Burmese Echo Media

Burmese Echo Media Your Gateway to Wonders

"TikTok ၏ ပိုမိုဘေးကင်းသော ဒစ်ဂျစ်တယ် အတွေ့အကြုံအတွက် ဆယ်ကျော်သက်များနှင့် မိဘများကို အသိပညာမြှင့်တင်ပေးခြင်းနှင့် မိသား...
02/07/2025

"TikTok ၏ ပိုမိုဘေးကင်းသော ဒစ်ဂျစ်တယ် အတွေ့အကြုံအတွက် ဆယ်ကျော်သက်များနှင့် မိဘများကို အသိပညာမြှင့်တင်ပေးခြင်းနှင့် မိသားစုဘေးကင်းရေးလုပ်ဆောင်ချက်များ"
၁၊ ဇူလိုင်၊ ၂၀၂၅၊ ရန်ကုန် ။ ။ TikTok သည် အသုံးပြုသူအားလုံး အထူးသဖြင့် ဆယ်ကျော်သက်များအတွက် လုံခြုံပြီး ဖန်တီးနိုင်စွမ်းကောင်းကောင်းနှင့် အားလုံးပါ၀င်နိုင်သည့် အသိုက်အဝန်းတစ်ခု တည်ဆောက်ရန် ကတိပြုထားပါသည်။ ဒစ်ဂျစ်တယ်ပလပ်ဖောင်းများသည် လူငယ်များ၏ နေထိုင်မှုဘ၀တွင် အရေးပါလာသည့်အလျောက် လုံခြုံစိတ်ချရသည့် ပတ်၀န်းကျင်တစ်ခုဖြစ်နေစေရန် အထူးအရေးကြီးသည်။ ထို့ကြောင့် TikTok က လူငယ်များ၏ လုံခြုံရေးကို ထောက်ပံ့ပေးရန်အတွက် ကမ္ဘာလုံးဆိုင်ရာ ကြိုးပမ်းမှုများကို App အတွင်းရှိ အကာအကွယ်များ၊ တက်ကြွသော မူဝါဒများနှင့် Feature များမှ တစ်ဆင့် တိုးမြှင့်လုပ်ဆောင်ကာ ဒစ်ဂျစ်တယ်အသုံးပြုမှုအလေ့အထများ ကောင်းမွန်လာအောင် အားပေးကြိုးပမ်းလျက်ရှိပါသည်။ ယခုဆောင်းပါးတွင် TikTok က လူငယ်များနှင့် အုပ်ထိန်းသူများအတူတကွ လုံခြုံသည့် အွန်လိုင်းအသုံးပြုမှုကိုရရှိနိုင်အောင် ဖန်တီးပေးထားသည့် လုံခြုံရေးဆိုင်ရာ Tool များအကြောင်း အဓိက ဖော်ပြသွားမည်ဖြစ်ပါသည်။
အကောင့်ဆက်တင်များ (Account Settings)
ဆယ်ကျော်သက်များ၏ အွန်လိုင်းတည်ရှိမှုကို ကူညီပံ့ပိုးပေးရန်အတွက် ကိုယ်ရေးကိုယ်တာနှင့် အကောင့်စီမံခန့်ခွဲမှု ဆက်တင်များစွာကို TikTok က ဖန်တီးပေးထားပါသည်။ အသက် ၁၆ နှစ်အောက် အသုံးပြုသူများအတွက် အကောင့်များကို သီးသန့်အကောင့်အဖြစ် အလိုအလျောက် သတ်မှတ်ထားပြီး Follow လုပ်ရန်တောင်းဆိုမှုများကို ထိန်းချုပ်ခွင့်ပြုထားပါသည်။ ၎င်းတို့၏ အကြောင်းအရာဗီဒီယိုများကို ကြည့်ခွင့်ရှိသူ၊ မက်ဆေ့ချ်ပို့နိုင်သူနှင့် မှတ်ချက်ပေးနိုင်သူများကိုလည်း ထိန်းချုပ်နိုင်ပါသည်။ ထို့အပြင် ဆက်တင်များနှင့် ကိုယ်ရေးလုံခြုံမှုရှိ သင်၏ ဒေတာကို ဒေါင်းလုဒ်ရန်ရွေးချယ်မှုမှ တစ်ဆင့် ပရိုဖိုင်များနှင့် လုပ်ဆောင်ချက်အပါအဝင် ၎င်းတို့၏ ဒေတာမိတ္တူကို TikTok ထံမှ တောင်းဆိုနိုင်ပါသည်။
မိသားစုများအတွက် အဓိကကျသော Tool တစ်ခုဖြစ်သည့် မိသားစုချိတ်ဆက်ခြင်း (Family Pairing) လုပ်ဆောင်ချက်ဖြင့် မိဘအုပ်ထိန်းသူများသည် ၎င်းတို့အကောင့်နှင့် ဆယ်ကျော်သက်တို့၏ အကောင့်များကို ချိတ်ဆက်နိုင်ပါသည်။ အဆိုပါလုပ်ဆောင်ချက်တွင် နေ့စဉ်ဖုန်းသုံးချိန်၊ ရှာဖွေသည့် Video Keywords စကားလုံးများကို စစ်ထုတ်ခြင်းနှင့် ကန့်သတ်မုဒ်၊ တိုက်ရိုက်မက်ဆေ့ချ်များ အပါအဝင် ထိန်းချုပ်မှုများစွာကိုလုပ်ဆောင်နိုင်ပါသည်။ အဆိုပါ လုပ်ဆောင်ချက်များမှ တစ်ဆင့် အုပ်ထိန်းသူများနှင့် ဆယ်ကျော်သက်များကြား လုံခြုံပြီး တာ၀န်ယူတတ်သည့် အွန်လိုင်းအပြုအမူကို အတူတကွလုပ်ဆောင်နိုင်ရန် လမ်းကြောင်းဖွင့် အားပေးထားပါသည်။
အသိုင်းအဝိုင်းထိန်းချုပ်မှု
ပိုမိုလုံခြုံစေရန်အတွက် TikTok သည် အသုံးပြုသူများ၏ လူမှုဆက်ဆံရေးဆိုင်ရာ အသေးစိတ်ထိန်းချုပ်မှုများ ပြုလုပ်နိုင်ရန် ခွင့်ပြုထားပါသည်။ ဆယ်ကျော်သက်များအနေဖြင့် မိမိတို့၏ ဗီဒီယိုများကို ကြည့်ရှုနိုင်မည့်သူကို မိမိ သို့မဟုတ် သူငယ်ချင်းများ၊ Follow လုပ်ထားသူများစသဖြင့် စိတ်ကြိုက်ရွေးချယ်နိုင်ပါသည်။ တိုက်ရိုက်မက်ဆေ့ချ်များကိုလည်း လူတိုင်း၊ မိတ်ဆွေများ သို့မဟုတ် မည်သူမျှပေးပို့၍မရ စသဖြင့်ရွေးချယ်နိုင်ပါသည်။ မှတ်ချက်ထိန်းချုပ်မှုများတွင်လည်း ၎င်းတို့၏ ဗီဒီယိုများတွင် မှတ်ချက်ပေးနိုင်သူအဖြစ် မိတ်ဆွေ၊ လူတိုင်း သို့မဟုတ် မည်သူမျှမှတ်ချက်မပေးနိုင် စသဖြင့်ရွေးချယ်နိုင်ပါသည်။ ထို့အပြင် အသုံးပြုသူများသည် မှတ်ချက်စစ်ထုတ်မှုကို အသုံးပြုပြီး ရိုင်းစိုင်းသော မှတ်ချက်များကို အလိုအလျောက် ဖျောက်ရန် သို့မဟုတ် ရှာဖွေသည့် Video Keywords စကားလုံးများကို စိတ်ကြိုက်စစ်ထုတ်မှုများ ပြုလုပ်နိုင်ပါသည်။အသိုင်းအဝိုင်းလမ်းညွှန်ချက်များကို ချိုးဖောက်သော မှတ်ချက်များနှင့် ဗီဒီယိုများကို Report လုပ်ရန်၊ အသုံးပြုသူကို Block လုပ်ရန်၊ Follow လုပ်ထားသူများကို ဖယ်ရှားရန်စသဖြင့် အပြည့်အဝထိန်းချုပ်နိုင်မည့် လုပ်ဆောင်ချက်များပါရှိသည်။
Duets နှင့် Stitches ကဲ့သို့သော ပူးပေါင်းလုပ်ဆောင်နိုင်သော လုပ်ဆောင်ချက်များကိုလည်း စီမံခန့်ခွဲနိုင်ပြီး မည်သူက ၎င်းတို့အကြောင်းအရာနှင့် အပြန်အလှန်တုံ့ပြန်မှုများကို လုပ်ဆောင်နိုင်သည်ကို ဆုံးဖြတ်နိုင်ပါသည်။ ဤကဲ့သို့ ပြည့်စုံသော ထိန်းချုပ်မှုများသည် ဆယ်ကျော်သက်များအတွက် ၎င်းတို့၏ အွန်လိုင်းနယ်ပယ်အတွင်းကို ထိန်းချုပ်ထားရင်း လွတ်လပ်စွာ ထိတွေ့ဆက်ဆံခွင့်ကို ပေးပါသည်။
အကြောင်းအရာထိန်းချုပ်မှု
TikTok သည် ဆယ်ကျော်သက်များကို ၎င်းတို့၏ အတွေ့အကြုံကို စိတ်ကြိုက်ပြင်ဆင်စေပြီး မသင့်လျော်သော အကြောင်းအရာများကို ရှောင်ရှားနိုင်အောင် ပံ့ပိုးပေးထားပါသည်။ ဗီဒီယိုတစ်ခုက မိမိတို့အကြိုက်နှင့် ကိုက်ညီမှု မရှိပါက အသုံးပြုသူများသည် ဗီဒီယိုကို ဖိပြီး ပေါ်လာသည့် "စိတ်မ၀င်စားပါ" ကို ရွေးချယ်ခြင်းဖြင့် For You feed သည် သုံးစွဲသူများ၏ စိတ်ဝင်စားမှုများနှင့် လိုက်လျောညီထွေဖြစ်နေမည်ဖြစ်ပါသည်။ TikTok ၏ လမ်းညွှန်ချက်များကို ချိုးဖောက်နိုင်သည့် အကြောင်းအရာကို တွေ့ရှိပါက App အတွင်း တိုက်ရိုက် Report လုပ်နိုင်ပါသည်။ ကန့်သတ်မုဒ် (Restricted Mode) သည် အသုံးပြုသူအားလုံးအတွက် သင့်တော်မှု မရှိသော အကြောင်းအရာများကို ကန့်သတ်ရာတွင် ပိုမိုကျယ်ပြန့်စွာစိစစ်နိုင်ကန့်သတ်နိုင်အောင် လုပ်ဆောင်ပေးပါသည်။
ဖုန်းသုံးချိန် လုပ်ဆောင်ချက်သည် ဒစ်ဂျစ်တယ်ကျန်းမာရေးကို မြှင့်တင်ရန် အထောက်အကူဖြစ်စေပြီး TikTok အသုံးပြုမှုအတွက် နေ့စဉ်အချိန်ကန့်သတ်ချက်များ သတ်မှတ်နိုင်ပါသည်။ ကန့်သတ်ချက်ပြည့်သွားသည်နှင့် App ကို ဆက်လက်အသုံးပြုရန် လျှို့ဝှက်ကုဒ်ထည့်သွင်းရမည်ဖြစ်ပြီး ထိုသို့လုပ်ဆောင်ခြင်းဖြင့် လူငယ်အသုံးပြုသူများကြား ကျန်းမာသန်စွမ်းသော ဒစ်ဂျစ်တယ်အလေ့အထကို အားပေးလုပ်ဆောင်လျက်ရှိပါသည်။
TikTok သည် မြန်မာနိုင်ငံအပါအ၀င် တစ်ကမ္ဘာလုံးရှိ ဆယ်ကျော်သက်များနှင့် မိသားစုများကို ဒစ်ဂျစ်တယ်ကမ္ဘာတွင် ဘေးကင်းစွာ အသုံးပြုနိုင်အောင် ကူညီပေးရန် ကတိပြုထားပါသည်။ မိသားစုချိတ်ဆက်ခြင်း၊ ကန့်သတ်မုဒ် နှင့် ဖုန်းသုံးချိန် လုပ်ဆောင်ချက်ကဲ့သို့သော လုပ်ဆောင်ချက်များဖြင့် မိသားစုများသည် လုံခြုံသောအွန်လိုင်းအတွေ့အကြုံကိုပုံဖော်ရာတွင် တက်ကြွစွာပါဝင်ဆောင်ရွက်နိုင်ပါသည်။

