Thae - Choose your creation

26/12/2025

"ကိုယ့်ကိုယ်ကိုယ် ပိုချစ်တတ်လာတဲ့အခါ... မိန်းကလေးတစ်ယောက်ဟာ အရင်ကထက် ပိုပြီး 'အတ္တ' ကြီးနေသလို မြင်ရလိမ့်မယ်" 🥀✨

လူတွေက ပြောတယ်... ကိုယ့်ကိုယ်ကိုယ် ချစ်
တတ်လာတဲ့ မိန်းကလေးတွေက မာနကြီးလာတယ်၊ အေးစက်လာတယ်၊ အရင်ကလောက် အလိုက်မသိတော့ဘူးတဲ့။

တကယ်တော့ အဲ့ဒါက အတ္တ မဟုတ်ဘဲ Boundary တွေ ခိုင်မာလာတာပါ။
သူမက ကိုယ့်ကိုယ်ကိုယ် ပိုချစ်တတ်သွားတဲ့အခါ...

ဦးစားပေးတွေ ပြောင်းလဲသွားတယ် ⏳
အရင်က လူတိုင်းကို စိတ်ချမ်းသာအောင် လိုက်လုပ်ပေးခဲ့ပေမယ့် အခုတော့ သူမရဲ့ စိတ်အေးချမ်းမှုကို ပထမဦးစားပေး ဖြစ်လာတယ်။ ဒါကို တချို့က "အတ္တ" လို့ မြင်ကြတာပါ။

မာကြောတဲ့ အကာအကွယ်တစ်ခု ရှိလာတယ် 🛡️
ခံစားချက်တွေကို အလွယ်တကူ အထိခိုက်မခံတော့ဘူး။ ဘယ်သူ့စကားကြောင့်မှ ကိုယ့်တန်ဖိုးကို အကျမခံတော့တာမို့ ပိုပြီး "မာကြော" သွားတယ်လို့ ထင်ရတာပါ။

"No" လို့ ပြောရမှာကို မကြောက်တော့ဘူး 🚫
သူမနဲ့ မထိုက်တန်တဲ့ နေရာ၊ သူမကို လေးစားမှုမရှိတဲ့ ပတ်ဝန်းကျင်ကနေ အသာတကြည် လှည့်ထွက်တတ်လာတယ်။ အရင်လို တွယ်ကပ်မနေတော့ဘူး။

တစ်ယောက်တည်းလည်း ပျော်တတ်လာတယ် ☕
အဖော်မရှိရင် မနေတတ်တဲ့ မိန်းကလေးကနေ ကိုယ့်ဘာသာ ကော်ဖီသောက်ရင်း၊ စာဖတ်ရင်း ဒါမှမဟုတ် ကိုယ့်ရည်မှန်းချက်နောက် လိုက်ရင်းနဲ့တင် ပြည့်စုံနေတတ်လာတာမျိုး။

"Self-love is not being selfish. It’s about not letting yourself be treated like an option."

သူမ အရင်ကထက် ပိုပြီး ရှင်းလင်းပြတ်သားတတ်လာတာဟာ တစ်ဖက်လူကို နာကျင်စေချင်လို့ရည်ရွယ်ချက်နဲ့မဟုတ်ဘဲ... ကိုယ့်ကိုယ်
ကိုယ် ထပ်နာကျင်အောင် မလုပ်ချင်တော့လို့ပါ။

ဒါကြောင့်... မာကြောသွားတယ်ဆိုတာထက် "ပိုပြီး စိတ်တွေ ခိုင်မာသွားတာ" လို့ပဲ ဆိုကြပါစို့။ ❤️🐚

Photo- Pinterest 🙏

12/10/2025

ခေတ်လူငယ်တွေ အနာဂတ်တည်ဆောက်နိုင်မယ့် သက်မွေးဝမ်းကျောင်းပညာရပ်များ 💡

ဒီနေ့ခေတ်မှာ ပညာရေးဆိုတာ အတန်းထဲမှာ စာသင်ပြီး စာမေးပွဲအောင်ဖို့သက်သက်မဟုတ်တော့ပါဘူး။ တကယ့်လက်တွေ့ဘဝမှာ အသုံးချနိုင်မယ့် အရည်အချင်းတွေနဲ့ ကိုယ်ပိုင်အားသာချက်တွေကို တည်ဆောက်ခြင်း ပညာရပ်တွေကလည်းအရေးကြီးလာပါပြီ။ လူငယ်တစ်ယောက်အနေနဲ့ ကိုယ်ဝါသနာပါရာ ကိုယ့်ရဲ့အားသာချက်တွေကို အခြေခံပြီး ဘယ်လိုအလုပ်အကိုင်တွေကို ရွေးချယ်သင့်လဲဆိုတာ အနည်းငယ် ပြောပြပေးချင်ပါတယ်။ 🤩

🌐 နည်းပညာခေတ်ကြီးထဲမှာ IT နဲ့ဆိုင်တဲ့ ပညာရပ်တွေက အလုပ်အကိုင်အခွင့်အလမ်းအများဆုံးဖြစ်နေပါတယ်။ Programming သင်မယ်ဆိုရင် Python, JavaScript တို့လို ဘာသာစကားတွေကိုပါ လေ့လာနိုင်ပါတယ်။ Web Development, App Development တွေမှာ ကျွမ်းကျင်သူတွေဟာ Freelance လုပ်လို့ရတဲ့အပြင် နိုင်ငံတကာမှာပါ အလုပ်အကိုင်အခွင့်အလမ်းများစွာရှိနေတာပါ။ Cybersecurity နဲ့ Data Science တို့လို နယ်ပယ်တွေကလည်း အနာဂတ်မှာ ပိုမိုတိုးတက်လာမယ့် လူငယ်တွေအတွက် အခွင့်အရေးများစွာ ရှိနေတဲ့ အလုပ်အကိုင်တွေဖြစ်ပါတယ်။

🌐 Design & Creation လောကကလည်း လူငယ်တွေအတွက် အခွင့်အလမ်းကောင်းတွေပေးနိုင်ပါတယ်။ Graphic Design, Video Editing စတဲ့ပညာရပ်တွေကို လေ့လာပြီး Social Media Content Creator တစ်ယောက်ဖြစ်နိုင်သလို၊ Digital Marketing ဘာသာရပ်မှာ ကျွမ်းကျင်သူတွေဟာ Brand တွေကို Online မှာပိုမိုထင်ရှားလာအောင် ကူညီပေးနိုင်ပါတယ်။ UI/UX Design လိုမျိုး နယ်ပယ်တွေမှာလည်း Tech Industry ရဲ့ တိုးတက်မှုနဲ့အတူ အလုပ်အကိုင်တွေ အများကြီးရှိနေပါတယ်နော်။ 😉

