https://www.facebook.com/1017375798471655/

First Five Media, Yangon (2026)

01/09/2026

ပင်လောင်းမြို့နယ်တွင် ငွေကျပ် ၁ ဒသမ ၇၂ ဘီလီယံတန်ဖိုးရှိ စိတ်ကြွဆေးပြားများ ဖမ်းဆီးရမိ
===========

နေပြည်တော်၊ စက် ၀၁။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သက်သေများနှင့်အတူ ဩဂုတ်လ ၂၄ ရက်နေ့ နံနက် ၁၁ နာရီ ၅၀ အချိန်ခန့်ကပင်လောင်းမြို့နယ်၊ လိန်းလီကျေး
ရွာအနီးတွင် မော်တော်ယာဉ်များအား စစ်ဆေးရှာဖွေစစ်ဆေးခဲ့ကြောင်း သိရသည်။

ဇော်ဇော်အောင် မောင်းနှင်ပြီး ပိုင်သူကျော်(ခ)ပိုင်သူ လိုက်ပါလာသည့် NISSAN DIESEL DUMP အမျိုးအစား မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်တွင် သိုဝှက်သယ်ဆောင်လာသော စိတ်ကြွဆေးပြား ၃၄ ဒသမ ၄ သိန်း(ဒေသကာလ
တန်ဖိုးငွေကျပ် ၁ ဒသမ ၇၂ ဘီလီယံ)နှင့် လက်ကိုင်ဖုန်း ၂ လုံးတို့အား တွေ့ရှိသိမ်းဆည်းရမိခဲ့ကြောင်း သိရသည်။

သိမ်းဆည်းရမိသဖြင့် ဇော်ဇော်အောင်(၅၅)နှစ် နှင့် ပိုင်သူကျော်(ခ)ပိုင်သူ(၃၁)နှစ်တို့အား ဖိုကုန်းနယ်
မြေရဲစခန်းတွင် မူးယစ်ဆေးဝါးနှင့် စိတ်ကိုပြောင်း
လဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဆက်လက်ဖော်ထုတ်လျက်ရှိကြောင်း CCDAC MYANMAR က ဖော်ကးပြထားသည်။

28/08/2026

တက္ကသိုလ်ဝင်စာမေးပွဲ ဖြေဆိုခွင့်လျှောက်လွှာများ ရောင်းချမည်
===========

ရန်ကုန်။ ဩ ၂၈။

၂၀၂၇ ခုနှစ် တက္ကသိုလ်ဝင်စာမေးပွဲ ဝင်ရောက်ဖြေဆိုကြမယ့် ကျောင်းသားကျောင်းသူတွေအတွက် စာမေးပွဲ ဖြေဆိုခွင့် လျှောက်လွှာတွေကို စက်တင်
ဘာလ(၁)ရက်မှာ စတင်ရောင်းချပေးသွားမယ်လို့ မြန်မာနိုင်ငံ စာစစ်ဦးစီးဌာနက ဒီကနေ့ ရက်စွဲနဲ့
အသိပေးထုတ်ပြန်ထားပါတယ်။

လျှောက်လွှာပုံစံတွေနဲ့ ငွေသွင်းတံဆိပ်ခေါင်းတွေကို မြန်မာနိုင်ငံစာစစ်ဦးစီးဌာန(ရုံးချုပ်)ရုံးအမှတ် (၅၂)၊ နေပြည်တော်နဲ့ မြန်မာနိုင်ငံစာစစ်ဦးစီးဌာန၊ရန်ကုန်
(ရုံးခွဲ)တို့မှာ လာရောက်ဝယ်ယူနိုင်တယ်လို့ ဆိုပါတယ်။

တက္ကသိုလ်ဝင်စာမေးပွဲ ဖြေဆိုခွင့်လျှောက်လွှာတစ်စောင်ကို ငွေကျပ် ၅၀၀ နဲ့ ငွေသွင်းတံဆိပ်ခေါင်းဖိုး ငွေကျပ် ၂၀၀၀ ကျသင့်မှာ ဖြစ်ပါတယ်။ ဖြေဆိုခွင့်လျှောက်လွှာကတ်ပြားပုံစံကို ဖြေဆိုမယ့် ဘာသာတွဲအလိုက် အစိမ်း ရောင်နဲ့ ပန်းရောင်ဆိုပြီး အရောင်နှစ်မျိုး ခွဲခြားသတ်မှတ်ထားပါတယ်။

လျှောက်လွှာတင်သွင်းကြရာမှာ ပြင်ပဖြေဆိုမယ့်သူတွေက သက်ဆိုင်ရာမြို့နယ်ပညာရေးမှူးရုံးတွေမှာ စာမေးပွဲ ဝင်ကြေးအတွက် ငွေကျပ်နှစ်ထောင်တန် ငွေသွင်းတံဆိပ်ခေါင်းတွေ ဝယ်ယူပြီး ဝင်ခွင့်လျှောက်လွှာရဲ့ လက်ဝဲ ထိပ်ပိုင်းမှာကပ်ကာ မိမိတို့ အမှန်တကယ်နေထိုင်တဲ့ မြို့နယ်ပညာရေးမှူးရုံးတွေမှာ စက်တင်ဘာလ (၁)ရက် ကနေ စက်တင်ဘာလ
(၃၀)ရက်အတွင်း တင်သွင်းရမှာ ဖြစ်ပါတယ်။

ဒါ့အပြင် အခြေခံပညာအထက်တန်းကျောင်းတွေ၊ ကျောင်းခွဲတွေ၊ တွဲဖက်ကျောင်းတွေ၊ တွဲဖက်ဘုန်းတော်ကြီးသင် ပညာရေးကျောင်းတွေနဲ့ ကိုယ်ပိုင်အထက်တန်းကျောင်းတွေမှာ ဖြေဆိုဖို့ လျှောက်လွှာ
တင်သွင်းမယ့် ကျောင်းသား၊ ကျောင်းသူတွေအတွက် စာမေးပွဲဝင်ကြေးငွေ ကျပ်နှစ်ထောင်တန် ငွေသွင်းတံဆိပ်ခေါင်းတွေကို ကျောင်းအုပ်ကြီး တွေက ဝယ်ယူပြီး လျှောက်လွှာတစ်စောင်ချင်းမှာကပ်ကာ စုပေါင်းပြီး မြို့နယ်ပညာရေးမှူးရုံးကတစ်ဆင့် မြန်မာ နိုင်ငံစာစစ်ဦးစီးဌာနကို စက်တင်ဘာ(၁)ရက်ကနေ စက်တင်ဘာလ(၃၀)ရက် အတွင်းတင်သွင်းရမှာ ဖြစ်ပါတယ်။

