https://kachinhumanrightsinsight.org/

LangJi - လန်ဂျီ, Yangon (2025)

04/08/2025

လိုင်ဇာမြို့တွင် မိုးအဆက်မပျက်ပြင်းထန်စွာရွာသွန်းမှုကြောင့် တောင်ကျ‌ရေမြင့်တက်လာလို့ စစ်‌ဘေးရှောင်စခန်းတစ်ချို့ ရေဘေး‌‌ကြုံတွေ့နေရ

လိုင်ဇာမြို့။ ၄၊ဩဂုတ်လ၊၂၀၂၅

ကချင်ပြည်နယ် KIOဌာနချုပ်ရှိရာ လိုင်ဇာမြို့တွင် မိုးပြင်းထန်စွာရွာသွန်းကာ တောင်ကျ‌ရေကြောင့် မုန်လိုင်ခက်ချောင်း‌ရေမြင့်တက်လာပြီး ညသန်းခေါင်ဖြစ်တဲ့ ယနေ့မနက်ပိုင်း ၁:၀၀နာရီမှ ဂျေယန်၊ ဖုန်လွမ်ယန်၊ ဆွတ်မုန်အောင်၊ ဂျာထူ ကောင်၊ မုန်းဆိုင်ယန် စစ်ရှောင် နေရာများတွင် ရေလွမ်းမိုးမှုဖြစ်ခဲ့‌ကြောင်း သိရပါတယ်။

အဆိုပါရေကြီးလာတာကြာင့် လူတစ်ချို့ရေထဲ‌မျောပါတာရှိပြီး နေအိမ်အများအပြားထိခိုက်ပျက်စီးသွားတာရှိကြောင်းသိရပေမဲ့အရေအတွက်အတိအကျမသိရသေးကြောင်း ဒေသခံများထံမှသိရပါတယ်။

"ညသန်းခေါင်ကြီး ရေတက်လာတော့ လူတစ်ချို့က ရေထဲ‌ပါသွားတာရှိတယ်တဲ့။လွတ်မြောက်သူတွေရှိတယ်တဲ့ ။ သေဆုံးသူ ရှိနိုင်တယ် ဘယ်နှစ်ယောက်ရှိတာ‌တော့မသိသေးဘူး။ အိမ်တွေလည်း အများကြီးပျက်စီးသွားတယ်။ ရေကြီး နေသေးတယ်ဆိုတော့ အိမ်အပျက်အစီးအရေအတွက်တိတိကျကျမသိသေးဘူး။" လို့ လိုင်ဇာမြို့ခံအမျိုးသားတစ်ဦးက ပြောပါတယ်။

လက်ရှိမှာ မိုးပြင်းထန်စွာရွာသွန်းနေပြီး တောင်ကျချောင်းဆက်လက်မြင့်တက်နေသလို ပြည်သူများ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌လွတ်မြောက်ရာသို့ တိမ်းရှောင်နေရကာလူမှုကူညီမှု‌ရေးအထောက်အပံ့များစွာ လိုအပ်နေကြောင်းသူကဆက်ပြောပါတယ်။

်ဂျီ
#မိုးများပြီးတောင်ကျချောင်းမြင့်တက်
#လိုင်ဇာမြို့အနီး
#ရေဘေးအန္တရယ်ကြုံတွေ့
#လူမှုကူညီရေး အထောက်အပံ့လိုအပ်

http://www.youtube.com/-x9y
https://t.me/W_iNNrnH7JQyMDI1
www.kachinhumanrightsinsight.org

04/08/2025

အင်းတော်မြို့ထဲက ဂျပန်လိုဏ်ဂူမှာ လူသားဒိုင်းအဖြစ်ဖမ်းဆီးခံခဲ့ရတဲ့ မိန်းကလေးတွေရဲ့အဖြစ်ဆိုးများ

အင်းတော်မြို့ ။ ၄ ၊သြဂုတ်လ၊၂၀၂၅

စစ်ကိုင်းတိုင်း အင်းတော်မြို့နယ်ရှိ ရွာအချို့မှ မိန်းမပျိုးကလေးများ၊ သာသနာ့ဘောင်ဝင်ထားတဲ့မယ်သီလရင်၊ အိမ်ထောင်သည်အမျိုးသမီး၊ ဝန်ထမ်းအမျိုးသမီးကို အင်းတော်မြို့ ဂျပန်လိုဏ်ဂူအတွင်း တပ်စွဲထားသော ရတတမခ(၇၇)စစ်ကောင်စီတပ်မှ လူသားဒိုင်းအဖြင့် ၈ လ ခန့်ကြာ ဖမ်းဆီးထားပြီး အကြိမ်ကြိမ် အတင်းအဓမ္မပြုကျင့်ခဲ့ပါတယ်။

ထိခိုက်နှစ်နာသူ ၁။
အင်းတော်မြို့နယ် အင်းသာယာရွာဟာ တပ်မ ၇၇ စစ်ကောင်စီတပ်သားတွေ တပ်စွဲထားတဲ့ ဂျပန်လိုဏ်ိုနားမှာ ရှိနေတာမို့ အင်းသာယာရွာက အင်မတန်မှ ချောမောလှပတဲ့ အသက်၁၆နှစ်အရွယ် မိန်းကလေးကို စစ်ကောင်စီရဲ့ လက်ကိုင်တုတ်ဖြစ်တဲ့ ပျူစောထီးတွေကမြင်သွားပြီး စစ်သားတွေကိုပြောပြတာမို့ အတင်းအဓမ္မဖမ်းခေါ်သွားပြီး ဂျပန်လှိုင်ဂူထဲမှာ အဓမ္မပြုကျင့်ကြပါတယ်။ စစ်သားတွေရဲ့‌ နေစဉ်ရက်ဆက်အဓမ္မပြုကျင့်ခံရတဲ့ မိန်းကလေးဟာ မြို့သိမ်းတိုက်ပွဲအပြီး လွတ်မြောက်လာချိန်မှာ ခန္ဒာကိုယ်ပိုင်းနဲ့ စိတ်ပိုင်းဆိုင်ရာ အင်မတန်ပျက်စီးနေပြီး လူကအားအင်မရှိဘဲ မသေယုံတမယ် ၊ယဲ့ယဲ့လေးသာကျန်ပါတော့တယ်။