🌐 ကိုယ်ပိုင်စီးပွားရေးလုပ်ငန်းတည်ထောင်ချင်တဲ့ လူငယ်တွေအတွက်ကတော့ Entrepreneurship နဲ့ Business Management ပညာရပ်တွေက အရေးကြီးပါတယ်။ E-Commerce လိုမျိုး Online Business တွေဟာ အခုအခါမှာ အောင်မြင်မှုရနိုင်တဲ့ နည်းလမ်းတစ်ခုဖြစ်နေပါပြီ။ Project Management ဆိုတဲ့ဘာသာရပ်ကလည်း လုပ်ငန်းခွင်မှာ ခေါင်းဆောင်မှုစွမ်းရည်တွေ တိုးတက်စေပြီး ကိုယ့်ရဲ့ Career Path ကို ပိုမိုကျယ်ပြန့်စေနိုင်ပါတယ်။

🌐 ကျန်းမာရေးနဲ့ပတ်သက်တဲ့ပညာရပ်တွေဖြစ်တဲ့ Nursing, Caregiving နဲ့ Fitness Training တို့ဟာလည်း အမြဲလိုအပ်နေတဲ့အလုပ်အကိုင်တွေပဲဖြစ်ပါတယ်။ လူတွေရဲ့ကျန်းမာရေးကို ဂရုစိုက်ပေးနိုင်တဲ့သူတွေဟာ လူမှုအသိုင်းအဝိုင်းအတွက် အရေးပါတဲ့အခန်းကဏ္ဍမှာလည်း ပါဝင်နေတာမို့ပါ။ 🤗⛑️

🌐 ဘာသာစကားကျွမ်းကျင်မှုကလည်း နိုင်ငံတကာမှာ အလုပ်လုပ်ကိုင်ဖို့အတွက် အရေးကြီးတဲ့အရည်အချင်းတစ်ခုဖြစ်ပါတယ်။ English ဘာသာစကားအပြင် Chinese, Japanese စတဲ့ဘာသာစကားတွေကိုပါ လေ့လာထားမယ်ဆိုရင် Translation, Interpretation နဲ့ International Business နယ်ပယ်တွေမှာ အခွင့်အလမ်းတွေရှိနေလို့ပါ။ ✨

အရေးအကြီးဆုံးက ကိုယ်ဘာကိုစိတ်ဝင်စားလဲဆိုတာကို အရင်ဆုံးသိဖို့ပါပဲ။ ပြီးရင် အဲဒီနယ်ပယ်မှာ ဘယ်လိုစတင်လေ့လာရမလဲဆိုတာကို Plan ဆွဲထားပါ။ Online Courses တွေ၊ Workshops တွေကနေ စတင်လေ့လာနိုင်သလို၊ လက်တွေ့အလုပ်အတွေ့အကြုံရဖို့ Internship လျှောက်ထားတာမျိုးတွေ လုပ်နိုင်ပါတယ်။ ကိုယ့်ရဲ့အိပ်မက်ကို အကောင်အထည်ဖော်ဖို့ ပထမဆုံးခြေလှမ်းက အခုကစတင်လေ့လာဖို့ပါပဲနော်။ 😇

ဒါကြောင့်လူငယ်တွေအနေနဲ့ ငယ်ရွယ်တုန်းအချိန်ကတည်းက စိတ်ဝင်စားတဲ့ ပညာရပ်တွေကို သေချာလေ့လာသင်ယူသင့်ပါတယ်။ ဒီလို သက်မွေးပညာရပ်တွေက ဘဝကို လွယ်ကူစွာ ဖြတ်သန်းနိုင်ဖို့ ထောက်တိုင်တစ်ခုလိုပါပဲ။ အနာဂတ်ကို တည်ဆောက်နိုင်ဖို့ အခွင့်အလမ်းတွေက သင်တို့ကို စောင့်နေပါပြီ။ 😍😍

Content ~ Thae Mon Hnin
Graphic - Alexa

------------------------------------------------------------------------
Subscribe our telegram channel🧑🏻‍💻
https://t.me/the_article_edu_telegram

Join our telegram group📌
https://t.me/thearticle

Follow our LinkedIn 🔗
https://www.linkedin.com/company/the-article-institute/

Follow our Instagram 📲
https://www.instagram.com/thearticleinstitute?igsh=NmY1c2p3czNrM28z

Join our YouTube Channel 🖥

https://youtube.com/?si=Tbauq_bND1nHKPL_

30/08/2025

My creation reach🙋🏻‍♀️🙋🏻‍♀️

ဒူဘိုင်းရဲ့ အလုပ်အပေါဆုံးအချိန် 🇦🇪

ဒူဘိုင်းဆိုတာ အလုပ်အကိုင်အခွင့်အလမ်းတွေနဲ့ ပြည့်နှက်နေတဲ့ မြို့ကြီးတစ်ခုပါ။💁🏼‍♀️ အထူးသဖြင့် Hotel & Hospitality Industry မှာတော့ နေရာချင်းပြိုင်ဖို့ ကြိုးစားရတဲ့ကဏ္ဍတစ်ခုလို့ဆိုရမှာပါ။ ဒါပေမဲ့ အချိန်တိုင်းမှာ အလုပ်တွေပေါများနေမှာတော့ မဟုတ်ပါဘူး။ ဒူဘိုင်းမှာအလုပ်အပေါဆုံးအချိန်တွေ၊ လာရောက်လည်ပတ်သူနည်းတဲ့အချိန်တွေ အကြောင်း သိထားခြင်းက အလုပ်ရှာသူတွေအတွက် များစွာ အထောက်အကူဖြစ်စေလို့ ဖော်ပြပေးလိုက်ပါတယ်။

Dubai မြို့ရဲ့ High season ဆိုတာကတော့ September ကနေ March လအထိ ဖြစ်ပါတယ်။ ဒီအချိန်တွေဟာ-
🌍 Tourists တွေအများဆုံးဝင်တဲ့အချိန်
📈 Hotel များမှာ occupancy rate တက်တဲ့အချိန်
💼 အလုပ်အကိုင်အခွင့်အလမ်းများစွာရနိုင်တဲ့ကာလ
💰 Tips, service charges, commissions စတဲ့ အပိုဝင်ငွေများ ရလာနိုင်တဲ့အချိန်တွေ ဖြစ်ပါတယ်။

နောက်ထပ်သိသင့်တာတစ်ခုက ဒီ high season လတွေမှာ Hotel တွေက seasonal staffs, waiters, housekeeping, concierge, baristas စတာတွေအတွက် ခေါ်တတ်ကြပြီးအလုပ်အတွေ့အကြုံမရှိဘဲ On-the-job training လည်း ရနိုင်ပါသေးပါတယ်။

✅ နောက်ထပ်အကြံပြုချင်တဲ့အချက်တွေ

High season မလာခင် (အခု August လဝန်းကျင်) မှာ CV တွေပြင်ထားပြီး Apply လုပ်ဖို့ပြင်ဆင်ထားပါ။ LinkedIn, Hotel Career Websites, Recruitment Agencies တွေကို အကျိုးရှိအောင်အသုံးချပါ။

သင်ဟာ Hotel Life မှာ အလုပ်လုပ်ဖို့ Dubai ကိုသွားမယ်ဆိုရင်၊ ဒူဘိုင်းရဲ့ အလုပ်အပေါဆုံးအချိန်ကို သိထားခြင်းက အချိန်မှန်မှန် ချက်မှန်
မှန် အလုပ်ရှာဖို့အတွက် အလွန်အရေးပါ ပါတယ်။ 🌟

