Burma Associated Press

19/06/2025

ဒေါ်အောင်ဆန်းစုကြည်မွေးနေ့ "SUU 80th" လှုပ်ရှားမှု​ ​ရေဘဝဲအဖွဲ့ ပြုလုပ်

ရန်ကုန်၊ ဇွန် ၁၉။

ဒေါ်အောင်ဆန်းစုကြည်၏ (၈၀) နှစ်ပြည့် မွေးနေ့အထိမ်းအမှတ်အတွက် ရေဘဝဲ (ပြည်သူ့အကျိုးပြု လူငယ်အဖွဲ့အစည်း)က ရန်ကုန်မြို့လယ်တွင် "SUU 80th" စာသားအားကိုင်ဆောင်၍ စစ်အာဏာရှင်ဆန့်ကျင်ရေးလှုပ်ရှားမှုပြုလုပ်ခဲ့သည်ဟု ယင်းအဖွဲ့ထံမှ သိရသည်။

လူထုခေါင်းဆောင် ဒေါ်အောင်ဆန်းစုကြည်နှင့်တကွ နိုင်ငံရေးအကျဥ်းသားများအားလုံး အမြန်ဆုံးလွတ်မြောက်ပါစေကြောင်း ​ရေဘဝဲက လူထုနှင့်အတူ မွေးနေ့ဆုမွန်ကောင်းတောင်းသာ်ဟုလည်း ​ဖော်ပြထားသည်။

ရုပ်သံ- ရေဘဝဲ (ပြည်သူ့အကျိုးပြု လူငယ်အဖွဲ့အစည်း)

Burma Associated Press

19/06/2025

ဒေါ်အောင်ဆန်းစုကြည်အတွက် နိုင်ငံတကာမှ မွေးနေ့ဆုတောင်းပေး

BAP၊ ဇွန် ၁၉။

ဒီနေ့ ကျရောက်တဲ့ ဒေါ်အောင်ဆန်းစုကြည် အသက် ၈၀ ပြည့်မွေးနေ့အတွက် ဥရောပသမဂ္ဂ၊ အမေရိကန်၊ ဂျာမနီ၊ ဗြိတိန် သံရုံးတွေကတဆင့် မွေးနေ့ဆုတောင်းတာတွေ ပြုလုပ်ခဲ့ကြပါတယ်။

“၂၀၂၁ ဖေဖော်ဝါရီတွင် ထိန်းသိမ်းခံရပြီး အကျဉ်းကျလျက်ရှိစဉ် ဆင်နွှဲရသည့် ငါးကြိမ်မြောက် မွေးနေ့လည်းဖြစ်ကာ သူ၏ ဘဝနှင့် လုပ်ဆောင်ချက်များသည် မြန်မာပြည်သူများအတွက် ငြိမ်းချမ်း ရေးနှင့် ဒီမိုကရေစီလိုလားတောင့်တမှုများကို ထင်ဟပ်လျက်ရှိသည်” ဟု အမေရိကန်သံရုံးက ထုတ်ပြန် ပါတယ်။

ဒေါ်အောင်ဆန်းစုကြည်နဲ့အတူ မတရားဖမ်းဆီးထိန်းသိမ်းထားသူတွေကို လွှတ်ပေးဖို့၊ အရပ်သား ပြည်သူများအပေါ် အကြမ်းဖက်မှုတွေကို ရပ်တန့်ဖို့နဲ့ အကြပ်အတည်းကို အဆုံးသတ်ရန် သက်ဆိုင် သူအားလုံးနဲ့ အပြန်အလှန်ထိတွေ့ဆက်ဆံဖို့ စစ်အာဏာရှင်အဖွဲ့အစည်းကိုတောင်းဆိုတယ်လို့လည်း အမေရိကန်နဲ့ ဗြိတိန်တို့က ပြောထားပါတယ်။

ဗြိတိသျှသံရုံးကလည်း ဖမ်းဆီးချုပ်နှောင်ခံထားရဆဲဖြစ်တဲ့ ဒေါ်အောင်ဆန်းစုကြည်ရဲ့ အသက် (၈၀) နှစ်ပြည့် မွေးနေ့အထိမ်းအမှတ်အဖြစ် သံရုံးရဲ့ လူမှုကွန်ရက် profile picture ကို ပြောင်းလဲခဲ့ပါတယ်။


Burma Associated Press

19/06/2025

ဒေါ်အောင်ဆန်းစုကြည်မွေးနေ့လှုပ်ရှားမှု မန္တလေးမြို့လယ်မှာပြုလုပ်

BAP၊ ဇွန် ၁၉။

လုံခြုံရေးတွေ တင်းကျပ်နေတဲ့ကြားကပဲ ဒီနေ့ ကျရောက်တဲ့ ဒေါ်အောင်ဆန်းစုကြည်ရဲ့ အသက် ၈၀ ပြည့်မွေးနေ့လှုပ်ရှားမှုကို မန္တလေးမြို့လယ် တနေရာမှာ ပြုလုပ်ခဲ့ကြပါတယ်။

“လူထုခေါင်းဆောင် ဒေါ်အောင်ဆန်းစုကြည်ဟာ သူ့ယုံကြည်ချက်အတွက်၊ စစ်အာဏာရှင်လက်က တိုင်းပြည်လွတ်မြောက်ရေးအတွက် ဒီအသက်အရွယ်ထိ ဆက်လက် ကြိုးပမ်းထမ်းရွက်နေဆဲပါ။ အကျဉ်းထောင်တွေထဲက ခေါင်း ဆောင်တွေ၊ ရဲဘော်တွေကတောင် မဆုတ်မနစ်တိုက်ပွဲဝင်နေကြချိန်မှာ အကျယ်ထောင်က ပြည်သူလူထုအနေနဲ့ကလည်း တော်လှန်ရေးမှတပါး အခြားမရှိပါဘူး” လို့ တက်ကြွ လှုပ်ရှားသူ ဒေါက်တာတေဇာဆန်းက သူ့ရဲ့လှုမှုကွန်ရက်မှာ ပြောထားပါတယ်။

တနိုင်ငံလုံး လွတ်မြောက်ဖို့ သူအပါအဝင် ပြည်သူအားလုံးမှာ တာဝန်ရှိကြပြီး ပြည်သူအားလုံး ကျရာကဏ္ဍ၊ နိုင်ရာ တာဝန် တိုက်ပွဲမျက်နှာစာအသီးသီးကနေ တော်လှန်ရေးမှာ အစွမ်းကုန် ဆက်လက် ပါဝင်ကြဖို့ လည်း သူကနိုးဆော်ထားပါတယ်။

