http://thenature555481761.wordpress.com/

The Nature Media, Yangon (2025)

30/06/2025

ရတနာပုံတိရစ္ဆာန်ဥယျာဉ်(သို့မဟုတ်)ရွှေထုပ်တဲ့မြပုဝါ
=======
#မှတ်ချက် ဆရာဒေါက်တာမြင့်သိန်းရေးသားချက်ကို thenaturemediaကပြန်လည်ဖော်ပြပေးခြင်းဖြစ်ပါသည်။

ကျွန်တော်တို့နိုင်ငံရဲ့ တိရစ္ဆာန်ဉယျာဉ်တွေ _ ရန်ကုန်တိရစ္ဆာန်ဉယျာဉ် ကအစ နေပြည်တော်တိရစ္ဆာန်ဉယျာဉ် နဲ့ ဆာဖာရီဉယျာဉ် ၊ ရတနာပုံတိရစ္ဆာဉယျာဉ် နဲ့ လှော်ကားဉယျာဥ္ ၊ နောက်ပြီး ပြင်ဦးလွင်အမျိုးသားကန်တော်ကြီးဉယျာဉ်အထိကိုပါ ကျွန်တော်ဟာ အလုပ်တာဝန်တာဝန်တွေနဲ့ သွားသွားလာလာ ရှိနေခဲ့ပါတယ် ။

အဲဒီနေရာတွေကအပြန်မှာတော့ မှတ်မှတ်ရရနဲ့ တိရစ္ဆာန်ဉယျာဉ်တစ်ခုကို ဂုဏ်ပြုချင်တာနဲ့ "" ရတနာပုံတိရစ္ဆာန်ဥယျာဉ် ( သို့မဟုတ် ) ရွှေထုပ်တဲ့ မြပုဝါ "" လို့ခေါင်းစဉ်အမည်တပ်ရေးသားခဲ့ဘူးပါတယ် ။

အခုကော အဲဒီတိရစ္ဆာန်ဉယျာဉ်က " ရွှေထုပ်တဲ့ မြပုဝါ " ဖြစ်နေဆဲပဲလား ။
မဟုတ်တော့ပါဘူး ။ ရွှေပဲထုပ်တဲ့ မြပုဝါ ချည်းမဟုတ်တော့ပါဘူး ။ အဲ့အချိန်ကတည်းက ရတနာပုံတိရစ္ဆာန်ဥယျာဉ်ဟာ တောရိုင်းတိရစ္ဆာန်တွေကို တိရစ္ဆာန်ဉယျာဉ်ထဲမှာ သားပေါက်တဲ့လုပ်ငန်း ( In-captivity breeding ) တွေကို ယခုထက်တိုင်အထိရှင်သန်နေဆဲ အောင်မြင်ဖြစ်ထွန်းနေဆဲ ဖြစ်လျက်ရှိနေကြဆဲဖြစ်ပါတယ် ။
ဒါတင်လားဆိုတော့မဟုတ်ပြန်သေးပါဘူး ။ တကယ့်ကိုပဲ ထူးထူးခြားခြားဖြစ်စဉ်အနေနဲ့ကလည်း များမကြာမီရက်များအတွင်းက ရေမြင်းငယ်တစ်ကောင်ကို မိခင်ရေမြင်းမကြီး ဒီမာ က အောင်အောင်မြင်မြင် ထွန်းထွန်းပေါက်ပေါက်နဲ့ မွေးဖွားပေးခဲရာမှ ယခုဆိုလျင်တော့ဖြင့် ဘေဘီဒီမာလေးဟာ ထွားထွားကြိုင်းကြိုင်းကြီးဖြစ်လို့လာခဲ့ပါပြီ ။
သူ့အမေစားတဲ့မြက်စိမ်းရှည်ရှည်ကြီးတွေကိုလည်း နမ်းကာဆော့ကာ နဲ့ စကားများ‌ပြောတတ်ခဲ့ရင် မွှေးလိုက်တာနော်လို့ ဘေဘီ ဒီမာ လေးကပြောလေမလား ။
ထပ်မံပြောပြချင်နေမိတာက အခုလိုဘေဘီ ဒီမာလေး အောင်အောင်မြင်မြင်မွေးဖွားလာဖို့ဆိုတာကလည်း ဝန်ထမ်းတွေအားလုံးအကျိတ်အနှယ် နဲ့ ကျိတ်ကျိတ်ခဲခဲ နှစ်ပေါက်မတတ်ကြိုးစားလာခဲ့ရတဲ နှစ်လို့ဖွယ် အောင်မြင်မူတစ်ခုဖြစ်တာကိုလည်း ရိုးသားစွာ ဆိုပါရစေ ၊၊

ဒီတစ်ခေါက်ကတော့ ကျွန်တော်ရဲ့ ရန်ကုန်အပြန်လမ်းခရီးကား ရထားနှင့်သာဖြစ်ခဲ့ပါတယ် ။ ရထားကြီးကားတော့ဖြင့်မထွက်သေး ။ ဒါပေမဲ့ ရတနာပုံတိရစ္ဆာန်ဥယျာဉ်ဆိုတဲ့ရထားကြီးကတော့ဖြင့် ထွက်နှင့်တာကြာပြီ ။
အားနှင့်မာန်နှင့်အရှိန်ပြင်းပြင်း လိုရာပန်းတိုင်ဆီသို့ခုတ်မောင်းဆဲပါ ။
ပြန်လည်ပြုပြင်သင့်တာတွေကိုလည်း ခုတ်မောင်းရင်း ပြုပြင်ဆဲပါ ၊၊
မျိုးသုန်းတော့မည့်တိရစ္ဆာန်များကိုလည်း ခုတ်ရင်းမောင်းရင်း တရစပ်မွေးဖွားပေးနေဆဲပါ ၊၊
ဝန်ထမ်းအားလုံးကလည်း ရထားအရှိန်မပြတ်ဖို့ ဝိုင်းဝန်းတက်ညီလက်ညီကြိုးစားနေကြဆဲပါ ။
သို့အတွက်ကြောင့် ကျွန်တော် ရတနာပုံတိရစ္ဆာန်ဥယျာဉ်ကိုဆက်လက်၍သာတင်စားလိုက်ချင်ပါတယ် ။
"" ရတနာပုံတိရစ္ဆာန်ဥယျာဉ် ( သို့မဟုတ် ) ရွှေထုတ်တဲ့မြပုဝါ "" ဟူ၍သာ #

22/06/2025

အထူးမိုးလေဝသသတင်း
------------------------
၂၀၂၅ ခုနှစ်၊ ဇွန်လ ၂၂ ရက်နေ့၊ မြန်မာစံတော်ချိန် ၁၉:၀၀ နာရီအချိန် ထုတ်ပြန်ချက်
=========================================

