Logistics & SCM Magazine, Yangon (2025)

27/08/2025

🖋 လော်ကြောင်ကျား ပြောချင်သေးတယ် . . ဟဲ . . ဟဲ . .

လော်ကြောင်ကျားရဲ့ လော်ဂျက်စတစ်ပရိသတ်ကြီးတွေ အေအိုင်ခေတ်ဆီချီတက်နေကြပြီလား။ ဝမ်းသာပီတိရှိလှပါ၏ဗျာ . .

လော်ကြောင်ကျားတို့ရပ်ကွက်မှာတော့ အင်တာနက်လိုင်းတွေမကောင်းလို့ အခုရက်ပိုင်း အတွေးတွေ ဟိုရောက် ဒီရောက်ရှိနေတာပေါ့။ အင်တာနက်လိုင်းမကောင်းတော့ လော်ကြောင်ကျား ဝင်ကြည့်နေကြ ဝဘ်တွေ ဆိုက်တွေဆီလည်း ချက်ချင်းဝင်မကြည့်ဖြစ်။ အဲဒီအချိန် လူမှုကွန်ရက်ကြီးမှာတော့ အဲယားကာဂိုတွေ ဘာဖြစ်. . ညာဖြစ်သတင်းတွေက စုံစီနဖာပျံ့လွင့်နေပြီ။ လော်ကြောင်ကျားဖုန်းက ကွန်နက်ရှင်ပြင်ပ ရှိနေတုန်းပဲ . . ဟဲ .. ဟဲ ..

တစ်ချိန်တည်းမှာပဲ နယ်စပ်ကုန်သွယ်ရေးတွေပိတ်၊ မြဝတီ၊ ရနောင်း နယ်စပ်ကုန်သွယ်ရေးတွေရပ်သွားတော့ စားသုံးသူတွေ၊ ပြည်တွင်းထုတ်လုပ်ရေးလုပ်ငန်းရှင်တွေ အခက်ကြုံ၊ လူသုံးကုန်ပစ္စည်းတွေ ထိုင်းကဝင်မယ့်အခြေခံစားသောက်ကုန်ပစ္စည်းတွေပြတ်လပ်။ ကုန်စျေးနှုန်းတွေက အဖေခေါ်စရာမရှိအောင် ထိုးတက်ကြီးမြင့်ထောင်တက်ပေါ့လေ။ နောက်ဆုံးခံရသူက ဘယ်သူတွေတုန်းလို့ လော်ကြောင်ကျားကြည့်လိုက်တော့ စားသုံးသူပြည်သူတွေဖြစ်နေပါရော့လား . . . အားပါးပါး . .

ဒါနဲ့ . . ကုန်ပစ္စည်းရှားပါးနေတာတွေအတွက် လော်ကြောင်ကျားတို့လော်ဂျက်စတစ်လောကသားတွေ တတ်စွမ်းသရွေ့ အားသွန်ခွန်စိုက်ကြိုးစားနေကြတာ လော်ကြောင်ကျားတို့လောကသားတွေအသိဆုံး ပါပဲ . . ဟဲ .. ဟဲ ..

မှတ်မိသေးတယ်၊ သယ်ယူပို့ဆောင်ရေးစရိတ်တွေ (Logistics Costs) တွေများနေလို့ ကုန်စျေးနှုန်း တက်နေရတာပါဆိုပြီး ဟိုအသင်းအဖွဲ့ချုပ်ကလူကြီးတစ်ယောက်နဲ့ ဟိုဌာနကလူကြီးတို့ပြောဆိုတာ လော်ကြောင်ကျားတို့ ပတ်ဝန်းကျင်မှာပြန်ကြားခဲ့ဖူးတယ်။

အဲဒီအသင်းချုပ်က . . သွင်းကုန်လိုင်စင်တွေမကျလို့၊ အခုလိုမှောင်ခိုစျေးကွက်ကြီးဖြစ်ထွန်းနေပါပြီ။ စားသုံးသူတွေလည်းခံနေရပြီဆိုတာ ပြောမှပြောလေစ။ အမှတ်မထင်ငယ်ငယ်ကနားထောင်ဖူးတဲ့ အဆိုတော် ဂျေမောင်မောင်ရဲ့သီချင်းရွတ်မိသွားတယ်။

“ဘယ်သူကြောင့်လို့ မင်းထင်သလဲ”
လော်ကြောင်ကျားတော့ မဟုတ်ဘူးနော် . . ဟဲ .. ဟဲ ..

“ဝင်းသူဇာခေတ်ဆီ၊ လှမ်းလို့ချီ
ရွှေဝါဆပ်ပြာ၊ ဆင်ချေးတုံးဆပ်ပြာ
ပြည်တွင်းဖြစ်ကိုသုံးစွဲကြပါ . . .” ဟဲ .. ဟဲ ..

ဒါနဲ့ ပြောရဦးမယ် . . logistics & scm မဂ္ဂဇင်း အမှတ်(၁၀) ထွက်ရှိတော့မယ်ဆိုတဲ့အကြောင်း အသိပေးပါရစေ . . . ကြိုတင် အော်ဒါအမှာများပေးထားနိုင်ပါပြီ

25/08/2025

✒️ လော်ကြောင်ကျား ပြောရအုံးမယ် . .