စွမ်းအားမြင့် 6500 mAh BlueVolt Battery နည်းပညာပါဝင်သည့် vivo Y29 ကို 6GB+128GB ဗားရှင်းအသစ်ကို ပိုမိုသက်သာသောဈေးနှုန်း ...
29/06/2025

စွမ်းအားမြင့် 6500 mAh BlueVolt Battery နည်းပညာပါဝင်သည့် vivo Y29 ကို 6GB+128GB ဗားရှင်းအသစ်ကို ပိုမိုသက်သာသောဈေးနှုန်း ၇၂၉,၈၀၀ ကျပ်ဖြင့် ဝယ်ယူနိုင်ပါပြီ

မြန်မာ၊ရန်ကုန်၊ဇွန်လ(၁၇)ရက်၊ ၂၀၂၅။ ။ vivo ၏ နောက်ဆုံးပေါ် Y စီးရီးတစ်ခုဖြစ်သည့် vivo Y29 သည် စတိုင်ကျလှပသောဒီဇိုင်း၊ အကြမ်းခံနိုင်ရည်နှင့် ကြာရှည်ခံနိုင်သော စွမ်းအားမြင့်ဘက်ထရီတို့ပါဝင်သောကြောင့် ဈေးကွက်ထဲတွင် ရေပန်းစားလူကြိုက်များနေသော ဖုန်းတစ်ခုအဖြစ်ရပ်တည်နေတာပဲ ဖြစ်ပါသည်။သုံးစွဲသူများ အဆင်ပြေစေရန်ရည်ရွယ်၍ vivo Y29 ၏ ပိုမိုသက်သာသော ဈေးနှူန်းဖြင့် Ram6GB+128GB ဗားရှင်းကို ထပ်မံမိတ်ဆက်လိုက်ပါသည်။ vivo Y29 သည် ၆.၆၈လက်မ မျက်နှာပြင်ရှိပြီး 120Hz refresh rate ပါဝင်သော ကြောင့် နေ့ရက်တိုင်းကို လွယ်လွယ်ကူကူချောချောမွေ့မွေ့ဖြင့်သုံးစွဲနိုင်မည်ဖြစ်သည်။ SCHOTT Cover Glass ကိုတပ်ဆင်ထားသောကြောင့် ဖုန်းမျက်နှာပြင်သည် နေ့စဉ်ဘဝတွင်ဖြစ်လေ့ရှိသော မတော်တဆများမှ ထိခိုက်မှုများကို ခံနိုင်ရည်ရှိသည်။ ထို့အပြင် Anti-Drop Armor Design ဖြင့်လုပ်ဆောင်ထားပြီး SGS Five-Star Drop Resistance နှင့် Military-Grade certification ရရှိထားသည်။ IP64 Dust and Water Resistance ပါဝင်သောကြောင့် နေ့စဉ်ကြုံတွေ့နေရတဲ့ မတော်တဆဖြစ်လေ့ဖြစ်ထရှိသည့် ရေစင်ဒဏ်၊ဖုန်ဒဏ်တို့ကို ကာကွယ်ပေးနိုင်သည်။Y series၏ ပထမဦးဆုံးအနေဖြင့် vivo Y29 တွင် 6500mAh ဘတ်ထရီပါဝင်လာပြီး BlueVolt နည်းပညာကိုပါ ပေါင်းစပ်ထားသောကြောင့် YouTube ကြည့်လျှင် နာရီ ၄၀ ကျော် နှင့် TikTok သုံးလျှင် ၁၉နာရီအထက် သုံးစွဲနိုင်မည်ဖြစ်သည်။ အမြန်အားသွင်းစနစ်အနေဖြင့် 44W FlashCharge စနစ်ပါဝင်ပြီး အား၅၀ရာခိုင်နှုန်းပြည့်ရန် ၄၁မိနစ်သာကြာမြင့် မည် ဖြစ်ပြီး ၁၀၀ ရာခိုင်နှုန်းပြည့်ရန် ၉၂မိနစ်သာ ကြာမြင့်မည် ဖြစ်သည်။ ထို့အပြင် ဘတ်ထရီ သည် ၅နှစ်ကြာသည့်တိုင်အောင် ဘတ်ထရီအရည်အသွေးကို ထိန်းသိမ်းထား နိုင်မည်ဖြစ်ပြီး အကြိမ် ၁၅၀၀ အားသွင်းပြီးလျှင်တောင် ဘတ်ထရီကို ၈၀ရာခိုင်နှုန်းအထိ ရှိနေအောင်လုပ်ဆောင် ပေးနိုင်မည်။ လုပ်ဆောင်ချက်ချောမွေ့စေရန် Snapdragon 685 ကို တပ်ဆင်ထားပြီး အက်ပလီကေးရှင်းများစွာ တစ်ပြိုင်နက်တည်း သုံးစွဲနိုင်သည့်အပြင် စွမ်းဆောင်ရည်ကိုလည်း လ ၅၀ ကြာ ချောမွေ့သော သုံးစွဲမှု အတွေ့အကြုံကို ပေးစွမ်းနိုင်မည်ဖြစ်သည်။ အသံလုပ်ဆောင်ချက်တွင်လည်း Dual Stereo Speaker 400% ပေါင်းစပ်ထားသောကြောင့် သာလွန်သော အသံစွမ်းရည်ကို ဂိမ်းကစားခြင်း၊ လမ်းညွှန်ခြင်း၊ သီချင်းနားထောင် ခြင်းနှင့် ရုပ်ရှင်ကြည့်ခြင်းများမှတဆင့် ခံစားနိုင်မည် ဖြစ်သည်။ နေ့စဉ်ဘဝရဲ့ အမှတ်တရ အခိုက်အတန့်တွေကို သိမ်းဆည်းထားနိုင်ဖို့ Y29 သည် အဆင့်မြင့်ပုံရိပ် နည်းပညာစနစ်ဖြင့် 50MP Ultra HD Main Camera၊ 2MP Bokeh Camera နှင့် 8MP Portrait Camera တို့တပ်ဆင်ထားသည်။ ကျောဖက်ရှိစက်ဝိုင်းသဏ္ဌာန် Dynamic Light သည် ဖုန်းအဝင်ခေါ်ဆိုမှုများ၊ Notifications များကို မတူညီသောအရောင်(၅)ရောင်ဖြင့် ဖော်ပြပေးမည် ဖြစ်သည်။vivo Y29 ကို vivo Y29 ကို‌ အရောင်အနေဖြင့် အဆင့်အတန်းမြင့်၍ ထူးခြားခမ်းနားသော အရောင်ဖြစ်သည့် Espresso Brown ကို လက်ရာမထင် သည့် Glitter Anti-Fingerprint Process ဖြင့်ရရှိနိုင်မည် ဖြစ်ပြီး တိမ်တိုက်များ ကြားထဲတွင် နေရောင်ခြည်ဖြာကျ နေသကဲ့သို့ သဘာဝ၏သန့်စင်သော အလှတရား ကိုဖော်ပြသည့် အရောင် Cloud White ဟူ၍ နှစ်မျိုးရရှိနိုင်မည် ဖြစ်သည်။ vivo Y29 ၏ နောက်ဆုံးထွက် ဗားရှင်းအသစ်ဖြစ်သော သိုလှောင်ပမာဏ (6+128GB) ကို ၇၂၉,၈၀၀ ကျပ်ဖြင့် ဇွန်လ (၁၇)ရက်နေ့မှ စတင် ဝယ်ယူနိုင်ပြီဖြစ်ပြီး ကာစတမ်မာများကို မေတ္တာလက်ဆောင်အနေဖြင့် vivo Fan T Shirt ကို ပစ္စည်းလက်ကျန် ရှိသည်အထိ လက်ဆောင်ပေးအပ်သွားမည့်အပြင် ဇွန်လ (၁၇)ရက်နေ့မှ ဇွန်လ (၃၀)ရက်နေ့အထိ Y29 (6+128GB) ဝယ်ယူကြမည့် ကာစတမ်မာများကိုလည်း ငွေသားလက်ဆောင် ၃၀,၀၀၀ ကျပ်အထိ ပြန်လည် ပေးအပ်ပေးသွားမည်ဖြစ်သည်။

