What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

Twantay Daily News, Yangon (2025)

24/12/2022

TDN စတင်တည်ထောင်ချိန်မှ ယနေ့အချိန်အထိ သတင်းများကိုအစဉ်မပြတ် ဖတ်ရှုအားပေးပါသော မိဘပြည်သူများခင်ဗျာ။ ကျွန်တော်တို့ တွံတေးသတင်းဌာန (TDN) ဝိုင်းတော်သားများ ယခုရောက်ရှိနေသောနေရာ၏အင်တာနက်အခြေအနေနှင့် ရေရှည်ရပ်တည်နိုင်ရန် အခက်အခဲ အမျိုးမျိုးရှိသောကြောင့် ကျွန်တော်တို့ရဲ့သတင်းဌာနအား ယနေ့မှစ၍ သတင်းတင်ဆက်မှုများကို ယာယီရပ်နားကြောင်းကြေငြာအပ်ပါတယ်ခင်ဗျာ။

အစဉ်လေးစားလျက် TDN ဝိုင်းတော်သားများ။

14/12/2022

တွံတေးမြို့နယ်အတွင်း ဘေးတွဲ(ဆိုက်တွဲ)ယာဥ်များ လူနှစ်ဦးထက် ပိုမိုတင်ဆောင်ပါက ဖမ်းဆီးအရေးယူမည်။

၁၄ ဒီဇင်ဘာ
တွံတေး။

တွံတေးမြို့နယ်အတွင်း ဘေးတွဲ(ဆိုက်တွဲ)ယာဥ်များ လူနှစ်ဦးထက် ပိုမိုတင်ဆောင်ပါက ဖမ်းဆီးအရေးယူမည်ဖြစ်ကြောင်း သတင်းရင်းမြစ်ထံမှ သိရသည်။

ဘေးတွဲ(ဆိုက်တွဲ)ယာဥ်များကို ယာဥ်မောင်းအပါအဝင် ၃ ဦးသာစီးခွင့် ပြုသွားမှာဖြစ်ပြီး ကုန်ပစ္စည်းတင်ဆောင်တာမျိုးတွေကိုတော့ ခွင့်ပြုသွားမယ်လို့ ဆိုသည်။ဘေးတွဲယာဥ်တွေဟာ ဥပဒေအရ တရားဝင်စီးနင်းခွင့်မရှိသော်လည်း နားလည်မှုအရ စီးနင်းခွင့်ပြုထားခြင်းဖြစ်ကြောင်း ၊ စည်းကမ်းတစ်ကျဖြစ်စေရန်နှင့် ယာဥ်အန္တရာယ်ကင်းရှင်းရေးအတွက် ယခုလိုဆောင်ရွက်ခြင်းဖြစ်တယ်လို့ သတင်းရင်းမြစ်ကဆိုသည်။

တွံတေးမြို့နယ်တွင် မော်တော်ဆိုင်ကယ်စီးနင်းခွင့်ကို စစ်ကောင်စီက ပိတ်ပင်ထားပြီး လမ်းပန်းဆက်သွယ်ရေးအတွက် ဘေးတွဲ(ဆိုက်တွဲ)ယာဥ်များကိုသာ အဓိကစီးနင်းနေကြရသည်။

13/12/2022

တွံတေးမြို့နယ်တွင် ငါးလုပ်ငန်းသိပ္ပံ(တွံတေး)ကျောင်း နှင့် ရေသတ္တဝါမွေးမြူရေးဒီပလိုမာသင်တန်း ဖွင့်လှစ်

၁၃ ဒီဇင်ဘာ
တွံတေး။

ရန်ကုန်တိုင်းဒေသကြီး ၊ တွံတေးမြို့နယ်တွင် ငါးလုပ်ငန်းသိပ္ပံ(တွံတေး)ကျောင်း နှင့် ရေသတ္တဝါမွေးမြူရေးဒီပလိုမာသင်တန်း ဖွင့်ပွဲကို ယမန်နေ့ ဒီဇင်ဘာလ ၁၂ ရက်နေ့က ကျင်းပပြုလုပ်ခဲ့ပြီး စစ်ကောင်စီ၏ ရန်ကုန်တိုင်းဒေသကြီး အစိုးရအဖွဲ့ဝန်ကြီး ဦးစိုးသိန်း တက်ရောက်ဖွင့်လှစ်ခဲ့သည်။

