Shwe Pyi Thar Information, Yangon (2026)

17/04/2026

📻 Breaking news

သမ္မတကြီး ဦးဝင်းမြင့် ပြန်လွတ်လာခဲ့ပြီဖြစ်သလို အမေစုကိုလည်း နေအိမ်အကျယ်ချုပ်နဲ့ ထားတော့မယ်လို့ သတင်းတွေတက်နေပါတယ်။

အမေစုကိုအကျွတ်အလွတ်လွှတ်ပေးဖို့တော့ မအလ လုပ်ရဲအုံးမှာမဟုတ်ဘူး။ ဘာပဲဖြစ်ဖြစ် စောင့်ကြည့်ကြတာပေါ့။

17/04/2026

ဒီနေ့က နှစ်ဆန်းတစ်ရက်နေ့ဆိုတော့ ကျွန်တော်တို့ ရွှေပြည်သာမြို့နယ်ရဲ့ ကျက်သရေဆောင် သာဓုကန် စေတီဝန်းထဲမှာ ထုံးစံအတိုင်းကြက်ပျံမကျ စည်းကားနေအုံးမယ်ထင်ပါတယ်။
ငါးလွှတ်ခြင်း အပါအဝင်အထူးထူးသော ကုသိုလ်တွေကို နေရာအနှံ့က လူသူအပေါင်း ဒီစေတီကြီးမှာ လာရောက် ကုသိုလ်ပွါးများကြတာဟာလည်း သမိုင်းဝင်သာဓုကန်စေတီတော်ကြီး နဲ့ ရွှေပြည်သာမြို့နယ်ရဲ့အထိမ်းအမတ်တစ်ခုဖြစ်ပါတယ်။

တိုင်းပြည်အနှံ့ သင်္ကြန်ဟာ ၄ ရက်တည်းသာဆိုသော်လည်း သာဓုကန်( အုတ်ဖို ၂၅ရက်ကွက်) မှာတော့ နှစ်စဉ် နှစ်ဆန်းတစ်ရက်နေ့အထိ ရေပက်ကစားကြလေ့ရှိတာကလည်း ထူးခြားချက်တစ်ရပ်ပင်ဖြစ်ပါသည်။

နှစ်သစ်အခါသမယမှာ ကောင်းမှုကုသိုလ်များ ဖြစ်ထွန်းနိုင်ကြပါစေ။

16/04/2026

ပထဦးစွာ ကျွန်တော်တို့ မနှစ်သက်တဲ့လူတွေရဲ့ လက်ထပ်မှာ သင်္ကြန်လေးရက်စလုံး မပါဝင်မဆင်နွှဲခဲ့ကြသူများကို အလေးအနက်ဂုဏ်ပြုချင်ပါတယ်။ (ပါဝင်ဆင်နွှဲခဲ့ကြသူများကိုလည်းအပြစ်မတင်ချင်ပါ၊ လူတိုင်းက ကိုယ့်ဆန္ဒနဲ့ကိုယ် လွတ်လပ်စွာပြုမူခွင့်ရှိတာဖြစ်လို့ ကိုယ်ကိုယ်တိုင်ရဲ့ ရွေးချယ်ခွင့်ပါပဲ။)

မွန်းကြပ်မှုတွေ ၊ပူလောင်မှုတွေကြားထဲကပဲ ရရှိခဲ့တဲ့ တစ်ခဏတာ ပျော်ရွှင်ခွင့်လေးကို တတ်နိုင်သမျှထိန်းချုပ်ပြီး ငါတို့တော့ အားမလျှော့သေးဘူးလို့ တင်းခံပေးလို့လည်း တော်လှန်ရေးဘက်တော်သား တစ်ယောက်အနေနဲ့ ကျေးဇူးတင်အပ်ပါတယ်။

