https://www.facebook.com/105505545468595/

VOA Shan News _ၶဝ်ႇvoaတႆး, Yangon (2025)

14/03/2025

ၸွမ်ပွင်ၸိုင်ႈ ရသျႃး ပူႇတိၼ်ႇ လၢတ်ႈဝႃႈ မၼ်းၵမ်ႉထႅမ် ၶေႃႈတၢင်ႇၼႄ ဢမေႇရိၵၢၼ်ႇ တႃႇၵိုတ်းယိုတ်း ပၢင်တိုၵ်းယူႇၶရိလ်း တင်း ၼႆသေတႃႉ မၼ်းလၢတ်ႈဝႃႈ တေလႆႈ ႁဵတ်းသၢင်ႈ လွင်ႈတၢင်းမၼ်း လီလီယူႇ ၼႆယဝ်ႉ။

မိူဝ်ႈဝၼ်းၽတ်း တီႈဝဵင်းမေႃႇသၵူဝ်ႇယူႇတီႈ မိူင်းရသျႃးၼၼ်ႉသေ ပူႇတိၼ်ႇ လၢတ်ႈတီႈၽူႈသိုဝ်ႇၶၢဝ်ႇၶဝ်ဝႃႈ “ႁဝ်းၶႃႈ ၽွမ်ႉၸွမ်း ၶေႃႈတၢင်ႇၼႄ တႃႇတေၵိုတ်းယိုတ်း ပၢင်တိုၵ်းၼၼ်ႉယူႇ ၵူၺ်းၵႃႈ ႁဝ်းၶႃႈ တေသိုပ်ႇႁဵတ်းၵႂႃႇ တီႈတၢင်းႁၼ်ထိုင် ဢၼ်ဝႃႈ လွင်ႈၵိုတ်းတိုၵ်းၼႆႉ ထုၵ်ႇလီႁဵတ်းႁႂ်ႈ မီးလွင်ႈငမ်းယဵၼ် ဢၼ်တေမၼ်ႈၵိုမ်း လႄႈ တေလႆႈဢဝ်ပႅတ်ႈ ငဝ်ႈႁၢၵ်ႈ လွင်ႈၶွင်ႈၶမ်ၼၼ်ႉယူႇ” ၼႆယဝ်ႉ။

ၸၢင်ႊပဵၼ်လႆႈဝႃႈ ထုၵ်ႇလီႁွင်ႉၸွမ်ပွင်ၸိုင်ႈ [တေႃႇၼႄႇထရမ်ႉ] သေ ဢုပ်ႇၵၼ်ယူႇ။

တီႈႁိူၼ်းၽိူၵ်ႇၼၼ်ႉ ထရမ်ႉ လၢတ်ႈဝႃႈ သင်ဝႃႈ ရသျႃး ဢမ်ႇယွမ်းႁပ်ႉ လွင်ႈဢၼ် ဢမေႇရိၵၢၼ်ႇ ၶတ်းၸႂ် တႃႇတေၵိုတ်းယိုတ်း ပၢင်တိုၵ်းၼၼ်ႉၸိုင် တေပဵၼ်လွင်ႈ ဢၼ်လီၸႂ်လဵၵ်ႉတႄႉတႄႉ ၼႆယဝ်ႉ။

https://www.voanews.com/a/ၽူႈမီးပုၼ်ႈၽွၼ်း-ရသျႃး-တေဢုပ်ႇဢူဝ်း-ၶေႃႈတၢင်ႇၼႄ-လွင်ႈၵိုတ်းတိုၵ်း-ယူႇၶရိလ်း/8009215.html

18/08/2024

ပၼ်ပိူၼ်ႈႁေယဝ်ႉလႃႈမိူင်းတႆးတီႈမုင်ႈမွင်းတႆးသမ်ႉဢမ်ႇသင်သိမ်ႈလႆႈၵဵင်းတုင်တႃႇၶီႈလိၵ်းၵူၺ်းၵေႃႈသိုၵ်းတႆးၸၢင်ႈသိပ်ယူႇလႆယူႇပိုၼ်တေဢဝ်ထႅင်ယဝ်ႉ