ရုပ်သံ- ဒေါက်တာတေဇာဆန်း လူမှုကွန်ရက်

Burma Associated Press

19/06/2025

တအာင်းအမျိုးသားလွတ်မြောက်ရေးတပ်မတော် PSLF/TNLA ရဲ့ အထွေထွေအတွင်းရေးမှူး ဗိုလ်ချုပ် တားဘုန်းကျော်က ဒေါ်အောင်ဆန်းစုကြည် အသက် ၈၀ ပြည့်မွေးနေ့ဆုတောင်း

ရုပ်သံ- တားဘုန်းကျော် လူမှုကွန်ရက်

Burma Associated Press

19/06/2025

ဒေါ်အောင်ဆန်းစုကြည် အသက် ၈၀ ပြည့်ခဲ့ပြီ

BAP၊ ဇွန် ၁၉။

ဒီနေ့ ဇွန်လ ၁၉ ရက်ဆိုရင် နိုဗယ်လ်ငြိမ်းချမ်းရေးဆုရှင် ဒေါ်အောင်ဆန်းစုကြည်ဟာ အသက် ၈၀ ပြည့်ခဲ့ပြီ ဖြစ်ပါတယ်။

သူ့ရဲ့သက်တမ်းတဝက် အသက် ၄၀ ကျော်အရွယ်ထဲက မြန်မာ့နိုင်ငံရေးမိုးသက်မုန်တိုင်းထဲမှာပါဝင်ခဲ့ပြီး အဲဒီကာလရဲ့ သုံးပုံနှစ်ပုံကျော် ( ၁၅ နှစ် ) လောက်ကိုလည်း နေအိမ်အကျယ်ချုပ်နဲ့ ဖြတ်သန်းခဲ့ရတာပါ။

လက်ရှိမှာလည်း အာဏာသိမ်းခေါင်းဆောင် မင်းအောင်လှိုင်နဲ့ စစ်အုပ်စုဟာ ဒေါ်အောင်ဆန်းစုကြည်ကို အမှုပေါင်း ၁၉ မှုနဲ့ စွဲချက်တင်ခဲ့ပြီး စုစုပေါင်း ထောင်ဒဏ် နှစ် ၃၀ ကျော် ချထားပါတယ်။

ဒီနေ့ ကျရောက်တဲ့ သူ့ရဲ့ အသက် ၈၀ ပြည့်မွေးနေ့မှာ မြန်မာနဲ့ ကမ္ဘာတဝှမ်းကနေ ဆုတောင်းပေးနေ ကြတာရှိပါတယ်။ အကျဉ်းစံနေတဲ့ ဒေါ်အောင်ဆန်းစုကြည်အတွက် ကမ္ဘာတဝှမ်း မွေးနေ့ဆုတောင်း ပေးမှုကလည်း ၈၀,၀၀၀ ကျော် သွားခဲ့ပါပြီ။

Burma Associated Press

13/06/2025

အစ္စရေးတိုက်ခိုက်မှုကြောင့် အီရန် နျူကလီးယားသိပ္ပံပညာရှင် ခြောက်ဦး သေဆုံး၊

- အီရန်၏ လက်တုန့်ပြန် ဒရုန်းများကို အစ္စရေး ကြားဖြတ်တိုက်ခိုက်နေ

• BAP၊ ဘာသာပြန်။

• အီရန်နျူကလီးယား သိပ္ပံပညာရှင်များသေဆုံး

အစ္စရေးတိုက်ခိုက်မှုကြောင့် အီရန် အဏုမြူစွမ်းအင်အဖွဲ့ အကြီးအကဲဟောင်း Fereydoun Abbasi၊ Islamic Azad တက္ကသိုလ် အကြီးအကဲ ရူပဗေဒပညာရှင် Mohammad Mehdi Tehranchi တို့ အပါအဝင် နျူကလီးယား သိပ္ပံပညာရှင်ခြောက်ဦး သေဆုံးကြောင်း အီရန်နိုင်ငံ အစိုးရနှင့် ဆက်နွယ်ချိတ်ဆက်ထားသည့် Tasnim သတင်းအေဂျင်စီက တင်ပြသည်။

•အီရန်က ဒရုန်း ၁၀၀ ကျော်ဖြင့် ကနဦး လက်တုန့်ပြန်တိုက်ခိုက်

“IDF(အစ္စရေး ကာကွယ်ရေးတပ်ဖွဲ့) က အီရန်ကနေ ပစ်လွှတ်လိုက်တဲ့ လူမဲ့ပျံသန်းရေးယာဉ်များကို အစ္စရေးနယ်မြေ ပြင်ပမှာ ကြားဖြတ်တိုက်ခိုက်နေပါတယ်။” ဟု IDF အရာရှိတစ်ဦးက CNN ကို ပြောသည်။

အစ္စရေး၏ မကြုံစဖူးတိုက်ခိုက်မှုကို ပထမဦးဆုံး လက်တုန့်ပြန်သည့်အနေဖြင့် အီရန်က ဒရုန်း ၁၀၀ ကျော် အစ္စရေး နယ်မြေသို့ ပို့လွှတ်ခဲ့ကြောင်း IDF ပြောခွင့်ရ Effie Defrin က အစောပိုင်းတွင် ပြောခဲ့သည်။

•ဖျက်ဆီးရန် ခက်ခဲသည့် အီရန် နျူကလီးယား အဆောက်အအုံများ

အီရန်နိုင်ငံက ၎င်း၏ နျူကလီးယားအဆောက်အအုံများကို ခိုင်မာအားကောင်းမှုရှိစေရန် နှစ်ပေါင်းများစွာ တည်ဆောက်ခဲ့သည့်အတွက် ကျယ်ပြန့်စွာ ဖျက်ဆီးရန် ခက်ခဲသည်ဟုဟု စစ်ရေးကျွမ်းကျင်သူများက CNN ကို ပြောသည်။

“အီရန်တွေ အသုံးပြုထားတဲ့ ကွန်ကရစ်တွေက အထူးပြုလုပ်ထားတာ ဖြစ်ပါတယ်။ ကွန်ကရစ် အမာစားတွေဖြစ်ပါတယ်။” CNN စစ်ရေးလေ့လာအကဲဖြတ်သူ Cedric Leighton က ဆိုသည်။ အစ္စရေး၏ ဗုံးများက ၎င်းကွန်ကရစ်အမျိုးအစားကို ဖောက်ထွင်းနိုင်မှု ရှိ၊ မရှိ ရှင်းလင်းစွာ မသိရဟု ၎င်းက ပြောသည်။

