Yangon Online Market

16/08/2025

စိတ်ညစ်ရင် ကုသိုလ်တရားနဲ့ပဲ
အာရုံပြောင်းပေးလိုက်တာ အကောင်းဆုံး။

အဆိုးလောကဓံကို ဘယ်သူမှ မကြုံချင်ကြဘူး။
ဒီတော့ ကြုံလာရင် စိတ်ညစ်မယ်။
ပုထုဇဉ်ပဲ ညစ်ပေါ့...။

အေး… ကိုယ့်စိတ်တိုင်းကျ ညစ်ပြီးရင်တော့
ကိုယ်လုပ်စရာရှိတာ ဆက်လုပ်ကြဖို့ပဲ။

စိတ်ညစ်စရာလည်းညစ်၊
တစ်နေ့တာ ကိုယ်လုပ်စရာရှိတာလည်း လုပ်ပေါ့။

အဓိက,ကတော့ စိတ်ညစ်စရာ ရှိပေမယ့်
တစ်နေ့တာ ကိုယ်လုပ်ရမယ့်
ဒါန သီလ ဘာဝနာဆိုတဲ့ ကုသိုလ်တရား
အလုပ်လေးတွေ ပျက်မသွားဖို့ပဲ
အရေးကြီးတယ်နော်...

ဒီတော့ စိတ်ညစ်တဲ့အခါ အကောင်းဆုံးကတော့
ကုသိုလ်တရားနဲ့ပဲ အာရုံပြောင်းလိုက်…။

🙏ပါမောက္ခချုပ်ဆရာတော်ကြီး🙏



#တရားတော်

09/07/2025

ဒီဟင်းသီးဟင်းရွက် (၃) မျိုးကို မကြာခဏစားပေးပါ...

အူလမ်းကြောင်းကို သက်သောင့်သက်သာဖြစ်စေမယ်...

ခါးသက်သက်အရသာရှိတဲ့ ကြက်ဟင်းခါးသီး၊ စိမ်းဖန့်ဖန့်အရသာရှိတဲ့ ခရမ်းသီးနဲ့ ချွဲကျိကျိအရသာရှိတဲ့ ရုံးပတီသီးတို့လိုမျိုး ရိုးရှင်းတဲ့ ဟင်းသီးဟင်းရွက်တွေကို နေ့တိုင်းလိုလို တွေ့နေရတက်ပေမဲ့ သတိမထားမိတက်ကြပါဘူး။ တကယ်တော့ ဒီဟင်းသီးဟင်းရွက်တွေကို မကြာခဏစားပေးမယ်ဆိုရင် ခန္ဓာကိုယ်ကျန်းမာရေးကို ကောင်းကောင်း ဂရုစိုက်ပေးနိုင်တဲ့ အကျိုးကျေးဇူးတွေ ရှိပါတယ်။

ကြက်ဟင်းခါးသီး......။
အစကတော့ တော်တော်များများက သူ့ရဲ့ ခါးသက်သက်အရသာကို မကြိုက်ကြပါဘူး။ ဒါပေမဲ့ စားရင်းနဲ့ အသားကျသွားရင် ဗိုက်ထဲ ပေါ့ပါးသွားပြီး လေးပင်မှု မရှိတော့ဘူးလို့ ခံစားရပါလိမ့်မယ်။ အရင်ခေတ်လူကြီးတွေကတော့ ဟင်းချိုတွေ ဒါမှမဟုတ် ငပိရည်နဲ့ တို့စားတဲ့ဟင်းတွေမှာ အများအားဖြစ် ထည့်ပြီး စားသုံးကြပါတယ်။

ခရမ်းသီး.....။
လတ်လတ်ဆတ်ဆတ် ကြွပ်ကြွပ်လေးနဲ့ အရသာရှိပါတယ်။ ငပိရည်နဲ့ တို့စားတာပဲဖြစ်ဖြစ်၊ ကြော်စားတာပဲဖြစ်ဖြစ် ကောင်းကောင်း လိုက်ဖက်ပါတယ်။ ဒါအပြင် အစာအိမ်နဲ့ အူလမ်းကြောင်းအစာခြေစနစ်ကိုလည်း ပိုမို ချောမွေ့စွာ အလုပ်လုပ်နိုင်အောင် ကူညီပေးပါတယ်။