ငါးလုပ်ငန်းသိပ္ပံကျောင်းကို တက္ကသိုလ်ဝင်တန်းအောင် လူငယ်များ တက်ရောက်သင်ကြားနိုင်ပြီး ဘာသာရပ် ၁၅ခု သတ်မှတ်လေ့ကျင့်သင်ကြားပေးသွားမှာဖြစ်ကာ ၃နှစ် တက်ရောက်သင်ကြားရမယ်လို့ သိရသည်။
အဆိုပါ ငါးလုပ်ငန်းသိပ္ပံကျောင်း ဖွင့်လှစ်နိုင်ရန်အတွက် ယခင် NLD အစိုးရလက်ထပ် ၂၀၁၈-၂၀၁၉ ခုနှစ်ကတည်းက ကြိုတင်ပြင်ဆင်ခဲ့တာဖြစ်ပြီး မြန်မာနိုင်ငံတွင် ငါးပုစွန်မွေးမြူရာတွင် စည်းစနစ်ကျကျမွေးမြူနိုင်ရေးအတွက် အသိပညာရှင်၊အတတ်ပညာရှင်များ ပိုမိုပေါ်ထွက်လာစေရန်နှင့် အလုပ်အကိုင်အခွင့်အလမ်းများ ပိုမိုရရှိနိုင်ဖို့အတွက် ရည်ရွယ်ဆောင်ရွက်ခဲ့ခြင်း ဖြစ်သည်။

အဆိုပါ ဖွင့်ပွဲအခမ်းအနားတွင် လွှတ်တင်ခဲ့သော မိုးပျံပူဖောင်းများကြောင့် တွံတေးမြို့ခံတချို့ အထိန့်တလန့်ဖြစ်ခဲ့ကြပြီး ဒရုမ်းများဟုထင်မှတ်ကာ ကြောက်လန့်သူများလည်း ရှိခဲ့သည်။

11/12/2022

တွံတေးမြို့ ၊ ကျုံးကြီးရပ်ကွက် ၊ ရွှေဆံတော်လမ်းမကြီးပေါ်ရှိ နေအိမ်တစ်လုံး နေ့လည်ချိန်တွင် အနုကြမ်းစီးမှုဖြစ်ပွားခဲ့

၁၁ ဒီဇင်ဘာ
တွံတေး။

ယနေ့ နေ့လည် ၁၂ နာရီအချိန်ခန့်တွင် တွံတေးမြို့ ၊ ကျုံးကြီးရပ်ကွက် ၊ ရွှေဆံတော်လမ်းမကြီးပေါ်ရှိ နေအိမ်တစ်လုံး အနုကြမ်းစီးခံရမှုဖြစ်ပွားခဲ့တယ်လို့ သိရသည်။

အနုကြမ်းစီးခံရသည့်နေအိမ်ဟာ အမျိုးသမီးနှစ်ဦးသာနေထိုင်တာလို့ သိရပြီး အမျိုးသား ၃ ဦးမှ အနုကြမ်းစီးရန် ကြိုးစားခဲ့တာဖြစ်တယ်လို့ သတင်းရင်းမြစ်က ဆိုသည်။အနုကြမ်းစီးခံရသည့်နေအိမ်ဟာ စျေးဆိုင်ဖွင့်လှစ်ထားတာဖြစ်ပြီး ပစ္စည်းလာရောက်ဝယ်ယူသည့်ပုံစံဖြင့် ဝင်ရောက်လာကာ ဆိုင်ရှင်အား ရိုက်နက် အနုကြမ်းစီးရန် ကြိုးစားခဲ့ခြင်းဖြစ်သည်။
ဆိုင်ရှင်အမျိုးသမီးနှင့် ရုံးရင်းဆန်ခတ်ဖြစ်ပွားခဲ့ပြီးနောက် ပတ်ဝန်းကျင်အခြေအနေကြောင့် ထိုအနုကြမ်းစီးသူ အမျိုးသား ၃ ဦးမှာ ၎င်းတို့စီးရာဘေးတွဲဆိုင်ကယ်ဖြင့် ထွက်ပြေးလွတ်မြောက်သွားခဲ့တယ်လို့ သိရသည်။
ဆိုင်ရှင်အမျိုးသမီးမှာ အနည်းငယ်ထိခိုက်ဒါဏ်ရာရရှိခဲ့တယ်လို့ သတင်းရင်းမြစ်ကဆိုသည်။

(မှတ်ချက် - အနုကြမ်းစီးခံရသော မိသားစု၏ လုံခြုံရေးအရ အမည်နှင့် နေအိမ်တည်နေရာများအားမဖော်ပြထားခြင်းဖြစ်ပါတယ်ခင်ဗျာ)

