https://www.facebook.com/101278149732623/

icon 7, Yangon (2025)

12/10/2025

■ ဂျိုရှုအာဗန်ရဲ့ ချန်ပီယံစိန်ခေါ်ပွဲ

မြန်မာစံတော်ချိန် ဒီဇင်ဘာ ၇ ရက် မနက်ပိုင်း (အမေရိကန်စံတော်ချိန် ဒီဇင်ဘာ ၆ ရက် ညပိုင်း) မှာကျင်းပမယ့် UFC-323 ပြိုင်ပွဲမှာ မြန်မာဖိုက်တာ ဂျိုရှုအာဗန်ရဲ့ ချန်ပီယံစိန်ခေါ်ပွဲ ပါဝင်လာမှာဖြစ်ပါတယ်။

12/10/2025

■ MNL ယူ-၂၁ လိဂ် ချန်ပီယံဆုအတွက် ဒဂုံစတားနဲ့ အား/ကာသိပ္ပံ နှစ်သင်းသာ အပြိုင်လုရနိုင်

MNL ယူ-၂၁ လူငယ်လိဂ်ပြိုင်ပွဲ ပြီးဆုံးရန် နှစ်ပွဲသာလိုတော့ပြီး ချန်ပီယံဆုအတွက် ဒဂုံစတားယူနိုက်တက်နဲ့ အား/ကာသိပ္ပံ နှစ်သင်းသာ အပြိုင်လုရမယ့် အခြေအနေဖြစ်လာပါတယ်။

ပြီးခဲ့တဲ့ရက်ပိုင်းကကျင်းပတဲ့ ပွဲစဉ် (၂၄) မှာ ချန်ပီယံဆုအတွက် မျှော်လင့်ချက်ရှိတဲ့အသင်းတွေထဲက ရန်ကုန်ယူနိုက်တက်နဲ့ ရှမ်းယူနိုက်တက်တို့ နိုင်ပွဲကိုယ်စီပျောက်ဆုံးခဲ့လို့ ဒဂုံစတားယူနိုက်တက်နဲ့ အား/ကာသိပ္ပံအသင်း အခွင့်အရေးပိုလာတာဖြစ်ပါတယ်။ ရှမ်းယူနိုက်တက်အသင်းဟာ ဒီတစ်ပတ်မှာ သရေကျခဲ့လို့ ချန်ပီယံဘွဲ့ စွန့်လွှတ်ရဖို့ သေချာခဲ့ပြီး ရန်ကုန်ယူနိုက်တက်အသင်းကလည်း နှစ်ပွဲအလိုမှာ ငါးမှတ်ပြတ်သွားလို့ အခွင့်အရေး တော်တော်နည်းသွားပါပြီ။

ရမှတ် ၅၅ မှတ်ရထားတဲ့ ဒဂုံစတားယူနိုက်တက်နဲ့ ၅၄ မှတ်ရထားတဲ့ အား/ကာသိပ္ပံအသင်းတို့ လက်ကျန်နှစ်ပွဲမှာ ပြိုင်ဆိုင်ရမှာဖြစ်ပြီး ဒဂုံစတားအသင်းက အား/ကာသိပ္ပံ၊ ရှမ်းယူနိုက်တက်၊ အား/ကာသိပ္ပံအသင်းက ဒဂုံစတား၊ ရန်ကုန်ယူနိုက်တက်တို့နဲ့ လက်ကျန်ပွဲတွေ ကစားရမှာပါ။ လက်ကျန်ပွဲတွေက ပွဲကျပ်နေပြီး ပွဲစဉ် ၂၅ မှာ နှစ်သင်းထိပ်တိုက်တွေ့ဆုံနေတာကြောင့် ဒီပွဲရလဒ်က ချန်ပီယံဆုအတွက် အဖြေတစ်မျိုး ထွက်သွားနိုင်ပါတယ်။

ချန်ပီယံဆုအတွက် အဆုံးအဖြတ်လက်ကျန်ပွဲ

⚽ ၁၅-၁၀-၂၀၂၅ ဒဂုံစတား - အား/ကာသိပ္ပံ
⚽ ၂၃-၁၀-၂၀၂၅ ဒဂုံစတား - ရှမ်းယူနိုက်တက်
⚽ ၂၃-၁၀-၂၀၂၅ အား/ကာသိပ္ပံ - ရန်ကုန်