MPT က ပိုမိုကောင်းမွန်သော ဝန်ဆောင်မှုပေးအပ်နိုင်ရန်အတွက် ရန်ကုန်တိုင်းဒေသကြီးရှိ မြို့နယ် (၃) မြို့နယ်တွင် ဆက်သွယ်ရေးဝန်...
29/06/2025

MPT က ပိုမိုကောင်းမွန်သော ဝန်ဆောင်မှုပေးအပ်နိုင်ရန်အတွက် ရန်ကုန်တိုင်းဒေသကြီးရှိ မြို့နယ် (၃) မြို့နယ်တွင် ဆက်သွယ်ရေးဝန်ဆောင်မှုများအား အဆင့်မြှင့်တင်ဆောင်ရွက်သွားမည်

(ရန်ကုန်၊ ၂၀၂၅ ခုနှစ်၊ ဇွန်လ ၂၇ ရက်) – မြန်မာ့ဆက်သွယ်ရေးလုပ်ငန်း (MPT) အနေဖြင့် ပိုမိုကောင်းမွန်သည့် အရည်အသွေး နှင့် ခေတ်မီဝန်ဆောင်မှုများကို ပေးနိုင်ရန်အတွက် ရန်ကုန်တိုင်းဒေသကြီးရှိ တိုက်ကြီး၊ လှည်းကူး နှင့် ကော့မှူးမြို့နယ်များတွင် ‌ဖိုင်ဘာအင်တာနက် (FTTH) ၊ ဖိုင်ဘာအင်တာနက် ဖုန်းလိုင်း ဝန်ဆောင်မှု (VoIP)၊ ကြိုးဖုန်းဝန်ဆောင်မှုနှင့် စီးပွားရေးသုံး (B2B) ဝန်ဆောင်မှုများအား ပိုမိုကောင်းမွန်သော ဖန်ကြိုးမျှင်အသုံးပြုတယ်လီဖုန်းစနစ် (OLT) အိတ်ချိန်းများဖြင့် အဆင့်မြှင့်တင် ဆောင်ရွက်သွားမည်ဖြစ်ကြောင်း ယနေ့ထုတ်ပြန်ကြေညာလိုက်ပါသည်။ အဆိုပါ နည်းပညာအဆင့်မြှင့်တင်မှုသည် MPT ၏ ကတိကဝတ်ဖြစ်သည့် သုံးစွဲသူများအား ပိုမိုကောင်းမွန်သော ဝန်ဆောင်မှုအရည်အသွေးပေးအပ်ရန်နှင့် ကွန်ရက်တည်ငြိမ်မှုကို မြှင့်တင်ရန် ဆောင်ရွက်ခြင်း ဖြစ်ပါသည်။

နည်းပညာအဆင့်မြှင့်တင်မှုလုပ်ငန်း ဆောင်ရွက်နေစဉ်ကာလအတွင်း အဆိုပါနေရာများရှိ သုံးစွဲသူများအနေဖြင့် ဆက်သွယ်ရေးဝန်ဆောင်မှုများ ယာယီပြတ်တောက်မှု ကြုံတွေ့နိုင်မည်ဖြစ်ပါသည်။ အဆိုပါ ယာယီပြတ်တောက်မှု သည် အဆင့်မြှင့်တင်မည့် နေရာနှင့် ရက်စွဲပေါ်မူတည်၍ (၁၅) မိနစ် မှ (၂) နာရီခန့်အထိ အချိန်အနည်းငယ်မျှ ကြာမြင့်နိုင်မည် ဖြစ်ပါသည်။ အဆင်မပြေမှုဖြစ်ပေါ်ရသည့်အတွက်လည်း သည်းခံပေးနိုင်ပါရန် လေးစားစွာ မေတ္တာ ရပ်ခံအပ်ပါသည်။ MPT အနေဖြင့် မြန်မာနိုင်ငံတစ်ဝန်းတွင် ပိုမို ခိုင်ခံ့ကောင်းမွန်သော ကွန်ရက်တည်ငြိမ်မှုနှင့် ပိုမိုကောင်းမွန်သည့် ဆက်သွယ်‌ရေးဝန်ဆောင်မှုများ ပေးအပ်နိုင်ရန် ဆက်လက်ဆောင်ရွက်သွားမည် ဖြစ်ပါသည်။

Ultra အဆင့် ထိပ်တန်းလုပ်ဆောင်ချက်တွေနဲ့ Ultra မိုဘိုင်းဖုန်းသုံးစွဲမှု အတွေ့အကြုံကို ဖွင့်ဟပြလာတော့မယ့် Samsung Galaxy U...
25/06/2025

Ultra အဆင့် ထိပ်တန်းလုပ်ဆောင်ချက်တွေနဲ့ Ultra မိုဘိုင်းဖုန်းသုံးစွဲမှု အတွေ့အကြုံကို ဖွင့်ဟပြလာတော့မယ့် Samsung Galaxy Unpacked July 2025

Samsung ရဲ့ အကောင်းမွန်ဆုံးလက်ရာနဲ့ အမြင့်မားဆုံး AI ပေါင်းစပ်မှုတွေပါဝင်လာမယ့် Galaxy Foldable ထုတ်ကုန်အသစ်တွေမိတ်ဆက်ပေးမယ့် Galaxy Unpacked July 2025 ကို ဇူလိုင်လ (၉) ရက်နေ့မှာ ဘရွတ်ကလင်း၊ နယူးယောက်မြို့မှာ ကျင်းပပေးသွားတော့မယ့်အကြောင်း သိရှိရပါတယ်။


နောက်ဆုံးပေါ် Galaxy ဆန်းသစ်တီထွင်မှုတွေနဲ့ Galaxy Unpacked July 2025 ပွဲကြီးရဲ့ ရင်ခုန် စိတ်လှုပ်ရှားစရာ Ultra အခိုက်အတန့်ကို ကိုယ်တိုင်တွေ့ကြုံခံစားရဖို့အတွက်ကိုလည်း ဇူလိုင်လ (၉) ရက်နေ့၊ မြန်မာစံတော်ချိန် ည (၈) နာရီခွဲမှာ Samsung Myanmar page နဲ့ Samsung Myanmar YouTube channel တို့ကနေလည်း တိုက်ရိုက်ထုတ်လွှင့် တင်ဆက်ပေးသွားမှာဖြစ်ပြီး

Galaxy Unpacked LIVE ကို ကြည့်ရှုဖို့အတွက် စာရင်းပေးသွင်းရင်း Galaxy Fit3 (၅) လုံး၊ ပထမဆုံး Flagship ဖုန်းအသစ်ဝယ်ယူသူ အယောက် (၁၀၀၀) အတွက် 45W Original Travel Adapter ပိုင်ဆိုင်ခွင့်တွေကို ကံထူးနိုင်မယ့် အခွင့်အရေးတွေလည်း ရရှိနိုင်မှာဖြစ်ကြောင်း သိရှိရပါတယ်။

MPT က ကမ္ဘာ့သွေးလှူရှင်များများနေ့ အထိမ်းအမှတ်အဖြစ် တိုင်းဒေသကြီးနှင့် ပြည်နယ် (၇) ခုတွင် (၁၆) ကြိမ်မြောက် စုပေါင်းသွေး...
22/06/2025

MPT က ကမ္ဘာ့သွေးလှူရှင်များများနေ့ အထိမ်းအမှတ်အဖြစ် တိုင်းဒေသကြီးနှင့် ပြည်နယ် (၇) ခုတွင် (၁၆) ကြိမ်မြောက် စုပေါင်းသွေးလှူဒါန်းပွဲကို ဆောင်ရွက်