YP နဲ့ အဆက်အသွယ်မပြတ်စေဖို့ Channel တွေကို Subscribe လုပ်ထားပေးပါ🥰👇
💠Telegram Channel
[https://t.me/ypeducationmyanmar](https://t.me/ypeducationmyanmar "smartCard-inline")
💠Tiktok
[https://www.tiktok.com/?_t=8p1tCBD1g26&_r=1](https://www.tiktok.com/?_t=8p1tCBD1g26&_r=1 "smartCard-inline")

YP Education ကျောင်းခွဲများသို့ ဆက်သွယ်ရန်
☎️YP Botahtaung Campus
Phone: 09960407309, 09740965103
☎️YP Hlaing Campus
Phone: 09740965105
☎️YP Mandalay
Phone: 09740965104
☎️YP Thailand (Chiang Mai Campus)
Phone : +66649646900
☎️YP Thailand (Bangkok Campus)
Phone : +66 823904424

01/07/2025

Content by me🖤

လူကြီးနဲ့လူငယ် Generation Gap ကိုဘယ်လိုကျော်လွှားမလဲ❓

"ငါ့ခေတ်တုန်းကဆို..." "အခုခေတ်လူငယ်တွေက..." ဆိုတဲ့စကားတွေကို အိမ်မှာ၊ ပတ်ဝန်းကျင်မှာ ကြားဖူးကြမယ်ထင်ပါတယ်။ တကယ်တော့ လူကြီးနဲ့လူငယ်ကြားက အတွေးအမြင်၊ အပြုအမူခြားနားမှုတွေက သဘာဝပါ။ ဒါပေမယ့် ဒီလို အခြေအနေကိုနားလည်ပြီး ဘယ်လိုညှိယူမလဲဆိုတာက အရေးကြီးပါတယ်။ ဒီတစ်ခေါက်မှာတော့ မျိုးဆက်ကွာဟမှုကြောင့်ဖြစ်တတ်တဲ့ အခက်အခဲတွေ၊ ဘယ်လိုဖြေရှင်းမလဲဆိုတာကို ဆွေးနွေးပြောပြပေးချင်ပါတယ်။ 💁🏼‍♀️

မျိုးဆက်ကွာဟမှု Generation Gap ဆိုတာ လူကြီးနဲ့လူငယ်တွေကြားက အတွေးအမြင်၊ အပြုအမူနဲ့ နေထိုင်မှုဘဝပုံစံခြားနားမှုတွေကြောင့် ဖြစ်လာတဲ့ နားလည်မှုလွဲမှားတဲ့အခြေအနေတစ်ရပ်ပါ။ ဒီအခြေအနေမှာ လူကြီးတွေက သူတို့ခေတ်က အတွေ့အကြုံနဲ့ ဓလေ့ထုံးတမ်းတွေကို အခြေခံပြီး ကြည့်တတ်ကြသလို တစ်ဖက်မှာလူငယ်တွေကလည်း ခေတ်အမြင်နဲ့ လူမှုအပြောင်းအလဲတွေကို ပိုမိုလက်ခံကျင့်သုံးလိုကြတယ်။ ဒီလိုမတူညီတဲ့အမြင်တွေကြားက ကွာဟမှုဟာ သဘာဝကျပေမယ့်၊ နှစ်ဖက်စလုံးက နားလည်မှုနဲ့ သည်းခံမှုရှိမှသာ ပြေလည်နိုင်မှာဖြစ်ပါတယ်။

လူကြီးတွေဘက်က သူတို့ရဲ့ အတွေ့အကြုံတွေကို မျှဝေပြီးရင် လူငယ်တွေရဲ့ အမြင်သစ်တွေကိုလည်း နားစွင့်ပေးဖို့ လိုအပ်ပါတယ်။ အလားတူ လူငယ်တွေကလည်း လူကြီးတွေရဲ့ စိုးရိမ်ပူပန်မှုတွေကို နားလည်ပေးပြီး သူတို့ရဲ့အကြံပြုချက်တွေကို လေးလေးစားစားနဲ့ ဆွေးနွေးဖို့ အရေးကြီးပါတယ်။ဘယ်သူ့အမြင်ကိုမှ တစ်ဖက်သတ်မပယ်ချဘဲ၊ နှစ်ဦးနှစ်ဖက် နားလည်လက်ခံနိုင်တဲ့ အလယ်အလတ်လမ်းကို ရှာဖွေဖို့ လိုအပ်နေတာပါ။

အချုပ်အားဖြင့် ပြောရမယ်ဆို မျိုးဆက်အသီးသီးမှာ အားသာချက်နဲ့ အားနည်းချက်တွေရှိနေတတ်တာ သဘာဝပါပဲ။ လူကြီးတွေရဲ့ အတွေ့အကြုံနဲ့ ဉာဏ်ပညာကို လူငယ်တွေက လေးစားလက်ခံပြီး၊ လူငယ်တွေရဲ့ ဆန်းသစ်
တီထွင်မှုနဲ့ လွတ်လပ်တဲ့ အတွေးအခေါ်တွေကို လူကြီးတွေက နားလည်ပေးနိုင်ရင် Generation Gap ဆိုတာ ပဋိပက္ခမဟုတ်ဘဲ အတူတိုးတက်ရေးအတွက် အခွင့်အလမ်းတစ်ရပ် ဖြစ်လာနိုင်မှာ အမှန်ပဲနော်။ မျိုးဆက်တိုင်းကအတွေးအခေါ်၊ ယဉ်ကျေးမှုတွေနဲ့ လိုက်လျောညီထွေဖြစ်အောင် ကြိုးစားရတာပါပဲ။ လူကြီးတွေရဲ့အတွေ့အကြုံနဲ့ လူငယ်တွေရဲ့ ဆန်းသစ်တီထွင်မှုကို ပေါင်းစပ်နိုင်ရင် ပိုကောင်းတဲ့ဆက်ဆံရေးတည်ဆောက်နိုင်မှာပါ။ 🤩

"ငြိမ်းချမ်းစွာအတူယှဉ်တွဲနေထိုင်ဖို့ နားလည်မှုနဲ့ သည်းခံမှုက အရေးကြီးဆုံးပါ" 💙

Content ~ Thae Mon Hnin
Graphic ~ Alexa

------------------------------------------------------------------------
Subscribe our telegram channel🧑🏻‍💻
https://t.me/the_article_edu_telegram

Join our telegram group📌
https://t.me/thearticle

Follow our LinkedIn 🔗
https://www.linkedin.com/company/the-article-institute/

Follow our Instagram 📲
https://www.instagram.com/thearticleinstitute?igsh=NmY1c2p3czNrM28z