သတ်မှတ်ရက်အတွင်း အချိန်မီ ပေးပို့မှုမရှိတဲ့သူတွေအနေနဲ့ စာမေးပွဲ ဖြေဆိုခွင့်ရရှိမှာ မဟုတ်ကြောင်းနဲ့ စာဖြေသူ တွေတင်သွင်းတဲ့ စာမေးပွဲဖြေဆိုခွင့်လျှောက်လွှာနဲ့ ကတ်ပြားမှာ ဖော်ပြပါရှိတဲ့ ဘာသာတွဲမှအပ တခြားဘာသာတွဲ ကို ပြောင်းလဲဖြေဆိုခွင့် ပြုမှာမဟုတ်ပါဘူး။ အဲဒါကြောင့် မိမိဖြေဆိုမယ့် ဘာသာတွဲအလိုက်ပုံစံတွေ မှန်ကန်မှု ရှိ၊ မရှိ သေချာစွာစစ်ဆေးကာ မှန်ကန်စွာ ဖြည့်စွက်ပေးပို့ကြဖို့လိုတာကို သတိပြုစေလိုတယ်လို့လည်း မြန်မာနိုင်ငံ စာစစ်ဦးစီးဌာနက အသိပေးထားပါတယ်။

28/08/2026

ရွှေတိဂုံစေတီတော်မြတ်ကြီး၌ ၀ါခေါင်လပြည့် မေတ္တာအခါတော်နေ့ အခမ်းအနား စည်ကားသိုက်မြိုက်စွာကျင်းပ
===========

ရန်ကုန် -ဩ ၂၈။

ဗုဒ္ဓဘာသာဝင်များ၏ နေ့ထူးနေ့မြတ် ဝါခေါင်လပြည့် (မေတ္တာအခါတော်နေ့) ဖြစ်သည့် အားလျော်
စွာ ရန်ကုန်မြို့ရှိ ရွှေတိဂုံစေတီတော် မြတ်ကြီး၌ မေတ္တာအခါတော်နေ့ အခမ်းအနားများကို ကျင်းပလျက်ရှိသည်။

ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့က ကြီးမှူးကျင်းပသည့် ၁၃၈၈ခုနှစ် ဝါခေါင်လပြည့် (မေတ္တာအခါတော်နေ့) အခမ်းအနားများကို ယနေ့ နံနက် ၅ နာရီခွဲမှစတင်၍စေတီတော်ရင်ပြင်ရှိ သတ်မှတ်နေရာများ၌ ကျင်းပသည်။

ဦးစွာ ရွှေတိဂုံစေတီတော်မြတ်ကြီးအား အရုဏ် ဆွမ်းတော်ဆက်ကပ်ပူဇော်ပွဲကို စေတီတော်ရင်ပြင် ဧည့်ခံတန်ဆောင်း၌ကျင်းပရာ ရန်ကုန်တိုင်းဒေသကြီးဝန်ကြီးချုပ်ဦးအောင်နိုင်သူ၊တိုင်းဒေသကြီးဝန်
ကြီးများ၊ ဂေါပကအဖွဲ့ဝင်များနှင့် ဘာသာရေးဝတ်
အသင်း အဖွဲ့များက စေတီတော်မြတ်ကြီးအား ဆွမ်း၊ ပန်း၊ ရေချမ်း၊ ဆီမီး၊ သစ်သီးများ ကပ်လှူပူဇော်ကြပြီး ရှေးဟောင်းဗုဒ္ဓရုပ်ပွားတော်များတန်ဆောင်း၌ ဝါခေါင်လပြည့် (မေတ္တာအခါတော်နေ့)အသံမစဲမေတ္တာပို့အောင်ပွဲ အခမ်းအနားကို ဆက်လက်ကျင်းပရာ ဂေါပကအဖွဲ့ဝင်များ၊ ဘာ
သာရေးဝတ်အသင်းအဖွဲ့များက စိန်ရောင်ခြည်ဘုရားပင့်ဂါထာတော်ဖြင့် ဘုရားရှင်ကိုပင့်လျှောက်ထားခြင်း၊ နတ်ဗြဟ္မာများအား ဖိတ်ကြားခြင်း၊ ရွှေတိဂုံဘုရားရှိခိုးဂါထာတော်ဖြင့် ရှိခိုးပူဇော်ခြင်း၊ ဓမ္မစကြာအမွှန်းဂါထာ ရွတ်ဆိုပူဇော်ခြင်း၊ ဆု
တောင်းအမျှဝေခြင်း၊ကမ္ဘာသူကမ္ဘာသား၊ ဝေနေယျ သတ္တဝါအပေါင်းတို့အား စုပေါင်းမေတ္တာပို့သခြင်းတို့ ကိုဆောင်ရွက်ကြသည်။

ဆက်လက်၍ ရှေးဟောင်းဗုဒ္ဓရုပ်ပွားတော်များတန်ဆောင်းစုရပ်မှ စတင်၍ပန်းပေါင်း(၈၄၀၀၀)ဖြင့် ဆင်ယင်ပူဇော်ထားသည့် ပန်းစေတီများ လှည့်လည်ပူဇော်ပွဲ အခမ်းအနားကိုကျင်းပရာ ရန်ကုန်တိုင်းဒေသကြီးဝန်ကြီးချုပ် ၊ တိုင်းဒေသကြီးဝန်ကြီးများ၊ ဘဏ္ဍာတော်ထိန်းဂေါပကအဖွဲ့ဝင်များ၊ ဗုဒ္ဓဝေယျာ
ဝစ္စအသင်းများနှင့် ဝန်ထမ်းများက ပန်းစေတီများပင့်ဆောင်၍ ရင်ပြင်တော်တစ်ပတ် လှည့်လည်ပူဇော်ခဲ့ကြပြီး ပွင့်တော်မူပြီးသော ဘုရားရှင်လေးဆူတို့အား ရည်မှန်းပူဇော်သည့်အနေဖြင့်အရှေ့ဘက်အာရုံခံမုခ်ဦးအတွင်းရှိကကုသန္ဓရုပ်ပွားတော်၊ တောင်ဘက်အာရုံခံမုခ်ဦးအတွင်းရှိ ကောဏာဂမနရုပ်ပွားတော်၊ အနောက်ဘက်အာရုံခံမုခ်ဦးအတွင်းရှိ ကဿပရုပ်ပွားတော်၊ မြောက်ဘက် အာရုံခံမုခ်ဦးအတွင်းရှိ ဂေါတမရုပ်ပွားတော်နှင့်အထက်ပစ္စယံရှိ ပတ္တမြားမျက်ရှင်ရုပ်ပွားတော်တို့အား ဘဏ္ဍာတော်ထိန်းဂေါပကအဖွဲ့နှင့် ဗုဒ္ဓဝေယျာဝစ္စ အသင်းများကပန်းစေတီများကိုကပ်လှူပူဇော်ကြသည်။