တစ်ချိန်က ဆန္ဒပြခဲ့တဲ့ ဗိုလ်ချုပ်ကြီးတွေ တည်ဆောက်ထားတဲ့ စတိတ်စင်တွေပေါ်မှာ ဘောမတွေလို့
ကျွန်တော်တို့အပြစ်တင်ခဲ့တဲ့ အနုပညာသည်တွေဖျော်ဖြေနေတာကို အားရပါးရကြီး ပျော်နေတဲ့လူအုပ်ကြီးကို ကြည့်ပြီး လူတွေကို တော်တော်လေးနားလည်လာရပါတယ်။

ကိုယ့်ရဲ့ ပျော်ရွှင်တောင့်တမှုတစ်ခုအတွက် ကိုယ့်ဘက်ကလူတွေကို အပြစ်လှလှကြီးတွေတင်ပြီး ကိုယ်တိုင်
မျက်နှာဖုံးခွါချပေးသူများကိုလည်း ကျေးဇူးတင်အပ်ပါကြောင်း ပြောကြားချင်ပါတယ်။

လူဆိုတာ ကိုယ့်သမိုင်းကိုယ်ရေးကြရတာချည်းပဲ။ အဲ့လို ကိုယ်တိုင်ရေးတဲ့ သမိုင်းကို ကိုယ်ပြန်ဖတ်တဲ့အခါ ကိုယ့်
လိပ်ပြာလုံနေဖို့သိပ်ကိုအရေးကြီးပါတယ်။ အောင်မြင်မှုဆိုတာ အားနည်းပြီး ပျော့ညံ့တဲ့လူတွေအတွက်
မဟုတ်ဘူး။ တစိုက်မတ်မတ် အားထုတ်ကြိုးပမ်းကြသူတွေအတွက်သာဖြစ်တယ်။

“ဘယ်နိုင်ငံမှာမဆို အဲ့ပြည်သူနဲ့တန်တဲ့ အစိုးရကိုပဲ ရလေ့ရှိတယ်တဲ့ “ အစက လက်မခံဘူး။ အခုတော့ ဒီလူတွေကြည့်ပြီး ဒီစကားသိပ်မှန်တာပဲလို့ လက်ခံလိုက်ရတော့တယ်။ သင်္ကြန်ပြီးသွားပါပြီ။ ဒီသင်္ကြန် ငါမပါတော့ မင်းတို့တော်လှန်ရေးအောင်ရောလားတဲ့? ဟုတ်ပါတယ် တော်လှန်ရေးက မအောင်သွားသလို စစ်တပ်ကလည်း အလုံးစုံမရသေးပါဘူး။ ဒါပေမဲ့ ကျွန်တော်တစ်ယောက်တည်းက မပါရင်တော့မသိသာဘူးပေါ့။

ကျွန်တော်ကစ ပြည်သူတစ်သန်းက ပါဝင်ရင်တော့ ဒါက မတူတော့ဘူး။ စင်ပေါ်ကနေ ပြံုးပြံုးကြီး ပွဲခံနေတာကို မမြင်နိုင်ကြရော့သလား။ နိုင်ငံတကာက လှည့်မကြည့်ဘူးလို့ပဲပြောနေကြတာ။ မွန်းကြပ်ပြီး ဆင်းရဲလိုက်တာလို့ပဲအော်နေကြတာ ။ ဆင်းရဲပြီး စစ်ဖြစ်နေတဲ့ တိုင်းပြည်နဲ့မတူဘူးလို့ နိုင်ငံခြား ခရီးသွား ဘလော့ဂါတွေပြောပြောနေတာကြားကြမှာပါ။ ဒါတွေက အသေးအဖွဲ့မဟုတ်ဘူး။

(ဇာတ်ပွဲတွေကြားထဲ လောင်မီးကျနေတဲ့ လူ့အဖွဲ့အစည်း တစ်ခုကိုတော့ ချွင်းချက်ပေးပါတယ်။ကျွန်တော် တို့ လက်လှမ်းမမီတဲ့ ဘက်ခြမ်းမှာဖြစ်နေလို့ပါ။ )
တိုင်းပြည်ဟာ လူတစ်စုရဲ့ အလုံးစုံ ထိန်းချုပ် ချယ်လှယ် လိုသလို ကစားနေတဲ့ ကြွက်ပြေးပွဲထဲရောက်နေတာပါ။