10/12/2022

၁၀ ဒီဇင်ဘာလ။
တွံတေး။

ယမန်နေ့ ညနေ ၅ နာရီခန့်က တွံတေးမြို့ ဘုရားငုတ္တို စစ်ဆေးရေးဂိတ်တွင် လူငယ် ၂ ဦးအား ပြည်သူကာကွယ်ရေးတပ်ဖွဲ့ဝင်များနှင့် ပတ်သတ်ဆက်သွယ်မှုရှိတယ်လို့ ဆိုကာဖမ်းဆီးခံခဲ့ရသည်။
ဒါ့အပြင် ယမန်နေ့ည ၉နာရီခန့်တွင်လည်း ကွမ်းခြံရပ်ကွက်ရှိအမျိုးသား ၄ ဦး ဖမ်းဆီးခံခဲ့ရပြီး ဒီကနေ့ နံနက်ပိုင်းမှာလည်း အိုးဖိုရပ်ကွက် (အောင်သိဒ္ဓိ)တွင် စစ်ကောင်စီတပ်မှ အင်အားအလုံးအရင်းဖြင့် ပိတ်ဆို့ရှာဖွေမှုများရှိခဲ့ကာ လူငယ်တစ်ဦး ဖမ်းဆီးခံခဲ့ရတယ်လို့ သတင်းရင်းမြစ်ကဆိုသည်။

ဖမ်းဆီးခံရသူများနှင့် ဆက်စပ်၍ နောက်ဆက်တွဲအခြေအနေများကို သီးခြားစုံစမ်းနေပြီး ထပ်မံရရှိလာသောသတင်းများကိုဆက်လက်ဖော်ပြပေးပါမည်။

10/12/2022

၁၀ ဒီဇင်ဘာလ
တွံတေး။

ယနေ့နံနက် ၆:၃၀ အချိန်ခန့်မှစ၍ စစ်ကောင်စီတပ်ဖွဲ့ဝင်များသည် အိုးဘိုအနောက်(အောင်သိဒ္ဓိ)ရပ်ကွက်အား အဝင်လမ်းအထွက်လမ်းများအားလုံးပိတ်ထားကာ အောင်သိဒ္ဓိရပ်ကွက်အား ဖြတ်သန်းသွားလာခွင့်မပြုကြောင်းသိရသည်။
အောင်သိဒ္ဓိရပ်ကွက်အား စစ်ကောင်စီတပ်မှ ကားကြီးတစ်စီး ကားသေး ၅ စီး အင်အား ၃၀ ခန့်ဖြင့် ပိတ်ဆို့ထားခြင်းဖြစ်ပြီး ယခုလက်ရှိအခြေအနေတွင် ပြည်သူတစ်ဦးဖမ်းဆီးခံထားရတယ်လို့ သိရသည်။
အောင်သိဒ္ဓိရပ်ကွက်အားပိတ်ဆို့ထားရသည့်အကြောင်းမှာ လွတ်မြောက်နယ်မြေမှ အမျိုးသားတစ်ဦး ပြန်လည်ရောက်‌ရှိနေတယ်လို့ သတင်းရရှိတာကြောင့် ပိတ်ဆို့ရှာဖွေနေခြင်းဖြစ်တယ်လို့သတင်းရင်းမြစ်ထံမှ သတင်းရရှိသည်။

Update -https://www.facebook.com/101937288753484/posts/471748695105673/

04/12/2022

ကျွန်တော်တို့ Twantay Daily News သတင်းဌာန၏ လူမှုကွန်ရက်စာမျက်နှာ သည် ယနေ့ ညနေပိုင်းတွင် နည်းပညာအခက်အခဲများကြောင့် public မှယာယီဖျက်ချခံခဲ့ရသည်။
ယခု လူမှုကွန်ရက်စာမျက်နှာအား ပြန်လည်အသုံးပြုနိုင်နေပြီဖြစ်သော်လည်း ၂၀၂၂ ခုနှစ် ဇူလိုင်လ ၇ ရက်နေ့မှ တင်ထားသော သတင်း post များနှင့် ယခင်က တင်ထားသော သတင်း post များသာကျန်ရှိခဲ့ကာ ဇူလိုင်က ၇ ရက်နေ့နောက်ပိုင်း မှစ၍ ယနေ့ နေ့လည်ပိုင်းအထိ တင်ထားသော သတင်းနှင့် post များမှာ ဆိုရှယ်မီဒီယာမှ ဖယ်ရှားခြင်းခံလိုက်ရသည်။ ယခုပြန်လည်ရရှိချိန်မှစ၍ သတင်းများကို ယခင်ကအတိုင်းဆက်လက်ဖော်ပြနေမည်ဖြစ်သည်။
Page မှာလည်း သတိပေးခံရထားကာ အဝါရောင်ဖြစ်နေသောကြောင့် Reviews ရေးပေးစေလိုကြောင်း မိဘပြည်သူများကို မေတ္တာရပ်ခံအပ်ပါတယ်ခင်ဗျာ။

လေးစားစွာဖြင့် - Editor ( ဒိုဘီ )