ထိခိုက်နှစ်နှာသူ ၂။
အင်းသာယာရွာက မိန်းကလေးအပြင် လသံပရာရွာက အသက် ၁၇နှစ်အရွယ် မိန်းကလေးဟာလည်း စစ်သားတွေရဲ့ အကြိမ်ကြိမ် အဓမ္မပြုကျင့်မှုကြောင့် ကိုယ်ဝန်ရခဲ့ပြီး ကိုယ်ဝန်၇လနဲ့ မြို့သိမ်းတိုက်ပွဲအပြီးမှာ စိတ်ကျန်းမာရေးမကောင်းတဲ့ အခြေအနေနဲ့လွတ်မြောက်လာပါတယ်။ အခုလက်ရှိမှာ အဲ့ဒီမိန်းကလေးဟာ ကလေးမီးဖွားပြီး ကလေးကို မွေးစားမဲ့သူဆီပေးလိုက်ပါတယ်။

ထိခိုက်နှစ်နာသူ ၃။
မန်လည်ရွာက Non CDM ရဲမေတစ်ဦးဟာလည်း ဂျပန်လိုိုဂူထဲမှာ လူသားဒိုင်းအဖြစ် ဖမ်းဆီးခံထားရချိန်မှာ စစ်သားတွေရဲ့ အကြိမ်ကြိမ် အဓမ္မပြုကျင့်မှုကြောင့် ကိုယ်ဝန်ရရှိသွားပြီး လွတ်မြောက်လာချိန်မှာ ကလေးအမွှာပူး မွေးဖွားခဲ့ပါတယ်။

ထိခိုက်နှစ်နာသူ ၄။
အိမ်ထောင်ရှိတဲ့ အသက်၂၆နှစ်အရွယ် ကလေးတစ်ယာက်ရဲ့မိခင်ဖြစ်သူ အမျိုးသမီးဟာလည်း အမျိုးသားနဲ့အတူ ဂျပန်လိုဏ်ဂူထဲ ဖမ်းဆီးခံထားရချိန်မှာစစ်သားတွေရဲ့ အဓမ္မပြုကျင့်ခံရခဲ့ပါတယ်။စစ်သားတွေဟာ အိမ်ထောင်ရှင်မိခင်အမျိုးသမီးကို အဓမ္မပြုကျင့်ပြီးချိန်မှာ သူမရဲ့ အမျိုးသားကိုကျေနပ်လားလို့ မေးခဲ့ပါတယ်။ လက်နက်ကိုင်ထားတဲ့စစ်သား တွေက ကျေနပ်လားလို့ မေးတဲ့အချိန်မှာ အမျိုးသားဟာ စိတ်ထဲမှာ မကျေနပ်ပေမယ့် မကျေနပ်ဘူးလို့ မဖြေရဲခဲ့ပါဘူး။

ထိခိုက်နှစ်နာသူ ၅။
အင်းတော်မြို့နယ်ထဲက အသက်၃၅ နှစ်အရွယ် မယ်သီလရင်တပါးဟာလည်း ဂျပန်လှိုင်ဂူထဲ လူသားဒိုင်းအဖြစ်ဖမ်းဆီးခံထားရချိန်မှာစစ်သားတွေရဲ့ အဓမ္မပြုကျင့်တာကို ခံလိုက်ရပါတယ်။

ထိခိုက်နှစ်နာသူများ ၆။
အင်းတော်မြို့နယ်ထဲက ဂျပန်လိုဏ်ဂူမှာ မတရား ဖမ်းဆီးခံထားရပြီး စစ်သားတွေရဲ့ နေ့စဉ်ရက်ဆက် အကြိမ်ကြိမ် အဓမ္မပြုကျင့်ခံရလို့ အသက်မရှင်ချင်တော့တာကြောင့် အသက် ၂၀နှစ် ၊၂၃နှစ် ၊ ၂၆ နှစ်အရွယ် မိန်းကလေး ၃ ဦးဟာလည်း ကိုယ်ကိုကိုယ်သတ်သေသွားခဲ့ပါတယ်။

စစ်ကောင်စီရဲ့ စစ်သားတွေဟာ မူးယစ် ဆေးသုံးစွဲပြီး အသက်မပြည်သေးတဲ့ကလေး ၊ အိမ်ထောင်သည်မိခင် ၊ သာသနာ့ဘောင်ဝင်ထားတဲ့မယ်သီလရင် ၊ဝန်ထမ်းနဲ့ မိန်းမပျိုလေးတွေကို ဂျပန်လိုဏ်ဂူထဲမှာ ၈လ အကြာ လိင်ပိုင်းဆိုင်ရာအကြမ်းဖက်ပြီး လူ့အခွင့်အရေးကို အကြိမ်ကြိမ် ချိုးဖောက်ခဲ့ပါတယ်။

ပြီးခဲ့တဲ့ ဧပြီလ ၇ ရက်နေ့တွင် ပြည်သူ့ကာကွယ်ရေးတပ်မတော်မှ ၎င်း အင်းတော်မြို့ကို အပြီးသိမ်းပိုက်လိုက်ပြီး လက်ရှိတွင် မိုင်း နယ်မြေရှင်းလင်းမှုတွေလက်ဆက်လုပ်ဆောင်ပါတယ်။

်ဂျီး

#စကိုင်းတိုင်း_အင်းတော်မြို့နယ်

http://www.youtube.com/-x9y
https://t.me/W_iNNrnH7JQyMDI1
www.kachinhumanrightsinsight.org

02/08/2025

ရှမ်းပြည်မြောက်ပိုင်းတွင် ကျားဖျန့် လုပ်ကိုင် နေတဲ့ တရုတ်လူမျိုး ရာနဲ့ချီကို KIAဖမ်းက ဖမ်းပြီးတရုတ်အစိုးရထံ လွှဲအပ်ပေး
LangJi media

ဩဂုတ်လ၊ ၂၊၂၀၂၅

ရှမ်းပြည်နယ်မြောက်ပိုင်း တရုတ်-မြန်မာနယ်စပ် ပန်းဆိုင်းမြို့တွင် ယမန်နေ့က ရာချီ‌ သော ကျားဖျန့် လုပ်ကိုင်သူ တရုတ်လူမျိုးများကို KIAဘက်မှ တရုတ်အစိုးရထံလွှဲအပ် ပေးခဲ့ကြောင်း ဒေသခံများထံမှ သိရပါတယ်။