ပြန်ပြီး နိုးထကြပါ။ အသိစိတ်ဝင်ကြပါ။ အခက်အခဲအကြပ်အတည်းတွေကို သည်းခံရင်း လိုအပ်နေတာကိုရအောင်ယူကြပါ။ အဆုံးထိမရောက်ဘူးဆိုရင် ကျွန်တော်တို့ မစတင်ခဲ့တာနဲ့အတူတူပါပဲ။ ဘာလို့များ အလွယ်တကူလက်လျှော့ပေးလိုက်ကြမှာလဲ။

ကျွန်တော်တို့ မျိုးဆက်ပဲ အနစ်နာခံပြီး နောင်လာမယ့် မျိုးဆက်ကို ဒီစိတ်ပျက်စရာ လူ့အသိုင်းအဝိုင်းကြီးထဲက ဆွဲထုတ်ပြစ်လိုက်ကြရအောင်ပါ။

16/04/2026

‼️

ရွှေပြည်သာမြို့နယ်အမှတ် (၉)ရပ်ကွက်၊ မြေတိုင်း၂ ၊ ဥဿဖယား လမ်းမှာ ရာအိမ်မှူးမိသားစုက တနေကုန် ဘောက်ဖွင့် ဆူညံအော်ဟစ်နေလို့ ရပ်ကွက်ပြည်သူအများစု နားမခံနိုင်ဖြစ်နေကြောင်းသိရပါတယ်။

“အခုကတော်တော်ကိုဆိုးနေတာပါ သားသမီး ၊သားမက်ချွေးမရော အကုန်အော်ဟစ် ဆူညံနေတာ လမ်းထဲက အသက်ကြီးသူတွေရော ဘယ်လိုမှ နားမခံနိုင်တော့လို့ “ ဟု ပြည်သူအများစုက လာရောက်ပြောကြားထားပါသည်။

15/04/2026

📻ပြည်သူ့အသံအစီအစဉ်📻
=====================

အက်ဒမင်ရေ… အစ်မက ၂၄ ရပ်ကွက်၊ ဇီးကုန်းကျေးရွာကပါ။ အခုအစ်မတို့ဘက်မှာ ရေမလာတာ ၁ပတ်ကျော်ကြာနေပါပြီ၊ အခြားလိုင်းအသစ်တွေ ပြန်ရနေပေမဲ့ အစ်မတို့လိုင်းအဟောင်းတွေ မလာသေးလို့ပါ။ လိုင်းအသစ်ပြောင်းပြီး အဟောင်းပိတ်ထားတယ်ဆိုရအောင်ကလည်း အခြား လိုင်းအဟောင်းတွေကလာနေပါတယ်။

အခုက ဘယ်ကိုဆက်သွယ်မေးမြန်းရမလဲမသိတာနဲ့ အက်ဒမင်တို့ဆီအကူအညီတောင်းကြည့်တာပါ။ ရေမလာတာရက်ကြာနေပြီဆိုတော့ ဒုက္ခအရမ်းရောက်နေပါတယ် ကူညီပြီး တင်ပြပေးပါဟု ပြည်သူတစ်ဦးက ပြောကြားထားပါတယ်။

15/04/2026

📞☎️လူပျောက်ကြော်ငြာ☎️📞

======================

ရွှေပြည်သာမြို့နယ်၊အမှတ်(၁၉)ရပ်ကွက်၊စွယ်တော်၃ လမ်း၊အိမ်အမှတ် ၁၇၁ တွင်နေထိုင်သူ အသက်၅၀ အရွယ်၊ ပုံပါဦးသက်ပြင်းဆိုသူသည် ယမန်နေ့ကတည်းက အိမ်မှထွက်သွားရာ ယခုအချိန်ထိ အဆက်အသွယ်မရသေးပါသဖြင့် တွေ့ရှိပါက ဆက်သွယ်အကြောင်းကြားပေးကြပါရန် မေတ္တာရပ်ခံအပ်ပါသည်။
မှတ်ချက်_ ကျန်းမာရေးမကောင်းမွန်သူဖြစ်ပြီး လက်မောင်းမှာ ဦးသက်ပြင်းဆိုသည့်အမည်တက်တူးထိုးထားသည်ဟုသိရပါသည်။