12/10/2025

■ အာရှအမျိုးသမီး ချန်ပီယံလိဂ်အတွက် အား/ကာသိပ္ပံအသင်း လက်ရွေးစင်ကစားသမား ကိုးဦး အငှားနဲ့ ခေါ်ယူအသုံးပြုမယ်

၂၀၂၅-၂၀၂၆ ရာသီ အာရှအမျိုးသမီး ချန်ပီယံလိဂ်ပြိုင်ပွဲ နောက်ဆုံးအဆင့် ယှဉ်ပြိုင်ခွင့်ရထားတဲ့ မြန်မာအမျိုးသမီးကလပ် အား/ကာသိပ္ပံအသင်းဟာ တခြားကလပ်တွေက လက်ရွေးစင်ကစားသမား ကိုးဦး အငှားနဲ့ ခေါ်ယူအသုံးပြုသွားမှာဖြစ်ပါတယ်။

အား/ကာသိပ္ပံအသင်းဟာ ခြေစစ်ပွဲတုန်းကလည်း ကစားသမား ငါးဦး အငှားနဲ့ အသုံးပြုခဲ့ဖူးပြီး နောက်ဆုံးအဆင့်မှာ ကိုးဦးအထိ ကာလတိုအငှားစာချုပ်နဲ့ ခေါ်ယူဖို့ စီစဉ်နေတာဖြစ်ပါတယ်။ အား/ကာသိပ္ပံအသင်းဟာ ဧရာဝတီအသင်းက စန်းသော်သော်၊ ဖြူဖြူဝင်း၊ နော်ထက်ထက်ဝေ၊ ဇွန်ယုယဦး၊ သစ္စာအားမာန်အသင်းက မြတ်နိုးခင်၊ ခင်မိုမိုထွန်း၊ မျိုးမြမြငြိမ်း (ဂိုး)၊ ရန်ကုန်ယူနိုက်တက်အသင်းက ဖြူဖွေးနဲ့ ယွန်းဝတီလှိုင်တို့ကို အသုံးပြုမှာဖြစ်ပါတယ်။ ခြေစစ်ပွဲတုန်းက အသုံးပြုခဲ့တဲ့သူတွေထဲက အမေရိကန်မှာ ကျောင်းတက်နေတဲ့ မေထက်လူကလွဲရင် စန်းသော်သော်၊ ဖြူဖြူဝင်း၊ ယွန်းဝတီလှိုင်နဲ့ ဖြူဖွေးတို့ ပြန်ပါလာပါတယ်။

အား/ကာသိပ္ပံအသင်းဟာ ခြေစစ်ပွဲမှာ ဖိလစ်ပိုင်၊ ဂူအမ်နဲ့ မွန်ဂိုလီးယားကလပ်တွေကို ကျော်ဖြတ်ပြီး အုပ်စုပထမနဲ့ ခြေစစ်ပွဲအောင်မြင်ခဲ့ပေမယ့် နောက်ဆုံးအဆင့်မှာတော့ အုပ်စုကျပ်အတွင်း ကျရောက်နေပါတယ်။ အား/ကာသိပ္ပံအသင်းဟာ ဂျပန်ကလပ် တိုကျိုဗာဒီ၊ တောင်ကိုရီးယားကလပ် ဆူဝမ်၊ မြောက်ကိုရီးယားကလပ် နာဂိုယန်တို့နဲ့ တစ်အုပ်စုတည်း ကျရောက်နေတာပါ။ နောက်ဆုံးအဆင့်မှာ အုပ်စုသုံးခုပါ၀င်ပြီး အုပ်စုတစ်ခုစီက ထိပ်ဆုံးနှစ်သင်းစီနဲ့ တတိယနေရာရအသင်းတွေထဲက အကောင်းဆုံးနှစ်သင်း ကွာတားဖိုင်နယ် တက်ရောက်ခွင့်ရမှာပါ။ ဒါပေမဲ့ အား/ကာသိပ္ပံအသင်းဟာ အုပ်စုကျပ်ထဲ ကျရောက်နေလို့ နောက်တစ်ဆင့်တက်ရောက်နိုင်ဖို့ ရုန်းကန်ရနိုင်ပါတယ်။