09/08/2024

ၸဝ်ႈၸၢႆးလိုၼ်း ႁူဝ်ပဝ်ႈလူင် တပ့်သိုၵ်းမိူင်းလႃး လုၶွႆႈသဵင်ႈၵၢမ်ႇ
09/ 08/ 2024

ၸဝ်ႈၸၢႆးလိုၼ်း ႁူဝ်ပဝ်ႈလူင် တပ့်သိုၵ်းမိူင်းလႃး NDAA-ESS ဢိူင်ႇၽိသဵတ်ႈမၢႆ ( 4 ) မိူင်းတႆးပွတိးဢွၵ်ႇၶူင်းၼၼ့် လႆႈလုၶွႆႈသဵင်ႈၵၢမ်ႇၵႂႃႇ မိူဝ်ႈဝႃး ( ဝၼ်းထိ 08/ 08/ 2024 ) ယၢမ်းပွတ်းၼႂ် ၼႆယဝ့် ။

ၽူႈၸႂ့်ၾေ့သ်ပုၵ့် Sai ArnTai တႅမ်ႈတၢင်ႇဝႆ့ၼိူဝ် သိုဝ်ႇသုၼ်ႇတူဝ်ဝႃႈ -ၸဝ်ႈၸၢႆးလိုၼ်း ( ဢႃယု 88 ပီႊ ) ၼၼ့် လႆႈလုၶွႆႈသဵင်ႈၵၢမ်ႇၵႂႃႇ ၸွမ်းလူၺ်ႈ တၢင်းပဵၼ်ရေႃးၵႃႇ မၢၵ်ႇႁဵင်းၶႅၼ်ႇသိူဝ်ႇ တီႈႁူင်းယႃလူင် တီႈၼိုင်ႈ ဢၼ်မီးၼႂ်းမိူင်းၵႂၢင်းၸူဝ်း မိူင်းၶႄႇ ။

မၼ်းၸဝ်ႈ ပဵၼ်ၵူၼ်းၶိူဝ်းတႆး ၸႃႇတိတီႈၵိူတ်ႇ ပၢင်ႇသၢႆး မိူင်းၵူဝ်း ၸေႊတွၼ်ႈမူႇၸေႊ မိူင်းတႆးပွတ်းႁွင်ႇ ။

ၸဝ်ႈၸၢႆးလိုၼ်းၼၼ့် မိူဝ်ႈဢွၼ်တၢင်း ပဵၼ်ၽူႈၵွၼ်းတပ့် မၢႆ 815 ၶွင်ပႃႇတီႇၶွမ်ႇမိဝ်ႇၼိတ့်သ် ( ပၵပ ) မိူင်းမၢၼ်ႈ ။ ဝၼ်းထိ 19/ 04 /1989 ဢွၼ်ၵူၼ်းသိုၵ်း ဢၼ်ပႃးလၢႆၸၢဝ်းၶိူဝ်းသေ ၽႄဢွၵ်ႇမႃးတီႈ ပႃႇတီႇ ပၵပ ။ သေယဝ့် ၵေႃႇတင်ႈတပ့်သိုၵ်း ( NDAA-ESS ) (National Democratic Alliance Army-Eastern Shan State (NDAA-ESS) ယၼ်ႇငဝ်ႈပၵ်းသဝ်းတီႈမိူင်းတႆးပွတ်း ဢွၵ်ႇၶူင်း ။

ထိုင်မႃး ဝၼ်းထိ 30/06/1989 လူင်းလၢႆးမိုဝ်းလိၵ်ႈႁူမ်ႈမၢႆ ၵိုတ်းတိုၵ်း ဢဝ်လွင်ႈငမ်းယဵၼ်ၵၼ်တင်း လူင်ပွင်ၸိုင်ႈ ၼဝတ သေ လႆႈၼႃႈတီႈၽွင်းငမ်းဢုပ့်ပိူင်ႇႁင်းၶေႃ ဢိူင်ႇၽိသဵတ်ႈမၢႆ ( 4 ) ဢၼ်ပႃး မိူင်းလႃး ၊ သိုဝ်လိုဝ်း ၊ ၼမ့်ပၼ်း မိူင်းတႆးပွတ်းဝၼ်းဢွၵ်ႇယူႇယဝ့် ။