ရုံးပတီသီး.......။
ရုံးပတီသီးအရှည်လေးတွေကို ရေနွေးဖျောလိုက်တဲ့အခါ ကြွပ်ကြွပ်လေးနဲ့ နူးညံ့သွားပါတယ်။ ငရုတ်သီးဆော့စ်၊ ငပိရည်နဲ့ တို့စားလို့ရသလို မနက်ပိုင်းမှာ ရေနွေးနဲ့ပြုတ်ပြီးလည်း သောက်သုံးနိုင်ပါတယ်။ ရုံးပတီသီးက အူလမ်းကြောင်းကို ကောင်းကောင်း အလုပ်လုပ်စေပြီး တစ်နေကုန် ဗိုက်ကို သက်သောင့်သက်သာဖြစ်စေပါတယ်။

ဒီဟင်းသီးဟင်းရွက် ၃ မျိုးကို ပုံမှန်စားသုံးခြင်းဖြင့် ခန္ဓာကိုယ်ကျန်းမာရေးကို အလွယ်တကူ ဂရုစိုက်နိုင်ပါတယ်။ ရှာရခက်တာမျိုးမရှိသလို ဈေးကြီးတာမျိုးလည်း မရှိပါဘူး။ ဘယ်လိုစားရမယ်ဆိုတာကို သိနားလည်ရုံနဲ့တင် အများကြီးအထောက်အကူဖြစ်စေပါတယ်။..


#ကျန်းမာရေး

29/06/2025

ဒီနေ့ စောစောနိုးခဲ့ရင်လေ ...

28/06/2025

ကုသိုလ်အားကြီးလာရင်
အားလုံးကအဆင်ပြေသွားမှာပါ အမှန်ပါပဲ
_________________________________
ကုသိုလ် အမြဲလုပ်ပါ။
ဘဝမှာ အဆင်မပြေတာတွေ ကြုံတဲ့အခါတိုင်း ကုသိုလ်ကောင်းမှုကို ပိုပြီးပြုလုပ်ပါ။ အဆင်မပြေလို့ ဗေဒင်သွားမေးလည်း ကုသိုလ်လုပ်ခိုင်းတာပဲ မဟုတ်လား။ သူတို့အပြောကတော့ ယတြာချေတာပေါ့။

ဘယ်ဆရာမှ အကုသိုလ်လုပ်ခိုင်းပြီး ယတြာမချေခိုင်းဘူး။ ကုသိုလ်ပဲလုပ်ခိုင်းတာ။ အဲဒီလိုဆိုတော့ သူ့အားကိုးတာထက် ကိုယ့်အားကိုယ်ကိုးပြီး ကုသိုလ်တရား ကြိုးစားပွားရုံပေါ့။

အဆင်မပြေလည်း ကုသိုလ်လုပ်၊
အဆင်ပြေရင်လည်း ကုသိုလ်လုပ်၊
အတိုက်အခိုက်ကြုံရင်လည်း ကုသိုလ်လုပ်၊
အနှောက်အယှက်ရှိရင်လည်း ကုသိုလ်လုပ်၊
ပိုပြီးအဆင်မပြေရင် ပိုပြီးကုသိုလ်လုပ်၊
လုပ်နေရင်းနဲ့ကို ပိုဆိုးလာနေရင်လည်း
စိတ်ဓာတ်မကျနဲ့။

ယုံကြည်မှုအပြည့်၊ ဇွဲကြီးကြီးနဲ့သာ ဆက်လုပ်။ သေချာပေါက်ကို ကုသိုလ်က ကိုယ့်ကို
စောင့်ရှောက်ပါလိမ့်မယ်။
ယုံကြည်မှုနဲ့ ဇွဲရှိမှုကိုတော့ မလျော့စေနဲ့။