ဆက်သွယ်ရန်_ 09698503105

14/04/2026

😍စတုဒီသာအလှူ😍
===============

ရွှေပြည်သာမြို့နယ်-အမှတ်(၈၂၂)ယုဇနလမ်း ၁၉/၄၇ရပ်ကွက် သံဒင်း Super Win ကြက်ဥပွဲရုံ၌ ၁၅ ရက်နေ့ (သင်္ကြန်အကြတ်နေ့) မနက် ၁၁နာရီမှစ၍ မုန့်လက်ဆောင် စတုဒီသာ ကျွေးမွေးဧည့်ခံမည်ဖြစ်ပါ၍ မည်သူမဆို လာရောက်သုံးဆောင်နိုင်ပါကြောင်း အသိပေးလိုက်ရပါတယ်ခင်ဗျာ❤️။

14/04/2026

☎️📞လူပျောက်ကြော်ငြာ☎️📞
=======================

ရွှေပြည်သာမြို့နယ်အမှတ်(၃)ရပ်ကွက်၊စကားဝါလမ်းနေ အမည်ကိုကျော်ဝေယံဆိုသူသည် ၁၂ရက်နေ့ မွန်းလွဲ ၂နာရီခန့်က ထောက်ကြံ့ဘက်မှ ခရီးသည်အော်ဒါက ဖုန်းဆက်ခေါ်သဖြင့် ကယ်ရီလိုက်ရန်ထွက်သွားရာ ယနေ့အချိန်ထိအဆက်အသွယ်မရပါသဖြင့် တွေ့ရှိပါက အကြောင်းကြားပေးကြပါရန် မေတ္တာရပ်ခံအပ်ပါသည်။

13/04/2026

သင်္ကြန်အကြိုနေ့ အပြင်ထွက်မလည်ဘဲ အိမ်တွင်းအောင်းတဲ့ လူတွေရှိသေးရဲ့လား?

12/04/2026

ဒီညတော့ အတိတ်ကိုပြန်သွား လိုက်ကြရအောင် သင်္ကြန်နဲ့ ပတ်သတ်ပြီး ငယ်ဘဝအမှတ်တရလေးတွေရှိရင် ပြောပြပေးသွားကြပါအုံး အလွမ်းပြေလေးပေါ့❤️🎶

12/04/2026

ဘာလိုလိုနဲ့ သင်္ကြန်တောင်ပြန်ရောက်လာပြန်ပြီနော် မပျော်နိုင်ခဲ့တာအရမ်းကြာပြီပဲ။ ပျော်နိုင်တဲ့လူတွေကိုတကယ်အားကျမိပါတယ် တကယ်ပြောတာပါ။ တချို့လူတွေလို လွတ်လွတ်လပ်လပ်ကြီး ကခုန်ပျော်ပါးချင်လိုက်တာ၊ ခံစားချက်တွေအရမ်းကောင်းနေကြမှာပဲ။
ကျွန်တော်တော့ ပျော်တယ်ဆိုတာ ဘယ်လိုခံစားချက်လဲဆိုတာတောင်မမှတ်မိတော့ဘူး။ မသိနိုင်တော့ဘူး။ ရွှေပြည်သာက လူတွေပျော်နေကြတာမြင်တော့ စိတ်ရင်းနဲ့ ဝမ်းသာမိပါတယ် ဒီလိုနိုင်ငံရေး ဒီလိုစီးပွါးရေး နဲ့ ဒီလိုခေတ်ကြီးထဲမှာ ပျော်နိုင်တယ်ဆိုတာက တော်တော်ကို ကုသိုလ်ထူးလို့ပါ။ ကျွန်တော်တို့မပျော်နိုင်ရင်တောင် ပျော်
နေတဲ့လူတွေကိုကြည့်ပြီး အားကျမိပါတယ် သူတို့လိုချင်တဲ့ဘဝ သူတို့နေချင်တဲ့ ပုံစံကိုသူတို့ရခဲ့ပြီမလို့ သူတို့ပျော်နိုင်ကြပြီလေ ကျွန်တော်တို့မုဒိတာပွါးပေးနိုင်ပါတယ်။