ၸဝ်ႈၸၢႆးလိုၼ်း ၼၼ့် လႆႈၵူပ့်ၵူႈပဵၼ်ႁိူၼ်းၵၼ်တင်း လုၵ်ႈယိင်း လုင်းၾိူင်ၵျႃးသိၼ်ႊ ၽူႈၼမ်းသိုၵ်းၵဝ်ႈၵၢင့် MNDAA လုၵ်ႈၸၢႆးမၼ်းၸဝ်ႈ - ၸဝ်ႈထဵင်ႇလိၼ်းၼၼ့် ယၢမ်းလဵဝ်ဢဝ်ပုၼ်ႈၽွၼ်းဝႆ့ၼႃႈတီႈ ၵႅမ်ႁူဝ်ပဝ်ႈ NDAA-ESS ယူႇယဝ့် ။

( မၢႆတွင်း - လွင်ႈဢၼ်မၼ်းၸဝ်ႈလုၶွႆႈသဵင်ႈၵၢမ်ႇၼႆ့ ယူႇတီႈမုၵ့်ၸုမ်းမိူင်းလႃးတႄ့ ပႆႇႁၼ်ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ် )

တီႈမႃးၶၢဝ်ႇ
# Sai ArnTai FB
# wikipedia
Photo: Crd

28/07/2024

🟢 တပ်ႉသိုၵ်းဝႃႉ UWSA ၶဝ်ႈၼႂ်းဝဵင်းလႃႈသဵဝ်ႈ၊ ၸုမ်းဝႃႉ UWSA ပိုၼ်ၽၢဝ်ႇဝႃႈ ၸွမ်းၼင်ႇၵူၼ်းမိူင်းတုၵ်းယွၼ်းသေ ၶဝ်ႈၵႅတ်ႇၶေႁေႉၵင်ႈ ၶူဝ်းၶွင် လုမ်းၵပ်းသၢၼ်ၼွၵ်ႈမိူင်း ၸႄႈမိူင်း "ဝ" ပဵၼ်တၢင်းၵၢၼ်
လိူၼ်ၵျူႊလၢႆႊ 28 ဝၼ်း လႃႈသဵဝ်ႈ

ယူႇတီႈလုမ်းၵပ်းသၢၼ်ၼွၵ်ႈမိူင်း "ဝ" ဢၼ်ပၵ်းတီႈလႃႈသဵဝ်ႈ ပိုၼ်ၽၢဝ်ႇမိူဝ်ႈၼႆႉ လိူၼ်ၵျူႊလၢႆႊ 28 ဝၼ်းဝႃႈ လွင်ႈၶဝ်ႈမိူင်း ပဵၼ်တၢင်းၵၢၼ်ၼႆႉ ပဵၼ်ယွၼ်ႉၸုမ်းၸၢဝ်းၶိူဝ်း ၼႂ်းလႃႈသဵဝ်ႈ ၸိုင်ႈတႆးပွတ်းႁွင်ႇ တုၵ်းယွၼ်းဝႆႉလႄႈ ပိူဝ်ႈတႃႇၵႅတ်ႇၶေႁေႉၵင်ႈ ၶူဝ်းၶွင် လုမ်းၵပ်းသၢၼ်ၼွၵ်ႈမိူင်း ၸႄႈမိူင်း "ဝ" ဝႃႈၼႆ။

လႆႈႁူႉဝႃႈ ၾၢႆႇႁူမ်ႇလူမ်ႈ ၼႂ်းၸႄႈမိူင်း "ဝ" ၶဝ်ႈမႃးမိူဝ်ႈဝႃး လိူၼ်ၵျူႊလၢႆႊ 27 ဝၼ်း လူၺ်ႈဢုပ်ႇဢူဝ်းၵၼ်တင်းၵူႈၽၢႆႇၽၢႆႇသေၸၢင်လႆႈၶဝ်ႈမႃးၼႂ်းဝဵင်းလႃႈသဵဝ်ႈၼႆယဝ်ႉ