Join our YouTube Channel 🖥

https://youtube.com/?si=Tbauq_bND1nHKPL_

27/06/2025

Knowledge 💚🐘

သဘာဝ၏ အံ့ဖွယ်သတ္တဝါလေးများ သို့မဟုတ် ဆင်လေးများရဲ့ထူးခြားချက်🦣

ဆင်တွေဟာ ကမ္ဘာမြေကြီးပေါ်မှာ နှစ်သန်းပေါင်းများစွာ ရပ်တည်လာခဲ့ပြီး ယနေ့ထိသူတို့ရဲ့ကြီးမားတဲ့ ကိုယ်ထည်၊ ထက်မြက်တဲ့ဉာဏ်ရည်နဲ့ ဂေဟစနစ်အတွက်အရေးပါမှုတို့ကြောင့် လောကမှာ အထင်ရှားဆုံးအဖြစ် ရပ်တည်နေဆဲသတ္တဝါတွေပါ။ အာဖရိကနဲ့ အာရှတိုက်မှာရှိတဲ့ သစ်တောတွေမြက်ခင်းပြင်တွေမှာ ကျက်စားလေ့ရှိတဲ့ဒီသတ္တဝါတွေဟာ လူသားတွေရဲ့ ငယ်ရွယ်စဉ်ကတည်းက စွဲမက်ဖွယ်ရာ သတ္တဝါလေးတွေလည်းဖြစ်ခဲ့ပါတယ်နော်။ 🦣🥰

ငယ်ငယ်က ဆင်တွေကိုတွေ့ရင် ပျော်တဲ့သူတွေရောရှိကြလား❓ကြည့်လို့မဝနိုင်တဲ့ သတ္တဝါတွေထဲမှာ ဆင်တွေလည်းပါမယ်ထင်တယ်။ 🤔
ငယ်တဲ့အရွယ် Zoo ကိုသွားလည်တဲ့အချိန်ကတည်းက "ဆင်တွေကြည့်မယ်" ဆိုပြီး လူကြီးတွေကိုပူဆာတဲ့အရွယ်ကနေ အချိန်ပေးပြီး Zoo မှာ ဆင်တွေကို အစာသွားကျွေးတဲ့အရွယ်တစ်ခုကိုလည်းရောက်လာခဲ့ပါပြီ။ ဒါပေမဲ့ ဆင်တွေရဲ့အကြောင်းကိုရော သေချာလေ့လာဖူးကြရဲ့လား❔🤔

ဒီနေ့မှာတော့ ဆင်တွေကို သဘောကျတယ်ဆိုတဲ့သူတွေအတွက် ဆင်တွေရဲ့ ထူးခြားတဲ့အချက်
တစ်ချို့ကို Sharing လုပ်ပေးသွားပါမယ်နော်။ 🤗

🦣 ကြီးမားတဲ့ ကိုယ်ထည်
အာဖရိကဆင်တွေဟာ အရပ် ၁၁ ပေအထိ မြင့်ပြီး အာရှဆင်များထက် ပိုမိုကြီးမားကြပါတယ်။ နှာမောင်းတွေကိုလည်း အလွန်ကျွမ်းကျင်စွာ အသုံးပြုနိုင်ပြီးအစာကောက်ယူခြင်း၊ ရေသောက်ခြင်းနဲ့ ဆက်သွယ်ခြင်းတို့အတွက် သူတို့ရဲ့ အဓိကလက်နက်ပါပဲ။

🦣 နေထိုင်မှုသဘာဝ အမူအကျင့်
ဆင်တွေက အစုလိုက်၊ အုပ်လိုက် နေထိုင်လေ့ရှိပြီးဆင်မကြီးတွေကပဲ ဦးဆောင်တာဖြစ်တယ်တဲ့ 🤔 အထူးသဖြင့် မိုးရာသီတွေမှာလွင်ပြင်လိုနေရာမျိုးတွေကို သဘာဝအလျောက် အုပ်စုလိုက် ရွှေ့ပြောင်းကျက်စားလေ့ရှိတာတွေ့ရပါတယ်။

🦣 ဉာဏ်ရည်မြင့်မားမှု
ဆင်တွေက သင်ယူမှုစွမ်းရည်မြင့်မားပြီး လူတွေရဲ့လေ့ကျင့်မှုကို အလွယ်တကူ နာခံနိုင်တဲ့ ဆင်လိမ္မာလေးတွေပါ။ 🤔 မိသားစုဝင်များကို မှတ်မိနိုင်ပြီး စိတ်ခံစားမှုများကိုပါ ဖော်ပြနိုင်တဲ့အထိ ဆင်တွေက ဉာဏ်ကောင်းကြပါတယ်။ 🤎

🦣 သဘာဝပတ်ဝန်းကျင်မှာ အရေးပါမှု
ဆင်တွေက သစ်တောတွေကို ပြန်လည်နုပျိုစေတဲ့ "ဂေဟစနစ်အင်ဂျင်နီယာများ" လို့ပြောရင် မမှားပါဘူး။ သူတို့ရဲ့ ခြေရာတွေက ရေကန်ငယ်လေးများကို ဖြစ်ပေါ်လာစေပြီး အခြားသတ္တဝါများအတွက် နေထိုင်စရာ ဂေဟစနစ်အသေးစားလေးတွေ ဖန်တီးပေးတာပါ။ ဒါပေမဲ့ အခုအခါမှာတော့ဆင်တွေက နေထိုင်ရာဒေသ ဆုံးရှုံးမှု၊ အမဲလိုက်ခံရမှုတို့ကြောင့် မျိုးသုဉ်းလုနီးပါး အန္တရာယ်နဲ့ ရင်ဆိုင်နေကြရပါတယ်။🥺

🦣 လူသားနဲ့ ဆင်တို့ရဲ့ဆက်ဆံရေး
သမိုင်းတစ်လျှောက် ဆင်တွေကို စစ်ပွဲ၊သယ်ယူပို့ဆောင်ရေးနဲ့ စိုက်ပျိုးရေးတွေမှာ အသုံးပြုခဲ့ကြပါတယ်။ မြန်မာနိုင်ငံအပါအဝင် အာရှနိုင်ငံတွေမှာတော့ ဆင်တွေကို သစ်လုပ်ငန်းတွေမှာ အကူအညီအဖြစ် အသုံးပြုလေ့ရှိတာတွေ့ရပါတယ်။

ဆင်တွေရဲ့ အရေးပါမှုကို အသိအမှတ်ပြုပြီးကမ္ဘာတစ်ဝှမ်းမှာ သဘာဝထိန်းသိမ်းရေး အဖွဲ့အစည်းတွေက ကာကွယ်ဖို့အတွက် ကြိုးပမ်းနေကြရပါတယ်။ ဆင်များကို ချစ်မြတ်နိုးသူများအနေနဲ့လည်း နေထိုင်မှုပတ်ဝန်းကျင်ကို ထိန်းသိမ်းပြီး အမဲလိုက်ခြင်းကို တားဆီးဖို့ ဘယ်နည်းနဲ့မဆို ကြိုးစားအားထုတ်လှုံ့ဆော်ပေးသင့်ပါတယ်။ ဆင်တွေက မြန်မာတင်မက ကမ္ဘာ့သမိုင်း၊ ယဉ်ကျေးမှုနဲ့ ဂေဟစနစ်တို့ရဲ့ အရေးပါတဲ့ အစိတ်အပိုင်းဖြစ်ပြီး အနာဂတ်မျိုးဆက်များအတွက်လည်း ထိန်းသိမ်းကာကွယ်ရမယ့် သဘာဝရဲ့ အမွေအနှစ်တစ်ခု ဖြစ်လို့နေပါတယ်နော်။ 🦣🤎