အဆိုပါ ကျားဖျန့်များက နိုင်ငံကူးလက်မှတ် ထောက်အထားများလည်း မပါရှိကြောင်းလည်း သိရပါတယ်။

" မနေ့က နယ်စပ်ဂိတ်ရှိတဲ့ ပန်ဆိုင်းဘက်ကနေ လွှဲပြောင်းလိုက်ပြီတဲ့။ တရုတ်တွေ အယောက် ၂၀၀၊၃၀၀ကြားရှိမယ်။ အသိအကျ တော့မသိဘူး ‌‌။တော်တော်များတယ်။ ဘာအထောက်အထားမှ ပါကြဘူးတဲ။ နိုင်ငံကူးလက်မှတ်တို့ ပေါ့။" ဆိုပြီး ဒေသခံ အမျိုးသားတစ်ဦးကပြောပါတယ်။

လက်ရှိမှာ ရှမ်းပြည်မြောက်ပိုင်း TNLA၊ MMDAAနှင့် စစ်ကောင်စီးထိန်းချုပ်တဲ့ နေရာတွင်မှာ ကျားဖျန့်လောင်းကစားအပြင် ပြည့်တန်ဆာ အလုပ်အကိုင်များ ပိုမိုတွင်တွင်ကျယ်ကျယ် ရှိလာတာတွေ့ရကြောင်း နောက်ထပ် ဒေသခံ အမျိုးသားတစ်ဦးပြောပါတယ်။

"အဓိကတော့ MNDAA နဲ့ စစ်ကောင်စီထိန်းချုပ်တဲ့နေရာတွေမှာပေါ့ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ကျားဖျန့်အပြင် လောင်းကစား အမျိုးမျိုးဘဲ၊ ပြည့်တန်ဆာ အလုပ်‌တောင် ပေါ်ပေါ်တင်တင်လုပ်နေကြတယ်။ ပြီးတော့ TNLA ထိန်းချုပ်တဲ့ နေရာ တွေမှာရောပေါ့။" လို့ ပြောပါတယ်။

ပြီးခဲ့တဲ့ ဖေဖော်ဝါရီလ ၂၂ရက် နေ့က
ကျားဖျန့် အွန်လိုင်းလိမ်လည်မှုမှာ ပါဝင်ပတ်သက်တဲ့ တရုတ်နိုင်ငံသား ၁၁၁ ဦးနဲ့ ထိုင်းနိုင်ငံသား ၁ ဦးတို့ကို စစ်ကောင်စီ ကနေ ထိုင်းမြန်မာ ချစ်ကြည်ရေး တံတား ၂ ကနေ ထိုင်းနိုင်ငံဘက် လွှဲပြောင်းပေးခဲ့တာရှိကြောင်းသိရပါတယ်။

www.kachinhumanrightsinsight.org

#ကျားဖျန့် တရုတ်လူမျိုး ရာချီကို လွှဲပြောင်းပေး
၊တရုတ်အစိုးရ
#ရှမ်းပြည်မြောက်ပိုင်း
်ဂျီ

Video_CJ

01/08/2025

အမျိုးသမီးများအပေါ် စစ်တပ်မှ မတရားအဓမ္မပြုကျင့်ခဲ့သည့် ဖြစ်စဉ်

ကချင်ပြည်နယ်။ ၁၊သြဂုတ်လ၊၂၀၂၅

လက်ရှိအာဏာသိမ်းထားတဲ့ စစ်ကောင်စီတပ်သည် ခေတ်အဆက်ဆက်အမျိုးသမီးများအပေါ် မတရားအဓမ္မပြုကျင့်မှုများစွာကိုကျူးလွန်ခဲ့ပါတယ်။ ၎င်းတို့ထဲတွင် ကချင်ပြည်နယ် မိုးမောက်မြို့နယ်ရှိ ကျေးရွာ တစ်ခုတွင် ကျူးလွန်ခဲ့သောအဓမ္မပြုကျင့် မှု ဖြစ်စဉ်ကို ဖော်ပြလိုက်ပါတယ်။

အသက် ၅၇ နှစ်အရွယ်ရှိ ဒေါ်ရွယ်နှောင်(အမည်လွှဲ)သည် မိသားစုနဲ့အတူ မိုးမောက်မြို့ နွယ်လန်းကျေးရွာတွင် လယ်ယာလုပ်ငန်း လုပ်ကိုင်စားသောက်ပြီးနေထိုင်နေသူဖြစ်ပါတယ်။ မမျှော်လင့်ဘဲ ၂၀၂၁၊ မတ်လ၊ ၂၅ ရက်မှစ၍ ရွာတွင်းစစ်ပွဲပြင်းထန်လာသောကြောင့် မိုးမောက်မြို့၊ ခါနန်ရပ်ကွက်ရှိ စစ်ရှောင်စခန်း သို့ ရွှေ့ပြောင်းနေထိုင်ခဲ့ပါတယ်။ ထို့နောက် မိသားစုစာ၀တ်နေရေး ဖိုလုံစေရန် တောင်သူများ၏ ဓလေ့ထုံးစံအတိုင်း မိုးရာသီတွင် စစ်ရှောင်စခန်း နဲ့ နွယ်လန်းရွာကို အသွားအပြန်လုပ်ကာ လယ်ယာလုပ်ငန်းလုပ်ကိုင်ခဲ့ပါတယ်။

၂၀၂၁ ခုနှစ် ဇူလိုင်လ ၁၄ ရက်နေ့ မနက် ၁၀ နာရီခန့်တွင် ဒေါ်ရွယ်နှောင်က နွယ်လန်းနေအိမ်မှ စပါးစိုက်ရန်အတွက် စပါးမျိုးစေ့ကို ပလိုင်းထဲလွယ်ကာ လယ်တောထဲသို့ ဆင်းသွားခဲ့ပါတယ်။ အမျိုးသားဖြစ်သူကလည် လယ်တောရှိတဲထဲတွင် ညအိပ်ပြီး ညနေပိုင်း ၆ နာရီခန့်တွင် နေအိမ်သို့ပြန်လာရာတွင် ချွေးမဖြစ်သူက ကလေးတွေနဲ့အတူထမင်းဟင်းချက်နေပြီး နွားများကို နွားတင်းကုတ်တွင် ချည်းထားတာမတွေ့သောကြောင့် ယောက္ခမဘယ်သွားလဲလို့မေးချိန် ချွေးမဖြစ်သူက ဒီမနက်ကတည်းက လယ်တောထဲဆင်းသွားကြောင့်ပြောခဲ့ပါတယ်။