“အစ္စရေးတွေ တစ်လှိုင်းပြီး တစ်လှိုင်း တိုက်ခိုက်ရလိမ့်မယ်။” ဟု ရှင်းပြသည်။

အချို့ အဆောက်အအုံများမှာ အစ္စရေးလက်နက်များ လက်လှမ်းမမီစေရေး မြေအောက်တွင် မြှုပ်နှံထားခြင်း ဖြစ်သည်။

အီရန်၏ Fordow နျူကလီးယားအဆောက်အအုံသည် မြေအောက် မိုင်ဝက်အကွာအထိ မြှုပ်နှံတည်ဆောက်ထားသည်ဟု ဝါရှင်တန် ဒီစီမှ Quincy Institute ၏ ဒုတိယ အမှုဆောင် အကြီးအကဲ Trita Parsi က ပြောသည်။

“အစ္စရေးက ဒီလောက်ထိ စွမ်းဆောင်နိုင်မယ်ဆိုတဲ့ အထောက်အထားတွေ ဒီတိုက်ခိုက်မှုအတွင်း မြင်ရမယ်လို့ မထင်ဘူး။” ဟု ၎င်းက ပြောသည်။

•အစ္စရေး၏ တိုက်ခိုက်မှု

အစ္စရေးက ဂျက်တိုက်လေယာဉ် ၂၀၀ ဖြင့် "ခဲယမ်း ပေါင်းစုံ” ၃၀၀ ကျော် ပစ်ချကာ အီရန်နိုင်ငံတစ်ဝှမ်း ပစ်မှတ် ၁၀၀ ကျော်ကို တိုက်ခိုက်ခဲ့သည်ဟု IDF ထံမှ သိရသည်။ တိုက်ခိုက်မှု ဆက်လက်ဖြစ်ပွားနေသည်ဟု IDF က ဆိုကာ CNN ကို စစ်ရေးသတင်းရစ်မြစ်တစ်ခုက "ဒါ တစ်ရက်တာ တိုက်ခိုက်မှု မဟုတ်ပါဘူး” ဟု ပြောသည်။

•အစ္စရေးတို့၏ ပစ်မှတ်

တိုက်ခိုက်မှုက အီရန် ထိပ်တန်း စစ်ခေါင်းဆောင်များ၊ အကြီးတန်း နျူကလီးယား သိပ္ပံပညာရှင်များကို ပစ်မှတ်ထားခြင်းဖြစ်သည်ဟု အစ္စရေး လုံခြုံရေးသတင်းရင်းမြစ်က ပြောသည်။ အီရန်၏ အကြီးဆုံး ယူရေနီယံ သန့်စင်ရေးစက်ရုံဖြစ်သော Natanz နျူကလီးယားစက်ရုံကို ထိမှန်မှုရှိသော်လည်း ဓာတ်သတ္တိကြွမှု စစ်ဆေးတွေ့ရှိခြင်း မရှိသေးကြောင်း ကုလသမဂ္ဂ နျူကလီးယားစောင့်ကြည့်ရေးအဖွဲ့က ဆိုသည်။

•အီရန်တပ်မှူးများ သေဆုံး

အစ္စရေးတိုက်ခိုက်မှုကြောင့် အီရန် ဗိုလ်ချုပ်ကြီး Hossein Salami၊အစ္စလာမ့်တော်လှန်ရေးအစောင့်တပ်ဖွဲ့၏ အာဏာပြင်းသော တပ်မှူး Major General Mohammad Bagheri၊ အီရန်၏ အမြင့်ဆုံး စစ်တပ်အရာရှိနှင့် အမျိုးသားလုံခြုံရေးအကြီးအကဲဟောင်း Ali Shamkhani တို့ အပါအဝင် အီရန် တပ်မှူးများ သေဆုံးခဲ့သည်။

•အီရန်၏ လက်တုန့်ပြန်မှု

အီရန်က ဒရုန်း ၁၀၀ ကျော်ကို အစ္စရေးနယ်မြေအတွင်း ပစ်လွှတ်ခြင်းဖြင့် တုန့်ပြန်ခဲ့သည်ဟု IDF က ဆိုသည်။

အီရန်ကို တိုက်ခိုက်ရာတွင် အမေရိကန်လုပ် လေယာဉ်များ အသုံးပြု

အစ္စရေးစစ်တပ်က ထုတ်ပြန်သော ပုံရိပ်များတွင် အီရန်ကို တိုက်ခိုက်ရာ၌ အမေရိကန်လုပ် F-35၊ F-15 နှင့် F-16 လေယာဉ်များပါဝင်သည်ကို တွေ့ရသည်။

အမေရိကန်နိုင်ငံသည် ကာလကြာမြင့်စွာကပင် အစ္စရေးနိုင်ငံအတွက် အဓိက လက်နက်တင်သွင်းသူဖြစ်သည်။
-

ကိုးကား - CNN၊ The Guardian

ပုံစာ - အစ္စရေးတိုက်ခိုက်မှုအပြီး ပျက်ဆီးနေသည့် အဆောက်အအုံများတွင် ကယ်ဆယ်ရေးလုပ်သားများ လုပ်ငန်းလုပ်ကိုင်နေစဉ်။ Majid Asgaripour/Reuters

Burma Associated Press

13/06/2025

အစ္စရေးနိုင်ငံက အီရန်နိုင်ငံကို တိုက်ခိုက်

BAP၊ ဘာသာပြန်။

အစ္စရေးလေတပ်က ၁၃ ရက် ဂျွန်လ ၂၀၂၅ ခုနှစ် သောကြာနေ့တွင် အီရန်နိုင်ငံကို တိုက်ခိုက်ခဲ့ကြောင်း မီဒီယာအများအပြားက တင်ပြထားသည်။

တီဟီရန်မြို့ အရှေ့မြောက်ဘက်တွင် ပေါက်ကွဲသံများ ကြားရကြောင်းနှင့် မြို့တော်တွင် ပေါက်ကွဲမှုဖြစ်ပေါ်နေသော ဗီဒီယိုများကို အွန်လိုင်းတွင် ဖြန့်ဝေ၍ အီရန်နိုင်ငံပိုင် Nour News က ကြေငြာသည်။

အမေရိကန်အစိုးရက တိုက်ရိုက်ထောက်ခံမှု မပေးသော်လည်း အစ္စရေးနိုင်ငံသည် အီရန် နျူကလီးယားအဆောက်အအုံများကို ကြိုတင်လက်ဦးမှု ရယူတိုက်ခိုက်ရန် အပြည့်အဝ အဆင်သင့်ဖြစ်နေပြီဟု ကြာသပတေးနေ့အစောပိုင်းတွင် အမေရိကန်နှင့် ဥပေရာပ အရာရှိများက ပြောခဲ့သည်။