အုပ်စုကျပ်ထဲ ကျရောက်နေတဲ့အပြင် ဒီပြိုင်ပွဲက ကလပ်ပြိုင်ပွဲဖြစ်လို့ တခြားကလပ်တွေက လက်ရွေးစင်ကစားသမား ကိုးဦးအထိ အငှားနဲ့ အသုံးပြုမယ့် အား/ကာသိပ္ပံအသင်းရဲ့ အစီအစဉ်ကို ပရိသတ်တချို့ကတော့ ဝေဖန်နေပြီး လိုအပ်တဲ့နေရာတချို့ကိုသာ အားဖြည့်ပြီး အသင်းမှာရှိတဲ့ ကစားသမားတွေ ပွဲအတွေ့အကြုံရအောင် ကစားခွင့်ပေးသင့်တယ်လို့ သုံးသပ်နေပါတယ်။

11/10/2025

■ ONE Friday Fights 129 ပြိုင်ပွဲမှာ မြန်မာဖိုက်တာ နှစ်ဦး တွဲဆိုင်း ပါ၀င်မယ်

အောက်တိုဘာ ၁၇ ရက်မှာကျင်းပမယ့် ONE Friday Fights 129 ပြိုင်ပွဲမှာ မြန်မာဖိုက်တာ နှစ်ဦးရဲ့ တွဲဆိုင်းတွေ ပါ၀င်လာမှာဖြစ်ပါတယ်။

မြန်မာလူငယ်ဖိုက်တာ ထွန်းမင်းအောင်က ထိုင်းဖိုက်တာ တန်နွန်နဲ့ ယှဉ်ပြိုင်ထိုးသတ်ရမှာဖြစ်ပြီး Main Event အဖြစ် ကျင်းပမှာဖြစ်ပါတယ်။ ထွန်းမင်းအောင်ဟာ ONE နဲ့ လေးပွဲထိုးသတ်ထားရာမှာ နှစ်ပွဲနိုင်၊ နှစ်ပွဲရှုံးနိမ့်ထားပြီး တန်နွန်ကတော့ သုံးပွဲထိုးသတ်ရာမှာ တစ်ပွဲနိုင်၊ တစ်ပွဲရှုံးထားကာ တစ်ပွဲကို အရှုံးအနိုင် မသတ်မှတ်ပါဘူး။

အောက်ချင်းလေးကတော့ ဂျပန်ဖိုက်တာ တာနစ်ဆုနဲ့ ထိုးသတ်ရမှာဖြစ်ပြီး တာနစ်ဆုဟာ မြန်မာဖိုက်တာ သက်ပိုင်အောင်ကို အလဲထိုးအနိုင်ရထားသူပါ။

11/10/2025

■ အာရှဘောလုံးအဖွဲ့ချုပ် AFC Special Grassroots Football Awards 2025 ဆု မြန်မာနိုင်ငံက Future Stars Football Training ဆွတ်ခူးရရှိ

🏆 Best Grassroots Club ဆု 🇲🇲⚽️

အာရှဘောလုံး အဖွဲ့ချုပ် (AFC) က ရွေးချယ်ချီးမြင့်တဲ့ ၂၀၂၅ ခုနှစ်အတွက် AFC Special Grassroots Football Awards 2025 ဆုကို မြန်မာနိုင်ငံက Future Stars Football Training ဆွတ်ခူးရရှိခဲ့ပါတယ်။

အာရှဘောလုံးအဖွဲ့ချုပ်ဟာ အာရှဒေသတွင်း နိုင်ငံတွေထဲက လူငယ်ဘောလုံးတိုးတက်ရေး အခြေခံအဆင့်လှုပ်ရှားမှုဖြစ်တဲ့ Grassroots ဖွံ့ဖြိုးတိုးတက်ရေးအတွက် ကြိုးပမ်းဆောင်ရွက်တဲ့ Future Stars Football Training ကလပ်အား အသိအမှတ်ပြုတဲ့အနေနဲ့ ၂၀၂၅ ခုနှစ်အတွက် AFC Special Grassroots Football Awards 2025 ဆု ရွေးချယ်လိုက်တာဖြစ်ပါတယ်။