အမျိုးသားဖြစ်သူ ဦးနော်ဂျာ(အမည်လွှဲ)က ဇနီးမခေါ်ရွယ်နှောင်က လယ်တောထဲမရောက်လာခဲ့လို့ စိုးရိမ်းစိတ်တွေဖြစ်လာပါတယ်။ ဖုန်းခေါ်ကြည့်တော့ နှစ်ခါဝင်ပေမဲ့ ဖုန်းပြန်လည်ဖြေဆိုမှုမရှိတဲ့အပြင် ဖုန်းကိုတစ်ဖက်မှစက်ပိတ်ချလိုက်ပါတယ်။ ဦးနော်ဂျာရဲ့စိတ်ထဲတွင် ဇနီးက အသက်ရှင်တော့မှာမဟုတ်ကြောင့် မှတ်ချက်ချခဲ့ပါတယ်။

နောက်မနက်ရောက်တော့ အခြားဖုန်းတစ်လုံးနဲ့ဖုန်းခေါ်ကြည့်ရာတွင် ဒေါ်မခေါ်ရွယ်နှောင်ရဲ့ဖုန်းက ၆၁၆ စစ်တပ်ထဲရောက်နေလို့ လာယူဖို့ပြန်ဖြေခဲ့ပါတယ်။ ထို့နောက် ဦးနော်ဂျာက ဇနီးဖြစ်သူကိုသွားရှာဖို့ သူငယ်ချင်း သုံးယောက်နဲ့အတူ လယ်တောထဲဆင်းသွားခဲ့ပါတယ်။ ခြေရာများကိုလိုက်လံရှာဖွယ်ရင်း ဦးနော်ဂျာတို့ရဲ့ လယ်တောရောက်ခါနီးတွင် ဇနီးလွယ်နေကျ ပလိုင်းကိုတွေ့လို့ အနီးအနားတဝိုက်တွင် လိုက်လံရှာဖွယ်ခဲ့သော်လည်း မတွေ့သောကြောင့် ဆက်ပြီးရှာရာတွင် နွားတွေသွားတဲ့ဘက်တွင် ထူးဆန်တဲ့ခြေရာတွေ တွေ့တဲ့အတွက် ၎င်းခြေရာတွေရှိတဲ့ဘက်ကိုသွားရှာကြည့်လိုက်ချိန်တွင် ပလက်လှန်မှောက်လျက်လှဲနေပြီး ထမိန်းကလည်ပင်ပေါ်ရောက်နေကာ ညာဘက်မျက်စီထိုးဖောက်ထားခံရပြီး လှဲကျနေသော ဇနီးသည်ရဲ့အလောင်းကိုသွားတွေ့ခဲ့ပါတယ်။ နောက် ဓားဖြင့်ထိုးထားသော ဒဏ်ရာ လေးချက်ကိုလည်းတွေ့ခဲ့ရပြီး ဓားဖြင့်မထိုးသတ်ခင် အရင်ဆုံးအဓမ္မပြုကျင့်ကာ သေခါနီး ဓားဖြင့်ထိုးသတ်ခဲ့သောဒဏ်ရာမျိုးဖြစ်ကြောင့် အမျိုးသားဖြစ်သူက KSHN ရဲ့ လူ့အခွင့်အရေးမှတ်တမ်းတွင် ပြောပြခဲ့ပါတယ်။

အဆိုပါရုပ်အလောင်ကို ဆေးစစ်ဖို့ ဗန်းမော်ဆေးရုံးသို့ သယ်ဆောင်သွားကာ ဆေးရုံတွင်တစ်ရက်ထားပြီး စစ်ဆေးမှုပြုလုပ်ခဲ့ပါတယ်။ နောက် နေအိမ်မှ DNA စစ်ဖို့ဆိုပြီး ဆံပင်ကျွတ်၊ သွားတိုက်တံတွေ ယူသွားပေမဲ့ တစ်ဆုံတစ်ရာ အကြောင်းပြန်ကြားလာခြင်းမရှိခဲ့ပါ။ထိုနောက် အလောင်ကို ခွဲစစ်အပြီး မီးရှို့သဂြိုလ်လိုက်ကာ အရိုးပြာကို ရွာသင်္ချိုင့်မှာပဲ မြေမြုပ်ခဲ့ပါတယ်။

၎င်းကျူးလွန်ခဲ့သူများမှာ ၈၈ စစ်တပ်မှ စစ်ထွက်ပြေးလာသူ စစ်သားသုံးသောက်ဖြစ်ပြီး ၎င်းတို့ကျူးလွန်သူသုံးဦးကို စစ်တပ်က ပြန်လည်ဖမ်းဆီးမိကာ စစ်ဆေးမှုတွေပြုလုပ်ခဲ့ပါတယ်။ တပ်မ ၈၈မှ ကျူးလွန်သူက ၎င်းတို့ဘက်မှ စစ်သား ၃ ယောက်ဟုတ်တယ်ဆိုတာ ဝန်ခံခဲ့ပေမဲ့ တရားခံ နာမည်နဲ့ ရုပ်ကိုတော့ပြောပြခြင်းမရှိခဲ့ပေ။ နောက် အကျယ်ချုပ်ချုပ်ထားပြီး မကြာခင် အထက်သို့ပို့မယ်လို့ဆက်ပြောခဲ့ပြီး အဲ့ဒီနောက်ပိုင်း တရားခံနဲ့ပက်သက်ပြီး ဘာသတင်းမှ လာပေးခြင်းမရှိတော့ချေ။

လွန်ခဲ့တဲ့ ၂၀၁၅ ခုနှစ် ဧပြီ ၁၃ ရက်တွင်လည် မိုးမောက်မြို့ နွယ်လန်ကျေးရွာမှ အသက် ၈၃ နှစ်ရှိ ဒေါ်ကော့ဂျာ(အမည်လွှဲ)ကို ၄၃၈ စစ်တပ်ရှေ့တန်းမှ ပြန်လာသူ ကိုယ်ပိုင်အမှတ် (၄၅၄၁၃၈) ကိုဇော်မျိုးအေးက အဓမ္မပြုကျင့်ခဲ့ပြီး စစ်တပ်မှ အရေးယူဆောင်ရွက်မှုမရှိခဲ့ကြောင့် ကုထုံးမဲ့လူ့အခွင့်အရေးအနာများမှတ်တမ်းစာအုပ်တွင်ဖော်ပြထားပါတယ်။