ထို့အပြင် ဝါတွင်းသီလခံယူပွဲ၊ နေ့ဆွမ်းဆက်ကပ်လှူဒါန်းပွဲနှင့် ရေစက်ချအနုမောဒနာအခမ်းအနားကို ရှေးဟောင်းဗုဒ္ဓရုပ်ပွားတော်များ တန်ဆောင်း၌ ကျင်းပရာ ရွှေတိဂုံစေတီတော် ဘဏ္ဍာတော်ထိန်း ဂေါပကအဖွဲ့၏ ဩဝါဒါစရိယ၊ အဂ္ဂမဟာသဒ္ဒမ္မ ဇောတိကဓဇ၊အဂ္ဂမဟာဂန္ထဝါစကပဏ္ဍိတ၊ဒွိပိဋကဓရ၊ ဝိနယ ဒီဃနိကာယပါဠိပါရဂူ ဆရာတော်ဘဒ္ဒန္တနာဂိတထံမှ ဂေါပကအဖွဲ့ဝင်များ၊ ဘာသာရေးဝတ်
အသင်း အဖွဲ့များနှင့် ဘုရားဖူးလာပြည်သူများက န၀င်္ဂသီလ ခံယူဆောက်တည်ကြသည်။

ဆက်လက်၍ ဩဝါဒါစရိယ ဆရာတော်ကြီးများအားလှူဖွယ်ဝတ္ထုပစ္စည်းများကို ဆက်ကပ်လှူဒါန်းကြပြီး ဆရာတော်ဘဒ္ဒန္တနာဂိတထံမှလှူဒါန်းမှု အစုစုတို့အတွက် ရေစက်ချအမျှပေးဝေကြကာ ဩဝါဒါ
စရိယဆရာတော်ကြီးများအား ဂေါပကအဖွဲ့၀င်များကနေ့ဆွမ်းဆက်ကပ်လှူဒါန်းခဲ့ကြပြီး ဥပုသ်သီတင်း
သီလစောင့်သုံးကြသောယောဂီသူတော်စင်အပေါင်း
တို့အား နေ့ဆွမ်းဖြင့် ဧည့်ခံကျွေးမွေး လှူဒါန်းခဲ့ပါသည်။

28/08/2026

နေပြည်တော် ဒက္ခိဏသီရိမြို့နယ်တွင် ယာဉ်တစ်စီး ရေကန်အတွင်းအရှိလွန်လွန်ထိုးကျမှုကြောင့် ၂ ဦး သေဆုံး
===========

နေပြည်တော်၊ ဩ ၂၈။

နေပြည်တော်၊ ဒက္ခိဏသီရိမြို့နယ်၊ ထန်းတစ်ပင်၊ ကျောက်မမျက်ဝန်းတွင် ယနေ့ နံနက် ၉ နာရီ ၁၀ မိနစ်ခန့်က ယာဉ်(၁)စီးသည် အရှိန်လွန်ပြီး လမ်းဘေးရှိ သဘာဝရေကန်ထဲသို့ ကျသွားကြောင်းသိရ သည်။

ဖြစ်စဉ်ဖြစ်ပွားရာသို့ ဒက္ခိဏခရိုင်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး ၊ ဒက္ခိဏသီရိမြို့နယ်မီးသတ်စခန်းမှ မီးငြှိမ်းသတ်ယာဉ်(၁) စီး၊ ကြာပင်နယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ သွားရောက်ဆောင်
ရွက်ခဲ့ကြောင်း သိရသည်။

အဆိုပါဖြစ်စဉ်ကြောင့် ကျား(၁)ဦးနှင့်မ(၁)ဦး
(သေဆုံး)ခဲ့ပြီးလူငယ်တွဲလက်လူမှုကူညီရေးအသင်းယာဉ်ဖြင့် နေပြည်တော်ကုတင်(၁၀၀၀)ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

27/08/2026

တိုက်ခန်းလွှဲပြောင်းရောင်းချရာတွင် မြေရှင်ထံသို့ ရောင်းချရငွေ၏ ၂ ရာခိုင်နှုန်းကို ပေးချေခြင်း၊ မြေရှင်လက်မှတ်ပါရှိမှတရားဝင်ခြင်း၊ စာချုပ်အတည်ဖြစ်ခြင်းဆိုင်ရာကိစ္စရပ်များကို အခွန်ဆိုင်ရာဥပ‌ဒေများတွင် ပြဋ္ဌာန်းထားခြင်းမရှိဟုဆို

===========

ရန်ကုန်၊ ဩ ၂၇။

မိမိတို့ ဝယ်ယူနေထိုင်သော တိုက်ခန်းများအား ပြန်လည်ရောင်းချရာတွင် မြေရှင်အား ရောင်းချရငွေ၏ ၂ ရာခိုင်နှုန်းအား မဖြစ်မနေပေးဆောင်နေရကြောင်း မရမ်းကုန်းမြို့နယ် ကိုယ်စားလှယ်အမှတ် (၂) ဦးအောင်ပြည့်ဖြိုးက ပြောကြားသည်။

ဩဂုတ်လ ၂၆ ရက်တွင် ပြုလုပ်ခဲ့သည့် ရန်ကုန်
တိုင်းဒေသကြီးလွှတ်တော်အစည်းအဝေးတွင် မရမ်းကုန်းမြို့နယ် ကိုယ်စားလှယ်အမှတ် (၂) ဦးအောင်ပြည့်ဖြိုးက ရန်ကုန်မြို့အတွင်းရှိ တိုက်ခန်းများတွင် ဝယ်ယူနေထိုင်သည့် အိမ်ခန်းပိုင်ရှင်များ၊ မြေရှင်များနှင့်စပ်လျဉ်းသည့်မေးခွန်းအား မေးမြန်းစဉ် ထိုသို့ ထည့်သွင်းပြောကြားခြင်းဖြစ်သည်။