ယနေ့မြန်မာစံတော်ချိန် ၁၇:၃၀ နာရီအချိန် တိုင်းထွာချက်များအရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံ‌လေအားကောင်းရာမှ အားအလွန်ကောင်းနေခြင်းကြောင့် လည်းကောင်း၊ အရှေ့ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း၊ အနောက်ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း ယနေ့ညမှ ၂၈-၆-၂၀၂၅ ရက်နေ့အတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူး တိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင် ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ အချို့ဒေသ များတွင် ဒေသအလိုက်နှင့် နေရာကွက်၍ မိုးကြီးမည်။ မြန်မာ့ကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့တွင် ရံဖန်ရံခါ မိုးသက်လေပြင်းများကျရောက်ပြီး လှိုင်းကြီးမည်။ မိုးသက်လေပြင်း ကျစဉ် ရေပြင်/မြေပြင်လေသည် တစ်နာရီလျှင် ၃၅ မိုင်အထိ တိုက်ခတ်နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၁၁ ပေမှ ၁၃ ပေခန့် ရှိနိုင်ပါသည်။

အကြုံပြုချက်
သို့ဖြစ်ပါ၍ မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့်
သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေး၊
လေကြောင်းပျံသန်းရေးနှင့် ဆည်မြောင်းတာတမံများအနေဖြင့် လိုအပ်သည်များ ကြိုတင်ပြင်ဆင်ဆောင်ရွက် ထားနိုင်ပါရန် သတိပေးနှိုးဆော်အပ်ပါသည်။

21/06/2025

ကျိုက်ဒေးကွမ်းစေတီတော်မြတ်ကြီး မိုးသည်းထန်စွာရွာသွန်းမှုကြောင့်ပဲခူးမြစ်ဘက်သို့ ပြ်ိုကျ
====================

ပဲခူးမြို့နယ် ဘောနက်ကြီးကျေးရွာအနောက်ဘက်ရှိ ပဲခူးမြစ်ကမ်းဘေး ကျိုက်ဒေးကွမ်းတောင်ပေါ်တွင် ပြန်လည်မွမ်းမံလျက်ရှိသည့် ဉာဏ်တော် ၉ တောင်အမြင့်ရှိ ကျိုက်ဒေးကွမ်းစေတီတော်မြတ်ကြီးသည် မိုးသည်းထန်စွာရွာသွန်းမှုကြောင့် မြေကြီးများပျော့ကာ ဇွန်လ ၂၀ ရက် ယနေ့ ညနေ ၅:၃၀ အချိန်က စေတီတော်ကြီးသည် ပဲ ခူးမြစ်ဘက်သို့ ပြိုကျမှု ဖြစ်ပွားခဲ့သည်။

21/06/2025

မိုးများပြီးမြစ်ရေကြီးနိုင်လို့ မြစ်ကမ်းအနီးနေထိုင်သူများသတိပြုဖို့လို့
========
ဇွန်လ ၂၄/၂၅ ရက် နှင့် ဇူလိုင် ၃/၄ ရက်များတွင် ဘင်္ဂလားပင်လယ်အော်မြောက်ပိုင်း၌ လေပွေလှိုင်း(Upper Air Cyclonic Circulation) တကြိမ်စီဖြစ်ပေါ်နိုင်ပြီး အနောက်တောင်မုတ်သုံလေအားက ဆက်၍ကောင်းနေပါဦးမယ်။

ဇွန်လ ၃၀ ရက်နေ့တွင် မိုးဦးကာလ ကုန်ဆုံးပြီး ဇူလိုင် ၁ ရက် မှ ဩဂုတ်လ ၃၁ ရက်အထိ မိုးလယ်ကာလအတွင်းဝင်ရောက်ချိန်အတွင်း တောင်တရုတ်ပင်လယ်က မုန်တိုင်းဖြစ်နိုင်ချေများလည်း မြင့်တက်လာပြီး၊ မြန်မာနိင်ငံမှာ နှစ်စဉ်ရွာသွန်းမြဲအထက် ၅၀% အထိ မိုးပိုမိုရွာသွန်းနိုင်ကြောင်း၊ NOAA ရဲ့ ရာသီဥတုကြိုတင်ခန့်မှန်းရေးဌာနက ထုတ်ပြန်ထားတဲ့ GTH Outlook(25JUN-08JUL)ထုတ်ပြန်ချက်မှာ တွေ့ရပါတယ်။

နှစ်စဉ်ရေကြီးတတ်တဲ့ကာလအတွင်းကို ဝင်ရောက်လာတော့မှာဖြစ်ပြီး၊ မိုးများတဲ့ဒေသများမှာ - အခု မိုးဦးကာလအချိန်အတွင်းက စ ပြီး ရေကြီး/ရေလျှံတာတွေ အစပျိုးဖြစ်ပေါ်နေတာကြောင့် မိုးလယ်ကာလအတွင်းမှာ .. မြစ်ကမ်းဘေး၊ ချောင်းဘေးနေထိုင်ကြသူများ၊ တောင်ကျချောင်းရေကျဆင်းလာတတ်တဲ့ ဒေသများ အထူးသတိပြုပြင်ဆင်ကြဘို့လိုပါမယ်။

ဇူလိုင်လထဲမှာ မြစ်ကြီးများရဲ့ စိုးရိမ်ရေမှတ်တွေကိုရောက်လာနိုင်တာကြောင့်လဲ မြစ်ရေအခြေအနေသတင်းများကို မပြတ်နားစွင့်ကြရန်နဲ့ ၄ ရက် ကြိုတင်တင်ပေးနေတဲ့ ပြည်နယ်/တိုင်းများရဲ့ မိုးလေဝသအခြေအနေများကို ကိုယ်တိုင်ကြည့်ရှုလေ့လာပြီး မိမိဒေသအတွင်းမှာကျရောက်လာနိုင်တဲ့ သဘာဝဘေးအန္တရာယ်ကို ကြိုတင်ဆန်းစစ်လေ့လာကြပါလို့ အသိပေးတိုက်တွန်းလိုက်ပါတယ်။
https://www.mmweather.org/divisional-cities-weather

(ဇွန်လ ၂၁ ရက် နံနက် ၁၁ နာရီ ၅၀ မိနစ်)
#မှတ်ချက် ဆရာဦးဝင်းနိုင် ရေးသားချက်ကိုပြန်လည်ကူးယူဖော်ပြခြင်းဖြစ်သည်။