အစ္စရေး၏ တိုက်ခိုက်မှုကြောင့် ထိခိုက်သေဆုံးမှုအချို့ ရှိသည်ဟု တီဟီရန် အီရန်မီဒီယာများက တင်ပြနေကြသည်။

စစ်ဆင်ရေးမှာ "လိုအပ်သလောက် ဆက်လက်ကြာရှည်နိုင်သည်"အစ္စရေးဝန်ကြီးချုပ် နေတန်ရာဟုက နိုင်ငံကို ပြောသည့်မိန့်ခွန်းတွင် ထည့်သွင်း ပြောခဲ့သည်။

အမေရိကန် နိုင်ငံခြားရေးဝန်ကြီး Rubio က အစ္စရေး၏ တိုက်ခိုက်မှုသည် တစ်နိုင်ငံတည်းသဘောဖြစ်ကြောင်း၊ အမေရိကန်နိုင်ငံ မပါဝင်ကြောင်း ထုတ်ပြန်ခဲ့သည်။

အစ္စရေးက နျူကလီးယားအဆောက်အအုံများကို တိုက်ခိုက်လျှင် အမေရိကန်တပ်ဖွဲ့များကို အီရန်က တိုက်ခိုက်မည်ဟု ခြိမ်းခြောက်ထားသည်။

အီရန်သည် နှစ်ပေါင်း ၂၀ အတွင်း ပထမဆုံးအကြိမ် နျူးကလီးယားဆိုင်ရာ လိုက်နာဖွယ်ရာများကို ကျင့်သုံးရန် ပျက်ကွက်ကြောင်း ကုလသမဂ္ဂ အပြည်ပြည်ဆိုင်ရာအနုမြူစွမ်းအင်အေဂျင်စီက ကြေငြာထားသည်။

အစ္စရေး လေတပ်က အီရန်နိုင်ငံ တစ်ဝှမ်း ဒါဇင်နှင့်ချီသော စစ်ရေးနှင့် နျူကလီးယားအဆောက်အအုံများကို တိုက်ခိုက်နေသည်ဟုအစ္စရေး စစ်ဘက်ဆိုင်ရာအရာရှိက Reuters ကို ပြောသည်။

ကိုးကား - The Guardian

ပုံစာ - အစ္စရေး၏ တိုက်ခိုက်မှုကြောင့် အီရန်မြို့တော် တီဟီရန်တွင် ပေါက်ကွဲမှုတစ်ခုမှ တွေ့မြင်ရသည့် မီးခိုးများ။ Photograph: Vahid Salemi/AP

Burma Associated Press

12/06/2025

ကျန်းမာရေးစောင့်ရှောင့်မှုမရလို့ သာယာဝတီထောင်မှာ နိုင်ကျဉ်းတဦးသေဆုံး

BAP၊ ဇွန် ၁၂။

ဆေးဝါးစောင့်ရှောက်မှု လုံလောက်စွာမရရှိခဲ့လို့ သာယာဝတီအကျဉ်းထောင်က နိုင်ငံရေးအကျဉ်းသား တဦးသေဆုံးခဲ့တယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် PPNM က ထုတ်ပြန် ပါတယ်။

သေဆုံးခဲ့သူဟာ ၂၀၂၁ ခုနှစ် နိုဝင်ဘာလက ရန်ကုန်တိုင်း၊ လှည်းကူးမြို့မရဲစခန်းမှာ ပုဒ်မ ၅၀(ဈ)နဲ့ ဖမ်းဆီးခံခဲ့ရပြီး ထောင်ဒဏ် ၁၀ နှစ် ချမှတ်ခံရတဲ့ ဦးကျော်စိုး(ခ)ဦးဇော်နှစ် ဖြစ်တယ်လို့ PPNM က အသိပေးထားပါတယ်။

အကျဉ်းထောင်တွင်း ဆေးဝါးစောင့်ရှောက်မှု လုံလောက်စွာမရရှိခဲ့တဲ့နောက် နှလုံးရောဂါ၊ သွေးတိုး ရောဂါ ဝေဒနာတို့ကြောင့် မေလ ၂၃ ရက်က သေဆုံးခဲ့ရတယ်လို့ဆိုပါတယ်။


မြန်မာနိုင်ငံရှိ အကျဥ်းထောင်များတွင်း ဆေးဝါးစောင့်ရှောက်မှုလုံလောက်စွာ မပေးခြင်းကြောင့် နိုင်ကျဉ်းအပါအဝင် အကျဉ်းကျခံနေရသူတွေဟာ ရောဂါဖြစ်ပွားခြင်း၊ ဆေးကုသခွင့် ဆုံးရှုံးပြီး ရောဂါအခံ ပိုမိုဆိုးရွားလာခြင်း၊ သေဆုံးသင့်တဲ့ အခြေနေမဟုတ်ဘဲ အသက်ပေးရတဲ့အထိ ဖြစ်နေ တယ်လို့ PPNMကထုတ်ပြန်ထားပါတယ်။

အကျဉ်းထောင်အတွင်း ဆေးဝါးစောင့်ရှောက်မှု မလုံလောက်တာကြောင့် ယခုနှစ် ဇွန်လ ၁ ရက် အထိ ထောင်တွင်း သေဆုံးခဲ့ရသူ ၁၀ ဦး ရှိခဲ့ပြီ ဖြစ်တယ်လို့ ဆိုပါတယ်။

ဓာတ်ပုံ- PPNM

Burma Associated Press

10/06/2025

PLA က စစ်ကိုင်းတွင် ပစ်ချခဲ့သည် ဂျက်ဖိုက်တာ အပျက်အစီး မှတ်တမ်းဓာတ်ပုံများ

BAP၊ ဇွန် ၁၀။

စစ်ကိုင်းတိုင်း၊ ပုလဲမြို့နယ်၊ ကန့်ဒေါင့်စခန်းသိမ်း တိုက်ပွဲအတွင်း ယနေ့ ဇွန်လ ၁၀ ရက် နေ့လယ် ၁၂:၁၅ မိနစ်အချိန်တွင် ပြည်သူ့လွတ်မြောက်ရေးတပ်မတော် - PLA က ပစ်ချနိုင်ခဲ့သည့် စစ်ကောင်စီ ဂျက်ဖိုက်တာ၏ အပျက်အစီး ဓာတ်ပုံများ ဖြစ်သည်။

အဆိုပါ ဂျက်ဖိုက်တာသည် ကန့်ဒေါင့်စခန်းသိမ်းတိုက်ပွဲသို့ လေကြောင်းပစ်ကူလာပေးစဉ် ပြည်သူ့လွတ်မြောက်ရေးတပ်မတော် - PLA က ပစ်ချလိုက်ခြင်းဖြစ်သည်ဟု PLA က ဆိုသည်။