04/12/2022

ကာတွန်း-ဂျိုကာ

03/12/2022

၃ ဒီဇင်ဘာလ
တွံတေး။

ယနေ့ည ၉:၃၀ အချိန်ခန့်တွင် ကွမ်းခြံရပ်ကွက် ရိပ်သာလမ်း ၊ အုဍ်ကျင်းလမ်း နှင့် အနီးရှိလမ်းများအား စစ်ကောင်စီတပ်ဖွဲ့ဝင်များ နှင့် ရပ်ကျေးအဖွဲ့ဝင်များက ဧည့်စာရင်းစစ်ဆေးကြောင်းသိရသည်။

ထိုသို့ဧည့်စာရင်းစစ်ရာတွင် ဧည့်စာရင်းမတိုင်ထားသောအကြောင်းပြချက်ဖြင့် အမျိုးသား ၂ ဦး ၊ အမျိုးသမီး ၁ ဦးတို့ဖမ်းဆီးခံခဲ့ရကြောင်းသတင်းရင်းမြစ်ကပြောသည်။

03/12/2022

တွံတေးမြို့နယ်မှာ ပြည်သူ့ကာကွယ်ရေးတပ်ဖွဲ့တချို့ ဖျက်သိမ်းခဲ့ပြီးနောက် Twantay Royal လို့ခေါ်တဲ့ UG တော်လှန်ရေးတဖွဲ့သာ ကျန်ရှိပါတော့တယ်။
ဒီအဖွဲ့ကော ဘယ်လိုအခက်အခဲတွေရှိသလဲ ၊ တွံတေးမြို့ရဲ့ တော်လှန်ရေးဟာ အရှိန်ရပ်တန့်သွားပီလား ၊ ဒီအကြောင်းအရာတွေကို Royal PDF ၏ လူမှုကွန်ရက်စာမျက်နှာမှတဆင့် TDN သတင်းထောက် ကိုခွန်းပတ်က ဆက်သွယ် မေးမြန်းထားပါတယ်။

~~~~~~~~~~~~~~~~~~~~~~~~~~~~~~~~~

TDN (ခွန်းပတ်) ။ ။ မဂ်လာပါခင်ဗျ။ လက်ရှိ တွံတေးမြို့နယ်မှာ တော်လှန်ရေးအဖွဲ့တွေ ဖျက်သိမ်းလိုက်တာတွေရှိနေပါတယ်။ အကိုတို့အဖွဲ့အနေနဲ့ ညီနောင်မဟာမိတ်တွေမရှိဘဲ ဘယ်လိုရှေ့ဆက်မလဲ တွံတေးမြို့တော်လှန်ရေးဟာ အရှိန်ရပ်တန့်သွားပီလို့ ယူဆလို့ ရလားခင်ဗျ။

TRDF ။ ။ မရပ်တန့်သွားပါဘူးခင်ဗျာ.... ကျွန်တော်တို့ TRDF အနေနဲ့ UG တော်လှန်ရေးအနေနဲ့ ဆက်လက်တည်ရှိနေမှာပါ။

TDN (ခွန်းပတ်) ။ ။ တွံတေးမြို့နယ်မှာ တော်လှန်ရေးအဖွဲ့တွေ ဖျက်သိမ်းလာတာတွေ ၊ စခန်းစွန့်ခွာရတာတွေရှိလာတာဟာ ဘယ်လိုကြောင့်များလဲ။

TRDF ။ ။ ကျွန်တော်တို့အခက်အခဲကို ကျွန်တော်တို့သာ အနားလည်ဆုံးပါ။ ရဲဘော်တွေမြို့ကိုစွန့်ခွာခဲ့ကြရခြင်းရဲ့ အဓိက အကြောင်းတရားက တွံတေးမြို့ဟာ ညီညွတ်မှုအားနည်းတာရယ် နည်းပညာပိုင်းဆိုင်ရာ အားနည်းတာရယ် တော်လှန်ရေးအချိန်ကြာလာတာနှင့်အမျှ စိတ်ဓာတ်နဲ့ခံယူချက်တွေလျော့သွားတာကြောင့်လို့ ထင်ပါတယ်။

TDN (ခွန်းပတ်) ။ ။ လက်ရှိ တွံတေးမြို့နယ်အနှံ့ ပြည်သူတွေကို စစ်ကောင်စီက ကင်းစောင့်ခိုင်းတာမျိုးတွေရှိနေပါတယ်။ ဒါကိုကောဘယ်လိုမြင်လဲ ခင်ဗျ။

TRDF - ရွာတိုင်း မြို့ပေါ် ရပ်ကွက်တိုင်းမှာ နေ့ရောညပါ အလှည့်ကျ မဲနှိုက်ပြီး စောင့်နေရတဲ့ ကင်းသမားတွေကို အကူညီတောင်းချင်ပါတယ်။ ကျွန်တော်တို့က လူဆိုး လူယုတ်မာတွေ မဟုတ်ဘူးဗျ... ပြည်သူကို ဘယ်တော့မှ ဒုက္ခမပေးဘူးဆိုတာ အဓိကသစ္စာအဓိဌာန်ပါ ဘာမှ စိုးရိမ်စရာကိုမလိုဘူး။