21/06/2025

မြန်မာနိုင်ငံရှိ တောရိုင်းတိရစ္ဆာန်များ တရားမဝင် ရောင်းဝယ်ဖောက်ကားမှုများ လျော့နည်းပပျောက်စေရန် ရည်ရွယ်တဲ့ အသိပေးဟောပြောပွဲကြီးကို Online Webinar အနေဖြင့် စီစဉ်ကျင်းပပေးသွားမှာ ဖြစ်ပါတယ်။

ဒီ Webinar Series မှာ အဓိက ဆွေးနွေးသွားမယ့် အကြောင်းအရာတွေကတော့

🔵 တောရိုင်း တိရစ္ဆာန်များ ရောင်းဝယ်ဖောက်ကားမှုကြောင့် ကြုံတွေ့နေရတဲ့ အခက်အခဲတွေ၊

🔵 တရားမဝင် ကုန်သွယ်မှုများ ပပျောက်ရေးအတွက် ထိထိရောက်ရောက် ဖြေရှင်းသင့်တဲ့နည်းတွေကို ကျွမ်းကျင်သူများနှင့်အတူတကွ တိုင်ပင်ဆွေးနွေးသွားကြမှာ ဖြစ်ပါတယ်။

📣 မိတ်ဆွေဟာ သဘာဝ ပတ်ဝန်းကျင်ကို ချစ်မြတ်နိုးသူ၊ တောရိုင်းတိရစ္ဆာန်လေးတွေကို တန်ဖိုးထားတတ်တဲ့ နိုင်ငံသား၊ ကျောင်းသား မည်သူမဆို ဒီ ဟောပြောပွဲအား အခမဲ့ ဝင်ရောက် လေ့လာနိုင်ပါတယ်။

ဆွေးနွေးမယ့် အကြောင်းအရာများနှင့် ဆွေးနွေးပေးမယ့် Speakers များ ကတော့

📆 Date: 25th June 2025

1. ခြိမ်းခြောက်ခံနေရသော မျိုးစိတ်များဆိုင်ရာ အနီရောင်စာရင်း - ကမ္ဘာနှင့် မြန်မာနိုင်ငံ၏
ထိန်းသိမ်းကာကွယ်မှုအခြေအနေ - ကိုအောင်လင်း
2. တောရိုင်းတိရစ္ဆာန်နှင့် သစ်ပင်ပန်းမန် နိုင်ငံတကာ ကုန်သွယ်မှုဆိုင်ရာ ကွန်ဗင်းရှင်းနှင့် မြန်မာ - ကိုပြည့်ဖြိုး‌ဆွေ
3. မျိုးသုဥ်းအန္တရာယ်ရှိ ပင်လယ်နေသတ္တဝါများအား မြန်မာပြည်တွင်း ရောင်းဝယ်ဖောက်ကားခြင်းနှင့် စားသုံးခြင်း - မသန္တာကိုကြီး

📆 Date: 26th June 2025

4. တရားမဝင် ငှက် ရောင်းဝယ်ဖောက်ကားမှု - ကိုသော်ဖြိုးဆွေ
5. တောရိုင်းတိရစ္ဆာန်ရောင်းဝယ်ခြင်း၊ တောရိုင်းတိရစ္ဆာန်နှင့်လူများအကြား ကူးစက်တတ်သည့်ရောဂါများ - ကိုသူရစိုးမင်းထိုက်
6. ဖမ်းဆီးရမိသော တောရိုင်းတိရစ္ဆာန်များ မှသည် ထိန်းသိမ်းရေးဆီသို့ - မြန်မာ့ကြယ်လိပ်များအား သဘာဝနေရင်းဒေသသို့ ပြန်လည် စေလွှတ်ခြင်း - ကိုစွမ်းထက်နိုင်အောင်
တို့ ဖြစ်ပါတယ်။

ကျင်းပမည့် နေ့ရက် - ဇွန်လ ၂၅ ၊ ၂၆ ရက် , ၂၀၂၅ ခုနှစ်
⏰ အချိန် - ညနေ ၇ နာရီ မှ ၉:၃၀ နာရီ အထိ
📥 Register ပြုလုပ်ရန် - https://forms.gle/sTTcgFx2dpQ9U2Hg7

(Register ပြုလုပ်ထားသူတွေကို Email ကနေတစ်ဆင့် Zoom linkကို ပေးပို့ပေးသွားမှာဖြစ်ပြီး Webinar ရက်မတိုင်ခင်ကတည်း Remind လုပ်ပေးသွားမှာ ဖြစ်ပါတယ်။)

🌳 တောရိုင်းတိရစ္ဆာန် ကုန်သွယ်မှုများ ပပျောက်စေဖို့၊ အမိကမ္ဘာမြေကြီး ပိုမိုစိမ်းလန်းသာယာစေဖို့ အားလုံးအတူတူ လက်ချင်းတွဲကာရှေ့ဆက်သွားချင်မိပါတယ်။

—-

Webinar Series on Combating Illegal Wildlife Trade in Myanmar

💠An online webinar will be organised to raise awareness about the illegal wildlife trade in Myanmar.

This online webinar series will focus on key issues such as:

🔵 Threats to biodiversity caused by wildlife trade

🔵 Solutions and challenges in combating illegal wildlife trade

📣 This webinar is free and open to everyone, including nature lovers, students, and all individuals who care about protecting wildlife.

The titles and speakers are

📆 Date: 25th June 2025

1. IUCN Red List: Global and Myanmar Contexts - Aung Lin
2. CITES and Myanmar - Pyae Phyo Swe
3. Endangered marine wildlife trade and consumption in Myanmar - Thanda Ko Gyi

📆 Date: 26th June 2025

4. Illegal Bird Market in Myanmar - Ko Thaw Phyo Shwe
5. Wildlife Trade and Zoonotic Disease - Thura Soe Min Htike
6. From Confiscation to Conservation: Rewilding the Burmese Star Tortoise for Species Recovery - Swann Htet Naing Aung

Date : 25th & 26th June 2025
⏰ Time: 7 PM - 9:30 PM
📥 Register Link - https://forms.gle/sTTcgFx2dpQ9U2Hg7

(Registered participants will be reminded via email prior to the webinar date with the Zoom link.)

🌳 Together, let’s work hand in hand to end illegal wildlife trade and help our planet thrive with a greener, healthier future.