ဒါဆို ဆင်လေးတွေကို ချစ်တဲ့သူတွေရှိကြလား❔
ဆင်လေးတွေ ဒီကမ္ဘာကြီးပေါ်ကပျောက်ကွယ်မသွားဖို့ တို့တွေ့လည်း တစ်ထောင့် တစ်နေရာက အမြဲ ကြိုးစားပေးနေဖို့ လိုပါတယ်နော်။ 🥰🤗

Content ~ Thae Mon Hnin
Graphic ~ Alexa

------------------------------------------------------------------------
Subscribe our telegram channel🧑🏻‍💻
https://t.me/the_article_edu_telegram

Join our telegram group📌
https://t.me/thearticle

Follow our LinkedIn 🔗
https://www.linkedin.com/company/the-article-institute/

Follow our Instagram 📲
https://www.instagram.com/thearticleinstitute?igsh=NmY1c2p3czNrM28z

Join our YouTube Channel 🖥

https://youtube.com/?si=Tbauq_bND1nHKPL_

27/06/2025

Sharing content 💙

အိပ်ရေးပျက်ခြင်းရဲ့ ဆိုးကျိုးများနဲ့ ကျန်းမာရေးကို ဘယ်လိုကာကွယ်မလဲ❓

သင်တို့ အိပ်ရေးမဝတာက တစ်ညတလေဆို ပြဿနာမရှိပေမယ့် နေ့တိုင်းနီးပါး အိပ်ရေးပျက်နေတယ်ဆိုရင်တော့ သင့်ရဲ့ခန္ဓာကိုယ်၊ စိတ်ကျန်းမာရေးနဲ့ နေ့စဉ်လုပ်ငန်းဆောင်တာတွေအပေါ် ကြီးမားတဲ့သက်ရောက်မှုရှိတာကို သိကြပါသလား? ဒီတစ်ခါတော့ အိပ်ရေးပျက်ခြင်းရဲ့ နောက်ဆက်တွဲဆိုးကျိုးတွေနဲ့ ဘယ်လိုကာကွယ်ရမလဲဆိုတာ The Article Institute ရဲ့ စာဖတ်သူတွေအတွက် Sharing လုပ်ပေးချင်ပါတယ်။ 💁🏼‍♀️

ပထမဆုံးအနေနဲ့ ဒီအကြောင်းကို ဘာကြောင့်
ဖတ်သင့်တာလဲ? 🤔
🫵 အိပ်ရေးပျက်ခြင်းဟာ ရေရှည်မှာ ဆီးချို၊ နှလုံးရောဂါ နဲ့ စိတ်ကျရောဂါတို့လို နာတာရှည်ရောဂါတွေကို ဖြစ်စေနိုင်တယ်။
🫵 အလုပ်ခွင်နဲ့ လူမှုဆက်ဆံရေးမှာ စွမ်းဆောင်ရည်ကျဆင်းစေပြီး အမှားတွေဖြစ်နိုင်ခြေများလိမ့်မယ်။
ဒါကြောင့် အိပ်စက်ခြင်းရဲ့ အရေးကြီးပုံနဲ့ အိပ်ရေးဝဝအိပ်နိုင်ဖို့ ဘယ်လိုလုပ်သင့်တယ်ဆိုတာ သိထားဖို့လိုနေပါပြီနော်။ 👋
အဓိက အိပ်ရေးပျက်ခြင်းက များသောအားဖြင့်
📍ညဘက် လွယ်လွယ်အိပ်မပျော်သူတွေ
📍Night Shift နဲ့ အလုပ်လုပ်ရသူတွေ
📍စာမေးပွဲတွေရဲ့ Pressure ကြောင့် အိပ်ရေးပျက်နေရတဲ့ ကျောင်းသားတွေမှာ အဖြစ်များလေ့ရှိတာကို သတိထားမိပါတယ်။

အိပ်ရေးပျက်တာများလာပြီဆိုတာနဲ့ ဘယ်လိုဆိုးကျိုးတွေဖြစ်လာနိုင်လဲဆိုတော့ -

1 - ဦးနှောက်စွမ်းဆောင်ရည်ကျဆင်းပြီးမှတ်ဉာဏ်အားနည်းခြင်း၊ အာရုံစူးစိုက်မှုလျော့ကျခြင်း နဲ့ ဆုံးဖြတ်ချက်မှားယွင်းနိုင်ခြေ များခြင်းတွေ ကြုံရနိုင်ပါတယ်။

2 - စိတ်ကျန်းမာရေးထိခိုက်လာပြီး စိတ်တိုလွယ်တာ၊ စိတ်ဖိစီးမှုများတာ နဲ့ စိတ်ကျရောဂါဖြစ်နိုင်ခြေများပါတယ်။

3 - ကိုယ်ခံအားစနစ်အားနည်းလာတာကြောင့်ရောဂါပိုးမွှားတွေကို တိုက်ထုတ်နိုင်စွမ်းကျဆင်းပြီး ဖျားနာလွယ်လာမယ်။

4 - အိပ်ရေးပျက်တဲ့အခါ အစားစားချင်စိတ်ကို လှုံ့ဆော်ပေးတဲ့ဟော်မုန်းတွေများလာပြီး အဝလွန်စေနိုင်တာမို့ ကိုယ်အလေးချိန်များတာမျိုးဖြစ်လာစေပါတယ်။

5 - နှလုံးနဲ့သွေးကြောဆိုင်ရာပြဿနာများ ဥပမာ-သွေးတိုး၊ နှလုံးရောဂါနဲ့ လေဖြတ်နိုင်ခြေတိုးလာနိုင်တာကိုလည်း သတိပြုသင့်ပါတယ်။

အိပ်ရေးပျက်ခြင်းရဲ့ ဒီလို ဆိုးကျိုးတွေကနေ ကာကွယ်ဖို့ အိပ်ရေးဝအောင် ဘယ်လိုအိပ်မလဲ❓
✅ အိပ်ချိန်ကိုမှန်အောင်ထားပေးပါ။တစ်နေ့ကို ၇နာရီ ကနေ ၉ နာရီလောက်ထိ အိပ်ချိန်ယူပါ။
✅ Phone ,Laptop တွေကို အိပ်ခါနီး ၁ နာရီအလိုမှာပိတ်ပါနော်။ Blue Light က အိပ်စက်
ခြင်းကိုအနှောင့်အယှက်ဖြစ်စေနိုင်တာမို့ပါ။
✅ Coffee,အရက်နဲ့ ဆေးလိပ်ရှောင်ပါ။ဒါတွေက အိပ်စက်ခြင်းကို အနှောက်အယှက်ဖြစ်စေနိုင်ပါတယ်။
✅ ညအချိန်ရောက်ရင် အိပ်ခန်းကို အေးမြအောင်လုပ်ပြီး မီးမှိတ်ကာ တိတ်ဆိတ်အောင်ထားသင့်ပါတယ်။ အိပ်ပျော်ဖို့ အထောက်အကူဖြစ်စေနိုင်ပါတယ်နော်။ 😴
✅ ညစာကို အိပ်ချိန်နဲ့ ၃ နာရီခြားစားပေးနော်။🍛 ဗိုက်ပြည့်လွန်းရင် အိပ်ရခက်တာမျိုးဖြစ်နိုင်လို့ပါ။
ဒီထက်ပိုပြီး အဓိကရှောင်သင့်တာကတော့ညနေခင်းနောက်ပိုင်း ကဖိန်းဓာတ်ပါတဲ့အရာသောက်သုံးခြင်း၊ အိပ်ရာထဲရောက်မှ စိတ်ဖိစီးစရာတွေ တွေးတောခြင်း၊ နေ့လည်ဘက်ကို မိနစ် ၃၀ ထက်ပိုပြီး တရေးအိပ်ခြင်းတွေက ပိုပြီးမလုပ်သင့်တာတွေပါပဲနော်။ ❌