ဆုပေးပွဲကို နိုဝင်ဘာ ၁၁ ရက်ကနေ ၁၃ ရက်အထိ မလေးရှားနိုင်ငံ ကွာလာလမ်ပူမြို့မှာ ကျင်းပမှာဖြစ်ပြီး Future Stars Football Training ကိုယ်စားလှယ်အဖွဲ့ တက်ရောက်ရယူမှာဖြစ်ပါတယ်။

Future Stars Football Training ကို ၂၀၁၉ ခုနှစ်မှာ စတင်ဖွင့်လှစ်ခဲ့ပြီး လက်ရှိအချိန်ထိ လူငယ် ၃၀၀၀ ကျော် အခြေခံဘောလုံးပညာ သင်ကြားပေးထားပြီး မြန်မာ့လက်ရွေးစင် အမျိုးသမီးအသင်း နည်းပြချုပ်ဟောင်း ဦးအေးကြူကြီး၊ မြန်မာ့လက်ရွေးစင်ကစားသမားဟောင်း ဦးဟန်ထွန်းတို့က ဦးစီးသင်ကြားပေးနေတာဖြစ်ပါတယ်။

10/10/2025

■ ဆီးဂိမ်းစ်ယှဉ်ပြိုင်မယ့် မြန်မာ့လက်ရွေးစင် ဖူဆယ်အသင်းကို ပဏာမ ၂၄ ဦးနဲ့ ဖွဲ့စည်း

မြန်မာ့လက်ရွေးစင် ဖူဆယ်အသင်း နည်းပြချုပ် ပတ္တရားပီခွန်ဟာ ဆီးဂိမ်းစ်ယှဉ်ပြိုင်ဖို့ ပဏာမကစားသမား ၂၄ ဦးနဲ့ ဖွဲ့စည်းလိုက်ပြီဖြစ်ပါတယ်။ မြန်မာ့လက်ရွေးစင် ဖူဆယ်အသင်းဟာ အောက်တိုဘာ ၁၃ ရက်မှာ စတင်လေ့ကျင့်မှာပါ။

10/10/2025

■ အိမ်ရှင်အဖြစ် လက်ခံကျင်းပမယ့် AFC U17 Women's Asian Cup (Qualifiers) China 2026
…………………………………
GROUP (C)

13 October 2025 - Monday
(Padaythar Stadium)
MACAU 🇲🇴 (15:30) 🇮🇩 INDONESIA
------------------
15 October 2025 - Wednesday
(Thuwunna Stadium)
MYANMAR 🇲🇲 (16:00) 🇲🇴 MACAU
------------------
17 October 2025 - Friday
(Thuwunna Stadium)
INDONESIA 🇮🇩 (16:00) 🇲🇲 MYANMAR

09/10/2025

■ ဆီးရီးယားကို အဝေးကွင်းမှာ ဂိုးပြတ်အရေးနိမ့်ခဲ့တဲ့ မြန်မာ

အာရှဖလား တတိယအဆင့်ခြေစစ်ပွဲ အုပ်စုတတိယပွဲအဖြစ် ဆီးရီးယားအသင်းနဲ့ မြန်မာအသင်းတို့ အောက်တိုဘာ ၉ ရက် ညပိုင်းက ဆော်ဒီအာရေဗျနိုင်ငံမှာ ယှဉ်ပြိုင်ကစားရာ ဆီးရီးယားအသင်းက ၅-၁ ဂိုးနဲ့ အနိုင်ရခဲ့ပါတယ်။

မြန်မာအသင်းဟာ ခံစစ်အသားပေးပုံစံနဲ့ကစားခဲ့ပေမယ့် အသင်းလိုက်ကစားပုံ၊ တစ်ဦးချင်းစွမ်းဆောင်ရည်နဲ့ ခံစစ်ကစားပုံလိုအပ်ချက်တွေကြောင့် ဂိုးပြတ်အရေးနိမ့်ခဲ့ပါတယ်။ မြန်မာအသင်းဟာ အဝေးကွင်းဂိုးပြတ်ရှုံးပွဲကြောင့် ခြေစစ်ပွဲအောင်ဖို့ မျှော်လင့်ချက်နည်းသွားပြီဖြစ်ပါတယ်။