ထိုအပြင် ပြီးခဲ့တဲ့ ၂၀၁၁ ခုနှစ် အောက်တိုဘာလ ၂၈ ရက်နေ့တွင် မိုးမောက်မြို့နယ် ခိုင်ပန်ရွာမှ အသက်၂၈ နှစ်ရှိ ဒေါ်ဆွမ်လွတ်ရွယ်ဂျာ နဲ့အတူ အမျိုးသားဖြစ်သူနဲ့ ယောက္ခထီ ကို ခမရ ၃၂၁ (‌ရွှေညောင်ပင်)တပ်မှ ပြောင်းဖူးခြံသွားတဲ့လမ်းမှာ လက်ပြန်ကြိုးသုတ်ဖမ်းဆီးခေါ်ဆောင်သွားရာ အမျိုးသားနဲ့ယောက္ခထီဖြစ်သူက ထွက်ပြေးလွှတ်မြောက်သွားပြီး ကျန်ရှိသူ ‌ဒေါ်ဆွမ်လွတ်ရွယ်ဂျာကို ၎င်းစစ်တပ်နဲ့အတူ ဖမ်းဆီးခေါ်ဆောင်သွားရာကနေ အစအနပျောက်ဆုံးခဲ့ပါတယ်။

ထိုဖြစ်စဉ်နဲ့ပက်သက်ပြီး ယောက္ခထီဖြစ်သူနဲ့ အမျိုးသားဖြစ်သူက မြောက်ပိုင်းတိုင်းစစ်ငှာနချုပ် နဲ့ နယ်စပ်လုံခြုံရေးဝန်ကြီးထံ တိုင်းကြားမှုတွေလုပ်ဆောင်ခဲ့ပါတယ်။ ထို့နောက် တရားရုံးတွင် တိုင်ကြားမှုဆက်လုပ်ခဲ့ပြီး နေပြည်တော် တရားစီရင်ရေးရုံးတွင် ကြားနာခဲ့ပါတယ်၊ ထိုအမှုကြားနာချိန်တစ်လျှောက်လုံးတွင် ဒေါ်ဆွမ်လွယ်ရွယ်ဂျာရဲ့ အမျိုးသားဖြစ်သူကို တရားရုံးတွင် ပေးမဝင်ဘဲ စစ်တပ်တွင် ဤအမည်နဲ့ အမျိုးသမီးမရှိကြောင့်ငြင်းဆိုပြီး ၎င်းအမှုကိုပယ်ချခဲ့ပါတယ်။

်ဂျီ

http://www.youtube.com/-x9y
https://t.me/W_iNNrnH7JQyMDI1
www.kachinhumanrightsinsight.org

01/08/2025

စစ်ကောင်စီအရေးပေါ်နယ်‌အဖြစ် ကြေညာတဲ့ မြို့နယ် (၆၃) မြို့ထဲမှာ ကချင်ပြည်နယ်မှ (၅) မြို့နယ်ပါ

ကချင်ပြည်နယ်။ ၁၊ဩဂုတ်လ၊၂၀၂၅

အာဏာသိမ်းစစ်ကောင်စီမှ မြန်မာနိုင်ငံတွင်းရှိ လက်လွတ်လိုက်ရတဲ့ မြို့နယ် ၉၀ ကျော်အနက် (၆၃) မြို့နယ်ကို အရေးပေါ်နယ်မြေအဖြစ်ဇူလိုင်လ ၃၁ရက် နေ့ ရက်စွဲဖြင့် ‌သတ်မှတ်‌ ကြေညာထားခဲ့ကြောင်းသိရပါတယ်။

အဆိုပါ မြို့နယ် (၆၃)မြို့တွင် ကချင်ပြည်နယ်မှ ဆွမ်ပရာဘွမ်မြို့နယ်၊ရွှေကူမြို့နယ်၊ အင်ဂျန်းယန်မြို့နယ်၊ ဆော့လော်မြို့နယ်၊ ချီဖွေမြို့နယ် စသည့် မြို့နယ် (၅)ခုကို အရေးပေါ်နယ်မြေအဖြင့် သတ်မှတ်ကြောင့်တွေ့ရပါတယ်။

ပြီးခဲ့တဲ့ ၂၀၂၃ ခုနှစ် မတ်လမှစပြီး ကချင်ပြည်နယ်တွင်း အဆိုပါမြို့နယ်အပါအဝင် မြို့ပေါင်း (၁၀)ကျော်ကို ကချင်လွတ်လပ်ရေးတပ်မတော်KIAနှင့် ပူး ပေါင်းတို့မှ တိုက်ခိုက်သိမ်းယူခဲ့ပြီး KIO အုပ်ချုပ်ရေးယန္တယားများလည်ပတ်နေပြီးဖြစ်ကြောင်းသိရပါတယ်။

လက်ရှိမှာ ကချင်ပြည်နယ်ဒုတိယမြို့တော်ဖြစ်တဲ့ ဗန်းမော်မြို့အပါအဝင် ဖားကန့် ၊ဝိုင်းမော်၊ အင်တော်ကြီးဘက် စစ်ကောင်စီနဲ့ KIA တပ်‌ပေါင်းစုတို့ တိုက်ပွဲများ ဆက်လက်ပြင်းထန်နေပါတယ်။

်ဂျီ
#စစ်ကောင်စီမှ မြို့နယ် (၆၃) ခုကို အရေးပေါ်‌‌နယ်မြေ သတ်မှတ် ကြေညာ
#ကချင်ပြည်နယ်က (၅)မြို့နယ်ပါ

http://www.youtube.com/-x9y
https://t.me/W_iNNrnH7JQyMDI1
www.kachinhumanrightsinsight.org