လူဦးရေထူထပ်သည့် ရန်ကုန်မြို့တွင် ပြည်သူအများစုမှာ တိုက်ခန်းများတွင် နေထိုင်ကြပြီး သာမန်ပြည်သူတစ်ယောက်အနေဖြင့် တိုက်ခန်းတစ်ခန်းပိုင်ဆိုင်ရန်အတွက် နှစ်ပေါင်းများစွာ စုဆောင်းထားသည့် ချွေးနည်းစာဖြင့် ရင်းနှီးမြှုပ်နှံထားရခြင်းဖြစ်ကြောင်း ဦးအောင်ပြည့်ဖြိုးက မေးခွန်းမေးမြန်းစဉ် ထည့်သွင်းပြောကြားသည်။

သို့သော်လည်း ထိုသို့ပိုင်ဆိုင်သည့်တိုက်ခန်းကို ပြန်လည်ရောင်းချရာတွင် ကြီးမားသော အခက်အခဲ အနှောင့်အယှက်များဖြင့် ရင်ဆိုင်နေရသကဲ့သို့ ဝယ်ယူသူများဘက်တွင်လည်း အခက်အခဲများဖြင့် ရင်ဆိုင်နေရကြောင်း ဦးအောင်ပြည့်ဖြိုးက ပြောကြားသည်။

အခက်အခဲများအနေဖြင့် မိမိတို့ ဝယ်ယူနေထိုင်သော တိုက်ခန်းများအား ရောင်းချရာတွင် မြေရှင်အား ရောင်းချရငွေ၏ ၂ ရာခိုင်နှုန်း သို့မဟုတ် ယင်းထက်ပိုသည့် ရာခိုင်နှုန်းပမာဏများကို မဖြစ်မနေပေးဆောင်ရသည့်အခြေအနေများရှိနေကြောင်း ဦးအောင်ပြည့်ဖြိုးက ပြောကြားသည်။

"အဲ့တော့ အရောင်းအဝယ်စာချုပ်မှာ ဒီမြေရှင်ရဲ့ လက်မှတ်ပါမှ တရားဝင်မယ်ဆိုတဲ့ အလွန်မှားယွင်းတဲ့ အယူအဆတစ်ခုကလည်း ပြည်သူတွေကြားမှာ ကျွန်တော်တို့ အမြစ်တွယ်နေတာလည်းရှိပါတယ်"ဟု ဦးအောင်ပြည့်ဖြိုးက ပြောကြားသည်။

ထိုသို့ မြေရှင်၏ လုပ်ဆောင်ချက်များကြောင့် မတရားသဖြင့် ငွေဆုံးရှုံးမှုများရှိလာပြီး မြေရှင်များအနေဖြင့် ၎င်းတို့ လက်မှတ်မထိုးရပါက မီတာစာရွက်များ မပေးဘဲ သိမ်းထားခြင်း၊ ရေသုံးစွဲမှု ကန့်သတ်ခြင်း စသည့် ကန့်သတ်ခြင်းများ ပြုလုပ်နေပြီး ယင်သို့ မြေရှင်၏ လုပ်ဆောင်မှုကြောင့် နိုင်ငံတော်၏ အခွန်ငွေရရှိမှုကိုလည်း ဆုံးရှုံး‌ကြောင်း ၎င်းက ဆိုသည်။

“ဒါက ဘာကိုပြသလဲဆိုရင် ကျွန်တော်တို့ ပြည်သူတွေရဲ့ ဥပဒေရေးရာဗဟုသုတ အားနည်းမှုကို အခွင့်ကောင်းယူပြီးတော့ ကြီးကြီးမားမားအမြတ်ထုတ်နေတဲ့ကိစ္စလည်းဖြစ်ပါတယ်”ဟု ဦးအောင်ပြည့်ဖြိုးက ပြောကြားသည်။

ထိုသို့သောကိစ္စအပေါ် မည်သို့အရေးယူဆောင်ရွက်ထားရှိသနည်းနှင့် ဥပဒေ၊ နည်းဥပဒေများတွင် ပြဌာန်းထားခြင်းမရှိ၍ တရားဝင်မှုမရှိခြင်းကို ပြည်သူများ သိရှိအောင် မည်သို့ထုတ်ပြန်ထားရှိသနည်းဟု ဦးအောင်ပြည့်ဖြိုးက မေးမြန်းသည်။

ထိုသို့မေးမြန်းမှုနှင့်ပတ်သက်၍ အခွန်ဥပဒေများတွင် အများပြည်သူအနေဖြင့် လုပ်ငန်းဆောင်ရွက်ခြင်း၊ အရောင်းအဝယ်ပြုလုပ်ခြင်းတို့အတွက် စာချုပ်ချုပ်ဆိုဆောင်ရွက်ရာတွင် မည်သို့ချုပ်ဆိုရမည်၊ မည်သူများ ပါဝင်လက်မှတ်ထိုးရမည်၊ မည်သူ့ကို ဝန်ဆောင်ခ မည်မျှပေးရမည် စသည့် ကိစ္စရပ်များကို သတ်မှတ်ပြဋ္ဌာန်းထားခြင်းမရှိဘဲ အခွန်စည်းကြပ်ထိုက်သည့် ဝင်ငွေဖြစ်ပေါ်လာလျှင် ယင်းဝင်ငွေအပေါ် အခွန်စည်းကြပ်ကောက်ခံရေးကိစ္စကိုသာ ပြဋ္ဌာန်းထား‌ကြောင်း ရန်ကုန်တိုင်းဒေသကြီးအစိုးရအဖွဲ့ စီမံကိန်း၊ စီးပွားရေးနှင့် ဘဏ္ဍာရေးဝန်ကြီး ဒေါက်တာမေသန်းနွယ်က ပြောကြားသည်။