မြန်မာအသင်းရဲ့ ပွဲထွက်လူစာရင်းမှာ ဇင်ညီညီအောင် (ဂိုး)၊ ဟိန်းဖြိုးဝင်း၊ သက်ဟိန်းစိုး၊ စိုးမိုးကျော်၊ ကျော်မင်းဦး၊ ရဲရင့်ဖြိုး၊ နန္ဒကျော်၊ လွင်မိုးအောင်၊ ခွန်ကျော်ဇင်ဟိန်း၊ ရဲရင့်အောင်၊ သန်းပိုင်တို့ပါ၀င်ပြီး မောင်မောင်လွင်အပါအဝင် အမာခံတချို့ကတော့ ဒဏ်ရာကြောင့် မကစားနိုင်ခဲ့ပါဘူး။ မြန်မာအသင်းဟာ ပွဲအစ လေးမိနစ်ကတည်းက ဂိုးပေးခဲ့ရပြီး ပထမသုံးဂိုးက ခံစစ်နဲ့ ဂိုးသမားအားနည်းချက်တွေကြောင့် ပေးလိုက်ရတာဖြစ်ပြီး ပထမပိုင်းမှာ သုံးဂိုးပြတ်ရှုံးနိမ့်နေပါတယ်။ ဆီးရီးယားအသင်းဒုတိယပိုင်းမှာရခဲ့တဲ့ နှစ်ဂိုးမှာ စတုတ္ထဂိုးက ပယ်နယ်တီကနေ သွင်းယူခဲ့တာပါ။ ပွဲပြီးခါနီးမှာ မြန်မာအသင်း ချေပဂိုးတစ်ဂိုးရခဲ့ပြီး ပယ်နယ်တီကနေ အသင်းခေါင်းဆောင် နန္ဒကျော်က သွင်းယူခဲ့တာပါ.

သုံးပွဲစီကစားအပြီးမှာ ဆီးရီးယားအသင်းက ကိုးမှတ်၊ မြန်မာအသင်းက ခြောက်မှတ်၊ အာဖဂန်နစ္စတန်နဲ့ ပါကစ္စတန်က တစ်မှတ်စီရထားပါတယ်။ မြန်မာအသင်းဟာ အောက်တိုဘာ ၁၄ ရက်မှာ ဆီးရီးယားအသင်းနဲ့ အိမ်ကွင်းကစားရမှာဖြစ်ပါတယ်။

09/10/2025

■ အယ်လ်နာဆာအသင်းမှာ စီရော်လ်နယ်ဒိုရဲ့ လစာရရှိမှု

09/10/2025

■ မြန်မာနေရှင်နယ်လိဂ်ကလပ် ရှမ်းယူနိုက်တက်နဲ့ ဂျပန်ကုမ္ပဏီတို့ စပွန်ဆာစာချုပ်

မြန်မာနေရှင်နယ်လိဂ် (MNL) ရဲ့ အအောင်မြင်ဆုံးအသင်းဖြစ်လာတဲ့ ရှမ်းယူနိုက်တက်အသင်းဟာ ဂျပန်ကုမ္ပဏီနဲ့ စပွန်ဆာစာချုပ် ချုပ်ဆိုနိုင်ခဲ့ပါတယ်။

ရှမ်းယူနိုက်တက်အသင်းဟာ အခုနှစ်ဘောလုံးရာသီအတွက် Bronze Sponsorship အဖြစ် ဂျပန်နိုင်ငံအခြေစိုက် FB Management Co., Ltd နဲ့ တစ်နှစ်စာချုပ် ချုပ်ဆိုခဲ့တာဖြစ်ပါတယ်။

ဒီစာချုပ်ချုပ်ဆိုပွဲအခမ်းအနားကို ထိုင်းနိုင်ငံရှိ Japanese Restaurant တစ်ခုဖြစ်တဲ့ Otaru Masa Sushi Siam မှာပြုလုပ်ခဲ့ပြီး FB Management Co., Ltd ဥက္ကဌ Mr. Yamada Kazuho၊ ရှမ်းယူနိုက်တက်အသင်း ဒုဥက္ကဌ ဦးထိပ်ခွန်နောင်မြင့်ဝေနဲ့ အသင်းနည်းပြချုပ် Mr. Hiroki Ono တို့မှ တက်ရောက်ခဲ့ပါတယ်။