လေယာဉ်အမျိုးအစားနှင့် လေယာဉ်မှူးများ ‌သေဆုံးမှု ရှိမရှိကို ဆက်လက်စိစစ်နေဆဲ ဖြစ်သည်ဟုလည်းဖော်ပြထားသည်။

ဓာတ်ပုံ-PLA

10/06/2025

ပုလဲမြို့နယ်မှာ ဂျက်ဖိုက်တာ တစင်း ပစ်ချခံရ

BAP၊ ဇွန် ၁၀။

စစ်ကိုင်းတိုင်း၊ ပုလဲမြို့နယ်၊ ကန်ဒေါင့် ရဲစခန်းသိမ်းတိုက်ပွဲအတွင်း ဗုံးလာကျဲသည့် စစ်ကောင်စီ၏ ဂျက်ဖိုက်တာ ၁ စီးကို ယနေ့ ဇွန်လ ၁၀ ရက် နေ့လယ်ပိုင်းတွင် ပစ်ချ နိုင်ခဲ့ကြောင်း ပြည်သူ့လွတ်မြောက်ရေးတပ်မတော် - People's Liberation Army – PLA က ကနဦး သတင်းထုတ်ပြန်ထားသည်။

ရုပ်သံ- လူမှုကွန်ရက်

10/06/2025

“အရင်ကတော့ မက်သမ်ဖက်တမင်းဆေးပြား တစ်သိန်း ဖမ်းမိတယ်ဆိုတာ တော်တော်များတဲ့ ဖမ်းဆီးမှုပဲ။ အခုတော့ ဆေးပြား တစ်သန်းကျော် ဖမ်းမိတာက သာမန်ပဲ။ အများကြီး ပိုမို ဆိုးရွားလာနေတယ်။” ဟု ၎င်းက ဆိုသည်။



နယ်စပ်တွင် အပိုင်းလိုက် စစ်တပ် တပ်ဖွဲ့များ ပုံမှန် ကင်းလှည့်ခြင်း၊ တင်သွင်းမှုလမ်းကြောင်းများကို ချောင်းမြောင်းဖမ်းဆီးရန်သတင်းပေးများနှင့် လုပ်ဆောင်ခြင်း၊ ရဲများ ပူးပေါင်းဆောင်ရွက်ခြင်းတို့ကို လုပ်ဆောင်နေသော်လည်း တစ်ဖက်ကို ဖိလျှင် အခြားတစ်ဖက်က ထွက်ပြီး အခက်အခဲကြုံနေသည်။ ထွက်ရလွယ်သည့် နယ်ပစ်ပေါက်များမှာ ရှည်လျားပြီး မှောင်ခိုကူးသန်းသူများကလည်း ပါးနပ်ကြသည်။ အာဏာပိုင်များ မည်မျှ သိမ်းဆည်းရမိသည်ဖြစ်စေ မူးယစ်ဆေးဝါးများ ဝင်လာနေဆဲဖြစ်သည်။

၂၀၂၄ ခုနှစ်တွင် ထိုင်းနိုင်ငံက စံချိန်တင် မက်သမ်ဖက်တမင်း တန် ၁၃၀ သိမ်းဆည်းရမိခဲ့သည်

09/06/2025

ရွှေတြိဂံဒေသ ဘိန်းမြို့တော်မှ မက်သ် ထုတ်လုပ်ရာဒေသဖြစ်လာ

BAP၊ ဘာသာပြန်။
ရွှေတြိဂံဒေသသည် ကမ္ဘာ့ လှုပ်ရှားသက်ဝင်မှု အများဆုံး ဓာတုမူးယစ်ဆေးဝါး ထုတ်လုပ်ရေးဇုန် ဖြစ်လာပြီး အာဏာပိုင်များကလည်း မှောင်ခိုကုန်ကူးသူများကို ကြားဖြတ်ဖမ်းဆီးရာတွင် ခက်ခက်ခဲခဲ ရုန်းကန်နေရသည်။

တောင်ထူထပ်သည့် ရွှေတြိဂံဒေသ၏ ဗဟိုချက်ရှိ ထင်းရှူးတောများအတွင်းတွင် ထိုင်းစစ်သားများက အသင့်နေရာယူထားလေ့ရှိသည်။ မြန်မာ နယ်စပ်မှ တရားမဝင် ဓာတုမူးယစ်ဆေးများ ဝင်ရောက်မှု မြင့်တက်လာသည်ကို ပိတ်ဆို့ရန် ခက်ခက်ခဲခဲ ကြိုးပမ်းနေခြင်းဖြစ်သည်။

"သတင်းရပြီဆိုတာနဲ့ ကျွန်တော်တို့က ခြုံခိုတိုက်ခိုက်ရမယ့်နေရာကို ကင်းထောက်ရတယ်။ တခါတလေ မှောင်ခိုသမားတွေ လာတာကို စောင့်ရတာ နာရီပေါင်း များစွာ ကြာတယ်။ သူတို့လာပြီဆိုတဲ့အခါမှာတော့ အဖြစ်အပျက်တွေက အရမ်းမြန်တယ်။” Lt Ketsopon Nopsiri က ပြောသည်။

၂၀၂၄ ခုနှစ်တွင် ထိုင်းနိုင်ငံက စံချိန်တင် မက်သမ်ဖက်တမင်း တန် ၁၃၀ သိမ်းဆည်းရမိခဲ့သည်ဟု ကုလသမဂ္ဂ မူးယစ်ဆေးဝါးနှင့် ပြစ်မှုဆိုင်ရာရုံး (UNODC) ၏ ပြီးခဲ့သည့်အပတ် အစီရင်ခံစာ တစ်စောင်တွင် ဖော်ပြထားသည်။ အာရှ အရှေ့နှင့် အရှေ့တောင်အာရှတစ်ခုလုံးမှ သိမ်းဆည်းရမိသည့် ၂၃၆ တန်၏ တစ်ဝက်ခန့် ရှိသည့် စံချိန်တင် ပမာဏဖြစ်ပြီး ၂၀၂၃ ခုနှစ်ထက် ၂၄ ရာခိုင်နှုန်း မြင့်မားသည်။