(ရန်ကုန်၊ ၂၀၂၅ ခုနှစ်၊ ဇွန်လ ၂၀ ရက်) – ဇွန်လ (၁၄) ရက်တွင် ကျရောက်သည့် ကမ္ဘာ့သွေးလှူရှင်များနေ့ အထိမ်းအမှတ်အဖြစ် MPT က ပုံမှန်ပြုလုပ်နေကျဖြစ်သည့် သွေးလှူဒါန်းခြင်း လှုပ်ရှားမှုကို ဇွန်လ (၂၀) ရက်တွင် ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကယားပြည်နယ်၊ မွန်ပြည်နယ်၊ ရှမ်းပြည်နယ် (အရှေ့ပိုင်း) နှင့် ရှမ်းပြည်နယ်(မြောက်ပိုင်း)တို့၌ အောင်မြင်စွာ ကျင်းပပြုလုပ်ခဲ့ပါသည်။ အဆိုပါ လှုပ်ရှားမှုသည် MPT ၏ (၁၆) ကြိမ်မြောက် သွေးလှူဒါန်းခြင်း လှုပ်ရှားမှုဖြစ်ပြီး ၂၀၂၅ ခုနှစ်၊ ဇွန်လ (၂၀) ရက်တွင် တိုင်းဒေသကြီးနှင့် ပြည်နယ် (၇)ခုရှိ MPT ဝန်ထမ်းများ နှင့် စေတနာသွေးလှူရှင် စုစုပေါင်း (၂၃၀) ကျော် သွေးလှူဒါန်းခဲ့ကြပါသည်။
ကမ္ဘာ့ကျန်းမာရေးအဖွဲ့ကြီး (WHO) ၏ ဖော်ပြချက်အရ ပထမဆုံးအကြိမ် ကမ္ဘာ့သွေးလှူရှင်များနေ့ကို ၂၀၀၄ ခုနှစ်တွင် စတင်ကျင်းပခဲ့ပြီး ၂၀၀၅ ခုနှစ်တွင် ကျင်းပသော (၅၈) ကြိမ်မြောက် ကမ္ဘာ့ကျန်းမာရေးညီလာခံ၌ အဆိုပါ နေ့ကို နှစ်စဉ်ကျင်းပသော ကမ္ဘာလုံးဆိုင်ရာအခမ်းအနားအဖြစ် တရားဝင် သတ်မှတ်ခဲ့ပါသည်။ သွေးလှူဒါန်းခြင်း၏ အရေးပါပုံကို အသိပညာပေးရန် နှင့် အသက်ပေါင်းများစွာကို ကယ်တင်ခြင်းနှင့် ကျန်းမာရေး ပိုမိုတိုးတက်ကောင်းမွန်ရေးအတွက် စေတနာ့ဝန်ထမ်း သွေးလှူရှင်များ၏ တန်ဖိုးကြီးမားလှသော ပံ့ပိုးကူညီမှုများကို အသိအမှတ်ပြုရန် ရည်ရွယ်ချက်ဖြင့် ယခုအခါ ကမ္ဘာ့သွေးလှူရှင်များနေ့ကို ကမ္ဘာတစ်ဝန်းလုံးတွင် နှစ်စဉ် ဇွန်လ ၁၄ ရက်တိုင်း ကျင်းပလျက်ရှိနေပါသည်။
အဆိုပါ ရည်ရွယ်ချက်နှင့်အညီ MPT သည် မြန်မာပြည်သူ ပြည်သားများ၏ အသက်များကို ကယ်တင်ရန်နှင့် ကျန်းမာရေးကို မြှင့်တင်ပေးနိုင်ရန်အတွက် ယခုကဲ့သို့ မွန်မြတ်သော သွေးလှူဒါန်းခြင်းလှုပ်ရှားမှုကို MPT ဝန်ထမ်းများနှင့် စေတနာသွေးလှူရှင်များ ပါဝင်မှုဖြင့် ၂၀၁၇ ခုနှစ်မှစတင်ကာ (၄) လတစ်ကြိမ် ဆောင်ရွက်လျက် ရှိပါသည်။
MPT-KSGM Joint Operations ၏ လုပ်ငန်းလည်ပတ်ရေးဌာနကြီးမှ Mr. Naoki SHIMANE က “MPT ရဲ့ စုပေါင်းသွေးလှူဒါန်းခြင်းလှုပ်ရှားမှုဟာ အရေးပေါ် သွေးသွင်းဖို့ လိုအပ်နေသူတွေအတွက် တကယ့်ကို အကျိုးရှိစေပြီး လူမှုအသိုက်အဝန်းကို အထောက်အပံ့ဖြစ်စေတဲ့ မွန်မြတ်တဲ့ အစီအစဉ်တစ်ခု ဖြစ်ပါတယ်။ ကျွန်တော်တို့ ဝန်ထမ်းတွေနဲ့ စေတနာသွေးလှူရှင်တွေ ပူးပေါင်းပါဝင်မှုနဲ့အတူ ဒီလိုမွန်မြတ်တဲ့ သွေးလှူဒါန်းခြင်းလှုပ်ရှားမှုကို စဉ်ဆက်မပြတ် ဆောင်ရွက်လာခဲ့တာ အခုဆိုရင် (၁၆) ကြိမ်ကို ရောက်ရှိလာပြီ ဖြစ်ပါတယ်။ ကျွန်တော်တို့အနေနဲ့ ဒီနေ့အထိ နိုင်ငံတစ်ဝန်းက ဆေးရုံတွေနဲ့ အမျိုးသားသွေးဌာနတွေကို သွေးအိတ်ပေါင်း (၉,၂၀၀) ကျော်ကို လှူဒါန်းခဲ့ပြီး ဖြစ်ပါတယ်။ ဒီနေ့ဆောင်ရွက်တဲ့ စုပေါင်းသွေးလှူဒါန်းခြင်း လှုပ်ရှားမှုမှာ ပါဝင်လှူဒါန်းခဲ့ကြတဲ့ တိုင်းဒေသကြီးနဲ့ ပြည်နယ် အသီးသီးက ဝန်ထမ်းတွေ စေတနာသွေးလှူရှင် တွေအားလုံးကို ကျေးဇူးအထူးတင်ရှိပါတယ်။ မိမိတို့ရဲ့ ကိုယ်ကျိုးမဖက်ဘဲ အခုလို လိုအပ်တဲ့ သွေးလှူဒါန်း ပံ့ပိုးပေးခဲ့မှုတွေဟာ တခြားသူတွေရဲ့ ကျန်းမာရေးပိုမိုတိုးတက်ကောင်းမွန်ဖို့အတွက် တကယ့်ကို အရေးပါပြီး တန်ဖိုးမဖြတ်နိုင်တဲ့ အရာတွေပဲ ဖြစ်ပါတယ်” ဟု ပြောကြားခဲ့ပါသည်။
MPT သည် “အတူလက်တွဲအမြဲရှိမည် MPT” ဟူသည့် ဆောင်ပုဒ်နှင့်အညီ ကျန်းမာရေး၊ ပညာရေးနှင့် စွန့်ဦးတီထွင် စီးပွားရေးလုပ်ငန်းငယ်များ အပါအဝင် ကဏ္ဍအသီးသီးတွင် လူမှုအကျိုးပြုလုပ်ငန်းများကို တက်ကြွစွာ ဆောင်ရွက်လျက်ရှိပါသည်။ MPT သည် နိုင်ငံတစ်ဝန်း စုပေါင်းသွေးလှူဒါန်းခြင်းနှင့် စုပေါင်းသစ်ပင်စိုက်ပျိုးခြင်း လှုပ်ရှားမှုများအပါအဝင် အမျိုးမျိုးသော လှုမှုအကျိုးပြုလုပ်ငန်းဆောင်ရွက်မှုများစွာတွင် ထဲထဲဝင်ဝင် ပါဝင်လျက်ရှိပြီး လူမှုအသိုက်အဝန်းအား ကူညီပံ့ပိုးပေးမှုအပေါ် ခိုင်မာသော ကတိကဝတ်ကို ပြသလျက်ရှိသည်။
သွေးလှူဒါန်း၍ လူအများ၏အသက်ကို မည်သို့ကယ်တင်နိုင်မည်ကို ပိုမိုလေ့လာနိုင်ရန် https://www.donatebloodmyanmar.org/ တွင် ဝင်ရောက်လေ့လာနိုင်ပါသည်။ MPT ၏ လူမှုအကျိုးပြုလုပ်ငန်း များနှင့် ပတ်သက်၍ http://mpt.com.mm/mm/about-home/csr-activities-mm/ တွင် ဝင်ရောက်ကြည့်ရှုနိုင်ပါသည်။

တိုင်းဒေသကြီးနှင့် ပြည်နယ် (၇) ခုတို့တွင် မြန်မာ့ဆက်သွယ်ရေးလုပ်ငန်းမှ ကြေးနန်းကြိုးမျှင်ကွန်ရက်စနစ် (Copper Cable)အားဖို...
20/06/2025

တိုင်းဒေသကြီးနှင့် ပြည်နယ် (၇) ခုတို့တွင် မြန်မာ့ဆက်သွယ်ရေးလုပ်ငန်းမှ ကြေးနန်းကြိုးမျှင်ကွန်ရက်စနစ် (Copper Cable)အားဖိုင်ဘာကေဘယ်လ်စနစ် (FTTH) ဖြင့်အစားထိုး၍ အဆင့်မြှင့်တင်ခြင်းလုပ်ငန်းများဆောင်ရွက်ပြီးစီးခဲ့ပြီးဖြစ်

(ရန်ကုန်၊ ၂၀၂၅ ခုနှစ်၊ ဇွန်လ ၁၉ ရက်) – MPT သည် အဓိက ပြည်နယ် နှင့် တိုင်းဒေသကြီး (၇) ခုဖြစ်သည့် ရန်ကုန်တိုင်းဒေသကြီး၊ ပဲခူးတိုင်းဒေသကြီး (အရှေ့ပိုင်း)၊ မကွေးတိုင်းဒေသကြီး၊ မန္တလေးတိုင်းဒေသကြီး၊ တနင်္သာရီတိုင်းဒေသကြီး၊ မွန်ပြည်နယ် နှင့် ရှမ်းပြည်နယ် (တောင်ပိုင်း) တို့တွင် ၎င်း၏ မြန်နှုန်းမြင့် ဖိုင်ဘာကေဘယ်လ်စနစ် (FTTH) အဆင့်မြှင့်တင်မှုများကို အောင်မြင်စွာ ဆောင်ရွက်ပြီးဖြစ်ကြောင်း ထုတ်ပြန်ကြေညာလိုက်ပါသည်။

MPT သည် ၂၀၁၆ ခုနှစ်တွင် FTTH ဝန်ဆောင်မှုများကို စတင်ပေးအပ်ခဲ့ပြီး ၂၀၂၂ ခုနှစ်၊ ဩဂုတ်လမှစ၍ ၎င်း၏ လက်ရှိအသုံးပြုနေသည့် ကြေးနန်းကြိုးမျှင်ကွန်ရက်စနစ်အစား မြန်နှုန်းမြင့် ဖိုင်ဘာကွန်ရက်စနစ်ဖြင့် အစားထိုး၍ ပိုမိုကောင်းမွန်သော ဝန်ဆောင်မှုများပေးအပ်နိုင်ရန် ကြိုးစားဆောင်ရွက်ခဲ့ပါသည်။ MPT သည် အဆိုပါအဆင့်မြှင့်တင်မှုများ ဆောင်ရွက်ခဲ့ပြီးဖြစ်သောကြောင့် ၂၀၂၅ ခုနှစ် ဇွန်လ ၃၀ ရက်မှစတင်၍ အော်တိုတယ်လီဖုန်းနံပါတ်အသစ်များအသုံးပြုကာ မြန်နှုန်းမြင့် ဖိုင်ဘာကေဘယ်လ်စနစ် (FTTH)သို့ အပြည့်အဝ ပြောင်းလဲဝန်ဆောင်မှုပေးသွားမည်ဖြစ်ပါသည်။