ဒီရက်ပိုင်းဘန်ကောက်မှာ Thai Logistics ပွဲ TILOG Logistix 2025 ကျင်းပနေတာကို လော်ကြောင်ကျားတွေ့ခဲ့တယ်။ ခေါင်းစဉ်က Smart Logistics for Smart Future ဆိုပဲ။ မြန်မာပြည်က Freight Forwarders အချို့နဲ့ logistics ကိုစိတ်ဝင်စားသူတွေလည်း တက်ရောက်နေတာကို လော်ကြောင်ကျား တွေ့လိုက်တော့ တော်တော့်ကိုဂုဏ်ယူဝမ်းမြောက်မိတယ်။ သူတို့တွေကတော့ သူတို့ သိလာ၊ လေ့လာခဲ့သမျှ၊ ရရှိလာတဲ့အဆက်အသွယ်အခွင့်အရေးတွေကို ဒီနိုင်ငံဒီလောကအတွက် ပြန်မျှဝေမယ်။ ချိတ်ဆက်ပေးကြမယ်။ ဒါတကယ့်အခွင့်အရေးကောင်းပါ။

အဲဒီလို့တွေးထားသော်လည်း လော်ကြောင်ကျားမှာအရင်ကဒဏ်ရာတွေပြန်ပေါ်လာတယ်။ ယိုးဒယားက Smart Logistics for Smart Future ဆိုပြီးကျင်းပတော့ လော်ကြောင်ကျားတို့လည်းအားကျမခံ S**t Logistics for S**t Future ဆိုပြီး ကျင်းပမလားစဉ်းစားနေမိ . . .

24/07/2025

▪️ ဗိုလ်တထောင်ဆိပ်ကမ်း ICD 2 အတွင်း ကုန်သေတ္တာအခွံတင်/ချ လုပ်ငန်းဆောင်ရွက်ခြင်းများ သုံးရက်ကြာရပ်နားထားမည် ▪️

ဇူလိုင် ၂၄ ရက်/ Logistics & SCM

ယနေ့နံနက် ၇ နာရီ ၁၅ မိနစ်ခန့်တွင် လေပြင်းတိုက်ခတ်ခြင်းများကြောင့် ရန်ကုန်တိုင်း ဗိုလ်တထောင်ဆိပ်ကမ်း ICD 2 အတွင်း ကုန်သေတ္တာအခွံများပြိုကျပျက်စီးခြင်းများဖြစ်ပေါ်ခဲ့သည်။

ထို့ကြောင့် ကုန်သေတ္တာအခွံတင်/ချ လုပ်ငန်းဆောင်ရွက်ခြင်းများကို (ဇူလိုင် ၂၄ ရက်မှ ၂၆ ရက်) အထိရပ်နားထားမည်ဖြစ်ကြောင်း inland container depot 2 ကအသိပေးထုတ်ပြန်ထားသည်။

ဓာတ်ပုံ - Ko Hein/FB

#ဗိုလ်တထောင်ဆိပ်ကမ်း
#ကုန်သေတ္တာ
#သင်္ဘောလိုင်း
#သဘာဝဘေး
Logistics & SCM Magazine

20/07/2025

▪️ ရန်ကုန်မြစ်ဝ၌ကုန်တင်သင်္ဘောတစ်စင်းနစ်မြုပ်၊ ကုန်ပစ္စည်းအားလုံးရေနစ်ဆုံးရှုံး သေဆုံးသူမရှိ ▪️

ဇူလိုင် ၂၀ ရက်/ Logistics & SCM

ရွှေပြည့်ချမ်းသာဟုအမည်ပေးထားသည့် ကမ်းရိုးတန်းသွားသင်္ဘောတစ်စင်း သည် ယမန်နေ့(ဇူလိုင် ၁၉ ရက်) နံနက် ၅ နာရီခန့်က ရန်ကုန်မြစ်ဝရေကြောင်း ပြစခန်းမှ ရေမိုင် ၇ မိုင်အကွာ ပင်လယ်ပြင်တွင်နစ်မြုပ်သွားကြောင်း မြန်မာကမ်းရိုးတန်းကုန်တင်သင်္ဘောများနှင့်နီးစပ်သူများက Logistics & SCM မဂ္ဂဇင်းသို့အတည်ပြုပြောသည်။

ယင်းကုန်တင်သင်္ဘောသည် ရနောင်းမှရန်ကုန်သို့ထွက်ခွာလာခြင်းဖြစ်ပြီး အိမ်သုံးပစ္စည်းနှင့်လူသုံးကုန် ပစ္စည်းများတင်ဆောင်လာကာ တန်ချိန် ၉၀၀ ကျော်ရှိကြောင်း၊ သင်္ဘောသားများဘေးကင်း၍ ကုန်များအားလုံးရေနစ်ဆုံးရှုံးခဲ့ကြောင်းသိရသည်။

