https://www.facebook.com/102482699012919/

Kachin State Public Voice News - KSPVN, Rangoon, Yangon (2025)

05/06/2025

World Environment Day (June 5, 2025)

31/05/2025

ကချင်ပြည်နယ်၊ ပူတာအိုခရိုင်၊ မချမ်းဘော့မြို့နယ်တွင် မလိခမြစ်ရေတက်မှု စိုးရိမ်‌ရေမှတ်ထက်ကျော်လာ

၃၁၊ မေလ၊ ၂၀၂၅။

ကချင်ပြည်နယ်၊ ပူတာအိုခရိုင်၊ မချမ်းဘော့မြို့နယ်မှ မလိခမြစ်အထက်ပိုင်း မိုးအဆက်မပြတ်ရွာသွန်းမှုကြောင့် မလိခမြစ်ရေသည် စိုးရိမ်‌ရေမှတ်ထက် ကျော်လွန်ကာမြစ်ရေတက်လာကြောင်းသိရှိရသည်။

မလိခမြစ်ရေသည် မေလ (၃၁)ရက်‌ နေ့လည် ၂နာရီ အချိန်တိုင်းတာချက်အရ စိုးရိမ်ရေမှတ် ၁၂၀၀ စင်တီမီတာထက် ကျော်လွန်ကာ ၁၄၁၉ စင်ဒီမီတာထိ မြင့်တက်လျက်ရှိကြောင်း မချမ်းဘော့မြို့ မိုးလေဝသနှင့်ဇလဗေဒညွန်ကြား‌ရေးဦးစီးဌာနမှ သိရသည်။
မလိခမြစ်ရေနှင့် အနီးနား‌တွင်‌ နေထိုင်သော မချမ်းဘော့မြို့နယ်နှင့် ပူတာအိုမြို့နယ်များမှ ကျေးရွာရှိပြည်သူများသည် ရေဘေးလွတ်ရာသို့ ပြောင်းရွှေ့နေကြကြောင်းသိရှိရသည်။

27/05/2025

မကျော့ဝါကျေးရွာတွင် ရွှေတူးဖော်ထားသော လုပ်ကွက်ဟောင်းများကြောင့် ဒေသခံများအခက်တွေ့

27 May 2025

ကချင်ပြည်နယ်၊ ပူတာအိုခရိုင်၊ ပူတာအိုမြို့နယ်ရှိ မကျောဝါ ကျေးရွာတွင် ရွှေတူးဖော်ထားခဲ့သော လုပ်ကွက်‌ဟောင်းများ ပြန်လည်ဖို့ထားခြင်း၊ ညှိထားခြင်းမရှိသောကြောင့် အိမ်မွေးတိရစ္ဆာန်များနှင့် ကလေးငယ်များအတွက် စိုးရိမ်ရကြောင်း ဒေသခံများ၏ ပြောကြားချက်များအရသိရှိရသည်။
“ တူးပြီးရင်ညှိလည်းမညှိထားကြဘူး၊ ဒီတိုင်းပဲ ပစ်ထားလိုက်တာ၊ အချို့နေရာတွေက တွင်းအနက်ကြီးတွေဖြစ်၊ တချို့က နွံအိုင်တွေဖြစ်နဲ့” ဟုဒေသခံ အမျိုးသားတစ်ဦးက ပြောသည်။
ကျေးရွာ အုပ်ချုပ်ရေးအဖွဲ့နှင့် ရွှေတူးဖော်ရန် ညှိနိုင်းခဲ့ရာတွင် ပြန်လည်မြေဖို့ရန် သဘောတူခဲ့ကြသော်လည်း လုပ်ငန်းရှင်အနည်းစုသာ ပြန်လည်မြေဖို့ကြပြီး လုပ်ငန်းရှင်အများစုမှာ ‌ရွှေတူးဖော်ပြီး ပြန်လည်မြေညှိထားခြင်းမရှိဘဲ တာဝန်ယူ တာဝန်ခံမှုကင်းမဲ့စွာ ကျင်းများအား ပစ်ထားကြောင်းသိရှိရသည်။