အိပ်စက်ခြင်းဟာ သင့်ကျန်းမာရေးအတွက် ရေဓာတ်လိုအပ်သလိုပဲ အရေးကြီးပါတယ်။ ❗️အိပ်ရေးပျက်တာကို "ငါအခု ဘာမှမဖြစ်ပါဘူး" ဆိုပြီး ပေါ့မသွားပါနဲ့။ ဒီနေ့ကစပြီး အိပ်ချိန်ကို ဦးစားပေးပါနော်။ နောင်တစ်ချိန်မှာ အိပ်ရေးဝအောင်အိပ်ခဲ့လို့ ကောင်းမွန်နေတဲ့သင့်ကျန်းမာရေးအတွက် ကျေနပ်နေရပါလိမ့်မယ်။ 🤗
အိပ်ရေးဝပြီး လန်းဆန်းတက်ကြွတဲ့နေ့ရက်တွေကို ပိုင်ဆိုင်နိုင်ကြပါစေ!💙

Content ~ Thae Mon Hnin
Graphic ~ Alexa

------------------------------------------------------------------------
Subscribe our telegram channel🧑🏻‍💻
https://t.me/the_article_edu_telegram

Join our telegram group📌
https://t.me/thearticle

Follow our LinkedIn 🔗
https://www.linkedin.com/company/the-article-institute/

Follow our Instagram 📲
https://www.instagram.com/thearticleinstitute?igsh=NmY1c2p3czNrM28z

Join our YouTube Channel 🖥

https://youtube.com/?si=Tbauq_bND1nHKPL_

23/04/2025

Content by Thae - Choose your creation

Coffee Menu ကြီးကြည့်ပြီး မရှုပ်အောင် သိထားသင့်တာလေးများ❗️🤗

ကော်ဖီဆိုတာ မနက်ခင်းမှာ wake up call တစ်ခွက်ပါပဲ🤗
ဒါပေမယ့် ဆိုင်ရောက်တိုင်း Menu မှာ Coffee အမျိုးအစားအများကြီးရှိနေတတ်ပါတယ်။
ဘာက ဘာလဲ? ခါးတာ သောက်ချင်လား၊ ချိုချင်လား… သေချာရွေးချယ်ဖို့ အဓိက ကျတာတွေကိုပြောပြမယ်နော်😍😍

1. Espresso
Espresso က ခါးသက်တဲ့ taste နဲ့ ပြင်းရှတဲ့ coffeeတစ်မျိုးပါ။ ခါးတာကြောက်လို့ မသောက်တတ်တဲ့သူမျိုးလည်းရှိသလို Espresso ရဲ့ အရသာကိုမှ စွဲလမ်းပြီး မသောက်ရမနေနိုင်တဲ့သူမျိုးတွေလည်းရှိပါတယ်🥰ပျင်းရိထိုင်းမှိုင်းပြီး အလုပ်မလုပ်ချင်တဲ့အချိန် သောက်တာအထူးသင့်တော်ပါတယ်☕️

2. Americano
Espresso ကို ရေနွေး add ပြီး ပြုလုပ်တာ Americano ပါ။ ကော်ဖီအနံ့ရှိပေမယ့် မပြင်းတော့ပဲ သောက်ရတာပေါ့ပေါ့ပါးပါး ဖြစ်စေပါတယ်☕️

3. Latte
Latte က Espresso ထဲကို နို့ထည့်ထားတာဖြစ်ပါတယ်🥛ကော်ဖီနဲ့နို့ ရောထားတာမလို့ သောက်ရတာပျော့ပျောင်းပြီး ပေါ့ပေါ့ပါးပါး ဖြစ်ပါတယ်။ နံနက်ခင်းမှာ သောက်ဖို့အဆင်ပြေပါတယ်☕️

4. Cappuccino
Cappuccino ကလည်း ကော်ဖီနဲ့ နို့ပါပဲ၊ ဒါပေမယ့် အမြှုပ် (foam)အများကြီးပါလို့ပျော့ပျောင်းပြီး အပေါ်က Foam ကြောင့်သောက်ရတာ ပေါ့ပါးစေပါတယ်☕️

5. Mocha
Mocha က Latte ထဲကို ချောကလက် ထည့်ထားတာမျိုးပါ ချိုပြီး နို့အရသာပေါင်းစပ်တာကြိုက်သူတွေအတွက်အထူးသင့်တော်ပါတယ်။ ကော်ဖီနဲ့ချောကလက်ကို အတူပေါင်းစပ်ထားတဲ့ Mocha လေးကလည်း ပေါ့ပေါ့ပါးပါးရွေးချယ်လို့ကောင်းတဲ့ Coffee တစ်မျိုးပါ☕️

6. Flat White
Flat White က Latte နဲ့ဆင်တူပေမယ့် အမြှုပ်
နည်းပါတယ်။ နို့ပမာဏ နည်းပေမဲ့ ကော်ဖီနဲ့နို့ကို တစ်ပြိုင်နက် ခံစားနိုင်တာမလို့ သောက်ရတဲ့ အရသာတစ်မျိုးလေးနဲ့ စိတ်ကျေနပ်စေတဲ့ Coffee အမျိုးအစားတစ်ခုပါ☕️

Menu ကြည့်လိုက်တာနဲ့ ရှုပ်မနေဖို့ဆိုရင် ဒါလေးတွေ သိထားလိုက်တော့နော်❗️
ဒီထက်ပိုပြီး အသေးစိတ်ကျတဲ့ Coffee အမျိုးအစားတွေအကြောင်းကို လက်တွေ့သင်ယူရင်း နားလည်နိုင်ဖို့ YP Education ကဖွင့်တဲ့ Professional Barista Course ကို တက်ရောက်ဖို့ မမေ့နဲ့နော်🤗😍

YP နဲ့ အဆက်အသွယ်မပြတ်စေဖို့ Channel တွေကို Subscribe လုပ်ထားပေးပါ🥰👇

💠Telegram Channel
[https://t.me/ypeducationmyanmar](https://t.me/ypeducationmyanmar "smartCard-inline")
💠Tiktok
[https://www.tiktok.com/?_t=8p1tCBD1g26&_r=1](https://www.tiktok.com/?_t=8p1tCBD1g26&_r=1 "smartCard-inline")