16/06/2025

မြို့နှစ်မြို့ မိုးရေချိန်စံချိန်သစ်တင်
============

၂၀၂၅ ခုနှစ်၊ ဇွန်လ ၁၆ ရက်နေ့ မြန်မာစံတော်ချိန် ၀၉:၃၀ နာရီအချိန် တိုင်းထွာချက်များအရ ဇွန်လ၏ ၂၄ နာရီအတွင်း ရွာသွန်းခဲ့သော မိုးရေချိန်စံချိန်သစ်များ

14/06/2025

မြေရှား(rare earth) သို့မဟုတ် နိုင်ငံရေးလက်နက်(political weapon)
===================

#မှတ်ချက် ဆရာ ထွန်းထွန်း( သတ္တုတွင်း) ၁၅-၁၀-၂၂ကရေးသားခဲ့သောဆောင်းပါးကို the nature mediaက ပြန်လည်မျှဝေခြင်းဖြစ်ပါသည်)

နိုင်ငံရေးဇာတ်ခုံပေါ်က မြေရှား(Rare earth on the political stage)

အမည်က မြေရှား တွင်းထွက်(rare-earth minerals)။

ကမ္ဘာ့မြေလွှာပြင်ထဲက တူးဖော်လို့ရတဲ့ တွင်းထွက်(mineral)ဓာတ် သတ္တု တစ်မျိုး။ သူ့ကိုတစ်မျိုး လို့သာ ပေါင်းရုံးပြောလိုက်ရတာ တကယ်တော့ ဒီအမည်က အုပ်စုအမည်သာဖြစ်တယ်.။ ဒီ အုပ်စုမှာ အဖွဲ့ ဝင်(၁၇)ခု အထိရှိတယ်။ အဲ့ဒီ တစ်ခုခြင်းစီမှာလည်း သီးခြား ကိုယ်ပိုင်နာမည်တွေနဲ့ ကိုယ်ပိုင် အရည်အသွေး တွေ ရှိပြန်တယ်။

မြေရှားလို့သာခေါ်လိုက်ကြတာ အမှန်တကယ်မှာတော့ ရှားပါးလှတာ
မဟုတ်ပါဘူး။ ဒါပေမဲ့ ရှားနေ တာကတော့ အမှန်ပဲ။ ဒီလိုဖြစ် လာတာက သူ့ရဲ့ ဖြစ်ပေါ်မှုပုံစံကြောင့်ဖြစ်တယ်။ သူက ကြေးနီတို့လို၊ ရွှေတို့ လို၊ ခဲသတ္တုတို့လို ၊မြေကြီးထဲမှာ တစ်စုတစ်စည်းတည်း ဖြစ်ပေါ်လေ့ရှိတာမျိုး မဟုတ်သလို တူးဖော် ထုတ်ယူ ရတာမှာလည်း ကြေးနီတို့ ရွှေတို့လို အလွယ်တကူတူးလို့ ရတာမျိုး မဟုတ်ပြန်ဘူး။ သူဖြစ်ပုံက ရှားတယ်။

အခြားတွင်းထွက်(minerals)တွေလို မဟုတ်ဘူး။ သူဝင်ရောက် ပေါင်းစပ်တဲ့ ကျောက်တွေ ထဲမှာ အုပ်စုလိုက် နည်းနည်းစီစီ ဖြန့်ကျက် ဝင်ရောက်တာမျိုး။ အများအပြား ဝင်ရောက်မှုက နည်းတယ်။ မရှိသလောက် ရှားတယ်။ ပြီးတော့ မြေရှား အုပ်စုဝင် တစ်မျိုးတည်းက များများစားစား ဖြစ်တည်တာမျိုး မဟုတ် ဘူး။ ဒါက သူ့ဖြစ်တည်မှုရဲ့ ထူးခြားချက်ပဲ။ ဒီတော့ သူက ရှိတော့ရှိ တယ် ရှားတယ်ဆိုတာမျိုး ဖြစ် လာတာ။

သူ့ရဲ့ဖြစ်တည်ပုံသာမကဘူး သူ့ရဲ့ အရည်အသွေးတွေက ထူးခြားတယ်။ အဲဒီထူးခြားတာတွေကြောင့် လည်း ဒီနေ့ခေတ်ရဲ့ ခေတ်မီနည်းပညာ အားလုံးနီးပါးမှာ သူတို့ရဲ့အရေးပါမှုက ပြောစမှတ်ပြုလောက်စရာ ဖြစ်လာတာ ဖြစ်တယ်။

အဲဒီလိုအကြောင်းတွေကြောင့်ပဲ ၂၀၁၉ ခုနှစ်ထဲတုန်းက အမေရိကန်သမ္မတ ဒေါနယ်ထရမ့် (Donald Trump)က ဂရင်လန်(Greenland) ကို ဝယ်ဖို့ ကမ်းလှမ်းခဲ့ဘူးတယ်။ ဒီစကားပေါ်ထွက်လာတော့ သူနောက် နေတာလားလို့ ကမ္ဘာက ထင်ခဲ့ကြတယ်။

ဒီကိစ္စကို ကြည့်ရင် ဂရင်လန်(Greenland)ဟာ ရောင်းတန်းဝင် ပစ္စည်းမဟုတ် တဲ့ ပစ္စည်းတစ်မျိုး တနည်း ပြောရရင် ဈေးကွက်မှာ အမှန်တကယ် မရှိတာမျိုး ဆိုရင် ထရမ့်ရဲ့ အဆိုပြုချက် (Trump’s proposal) ကို မဟာဗျူဟာမြောက် လှုပ်ရှားမှု(strategic move)အဖြစ် ရှုမြင်နိူင်တယ်။

ဒီ ဂရင်လန်က ဒိန်းမတ် ဘုရင့်နိုင်ငံ (Kingdom of Denmark)အတွင်းက ကိုယ်ပိုင်အုပ်ချုပ်ခွင့်ရနယ် မြေဖြစ်ပြီး လက်ရှိမှာထူထောင်မှု (တူးဖော်မှု) မလုပ်ရသေးတဲ့ ကမ္ဘာ့အကြီးဆုံး မြေရှား သတ္တုရိုင်းသိုက် တည်ရှိရာ နေရာဖြစ်တယ်။

မြေရှားတွင်းထွက်(rare-earth minerals)တွေကို ထရန့် (Trump)က ရချင် တယ်။ ဒီမြေရှား တွေက သူ့နိုင်ငံအတွင်းမှာ ထုတ်လုပ်နေတဲ့ အိုင်ဖုန်းလို စမတ်ဖုန်းတွေကနေ ဒုံးပျံ (iPhones to missiles ) တွေအထိ အရာအားလုံး အတွက် အရေးပါတဲ့အရင်းအမြစ် (critical resources ) ဖြစ်တယ်။ ဒီမြေရှား လိုအပ်ချက်ကို အခုလောလောဆယ်မှာတော့ တရုတ်နိုင်ငံအပေါ် လုံးလုံးနီးပါး မှီခိုနေရတာ ဖြစ်တယ်။