ကုန်တင်သင်္ဘောသည် ဇူလိုင် ၁၈ ရက်၊ မွန်းလွဲပိုင်းမှစတင်ကာ သင်္ဘောဦးပိုင်းမှရေဝင်ရောက်လာပြီး နစ်မြုပ်နေသောကြောင့် ကုန်တင်သင်္ဘောတစ်စင်းနှင့် သက်ဆိုင်ရာမှသင်္ဘောတစ်စင်းတို့လာရောက် ကူညီခဲ့ကြောင်းသိရသည်။

Logistics & SCM Magazine
#ရွှေပြည့်ချမ်းသာ
#ကုန်တင်သင်္ဘော
#ရန်ကုန်မြစ်ဝ

29/06/2025

ထိုင်းနှင့်ကမ္ဘောဒီးယား နှစ်နိုင်ငံနယ်စပ်ကုန်သွယ်ရေးအခြေအနေမှာ လက်ရှိတွင် နယ်စပ်ပဋိပက္ခနှင့် ဆက်ဆံရေးတင်းမာမှုများကြောင့် အကြီးအကျယ် ထိခိုက်နေကြောင်း တွေ့ရှိရသည်။
----------------------------
လက်ရှိအခြေအနေအနှစ်ချုပ်
=======
(၁) နယ်စပ်ဂိတ်များပိတ်ခြင်းနှင့် ကန့်သတ်ခြင်း
-----------------
ပြီးခဲ့သည့်မေလ ၂၈ ရက်တွင် ထိုင်း-ကမ္ဘောဒီးယား နယ်စပ်၌ စစ်ရေးပဋိပက္ခဖြစ်ပွား၍ ကမ္ဘောဒီးယား စစ်သားတစ်ဦး သေဆုံးပြီးနောက် နှစ်နိုင်ငံ ဆက်ဆံရေး တင်းမာလာခဲ့သည်။

ထိုင်းဘက်မှ ဇွန်လ ၇ ရက်နေ့မှစ၍ နယ်စပ်ဂိတ်အများစုကို တစ်ဖက်သတ်ပိတ်ခဲ့ပြီး ဇွန်လ ၂၄ ရက်တွင် အစိုးရက လုံခြုံရေးအကြောင်းပြချက်ဖြင့် နယ်စပ်ဖြတ်ကျော်မှုအများစုကို တားမြစ်ခဲ့သည်။

ယင်းနောက်ပိုင်းတွင် နယ်စပ်ဖြတ်ကျော်ပြီး ကျောင်းတက်နေသူများ၊ ဆေးဝါးကုသလိုသူများနှင့် မရှိမဖြစ်လိုအပ်သည့် ကုန်ပစ္စည်းများအတွက်သာ ဖြတ်သန်းခွင့်ပြုထားသည်။

ဇွန်လ ၂၉ ရက်တွင် နှစ်နိုင်ငံအကြား အပြည်ပြည်ဆိုင်ရာနယ်စပ်စစ်ဆေးရေးဂိတ်များ (သို့မဟုတ်) ပြည်တွင်းစစ်ဆေးရေးဂိတ်များမှတစ်ဆင့် မည်သည့်ကုန်စည်ပို့ဆောင်မှုအမျိုးအစားကိုမဆို ဝင်ရောက်ခွင့်၊ ထွက်ခွာခွင့်ပြုမည်မဟုတ်ကြောင်း ကမ္ဘောဒီးယားဘက်မှ အတိအလင်းကြေညာခဲ့သည်။

(၂) ကုန်သွယ်ရေးထိခိုက်မှု
---------------------------------
နယ်စပ်ပိတ်ဆို့မှုကြောင့် ကုန်းလမ်းမှ ကုန်သွယ်မှု သိသိသာသာ ထိခိုက်ခဲ့သည်။ ထိုင်းနိုင်ငံအနေဖြင့် ကုန်သွယ်မှုပမာဏ ဘတ် ၆၀ ဘီလီယံအထိ လျော့ကျသွားနိုင်ကြောင်း ကာကွယ်ရေးဝန်ကြီးဌာန (DFT) က သတိပေးထားသည်။

လတ်တလောအနေအထားတွင် ကမ္ဘောဒီးယားက ထိုင်းဘက်မှ လောင်စာဆီနှင့် ဓာတ်ငွေ့တင်သွင်းမှု၊ အင်တာနက်ဝန်ဆောင်မှု၊ လျှပ်စစ်မီးသွယ်တန်းရယူမှုကို ရပ်ဆိုင်းခဲ့ပြီး ထိုင်းသစ်သီးနှင့် ဟင်းသီးဟင်းရွက်စသည့် ကုန်စိမ်းများကိုလည်း ဝယ်ယူခြင်းမပြုတော့ပေ။

(၃) ပင်လယ်ရေကြောင်းနှင့် လေကြောင်း
-----------------------
ကုန်းလမ်းနယ်စပ်များ ပိတ်ထားသော်လည်း ပင်လယ်ရေကြောင်းမှ ကုန်သွယ်မှုများမှာမူ ဆက်လက်ဖွင့်လှစ်ထားဆဲဖြစ်သည်။