အားလုံး ရွှင်လန်းချမ်းမြေ့နိုင်ကြပါစေ

08/04/2026

☎️ပြည်သူ့အသံအစီအစဉ်📞

=======================

မင်္ဂလာပါအစ်ကိုရေ ကျွန်တော်တို့ရွှေပြည်သာမြို့နယ်၊ ထ/၁၆ ရပ်ကွက် ရာအိမ်စု (၃)ဘက်မှာ အိမ်ရှေ့ရေမြောင်းပေါ် ရေချိူးခြင်း၊ အိုးခွက်ပန်းကန်ဆေးခြင်းနှင့် စားကြွင်းစားကျန်တွေပစ်ခြင်းကြောင့် ရေမြောင်းတွေပိတ်ပြီး အခြားပတ်ဝန်းကျင်နေအိမ်တွေမှာ ရေခပ်ထုတ်နေရပါတယ်၊ ရာအိမ်မှူးကိုယ်တိုင်ပြောတော့လည်း အကြောင်းမထူးဘဲ ဆက်လက်ပြီး လုပ်ဆောင်နေတာကြောင့် နွေရာသီကြီးကို အိမ်ထဲရေဝင်တဲ့အထိဖြစ်နေလို့ ပြည်သူ့အသံအစီစဉ်ကနေဖော်ပြပေးစေချင်ပါတယ်ဗျ " ဟု ၁၆ ရပ်ကွက်နေပြည်သူတစ်ဦးက သတင်းစကားပြောကြားထားပါသည်။

ဆက်လက်ပြီး…

“တ ၁၅ ပန်းခြံ ၃၁ မီးသတ်ရေကန်အနီး ရေမြောင်းမလုပ်ဘဲ လမ်းပေါ်မှာ
ကျောက်လုံးကြီးခင်းထားတာ အရင်ကဆိုရင်ကားဟိုဘက်တစ်စီးဒီဘက်တစ်စီးသွားလို့ရတဲ့လမ်းဟာ ခဲလုံးတွေခင်းထားတော့ ကားတစ်စီး ရပ်ထားရင်နောက်တစ်စီးကသွားလို့အဆင်မပြေ ခဲလုံးအကြီး‌ေတွ ခင်းထားတော့
အန္တရာယ်ဖြစ်စေပါတယ်
မိုးတွင်းရေတက်တော့ရေမြောင်းမ
ဖောက်ထားတဲ့အတွက် အဲလို့ခဲလုံးကြီးခင်းထားတော့ ရေဆင်းမယ့် အပေါက်မရှိပါ လမ်းပေါ်တက်ပြီအဲလို့ခင်းလို့ရလား လမ်းသွားအများပြည်သူများ စိတ်အနှောက်အယှက်ဖြစ်ရပါတယ်။ ခုလိုပုံပါ ပုံစံမျိုးလုပ်လို့ရပါသလားရှင့်။အကြံပြုပေးစေလိုပါတယ်ရှင့်” ဟု ၁၅ ရပ်ကွက်နေပြည်သူတစ်ဦးကလည်းမေးမြန်းထားပါသည်။

#

Shwe Pyi Thar Information

17/04/2026

17/04/2026

16/04/2026

16/04/2026

15/04/2026

15/04/2026

14/04/2026

14/04/2026

13/04/2026

12/04/2026

12/04/2026

08/04/2026

Address

Website

Alerts

Contact The Business

Shortcuts

Share

Category