31/07/2025

တပ်ကုန်လမ်းမပေါ်တွင် ဆိုင်ကယ်နဲ့ ကားတိုက်မိကာ အမျိုးသားတစ်ဦး ခြေထောက်ကျိုး

မြစ်ကြီးနား။ ၃၁၊ ဇူလိုင်လ၊၂၀၂၅

ဇူလိုင်လ ၃၁ ရက် မနက် ၁၀ နာရီ ဝန်းကျင့်ခန့်တွင် တပ်ကုန်လမ်းမပေါ်၊ စံပြလမ်းဆုံအနီးတွင် ဆိုင်ကယ်တစ်စီးကို ကားတစ်စီးဝင်တိုက်မှုဖြစ်ပွားခဲ့ပြီး ဆိုင်ကယ်စီးလာသူ ဦးတူလွမ်း ရဲ့ ညာဘက်ခြေထောက်ကျိုးကာ ဝင်တိုက်သူကားသမားက ထွက်ပြေးသွားခဲ့ပါတယ်။

အဆိုပါ ဒဏ်ရာရသူ ဦးတူလွမ်းကို မြန်မာနိုင်ငံလူမှုကယ်ဆယ်ရေးအဖွဲ့ မှ မြစ်ကြီးနားပြည်သူ့ဆေးရုံသို့ သယ်ဆောင်သွားခဲ့ပါတယ်။

်ဂျီ
#မြန်မာနိုင်ငံလူမှုကယ်ဆယ်ရေးအဖွဲ့/ကချင်ပြည်နယ်/မြစ်ကြီးနား

http://www.youtube.com/-x9y
https://t.me/W_iNNrnH7JQyMDI1
www.kachinhumanrightsinsight.org

31/07/2025

တစ်လအတွင်း KSPP ဥက္ကဌ ဒေါက်တာတူးဂျာနေအိမ် နှစ်ကြိမ်ဗုံးပေါက်ကွဲမှုဖြစ်

မြစ်ကြီးနားမြို့။ ၃၁၊ ဇူလိုင်လ၊၂၀၂၅

ကချင်ပြည်နယ် မြစ်ကြီးနားမြို့ ယုဇနရပ်ကွက်ရှိ ဒေါက်တာတူးဂျာနေအိမ်အနီး ယမန်နေ့ နေ့လည် ၂:၀၀ နာရီခန့်က ဗုံးထပ်မံပေါက်ကွဲခဲ့ ကြောင်းသိရပါတယ်။

အဆိုပါ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ဗုံးပေါက်ကွဲမှုက ဒေါက်တာတူးဂျာ နေအိမ် မျက်နှစ်ချင်းရှိ မူ‌‌ကြိုကျောင်းရဲ့ ရေမြောင်းတွင် ပေါက်ကွဲခဲ့တာဖြစ်ကြောင်း ဒေသံများထံမှသိရပါတယ်။

"နေအိမ်မှာ တော့မဟုတ်ဘူး။ အိမ်ရှေ့က မူကြိုကျောင်းရဲ့ ရေမြောင်းထဲမှ ပေါက်တာ။ လူ‌ တွေထိခိုက်တာ တော့မရှိဘူး။" လို့ အမျိုးသားတစ်ဦးကပြောပါတယ်။

ပြီးခဲ့တဲ့ ဇူလိုင်လ ၇ ရက်နေ့ကလည်း KSPP ပါတီဝင်ဟောင်းဒေါ်ဒွဲဘူနဲ့ ဒေါက်တာတူးဂျာ နေအိမ်တွင် ဗုံးပေါက်မှုဖြစ်ခဲ့ပါတယ်။

်ဂျီ
ဥက္ကဌ နေအိမ်အနီး ‌‌‌‌‌‌‌‌‌‌‌‌‌‌‌‌‌‌‌‌ဗုံးပေါက်ကွဲ
#တစ်လအတွင်း နှစ်ကြိမ်ဖြစ်

http://www.youtube.com/-x9y
https://t.me/W_iNNrnH7JQyMDI1
www.kachinhumanrightsinsight.org

31/07/2025

ဖားကန့်မြို့တွင်း အရပ်သားနေအိမ် လက်နက်ကြီးကျကွဲသဖြင့် မိသားစုတစ်စု ထိခိုက်ဒဏ်ရာရ၊ အမျိုးသမီးဖြစ်သူသေဆုံး

ဖားကန့်မြို့။ ၃၁၊ ဇူလိုင်လ၊၂၀၂၅

ကချင်ပြည်နယ် ဖားကန့်မြို့ လုံးခင်းဒေသ ဖြူစင်ကုန်း (ခ) မနောကုန်းတွင် ယမန်နေ့ ည ၈:၀၀ နာရီ ဝန်းကျင်ခန့်က စစ်ကောင်စီဘက်မှ ပစ်ခတ်လိုက်တဲ့ လက်နက်ကြီးကျကွဲသဖြင့် ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌အမျိုးသမီးတစ်ဦးသေဆုံးပြီး မိသားစုဝင် နှစ်ဦးထိခိုက်ဒဏ်ရာပြင်းထန်စွာရရှိခဲ့ကြောင်း ဒေသခံများထံမှ သိရပါတယ်။

"ဗျူဟာကုန်းဘက်က ပစ်လိုက်တယ်ထင်တယ်။ မိသားစုတစ်စုတော့ အားလုံး ဒဏ်ရာရတယ်တဲ့။ အမေဖြစ်သူက ဆေးရုံ မရောက်ခင် ဆုံးသွားတယ်တဲ့။အမျိုးသားနဲ့ သမီးလည်း ဒဏ်ရာတော်တော်ဆိုးတယ်တဲ့" လို့ ဒေသခံ အမျိုးသားတစ်ဦးကပြောပါတယ်။

အဆိုပါ သေဆုံးသူမှာ ဒေါ်ထိုက်ထိုက်ဝင်းအသက် (၃၇)နှစ်ဖြစ်ပြီး၊ ဒဏ်ရာရသူ အမျိုးသား ငြိမ်းချမ်းအောင် (၃၇) နှစ်နှင့် မဇွန်းရတီထက် (၁၅) နှစ်တို့ ဖြစ်‌ကြောင်းသိရတယ်။

အဆိုပါ လက်နက်ကြီးကြောင့် အရပ်သား (၁၀) အထက် ထိခိုက်ဒဏ်ရာရတယ်လို့သိရကြောင်း အဆိုပါ ဒေသခံအမျိုးသားက ပြောပေမဲ့ အတည်မပြုနိုင်သေးပါ။