အလားတူ နှစ်နိုင်ငံလေကြောင်းခရီးစဉ်များလည်း ကမ္ဘောဒီးယားနှင့် ထိုင်းတို့ အပြန်အလှန်ပျံသန်းပြေးဆွဲနေဆဲဖြစ်ကြောင်း ဘန်ကောက်ပို့စ်သတင်းမှာ ဖော်ပြထားသည်။

Source: Bangkok Post, The Nation

#နယ်စပ်ကုန်သွယ်ရေး
#နယ်စပ်ဂိတ်
#ဟွန်ဆန်
#သက်ဆင်
#ထိုင်းနှင့်ကမ္ဘောဒီးယား
Logistics & SCM Magazine

07/06/2025

▪️◾️ မြန်မာနိုင်ငံအကောက်ခွန်ဝန်ဆောင်မှုလုပ်ငန်းရှင်များအသင်း (၂၆) ကြိမ်မြောက် နှစ်ပတ်လည်အသင်းသားစုံညီအစည်းအဝေးကို ဒီကနေ့နံနက် ၉ နာရီက ရန်ကုန်မြို့ UMFCCI မှာ ကျင်းပခဲ့ပါတယ်။

ရိုက်ကူး/တင်ဆက် - Logistics & SCM Magazine

26/05/2025

▪◾◼ အိန္ဒိယနိုင်ငံ၌ပေ ၆၀၀ အရှည်ရှိ MSC ELSA 3 သင်္ဘောနစ်မြှုပ်၊ ကွန်တိန်နာအလုံး ၆၄၀ ရေထဲပါသွား
------------------နယူးဒေလီ၊ မေလ ၂၆

အိန္ဒိယနိုင်ငံ၊ ကိုချီမြို့အနောက်တောင်ဘက် ရေမိုင် ၃၈ မိုင်အကွာမှာပေ ၆၀၀ အရှည်ရှိ လိုက်ဘေးရီးယားအလံတင် MSC ELSA 3 သင်္ဘောတစင်းဟာ မေလ ၂၅ ရက် မနက်ပိုင်းမှာ တိမ်းစောင်းပြီး နစ်မြုပ်သွားပါတယ်။

သင်္ဘောနစ်မြှုပ်မှုနဲ့အတူ ပါသွားတဲ့ကွန်တိန်နာအလုံး ၆၄၀ ထဲမှာ အန္တရာယ်ရှိ Cargo ဖြစ်တဲ့ Calcium Carbide ကွန်တိန်နာသုံးလုံးပါသွားကြောင်းလည်းသတင်းတွေကဆိုပါတယ်။

သင်္ဘောပေါ်မှာဝန်ထမ်း ၂၄ ဦးလိုက်ပါလာပြီး သင်္ဘောသား ၂၁ ဦးကိုစတင်တိမ်းစောင်းချိန်တွင် ကယ်တင်ခဲ့ကြောင်း၊ သင်္ဘောကပ္ပတိန်အပါအဝင် CE နဲ့ EE သုံးဦးကတော့ သင်္ဘောထိန်းညှိဖို့ သင်္ဘောပေါ် ကျန်ခဲ့ပေမယ့် နောက်ဆုံးမှာလက်လျှော့လိုက်ရပြီး သူတို့သုံးဦးကို INS သုဇာတာသင်္ဘောက ကယ်ဆယ်ပြီးချိန်မှာ သင်္ဘောတစ်စင်းလုံး ပင်လယ်ထဲလုံးဝနစ်မြုပ်သွားခဲ့ပါတယ်။

Photo: Reuters, Indian Express

#အိန္ဒိယ

23/05/2025

🌧 🌧 🌧 မိုးအေးအေးလေးနဲ့ရုံးပိတ်ရက်မှာ ကွေးမယ်,,တွေးမယ်,, ဆိုရင် Logistics & SCM မဂ္ဂဇင်းရဲ့ကိုယ်ပွား "ယွန်းဝဿန်စာအုပ်တိုက်" ကထုတ်တဲ့ ပွဲဦးထွက်စာအုပ်လေးနဲ့မိတ်ဆက်ပေးပါရစေ . . .

🧘 လူ့ဘောင်အကျိုးပြုဗုဒ္ဓဝါဒ (Secular Buddhism)
✍️ ရေးသားသူ - ဝင်းသိန်းဦး

ဒီစာအုပ်ဟာ လွန်ခဲ့တဲ့နှစ်ပေါင်း ၂ဝ ကျော်ကတည်းက အနောက်တိုင်းမှာ ရေပန်းစားပြီး လက်တွေ့ ကျင့်ကြံပွားများနေကြတဲ့ လူ့ဘောင်အကျိုးပြုဗုဒ္ဓဝါဒ (Secular Buddhism) အကြောင်းကို စာဖတ်သူတွေ အချိန်တိုအတွင်းမှာနားလည်သဘောပေါက်ပြီး လိုက်နာကျင့်သုံးလိုကလည်း လိုက်နာကျင့်သုံးနိုင်အောင် လိုရင်းတိုရှင်းရေးသားဖော်ပြထားချက်ဖြစ်ပါတယ်။ စတီဖင်ဘတ်ချ်လာ (Stephen Batchelor) ရဲ့ ကမ္ဘာ့အရောင်းရဆုံး ဘက်ဆဲလားစာအုပ်တွေကို ဖတ်ရှုမှီငြမ်းကိုးကား အနှစ်ထုတ်တင်ပြထားတာဖြစ်ပါတယ်။