ဘဝမှာ ကုသိုလ်တွေ အားကြီးလာရင်
အကုသိုလ်တွေ၊ အဆိုးတွေ အားနည်းသွားမှာပဲလေ။ သောက်ရေခွက်လောက် ရှိတဲ့ ရေထဲကို
ဆားတစ်ကုတ်လောက် ပစ်ထည့်ရင် အဲဒီရေခွက် ငန်တူးသွားမှာပေါ့။

ရေအပြည့်ရှိနေတဲ့ ရေကန်ကြီးထဲကို ဆားတစ်ကုတ်လောက် ပစ်ထည့်ကြည့်ပါလား၊ ရေအရသာ ဘာမှပြောင်းမှာ မဟုတ်ဘူးလေ။ ရေက များနေတာကိုး။ ဒီလိုပဲ ကုသိုလ်တွေ အားကြီးနေရင် အကုသိုလ်ဟာ အသေးအမွှားလေးပဲ ဖြစ်သွားမှာပေါ့။

ဒါကြောင့် ကုသိုလ်ကောင်းမှုကို လျော့မတွက်ပါနဲ့။ အဆင်တစ်ခါမပြေတိုင်း ကုသိုလ်တစ်ခု တိုးလုပ်ပါ။ ပိုပြီးမပြေရင် ပိုပြီးလုပ်ပါ။

ကုသိုလ်အားကြီးလာရင် အားလုံးက
အဆင်ပြေသွားမှာပါ အမှန်ပါပဲ။

ပါချုပ်ဆရာတော်
ဒေါက်တာဘဒ္ဒန္တနန္ဒမာလာဘိဝံသ
Posted by Dharma Donator

#ကောင်းမှုတစ်ခုနေ့စဉ်ပြု
🙏🙏

28/06/2025

❝ နေ့စဉ်ဘုရားရှိခိုး၊ တရားထိုင်တာကို ပုံမှန်လုပ်ပေးခြင်းဖြင့် ရလာမယ့်
အကျိုးကျေးဇူးများ ❞
=========================
လူတချို့က ဘုရားရှိခိုးတာ၊
တရားထိုင်တာတွေဟာ ဆုတောင်းချင်လို့၊
ကိုယ်လိုချင်တာတစ်ခုခုအတွက်
ဘုရားကိုအသုံးချဖို့ကြိုးစားနေတာမျိုးလို့
ထင်နေတတ်ကြပါတယ်။

တကယ်တော့ ဘုရားရှိခိုးတာ၊
တရားထိုင်တာဟာ လောကုတ္တရာ
အကျိုးတင်မကဘဲ လောကီ
ဆိုင်ရာအကျိုးတွေလည်း ရစေတဲ့
ကောင်းမွန်တဲ့ အမူအကျင့်တစ်ခုဖြစ်ပါတယ်။

နေ့စဉ်ဘုရားရှိခိုးခြင်းက
ဒီလိုအကျိုးကျေးဇူးတွေကို ရစေပါတယ်။

စိတ်ကြည်လင်စေတယ်။
နေ့တိုင်းဘုရားရှိခိုး၊ မိနစ်အနည်းငယ်
လောက်တရားထိုင်တာကို
ပုံမှန်လေးလုပ်ပေးနိုင်ရင်

နေ့စဉ်စိတ်ကြည်လင်မှုကို ဖြစ်စေပြီး
ရက်တွေကြာလာတဲ့အခါမှာလည်း
စိတ်ပိုင်းဆိုင်ရာ ကြံ့ခိုင်မှုအပိုင်းမှာ
အံ့သြစရာကောင်းလောက်အောင်
တိုးတက်လာတာကို တွေ့ရပါလိမ့်မယ်။

ကောင်းတဲ့စိတ်ကိုဖြစ်စေတယ်။
ပတ်ဝန်းကျင်နဲ့ လူတွေအပေါ်
အဆိုးမြင်စိတ်ကိုလျော့နည်းစေတယ်။