ဒီတော့ သူဝယ်လိုတယ် လို့ ပြောတာဟာ “ဧပြီးဖူးနေ့ ဟာသ” စကား မဟုတ်ပါဘူး။

အဲဒီလိုဖြစ်ပြီး မကြာမတင် ကာလာတွေမှာပဲ ဂရင်းလန်း(Greenland)မှာရှိတဲ့ မြေရှားတွေကို တူးဖော် ထုတ်လုပ်ခွင့်နဲ့ပတ်သက်ပြီး လေလံပစ်တာမျို လုပ်ခဲ့တယ်။ အဲဒီမှာလေလံဆွဲသူက ဘေဂျင်း ကျောထောက် နောက်ခံပြု သြစတြေးလျကုမ္ပဏီ (Beijing-backed Australian company) ဖြစ်တယ်။ တူးဖော်လုပ် ကိုင်မှာက ဂရင်းလန်း(Greenland) ကိုယ်တိုင်မဟုတ်ပေမဲ့ ကမ္ဘာ့မြေရှားထုတ်လုပ်မှုရဲ့ (၁၀%) ရာခိုင်နှုန်းအထိ ထုတ်လုပ်ဖို့ မျှော်လင့်ထားတဲ့ မိုင်းတစ်ခုဖြစ်တယ်(Christina Lu, a reporter at Foreign Policy)။

ဒီသတ္တုရိုင်း(minerals)တွေက ဘယ်လိုဟာမျိုးတွေလဲ။ ဘာပြုလို့ သူတို့ကို အလွန်အမင်း ရယူလိုမှု (highly sought-after)ဖြစ်နေတာလဲ။

မြေရှား ဆိုတာ ဘာလဲ။ အဲဒါတွေက ဘာကြောင့် အရမ်းအရေးကြီးတာလဲ။
အခြေခံကျကျ ရှင်းပြရင် မြေရှား(rare earths)တွေက သတ္တုဒြပ်စင်(၁၇)ခု (17 metallic elements) ပါရှိတဲ့ အုပ်စု တစ်စုဖြစ်ပြီး သူတို့ကို အလှည့်ကျဇယား (periodic table) မှာကြည့်ရင် တွေ့ရှိ နိုင်ပါတယ်။ ဒီဒြပ်စင်တွေထဲမှာ ဆယ့်ငါးခုက လင်းန်သနိုက်ဒြပ်စင်(lanthanide elements)အုပ်စု ဝင်တွေ ဖြစ်တယ်။ အခြားဒြပ်စင်နှစ်ခုဖြစ်တဲ့ စကင်ဒီယမ်( scandium) နဲ့ အီထရီယမ်(yttrium )တို့ဟာ အလှည့်ကျ ဇယား(periodic table) ရဲ့ အခြားနေရာမှာ တည်ရှိနေ ပေမဲ့လည်း အလားတူ ဓာတု ဂုဏ်သတ္တိ (chemical properties )တွေ ပါဝင်တယ်။

ဒီ ဒြပ်စင်တွေမှာ ခေတ်မီနည်းပညာဖွံ့ဖြိုးတိုးတက်မှု (development of modern technology) အတွက် အရေးပါတဲ့ အစိတ်အပိုင်း (critical components )တွေဖြစ်စေတဲ့ ထူးခြားတဲ့ သွင်ပြင်လက္ခဏာ (unique characteristics)တွေရှိတယ်။

“အလှည့်ကျဇယား (periodic table)မှာ စူပါဟီးရိုးတွေ ဖြစ်လာစေတဲ့ ထူးခြားအံ့ဩလောက်တဲ့ ရုပ်ပိုင်းဆိုင်ရာနှင့် ဓာတုဂုဏ်သတ္တိတွေ (remarkable physical and chemical properties) သူတို့မှာ ရှိတယ်” လို့ ဓာတ်သတ္တု ဆိုင်ရာ အတိုင်ပင်ခံကုမ္ပဏီ အဒမ် အင်တယ်လီဂျင်စီ(Adams Intelligence)ရဲ့ မန်နေးဂျင်း ဒါရိုက်တာ ရိုင်ယန် ကတ်စတီလောက်(Ryan Castilloux) က ဖောရင်းပေါ်လစီ( Foreign Policy) စာဆောင်ကို ပြောကြားခဲ့ဘူးတယ်။

ဥပမာအနေနဲ့ လင်းန်သနမ် (lanthanum, [La] )ဟာ မြေကြီးထဲမှ ထုတ်ယူတဲ့ ရေနံစိမ်း(raw crude oil) တွေကို ဓာတ်ဆီနဲ့ ဒီဇယ် (gasoline and diesel)အဖြစ်သို့ ပြောင်းလဲရန် အသုံးပြုနိုင်တယ်လို့ ကတ်စတီ လောက် (Castilloux) ကဆိုတယ်။

ဒီနေ့ ခေတ်စားနေတဲ့ အသေးစားကရိယာလေးတွေကို အရွယ်အစားသေး သွားအောင်( miniaturization of popular gadgets)နဲ့ အီလက်ထရွန်း နစ်ပစ္စည်းတွေဖြစ်တဲ့ အိုင်ဖုန်း( iPhone) လို ပစ္စည်းတွေကို သေးငယ်အောင် ပြုလုပ်ပေးဖို့ လိုအပ်တာက စွမ်းအားအလွန်မြင့်မားတဲ့ သံလိုက် (extremely powerful magnets) သေးသေးလေးတွေပါ အဲဒီ သံလိုက်သေးသေး လေးတွေ ရရှိလာအောင် လုပ်ပေး နိူင်တာက မြေရှားဒြပ်စင်တစ်ခုဖြစ်တဲ့ နီအိုဒီမီယမ် (neodymium, [Nd] )မှာပါတဲ့ သံလိုက် ဂုဏ် သတ္တိ (magnetic properties)တွေကြောင့်ဖြစ်တယ်။