ပြီးခဲ့တဲ့ ဇူလိုင်လ ၂၅ ရက်နေ့က ဖားကန့် ဆိုင်းဂျာဘွမ် ဘက်က ကုမ္မဏီထဲ လက်နက်ကြီး နှစ်လုံး ကျရောက် ပေါက်ကွဲကာ ကိုယ်စားလှယ် ကိုစိုး(ခ)ကိုစိုးဝင်းဆိုသူ သေဆုံးခဲ့ပြီး အခြားနှစ်ယောက်လဲ ထိခိုက်ဒဏ်ရာရရှိခဲ့ကြောင်း သိရပါတယ်။

ဖားကန့်မြို့ဘက် စစ်ကောင်စီနဲ့ ပြည်သူ့စစ်များ ဝင်ရောက်လာပြီးနောက်ပိုင်း လက်နက်ကြီးကျပေါက်ကွဲပြီး အရပ်သားပြည်သူနေအိမ်ထိခိုက်ပျက်စီးမှုနဲ့ ပြည်သူထိခိုက်သေဆုံးမှုပိုများလာပါတယ်။

်ဂျီ
#လက်နက်ကြီးကျကွဲ
#အရပ်သား မိသားစုလိုက်ထိခိုက်ဒဏ်ရာရ
#အမျိုးသမီးတစ်ဦးသေဆုံး

http://www.youtube.com/-x9y
https://t.me/W_iNNrnH7JQyMDI1
www.kachinhumanrightsinsight.org

30/07/2025

ဖားကန့်တွင် မိုင်းထောင်နေသူ ပေါက်ကွဲသေဆုံး

ဖားကန့်မြို့။ ၃၀၊ ဇူလိုင်လ၊၂၀၂၅

ဖားကန့်မြို့ မရှီကထောင်ကျေးရွာတွင် ယနေ့မနက် ၇:၀၀ နာရီဝန်းကျင်က အမျိုးသားတစ်ဦး မိုင်းသယ်လာပြီး မှိုင်း‌ထောင်ရန်လုပ်နေစဉ် ကျကွဲပြီး သေဆုံးကြောင်း ဒေသခံများထံမှ သိရပါတယ်။

" ဖြစ်သွားတာက မရှီကထောင် ကားဝပ်ရှော့နားမှာ ဟုတ်တယ်။ ကြည့်ရတာ ဘိန်းစားနဲ့ လည်းတူတယ်။ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌မရိုးမလှနဲ့ သေနေတယ်။ ဘယ်သူမှ မကောက်ရဲဘူး" လို့ ဒေသခံ အမျိုးသမီးတစ်ဦးကပြောတယ်။

ဖားကန့်မြို့တွင် စစ်ကောင်စီနဲ့ ပြည်သူ့စစ်တို့ ဝင်ရောက်လာချိန်မှ ဒေသတွင်း အရပ်ဝတ်ဖြင့် လက်နက်ကိုင်များလာတဲ့အပြင် လက်သေမပေါ်ပစ်သတ်ခံရမှုများ ပိုမိုများပြားလာ‌ကြောင်းသူမက ဆက်ပြောပါတယ်။

ပြီးခဲ့တဲ့ ဇွန်လမှ ယခုအထိ ဖားကန့်မြို့တွင် စစ်ကောင်စီ၏ လက်နက်ကြီးပစ်ခတ်မှုအပြင် လက်သေမပေါ် ပစ်ခတ်ခံရလို့ သေဆုံးသူ အရပ်သား ၇၀ နီးပါးရှိလာပြီဖြစ်‌ကြောင်း သိရပါတယ်။

်ဂျီ
#မိုင်းထောင်နေသူအမျိုးသားပေါက်ကွဲသေဆုံး
#အရပ်ဝတ်လက်နက်ကိုင်သူများလာ

http://www.youtube.com/-x9y
https://t.me/W_iNNrnH7JQyMDI1
www.kachinhumanrightsinsight.org

30/07/2025

ကွတ်ခိုင်မြို့ကို စစ်ကောင်စီမှ လေယာဉ်ဖြင့်ဗုံးကြဲတိုက်ခိုက်လို့ အရပ်သား (၆)ဦးခန့်သေ၊ (၈)ဦးအထက်ထိခိုက်ဒဏ်ရာရ

ကွတ်ခိုင်မြို့။ ၃၀၊ ဇူလိုင်လ၊၂၀၂၅

ရှမ်းပြည်မြောက်ပိုင်း ကွတ်ခိုင်မြို့ တွင် ယနေ့မနက် ၁၂:၃၀ ခန့်က စစ်ကောင်စီမှ လေယာဉ်ဖြင့် ဗုံးကြဲတိုက်ခိုက်ရာ ရာစုသစ် ဟိုတယ်နားတွင် ကျရောက်ပေါက်ကွဲပြီး အရပ်သား (၆)ဦး‌ ခန့သေဆုံးပြီး (၈)ဦးအထက် ထိခိုက်ဒဏ်ရာရသလို နေအိမ်များပျက်စီးဆုံးရှုံးခဲ့ကြောင်း ဒေသခံ‌ တွေထံမှသိရပါတယ်။

"ညသန်းခေါင်မှာဘဲ လိပ်ပြာတောင်လွင့်တယ်။ အိမ်နဲ့ မဝေးတော့ အိမ်တောင်တုန်းတယ်။ လေယာဉ်သံလည်းမကြားဘူး။ (၆)ယောက်လောက်သေပြီး (၈)ယောက်လောက်ဒဏ်ရာရတယ်တဲ့။ အိမ်တွေလည်း တော်‌တော်ပျက်စီးသွားတယ်"လို့ ဒေသခံအမျိုးသမီးတစ်ဦးက‌ ပြောပါတယ်။

အဆိုပါကွတ်ခိုင်မြို့ကို ပြီးခဲ့တဲ့ ၂၀၂၃ခုနှစ်တွင် စစ်ကောင်စီထံမှ TNLAနဲ့ ပူးပေါင်းတပ်တို့မှ တိုက်ခိုက်သိမ်းယူခဲ့ပြီး အုပ်ချုပ်နေတဲ့ မြို့ဖြစ်ပါတယ်။

်ဂျီ
#စစ်ကောင်စီလေယာဉ်ဗုံးကြဲ
#အရပ်သား (၆)ဦးခန့်သေ၊(၈)ဦးအထက်ထိခိုက်ဒဏ်ရာရ

http://www.youtube.com/-x9y
https://t.me/W_iNNrnH7JQyMDI1
www.kachinhumanrightsinsight.org