“တရားဥပဒေစိုးမိုးရေးအဖွဲ့တွေရဲ့ အောင်မြင်တဲ့ အားထုတ်မှုတွေ ဒီလို ဖမ်းဆီးရမိမှုတွေက ထင်ဟပ် ပြသနေတဲ့အချိန်မှာပဲ ရွှေတြိဂံဒေသမှာ မက်သမ်ဖက်တမင်း ထုတ်လုပ်၊ ကုန်သွယ်မှု အဆင့် မမျှော်မှန်းနိုင်လောက်တဲ့အဆင့်ထိ ရှိနေတာကိုလည်း ကျွန်တော်တို့ ရှင်းရှင်းလင်းလင်း မြင်တွေ့ရပါတယ်။” UNODC ၏ အရှေ့တောင်အာရှနှင့် ပစိဖိတ်ဒေသဆိုင်ရာ ယာယီ ကိုယ်စားလှယ် Benedikt Hofmann က ပြောသည်။

“ကမ္ဘာ့ လှုပ်ရှားတက်ကြွမှု အရှိဆုံး ဓာတုမူးယစ်ဆေးဝါး ထုတ်လုပ်ရေးဇုန်ကို တွေ့မြင်နေရတာပါ။” ဟုလည်း ၎င်းက ဖြည့်စွက်သည်။

၎င်းမူးယစ်ဆေးဝါး အများစုမှာ မြန်မာနိုင်ငံ ရှမ်းပြည်နယ်မှ လာခြင်းဖြစ်သည်။ အိန္ဒိယနှင့် တရုတ်နိုင်ငံမှ ကုန်ကြမ်းများကို ၎င်းဒေသရှိ တောတွင်း ဓာတ်ခွဲခန်းများမှ "အတောမသတ်သည့်” ဓာတုမူးယစ်ဆေးဝါး စီးဆင်းမှုများအဖြစ် ပြောင်းလဲပေးနေသည်။

၂၀၂၁ ခုနှစ် စစ်အာဏာ မသိမ်းမီကပင် ထုတ်လုပ်မှုများ ရှိနေသော်လည်း မြန်မာနိုင်ငံ ကြမ်းတမ်းရက်စက်သည့် ပြည်တွင်းစစ်အတွင်း သက်ဆင်းသွားသည့်အခါတွင် ၎င်းအလုပ်ရုံများ ပိုမိုလျင်မြန်စွာ လည်ပတ်လာကြသည်။

အပြင်းအထန် ပိတ်ဆို့ဒဏ်ခတ် ခံထားရသော စစ်အာဏာရှင်တို့က တရားမဝင် လှုပ်ဆောင်မှုများမှ ကောက်ခံရငွေပေါ်တွင် ပိုမို မှီခို နေရပြီး လက်နက်ကိုင်အဖွဲ့များက ၎င်းတို့ကို ဆန့်ကျင်တိုက်ခိုက်နေသည့် အချိန်တွင်ပင် ရာဇဝတ်ဂိုဏ်းများက ၎င်းတို့ လွှမ်းမိုးချုပ်ကိုင်နိုင်ရေး အခြေခိုင်စေရန် တိုးမြင့်လာသည့် ဥပဒေမဲ့မှုကို အမြတ်ထုတ် အသုံးချနေသည်။

Global Organized Crime Index ၏ အဆိုအရ မြန်မာနိုင်ငံသည် လူကုန်ကူးခြင်း၊ အလိမ်အညာ လုပ်ငန်းများ၊ သဘာဝတောရိုင်း မှောင်ခိုကုန်သွယ်မှု၊ တရားမဝင် မြေရှားသတ္တုတူးဖော်မှုများ အပါအဝင် အစီအစဉ်တကျ၊ နိုင်ငံဖြတ်ကျော် ရာဇဝတ်မှုများအတွက် ကမ္ဘာ့ ထိပ်တန်း ဦးတည်ရာဖြစ်သည်ဟု ဆိုသည်။ ၎င်းတို့တွင် မူးယစ်ဆေးဝါးလည်း ပါဝင်သည်။

ဘိန်းကုန်သွယ်မှုကြောင့် ရွှေတြိဂံဒေသသည် နာမည်ဆိုးဖြင့် ကျော်ကြားစေခဲ့သည်။ ယခုအခါတွင်မူ ဓာတုမူးယစ်ဆေးဝါးများကို "စက်မှုလုပ်ငန်းအဆင့် ထုတ်လုပ်မှု” ဖြင့် တကျော့ပြန် လာခြင်းဖြစ်သည်ဟု UNODC က ဆိုသည်။
မက်သမ်ဖက်တမင်း၊ crystal meth(ice)၊ ယာဘဓာတ်ခွဲခန်းများက ကီတမင်းကိုလည်း ထုတ်လုပ်ကြသည်။ ထို့အပြင် ဓာတုမူးယစ်ဆေးဝါးမျိုးစုံကို ပေါင်းစပ်ပြီး "happy water” ၊ "party lollipops" နှင့် "k-powdered milk” တို့ကိုလည်း ထုတ်လုပ်ကြသည်။

၎င်းတို့ကို အာရှနှင့် ပစိဖိတ်ကို ဖြတ်ကျော်သယ်ဆောင်ကာ ဂျပန်၊ ဩစတြေးလျနှင့် နယူးဇီလန်ကဲ့သို့ ဝေးလံသည့် နိုင်ငံများသို့ တင်ပို့ကြသည်။ ၎င်းကဲ့သို့ တင်ပို့ရာတွင် "လျင်မြန်ပြီး အရင်းအမြစ်ကြွယ်ဝသည့်" ရာဇဝတ်ဂိုဏ်းများ၏ မှောင်ခိုကုန်သွယ်မှု ကွန်ရက်များမှ တင်ပို့ခြင်းဖြစ်သည်ဟု ကျွမ်းကျင်သူများက ဆိုသည်။

၎င်းတို့၏ ပထမဦးဆုံး ဦးတည်ရာမှာ ထိုင်းနိုင်ငံနှင့် အလွယ်တကူဖြတ်သန်းဝင်ရောက်နိုင်သည့် မယ်ဆိုင်မြို့ နယ်စပ်နှစ်ဘက်ဖြစ်သည်။ Lt Ketsopon နှင့် ၎င်း၏ တပ်ဖွဲ့များ ကြားဖြတ်ဖမ်းဆီးရန် စောင့်ဆိုင်းနေသည့် နေရာလည်း ဖြစ်သည်။

“လူတွေက မူးယစ်ဆေးဝါးအပြည့်နဲ့ ကျောပိုးအိတ်တွေကို ခြေလျင်သယ်ပြီး နယ်စပ်ကို ဖြတ်ကျော် ကြတယ်။” ဟု Lt Ketsopon က ပြောသည်။ "လမ်းကြောင်းက ကြမ်းတမ်းတယ်။ ကျွန်တော်တို့ ဖြန့်ကျက်ရမယ့် နေရာအကျယ်အဝန်းနဲ့ ယှဉ်ရင် ကျွန်တော်တို့မှာ လူအင်အား မလုံလောက်ဘူး။”