ၸဝ်ႈၼႃႈတီႈ ႁွင်ႈၵၢၼ်ၾၢႆႇၵၢၼ်မိူင်း "ဝ" ၵေႃႉၼိုင်ႈလၢတ်ႈဝႃႈ "ပိူင်လူင်မၼ်း ႁဝ်းၵုမ်းၵမ်ဝႆႉ။ ႁဝ်းတေၵႅတ်ႇၶေႁေႉၵင်ႈပၼ်ၵူၼ်းမိူင်း၊ ႁဝ်းတေၵုမ်းၵမ်ဝႆႉ။ ဢၼ်ၼႆႉပဵၼ်မၢႆ 1 ၾၢႆႇၵၢင် "ဝ" တေသိုပ်ႇဝၢင်းၽႅၼ်ဝႆႉဝႃႈ တေပဵၼ်ၸိူင်ႉႁိုဝ်ထႅင်ႈ ။သင်ၸိူဝ်ႉဝႃႈ တပ်ႉသိုၵ်းၸိုင်ႈတႆး ဢမ်ႇၵုမ်းလႆႈၶိုတ်းၵၢပ်ႈၶိုတ်းပၢၼ်လႆႈၼႆ ၶၢဝ်ႇငၢဝ်းၼႆႉ ၸႂ်ႈတေႉယူႇ” ဝႃႈၼႆ။

ၵူၼ်းမိူင်းလၢတ်ႈဝႃႈ တပ်ႉႁူမ်ႇလူမ်ႈၸႄႈမိူင်း "ဝ" ဢၼ်ၶဝ်ႈမႃးယူႇယၢမ်းလဵဝ်ၼႆႉ ပဵၼ်တပ်ႉဢၼ်လုၵ်ႉတၢင်းၾၢႆႇၼမ်ႉၽွင်းမႃး ဝႃႈၼႆ။

ၸုမ်းဢၼ်လူင်းၵႂႃႇယၢမ်းလဵဝ်ၼႆႉ ပဵၼ်ၸုမ်းဢၼ်လုၵ်ႉတီႈ တၢၼ်းယၢင်းၼမ်ႉပၢဝ်ႇမႃး။

လိူဝ်ၼၼ်ႉ မိူဝ်ႈလိူၼ်ၵျူႊလၢႆႊ ဝၼ်းတီႈ 10 ၼၼ်ႉၵေႃႈ တပ်ႉသိုၵ်းၽွမ်ႉႁူမ်ႈ "ဝ" - UWSA ဢဝ်ဢဵၼ်ႁႅင်းၼပ်ႉႁူဝ်ႁဵင်သေ ၶဝ်ႈမႃးၼႂ်းဝဵင်းတၢၼ်းယၢင်းသေ ၸွမ်းၼင်ႇၵူၼ်းၼႂ်းပိုၼ်ႉတီႈ တုၵ်းယွၼ်းမႃးၼၼ်ႉ ပဵၼ်တႃႇႁေႉႁၢမ်ႈ ပၢင်တိုၵ်းဢၼ်ပဵၼ်ယူႇယၢမ်းလဵဝ် ၼႂ်းၸိုင်ႈတႆးပွတ်းႁွင်ႇၼၼ်ႉ ယႃႇႁႂ်ႈလႆႈၽႄႈလၢမ်းထိုင်ၾၢႆႇတၢၼ်းယၢင်း ဝႃႈၼႆ။ ဢူးၼိယၢင်း ၽူႈၶၢၼ်ပၢၵ်ႇ UWSA ။
ပိူၼ်တေႉokၵႃႇထႅင်ႈဝဵင်းၼိုင်ႈယဝ်ႉတႆးဢူၺ်မႂ်းပေႉၸႂ်ယိၼ်