စတီဖင်ဘတ်ချ်လာဟာ လူ့ဘောင်အကျိုးပြုဗုဒ္ဓဝါဒ (Secular Buddhism) ကို အနောက်နိုင်ငံသားများအကြား ရေပန်းစားလေ့လာလိုက်နာကျင့်သုံးချင်လာအောင်ဆွဲဆောင်မှုကောင်းလှတဲ့ ကမ္ဘာ့အရောင်းရဆုံးစာအုပ်များစွာကို ရေးသားခဲ့သူဖြစ်ပြီး သတိပဋ္ဌာန် ကမ္မဋ္ဌာန်းနည်းပြ ဆရာတစ်ဦးလည်းဖြစ်ပါတယ်။

လူ့ဘောင်အကျိုးပြုဗုဒ္ဓဝါဒ (Secular Buddhism) ဆိုတာဘာလဲလို့မေးရင် စတီဖင်ဘတ်ချ်လာက “နိဗ္ဗာန်ကိုမျက်မှောက်ပြုဖို့ထက် မဂ္ဂင်ရှစ်ပါးဆိုတဲ့ကိုယ်ကျင့်တရားဆိုင်ရာအခြေခံမူဘောင်နဲ့အညီ လောကကြီးသာယာတိုးတက်ဖွံ့ဖြိုးအောင် အချိန်နှင့်အမျှအားထုတ်ကြိုးပမ်းဆောင်ရွက်ခြင်းဟာ လူ့ဘောင်အကျိုးပြုဗုဒ္ဓဝါဒ (Secular Buddhism) ရဲ့ရည်မှန်းချက်ပန်းတိုင်ဖြစ်တယ်” လို့ ရှုမြင် သုံးသပ်ပါတယ်။

📒 စာမျက်နှာ ၁၁၃၊ ဓာတ်ပုံများကို ကြွေစက္ကူဖြင့်ရောင်စုံကာလာပုံနှိပ်ထားသည်။
တန်ဖိုး - ၉၀၀၀ ကျပ် (ပထမအကြိမ်)
ယွန်းဝဿန်စာပေ 095041161 မှထုတ်ဝေပြီး
ဂျာနယ်လစ်စာပေ 09-261778607 ကဖြန့်ချိသည်။

🚛🚛🚛
Delivery service
ရန်ကုန် - ၂၀၀၀ ကျပ်
နေပြည်တော် - ၂၅၀၀ ကျပ်
မန္တလေး - ၃၀၀၀ ကျပ်
👇👇👇
အမည်၊ ဖုန်းနံပါတ်၊ လိပ်စာအပြည့်အစုံကို messenger (သို့မဟုတ်) 09-261778607 သို့ ဆက်သွယ်မှာယူနိုင်ပါပြီ။
🏪🏪🏪
ဝယ်ယူရရှိနိုင်မည့်စာအုပ်ဆိုင်များ
- City Mart ရှိစာအုပ်ဆိုင်များ
- ရန်ကုန် - စောဦး၊ ကိုလတ်၊ ရာပြည့်၊ အင်းဝ၊ စာပေလောက၊ ပန်းဆက်လမ်းစာပေ၊ Book Street , Book Tree ,Tab Book, Yangon book plaza
- မန္တလေး - စိတ်ကူးချိုချို၊ နဂါး

16/05/2025

🔹challenge တွေအကုန်လုံးကို opportunity တစ်ခုအနေနဲ့ကျော်လွှားလာတာပေါ့နော်။ အမှန်တိုင်းပြောရင် Logistics ရဲ့အနှစ်အရသာ ကအဲဒါပဲ 🔹

ဒီကနေ့ခေတ်လုပ်ငန်းခွင်နယ်ပယ်ကဏ္ဍအသီးသီးမှာ အမျိုးသမီးတွေဟာ အမျိုးသားတွေနဲ့တန်းတူ ပါဝင်ဆောင်ရွက်နေကြပါတယ်။ Logistics ကဏ္ဍမှာလည်း အမျိုးသမီးတွေပါဝင်ဆောင်ရွက်မှုတွေနဲ့ပတ်သက်ပြီး Myanmar Mercury In'tl ကုမ္ပဏီမှမန်နေဂျင်းဒါရိုက်တာ ဒေါ်လှလှရီကို Logistics & SCM မဂ္ဂဇင်းရဲ့ Managing Editor မမျိုးမျိုးသွယ်က တွေ့ဆုံမေးမြန်းထားပါတယ်။
👇👇
- ယခုဖော်ပြပါဆောင်းပါးမှာ Logistics & SCM Magazine အတွဲ(၁) အမှတ်(၉) မှာဖော်ပြခဲ့ပြီးဖြစ်ပါတယ်။
- (ထွက်ရှိပြီး Logistics & SCM Magazine များကို လူကြီးမင်းတို့နေအိမ်နှင့်ရုံးခန်းအရောက်ပို့ဆောင်ပေးနေပါပြီ)
- တန်ဖိုး - ၁၅၀၀၀ ကျပ်