ရှမ်းယူနိုက်တက်အသင်းဒုဥက္ကဌ ဦးထိပ်ခွန်နောင်မြင့်ဝေက “ရှမ်းယူနိုက်တက်အသင်းက မြန်မာနေရှင်နယ်လိဂ်ရဲ့ အအောင်မြင်ဆုံးကလပ်အသင်းပါ။ ပြည်တွင်းအမှတ်ပေးချန်ပီယံအဖြစ် ၅ နှစ်ဆက်တိုက်ရယူနိုင်ခဲ့ပါတယ်။ ဒါပေမဲ့ အာဆီယံနဲ့ အာရှအဆင့်တွေမှာတော့ အသင်းက ထိပ်တန်းအသင်းတွေနဲ့ ယှဉ်ပြိုင်နိုင်ဖို့အတွက် လိုအပ်ချက်ရှိနေပါသေးတယ်။ ဒါကြောင့် AFF SHOPEE CUP နဲ့ AFC CHALLENGE LEAGUE ပြိုင်ပွဲတွေမှာ ထိုင်း၊ ဗီယက်နမ်နဲ့ အင်ဒိုနီးရှား စတဲ့အသင်းတွေကို ယှဉ်ပြိုင်နိုင်ဖို့အတွက် ရှမ်းယူနိုက်တက်အသင်းကို ပိုမိုတိုးတတ်လာအောင် ပံ့ပိုးကူညီပေးနိုင်မယ့် စပွန်ဆာရှာဖွေနိုင်ဖို့ အမြဲစိတ်ကူးရှိခဲ့ပါတယ်။ အခုလို FB Management Co., Ltd ကပံ့ပိုးကူညီပေးမှုကို ရရှိတဲ့အတွက် အနာဂတ်မှာ ရှမ်းယူနိုက်တက်အသင်းက ပိုမိုအားကောင်းလာမယ်ဆိုတာ ယုံကြည်ပါတယ်” လို့ပြောကြားခဲ့ပါတယ်။

09/10/2025

■ ဆီးရီးယားနဲ့ မြန်မာ ဒီနေ့ညပိုင်း ကစားမယ်

အာရှဖလား တတိယအဆင့်ခြေစစ်ပွဲအဖြစ် ဆီးရီးယားအသင်းနဲ့ မြန်မာအသင်းဟာ အောက်တိုဘာ ၉ ရက် (ဒီနေ့) မြန်မာစံတော်ချိန် ည ၁၀ နာရီ ၄၅ မိနစ်မှာ ဆော်ဒီအာရေဗျနိုင်ငံမှာ ယှဉ်ပြိုင်ကစားမှာဖြစ်ပါတယ်။

ဆီးရီးယားအသင်းဟာ အိမ်ကွင်းပွဲတွေကို ဆီးရီးယားနိုင်ငံမှာ လက်ခံကျင်းပနိုင်ခြင်းမရှိလို့ ဆော်ဒီအာရေဗျနိုင်ငံမှာ ကစားနေတာဖြစ်ပြီး အာရှဖလားခြေစစ်ပွဲအောင်မြင်ဖို့ နှစ်သင်းစလုံးအတွက် အရေးပါနေပါတယ်။ မြန်မာအသင်းနဲ့ ဆီးရီးယားအသင်းနဲ့ ခြောက်ရက်အတွင်း နှစ်ပွဲကစားရမှာဖြစ်ပြီး အောက်တိုဘာ ၁၄ ရက် ရန်ကုန်မြို့မှာ ပြန်ကစားရမှာပါ။ မြန်မာအသင်းနဲ့ ဆီးရီးယားအသင်းဟာ နှစ်ပွဲကစား ခြောက်မှတ်စီနဲ့ ခြေစစ်ပွဲအောင်မြင်ဖို့ အခြေအနေကောင်းနေပြီး ဒီနှစ်ကျော့က ခြေစစ်ပွဲအောင်မြင်ဖို့ အဆုံးအဖြတ်ဖြစ်လာနိုင်ပါတယ်။

ဒီနေ့ကစားမယ့် အဝေးကွင်းပွဲမှာ မြန်မာအသင်းခေါင်းဆောင် မောင်မောင်လွင်နဲ့ အမာခံကစားသမားတချို့ ဒဏ်ရာကြောင့် ပါ၀င်နိုင်မှာမဟုတ်ပါဘူး။