ရန်ကုန်တိုင်းဒေသကြီး အခွန်ဦးစီးဌာနမှူးရုံးအနေဖြင့် တိုက်ခန်းလွှဲပြောင်းရောင်းချမှုအပေါ်မှာ အခွန်ထမ်းများ၏ ကြေညာလွှာတင်သွင်းမှု၊ ရန်ကုန်မြို့တော် စည်ပင်သာယာရေးကော်မတီ၊ မြို့ပြနှင့် အိုးအိမ်ဖွံ့ဖြိုးရေးဦးစီးဌာန စသည့် ဌာနဆိုင်ရာ အဖွဲ့အစည်းများထံမှ သတင်းစာရင်းရရှိမှုတို့အပေါ် အခြေခံပြီး ဝင်ငွေခွန်၊ တံဆိပ်ခေါင်းခွန်များကို ဥပဒေနှင့်အညီ စည်းကြပ်ကောက်ခံလျက်ရှိကြောင်း စီမံကိန်း၊ စီးပွားရေးနှင့် ဘဏ္ဍာရေးဝန်ကြီးက ပြောကြားသည်။

ထို့ကြောင့် တိုက်ခန်းလွှဲပြောင်းရောင်းချရာတွင် မြေရှင်ထံသို့ ရောင်းချရငွေ၏ ၂ ရာခိုင်နှုန်းကို ပေးချေခြင်း၊ မြေရှင်လက်မှတ် ပါရှိမှသာ တရားဝင်ခြင်း၊ စာချုပ်အတည်ဖြစ်ခြင်းဆိုင်ရာကိစ္စရပ်များကို အခွန်ဆိုင်ရာဥပ‌ဒေများတွင် ပြဋ္ဌာန်းထားခြင်းမရှိကြောင်း စီမံကိန်း၊ စီးပွားရေးနှင့် ဘဏ္ဍာရေးဝန်ကြီး ဒေါက်တာမေသန်းနွယ်က ပြောကြားသည်။

25/08/2026

Myanmar Business Trade Show & Travel Expo ၂၀၂၆ ပြပွဲ သုံးရက်ကြာ ကျင်းပမည်
‎===========

‎ရန်ကုန်၊ ဩ ၂၅။
‎
‎STP Event Management Team မှ စီစဉ်ပြီး ပြည်
တွင်း၊ပြည်ပ စီးပွားရေးအခွင့်အလမ်းများကို ချိတ်
ဆက်ပြသသွားမည့် Myanmar Business Trade Show & Travel Expo ၂၀၂၆ ပြပွဲကို ၃ ရက်ကြာကျင်းသွားမယ်လို့ သိရပါတယ်။

အဲဒီပြပွဲကိုစက်တင်ဘာ ၄ ရက်ကနေ ၆ ရက်ထိ ရန်ကုန်မြို့ရှိ Pan Pacific ဟို တယ်မှာ သုံးရက်ကြာခင်းကျင်းပြသသွားမှာဖြစ်ပါတယ်။
‎
‎ ပြပွဲနဲ့ပတ်သက်တဲ့ သတင်းမီဒီယာတွေ့ဆုံပွဲကို ဩဂုတ် ၂၅ ရက် နေ့လယ် ၁ နာရီက ရန်ကုန်မြို့Pan Pacific ဟိုတယ်မှာကျင်းပခဲ့တာဖြစ်ပါတယ်။
‎
‎အဲဒီပြပွဲမှာ နိုင်ငံတကာသံရုံးတွေနဲ့စီးပွားရေးကိုယ်
စားလှယ်အဖွဲ့‌တွေ၊ ပြည်တွင်းစီးပွားရေး အသင်း အဖွဲ့တွေနဲ့ MSME လုပ်ငန်းတွေ၊ Travel ,Tourism & Healthcare ကဏ္ဍက လုပ်ငန်းရှင်တွေ၊ Export , Import & Distribution ကုမ္ပဏီ‌ေတွ၊ Local & International Brand တွေ၊ဖျော်ဖြေရေးနဲ့ယဉ်ကျေး
မှု ဆိုင်ရာ အဖွဲ့အစည်းတွေ ပါ၀င်မယ်လို့သိရပါတယ်။
‎
‎“ဒီပြပွဲကြီးမှာဆိုလို့ရှိရင် သံရုံးအသီးသီးကနေ သံမတ်တွေလည်း အများကြီးပါဝင် မှာဖြစ်ပါတယ်။ သံရုံးတွေက ဖိတ်ခေါ်ထားသလို မြန်မာနိုင်ငံမှာရှိတဲ့ သံရုံးပေါင်း ၄၀ ကျော်ပါဝင်မှာဖြစ်ပါတယ်။ အဓိက ကျွန်မတို့ရဲ့ Main ကတော့ Exhibition Only (ပြပွဲတစ်ခုတည်း) မဟုတ်ဘဲနဲ့ Business Networking ပါဝင်တဲ့ Exhibition Plus Business Networking ကို ပထမဦးဆုံး ဖော်ဆောင်ပေးတဲ့ ပွဲလည်း ဖြစ်ပါတယ်” ဟု STP Event Management Teamမှ မန်နေဂျင်းဒါရိုက်တာ ဒေါ်သင်းသင်းအောင်က ပြောပါတယ်။

‎ဒါ့အပြင် B2B Networking & Business Matching အခွင့်အလမ်းအစီအစဉ် တွေ၊Global & Local Connections ပြည်တွင်းပြည်ပ လုပ်ငန်းရှင်များအချင်းချင်း Intercation ပြုလုပ်တာတွေ၊ Entertainment & Cultural Showcase ဖျော်ဖြေရေးနဲ့ယဉ်ကျေးမှုဆိုင်ရာ အစီအစဉ် တွေအပြင် စက်တင်ဘာ ၇ ရက်မှာလည်း Exclusive VVIP Networking အစီအစဉ် တွေပါ၀င်မယ်လို့ သိရပါတယ်။
‎
‎Expo ကို တက်ရောက်တဲ့အတွက် Market Strategy & Networking အသစ် တွေ၊International Business Platform မှာ ပါဝင်ခွင့်၊ နိုင်ငံတကာ ကူးသန်းကုန်သွယ်မှုနဲ့ စီးပွားရေးစျေး ကွက်ချဲ့ထွင်နိုင်မှု၊ နိုင်ငံတကာသံရုံး တွေနဲ့တိုက်ရိုက်ချိတ်ဆက်နိုင်မယ့် အခွင့်အရေး တွေရရှိနိုင်မှာဖြစ်တယ်လို့ သိရပါတယ်။
‎

24/08/2026

ဗဟန်းမြို့နယ်တွင် ငွေကျပ်သိန်း ၅,၇၀၀ တန်ဖိုးရှိ စိတ်ပြောင်းဆေးဝါးများ ဖမ်းဆီးရမိ
===========