အဲ့တော့ ကျွန်တော်တို့ မြို့ထဲရွာထဲ လှည့်ပတ်သွားလာပြီး
ကင်းတွေကိုဖြတ်သွားဖြတ်လာ လုပ်ရတဲ့အခါ လူစွမ်းကောင်းလုပ် စစ်ဆေးမေးမြန်းတာတွေကို လျော့ပေးကြပါလို့ ပြောချင်ပါတယ်။
တစ်ချို့ကင်းသမားတွေကတော့ စစ်မိစ္ဆာတွေကို ထောက်ပံ့ ကပ်ဖား သတင်းပေး ပေါင်းစားလုပ်နေကြသူတွေရှိပါတယ် ဒီလူတွေအနေနဲ့ လိုတာထက်ပိုပြီး သိပ်ကို လူစွမ်းကောင်းလုပ်ချင်နေကြရင်တော့ ကျွန်တော်တို့ကိုင်နေတာတွေက ''ကော်ရုပ်တွေမဟုတ်ပါဘူး.''.. အဲ့ဒါလေး သတိရပါ။

TDN (ခွန်းပတ်) ။ ။ တွံတေးမြို့ခံအများစုဟာ သွေးအေးလွယ်ကြပြီး အခုဆို ပုံမှန်လို ဖြစ်နေကြပါပြီ ဒါကိုကော ဘယ်လိုမြင်လဲဗျ။

TRDF ။ ။ ကျွန်တော်တို့ရဲဘော်တွေဟာ အသက်တွေ ဘဝတွေ ပေးထားကြရတယ် အကျဥ်းထောင်ထဲမှာ အနှိပ်စက်ခံဘဝတွေနဲ့ မိသားစုတွေ စီးပွားရေးတွေ အဆိုးဆုံးအနာဂါတ်တွေအကုန်ပေးပြီးလုပ်ခဲ့ကြရတာပါ။ တော်လှန်ရေးကို ကျွန်တော်တို့ကသာ ဇွဲမရှော့တမ်းလုပ်နေရပေမဲ့ ရထားတွဲက ခါးပြတ်ကျန်နေခဲ့ပါပြီ တော်လှန်ရေးဆိုတာ ရထားတွဲလိုပါပဲ စက်ခေါင်းချည်းတစ်ခုတည်းနဲ့ နေရာအစုံက ဖြတ်တိုက်ဖျက်စီးတာခံပြီး ခုတ်မောင်းနေလို့မရပါဘူး အားလုံးက စက်ခေါင်းတွေချည်းထင်ခဲ့တာပါ.. တခါတလေကြ ကျွန်တော်တို့တတွေက ပြဿနာကောင်တွေဖြစ်နေသလားလို့တောင် တွေးမိတဲ့အထိပါဘဲ ဘယ်လိုပဲဖြစ်ဖြစ်ပါ ကျွန်တော်တို့ ဆက်လက်ရှိနေပါအုံးမယ်။

TDN (ခွန်းပတ်) ။ ။ တွံတေးမြို့ခံပြည်သူတွေကိုလဲ ဘာပြောချင်သေးလားဗျ။

TRDF ။ ။ ကျွန်တော်တို့ TRDF အနေနဲ့လည်း တွံတေးမှာ လှုပ်ရှားမှုနည်းသွားပေမဲ့ အခြားနေရာတွေမှာ ဆက်လက် လှုပ်ရှားနေပါတယ်။
အားတင်းထားကြပါ တွံတေးသားများခင်ဗျာ လက်မလျော့လိုက်ကြပါနဲ့လို့ဘဲ ပြောချင်ပါတယ်။

TDN (ခွန်းပတ်) ။ ။ အခုလိုဖြေကြားပေးလို့ ကျေးဇူးပါ။

TRDF ။ ။ ဟုတ်ကဲ့ပါခင်ဗျာ။

03/12/2022

မြို့ပြပြောက်ကျား(တွံတေး) တော်လှန်ရေးအဖွဲ့အား ဖျက်သိမ်းလိုက်ကြောင်းကြေငြာ

၃ ဒီဇင်ဘာလ
တွံတေး။

တွံတေးမြို့နယ်ရှိ တော်လှန်ရေးတပ်ဖွဲ့တစ်ခုဖြစ်သော မြို့ပြပြောက်ကျား တပ်ဖွဲ့သည် ယနေ့တွင် ဖျက်သိမ်းလိုက်ကြောင်း အဆိုပါအဖွဲ့၏ လူမှုကွန်ရက်စာမျက်နှာမှတဆင့် ထုတ်ပြန် ကြေငြာခဲ့သည်။