မြန်မာအသင်းဟာ အာရှဖလား ဒုတိယအဆင့်ခြေစစ်ပွဲတုန်းကလည်း ဆီးရီးယားအသင်းနဲ့ တစ်အုပ်စုတည်း ကျရောက်ခဲ့ပြီး အိမ်ကွင်းမှာ တစ်ဂိုးစီသရေကျခဲ့ပေမယ့် အဝေးကွင်းမှာ ခုနစ်ဂိုးပြတ် အရေးနိမ့်ခဲ့ပါတယ်။

08/10/2025

■ မြန်မာ ယူ-၁၉ နဲ့ ယူ-၁၆ ဖူဆယ်အသင်းဖွဲ့စည်းဖို့ လူရွေးပွဲ ပြုလုပ်မယ်

ဒီနှစ်ထဲမှာ ယှဉ်ပြိုင်ရမယ့် အာဆီယံ လူငယ်ဖူဆယ်ပြိုင်ပွဲယှဉ်ပြိုင်ကြမယ့် မြန်မာ ယူ-၁၉ အသင်းနဲ့ မြန်မာ ယူ-၁၆ ဖူဆယ်အသင်းဖွဲ့စည်းဖို့ လူရွေးပွဲတွေ ကျင်းပမှာဖြစ်ပါတယ်။

မြန်မာနိုင်ငံဘောလုံးအဖွဲ့ချုပ်ဟာ ဒီနှစ်ထဲမှာ ပထမဆုံးအဖြစ် ယူ-၁၉ နဲ့ ယူ-၁၆ ဖူဆယ်လိဂ်ပြိုင်ပွဲကျင်းပခဲ့ပြီး အဲ့ဒီပြိုင်ပွဲက ခြေစွမ်းပြနိုင်တဲ့ ကစားသမားတွေကို ပထမအဆင့်ရွေးချယ်ကာ လူရွေးပွဲ ထပ်မံပြုလုပ်ပြီး ပဏာမလူငယ်လက်ရွေးစင်အဖြစ် ရွေးချယ်သွားမှာဖြစ်ပါတယ်။

မြန်မာ ယူ-၁၉ ဖူဆယ်လူငယ်လက်ရွေးစင်အသင်း နည်းပြချုပ်အဖြစ် ဦးကျော်စိုးမိုးကို တာဝန်ပေးထားပြီး ယူ-၁၉ ဖူဆယ်လိဂ်က ရွေးချယ်ထားသူတွေ၊ မန္တလာ ယူ-၁၉ ဖူဆယ်ပြိုင်ပွဲက ရွေးချယ်ထားတဲ့ ကစားသမားတွေကို အောက်တိုဘာ ၁၁၊ ၁၂ ရက်မှာ လူရွေးပွဲ ယှဉ်ပြိုင်ကစားစေမှာဖြစ်ပါတယ်။

မြန်မာ ယူ-၁၆ ဖူဆယ်လူငယ်လက်ရွေးစင်အသင်း နည်းပြချုပ်အဖြစ် ဦးကျော်ဇင်ညွန့်ကို တာဝန်ပေးထားပြီး ပြီးခဲ့တဲ့ ယူ-၁၆ ဖူဆယ်လိဂ်ပြိုင်ပွဲက ရွေးချယ်ထားတဲ့ ကစားသမား ၃၉ ဦးကို အောက်တိုဘာ ၁၀၊ ၁၁ ရက်မှာ လူရွေးပွဲပြန်လုပ်ပြီး ကစားသမားရွေးချယ်မှာဖြစ်ပါတယ်။

အာဆီယံဘောလုံးအဖွဲ့ချုပ်ဟာ အာဆီယံ ယူ-၁၆ နဲ့ ယူ-၁၉ ဖူဆယ်ပြိုင်ပွဲတွေကို ဒီနှစ်ထဲမှာ ပထမဆုံးကျင်းပမှာဖြစ်ပြီး ဒီဇင်ဘာလမှာ ထိုင်းနိုင်ငံမှာကျင်းပဖို့ စီစဉ်ထားပါတယ်။

icon 7

12/10/2025

12/10/2025

12/10/2025

11/10/2025

11/10/2025

10/10/2025

10/10/2025

09/10/2025

09/10/2025

09/10/2025

09/10/2025

08/10/2025

Address

Website

Alerts

Shortcuts

Share

Category