ရန်ကုန်။၊ ဩ ၂၄။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်
ဖွဲ့ဝင်များပါဝင်သော ပူးပေါင်းအဖွဲ့သည် ဩဂုတ်လ ၂၂ ရက်နေ့ ည ၁၀ နာရီခန့်ကသတင်းအရသက်သေ
များနှင့်အတူ ဗဟန်းမြို့နယ်၊ ဆရာစံရပ်ကွက်တွင် စိုင်းဟန်လှိုင်း မောင်းနှင်လာသည့် SUZUKI ERTIGA အမျိုးအစား မော်တော်ယာဉ်အား ရပ်တန့်စစ်ဆေးရှာဖွေခဲ့ကြောင်းသိရသည်။

စစ်ဆေးရှာဖွေစဉ်ယာဉ်ပေါ်မှ စိတ်ပြောင်းဆေးဝါးများဖြစ်သည့် အက်တက်စီဆေးပြား ၁,၀၀၀ ပြား
(ဒေသကာလတန်ဖိုးငွေကျပ်သိန်း ၅၀၀)၊ ကက်တမင်း အလေးချိန် ၂.၅ ကီလို(ဒေသကာလတန်ဖိုးငွေကျပ်သိန်း ၁,၅၀၀)၊ Happy Water အလေးချိန် ၅.၇၅ ကီလို(ဒေသကာလတန်ဖိုးငွေကျပ်သိန်း ၃,၄၅၀)၊ Happy Water ပါရှိသည့် V**e ခေါင်း ၂၅၀ ခု(ဒေသကာလတန်ဖိုးငွေကျပ်သိန်း ၂၅၀)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့ကြောင်း သိရသည်။

ယာဉ်မောင်း စိုင်းဟန်လှိုင်း(၃၁)နှစ်အား ဗဟန်းမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများ ဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဆက်လက်ဖော်ထုတ်လျက်ရှိကြောင်း CCDAC MYANMAR မှ သိရသည်။

23/08/2026

ကလေးမြို့တွင် ငွေကျပ် ၁၅ ဘီလီယံကျော်တန်ဖိုးရှိ စိတ်ကြွဆေးပြား ၆ သန်းကျော် ဖမ်းဆီးရမိ
===========

နေပြည်တော်၊ ဩ၂၃။

လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် ဩဂုတ်လ ၁၅ ရက်နေ့ ည၇ နာရီခွဲအချိန် သတင်းအရ ကလေးမြို့၊ စမ်းမြို့ရပ်ကွက်ရှိနေအိမ်တွင် မျိုးမြင့်နိုင်(ခ)ကိုမျိုး နှင့် ထွန်းထွန်းနိုင်(ခ)ဗန်လျန်းမွန်နာ(ခ)ဆန်းဒယ်ဘတယ်(ခ)ဗဒင် တို့အား စိတ်ကြွဆေးပြား ၆ ဒသမ ၂ သန်း(၎င်းဒေသတန်ဖိုးငွေကျပ် ၁၅ ဒသမ ၅ ဘီလီယံ)နှင့်အတူ ဖမ်းဆီးရမိခဲ့ပါသည်။

ကွင်းဆက်စစ်ဆေးဖော်ထုတ်ချက်အရ ဖမ်းဆီးရမိ စိတ်ကြွဆေးပြားများအား စစ်ကိုင်းမှ ကလေးသို့ သယ်ဆောင်ခိုင်းသူမှာ နမ့်စန်မြို့နယ်၊ ပန်လင်းဆိုင်ရွာနေ ကျော်မြင့်(ခ)သာရှည်ကော(ဖမ်းဆီးရန်ကျန်)
ဖြစ်ပြီး ကလေးမြို့၊ စမ်းမြို့ရပ်ကွက်နေ လာလ်ရိုဒင်းငါ(ခ)ဒင်းသဲ၊ ရန်ကုန်မြို့နေ မောင်သန်း နှင့် တီးတိန်မြို့နေ အင်းဆွင်းပုမ်း(ဖမ်းဆီးရန်ကျန်)တို့ ၃ ဦးမှ ဝယ်ယူခဲ့ခြင်းဖြစ်ကြောင်း သိရှိရသဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိကြောင်းနှင့် ၎င်းတို့၏ မူးယစ်ဆေးဝါး သယ်ဆောင်ရောင်းဝယ်ရာမှရရှိသည့် ငွေကြေးအကျိုးအမြတ်များ၊ ပိုင်ဆိုင်မှုများကို ပြည်သူ့ဘဏ္ဍာအဖြစ် သိမ်းဆည်းနိုင်ရေးအတွက် ငွေကြေးခဝါချမှုတိုက်ဖျက်ရေးဥပဒေဖြင့် ဆက်လက်အရေးယူဆောင်ရွက်လျက်ရှိကြောင်း CCDAC MYANMAR မှ ဖော်ပြထားသည်။

22/08/2026

နိုင်ငံကျော်တေးသံရှင်အဆိုတော်ကြီး
ကိုင်ဇာ(ခ)ကိုညီ ကွယ်လွန်
===========

ရန်ကုန်။ ဩ ၂၂။

ဂီတလောကမှာ ချစ်စနိုးခေါ်ကြတဲ့ နိုင်ငံကျော် တေးသံရှင်ကိုညီ(ခ)ကိုင်ဇာ ဟာ ဒီကနေ့ညပိုင်းမှာ ကွယ်လွန်သွားခဲ့တယ်လို့ အနုပညာအသိုင်းအဝိုင်းကသိရပါတယ်။

တက္ကသိုလ်မြေနေ၀င်မှာစိုးတယ်၊ ကစ္ဆပနဒီ၊ တူနှစ်ကိုယ်တိုင်းပြည်၊ ရန်ကင်းကိုလွမ်းတဲ့ည စတဲ့တေး
သီချင်းတွေနဲ့ထင်ပေါ်ကျော်ကြားခဲ့ပြီး ပရိသတ်
တွေရဲ့နှုတ်ဖျားမှာ ရေပန်းစားအောင် သီဆို ဆွဲဆောင်နိုင်ခဲ့တဲ့ ဝါရင့်တေးသံရှင် ကိုင်ဇာကတော့
ဒီကနေ့ည(၇)နာရီကျော်မှာ အဆုတ်ရောဂါနဲ့
ကွယ်လွန်သွားခဲ့ပြီး သူချစ်တဲ့ပရိသတ်ကို အပြီးပိုင်နှုတ်ဆက်သွားခဲ့တာဖြစ်ပါတယ်။