YP Education ကျောင်းခွဲများသို့ ဆက်သွယ်ရန်
☎️YP Botahtaung Campus
Phone: 09960407309, 09740965103
☎️YP Hlaing Campus
Phone: 09740965105
☎️YP Mandalay
Phone: 09740965104
☎️YP Thailand (Chiang Mai Campus)
Phone : +66649646900

23/04/2025

Content by Thae - Choose your creation

Cocktail Shaker သုံးနည်းများ

Cocktail တစ်ခွက်ကို အရသာစပ်ပြီး အထူးတလည်ဖန်တီးဖို့ shaking technique မှန်ကန်စွာ အသုံးပြုရပါမယ်။ 💁🏼‍♀️Shake တဲ့ ပုံစံကcocktail ရဲ့ texture အပေါ်ကို သက်ရောက်နိုင်တဲ့အတွက် shaker ကို ဘယ်လိုမှန်ကန်စွာ သုံးမလဲ ဆိုတာ သိထားဖို့လဲ အရေးကြီးပါတယ်။💡

1. Hard Shake
Cocktail ကိုအေးအောင်၊ အရသာစပ်မိအောင် ပြုလုပ်တဲ့အခါ အသုံးများပါတယ်။ Shaker ကို လက်နဲ့ကိုင်ပြီး 10 - 15 စက္ကန့် ခန့် ခပ်ပြင်းပြင်းလှုပ်ကာ အသုံးပြုဖို့ဆိုရင် Hard Shake ကိုအသုံးပြုကြပါတယ်။

📌အသုံးပြုနည်းက
🍸Boston Shaker သို့မဟုတ် Cobbler Shaker ထဲမှာ ပစ္စည်းတွေထည့်ပါ။
🍸Shaker ကို လက်ဖြင့် တည်ငြိမ်စွာ ကိုင်ပါ။🍸၁၀ - ၁၅ စက္ကန့် ခန့် ပြင်းပြင်းလှုပ်ပါ။
🍸ရေခဲ တွေနဲ့ အပူချိန်ကို Control လုပ်နိုင်အောင် အမြဲ တည့်တည့် မဟုတ်ဘဲ အနည်းငယ် တစ်ဖက်စောင်းပြီး လှုပ်ဖို့လိုပါတယ်✅

2. Dry Shake (Egg White ပါသော cocktail များအတွက်)

Egg White ပါဝင်တဲ့ cocktail တွေ (ဥပမာ - Whiskey Sour) ကို frothy texture ရဖို့ Dry Shake နည်းသုံးရပါတယ်။

📌အသုံးပြုနည်းက
🍸Egg White ပါတဲ့ cocktail တွေကို ရေမထည့်ဘဲ အရင် 10 စက္ကန့် ခန့် shake လုပ်ရပါမယ်။
🍸ပြီးမှ ရေခဲထည့်ပြီး ထပ်မံ 10 - 15 စက္ကန့် Wet Shake လုပ်ပါ✅

3. Reverse Dry Shake

Dry Shake နဲ့ပုံစံတူပေမယ့် foam ပိုထွက်စေချင်တဲ့သူများ အတွက် အသုံးဝင်တဲ့ Shake နည်းပါ။

📌အသုံးပြုနည်းက
🍸ပထမ Wet Shake (ရေခဲထည့်ပြီး) 10 စက္ကန့် shake လုပ်ပါ။
🍸ရေခဲကို စစ်ထုတ်ပြီး Egg White ကိုပဲ ထပ်မံ Dry Shake (10 - 15 စက္ကန့်) လုပ်ပါ။
🍸ဒီနည်းက Egg White အမြှုပ်ကို ပိုမိုထွက်စေပြီး creamy texture ပိုရစေပါတယ်။✅

4. Whip Shake (သစ်သီးပါတဲ့ Cocktail များအတွက်)

Pina Colada လို သစ်သီး၊ cream, coconut milk ပါတဲ့ cocktails တွေအတွက် အသုံးများတဲ့ နည်းပါ။

📌အသုံးပြုနည်းက
🍸ရေမထည့်ဘဲ crushed ice နဲ့ 5 - 7 စက္ကန့် ခန့်သာ shake လုပ်ပါ။
🍸ဒီနည်းက ingredients တွေ ပိုကောင်းစွာရောစပ်နိုင်စေပြီး ချောမွှတ်တဲ့ texture ရစေပါတယ်✅

ဒီလို Shaker နည်းလမ်းတွေကိုသုံးပြီး Cocktail တွေကို ကျွမ်းကျင်စွာ ဖျော်တတ်ချင်
ရင် ဘယ်လိုလုပ်ရမလဲ❓🤔

Bartending Skill တွေကို ပရော်ဖက်ရှင်နယ် အဆင့် သို့ တိုးတက် ချင်တဲ့သူတွေအတွက်
➡️ YP Education ရဲ့ “Professional Bartending Course”ကို ချိတ်ဆက်တက်ရောက်လိုက်ပါနော်🤗

Bartender နဲ့ Mixologist တို့အဖြစ်အလုပ်အကိုင် အခွင့်အလမ်းတွေ YP နဲ့အတူဖန်တီးလိုက်ပါ❗️

YP Education Thailand -CNX campus
0649646900

22/02/2025

အခိုက်အတန့်🌷
သာယာပြီး ပန်းတွေဖူးပွင့်နေတာ လှပေမယ့်…အချိန်ဆိုတာ မရပ်ဘူး။🥀တဖြည်းဖြည်း ပြောင်းလဲသွားတယ်။ဒီနေ့ပွင့်နေတဲ့ ပန်းတစ်ပွင့်ဟာ မနက်ဖြန်ဆိုရင် ညှိုးသွားနိုင်တယ်။🌸🍁

ဘဝလည်းထပ်တူပါပဲ။
စောင့်နေမယ်ဆိုသူတွေလည်း မစောင့်ပေးနိုင်ကြဘူး။❤️‍🩹တန်ဖိုးထားသင့်တဲ့ အခိုက်အတန့်တွေကိုလက်လွှတ်မသွားစေနဲ့။💔
ပြန်ရှာဖွေနိုင်တဲ့အရာထဲမှာ အချိန်တွေ မပါဘူး။🔎🕒

“Moment in Time”

Flowers bloom, so bright, so fair,
Yet time keeps moving, unaware.
Today’s blossom, fresh and new,
Tomorrow fades like morning dew.

Life moves on, it won’t stand still,
Promises made may not fulfill.
Hold each moment, don’t let go,
For lost time won’t return, you know.

