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category