မြို့ပြပြောက်ကျား(တွံတေး)တပ်ဖွဲ့သည် ၂၀၂၁ ခုနှစ် အောက်တိုဘာ ၂၁ ရက်နေ့တွင် စတင်ဖွဲ့စည်းခဲ့သော တော်လှန်ရေးတပ်ဖွဲ့တစ်ခုဖြစ်ပြီး ယနေ့ ၂၀၂၂ ခုနှစ် ဒီဇင်ဘာ ၃ ရက်နေ့တွင်ဖျက်သိမ်းလိုက်ခြင်းဖြစ်သည်။ တွံတေးမြို့တော်လှန်ရေးတပ်ဖွဲ့များဖြစ်ကြတဲ့ မြို့ပြပြောက်ကျားတပ်ဖွဲ့ ၊ PDF Ranger Twantay တို့မှာ အသီးသီး ဖျက်သိမ်းခဲ့ကြပြီဖြစ်ပြီး တွံဝေားမြို့နယ်တွင် Royal PDF တစ်ဖွဲ့တစ်ခုသာကျန်ရှိတော့သည်။

မြို့ပြပြောက်ကျားတပ်ဖွဲ့၏ထုတ်ပြန်ကြေငြာချက်တွင်
" ကျွန်ုပ်တို့မြို့ပြပြောက်ကျားတပ်ဖွဲ့သည် အကြမ်းဖက်စစ်ကောင်စီ၏ အကြမ်းဖက် အဓမ္မအာဏာသိမ်းယူမှုအား မဆုတ်မနစ်သောဇွဲဖြင့် ခုခံတော်လှန်ခဲ့ကြောင်း၊ အကြမ်းဖက်စစ်ကောင်စီနှင့် ၎င်းတို့၏ထောက်တိုင်များအား အကြိမ်ကြိမ် သတိပေးသကဲ့သို့ လက်တွေ့အရေးယူဆောင်ရွက်ခြင်းအားလည်း အခြေခံမူ(၃)ချက်ဖြစ်သော (၁)ပြည်သူများအားနိုင့်ထက်စီးနင်းပြုကျင့်မှု (၂)အကြမ်းဖက်စစ်ကောင်စီအားထောက်ပံ့၍သတင်းပေးထောက်တိုင်ဆောင်ရွက်နေမှု (၃) နယ်ပယ်စုံတော်လှန်ရေးအင်အားစုများအားထိခိုက်စေမှုတို့ အပေါ်တိတိကျကျသုံးသပ်၍ ထိထိမိမိအရေးယူဆောင်ရွက်ခဲ့ကြောင်း ၊ သို့သော်ယခုအခါ ကျွန်ုပ်တို့မြို့ပြပြောက်ကျားသည် အခြေအနေ အကြောင်းအမျိုးမျိုးကြောင့် ဆက်လက်ရပ်တည်ရန်ခက်ခဲလာခဲ့ပြီး ရဲဘော်များအနေဖြင့် အန္တရာယ်လွတ်ကင်းရာ တိုင်းရင်းသားဒေသများထံ ဆုတ်ခွါခဲ့ရပြီဖြစ်ကြောင်း ၊ မြို့ပြပြောက်ကျားတပ်ဖွဲ့(တွံတေး)၏ တွံတေးမြို့နယ်အတွင်းရှိ စစ်ဆင်ရေးလုပ်ငန်းအဝဝအား ရပ်ဆိုင်း၍ တပ်ဖွဲ့အား ဖျက်သိမ်းလိုက်ပြီဖြစ်ကြောင်း ရေးသားထားသည်။

ဒါ့အပြင် ယင်းသို့ ဖျက်သိမ်းလိုက်ရသည်ဖြစ်သော်လည်း အကြမ်းဖက်စစ်ကောင်စီ၏ လက်ကိုင်တုတ် အဖွဲ့အစည်းများနှင့် သူလျှိုဒလန်များအတွင်း ဖရဲသီးအဖြစ်ဆောင်ရွက်ပေးလျှက် ရှိသူများ၏ သတင်းပေးမှုကြောင့် ကျွန်ုပ်တို့ရဲဘော်များ လွတ်ကင်းစွာဆုတ်ခွာနိုင်မှုအပေါ် ကျေးဇူးအထူးတင်ရှိပါကြောင်း " ထုတ်ပြန်ချက်တွင်ဖော်ပြထားသည်။

01/12/2022

၁ရက် ဒီဇင်ဘာလ
တွံတေး။

ယနေ့ညနေ ၅ နာရီအချိန်ခန့်တွင် တွံတေးမြို့မဘောလုံးကွင်းအနီး မပေါက်ကွဲသေးသောဗုံးတွေ့သည်ဟုဆိုကာ စစ်ကောင်စီတပ်မှ လာရောက်စစ်ဆေးကြကြောင်းသိရပြီး ထိုဗုံးဟုယူဆရသောအရာမှာ မပေါက်ကွဲသေးသော ဗုံးမဟုတ်ဘဲ စက်ပစ္စည်းအဟောင်းအချို့နှင့်ဝါယာကြိုးစများထည့်ထားသော အမှိုက်အိတ်သာဖြစ်ကြောင်းသတင်းရင်းမြစ်ကဆိုသည်။