ကောင်းမွန်တဲ့စိတ်ကိုဖြစ်ပေါ်စေပြီး
မျက်နှာ ကြည်လင်စေတယ်။
စိတ်ပျံ့လွင့်မှုတွေ နည်းလာအောင်
ကိုယ့်ကိုယ်ကို ထိန်းချုပ်လာနိုင်ပြီး
ကောင်းမွန်တဲ့ အတွေးတွေပေါက်
ဖွားလာစေပါလိမ့်မယ်။

အာရုံစူးစိုက်မှုပိုကောင်းစေတယ်။
စိတ်ငြိမ်းချမ်းမှုကိုဖြစ်ပေါ်စေတာကြောင့်
ကိုယ့်ရဲ့အတွေးတွေကိုထိန်းချုပ်လာနိုင်ပြီး
အာရုံစူးစိုက်မှု ပိုမိုအားကောင်းလာစေတယ်။

အဲ့ဒါက ပညာရပ်တွေလေ့လာ
သင်ယူတဲ့အခါမှာ၊ လုပ်ငန်းခွင်မှာ
ပိုအဆင်ပြေလာစေပြီး မိသားစု
အတွင်းဆက်ဆံရေးပိုမိုပြေလည်လာစေခြင်း၊ ပေါင်းသင်းဆက်ဆံရေးပိုကောင်းလာခြင်း
စတဲ့အကျိုးဆက်တွေကို ရရှိစေပါတယ်။

ဘဝမှာနေပျော်လာစေတယ်
ဘုရားပုံမှန်ရှိခိုးခြင်း၊ တရားထိုင်ခြင်းကြောင့်
စိတ်ကြည်လင်ငြိမ်းချမ်းခြင်းအပြင်
ဘဝမှာလည်း အရင်ကထက်
ပိုပြီးနေပျော်လာစေပါတယ်။

အဆင်မပြေမှုတွေ၊
အရှုံးတွေကြုံလာရင်လည်း
စိတ်ကိုထားတတ်လာမယ်၊
ရောင့်ရဲတတ်လာမယ်၊
ကိုယ်ချင်းစာနာစိတ်ပိုတိုးလာပါမယ်၊
ဒါကြောင့် ဘဝမှာ ပိုပြီးနေပျော်လာပါလိမ့်မယ်။

ကျန်းမာရေးအတွက်လည်းကောင်းမွန်တယ်။
ဘုရားရှိခိုး၊ တရားထိုင်ခြင်းက
စိတ်ပိုင်းဆိုင်ရာကိုကောင်းကျိုး
ဖြစ်စေရုံမက ခန္ဓာကိုယ်အတွက်လည်း
ကောင်းကျိုးဖြစ်စေပါတယ်။

သွေးတိုးကျစေခြင်း၊ နှလုံးရောဂါဖြစ်နိုင်ချေကိုလျှော့ချပေးခြင်း၊ ဦးနှောက်ကျန်းမာရေးပိုမိုကောင်းမွန်စေခြင်း စတဲ့ ကျန်းမာရေးအကျိုးကျေးဇူးတွေကိုရရှိစေပါတယ်။

လောကီလောကုတ္တရာတင်မက
နိဗ္ဗာန်ထိတိုင်‌အောင်ကောင်းကျိုးချမ်းသာကိုလည်း ပေးနိုင်ပါတယ်။

🙏(မကွေး) အရှင်ကောဝိဒ🙏

26/06/2025

🥰 များများပြုံးပါ 🥰

သင့်အကြောင်း သေသေချာချာမသိပဲ
နောက်ကွယ်မှာ အတင်းအဖျင်းပြောနေတာတွေကို စိတ်ထဲမထားပါနဲ့

သူတို့ သင့်အကြောင်းကို မသိပဲ သူများဆီကစကားနဲ့ အတင်းပြောနေကြတာပါ
သင့်အလှည့်ကျရင်လည်း သူများအကြောင်းကို သေချာမသိပဲ ဝေဖန်အတင်း ပြောခြင်း မလုပ်မိပါစေနဲ့