13/05/2025

ပူတာအိုခရိုင် မချမ်းဘော့မြို့နယ် နမ်ခမ် ကျေးရွာ ရွှေတူးဖော်မှု မြင်ကွင်း

07/05/2025

ရှိန်ကိုင်ယာန်ကျေးရွာတွင် ရွှေတူးဖော်နေသော သူများအား နှစ်ဖက်လက်နက်ကိုင်အဖွဲ့များမှ အခွန်ကောက်ခံ
7 May 2025
ကချင်ပြည်နယ်၊ ပူတာအိုခရိုင်၊ မချမ်းဘော့မြို့နယ်ရှိ ရှိန်ကိုင်ယာန်ကျေးရွာတွင် တန်ကူးတန်းဦးဆောင်သည့် ပူတာအို ဌာနယ်ပြည်သူ့စစ်အဖွဲ့များ၊ စစ်ကောင်စီ အဖွဲ့နှင့် KIA အဖွဲ့များ လာရောက်ကာ အခွန်ကောက်ခံမှုများမကြာခနရှိကြောင်း ရေငုပ်ဆိုင်းလုပ်ကိုင်သူ အမျိုးသားတစ်ဦးကဆိုသည်။
“ရတာနဲ့ဘာမှမကိုက်ဘူး၊ ဟိုအဖွဲ့ကရောက်လာ၊ ဒီအဖွဲ့ကပြန်ရောက်၊ ဟိုအဖွဲ့ပြန်လာတောင်မကြာဘူး နောက်တဖွဲ့ကပြန်တောင်းဆိုတော့၊ ရတာကနည်းနည်း ပေးရတာကများများဖြစ်နေတာ၊ မကိုက်ဘူး” ဟု၎င်းအမျိုးသားက ဆက်ဆိုသည်။
နှစ်ဖက်လက်နက်ကိုင်များ နီးနီးကပ်ကပ်ရှိနေခြင်းကြောင့် တိုက်ပွဲ ဖြစ်လာမည်လည်း အလွန်ပင်စိုးရိမ်ကြောင်း ရွာသားတစ်ဦးကပြောသည်။ “ဟိုတစ်ပတ်ကတောင် ရွာထိပ်မှာပြည်သူ့စစ်တွေ (ပူတာအို ဌာနေပြည်သူ့စစ်) နဲ့ ၁၃၇ အဖွဲ့တွေ လူမှားပြီးပစ်ကြတာ၊ ထိခိုက်တာတွေတော့မကြားဘူး" ဟုသူကဆက်ပြောသည်။
ရှိန်ကိုင်ယာန်ကျေးရွာသည် မလိခမြစ်၏ ဘေးတွင်ရှိပြီး အိမ်ထောင်စုဦးရေ ၂၀ကျော်ခန့်ရှိကာ လယ်ယာလုပ်ငန်းနှင့် တောင်ယာလုပ်ငန်းကို အများအားဖြင့် လုပ်ကိုင်ကြသော ကျေးရွာတစ်ရွာဖြစ်သည်။

06/05/2025

ယခုနှစ်မှစ၍ ကန်တော်ယန်ကျေးရွာတွင် ရွှေစတင်တူးဖော်လာခြင်း။

(၆.၅.၂၀၂၅)

ကချင်ပြည်နယ်၊ ဝိုင်းမော်မြို့နယ်၊ ကန်တော်ယန်ကျေး ရွာ၊ မလိယာန်ချောင်းအနီးရှိစိုက်ပျိုး‌မြေတွင် ရွှေတူး‌ဖေါ်လာမှုကြောင့် အနီးဝန်းကျင်ရှိ‌ ဒေသခံများ၏စိုက်ပျိူး‌မြေများမှာ မရောင်းချင်သော် လည်း ထိခိုက်ပျက်စီးသွားမည်သာဖြစ်သဖြင့် ရောင်းပေးလိုက်ရသည်ဟု ဒေသခံအမျိုးသမီးတစ်ဦးထံမှသိရသည်။

ရွှေတူး‌ဖေါ်မှုလုပ်ငန်းများ‌ ကြောင့် စစ်ဘေးတိမ်းရှောင်စခန်းများမှ နေရပ်ပြန်လာသော ကျေးရွာသားများအ‌နေဖြင့် စိုက်ပျိုးခင်းများလုပ်ကိုင်ရာတွင် ချောင်းရေများညစ် ညမ်း ခမ်းခြောက်ခြင်းများကို ကြုံတွေ့ရပြီး ရေရှည်နေထိုင်လုပ်ကိုင်စားသောက်ရန် ခက်ခဲသည်ဟု ၎င်းမှဆက်ပြောသည်။

ကန်တော်ယာန်ကျေးရွာတွင် ရှေ့ယခင်က ရွှေတူးဖေါ်မှုကို မလုပ်ခဲ့ဖူးသေးဘဲ ယခု ၂၀၂၅ခုနှစ်တွင်သာ စတင်တူးဖေါ်လာခြင်းဖြစ်ကြောင်း သိရသည်။