LSCM ။ ။ ဒီကနေ့ခေတ် Logistics sector မှာပါဝင်နေနဲ့အမျိုးသမီးတွေရဲ့ အခန်းကဏ္ဍကို ဘယ်လိုမြင်လဲ။

ဒေါ်လှလှရီ။ ။ ကျမတို့ နိုင်ငံခြားမှာ အစည်းအဝေးတွေတက်တဲ့အခါမှာ “နင်တို့မှာ gender ကို discriminate လုပ်တာ၊ နင်တို့ကို နေရာမပေးတာ ရှိသလား” လို့ မေးကြတယ်။ Logistics မှာ ဦးဆောင်နေသူတွေထဲမှာ အမျိုးသမီးတွေကော ရှိရဲ့လားလို့ မေးတယ်။ အဲဒီတော့ ကျမက ဂုဏ်ယူစွာပဲဖြေတယ်။ မြန်မာနိုင်ငံမှာရှိတဲ့မိန်းမတိုင်းက အင်မတန်ထက်မြက်တယ်။ Logistics ကုမ္ပဏီအကုန်လုံးမှာ အမျိုးသမီးတွေက ဦးဆောင်နေတဲ့ CEO တွေဖြစ်နေတယ်၊ MD တွေဖြစ်နေတယ်လို့ ဂုဏ်ယူပြီးပြောတယ်။ ဒီဘက်ခေတ်မိန်းကလေးတွေမှာ အင်မတန်ချီးကျူးဖို့ ကောင်းတယ်။

ကျမတို့က ဆိုရှယ်လစ်ခေတ်က တက်လာတာဆိုတော့ တစ်ခုခုကိုလုပ်တော့မယ်ဆိုရင် သိက္ခာနဲ့လက်ဖက်ရည်ဆိုင်တောင် မိန်းကလေးထိုင်ရင် အမြင်မကြည်တဲ့ခေတ်ကနေလာရတယ်။ မိန်းကလေးဆိုတာ ယောက်ျားလေးနဲ့ ခုံတောင်အတူတူထိုင်ဖို့ မသင့်ဘူးဆိုတဲ့ခေတ်ကနေ လာရတာဆိုတော့ အရင်ခေတ်ကမိန်းကလေး တွေက ထိုးထွင်းပြီးထွက်မှရတယ်။ တဖြည်းဖြည်းပွင့်လင်းလာတာနဲ့အမျှ ဒီဘက်ခေတ်မိန်းကလေးတွေ မှာ ကိုယ်ပိုင်အရည်အချင်းကိုထုတ်ပြဖို့ အခွင့်အရေးရှိလာတယ်။

အခုဆိုရင် ကိုယ်နဲ့လက်တွဲလုပ်ခဲ့တဲ့ ကလေးတွေက ကိုယ့်အသက် အဲဒီလောက်တောင်မှ ကုမ္ပဏီတစ်ခုကို မဦးဆောင်နိုင်သေးဘူး။ အခု Logistics ကုမ္ပဏီအတော်များများ အမျိုးသမီးတွေက အသက်ငယ်ငယ်ရွယ်ရွယ်နဲ့ ဦးဆောင်နေတာတွေ တွေ့ရတယ်။ သူတို့အတွက် အခွင့်အရေးကောင်းတွေလည်းရှိတယ်။ ဒါက ကျဉ်းကျဉ်းလေးပဲရှိသေးတယ်။ အဲဒီထက်နယ်ပယ်စုံမှာ အမျိုးသမီးတွေပါဝင်ပတ်သက်လာနိုင်အောင်တော့ ကြိုးစားရဦးမယ်။ အခုအမျိုးသမီးတွေဦးဆောင်ပြီး ကုမ္ပဏီဖွင့်နိုင်တယ်ဆိုပေမဲ့ သူများနိုင်ငံ တွေမှာ Truck ကားတွေ မောင်းနေပြီ။ နယ်စပ်ဖြတ်ကျော်မှာ မိန်းကလေးယာဉ်မောင်းတွေ မိန်းကလေး ယာဉ်အကူလုပ်နေပြီ။ Warehousing တွေမှာဆိုရင်လည်း အမျိုးသမီးတွေ ဝင်ပြီ။ များသောအားဖြင့် warehouse မှာခန့်ပြီဆိုရင် အမျိုးသားတွေပဲခန့်တာများတယ်။ အဲဒါနဲ့ပတ်သက်ပြီး warehouse မှာ ဒစ်ဂျစ်တယ်စနစ်တွေသုံးလာမယ်ဆိုရင် အမျိုးသမီးတွေကို ပိုပြီးတော့ခန့်ပေးဖို့လုပ်ဖို့တော့လိုသေးတယ်။