အမည်ရင်းမှာ ဦးညီညီဝင်းဖြစ်ပြီး ရန်ကုန်မြို့ ဝိတိုရိယဆေးရုံ အထူးကြပ်မတ်‌ကုသမှုအဆောင်မှာ အဆုတ်ထဲပိုး၀င်တဲ့ရောဂါနဲ့ ဆေးဝါးကုသမှုခံယူနေရင်းကွယ်လွန်ခဲ့တာဖြစ်ပြီးကွယ်လွန်ချိန်မှာ အသက် ၆၅ နှစ်အရွယ်ရှိပြီ ဖြစ်တယ်လို့သိရပါတယ်။

ဂီတလောကရဲ့ကြီးမားတဲ့ဆုံးရှုံးမှုအတွက်မိသားစု
နဲ့ထပ်တူဝမ်းနည်း ကြေကွဲရပါကြောင်းနဲ့ First Five
Media မိသားစုဝင်များက ပရိတ်သတ်ကိုယ်စား စိတ်မကောင်းဖြစ်ရပါကြောင်း ဖော်ပြပေးလိုက်ပါတယ်။
ကိုညီ ကောင်းရာသုဂတိရောက်ပါစေ

20/08/2026

ရှမ်းပြည်နယ်၊ ဝမ်ဟိုင်းမှ ရခိုင်ပြည်နယ်သို့ သယ်ဆောင်ရောင်းဝယ်သည့် ငွေကျပ် ၃၆ ဘီလီယံကျော်တန်ဖိုးရှိ စိတ်ကြွဆေးပြား ၂၄ သန်းကျော်အား မင်းလှမြို့နယ်နှင့် ပြည်ကြီးတံခွန်မြို့နယ်တို့တွင် ဖမ်းဆီးရမိ
===========

နေပြည်တော်၊ ဩ ၂၀။

နိုင်ငံတော်အစိုးရအနေဖြင့် အနာဂတ်မျိုးဆက်သစ်လူငယ်များအပါအဝင် လူသားမျိုးနွယ်စု တစ်ရပ်လုံးကို အန္တရာယ်ဖြစ်စေသည့် မူးယစ်ဆေးဝါး ထုတ်လုပ်သယ်ဆောင်ရောင်းဝယ်မှုများအား အမျိုးသားရေးတာဝန်တစ်ရပ်အနေဖြင့် ထိရောက်စွာ တားဆီးနှိမ်နင်းတိုက်ဖျက်လျက်ရှိရာ ဩဂုတ်လ ၁၂ ရက်နေ့ မွန်းလွဲ ၂ နာရီအချိန် လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် မကွေးတိုင်းဒေသကြီး၊ မင်းလှမြို့နယ်၊ သရက်-မင်းလှသွားကားလမ်းတွင် ဇေယျာမိုး မောင်းနှင်သည့် DONGFENG ယာဉ်နှင့် အောင်မင်းသန့် မောင်းနှင်သည့် FORLAND မော်တော်ယာဉ်တို့အား သတင်းအရရှာဖွေရာ အဆိုပါယာဉ် ၂ စီးပေါ်မှ စိတ်ကြွဆေးပြား ၉၇ ဒသမ ၅ သိန်းအား ဖမ်းဆီးရမိခဲ့ကြောင်း CCDAC Myanmar က မနေ့ကရက်စွဲဖြင့် ထုတ်ပြန် ခဲ့သည်။

ဖမ်းဆီးရမိမှုနှင့်ပတ်သက်၍ မူးယစ်ဆေးဝါးတား
ဆီးနှိမ်နင်းရေးရဲတပ်ဖွဲ့မှ ကွင်းဆက်အဆင့်ဆင့် စစ်
ဆေးဖော်ထုတ်ဖမ်းဆီးခဲ့ရာ ဩဂုတ်လ ၁၃ ရက်နေ့တွင် ဖမ်းဆီးရမိစိတ်ကြွဆေးပြားများ သယ်ဆောင်
ရာတွင် ပူးပေါင်းပါဝင်သူများဖြစ်သည့် ရဲရင့်လှိုင်
(ခ)ရဲရင့် အား နောင်ချိုမြို့နယ်၊ ဘန့်ဘွေးတိုးဂိတ်တွင်လည်းကောင်း၊ သက်ဝေအောင်(ခ)စိုင်းလေး အား မဟာအောင်မြေမြို့နယ်တွင် HONDA INSIGHT ယာဉ် ၁ စီးနှင့်လည်းကောင်း၊ ပြည်ကြီးတံခွန်မြို့နယ်တွင် သူရဇော်(ခ)ကိုဟိန်း အား HONDA FIT ယာဉ် ၁ စီးနှင့်လည်းကောင်း၊ ချမ်းမြသာစည်မြို့နယ်တွင် နေဇာအောင် အား လည်း
ကောင်း ဖော်ထုတ်ဖမ်းဆီးရမိခဲ့‌ေကြာင်းသိရသည်။

စစ်ဆေးဖော်ထုတ်ချက်များအရ ယင်းနေ့ညနေ ၅ နာရီခွဲအချိန် ပြည်ကြီးတံခွန်မြို့နယ်၊ (စ)ရပ်ကွက်၊ ၄၉ လမ်းနှင့် ၁၁၅ လမ်းရှိ ခြံဝင်းအတွင်းမှ DONGFENG ယာဉ် ၁ စီး၊ FAW မော်တော်ယာဉ် ၂ စီးနှင့် (ည)ရပ်ကွက်၊ ၅၃ လမ်းနှင့် ၁၃၉ x ၁၄၀ လမ်းကြားရှိ ခြံဝင်းအတွင်းမှ DONGFENG ယာဉ် ၁ စီး စုစုပေါင်း မော်တော်ယာဉ် ၄ စီးပေါ်မှ စိတ်ကြွ
ဆေးပြား ၁၄၄ သိန်း ထပ်မံဖော်ထုတ်ဖမ်းဆီးရမိခဲ့‌ေကြာင်း‌ေဖာ်ပြထားသည်။