တပ်ဖွဲ့များနှင့် မှောင်ခိုများ ရင်ဆိုင်မိကြလျှင် ထိပ်တိုက်တွေ့မှုများမှာ ပြင်းထန်တတ်သည်။ ထိပ်တိုက် တွေ့မှုများမှာ ညအချိန်တွင် ဖြစ်ပွားလေ့ရှိပြီး နယ်စပ်နှစ်ဘက်လုံးရှိ သတင်းပေးကွန်ရက်များမှ သတင်း ပေါ်မူတည်၍ ပြင်ဆင်စုဖွဲ့ထားခြင်းဖြစ်သည်။

ထိုင်းနိုင်ငံမြောက်ပိုင်း ချင်းရိုင်နှင့် ချင်းမိုင်ပြည်နယ်များတွင် အောက်တိုဘာ ၁ နှင့် ဧပြီ ၃၀ အတွင်း ထိပ်တိုက်ရင်ဆိုင်မှု ၃၇ ခု ဖြစ်ပွားခဲ့ကာ မှောင်ခို ၁၃ ဦး သေဆုံးခဲ့သည်ဟု Pha Mueng တပ်ဖွဲ့၏ စစ်ရေးအချက်အလက်များအရ သိရသည်။

Lt Ketsopon ၏ တပ်ဖွဲ့သည် ၎င်းပြင်းထန်သည့် တိုက်ပွဲများအနက် တစ်ခုဖြစ်သည့် ဖေဖော်ဝါရီလ တနင်္ဂနွေ မနက် ၅ နာရီ တိုက်ပွဲတွင် ပါဝင်ခဲ့သည်။

“တခြားတစ်ဘက်က မပစ်မချင်း ကျွန်တော်တို့ရဲ့ လက်နက်တွေနဲ့ မပစ်ဘူး။ ကျွန်တော်တို့ရဲ့ လုပ်ထုံး လုပ်နည်းအရ ဒီလို လုပ်လို့ မရဘူး။ ဒါပေမယ့်လည်း ကျွန်တော်တို့က ဥပဒေ အရာရှိတွေဖြစ်တယ်ဆိုတာ သူတို့ကို ပြောတယ်။ ပြောပြီး မကြာခင်မှာပဲ လူ ၁၅ ယောက် အယောက် ၂၀ လောက်က အမှောင်ထဲကနေ လက်လုပ်သေနတ်တွေ၊ AK47 တွေနဲ့ ကျွန်တော်တို့ကို ပစ်တာပဲ။” ဟု ၎င်းက ပြောသည်။

ထိတွေ့မှုမှာ ၁၀ မိနစ်ထက် မပိုဟု ထင်ကြောင်း ၎င်းက ပြောသည်။ မြန်မာဘက်သို့ ပြန်လည် ထွက်ပြေးသွားသည့် မှောင်ခိုများကို ထိုင်းစစ်သားများက လိုက်လံဖမ်းဆီးခြင်း မပြုနိုင်သော်လည်း မက်သမ်ဖက်တမင်း သုံးသန်းကျော် ပါဝင်သည့် အိတ် ၁၅ လုံးကို သိမ်းဆည်းနိုင်ခဲ့သည်။

ဤတစ်ချီ ဖမ်းဆီးရမိသည့် ပမာဏသည် ပစ္စည်းအလျှံအပယ်ဖြစ်နေပြီး စံချိန်တင် ဈေးနိမ့်ကျနေသည့် ဈေးကွက်ဖြစ်သော်လည်း ထိုင်းနိုင်ငံတွင် အမေရိကန်ဒေါ်လာ ၈.၁ သန်း တန်ဖိုးရှိသည်။ ၎င်းဈေးကွက် တွင် ဆေးပြားတစ်ပြားလျှင် ၈၀ ဆင့်နှင့် ၂.၇ ဒေါ်လာ အကြားရှိသည်ဟု UNODC အစီရင်ခံစာအရ သိရသည်။ မြန်မာနိုင်ငံတွင် ၆၀ ဆင့်အထိ ဈေးနှုန်း နိမ့်ကျနေပြီး တရုတ်နိုင်ငံတွင်မူ ၁၉.၃ ဒေါ်လာ အထိ ရှိကာ တောင်ကိုးရီးယားတွင်မူ ၅၀ ဒေါ်လာ အထိဈေးပေါက်သည်။

ချင်းရိုင်ရှိ Pha Mueng Forces ၏ စစ်ဌာနချုပ်တွင် Col Anywach Punyanum က မကြာသေး မီနှစ်များအတွင်း မူးယစ်ဆေးဝါး မှောင်ခိုကူးသန်းမှု "အလျင်အမြန် ကြီးထွားလာနေသည်” ဟု ဆိုသည်။ အောက်တိုဘာလနှင့် ဧပြီလအတွင်း မက်သမ်ဖက်တမင်း ဆေးပြား ၅၂ သန်း၊ ice ၇၂၃ ကီလိုဂရမ်၊ ဘိန်း ၂၀ ကီလိုဂရမ်၊ ဘိန်းဖြူ ၅.၃ ကီလိုဂရမ် သိမ်းဆည်းရမိခဲ့သည်ဟု ဆိုသည်။

“အရင်ကတော့ မက်သမ်ဖက်တမင်းဆေးပြား တစ်သိန်း ဖမ်းမိတယ်ဆိုတာ တော်တော်များတဲ့ ဖမ်းဆီးမှုပဲ။ အခုတော့ ဆေးပြား တစ်သန်းကျော် ဖမ်းမိတာက သာမန်ပဲ။ အများကြီး ပိုမို ဆိုးရွားလာနေတယ်။” ဟု ၎င်းက ဆိုသည်။

နယ်စပ်တွင် အပိုင်းလိုက် စစ်တပ် တပ်ဖွဲ့များ ပုံမှန် ကင်းလှည့်ခြင်း၊ တင်သွင်းမှုလမ်းကြောင်းများကို ချောင်းမြောင်းဖမ်းဆီးရန်သတင်းပေးများနှင့် လုပ်ဆောင်ခြင်း၊ ရဲများ ပူးပေါင်းဆောင်ရွက်ခြင်းတို့ကို လုပ်ဆောင်နေသော်လည်း တစ်ဖက်ကို ဖိလျှင် အခြားတစ်ဖက်က ထွက်ပြီး အခက်အခဲကြုံနေသည်။ ထွက်ရလွယ်သည့် နယ်ပစ်ပေါက်များမှာ ရှည်လျားပြီး မှောင်ခိုကူးသန်းသူများကလည်း ပါးနပ်ကြသည်။ အာဏာပိုင်များ မည်မျှ သိမ်းဆည်းရမိသည်ဖြစ်စေ မူးယစ်ဆေးဝါးများ ဝင်လာနေဆဲဖြစ်သည်။