30/07/2025

စစ်ကောင်စီလွတ်ထားတဲ့ သတင်းပေးများထဲမှ နှစ်ဦးကို KIAဖမ်းမိ

အင်ဂျန်းယန်မြို့။ ၃၀၊ ဇူလိုင်လ၊ ၂၀၂၅

ကချင်ပြည်နယ်အတွင်း စစ်ကောင်စီထံသို့ သတင်း‌ပေးရန်လွတ်ထားခံရသူနှစ်ဦးကို အင်ဂျန်းယန်ဌာ‌န KIA အမှတ်(၄) မှ ဖမ်းဆီးထိန်းသိမ်းထားနိုင်ခဲ့ကြောင်း သိရပါတယ်။

အဆိုပါ စစ်ကောင်စီမှ သတင်းပေးရန်လွတ်ထားသူနှစ်ဦးကို အင်ဂျန်းယန်‌ဒေသဘက်ရှိ ရွှေမှော်တစ်‌နေရာတွင် ရွှေကျင်းသားလုပ်နေတဲ့‌နေရာမှ ဖမ်းမိခဲ့‌‌တာဖြစ်‌ကြောင်းသိရပါတယ်။

ထို့အပြင် အဆိုပါစစ်ကောင်စီသတင်းပေးနှစ်ဦးတို့က ဝိုင်းမော် (၅၈) တပ်ရင်းမှ လွတ်ထားတဲ့ (၇) ဦးထဲမှ အပါအဝင်ဖြစ်ကြောင်းသိရပါတယ်။

အင်ဂျန်းယန်မြို့သည် ပြီးခဲ့တဲ့ ၂၀၂၃ နိုဝင်ဘာလ ၂၁ တွင် စစ်ကောင်စီ တပ်စခန်းများ မြစ်ကြီးနားဘက်ပြောင်း ရွှေ့သွားပြီး ပထမဆုံး စစ်ကောင်စီကင်းစင်ခဲ့တဲ့မြို့ဖြစ်ပါတယ်။

်ဂျီ
#စစ်ကောင်စီသတင်းပေးနှစ်ဦးဖမ်းမိ
#ဝိုင်းမော် (၅၈) တပ်မှ သတင်းပေး(၇)ဦးလွတ်ထား

http://www.youtube.com/-x9y
https://t.me/W_iNNrnH7JQyMDI1
www.kachinhumanrightsinsight.org

29/07/2025

Mungsang Shinggyim ahkaw ahkang pang 11-15

Pang 11.
(1) Shawa dawtsa a man hta uppadi hte maren jep chyoi nna tara tawt lai ai lam dan dawng nna, je yang hkam ai aten du hkra, tawt lai mara hte tara jun hkam ai kadai hpe raitim, mara nnga mara nkap ai wa ngu sawn la ai lam hkam sha lu na ahkang nga ai. Dai mu hpe jep chyoi ai shaloi; tara jun ai mara a matu nhtang ninghkap dara na matu ra nga ai ahkaw ahkang ni hpe dai wa hpe jaw da chyalu rai ra na.

(2) Masha marai langai ngai hpe mungdan uppadi hte rai rai, mungsang uppadi hte rai rai; mara ngu ai nsawn mai ai (shing nrai) hpai shai mu hte maren, tara jun mara jaw ai lam ngalaw lu na. Dai hpang, lai sai aten hta lu ging ai mara hta jan nna, grau kaba ai ruhka dam hte maren nmai jaw ai .

Pang 12.
Kadai mung tinang ra sharawng ai hte maren, ngwi pyaw simsa let wanglu wanglang ngamu ngamai ai hpe raitim, dinghku dingwang hpe raitim, dinghku shinggyim tsip hpe raitim, Laili laika hte makyit htinglet ai hpe raitim, uppadi hte nre ai shang chyinglau shajut ai kaw na lawt lu na. Dai hta kaga shari shatang hpe jahpoi jahpyak ai lam kaw na mung lawt lu na, Masha shagu gaw, shang chyinglau shajut ai kaw na, jahpoi jahpyak yawm jashawn ai kaw na lawt lu na matu, uppadi hte makawp maga na ahkang nga ai.

Pang 13.
(1) Masha shagu gaw, tinang mungdan jarit kata wanglu wanglang htawt sit nga na ahkang nga ai…
(2) Masha shagu tinang nga shara mungdan kaw nna raitimung, kaga mungdan kaw na raitimung htawt pru hkawm na ahkang nga ai sha n-ga, tinang a mungdan de bai wa na ahkang mung nga ai.

Pang 14.
(1) Masha shagu gaw zingri zingrat ai kaw na lawt lu na matu kaga mungdan de simsim sa sa shingbyi na ahkang nga ai.
(2) Mung masa hte nseng ai ruhka mu ni kaw nna raitim, Mungkan Wunpawng Hpung a yaw shada ai lam hte lam masa ni hpe je hpre ai mu ni kaw na raitim, teng sha dan dawng ai htawt ai mara ni ai majaw, tara jun hkam ai ruhka mu ni hta; lahta na ahkaw ahkang ni hpe jai lang ai lam n galaw lu na.

Pang 15.
(1) Masha shagu gaw mungdan langai a mungdan masha ngu hkam la ging ai ahkang nga ai.
(2) Uppadi hte nrai yang kadai hpe raitim mungdan masha ngu ai kaw na ndawm kau lu na. Mungdan masha ngu masat la gale la mai ai ahkaw ahkang hpe mung nyet hkrum ai kaw na lawt lu na.

Shinggyim ahkaw ahkang hte seng na Langji_လန်ဂျီ page kaw na bat shagu matut manoi ginlen ai lam galaw sa wa na ga ai.

http://www.youtube.com/-x9y
https://t.me/W_iNNrnH7JQyMDI1
www.kachinhumanrightsinsight.org

LangJi - လန်ဂျီ

04/08/2025

04/08/2025

02/08/2025

01/08/2025

01/08/2025

31/07/2025

31/07/2025

31/07/2025

30/07/2025

30/07/2025

30/07/2025

29/07/2025

Address

Website

Alerts

Contact The Business

Shortcuts

Share

Category