ထိုဖြစ်စဉ်အား စစ်ကောင်စီတပ်မှ ဖုံးကွယ်ထားပြီး အများပြည်သူသွားလာသောနေရာ ကျောင်းသား‌/သူများသွားလာသော နေရာမှာ အဖျက်သဘောဆောင်ပြီး ဗုံးထောင်တာဖြစ်ကြောင်းအနီးပတ်ဝန်းကျင်ရှိနေအိမ်များအားပြောဆိုသွားကြောင်းသိရသည်။

01/12/2022

၁ရက် ဒီဇင်ဘာလ
တွံတေး။

ယမန်နေ့ ၂၉.၁၁.၂၀၂၂ ရက်နေ့တွင် ပြသတိုက်ကျေးရွာသို့ လျှပ်စစ်ဝန်ထမ်းများနှင့် စစိကောင်စီတပ်ဖွဲ့ဝင်တစ်ချို့ဟာ မီတာမဆောင်သောအကြောင်းပြချက်ဖြင့် နေအိမ်များအား လျှပ်စစ်မီးများဖြတ်တောက်ထားကြောင်းသိရသည်။

ထို့အတူ ၂၈.၁၁.၂၀၂၂ ရက်နေ့တွင်လည်း စစ်အုပ်စုနှင့် လျှပ်စစ်ဝန်ထမ်းများပါဝင်သောအဖွဲ့ဟာ ကျေးရွာအချို့အား မီတာမဆောင်သောအကြောင်းပြချက်ဖြင့် လျှပ်စစ်မီးများဖြတ်တောက်ထားကြောင်းသတင်းရရှိပါတယ်။

30/11/2022

Breaking news!!

၃၀ နိုဝင်ဘာလ
တွံတေး။
ရန်ကုန်။

Update 10:30 - လေပြင်းတိုက်ခတ်မှုနှင့်မိုးရွာသွန်းမှုရပ်တန့်သွားပြီဖြစ်ကြောင်းသိရပြီး လျှပ်စစ်မီးမှာပျက်တောက်နေဆဲဖြစ်သည်။

Update - လေပြင်းတိုက်ခတ်ခြင်းနှင့်အတူ မိုးရွာသွန်းမှုပါဖြစ်ပေါ်လာပြီး လျှပ်စစ်မီးပျက်တောက်လျက်ရှိကြောင်းသိရသည်။

တွံတေးမြို့နှင့် ရန်ကုန်မြို့ရှိ မြို့နယ်များတွင် လေပြင်းများတိုက်ခတ်နေ‌ကြောင်းသိရသည်။

လေတိုက်နှုန်းမှာ အလွန်ကြမ်းသောကြောင့် သွပ်ပြားများ လန်သွားမတတ်ရှိကြောင်း တွံတေးမြို့နေ ပြည်သူတစ်ဦးထံမှသိရသည်။

27/11/2022

၂၇ နိုဝင်ဘာလ
တွံတေး။

ယနေ့ ည ၉:၃၀ အချိန်ခန့်တွင် စင်္ကြန်လမ်းတွင် ဧည့်စာရင်းစစ်ခြင်းများပြုလုပ်နေကြောင်းသိရပြီး ထိုမှတစ်ဆင့် ကျွန်းတောရပ်ကွက်ထဲသို့ဝင်ရောက်ကာ ဧည့်စာရင်းစစ်မည်ဖြစ်ကြောင်းထပ်မံသတင်းရရှိသည်။

ထိုဧည့်စာရင်းစစ်ခြင်းအား စစ်ကောင်စီတပ်ဖွဲ့များ ၊ ကျွန်းတောရပ်ကွက်အုပ်ချုပ်ရေးမှူး ဦးဂျင်မီနှင့်အဖွဲ့ကပြုလုပ်လျက်ရှိကြောင်းသိရသည်။

25/11/2022

၂၅ နိုဝင်ဘာ
တွတေး။

ယနေ့ နေလယ် ၁၂:၀၀ အချိန်ခန့်တွင် ကျွန်းတောရပ်ကွက်ရှိ နေအိမ်တစ်ချို့အားမီတာမဆောင်သောအကြောင်းပြချက်ဖြင့် ကျွန်းတောရပ်ကွက်အုပ်ချုပ်ရေးမှူးဦးဂျင်မီနှင့်အဖွဲ့မှ လျှပ်စစ်မီးကြိုးများဖြုတ်ကာ လျှပ်စစ်မီးဖြတ်တောက်ထားကြောင်းသိရသည်။

ထို့အတူ တွံတေးမြို့ EPC သည် ယခင်လများတွင် မီတာဆောင်ထားသောအိမ်များအားလည်း ၎င်းတို့ရုံးမှဝန်ထမ်းထွက်ပြေးသွားသည်ဟူသောအကြောင်းပြချက်ဖြင့် လျှပ်စစ်မီးဖြတ်တောက်ခြင်း ဒဏ်ကြေးဆောင်ခိုင်းခြင်းများပြုလုပ်ကြောင်းသတင်းရရှိပါတယ်ခင်ဗျာ။