Thae - Choose your creation

21/02/2025

Content by me🫶

သရပါတံခါး - နတ်မောင်နှမစောင့်တဲ့ ပုဂံရဲ့ သမိုင်းဝင် တံခါး 🛕🍂

သူငယ်ချင်းတို့၊ သမိုင်းကြောင်းတွေလေ့လာရတာ စိတ်ဝင်စားကြလား? 🤔 တခါတလေ ကြားဖူးတာရောရှိကြလား? ပုဂံမှာ နတ်
မောင်နှမ ၂ ပါးက စောင့်တဲ့ တံခါးတစ်ခုရှိတယ် ဆိုတာရော ကြားဖူးနားဝ ရှိကြလား? 👀
မေးခွန်းတွေ အရမ်းများသွားပြီနော်။ 🧐

အဓိကပြောပြချင်တာကတော့အဲ့တာပဲ “သရပါတံခါး” အကြောင်း။💫 မြန်မာ့သမိုင်းထဲမှာတော့ထင်ရှားတဲ့ တံခါးတစ်ခုဖြစ်ပြီး မြို့နံရံတွေထဲက ယနေ့ထိ ကျန်ရှိနေတဲ့ တစ်ခုတည်းသော တံခါး ဖြစ်တာမို့ တကယ်ကို သမိုင်းဝင်တဲ့ နေရာတစ်ခုပါ။

ဒါဆိုရင် 'သရပါတံခါး' ဆိုတာဘာလဲ?

ဒီတံခါးဟာ ပုဂံခေတ် (၁၁-၁၃ ရာစု) ကတည်းက တည်ဆောက်ထားခဲ့တာ။ “သရပါ” ဆိုတာ “ခံနိုင်ရည်ရှိသူ” ဆိုတဲ့ အဓိပ္ပါယ်နဲ့ ပတ်သက်
တဲ့ အနက်ရှိတယ်။ မြို့ကို အန္တရာယ်ကင်းမှုနဲ့ အေးချမ်းမှုရှိဖို့ ဆိုပြီး အဓိကထား တည်ဆောက်ခဲ့တဲ့ တံခါးတစ်ခုဖြစ်ပါတယ်။ ဒါ့အပြင်… ဒီတံခါးက နတ်မောင်နှမနှစ်ပါး ဖြစ်တဲ့ ရွှေမျက်နှာ နဲ့ ငါးမျက်နှာ တို့က စောင့်ကြပ်ပေးနေတယ်ဆိုပြီး အယုံအကြည်နဲ့ အယူစွဲတွေရှေးကတည်းက ရှိခဲ့ကြပါတယ်။ နတ်စွမ်းတရားနဲ့ မြို့ကိုကာကွယ်ပေးတဲ့ နတ်တွေဆိုတော့ စိတ်ဝင်စားဖွယ် အလွန်ကောင်းတဲ့ ရာဇဝင်လို့ပဲ ဆိုလို့ရတယ်နော်။ 🤔

ဆက်ပြီး နတ်မောင်နှမနှစ်ပါး အကြောင်းကိုပြောပြပါမယ်။👇

မောင်နှမနှစ်ပါးထဲမှာမောင်အငယ်ရွှေမျက်နှာက သရပါတံခါးကို တိုက်ရိုက် စောင့်ရှောက်ပေးတဲ့ နတ်ဖြစ်ပြီး မြို့ကို အန္တရာယ်ကင်းစေဖို့ အစွမ်းထုတ်တဲ့သူဖြစ်တယ်လို့ဆိုကြပါတယ်။ အမကြီးဖြစ်တဲ့ငါးမျက်နှာက သူ့ရဲ့ စွမ်းအားနဲ့ မြို့တစ်ဝိုက်ကို ထိန်းသိမ်းပြီး ကာကွယ်ပေးနေတာလို့ အဆိုရှိခဲ့ကြပါတယ်။
နတ်မောင်နှမ ၂ ယောက်ရဲ့ အစွမ်းတွေက ပုံပြင်ဆန်တဲ့သဘော ရှိပေမဲ့လည်းတချို့သောလူတွေကသမိုင်းမှာတကယ်ရှိတယ်လို့ယုံကြည်ကြပါတယ်။ 👀

သမိုင်းဝင် 'သရပါတံခါး' ကြီးရဲ့ ထူးခြားချက်တွေကို ဆက်ပြီးကြည့်လိုက်ရအောင်။ 🗣

🔸 သမိုင်းဝင် နေရာတစ်ခုဖြစ်တဲ့ သရပါမြို့ရိုးတံခါးကြီးက ပုဂံရဲ့ တစ်ခုပဲကျန်တဲ့ ရှေးဟောင်းမြို့နံရံတံခါးတစ်ခုပါ။ 😲
🔸 နတ်ယုံကြည်မှုနဲ့ နတ်ကိုးကွယ်မှုတွေကို သက်သေပြနေတဲ့ ရှေးဟောင်း အရာတစ်ခု ဖြစ်တဲ့ ဒီသမိုင်းဝင်တံခါးကြီးက ယနေ့ခေတ် လူငယ်တွေအတွက်တော့ စိတ်ဝင်စားစရာ မေးခွန်းပေါင်း များစွာနဲ့ လေ့လာစရာနေရာတစ်ခုအဖြစ် ကျန်ရှိနေတဲ့ အမွေအနှစ်တစ်ခုပါပဲ။✨ ဒီနေရာကိုလည်ပတ်ရင်း ဒီမြို့ရိုးတံခါးကြီးကို နတ်မောင်နှမက တကယ်ပဲ စောင့်ရှောက်သလားဆိုတဲ့ စူးစမ်းလိုစိတ်အပြည့်နဲ့ လူငယ်ပီပီ မေးခွန်းထုတ်တတ်ကြတဲ့ သူတွေလည်း ရှိပါသေးတယ်။ 😉
🔸 ပုဂံနန်းတွင်းခေတ်ရဲ့ ခမ်းနားမှုကို အနီးကပ်ခံစားနိုင်မယ့် နေရာဖြစ်တဲ့အတွက်လည်း ခရီးသွားတွေအနေနဲ့ သမိုင်းဝင် vibe ကို အပြည့်အဝရစေမယ့် ပုဂံရဲ့ အမှတ်တရနေရာတစ်ခုပါ။ 💫

ဒါဆိုရင်… ✨ သမိုင်းကြောင်းထဲ ခရီးသွားချင်သူတွေအတွက် ပုဂံကိုရောက်ရင် ဒီနေရာကို Check-in လုပ်ဖို့ မမေ့နဲ့နော်! 🔥 သရပါတံခါးကို သွားလည်ရင်း စိတ်ဝင်စားဖွယ် နတ်မောင်နှမအကြောင်းကိုလည်းသေချာလေး စူးစမ်းခဲ့သင့်ကြောင်း The Article Institute က အမှာစကားပါးလိုက်ပါတယ်။ 🥰

Content ~ Thae Mon Hnin
Graphic ~ Aung Kaung Myat

------------------------------------------------------------------------
Subscribe our telegram channel🧑🏻‍💻
https://t.me/the_article_edu_telegram

Join our telegram group📌
https://t.me/thearticle

Follow our LinkedIn 🔗
https://www.linkedin.com/company/the-article-institute/

Follow our Instagram 📲
https://www.instagram.com/thearticleinstitute?igsh=NmY1c2p3czNrM28z

13/02/2025

💚💚Content by me💚💚

19/01/2025

Improve your presentation skills 💪🩵
Content by Thae Món Hnin