မြေရှား တွေသာမရှိခဲ့ရင် မျက်နှာပြင်ပြား တီဗီ(flat screen TVs)ကနေ လျှပ်စစ်ကား(electric cars)တွေအထိ ဒါမှ မဟုတ် ပဲ့ထိန်းဒုန်းကျည် (guided missiles) တွေအထိ လုပ်နိူင်ဖို့ နည်းပညာတွေ ဖြစ်လာမှာ မဟုတ်ပါဘူး။
မြေရှား(Rare earths)တွေကို လျှပ်စစ်နှင့် ပေါင်းစပ်ကား (electric and hybrid cars) တွေအတွက် ပြန်လည်အားသွင်းနိုင်တဲ့ ဘက်ထရီတွေ (rechargeable batteries)၊ အဆင့်မြင့် ကြွေထည် (advanced ceramics) တွေ၊ ကွန်ပျူတာ (computers )တွေ၊ DVD ပလေယာ (DVD players)တွေ၊ လေတာဘိုင် (wind turbines )တွေ၊ ကားတွေနဲ့ ဆီချက်စက်ရုံတွေမှာ ဓာတ်ကူပစ္စည်း (catalysts in cars and oil refineries)တွေအဖြစ်၊ မော်နီတာ(monitors)တွေ၊ ရုပ်မြင်သံကြား (televisions)တွေ၊ အလင်းရောင်ထုတ် ပစ္စည်း(lighting)တွေ လေဆာ (lasers)၊ ဖန်မျှင်ကြိုး/ဖိုက်ဘာအော့ပတစ်(fiber optics)တွေ၊ စူပါကွန်ဒတ် တာ superconductors)တွေနဲ့ ဖန်သားအရောင်တင်ခြင်း (glass polishing)တွေအတွက် မြေရှားတွေကို အသုံးပြုပါတယ်။ နီအိုဒီယမ် (neodymium)နှင့် ဒစ်ပရိုစီယမ် (dysprosium)တို့လို မြေရှားဒြပ်စင် (rare earth elements)အများ အပြားဟာ လျှပ်စစ်ကား (electric vehicles)တွေမှာ အသုံးပြုတဲ့ မော်တာ (motors) တွေအတွက် အရေးကြီး ပစ္စည်းဖြစ်တယ်။
အချို့သော မြေရှားတွင်းထွက်(rare earth minerals)တွေဟာ စစ်သုံးပစ္စည်း (military equipment) တွေဖြစ်တဲ့ ဂျက်အင်ဂျင် (jet engines)တွေ၊ ဒုံးကျည်လမ်းညွှန်စနစ် (missile guidance systems)တွေ ၊ ဒုံးကျည်ကာကွယ်ရေးစနစ် (antimissile defense systems)တွေ၊ ဂြိုလ်တု (satellites)တွေနဲ့ လေဆာ (lasers)တွေမှာ မရှိမဖြစ်လိုအပ်ပါတယ်။

ဥပမာအားဖြင့် လင်းန်သနမ်(Lanthanum)ဆိုရင် ညဘက်အမြင် အာရုံခံကိရိယာ (night vision devices) ထုတ်လုပ်ဖို့အတွက် လိုအပ်ပါတယ်။ အမေရိကန် ကာကွယ်ရေးဌာန (The U.S. Defense Department)အနေနဲ့ အမေရိကန် တစ်နိုင်ငံလုံးလိုအပ်ချက်ရဲ့ (၁ % ) ခန့်ရှိပြီး အဲဒီ ပမာဏဟာ ကမ္ဘာတဝှမ်း မြေရှားဝယ်လိုအားရဲ့(၉ % ) ခန့်ရှိကြောင်း ကွန်ဂရက်လွှတ်တော် ကိုတင်သွင်းတဲ့ အမေရိကန် အစိုးရ တာဝန်ခံရုံး (US Government Accountability Office)ရဲ့ ၂၀၁၆ ခုနှစ် အစီရင်ခံစာအရ သိရပါတယ်။

မြေရှား(rare earths)တွေက မော်တော်ကားနဲ့ပတ်သက်တဲ့ အရာအားလုံးကို ပြောင်းလဲပစ်လိုက် တယ်။ ဒီလိုပဲ အစိမ်းရောင်နည်းပညာနဲ့ပတ်သက်တဲ့ အကြောင်းအရာတွေ၊လက်နက်စနစ်တွေရဲ့ တိကျမှုနဲ့ ပတ်သက်တဲ့ အကြောင်းအရာတွေကို ပြောင်းလဲပေးလိုက်တယ်။ ဒါကြောင့် သူတို့ဟာ မရှိမဖြစ်လို အပ်လာ ပါပြီ” လို့ မြေရှားဆိုင်ရာ အတိုင်ပင်ခံလုပ်ငန်းဖြစ်တဲ့ တီအိပ်ချ် အာရ် အီးအီး( ThREE Consulting)ရဲ့ ဥက္ကဋ္ဌ ဂျင်မ် ကနေဒီ(Jim Kennedy) က ပြောခဲ့တယ်။

သူကပဲ "ပရိုင်းရပ်စ်(Prius)လိုချင်ပါသလား မြေရှား (rare earths) တွေလိုတယ်။ လောင်းရိန့်ချ် တက်စ်လာ(long-range Tesla) ကို လိုချင်ပါသလား မြေရှား (rare earths) တွေလိုတယ်။ (၁) မီတာအထိ တိကျတဲ့ ခရုဇ်ဒုံးကျည် (cruise missile) ကို လိုချင်ပါသလား မြေရှား (rare earths) တွေလိုတယ်။" လို့ဆက်ပြီးပြောခဲ့တယ်။

13/06/2025

မြန်မာနိုင်ငံအတွက် မြွေမျိုးစိတ် သစ်တစ်မျိုးမှတ်တမ်း
တင်နိုင်
============

လာအို မြွေဝံပုလွေ ဟာ အရင်က မြန်မာနိုင်ငံမှာ မှတ်တမ်းမရှိခဲ့ပါဘူး

ယခု အခါ Of Myanmar 🇲🇲 မှ ရရှိသောမှတ်တမ်းများဖြင့် တရားဝင် မှတ်တမ်းတင်နိုင်ခဲ့ပြီဖြစ်ပါတယ်

တွေ့ရှိရတဲ့နေရာတွေကို မြေပုံမှာ တွေ့နိုင်ပါတယ် အပြာစက်ကလေးချထားပါတယ်

ဒီစာတမ်းလေးဖြစ်မြောက်အောင် ကူညီပေးခဲ့ကြသော အဖွဲ့ဝင်များ Funding ပေးသော တက္ကသိုလ်များကို အထူးပင်ကျေးဇူးတင်ရှိပါတယ်

Acknowledgements - Snakes Of Myanmar Admin Team နှင့် Myanmar Wildlife Rescue Admin Team တို့အားလည်း အထူးပင်ကျေးဇူးတင်ရှိပါတယ်ရှင့် ❤️🐍

PhD ခရီးလေးမစခင်မှာ နောက်ထွက်လာမယ့် စာတမ်းလေးတွေရှိသေးတာမို့ ဆက်လက်စောင့်မျှော်ပေးကြပါအုံးရှင့် 🫶

