
13/04/2025
အလုပ်လုပ်ခါနီးမှ Excel, Word တို့ သုံးမရဖြစ်ဖူးလား?
===============================
အရေးတကြီးလုပ်စရာရှိချိန်ကျမှ Microsoft Activation Fail ဖြစ်လို့ Word တို့ Excel တို့သုံးမရဖြစ်တာမျိုး ကွန်ပြူတာသုံးသူအနည်းနဲ့အများကြုံဖူးကြမယ်ထင်ပါတယ်။
ဖြစ်တဲ့အချိန်က ညမိုးချုပ်မှဆိုရင်ပိုဆိုးပါတယ် အရေးပေါ်ဆိုင်လည်းပြေးမရနဲ့ တော်တော်တိုင်ပတ်ပါတယ်။
အဲ့ဒီပြဿနာအတွက် အရေးပေါ်ဖြေရှင်းနည်းအမျိုးမျိူးရှိနိုင်ပေမယ့် အလွယ်ကူဆုံးနည်းလမ်း ၂ မျိုးကို မျှဝေပေးလိုက်ပါတယ်။
၁။ WPS Office Software နှင့် အစားထိုးအသုံးပြုနည်း
ဒီနည်းက အင်တာနက်မရှိလည်းသုံးလို့ရပါတယ်။ WPS Office Software ကိုဒေါင်းပြီး ဝင်သုံးရုံပါပဲ။ Excel နဲ့ Google Sheet ကွဲပြားသလို မသိမသာလေးကွဲပြားပေမယ့် နည်းနည်းမှတ်လိုက်ရင်ရပါပြီ။
သုံးတာကတော့ WPS Software ထဲဝင် Edit လုပ်ချင်တဲ့ဖိုင်ကိုဖွင့်ပြီးသုံး ပြီးရင် Save လိုက်ရုံပါပဲ။
ကိုယ်ပြင်ထားတဲ့ဖိုင်ကို WPS Office က Excel, Word, PDF, Photo ကြိုက်တဲ့ဟာကို Convert လုပ်လို့လည်းရပါတယ်။
၂။ Google မှတဆင့်အစားထိုးအသုံးပြုနည်း
ဒီနည်းကတော့ အင်တာနက်လိုပါတယ်။ ကိုပြင်ချင်တဲ့ဖိုင်က Excel ဆိုရင် Google Sheet Word ဆိုရင် Google Dos နဲ့အစားထိုးသုံးပြီး ပြင်ပြီးတဲ့ဖိုင်ကို ကိုယ့်ကွန်ပြူတာထဲပြန်ဒေါင်းလုပ်ဆွဲရင်ရပါပြီ။
Google Sheet, Goolge Dos အသုံးပြုနည်းစိတ်ဝင်စားရင် OK လို့မန့်ပေးပါ သီးသန့်ပို့စ်တင်ပေးပါ့မယ်။
အခုလို ကွန်ပြူတာစပ်ဆက်အကြောင်းအရာတွေစိတ်ဝင်စားရင် Shortcut Learner Page ကိုဝင်ကြည့်ဖို့မမေ့ပါနဲ့။