စာတည်း - မဝေ
စာမူတည်းဖြတ် - နွေဦး

23/11/2022

၂၃ နိုဝင်ဘာလ
တွံတေး။

ယနေ့ ည ၉:၃၀ အချိန်ခန့်မှစ၍တွံတေးမြို့အတွင်း Wifi internet လိုင်းများဖြစ်သော Fiber internet ၊ MTG နဲ့ အခြားသော Wifi internet လိုင်းများပြတ်တောက်လျက်ရှိကြောင်း မြို့နေပြည်သူများ၏ သတင်းပေးပို့ချက်အရသိရှိရသည်။

Wifi internet လိုင်းများပြတ်တောက်လျက်ရှိသော်လည်း Mobile အော်ပရေတာ Sim card များဖြင့် internet အသုံးပြု၍ရနေသေးကြောင်းသိရှိရသည်။

21/11/2022

နိုဝင်ဘာ ၂၁
တွံတေး။

◾တွံတေးမြို့နယ်နိမိတ်အတွင်းရှိကျေးရွာတစ်ချို့ကို စစ်ကောင်စီတပ်မှ မီတာမဆောင်ဟုဆိုကာ လျှပ်စစ်မီးဖြတ်တောက်ထား ပြီး ထရမ်စဖော်မာပုံးပါဖြုတ်ထားကြောင်းသိရသည်။
◾တွံတေးမြို့နယ်နိမိတ်အတွင်းရှိ စမ်းရွာ ၊ ပေါက်တော ၊ လာကပုံ ကျေးရွာများကို လွန်ခဲ့သော ၅ ရက်ခန့်မှစ၍ စစ်ကောင်စီမှ မီတာမဆောင်သော အကြောင်းပြချက်ဖြင့် လျှပ်စစ်မီးများဖြတ်တောက်ကာ ထရမ်စဖော်မာပုံးပါ ဖြုတ်ထားကြောင်း သတင်းရင်းမြစ်ကပြောသည်။

◾ထို့အတူ နိုဝင်ဘာ ၁၉ ရက် ည ၉ နာရီအချိန်ခန့်တွင် စစ်ကောင်စီတပ်ဖွဲ့ဝင်များသည် တွံတေးမြို့ ခလုပ်ကျေးရွာ၌ သေနတ်ရှိသည်ဟူသောအကြောင်းပြချက်ဖြင့် ရွာထဲသို့ သေနတ်ဖောက်က ဝင်ရောက်ခဲ့ပြီး ရွာလုံးကျွတ်အိမ်အပြင်ထွက်ခိုင်းကာ စစ်ဆေးခဲ့ကြောင်းသိရှိရသည်။

◾ယနေ့မနက် နှင့် ယမန်နေ့ နိုဝင်ဘာ ၂၀ ရက်နေ့ နံနက် ၅:၃၀ အချိန်ခန့်တွင်တွံတေးမြို့ မြဂိုးကျေးရွာသို့ စစ်ကောင်စီမှ ဧည့်စာရင်းဝင်ရောက်စစ်ဆေးခဲ့ပြီး ယနေ့စစ်ဆေးရာ၌ ရွာအတွင်းရှိနေအိမ်တစ်အိမ်အား မွှေနှောက်ရှာဖွေကာ NLD အလံပါ အင်္ကျီတွေ့ရှိသည်ဟုဆိုကာ အိမ်ရှင်အမျိုးသမီးအား ရွာသားများအရှေ့‌တွင်ရိုက်နှက်သွားကြောင်းသတင်းရင်းမြစ်ကဆိုသည်။

စာတည်း-Same stone
စာမူတည်းဖြတ်- Dobi

Twantay Daily News

24/12/2022

14/12/2022

13/12/2022

11/12/2022

10/12/2022

10/12/2022

04/12/2022

04/12/2022

03/12/2022

03/12/2022

03/12/2022

01/12/2022

01/12/2022

30/11/2022

27/11/2022

25/11/2022

23/11/2022

21/11/2022

Address

Opening Hours

Website

Alerts

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00