#မှတ်ချက် snakes of Myanmar ရဲ့ထုတ်ပြန်ချက်ကို
the nature media ကပြန်လည်ဖော်ပြခြင်းဖြစ်ပါသည်။

11/06/2025

သဘာဝထဲမှာအလွန်ရှားပါးပြီးထူးခြားတဲ့မှတ်တမ်း ***
========
#မှတ်ချက် ငှက်ပညာရှင်ဖြစ်သူဆရာဦးသက်ဇော်နိုင်ရေးသားထားချက်ကို the nature mediaပြန်လည်ဖော်ပြခြင်းဖြစ်ပါသည်။

* အရွယ်ရောက်ပြီးသော အကောင်ပေါက်နှစ်ကောင်ပါသော ကြိုးကြာခေါင်းနီ (Eastern Sarus Crane) မိသားစုကိုတွေ့ရှိခဲ့ခြင်း *

ကြိုးကြာခေါင်းနီများဟာ ပုံမှန်အားဖြင့် နှစ်ကောင်ပေါက်လေ့ရှိပြီး တစ်ကောင်ဘဲ အရွယ်ရောက်သည့်အထိရှင်သန်နိုင်ပါတယ်။ များသောအားဖြင့် အရင်ပေါက်သောအကောင် (အရင်ပေါက်တဲ့အကောင်က ပိုကြီးပြီး၊ ပိုသန်မာ) သို့မဟုတ် သန်မာသော အကောင်သာ ရှင်သန်လေ့ရှိပါတယ်။ အကောင်ပေါက်အခြင်းခြင်း ‌ေ-သအောင်ခွပ်သ-တ်ခြင်း၊ နောက်မှပေါက်သော သို့မဟုတ် မသန်မာသော အကောင်သည် အစာမဝ၍ မရှင်နိုင်တော့ခြင်းတို့ကြောင့် နှစ်ကောင်ထဲမှ တစ်ကောင်သာ အရွယ်ရောက်သည့်အထိ ရှင်သန်ကြခြင်းဖြစ်ပါတယ်။

သို့သော်လည်း အလွန်ရှားပါးပြီး ထူးဆန်းတဲ့ မှတ်တမ်းတစ်ခုအနေနဲ့ ၂၀၂၅ခုနှစ် ဇန်နဝါရီလတွင် ဧရာဝတီတိုင်း၊ ဝါးခယ်မမြို့နယ်မှာရှိတဲ့ ကျုံကပြင်-တက်ဆိပ် ဒေသခံသားငှက်ထိန်းသိမ်းရေးဧရိယာအတွင်းမှာ အရွယ်ရောက်ပြီးတဲ့ ကြိုးကြာ အကောင်ပေါက်နှစ်ကောင်ကို သူ့တို့ရဲ့ မိဘတွေနဲ့ တွေ့ခဲ့ရပါတယ်။

အဲ့ဒီမိသားစုကို မတ်လအထိ တွေ့နေကြနေရာမှာ အမြဲတွေ့ခဲ့ရပါတယ်။ ဒါဟာ မြန်မာမှာရှိတဲ့ ကြိုးကြာခေါင်းနီ ငှက်များအတွက် အသိုက်တစ်သိုက်ထဲမှပေါက်တဲ့ အကောင်ပေါက်နှစ်ကောင်လုံးရှင်သန်တဲ့ ထူးခြားတဲ့ မှတ်တမ်းပါ။

ကျနော့ အနေနဲ့လည်း ၂၀၀၂ ခုနှစ်ကနေပြီး ယခုအချိန်အထိ မြစ်ဝကျွန်းပေါ်ဒေသမှာ ငှက်တွေကို လေ့လာခဲ့ရာမှာ အရွယ်ရောက်သည့်အထိရှင်သန်နေတဲ့ ကြိုးကြာအကောင်ပေါက် နှစ်ကောင်ပါတဲ့ မိသားစုကို ပထဆုံး အကြိမ်တွေ့ရှိခဲ့တာပါ။ ၂၀၁၆ခုနှစ် စက်တင်ဘာလ မှာ အကောင်ပေါက်လေး နှစ်ကောင် (ဥမှပေါက်ခါစ အကောင်ပေါက်မဟုတ်ပါ) ပါတဲ့ ကြိုးကြာမိသားစုကို မအူပင်မြို့နယ်၊ ရေလဲကလေးကျေးရွာနားမှာ တွေ့ခဲ့ပါသေးတယ်။ ဒါပေမဲ့ အဲ့ဒီအကောင်ပေါက်လေးနှစ်ကောင်မှာ တစ်ကောင်ဘဲအရွယ်ရောက်သည့်အထိ အသ_က်ရှင်နိုင်ခဲ့ပါတယ်။

08/06/2025

ခါကာဘိုရာဇီအမျိုးသားဥယျာဉ်အတွင်းကင်မရာထောင်ချောက်မှတဆင့်တွေ့ရသည့် အင်းကျား
==============
၂၀၂၃ခုနှစ် ဇွန်လ(၈)ရက်ကရေးသားထားခြင်းဖြစ်ပါသည်။

ခါကာဘိုရာဇီအမျိုးသားဥယျာဉ် အတွင်းမှာ ကင်မရာထောင်ချောက်တပ်စဉ်ပြီး မှတ်တမ်းတင်ထားတဲ့ Clouded leopard အင်းကျား မှတ်တမ်းဓါတ်ပုံတွေဖြစ်ပါတယ်။ ဒေသအခေါ်က ခုံး(ရဝမ်)လို့ခေါ်ပါတယ်။ အကောင်ပေါက် အရိုး အရေခွံတွေကို အရင်ကတော့ တရုတ်က ဝယ်တယ် အခုတော့ ပြည်တွင်းကပါ အတော်လေးဝယ်ကြတာကြောင့် အတော်လေးရှားသွားပြီ
အရင်ကတော့ အတော်လေးပေါတယ်ခဲ့တယ်လို့ပြောရမယ် မှတ်မှတ်ရရ လွန်ခဲ့တဲ့ ၁၈နှစ်လောက်က ကျွန်တော်တို့ရုံးကနေ့စား တစ်ယောက် နမ်ထွန်ခူးသွားတဲ့လမ်းက သူ့သူငယ်ချင်းတွေနဲ့ အင်းကျားသားပေါက်ဖမ်းလာပြီး ရန်ကုန် တိရစ္ဆာန်ရုံ ပို့ဖူးတယ် ရှိသေးသလားမသိဘူး၊ သစ်တောတစ်ခုမှာ အပင်တွေ ငှက်တွေ တောရိုင်းတိရစ္ဆာန်တွေ မျိုးစုံရှိနေရမယ် ခင်များရဲ့ စိတ်ကူးထဲမှာ မျောကြည့်လိုက် တောဆိုတာ ဒီအရာတွေ ရှိမှ ပြည့်စုံတာ တောရိုင်းတိရစ္ဆာန်တွေကို ဖမ်းဆီးပြီး အိမ်မှာမွေးတာတို့ကို လုံးဝ မကြိုက်ပါဘူး၊ တောရိုင်းတိရစ္ဆာန်တွေကို ချစ်တယ်ဆိုပြီ အိမ်မှာမွေးသူတွေဟာ ကိုယ်ချင်းစာစိတ်မရှိတဲ့ လူတွေပဲလိုမြင်ပါ‌တယ် သဘာဝအတိုင်း တောထဲမှာ ဘာပဲဖြစ်ဖြစ်ရှင်သန်နေထိုင်တာဟာ သူတို့အတွက် အကောင်းဆုံးပါ သဘာဝကို ချစ်တတ်ကြပါစေ။

