04/08/2026
ကြီးပွားချမ်းသာရန်မျိုးအောင်စေတီတော်တွင်စုပေါင်းဝါဆိုသင်္ကန်းဆက်ကပ်လှူဒါန်း
============================
တွံတေး ၊ သြဂုတ် ၄ ရက်
DAILY
://t.me/skydailymedia
ရန်ကုန်တိုင်းဒေသကြီး ဒဂုံမြို့သစ်အရှေ့ပိုင်းမြို့နယ် (၁၃၈) ရပ်ကွက်ရှိ ရွှေဘုန်းပွင့်ကျောင်းတိုက်ကြီး၏ ဦးစီးပဓာနနာယကဆရာတော် ဘဒ္ဒန္တအာလောကအား အမှူးထားပြီး (၇) ရက်သားသမီးစုပေါင်းကောင်းမှူဖြင့် သြဂုတ်လ ၄ ရက် နံနက် ကိုးနာရီက ရန်ကုန်တိုင်းဒေသကြီး တွံတေးမြို့နယ် ညောင်တံခါးကျေးရွာ ကာလူးကုန်းတွင်တည်ထားကိုးကွယ်တော်မူသော် ကြီးပွားချမ်းသာရန်မျိုးအောင်စေတီတော်ဝန်းအတွင်း စုပေါင်းဝါဆိုသင်္ကန်းဆက်ကပ်လှူဒါန်းပွဲ ကျင်းပခဲ့သည်။
အဆိုပါဝါဆိုသင်္ကန်းဆက်ကပ်လှူဒါန်းပွဲတွင်အလှူဒါယကာဦးညွှန့်နွယ် (တွံတေးခရိုင်အုပ်ချုပ်ရေးမှူး) အလှူဒါယိကာမ ဒေါ်ဇာဇာယမင်းဦး (မိသားစု) နှင့်အလှူဒါယကာ ဦးဇော်ထက်ကျော် အလှူဒါယိကာမ ဒေါ်မေသူ ၊သားကြီး မောင်ဇေယျာဖြိုး ၊ သားငယ် မောင်ဟိဏ်းထက်နိုင် (မိသားစု) တို့မှ မတည်လှူဒါန်းပြီး (၇) ရက်သားသမီးစုပေါင်းကောင်းမှုဖြင့်ကျင်းပခဲ့ကြောင်းသိရသည်။
ပထမဦးစွာ အခမ်းအနားအား နမောတဿသုံးကြိမ်ရွတ်ဆို ဘုရားကန်တော့ ဖွင့်လှစ်ခဲ့ပြီး ပဏ္ဍိတရာမကျောင်းတိုက် ဆရာတော် ဘဒ္ဒန္တဦးပညောထံမှ သီလ ခံယူဆောက်တည်ခဲ့သည် ။
ထို့နောက် ဆရာတော်အရှင်သူမြတ်များမှ ပရိတ်တရားတော်များရွတ်ပွားချီးမြှင့်ပေးတော်မူခဲ့ပြီး
ဝါဆိုသင်္ကန်းနှင့်လှူဖွယ်ပစ္စည်းများဆက်ကပ်လှူဒါန်းခဲ့သည် ။
ဆက်လက်၍ ဆရာတော်မှ ဝါဆိုသင်္ကန်းလှူဒါန်းခြင်းအကျိုးထူး(၇)မျိုးအနုမောတနာတရားချီးမြှင့်ပေးကာလှူဒါန်းမှုအစုစုတို့အတွက် ရေစက်ချအမျှပေးဝေခဲ့သည်။
ထို့နောက်အခမ်းအနားအားဗုဒ္ဓသာသနံစိရံတိဋ္ဌတု သုံးကြိမ်ရွတ်ဆိုဆုတောင်းကာအောင်မြင်စွာရုတ်သိမ်းခဲ့ပြီးဆရာတော်အရှင်သူမြတ်များအားနေ့ဆွမ်းဆက်ကပ်လှူဒါန်းခဲ့သည်။