27/04/2025

🟦Logistics_cartoon
logistics sector မှာ လုပ်ကိုင်နေကြသူများ၊ သင်ယူလေ့လာနေသူများအတွက် မရှိမဖြစ်၊ မသိမဖြစ် စီးပွားရေးပညာရပ်ဆိုင်ရာဆောင်းပါးကောင်းများကို တဝကြီးအားရပါးရဖတ်ရှုရမှာဖြစ်ပါတယ်။

Logistics Sector မှာဘယ်သူတွေ ... ဘာလုပ်နေလဲဆိုတာ ဦးဦးဖျားဖျားသိချင်သူများထံသို့ Logistics & SCM မဂ္ဂဇင်းအမှတ်(၉)ကို လူကြီးမင်းတို့ရဲ့အိမ်တံခါးအဝအရောက်၊ ရုံးခန်းထဲအရောက် ထောက်ပံ့ပို့ဆောင်ပေးနေ ပါပြီ။ အခုပဲ chat box ကနေ ကြိုတင်မှာယူထားလို့ရပါပြီ။

(အသစ်ထွက်ရှိတဲ့ Logistics & SCM မဂ္ဂဇင်းအမှတ် (၉) တစ်အုပ်ဝယ်ယူတိုင်း ငလျင်ဒဏ်သင့် ဒေသများသို့ ၁၀၀၀ ကျပ်စီလှူဒါန်းသွားမှာဖြစ်ပါတယ်)

တန်ဖိုး - ၁၅,၀၀၀ ကျပ်
City Mart ရှိစာအုပ်ဆိုင်တိုင်းတွင်လည်းဝယ်ယူရရှိနိုင်ပါပြီ။

(ထွက်ရှိပြီး Logistics & SCM Magazine များကိုအိမ်အရောက်မှာယူလိုပါကလည်း ပို့ဆောင်ပေးနေပြီဖြစ်ပါတယ်)

22/04/2025

မဟာသင်္ကြန်အပြီးမှာ ကျနော်တို့မဂ္ဂဇင်း အတွဲ(၁)၊ အမှတ် (၉) ကို အော်ဒါမှာယူထားတဲ့စာဖတ်ပရိသတ်တွေထံသို့ စတင်ပို့ဆောင်ဖြန်ချိနေပါပြီ .... 🚛✈️🚢

“စာဖတ်ရင်းကူ .. ငလျင်ဘေးကို .. ၁၀၀၀ ကျပ်လှူ"

Logistics က ဘာကိုပေးလဲဆိုတော့ အတွေ့အကြုံနဲ့ knowledge က ဘယ်လိုပြဿနာမျိုး ဖြစ်လာ . . ဖြစ်လာ solution ကို ရှာကိုရှာရမယ်။ အဓိက Logistics ကအဲဒါပဲ။ ကိုယ်ကသူများတွေရဲ့ ခက်ခဲနေတဲ့ အခက်အခဲတွေကို ကူညီနေရတာဖြစ်တဲ့အတွက် ကျမရဲ့ nature ကလည်း သူများအခက်အခဲဖြစ်နေရင် ကူညီချင်တယ်။ ရတာ၊ မရတာအဓိကမဟုတ်ဘူး။
ဒေါ်လှလှရီ

(ယခုအသစ်ထွက်ရှိတဲ့ Logistics & SCM မဂ္ဂဇင်းအမှတ်(၉) တစ်အုပ်ဝယ်ယူတိုင်း ငလျင်ဒဏ်သင့် ဒေသများသို့ ၁၀၀၀ ကျပ်စီလှူဒါန်းသွားမှာဖြစ်ပါတယ်)

တန်ဖိုး 👉၁၅,၀၀၀ ကျပ်

+ + + + + +
ပြည်တွင်းဆန်စပါးထောက်ပံရေးကွင်းဆက် မှန်ကန်ခိုင်မာရန် လိုအပ်နေ သကဲ့သို့ ယမန်နှစ်က နိုင်ငံတကာစျေးကွက်ဝေစုရရှိခဲ့သော အရှေ့တောင်အာရှဒေသတွင်းနှင့် အာဖရိကဆန်စျေးကွက် ဝေစုရရှိရန်ခက်ခဲလာသည်ကိုတွေ့ရှိနေရသည်။ ဤအခြေအနေအတိုင်း ၂၀၃၀ ပြည့်နှစ်အထိ ဆက်လက်ရှိနေမည်ဆိုပါက . . .
တင်နိုင်သိန်း