ဘရန်ရှောင်

#မှတ်ချက် ကိုဘရန်ရှောင် ယခင်ကရေးသားချက်ကိုပြန်လည်ကူးယူဖော်ပြခြင်းဖြစ်ပါသည်။

06/06/2025

ဥက္ကံချောင်းထဲကတွေ့တဲ့ ကျွန်းနက်
ဆိုပြီးနာမည်ကြီးနေတဲ့သစ်လုံးကြီးတွေပါ
မည်းမည်းတွေ့တိုင်း ကျွန်းနက်တွေချည်းဖြစ်ကုန်
ပါပြီ။
ကျွန်တော် ရေးခဲ့တဲ့ကျွန်းနက်အကြောင်းဆောင်းပါး နှစ်ပုဒ် မှာရေးထားသလိုပါပဲ
ဘယ်သစ်မျိုးမဆို ရေအောက်မှာနှစ်ပေါင်းမျးစွာ
မြုပ်နေရင် အရောင်ပြောင်းနိုင်ပါတယ် ပြောင်းသွားတဲ့အရောင်ကတော့ မြစ်ချောင်းတွေရဲ့ကြမ်း
ပြင်မှာရှိတဲ့ မြေ/ သဲ စသည်တွေမှာပါဝင်တဲ့
Minaral ပေါ်မှာမူတည်နေပါတယ်။
သစ်လုံးကြီးရဲ့ပုံပန်းအရ ပြောရရင်တော့ ကျွန်း
ဖြစ်နိုင်ခြေအလွန်နည်းပါတယ်။ ကျွန်းသစ်လုံးတွေမှာခုလို Form မျိုးအလွန်တွေ့ရခဲပါတယ်။
သစ်လုံးကြီးက လုံးဝန်းပြီးဖယောင်းတိိုင်ပုံ -
Cylindrical ဖြစ်နေတာကြောင့် ကညင် ဖြစ်နိုင်ခြေများပါတယ်။
သစ်လုပ်ငန်းကသူတွေဆိုရင်တော့ကျွန်တော့်ထက်ပိုပြီးပြောနိုင်မှာပါ။
Wood Anatomist တွေကသာသိပ္ပံနည်းကျခိုင်ခိုင်မာမာပြောနိုင်မှာပါ။

#မှတ်ချက် ဆရာဦးဝင်းချစ်ရေးသားထားချက်ကိုပြန်လည်ကူးယူးဖော်ပြခြင်းဖြစ်ပါသည်။
#ကျွန်းနက် #ကျွန်းသစ်

01/06/2025

ကချင်ပြည်နယ်၌ ဖြစ်ပေါ်နေသည့် ရေကြီးရေလျှံမှုများတွင် အကူညီလိုအပ်ပါက မြန်မာနိုင်ငံလူမှုကယ်ဆယ်ရေးအဖွဲ့ - ကချင်ပြည်နယ်၏ အရေးပေါ်ဖုန်းနံပါတ်များထံသို့ ဆက်သွယ်အကူညီတောင်းခံနိုင်သလို သက်ဆိုင်ရာမြို့နယ်များအလိုက် အသင်းရုံးအခြေစိုက်နေရာများသို့လည်း လာရောက် ဆက်သွယ်အကူညီတောင်းခံနိုင်ပါသည်။

မြန်မာနိုင်ငံ လူမှုကယ်ဆယ်ရေး အဖွဲ့

(ကချင်ပြည်နယ်) ထံ အရေးပေါ် ဆက်သွယ်နိုင်သည့် ဖုန်းနံပတ်များ

09.881433881 (မြစ်ကြီးနားရုံး)
09-424724477 (မြစ်ကြီးနားရုံး)
09-400050420 (မြစ်ကြီးနားရုံး)
09-425935458 (မြစ်ကြီးနားဆေးရုံ အဖွဲ့)
09-887074125 (ပူတာအိုရုံး)
09-782268970 (တနိုင်းရုံး)
09-966790301 (တနိုင်းရုံး)
09-400000840 (ဖားကန့်ရုံး)
09-898126969 (နမ္မတီရုံး)
09-445601070 (ဟိုပင်ရုံး)
09-697977778 (မိုးကောင်းရုံး)
09-451757833 (ပင်းဘောရုံး)
09-400638949 (ကုန်းတန်းကြီးရုံး)

မြန်မာနိုင်ငံ လူမှုကယ်ဆယ်ရေးအဖွဲ့ (ဗဟိုကော်မတီ) ၏ သဘာဝဘေး အရေးပေါ်တုန့်ပြန်ဆောင်ရွက်ရေး အဖွဲ့အား ဗဟိုကော်မတီ ဒုတိယဥက္ကဌ ၏ လမ်းညွှန်မှုဖြင့် မန္တလေးတိုင်းဒေသကြီးကော်မတီ မှ ကြီးကြပ်အုပ်ချုပ်ကာ အရေးပေါ်ကူညီကယ်ဆယ်နိုင်ရေး အသင့် စုဖွဲ့ဆောင်ရွက်လျှက်ရှိပါသည်။

မြန်မာနိုင်ငံလူမှုကယ်ဆယ်ရေးအဖွဲ့
မန္တလေးတိုင်းဒေသကြီးကော်မတီ

The Nature Media

30/06/2025

22/06/2025

21/06/2025

21/06/2025

21/06/2025

16/06/2025

14/06/2025

13/06/2025

11/06/2025

08/06/2025

06/06/2025

01/06/2025

Address

Telephone

Website

Alerts

Shortcuts

Share

Category