30/03/2024
လူတိုင်းကို စိတ်ကောင်းစေတနာမှန်လေးနဲ့ ဆက်ဆံဖို့ကြိုးစားပါ။
ကိုယ့်အနားမှာ စိတ်ရင်းမှန်သူလေးတွေ အလိုလိုရောက်လာလိမ့်မယ်။
စိတ်ထားမမှန်သူတွေက တဖြည်းဖြည်းဝေးလွင့်သွားလိမ့်မယ်။
လူတိုင်းကို မျက်နှာဖုံးမပါတဲ့ ပကတိမျက်နှာနဲ့ ဆက်ဆံကြည့်ပါ။
မျက်နှာဖုံးမပါတဲ့ ပကတိမျက်နှာလေးတွေ ရှိလာလိမ့်မယ်။
မျက်နှာဖုံးတွေ အဝေးကို ကျောခိုင်းထွက်သွားကြလိမ့်မယ်။
လူတိုင်းကို ဘာမျှော်လင့်ချက်မှ မပါဘဲ အရိုးသားဆုံးဆက်ဆံကြည့်ပါ။
မျှော်လင့်ချက်ကင်းကင်းနဲ့ ဆက်ဆံတတ်တဲ့ အဖြူထည် မိတ်ဆွေကောင်းတွေ ရောက်ရှိလာပါလိမ့်မယ်။
မျှော်လင့်ချက်ထားတတ်သူတွေ တဖြည်းဖြည်း စွန့်ခွါထွက်သွားပါလိမ့်မယ်။
လူတိုင်းကို ပျော်ရွှင်ခြင်းဆိုတဲ့လက်ဆောင် ပေးနိုင်အောင်ကြိုးစားကြည့်ပါ။
ကိုယ်ကိုတိုင် ပျော်ရွှင်ခြင်းရဲ့ အရသာကို ခံစားရပါလိမ့်မယ်။
ဘဝဆိုတာ သစ္စာရှိပါတယ်..
ကိုယ်ပေးတဲ့အရာကိုပဲ ကိုယ်ပြန်ရတတ်တာပါ...