17/04/2025

မလန်းယန်ကျေးရွာ မလိချောင်းအနီးတွင် ရွှေတူးဖော်နေခြင်း

၁၇.၄.၂၀၂၅

ဝိုင်းမော်မြို့နယ် မလန်ယန်ကျေးရွာနယ်နမိတ်ဖြစ်သော မလိချောင်းနားမှာ ၂၀၂၄ ကနေ ချောင်းနားရွှေတူးဖော်မှု့ပြန်လည်ပြုလုပ်နေတယ်လို့ရွာသားများကပြောသည်။
စစ်ရှောင်ကတည်းက နှစ်အ‌တော်ကြာ‌မလန်းယန်ကျေးရွာတွင် ရွှေတူးဖော်မှု့ကိုရွာသားများနှင့်ကျေးရွာလူကြီးများက ကန့်ကွက်ကြပြီး ရွာသားများရဲ့ခြံ၊မြေများကိုမရောင်းစားဖို့ ရွာလူကြီးများကဆောင်ရွက်ခဲ့ကြသည်ဟုပြောပါသည်။ ဒါပေမယ့်ယခုကျေးရွာကို ပြန်လည်တည်ဆောက်ဖို့ ရွာသူရွာသားများ နေရပ်ပြန်ချိန်တွေ ရွာပြန်လည်တည်ဆောက်ဖို့ထောက်ပံ့မှု့များလိုအပ်လို့kiaအစိုးရကလည်း လုံလောက်စွာမပံ့ပိုးနိုင်သောကြောင့်ရွှေတူးဖို့ ခွင့်ပြုမိန့် ပေးပြီးကျေးရွာတွေလိုအပ်သော အရာများပြုလုပ်ပံ့ပိုးမှု့များပြုလုပ်ရန် ရွှေတူးဖော်မှု့ပြုလုပ်လာတာဖြစ်တယ်လို့ဒေသခံများကပြောသည်။
ရွှေလုပ်ငန်းပိုင်ရှင်မှာလည်း အရင်ကလဲဒီရွာမှာရွှေတူးလေ့ရှိသော လုပ်ငန်းပိုင်ရှင်အသိကိုဘဲအကူအညီ‌တောင်း၍ လုပ်ပိုင်ခွင့်လဲသူဘဲရတာဖြစ်တယ်လို့ပြောသည်။
လုပ်ငန်းပိုင်ရှင်က ရွားသားများရဲ့မြေကိုဝယ်ယူပြီး အစိုးရနဲ့ညှီ့နှိုင်းကာ ကျေးရွာအတွက်လမ်းတံတားဆောက်လုပ်ပေးနေတယ်လို့ပြောပါသည်။ဒါပေမယ့်ချောင်းနားကခြံ၊မြေကအရင်နှစ်ထက် ပိုပိုတိုက်စားလာမှာကိုလည်း ဒေသခံများက စိုးရိမ် နေကြသည်။

28/03/2025

မလန်ယန်ကျေးရွာတွင်ရွှေတူးဖော်မှုကိုပိုမိုတူးဖော်လာခြင်း

မတ်လ ၂၈၊ ၂၀၂၅။

ကချင်ပြည်နယ်၊ ဝိုင်းမော်မြို့နယ်၊ မလန်ယန်ကျေးရွာရွှေတူးဖော်မှုကိုအရင်စစ်‌ကောင်စီလက်ထက်တွင်ရွာသားများမှတားဆီးထားသော‌မြေနေရာကိုပြန်လည်ထူထောင်ရေး အစီအစဉ်ဖြင့် ကေအိုင်အေမှ ရွှေတူးလောပန်းများကို အခွန်ဆောင်ခိုင်းပြီတူးဖော်ခွင့်ပြုခဲ့သည်ဟုဒေသခံတစ်ဦးမှသိရသည်။

27/03/2025

မြစ်ဆုံစီမံကိန်းဧရိယာအတွင်းရွှေတူးဖော်နေခြင်း

မတ်လ ၂၇၊ ၂၀၂၅။

ကချင်ပြည်နယ်မြစ်ကြီးနားမြို့နဲ့ဝိုင်းမော်မြို့အကြားရှိဧရာဝတီမြစ်-မြစ်ဆုံစီမံကိန်းအတွင်း စက်ယန္တရား များစွာဖြင့်ရွှေတူးဖော်လျက်ရှိသည်ဟုစီမံကိန်းအနီးတဝိုက်ရွာဒေသခံမှသိရသည်။

စီမံကိန်းအတွင်း‌ဒေသခံပြည်သူများဝင်လို့မရပေမယ့် ရွှေတူးသမားများသက်ဆိုင်ရာ အာဏာပိုင်များ သို့အခွန်ပေးပြီးရေငုတ်ကျင်း၊ဘက်ဟိုး၊ဗြုန်းဆိုင်းစသည့်စက်မျိုးစုံဖြင့်နေ့မနားညမနားရွှေတူးဖော်နေကြသည်ဟု၎င်းမှဆက်ပြောပြသည်။