၎င်းတို့၏ဖော်ထုတ်ချက်အရ ဩဂုတ်လ ၁၄ ရက်နေ့တွင် စိတ်ကြွဆေးပြားများအား ရှမ်းပြည်နယ်၊ ဝမ်ဟိုင်းမှ မကွေးတိုင်းဒေသကြီး၊ မင်းတုန်းသို့ သယ်ဆောင်ရောင်းဝယ်သူများဖြစ်သည့် နွေးရှိုင်းမင်း(ခ)ကိုရှိုင်း နှင့် အောင်စိုးဦး တို့အား ရန်ကုန်-
မန္တလေးအမြန်လမ်း၊ ၁၁၅ မိုင်တိုးဂိတ်တွင် LAND CRUISER ယာဉ် ၁ စီးနှင့် လည်းကောင်း၊ ဩဂုတ်လ ၁၅ ရက်နေ့တွင် စိန်ဝင်းမောင် အား မင်္ဂလာတောင်ညွန့်မြို့နယ်တွင် လည်းကောင်း အသီးသီးဖမ်းဆီးရမိခဲ့သဖြင့် စုစုပေါင်းငွေကျပ် ၃၆ ဒသမ ၂၂၅ ဘီလီယံတန်ဖိုးရှိ စိတ်ကြွဆေးပြား ၂၄ ဒသမ ၁၅ သန်းအား ဖော်ထုတ်ဖမ်းဆီးရမိခဲ့ကြောင်းသိရသည်။

ကွင်းဆက်စစ်ဆေးဖော်ထုတ်ချက်များအရ ဖမ်းဆီးရမိ စိတ်ကြွဆေးပြားများအား ရောင်းချပေးခဲ့သူမှာ ကျေးသီးမြို့နယ်၊ ဝမ်ဟိုင်းနေ စိုင်းဆမ်(ခ)လောပန်း(ဖမ်းဆီးရန်ကျန်)ဖြစ်ပြီး စိတ်ကြွဆေးပြားများဝယ်ယူ၍ မင်းတုန်းမြို့သို့ အဓိကရောင်းဝယ်သူများမှာ စိန်ဝင်းမောင် နှင့် နွေးရှိုင်းမင်း(ခ)ကိုရှိုင်း တို့ဖြစ်ကြောင်း၊ ၎င်းတို့၏ စီမံမှုဖြင့် သက်ဝေအောင်
(ခ)စိုင်းလေး မှာ ရှမ်းပြည်နယ်မှ မင်းတုန်းမြို့သို့ သယ်ဆောင်မှုတစ်ခုလုံးအတွက် တာဝန်ယူရကြောင်း၊ နေဇာအောင်သည် မိုင်းရယ်မှ မန္တလေးသို့လည်းကောင်း၊ သူရဇော်(ခ)ကိုဟိန်း သည် မန္တလေးမှ မင်းတုန်းသို့လည်းကောင်း တာဝန်ခံ၍ သယ်ဆောင်ပေးရကြောင်း၊ သျှမ်းကိုကိုထက်(ခ)ကိုဖျော်(ဖမ်းဆီးရန်ကျန်) နှင့် ရဲရင့်လှိုင်(ခ)ရဲရင့် တို့သည် ယာဉ်မောင်းများအား ရှာဖွေစုဆောင်း၍ သယ်ဆောင်မောင်းနှင်ခိုင်းခြင်း ဖြစ်ကြောင်း၊ စိတ်ကြွဆေးပြားများအား မင်းတုန်းတွင်လက်ခံပြီး ရခိုင်ပြည်နယ်သို့ ဆက်လက်သယ်ဆောင် သူများမှာ AA အကြမ်းဖက်သောင်းကျန်းသူအဖွဲ့မှ စီးပွားရေးတာဝန်ခံများဖြစ်ကြသည့် ထွန်းကျော်(ဖမ်းဆီးရန်ကျန်)နှင့် ဘညွန့်(ဖမ်းဆီးရန်ကျန်)တို့ဖြစ်ကြောင်း သိရသည်။

စိတ်ကြွဆေးပြားများ သယ်ဆောင်ရောင်းဝယ်ရာတွင် ငွေကြေးစီးဆင်းမှုများအား စိစစ်ဖော်ထုတ်ခဲ့ရာ စိန်ဝင်းမောင် ၏ ငွေကြေးစီးဆင်းမှုများအား နေလင်းအောင်(ဖမ်းဆီးရန်ကျန်)မှလည်းကောင်း၊ နွေးရှိုင်းမင်း(ခ)ကိုရှိုင်း ၏ ငွေကြေးစီးဆင်းမှုများအား အောင်စိုးဦး မှလည်းကောင်း၊ သက်ဝေအောင်(ခ)စိုင်းလေး ၏ ငွေကြေးစီးဆင်းမှုများအား အောင်ကျော်ကျော်(ဖမ်းဆီးရန်ကျန်)မှလည်းကောင်း၊ ထွန်းကျော်(ဖမ်းဆီးရန်ကျန်)၏ ငွေကြေးစီးဆင်းမှုများအား လှရွှေ(ဖမ်းဆီးရန်ကျန်)မှ လည်းကောင်း၊ ဘညွန့်(ဖမ်းဆီးရန်ကျန်)၏ ငွေကြေးစီးဆင်းမှုများအား ဝင်းသန်း(ဖမ်းဆီးရန်ကျန်)မှ လည်းကောင်း အသီးသီးဆောင်ရွက်ခဲ့ကြောင်း သိရှိရသဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိကြောင်းနှင့် ၎င်းတို့၏ မူးယစ်ဆေးဝါး သယ်ဆောင်ရောင်းဝယ်ရာမှရရှိသည့် ငွေကြေးအကျိုးအမြတ်များ၊ ပိုင်ဆိုင်မှုများကို ပြည်သူ့ဘဏ္ဍာအဖြစ် သိမ်းဆည်းနိုင်ရေးအတွက် ငွေကြေးခဝါချမှုတိုက်ဖျက်ရေးဥပဒေဖြင့် ဆက်လက်အရေးယူသွားမည်ဖြစ်ကြောင်း CCDAC MYANMAR မှ ဖော်ပြထားသည်။

First Five Media

01/09/2026

28/08/2026

28/08/2026

28/08/2026

27/08/2026

25/08/2026

24/08/2026

23/08/2026

22/08/2026

20/08/2026

Address

Telephone

Website

Alerts

Shortcuts

Share

Category

Listing takedown request