မြန်နှုန်းမြင့် ဖိုင်ဘာကေဘယ်လ်စနစ် (FTTH)သို့ အဆင့်မြှင့်တင်မှု ဆောင်ရွက်ပြီးသော ‌ဒေသများရှိ သုံးစွဲသူများသည် ပိုမိုမြန်ဆန် ကောင်းမွန်သော ဝန်ဆောင်မှုများကို ရရှိခံစားနိုင်မည် ဖြစ်ပါသည်။ သို့ရာတွင် FTTH ကွန်ရက်နှင့် ဝေးကွာသော အချို့နေရာများရှိ သုံးစွဲသူနေအိမ်များအနေဖြင့် MPT ၏ VoIP ဝန်ဆောင်မှုကို အသုံးပြုနိုင်မည်မဟုတ်ပါ။

နံပါတ်အဟောင်းမှ နံပါတ်အသစ်သို့ ပြောင်းလဲစဉ်ကာလအတွင်းတွင် မြန်မာ့ဆက်သွယ်ရေးလုပ်ငန်းမှ မိမိတို့၏ ဝန်ဆောင်မှုကို အသုံးပြုနေသူများ ဆက်သွယ်မှုအဆင်ပြေစေရန် Call Forward ဝန်ဆောင်မှုကို ပြောင်းလဲတပ်ဆင်သည့်နေ့မှစ၍ (၃) လအထိ အခမဲ့ပေးထားမည်ဖြစ်ပြီး သုံးစွဲသူများသည် နံပါတ်အသစ်သို့ ပြောင်းလဲနေစဉ်ကာလအတွင်းတွင် လက်ရှိနံပါတ် (သို့မဟုတ်) နံပါတ်အသစ်သို့ ခေါ်ဆိုနိုင်မည် ဖြစ်ပါသည်။

သုံးစွဲသူများသည် မြန်နှုန်းမြင့် ဖိုင်ဘာကေဘယ်လ်စနစ် (FTTH စနစ်) မှတစ်ဆင့် ဝန်ဆောင်မှုပေးအပ်နေသည့် အော်တိုတယ်လီဖုန်းနံပါတ်အသစ်များကို ရယူလိုပါက အထက်ပါဇယားတွင် ဖော်ပြထားသည့် နီးစပ်ရာ MPT ရုံးများရှိ သက်ဆိုင်ရာအိတ်ချိန်းများတွင် လျှောက်ထားနိုင်ပါသည်။ လိုအပ်သည့်အကူအညီများနှင့် အသေးစိတ်အချက်အလက်များ ပိုမိုသိရှိလိုပါက MPT Call Center ၁၀၆ ကို ဆက်သွယ်နိုင်ပါသည်။

2 Years Official Warranty နဲ့ အတူ Flagship level အဆင့်ရှိ မှန်ကို အသုံးပြုထားတဲ့ OPPO A5x ကို မြန်မာနိုင်ငံမှာ စတင်မိတ်ဆ...
17/06/2025

2 Years Official Warranty နဲ့ အတူ Flagship level အဆင့်ရှိ မှန်ကို အသုံးပြုထားတဲ့ OPPO A5x ကို မြန်မာနိုင်ငံမှာ စတင်မိတ်ဆက်ပြီ

ကမ္ဘာ့ထိပ်တန်းစမတ်ဖုန်းအမှတ်တံဆိပ် OPPO က သုံးစွဲသူတိုင်းရဲ့ လိုအပ်ချက်တွေကို ဖြည့်စွက်ပေးနိုင်မဲ့ ထုတ်ကုန်တွေကို အမြဲလိုလို လေ့လာဆန်းစစ်လေ့ရှိပါတယ်။ ဒါကြောင့်လဲ ဒီတစ်ခေါက်မှာတော့ Flagship Level အဆင့်ရှိ မှန်နဲ့ အတူ 2 Years Official Warranty ပါရှိလာတဲ့ OPPO A5x ကို ၅၆၉,၉၀၀ ကျပ်နဲ့ မြန်မာနိုင်ငံဈေးကွက်အတွင်းသို့ တရားဝင် မိတ်ဆက်လာပြီဖြစ်ပါတယ်။ ယခုမိတ်ဆက်လာတဲ့ OPPO A Series ထုတ်ကုန်ဖြစ်တဲ့ OPPO A5x မှာဆိုရင် ရေနဲ့ ဖုန်ဒဏ်ခံနိုင်မှု IP65 Water & Dust Resistance ၊ အဆင့်မြင့် သတ္တုစပ်ကို အသုံးပြုထားတဲ့ High-Strength Alloy ကိုယ်ထည်နဲ့ Flagship Level အဆင့်ရှိ Abrasion- and Impact-Resistant 2301 Jingdun Glass တို့ကို အသုံးပြုထားတဲ့အပြင် အကြမ်းခံနိုင်မှု အဆင့်အနေနဲ့လဲ Military-Grade Shock Resistance အောင်မြင်မှု လက်မှတ်ရရှိထားတာဖြစ်ပါတယ်။ အဘက်ဘက်က ကောင်းမွန်ပြည့်စုံတဲ့ OPPO A5x ကို ဇွန် ၁၄ ရက်နေ့မှ စတင်ကာ ၅၆၉,၉၀၀ ကျပ်ဖြင့် ဝယ်ယူနိုင်ပြီဖြစ်ပြီး ဇွန် ၃၀ ရက်နေ့အထိ ဝယ်ယူမဲ့ သုံးစွဲသူမိတ်ဆွေတွေအနေနဲ့လဲ 2 Years Official Warranty ကို ရရှိနိုင်မှာဖြစ်ပါတယ်။

Flagship Level အဆင့်ရှိ စမတ်ဖုန်းတွေမှာသာ အသုံးပြုတဲ့ မှန်အမျိုးအစားနဲ့အတူ အကြမ်းခံနိုင်မှု ပြင်းထန်တဲ့ OPPO A5x
OPPO A5x ဟာ အကြမ်းခံနိုင်မှုနဲ့ ပတ်သက်လာရင် Military-Grade Shock Resistance ကို အောင်မြင်ထားရုံသာမက SGS Gold Certification ကိုပါ ရရှိထားတာဖြစ်ပါတယ်။ အကြမ်းခံနိုင်မှု ပြင်းထန်တဲ့ Military-Grade Shock Resistance ကို အောင်မြင်ထားတဲ့ OPPO A5x မှာဆိုရင် Flagship Level အဆင့်ရှိ စမတ်ဖုန်းထုတ်ကုန်တွေမှာသာ အသုံးပြုလေ့ရှိတဲ့ Abrasion- and Impact-Resistant 2301 Jingdun Glass ကိုပါ ထပ်မံ အသုံးပြုထားတဲ့အတွက် သုံးစွဲသူတွေ စိတ်ပူလေ့ရှိတဲ့ မှန်အကြမ်းခံမှုအတွက်လဲ စိတ်ချနိုင်မှာဖြစ်ပါတယ်။ ဒါတင်သာမက သုံးစွဲသူတွေ စိတ်ပူလေ့ရှိတဲ့ ရေနဲ့ ဖုန်ဒဏ်တွေအတွက်လဲ IP 65 Water and Dust Resistance အဆင့် ပါရှိလာတာကြောင့် စိုးရိမ်စရာမလိုဘဲ စိတ်ချမှုအပြည့်ကို OPPO A5x က ပေးစွမ်းမှာဖြစ်ပါတယ်။

OPPO AI ရဲ့ လုပ်ဆောင်ချက်တွေနဲ့အတူ အားသွင်းမြန်ဆန်ပြီး အားခံတဲ့ OPPO A5x
အားသွင်းမြန်ဆန်တဲ့ 45W SUPERVOOC Flash Charge ၊ သာမန်ထက်ပိုမို အားခံတဲ့ 6,000 mAh ဘက်ထရီ ကလဲ OPPO A5x သုံးစွဲသူတွေအတွက် အဆင်ပြေချောမွေ့မှုကို ပေးစွမ်းနိုင်မှာဖြစ်ပါတယ်။ ဒါတင်သာမက OPPO A5x ဟာ ဈေးနှုန်းတူဖုန်းတွေအကြား Flagship အဆင့် AI လုပ်ဆောင်ချက်တွေဖြစ်သလို OPPO Reno Series တွေကစလို့ နာမည်ကျော်ကြား လူကြိုက်များခဲ့တဲ့ AI Eraser 2.0 ၊ AI Reflection Remover၊ AI Unblur၊ AI Clarity Enhancer ၊ AI Smart Image Matting 2.0 နဲ့ AI Studio တို့ ပါရှိလာဦးမှာဖြစ်ပါတယ်။

သာမန်ထက်ပိုတဲ့ အကြမ်းခံနိုင်မှု၊ ရေစိုခံနိုင်ပြီး Midnight Blue နဲ့ Laser White ဆိုတဲ့ အရောင်နှစ်ရောင်ဖြင့် ထွက်ရှိလာမဲ့ OPPO A5x ကို ယနေ့ ဇွန်လ ၁၄ ရက်နေ့မှစတင်ပြီး ၅၆၉,၉၀၀ ကျပ်ဖြင့် မြန်မာနိုင်ငံဈေးကွက်အတွင်းမှာ စတင်ဝယ်ယူရရှိနိုင်ပြီဖြစ်ပြီး ဇွန်လ ၁၄ ရက်နေ့မှ ဇွန်လ ၃၀ ရက်နေ့အတွင်း ဝယ်ယူသူတွေအတွက် 2 Years Official Warranty ကို ပေးအပ်သွားမှာဖြစ်ပါတယ်။

MPT က တိုင်းဒေသကြီးနှင့် ပြည်နယ် (၁၄) ခုတွင် “စိမ်းလန်းစေဖို့ ရှေ့ဆက်စို့” နိုင်ငံတစ်ဝန်းသစ်ပင်စိုက်ပျိုးခြင်းဖြင့် ရေရှ...
16/06/2025

MPT က တိုင်းဒေသကြီးနှင့် ပြည်နယ် (၁၄) ခုတွင် “စိမ်းလန်းစေဖို့ ရှေ့ဆက်စို့” နိုင်ငံတစ်ဝန်းသစ်ပင်စိုက်ပျိုးခြင်းဖြင့် ရေရှည်ပတ်ဝန်းကျင်ထိန်းသိမ်းရေးအစီအစဉ်ကို ဆက်လက်ဆောင်ရွက်