22/03/2025

မာမဲ့ရှီးဒီးကျေးရွာတွင် စက်ယန္တရားမျိုးစုံဖြင့် ရွှေအလွန်အကျွံတူးဖော်မှုများရှိ

မတ်လ ၂၂ ၊ ၂၀၂၅။

ကချင်ပြည်နယ်၊ ပူတာအိုမြို့နယ်ရှိ မာမဲ့ရှီးဒီးကျေးရွာ တွင်၂၀၂၁ခုနှစ်မှစပြီး စက်ယန္တရားဗြုန်းဆိုင်း၊ ဘက်ဟိုဆိုင်းများဖြင့်ရွှေအလွန်အကျွံတူးဖော်မှုများ ရှိကြောင်း ကိုဒေသခံတစ်ဦးမှသိရသည်။

ရွှေတူးဖော်ရန် ကျေးရွာအုပ်ချုပ်ရေးအဖွဲ့နှင့် ညှိနှိုင်းတူးဖော်ခြင်းဖြစ်ပြီး တူးဖော်မည့်‌နေရာများအား ကျေးရွာဒေသခံများမှ ဝယ်ယူကာ တူးဖော်ကြခြင်းဖြစ်တယ်ဟု၎င်းမှဆက်ပြောပြသည်။

22/03/2025

ခရန်ခူးချောင်းအထက်ပိုင်းတွင် စက်ယန္တရားကြီးများဖြင့်ရွှေတူးဖော်နေခြင်း

မတ်လ ၂၂ ၊ ၂၀၂၅။

ကချင်ပြည်နယ်၊ဆွမ်ပရာဘွမ်မြို့အတွင်းရှိခရန်ခူးချောင်းအထက်ပိုင်းတွင်စက်ကြီးများဘက်ဟိုး၊ဗြုန်းဆိုင်းများစွာဖြင့်ရွှေတူးဖော်နေပြီးဆက်လက်တူး‌ဖေါ်ရန်‌နေရာရှင်းလင်းစက်များအဆင်သင့်ပြင်ဆင်ထားသည်ဟုဒေသခံတစ်ဦးမှသိရသည်

22/03/2025

ပူတာအိုမြို့နယ် ဖတ်မာကျေးရွာတွင် ရွှေတူးဖော်ရန် လုပ်ငန်းရှင်များ ပြင်ဆင်နေကြကြောင်း သိရှိရ

မတ်လ ၂၂ ၊ ၂၀၂၅။

ကချင်ပြည်နယ်၊ ပူတာအိုမြို့နယ်ရှိ ဖတ်မာကျေးရွာတွင် ရွှေတူးဖော်ရန် လုပ်ငန်းရှင်များ ပြင်ဆင်နေ ကြောင်း ဒေသခံများနှင့် ရွှေလုပ်ငန်းရှင်တချို့မှ သိရှိရသည်။

မချမ်းဘော့မြို့နယ်ရှိ နမ်ခမ်ကျေးရွာနှင့် နမ်ဆဘွမ်ကျေးရွာ၌ ရွှေတူးဖော်ရာတွင် ဒေသခံတချို့၏ ကန့်ကွက်မှုများ၊ အခွန်အခများပြားမှုများနှင့် အစိုးရဌာနများ၏ ဖိအားပေးမှုများကြောင့် ပူတာအိုမြို့နယ်ရှိ ဖတ်မာကျေးရွာသို့ ရွေ့ပြောင်းတူးဖော်ရန် ပြင်ဆင်နေကြကြောင်းသိရှိရသည်။

“အခုက ရွှေတူးဖော်မဲ့လုပ်ကွက်တွေဝယ်၊ စာရွက်စာတမ်းတွေလုပ်နေကြတာ၊ လုပ်ငန်းရှင်တော်တော်များများ ဒီဖက်မှာတူးဖို့ လုပ်ကြတယ်၊ မကျောဝါ ဖက်မှာလည်း တူးဖို့တော့ ပြင်ဆင်ကြတယ်” ဟု ရွှေလုပ်ငန်းရှင်တစ်ဦးက ပြောသည်။

ဖတ်မာကျေးရွာသည် လွန်ခဲ့သော ၂၀၂၁ ခုနှစ်မှ စ၍ ရွှေတူးဖော်မှုများ ပြုလုပ်ခဲ့ပြီး ၂၀၂၃ ခုနှစ် ဒေသခံများ၏ ကန့်ကွက်မှုများကြောင့် ခေတ္တရပ်နားထားသော ကျေးရွာတစ်ရွာလည်းဖြစ်သည်။

Kachin State Public Voice News - KSPVN

05/06/2025

31/05/2025

27/05/2025

13/05/2025

07/05/2025

06/05/2025

17/04/2025

28/03/2025

27/03/2025

22/03/2025

22/03/2025

22/03/2025

Address

Website

Alerts

Contact The Business

Shortcuts

Share

Category