+ + + + + +
၂၀၁၈ ခုနှစ်မှစတင် ဖြစ်ပွားခဲ့သော အမေရိကန်နှင့်တရုတ်နိုင်ငံကြား ကုန်သွယ်ရေးတင်းမာမှုများ မြင့်တက်လာခြင်းက ကမ္ဘာ့ကုန်စည်ပို့ဆောင်မှုအပေါ် သိသိသာသာ ရိုက်ခတ်ခဲ့ပါသည်။ အထူးသဖြင့် အကောက်ခွန် တိုးမြှင့် ကောက်ခံခြင်းကြောင့် ၂၀၁၉ ခုနှစ် တစ်နှစ်တည်းတွင် အမေရိကန်ဒေါ်လာ ၇၀၀ ဘီလီယံကျော် ထိခိုက်ခဲ့ကြောင်း ကမ္ဘာ့ကုန်သွယ်ရေးအဖွဲ့ (WTO) က ပြောကြားခဲ့သည်။ ရုရှား-ယူကရိန်း စစ်ပွဲကြောင့် ကုန်စည်ဈေးနှုန်း မြင့်တက်ခြင်း၊ ကုန်စည်ပို့ဆောင် ခ မြင့်တက်ခြင်း၊ ကွန်တိန်နာ ပြတ်တောက်ခြင်း၊ သိုလှောင်ရန်နေရာနည်းပါးခြင်းနှင့် ဆိပ်ကမ်းအများအပြား ပိတ်သိမ်းခြင်းတို့ ဖြစ်ပေါ်ခဲ့သည်။
သိန်းမြင့်ဝေ

+ + + + + +
ရန်ကုန်ဆိပ်ကမ်းဆီပြေးဆွဲနေကြတဲ့ အချို့သင်္ဘောလိုင်းများဟာ ကုန်သေတ္တာ TEU ၂,၆၀၀ ကျော် တင်ဆောင်နိုင်တဲ့သင်္ဘောတွေကိုအသုံးပြုလာကြပြီး ရန်ကုန်ဆိပ်ကမ်းကနေ တရုတ်နိုင်ငံ၊ ကိုရီးယားနိုင်ငံ၊ ဗီယက်နမ်နိုင်ငံရှိ ဆိပ်ကမ်းများနဲ့ တိုက်ရိုက်ချိတ်ဆက်ပြီး တင်သွင်း/တင်ပို့ပေးတဲ့ ကုန်သေတ္တာတိုက်ရိုက်ပို့ဆောင်တဲ့ (Direct Service) ဝန်ဆောင်မှုများကို ဆောင်ရွက်လာကြပါတယ်။
ဒေါက်တာမျိုး(Logistics)
+ + + + + +
logistics sector မှာ လုပ်ကိုင်နေကြသူများ၊ သင်ယူလေ့လာနေသူများအတွက် မရှိမဖြစ်၊ မသိမဖြစ် စီးပွားရေးပညာရပ်ဆိုင်ရာဆောင်းပါးကောင်းများကို တဝကြီးအားရပါးရဖတ်ရှုရမှာဖြစ်ပါတယ်။

(ထွက်ရှိပြီး Logistics & SCM Magazine များကိုလည်းမှာယူနိုင်ပြီး လူကြီးမင်းတို့ထံ ပို့ဆောင် ပေးနေပါပြီ)

fans
Logistics & SCM Magazine

19/04/2025

◾️ The role of Logistics after disasters

ပြီးခဲ့တဲ့ မတ်လ ၂၈ ရက်ကလှုပ်ခတ်ခဲ့တဲ့ငလျင်ဒဏ်ကြောင့် မြန်မာပြည်အလယ်ပိုင်းဒေသမှာ အပျက်အစီး၊ အဆုံးရှုံးများခဲ့ပါတယ်။ သည်လိုအခြေအနေမှာ လတ်တလောအရေးပေါ် ကူညီစောင့်ရှောက်ရေး၊ ပြန်လည်တည်ဆောက်ရေးဆိုတဲ့ ကဏ္ဍတွေမှာ ထောက်ပံ့ပို့ဆောင်ရေး (Logistics) ကဏ္ဍက ဘယ်လောက် . . ဘယ်လို အရေးကြီးအခန်းကဏ္ဍက ပါဝင်ပတ်သက်နေပါသလဲ။

သည်အတွက် ပြန်လည်တည်ဆောက်ရေးအတွက် အကြံပြုရေးသားမှုများကို Logistics & SCM မဂ္ဂဇင်းက မီဒီယာကဏ္ဍကနေ တာဝန်ထမ်းရွက်သွားချင်ပါတယ်။

ဇူလိုင်လမှာထွက်ရှိမယ် “The role of Logistics after disasters” ခေါင်းစဉ်နဲ့အညီ စာမူများရေးသားပေးပို့ကြပါရန် လေးစားစွာအကြံပြု တိုက်တွန်းအပ်ပါတယ်ခင်ဗျာ။ ဒီထက်ပိုမိုကောင်းမွန်သော အကြံဉာဏ်များရှိပါကလည်း လွတ်လပ်ပွင့်လင်းစွာ ဝေဖန်ထောက်ပြပေးကြဖို့ ပြောကြားပါရစေ . . .

ဓာတ်ပုံ - မူရင်းရိုက်ကူးထားသူများကိုလေးစားစွား credit ပေးပါသည်။

#မြန်မာငလျင်

Logistics & SCM Magazine

27/08/2025

25/08/2025

24/07/2025

20/07/2025

29/06/2025

07/06/2025

26/05/2025

23/05/2025

16/05/2025

27/04/2025

22/04/2025

19/04/2025

Address

Telephone

Website

Alerts

Contact The Business

Shortcuts

Share

Category