(ရန်ကုန်၊ ၂၀၂၅ ခုနှစ်၊ ဇွန်လ ၁၄ ရက်) – MPT က ၎င်း၏ စဉ်ဆက်မပြတ် ဆောင်ရွက်လျက်ရှိသည့် “ စိမ်းလန်းစေဖို့ ရှေ့ဆက်စို့” နိုင်ငံတစ်ဝန်း စုပေါင်းသစ်ပင်စိုက်ပျိုးခြင်းလှုပ်ရှားမှု အစီအစဉ်ကို ၂၀၂၅ ခုနှစ်၊ ဇွန်လ ၁၄ ရက်နေ့က တိုင်းဒေသကြီးနှင့် ပြည်နယ် (၁၄) ခုတွင် တစ်ပြိုင်နက်တည်း အောင်မြင်စွာ ဆောင်ရွက်ခဲ့ပါသည်။ MPT ဝန်ထမ်းများနှင့် စေတနာ့ဝန်ထမ်းပေါင်း (၇၀၀) ကျော်တို့ ပူးပေါင်းပါဝင်ကာ ပျိုးပင်ပေါင်း (၁,၄၀၀) ကျော်ကို စိုက်ပျိုးခဲ့ကြပြီး အဆိုပါ အစီအစဉ်က သဘာဝပတ်ဝန်းကျင် ရေရှည် တည်တံ့ခိုင်မြဲရေးအပေါ် MPT ၏ မယိမ်းယိုင်သော ကတိကဝတ်ကို ပိုမိုခိုင်မာစေခဲ့ပါသည်။ “ စိမ်းလန်းစေဖို့ ရှေ့ဆက်စို့” နိုင်ငံတစ်ဝန်း သစ်ပင်စိုက်ပျိုးခြင်း လှုပ်ရှားမှုများကို နေပြည်တော်ကောင်စီ နယ်မြေ၊ ကချင်ပြည်နယ်၊ ကရင်ပြည်နယ်၊ မွန်ပြည်နယ်၊ ရှမ်းပြည်နယ် (အရှေ့ပိုင်း၊ မြောက်ပိုင်း နှင့် တောင်ပိုင်း)၊ ပဲခူးတိုင်း ဒေသကြီး (အရှေ့ပိုင်း နှင့် အနောက်ပိုင်း)၊ မကွေးတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ မန္တလေးတိုင်းဒေသကြီးနှင့် ရန်ကုန်တိုင်းဒေသကြီး တို့တွင် ဆောင်ရွက်ခဲ့ပါသည်။

MPT ၏ စဉ်ဆက်မပြတ် ဆောင်ရွက်လျက်ရှိသည့် လူမှုအကျိုးပြုလှုပ်ရှားမှုအစီအစဉ် တစ်စိတ်တစ်ပိုင်း အနေဖြင့် နိုင်ငံတစ်ဝန်းသစ်ပင်စိုက်ပျိုးခြင်းလှုပ်ရှားမှုကို စိုက်ပျိုးရာဒေသရှိ အများပြည်သူတို့ အရိပ်ရရှိနိုင်စေရန်၊ လေထုအရည်အသွေး မြှင့်တင်ပေးနိုင်ရန်နှင့် သဘာဝပတ်ဝန်းကျင် ထိန်းသိမ်းရေးကို အထောက်အပံ့ ဖြစ်စေနိုင်ရန် စသည့် အကျိုးအမြတ်ကောင်းများ ရစေနိုင်ရန် အထူးရည်ရွယ်သည့် ပျိုးပင်အမျိုးအစားများကို ရွေးချယ် စိုက်ပျိုးခြင်းဖြစ်ပါသည်။အဆိုပါ ဆောင်ရွက်ချက်များကို မြှင့်တင်ပေးခြင်းအပြင် “ စိမ်းလန်းစေဖို့ ရှေ့ဆက်စို့” နိုင်ငံတစ်ဝန်း စုပေါင်းသစ်ပင်စိုက်ပျိုးခြင်းလှုပ်ရှားမှုအစီအစဉ်သည် ပိုမိုစိမ်းလန်းသောပတ်ဝန်းကျင်ကို မြှင့်တင်ရန်၊ လူနေမှုဘဝ အရည်အသွေးကို မြှင့်တင်ရန်နှင့် ဖန်လုံအိမ်ဓာတ်ငွေ့များ လျှော့ချခြင်းဖြင့် သဘာဝဘေးအန္တရာယ် များနှင့် ရာသီဥတုပြောင်းလဲမှု၏ သက်ရောက်မှုများကို လျှော့ချရန် ရည်ရွယ်၍ ဆောင်ရွက်ခြင်းဖြစ်ပါသည်။ MPT သည် ၂၀၁၇ ခုနှစ်မှစတင်ကာ ယနေ့အထိ မြန်မာနိုင်ငံတစ်ဝန်းတွင် သစ်ပင်ပေါင်း ၂၀,၀၀၀ ကျော်ကို စိုက်ပျိုးခဲ့ပြီး မြန်မာနိုင်ငံ၏ သဘာဝဂေဟစနစ်ကို ထိန်းသိမ်းစောင့်ရှောက်ရာတွင် အဓိပ္ပာယ်ပြည့်ဝသော ပံ့ပိုးကူညီမှုတစ်ခု အဖြစ် ဆောင်ရွက်လျက်ရှိပါသည်။

MPT ၏ လုပ်ငန်းလည်ပတ်ရေးဌာနကြီးမှ Mr. Naoki Shimane က “ ကျွန်တော်တို့အနေနဲ့ အမျိုးမျိုးသော လူမှုအကျိုးပြုလှုပ်ရှားမှုတွေကတစ်ဆင့် လူမှုအသိုက်အဝန်းကို နှစ်ပေါင်းများစွာ တက်တက်ကြွကြွပံ့ပိုး ကူညီခဲ့ပြီး သဘာဝပတ်ဝန်းကျင် ရေရှည်တည်တံ့ခိုင်မြဲရေးအတွက် ကျွန်တော်တို့ရဲ့ လေးနက်တဲ့ ကတိကဝတ်ကို ဖော်ပြနေပါတယ်။ ကျွန်တော်တို့အနေနဲ့ “ စိမ်းလန်းစေဖို့ ရှေ့ဆက်စို့” နိုင်ငံတစ်ဝန်းသစ်ပင် စိုက်ပျိုးခြင်း အစီအစဉ်ကို ဆောင်ရွက်လာတာ အခုဆိုရင် သတ္တမအကြိမ်မြောက်ကို ရောက်ရှိလာပြီ ဖြစ်ပြီး နိုင်ငံတစ်ဝန်းမှာ သစ်ပင်ပေါင်း ၂၀,၀၀၀ ကျော်ကို အောင်မြင်စွာ စိုက်ပျိုးနိုင်ခဲ့ပြီးဖြစ်ပါတယ်။ ဒီလှုပ်ရှားမှုက သစ်ပင်စိုက်ပျိုးခြင်းသက်သက် မဟုတ်ဘဲ ပိုမိုစိမ်းလန်းပြီး ကောင်းမွန်တဲ့ မြန်မာနိုင်ငံ ဖြစ်စေဖို့အတွက် ကျွန်တော်တို့ရဲ့ ရေရှည်မျှော်မှန်းချက်ကို ထင်ဟပ်စေပါတယ်။ ကျွန်တော်တို့ရဲ့ အစီအစဉ်က ရေရှည်တည်တံ့ပြီး ပိုမို ကောင်းမွန်တဲ့အနာဂတ်ကို တည်ဆောက်ရာမှာ တစ်ဦးချင်းစီ ဖြစ်စေ၊ အဖွဲ့အစည်းလိုက်ဖြစ်စေ ပူးပေါင်းပါဝင်လာစေဖို့အတွက် တိုက်တွန်းနိုင်လိမ့်မယ်လို့မျှော်လင့် မိပါတယ်။” ဟုပြောကြားခဲ့ပါသည်။

သဘာဝပတ်ဝန်းကျင်ထိန်းသိမ်းရေးဆိုင်ရာ လှုပ်ရှားမှုများအပြင် MPT သည် တစ်နိုင်ငံလုံး အတိုင်းအတာဖြင့် ဆက်သွယ်ရေး ဝန်ဆောင်မှုများကို ၂၄ နာရီ (၇) ရက်ပတ်လုံး စဉ်ဆက်မပြတ် ပေးအပ်နိုင်ရန် ဆောင်ရွက်နေစဉ် နိုင်ငံတစ်ဝန်းရှိ လူမှုအသိုက်အဝန်းများအတွက် လိုအပ်သော ပံ့ပိုး ကူညီမှုများအဖြစ် ကျန်းမာရေး၊ ပညာရေး၊ စွန့်ဦးတီထွင်နှင့် စီးပွားရေးလုပ်ငန်းငယ်များ ဖွံ့ဖြိုး တိုးတက်ရေး အပါအဝင် အခြားသောနယ်ပယ်များတွင်လည်း လူမှုအကျိုးပြုလုပ်ငန်းများကို ဆောင်ရွက် လျက်ရှိပါသည်။ MPT ၏ လူမှုအကျိုးပြုလုပ်ငန်းများနှင့် ပတ်သက်၍ http://mpt.com.mm/mm/about-home/csr-activities-mm/ တွင် ဝင်ရောက်ကြည့်ရှုနိုင်ပါသည်။

4.2 version အဆင့်မြှင့်တင်ထားသော အပြင်အဆင်အသစ်တွေနဲ့အတူ vivo Showroom (ပန်းဆိုးတန်း) ဖွင့်လှစ်ခြင်း (၈)နှစ်ပြည့် အထိမ်...
04/06/2025

4.2 version အဆင့်မြှင့်တင်ထားသော အပြင်အဆင်အသစ်တွေနဲ့အတူ vivo Showroom (ပန်းဆိုးတန်း) ဖွင့်လှစ်ခြင်း (၈)နှစ်ပြည့် အထိမ်းအမှတ်ပွဲကျင်းပပြုလုပ်