မှတ်တိုင်မတူလို့ ဆင်းသွားတဲ့သူတွေကို မေ့ပျောက်နိုင်အောင် ကြိုးစားပါ။

သင်စီးနေတဲ့ ဘဝရထားမှာ နောက်ထပ်ဘယ်သူတွေများ စောစောစီးစီး ဆင်းသွားမလဲ မသိပါဘူး ပထမဆုံးဆင်းသွားတဲ့ တစ်ယောက်နဲ့တင် သတိမလစ်သွားပါစေနဲ့။

အများကြီး ကြုံရပါအုံးမယ် အဲ့ဒီလို ခက်ခဲတဲ့အချိန်တွေကို ဖြတ်ကျော်ရင်း တဖြည်းဖြည်း သင်လည်းမာကျော လာပါလိမ့်မယ်

တကယ်တော့ ဘဝက ဘယ်လောက်မှ ကြာရှည်တာမဟုတ်ပါဘူး တစ်ခါတစ်လေ တစ်နှစ်တစ်နှစ်က ဘာမှ မကြာလိုက်သလိုပဲ

ဒီလိုတိုတောင်းလှတဲ့ဘဝကို စိတ်ညစ်ခံပြီး
မဖြတ်သန်းနဲ့ ပျော်စရာတွေရှာပြီး ပျော်အောင်နေကာ ဖြတ်သန်းပါ🥰

မနက်ဖြန်တောင်မသေချာတဲ့ဘဝမှာ သင့်ကိုလှောင်ပိတ်ထားတဲ့ အတွေးတွေကထွက်ပြီး များများပြုံးနိုင်ကြပါစေ😍

26/06/2025

21/06/2025

Good Morning
လိုအင်ဆန္ဒမှန်သမျှ
မတောင်းမတပြည့်ပါစေ 🙏🙏🙏

20/06/2025

မနက်စောစော အိပ်ရာထတာနဲ့ ရေသောက်တတ်ပါသလား။

မနက်အိပ်ရာထတာနဲ့ ရေသောက်တာက အောက်မှာပြောထားတဲ့ အကျိုးကျေးဇူးတွေကို ရရှိစေပါတယ်။

(၁) အစာကြေပြီး ဝမ်းမှန်စေပါတယ်။

(၂) ညတုန်းက ဆုံးရှုံးသွားတဲ့ ရေဓာတ်ကိုပြန်လည်ဖြည့်တင်းပေးပါတယ်။

(၃) ကိုယ်အလေးချိန်ကျစေဖို့ ကူညီပေးပါတယ်။

(၄) နှလုံးနဲ့ ကျောက်ကပ် ကို အန္တရာယ်ဖြစ်စေတဲ့အဆိပ်အတောက်နဲ့ အညစ်အကြေးတွေကို စွန့်ပစ်ပေးပါတယ်။

(၅) အသားအရေ တင်းရင်းပြီး ဂလိုးစေပါတယ်။

(၆) လန်းဆန်းစေပြီး အာရုံစူးစိုက်မှု အားကောင်းစေပါတယ်။

(၇) ရောဂါတွေကို ကာကွယ် တိုက်ထုတ်ပေးတဲ့ ကိုယ်ခံအားစနစ်ကိုကောင်းစေပါတယ်။

မနက်စောစာ ရေသောက်တာက ကျန်းမာရေးအတွက်သာမက အလှအပအတွက်ပါ အကျိုးကျေးဇူးတွေ အများကြီးရှိပါတယ်။

လူတစ်ယောက်အတွက် တစ်နေ့ကို ရေ ၂ လီတာကနေ ၃ လီတာခန့် သောက်ဖို့လိုအပ်ပါတယ်။

ဒါကြောင့် ရေသောက်ပျင်းတဲ့ သူငယ်ချင်းတွေရှိရင် မန်းရှင်းခေါ်ပြီး ရေသောက်ဖို့ တိုက်တွန်းလိုက်ကြရအောင်နော်။

ဒေါက်တာအေရွန်

#သင့်ကိုယ်သင်ချစ်ပါ #ဂရုစိုက်ပါ #ကျန်းမာအောင်နေပါ #သင်ကျန်းမာဖို့သင့်မှာတာဝန်ရှိပါတယ်