“မဲခေါင်ဒေသက နိုင်ငံတွေ အထူးသဖြင့် ထိုင်းနိုင်ငံက လက်တင်အမေရိကနဲ့ အမေရိကန်နိုင်ငံတို့ ဖမ်းဆီးရမိတဲ့ ပမာဏနဲ့ တူညီတဲ့ ဖမ်းဆီးရမိမှုတွေ လုပ်နေတာကို တွေ့ရပါတယ်။” ဟု UNODC မှ Mr Hofmann က ပြောသည်။ "ဒါပေမယ့် ဒီလို ဖမ်းဆီးရမိမှုတွေပြုလုပ်ဖို့ လုပ်ဆောင်နိုင်စွမ်းနဲ့ ရနိုင်တဲ့ အရင်းအမြစ်တွေကို ကြည့်ရင်တော့ အလွန်ကွာခြားနေပါတယ်။”

ဒေသတွင်း အလိမ်အညာ လုပ်ငန်းများ၊ တရားမဝင် အွန်လိုင်း ကာစီနိုများကို လည်ပတ် လုပ်ဆောင်နေသည့် ရာဇဝတ်ဂိုဏ်များလည်း သိသာထင်ရှားစွာ ပါဝင်နေသော်လည်း စစ်ဒဏ်သင့် မြန်မာနိုင်ငံတွင် မူးယစ်ဆေးဝါးထုတ်လုပ်မှုကို တားမြစ်နိုင်မည့် သိသာထင်ရှားသည့် နည်းလမ်းများ မရှိဟု ကျွမ်းကျင်သူများက မှတ်ချက်ပြုသည်။

“[ထိုင်း-မြန်မာ နယ်စပ်] မူးယစ်ဆေးဝါး ထုတ်လုပ်မှုနဲ့ ဝင်ရောက်မှုပမာဏက အဆုံးသတ် မရှိ သလောက်ပဲ။ ဓာတုမူးယစ်ဆေးဝါးရဲ့ သဘာဝက လုပ်လုပ်ရ လွယ်ကူတယ်၊ အစားထိုးရ လွယ်ကူတယ်၊ ထုတ်လုပ်ဖို့ စားရိတ်လည်း အထိုက်အသင့် နည်းတယ်။” ဟု Mr Hofmann က ပြောသည်။

၎င်းပြဿနာကို ဖြေရှင်းရန် ဖြစ်နိုင်သည့် အပြောင်းအလဲနှစ်ခုမှာ ထုတ်လုပ်မှုလုပ်ငန်းစဉ်အတွက် အသုံးပြုရသော ဓာတုဗေဒပစ္စည်းများ မြန်မာနိုင်ငံသို့ ဝင်ရောက်မှု ဖြတ်တောက်ရန်နှင့် မြန်မာနိုင်ငံတွင် ဖြစ်ပွားနေသည့် မလုံခြုံမှုများကို ဖြေရှင်းရန်ဖြစ်သည်။ သို့ရာတွင် နှစ်ခုလုံး ဖြစ်နိုင်ချေ မရှိပေ။

“ထိုင်းနိုင်ငံဘက်က ဘယ်လောက်ပဲ ကောင်းကောင်း ပြင်ဆင်လုပ်ဆောင်နေပါစေ၊ မြန်မာဘက်က ဒီလို လုပ်ဆောင်မှု ရှိ မရှိ မြင်နိုင်ဖို့ အရမ်းခက်ခဲတယ်။ ဒီတော့ ဒေသတွင်း ရင်ဆိုင်နေရတဲ့ မူးယစ်ဆေးဝါးအရေးကို ဖြေရှင်းမယ်ဆိုရင် မြန်မာနိုင်ငံက အခြေအနေကို ဖြေရှင်းဖို့လည်း နည်းလမ်းရှာရမှာဖြစ်တယ်။” ဟု Mr Hofmann က ပြောသည်။

“ဒါပေမယ့် နောက်ဆုံးတော့လည်း ဒါက တင်သွင်းမှုက မောင်းနှင်နေတဲ့ ဈေးကွက်တစ်ခု ဖြစ်ပါတယ်။ မူးယစ်ဆေးဝါး မှောင်ခိုကုန်သည်တွေက တင်သွင်းမှုကို ထိန်းချုပ်နေတာ ဖြစ်ပါတယ်။ ဒါပေမယ့် ဒီလောက်များတဲ့ ဓာတုမူးယစ်ဆေးဝါးတွေကို တစ်နေရာက လူတွေက အသုံးပြုနေကြတာပါ။” ဟု ၎င်းက ဖြည့်စွက်သည်။

ဒေသတွင်း မူးယစ်ဆေးဝါးသုံးစွဲမှု မည်ကဲ့သို့ ပြောင်းလဲပုံကို အတိအကျ နားမလည်နိုင်သေးသော်လည်း UNODC က မှောင်ခိုလမ်းကြောင်းတစ်လျှောက် နိုင်ငံများတွင် သုံးစွဲမှု မြင့်တက်လာသည်ဟု ဆိုသည်။ ဥပမာ ထိုင်းနိုင်ငံတွင် ၂၀၁၆-၂၀၂၄ မူးယစ်ဆေးဝါးသုံးစွဲမှု အိမ်ထောင်စု စစ်တမ်းအရ မက်သမ်ဖက်တမင်း ဆေးပြားသုံးစွဲမှု "အလျင်အမြန် ကျယ်ပြန့်နေသည်” ဟု ဆိုသည်။

“ကျွန်တော့်တို့ရဲ့ လူမှုအသိုင်းအဝိုင်းတွေမှာ မူးယစ်ဆေးသုံးတာတွေ၊ ထင်ရောင်မြင်မှားဖြစ်တာတွေ၊ ကိုယ့်ရဲ့ မိသားစုကို ထိခိုက်နာကျင်အောင် စပြီး လုပ်ဆောင်နေတာတွေ တွေ့ရပါတယ်။” Lt Ketsopon က ပြောသည်။

ကိုးကား - The Telegraph

ပုံစာ - မူးယစ်ဆေးဝါး မှောင်ခိုကုန်သွယ်မှု သက်သေအထောက်အထားများ ရှာဖွေမှုအတွင်း Pha Muang တပ်ဖွဲ့ဝင်များ နယ်မြေလုံခြုံရေးယူထားစဉ်။ (Photo: JITTRAPON KAICOME)

Burma Associated Press