မြန်မာ၊ရန်ကုန်၊ဇွန်လ(၁)ရက်၊ ၂၀၂၅။ ။vivo Mobile Myanmar သည် သုံးစွဲသူမိဘပြည်သူများထံ အဆင့်မြင့်နောက်ဆုံးပေါ်နည်းပညာများကို အချိန်နှင့်တပြေးညီ ယူ‌ဆောင်ပေးလျက်ရှိသလို ဖုန်းဝယ်ယူရာမှာ လည်း စိတ်တိုင်းကျသက်သောင့်သက်သာနှင့်ဝယ်ယူရရှိနိုင်စေရန် အမြဲတမ်းအကောင်းမွန်ဆုံးသော ဝန်ဆောင်မှု များ ပေးနိုင်ရန်ကြိုးစားဆောင်လျက်ရှိပါသည်။ ယခုအခါမှာလည်း vivo Showroom (ပန်းဆိုးတန်း) ဖွင့်လှစ်ခြင်း (၈) နှစ်ပြည့် အထိမ်းအမှတ်ပွဲကြီးနှင့်အတူ 4.2 version အဆင့်မြှင့်တင်ထားသော အပြင်အဆင်အသစ်ဖြင့် သုံးစွဲသူမိဘပြည်သူများကို ပိုမိုကောင်းမွန်သောဝန်ဆောင်မှုပေးရန် အဆင့်သင့်ရှိနေပြီဖြစ်ပြီး ဖွင့်ပွဲ အထိမ်းအမှတ် အနေဖြင့် vivo ဖုန်းများကို ကိုယ်တိုင်လက်တွေ့စမ်းသပ်ကြည့်ရှုနိုင်သည့်အပြင် QR Scan ဖြင့် Lucky Spin Wheel လေးတွေလှည့်ပြီး လက်ဆောင်ရယူနိုင်သည့်အစီအစဉ်၊ အမှတ်တရဓာတ်ပုံရိုက်ပြီး ချက်ချင်းပုံထုတ်နိုင်သော Photo Booth ၊ ကိုယ်တိုင်လက်ဆောင်လုပ်ပြီး ရယူနိုင်သည့် DIY အစီအစဉ် နှင့် Battery Beast Challenge အစီအစဉ်တွေများကို ဇွန်လ(၁)ရက်နေ့တွင် မနက် ၁၀ နာရီ မှ ညနေ ၅ နာရီအထိ vivo Showroom (ပန်းဆိုးတန်း) အမှတ် (၁၀၂/၁၀၄)၊အနော်ရထာလမ်း နှင့်(၃၇)လမ်း ထောင့်၊ပန်းဆိုးတန်း (၅)ရပ်ကွက်၊ ကျောက်တံတားမြို့နယ် တွင် ကျင်းပပြုလုပ်လျက်ရှိပါသည်။
ထို့အပြင် vivo Showroom (ပန်းဆိုးတန်း) ဖွင့်လှစ်ခြင်း (၈) နှစ်ပြည့် အထိမ်းအမှတ်ပွဲကြီးနှင့်အတူ သတ်မှတ်ထားသော vivo စမတ်ဖုန်းများကိုလည်း အထူးဈေးနှုန်းဖြင့် ဝယ်ယူရရှိနိုင်သောပရိုမိုးရှင်းအစီအစဉ်ကို ဇွန်လ(၁)ရက်နေ့မှ ဇွန်လ(၃၀)ရက်နေ့အထိ တစ်လလုံးကျင်းပပြုလုပ်ပေးသွားမည်ဖြစ်သည်။ ထိုအစီအစဉ်တွင် မည်သည့်ဖုန်းအမျိုးအစားကိုမဆို ဝယ်ယူသော မိဘပြည်သူများအနေဖြင့် Lucky Draw ကံစမ်းခွင့်ရှိမည်ဖြစ်ပြီး အထူးဆု Air Cooler (၁ဆု)၊ ပထမဆု- Luggage ( ၁ဆု)၊ ဒုတိယဆု - vivo TWS နားကြပ် (၂‌ဆု)၊ တတိယဆု- Smart Watch (၃ဆု) နှင့် အခြားဆုပေါင်းများစွာတို့ကို ချက်ချင်းရယူကံစမ်းနိုင်မည်ဖြစ်သည်။ ထို့အပြင် ဖုန်းဝယ်ယူမည့် မိတ်ဟောင်းကာစတမ်မာများအနေဖြင့် ၂ ထပ်ကွမ်း မန်ဘာအကျိုးခံစားခွင့်များကို ရရှိနိုင်ဦးမည် ဖြစ်သည်။
မြန်မာနိုင်ငံတစ်ဝန်းတွင် vivo Showroom စုစုပေါင်း (၁၄)ခုအထိဖွင့်လှစ်ထားပြီးဖြစ်သည်။မြန်မာပလာဇာ vivo Showroom၊ လှည်းတန်း M tower ရှိ vivo Showroom၊ ၃၃လမ်း ၊ ၇၇ နဲ့ ၇၈ကြား ၊ချမ်းအေးသာဇံမြို့နယ် ၊ မန္တလေးမြို့ရှိ vivo Showroom နှင့် ပဲခူး Icon Shopping Mall ရှိ vivo Showroom (၄)ခုကို 4.2 version နဲ့ ဖွင့်လှစ်ထားပြီးဖြစ်ပြီး ယခုအချိန်တွင် vivo Showroom (ပန်းဆိုးတန်း)ကို ပြန်လည်ပြီး 4.2 version ဖြင့် အဆင့်မြှင့်တင် ဖွင့်လှစ်ထားခြင်းဖြစ်သည်။4.2 Version သည် သုံးစွဲသူမိဘပြည်သူများ၏ စစ်တမ်းကိုအခြေခံ၍ ပိုမိုကောင်းမွန်အောင်ပြောင်းလဲထားခြင်းဖြစ်ပြီး Showroom အပြင်အဆင်ပိုင်းကိုလည်း သဘာဝနှင့်အနီးစပ်ဆုံး ပြင်ဆင်ထားခြင်း ဖြစ်သောကြောင့် လာရောက်ဝယ်ယူကြမည့် ကာစတမ်မာများအနေဖြင့် Showroom ရောက်သည်နှင့်တပြိုင်နက် စိတ်အေးချမ်းသာစွာဖြင့် မိမိကြိုက်နှစ်သက်ရာဖုန်းကို စမ်းသပ်ဝယ်ယူနိုင်ရန် ရည်ရွယ်၍ တိုးမြှင့်ပြောင်းလဲထားခြင်းဖြစ်သည်။
vivo Showroom များတွင်ဖုန်းဝယ်ယူထားသော ကာစတမ်မာများအနေဖြင့် လစဉ် ၁ ရက်နေ့ကနေ ၅ ရက်နေ့အတွင်း မှန်မကွဲအခမဲ့ကပ်ပေးခြင်း၊ ဖုန်းသန့်ရှင်းရေးလုပ်ပေးခြင်း၊ Software Upgrade နှင့် လိုအပ်သော Application များကို ယုံကြည်ရသည့်နေရာမှ Download ဆွဲပေးခြင်းနှင့် Social Media Account များ အခမဲ့ဖွင့်ပေးခြင်း စသည်တို့ကို vivo Showroom ရှိ ဝန်ထမ်းများက သေချာစွာကူညီပေးလျက်ရှိသည်။ထို့အပြင် vivo Showroom တွင်သာရရှိနိုင်သော မန်ဘာအကျိုးခံစားခွင့်ဖြစ်သည့် vivo ဖုန်းတစ်လုံးဝယ်ပြီးတိုင်း Member Card Stamp တစ်ခုစီစုဆောင်းပြီး တံဆိပ်တုံး (၅)ခုပြည့်သည်နှင့် တပြိုင်နက် VIP Member Card ကိုလဲလှယ်ပြီး ပိုမိုကောင်းမွန်သည့် အကျိုးခံစားခွင့်များကို တစ်သက်တာခံစားခွင့်ရရှိမည်ဖြစ်ပြီး အကျိုးခံစားခွင့်များကို vivo Showroom များတွင် လဲလှယ်အသုံးပြုနိုင်မည်ဖြစ်သည်။


OPPO A5 Pro ရဲ့ ရေစိမ်ခံနိုင်မှုနဲ့ အကြမ်းခံနိုင်မှုကို သုံးစွဲသူတွေမှ လက်တွေ့ကျကျ လာရောက်စမ်းသပ်လေ့လာခဲ့ကြတဲ့ “Touch & ...
29/05/2025

OPPO A5 Pro ရဲ့ ရေစိမ်ခံနိုင်မှုနဲ့ အကြမ်းခံနိုင်မှုကို သုံးစွဲသူတွေမှ လက်တွေ့ကျကျ လာရောက်စမ်းသပ်လေ့လာခဲ့ကြတဲ့ “Touch & Try : A Pro Comes to You” ပွဲ

ကမ္ဘာ့ထိပ်တန်း စမတ်ဖုန်း အမှတ်တံဆိပ် OPPO က သုံးစွဲသူတွေရဲ့ နေ့စဉ်ဘဝနဲ့ အခိုက်အတန့်တိုင်းကို အစဉ်အမြဲ ဂရုတစိုက် ရှိတာကြောင့် အခုအခါမှာလဲ OPPO A5 Pro ရဲ့ ရေစိမ်ခံနိုင်မှု နဲ့ အကြမ်းခံနိုင်မှုတွေကို စမ်းသပ်နိုင်မဲ့ အထူးအခွင့်အရေးတွေကို ပေးအပ်ဖို့အတွက် သုံးစွဲသူအစစ်အမှန်တွေအတွက် သယ်ဆောင်လာခဲ့ပါတယ်။ ဒါကြောင့် OPPO A5 Pro ကို အထူးစမ်းသပ်နိုင်မဲ့ အခွင့်အရေးတွေ ပါရှိတဲ့ Touch & Try : A Pro Comes to You ဆိုတဲ့ ပွဲကို သုံးမေလ ၂၃ ရက်နဲ့ ၂၄ ရက်နေ့များမှာ Times City outdoor area မှာ ကျင်းပပြုလုပ်ခဲ့ပါတယ်။ အဆိုပါပွဲမှာ သုံးစွဲသူတွေအနေနဲ့ OPPO A5 Pro ရဲ့ ရေစိမ်ခံနိုင်မှုနဲ့ အကြမ်းခံနိုင်မှုတွေကို လက်တွေ့လာရောက် စမ်းသပ်ခဲ့ကြပြီး ဆုလက်ဆောင်တွေလဲ ရရှိခဲ့ကြပါတယ်။

ဒါတင်သာမက မေလ ၁၀၊ ၁၁၊ ၁၂ရက်နေ့တွေက လူငယ်တွေအတွက် သီးသန့်ဖန်တီးထားတဲ့ Co Co Original နဲ့အတူ ပူးပေါင်းကာ ခေတ်ရေစီးကြောင်းနဲ့အမြဲအတူတူရှိနေတဲ့ လူငယ်တွေအတွက် “Collab The Trends” ဆိုတဲ့ ပွဲကို Junction City မှာ ကျင်းပပြုလုပ်ခဲ့ပါတယ်။ ပွဲကျင်းပခဲ့တဲ့ ၃ ရက်လုံးမှာလဲ Knowledge အစုံကို နယ်ပယ်အသီးသီးက ဆရာကျပြီး တကယ်ကို ပရော်ဖက်ရှင်နယ် ဆန်တဲ့ နည်းပညာရှင်၊ အနုပညာရှင်တွေကိုယ်တိုင် ဗဟုသုတ ရစရာ အကြောင်းအရာတွေကို ကိုယ်တိုင် ဝေမျှပေးသွားခဲ့သလို ပရိသတ်တွေကလဲ OPPO A5 Pro နဲ့အတူ ဂိမ်းများစွာကို တပျော်တပါး စမ်းသပ်ဆော့ကစားရင်း OPPO A5 Pro ရဲ့ ရေစိုအကြမ်းခံမှုကို လက်တွေ့စမ်းသပ်ခဲ့ကြပါတယ်။ ခေတ်လူငယ်တွေနဲ့အတူ ခေတ်ရေစီးကြောင်းအတိုင်း ဦးဆောင်နိုင်ဖို့ OPPO မှ အမြဲကြိုးစားလျက်ရှိနေပါတယ်။

#ခပ်ကြမ်းကြမ်းသုံးရေစိမ်ခံAIဖုန်း

မြန်မာ့အကောင်းဆုံး လက်ရွေးစဉ်များကိုရွေးချယ် စေလွှတ်မည့် National Esports Championship[ရန်ကုန်မြို့၊ ၂၀၂၅ ခုနှစ် မေလ ၁၆ ...
22/05/2025

မြန်မာ့အကောင်းဆုံး လက်ရွေးစဉ်များကိုရွေးချယ် စေလွှတ်မည့် National Esports Championship

[ရန်ကုန်မြို့၊ ၂၀၂၅ ခုနှစ် မေလ ၁၆ ရက်] ̶ ယခု ၂၀၂၅ ခုနှစ် မေလမှစတင်၍ တစ်နှစ်တာကာလအတွင်း မြန်မာနိုင်ငံ အီလက်ထရောနစ် အားကစားအဖွဲ့ချုပ်မှ ကီးမှူးကျင်းပမည့် ပြိုင်ပွဲအရပ်ရပ်များထဲတွင် အရေးကြီးဆုံးဖြစ်သည့် ထိုင်းနိုင်ငံတွင် ကျင်းပမည့် ၂၀၂၅ ခုနှစ် ဆီးဂိမ်းအတွက် နိုင်ငံ့လက်ရွေးစင် ရွေးချယ်ပွဲကြီး National Esports Championship: Road to SEA Game 2025 ကို မေလတတိယပတ်မှစ၍ စတင် ကျင်းပသွားမည် ဖြစ်ပါသည်။

ပြိုင်ပွဲကာလမှာ မေလ တတိယပတ်မှ ဇူလိုင်လ တတိယအပတ်ထိ (၂)လခန့် ကြာမြင့်မည်ဖြစ်ပြီး ပြိုင်ပွဲဝင် အားကစား သမားများအနေဖြင့် လက်ရည်စစ်ပွဲအတွက် မေလတတိယပတ်မှ စတင်စာရင်းပေးသွင်းနိုင်မည် ဖြစ်ပါသည်။

MESL: National Esports Championship ပြိုင်ပွဲကြီးသည် မြန်မာနိုင်ငံ၏ အမြင့်ဆုံးသော Esports အားကစား ပြိုင်ပွဲကြီးဖြစ်ပြီး လက်ရည်စစ်ပွဲအဆင့်၊ အုပ်စုပြိုင်ပွဲအဆင့်၊ နောက်ဆုံးအဆင့်ဖိုင်နယ် ပြိုင်ပွဲကြီးဟူ၍ အဆင့်သုံးဆင့် ခွဲ ကာ ယှဉ်ပြိုင်သွားရမည် ဖြစ်ပါသည်။

ပြိုင်ပွဲဝင်အသင်းများအနေဖြင့် ယခင်ကျင်းပခဲ့သော MESL Pro series Season 2 မှ (၄) သင်း၊ လူငယ် လက်သစ်များ အ တွက် ရည်ရွယ်သော Foundation Qualifier ပြိုင်ပွဲမှ (၂) သင်းနှင့် လာမည့် NEC Open Qualifier မှ (၄) သင်း၊ စုစုပေါင်း (၁၀) သင်း ယှဉ်ပြိုင်သွားရမည်ဖြစ်ပါသည်။ ပြိုင်ပွဲအကြောင်း အသေးစိတ်ကို MESL- Myanmar Esports League page မှတစ်ဆင့် မေလဒုတိယပတ်မှစတင်၍ ကြေညာသွားမည်ဖြစ်ပါသည်။

၂၀၂၅ခုနှစ် မေလ (၁၆) ရက်နေ့၊ Pan Pacific Hotel ၌ မြန်မာနိုင်ငံ အီလက်ထရောနစ်အားကစား အဖွဲ့ချုပ်မှ ကြီးမှူး ကျင်းပသော M Summit 2025တွင် အဖွဲ့ချုပ်၏ ဥက္ကဌ ဒေါက်တာကောင်းမြတ်စံမှ အဖွင့်အမှာစကား ပြောကြားပြီး မြန်မာနိုင်ငံ Esports အားကစားသမိုင်းကြောင်းနှင့် အောင်မြင်မှုများ၊ လက်ရွေးစင်အဆင့် Esports အားကစားသမားများ စနစ်တကျမွေးထုတ်နိုင်ရန် ချိတ်ဆက်ထားသည့် Myanmar Esports League Ecosystem နှင့် ပါဝင်သော ပြိုင်ပွဲ အရပ်ရပ်များ၊ ငလျင်ဘေးသင့်ပြည်သူများအတွက် ရန်ပုံငွေ Esports အားကစားပြိုင်ပွဲ၊ လာမည့် ၂၀၂၅ခုနှစ် အတွင်း ဆက်လက်ဆောင်ရွက်သွားမည့် ပြိုင်ပွဲအရပ်ရပ်များအကြောင်းကို ရှင်းလင်းတင်ပြကာ အဖွဲ့ချုပ်မှ ကျင်းပခဲ့သည့် ပြိုင်ပွဲများတွင် ဝိုင်းဝန်းကူညီပံ့ပိုးပေးကြသည့် မိတ်ဖက်ကုမ္ပဏီများကို အသိအမှတ်ပြု လက်မှတ်များ ပေးအပ်ခဲ့ပါသည်။

ထို့အပြင် လူငယ်အခန်းကဏ္ဍဖွံ့ဖြိုးတိုးတက်ရေးအတွက် ရည်ရွယ်၍ အဖွဲ့ချုပ်သည် တက္ကသိုလ်အဆင့် Esports အားကစားပြိုင်ပွဲများကို ၂၀၂၄ခုနှစ် မှစတင်၍ ကျင်းပနေပြီး ယခုနှစ်တွင် တက္ကသိုလ်များကို Yangon Region၊ Other Region နှင့် Private Universities ဟူ၍ ဒေသကြီးသုံးခုခွဲကာ Varsity League Division 1၊ Division 2 နှင့် University Esports Championship ဟူ၍ တစ်နှစ်လျှင် (၂)ကြိမ် ကျင်းပသွားမည်ဖြစ်ပြီး တက္ကသိုလ်အဆင့် အီလက်ထရောနစ် အားကစားပြိုင်ပွဲများကို ကျယ်ကျယ်ပြန်ပြန့် လုပ်ဆောင်သွားမည် ဖြစ်ပါသည်။ ပြိုင်ပွဲအကြောင်း အသေးစိတ်ကို University Esports Network နှင့် Uni League by MESL page တို့မှတစ်ဆင့် ကြေငြာသွားမည်ဖြစ်ပါသည်။

မြန်မာ့လက်ရွေးစင် Esports အားကစားအသင်းများသည် မြန်မာနိုင်ငံ အိုလံပစ်ကော်မတီ ဦးဆောင်မှုဖြင့် ၂၀၂၃ ခုနှစ် ကမ္ဘာ့ Esports အားကစားအဖွဲ့ချုပ် (IESF) မှ ကျင်းပသော World Esports Championship တွင် Dota 2 ပြိုင်ပွဲမှ ကမ္ဘာ့အဆင့် ငွေတံဆိပ်ဆု ကိုလည်းကောင်း၊ ၂၀၂၃ ခုနှစ် ကမ္ဘောဒီယားနိုင်ငံ၌ ကျင်းပသော SEA Games ပြိုင်ပွဲတွင် Mobile Legends: Bang Bang ပြိုင်ပွဲမှ ကြေးတံဆိပ်ဆုကိုလည်းကောင်း၊ ၂၀၂၃ ခုနှစ် တရုတ်နိုင်ငံ၌ ကျင်းပသော Hangzhou 19th Asian Games တွင် Honor of Kings ပြိုင်ပွဲမှ အဆင့် (၅) ကိုလည်းကောင်း အောင်မြင်မှု အသီးသီးရယူထားပြီးဖြစ်ရာ လာမည့် (၃၃) ကြိမ်မြောက် SEA Games ပြိုင်ပွဲကြီးတွင်လည်း ရလဒ်ကောင်းများရရှိရန် မျှော်မှန်းထားပါသည်။

Address

Yangon
11501

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when Burmese Echo Media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category