27/07/2024

ဢမ်ႇၶႂ်ႈတဵမ်ႈၶဝ်ဝႃႈပိူၼ်မႃးသိမ်းလႆႈမိူင်းတႆးႁဝ်းတီႈၼၼ်ႈတီႈၼႆႈတႆးၵူၺ်းဢိူဝ်ႈသုမ်းမၢၼ်ႈဢမ်ႇလႆႈသုမ်းလူးဢမ်ႇၸႂ်ႈမိူင်းမၢၼ်ႈလူးသိုၵ်းတႆးႁဝ်းၵေႃႈၵုမ်ႇဢွၼ်ၵၼ်ႁိတ်းသင်ယူႇမၼ်းဢမ််ႇပႅၼ်ၽႅၼ်ၵၢၼ်ၽႂ်လေႃႇဢမ်ႇပႅၼ်ၵဵမ်းၵၢၼ်မိူင်းၸုမ်းလႂ်လေႃႇတေႃႇထိုင်မိူင်းတႆးဢမ်ႇမီးယဝ်ႉသူၸွင်တေယုမ်ႇႁ သူၼေးဝႃႈပဵၼ်ၽႅၼ်သိုၵ်းမၢၼ်ႈပေႃးႁဝ်းဢမ်ႇမေႃဢဝ်ၶၢဝ်းယမ်းလီၼႆႉမိူင်းတႆးဢၼ်ဝႃႈၼႆႉတေမီးယူႇၼႂ်းပိုၼ်းမိုၼ်ဢပုမ်ႇလၢတ်ႈၼေလုၵ်ဢွၼ်ၵူၺ်းယဝ်ႉ ၸႂ်လိၵ်ႉၼႃပဵၼ်တႆးၼႆႉမိူင်းႁဝ်းဢမ်ႇမီးယဝ်ႉ

20/07/2024

MNDAA ၵိုတ်းတိုၵ်းတေႃႇထိုင်လိူၼ်ၵျူႊလၢႆႊ 31 ဝၼ်း ၸွမ်းၼင်ႇၶႄႇတုၵ်းယွၼ်း

လိူၼ်ၵျူႊလၢႆႊ 20 2024

တပ်ႉသိုၵ်းၵဝ်ႈၵၢင်ႉ (MNDAA) ပိုၼ်ၽၢဝ်ႇဝႆႉဝႃႈ ဢိင်ၼိူဝ်မိူင်းၶႄႇ တုၵ်းယွၼ်းသေ တေၵိုတ်းတိုၵ်းၸူဝ်ႈၶၢဝ်း တႄႇဢဝ် လိူၼ်ၵျူႊလၢႆႊ 19 ဝၼ်း ထိုင် 31 ဝၼ်း ၼႆယဝ်ႉ။

ၼႂ်းၶေႃႈပိုၼ်ၽၢဝ်ႇ ဢၼ်ဢွၵ်ႇမိူဝ်ႈၼႆႉ ပဵၼ်ၽႃႇသႃႇၶႄႇၼၼ်ႉ တႅမ်ႈဝႆႉဝႃႈ တေၵိုတ်းတိုၵ်း တႃႇၶၢဝ်းတၢင်း 12 ဝၼ်းၼႆသေ သင်ဝႃႈ ၶွင်ႇသီႇသိုၵ်းၶဝ် တိုၵ်းယိုဝ်း ၼႂ်းၶၢဝ်းတၢင်း ၵိုတ်းတိုၵ်းၼၼ်ႉၸိုင် တေၸၢင်ႈႁဵတ်း လွင်ႈၵႅတ်ႇၶႄႁႄႉၵင်ႈ ၸွမ်းၼင်ႇ ထုၵ်ႇမႅၼ်ႈၼၼ်ႉယူႇ။

တေႃႈလဵဝ် MNDAA ၊ တပ်ႉသိုၵ်းႁူမ်ႈတုမ် ဢၼ်ပႃးၸုမ်းဢူၺ်းလီပွတ်းႁွင်ႇ လႄႈ တပ်ႉသိုၵ်းၵႅတ်ႇၶႄၵူၼ်းမိူင်း (မၢၼ်းတလေး) တပ်ႉသိုၵ်းပူတ်းပွႆႇၸိူဝ်ႉၸၢတ်ႈ လွႆ (TNLAဢွၼ်ႁူဝ်ၼၼ်ႉ ၶတ်းၸႂ်တိုၵ်းတေႃး တပ်ႉပၢင်သဝ်း ၶွင်ႇသီႇသိုၵ်း ၼႂ်းၸိုင်ႈတႆးပွတ်းႁွင်ႇ ဢၼ်ပဵၼ်တွၼ်ႈသွင် ၵၢၼ်သိုၵ်း 1027 ၼႆယဝ်ႉ။

မိူဝ်ႈဝႃး ယၢမ်းၵၢင်ၶမ်ႈ မွၵ်ႈ 12:00 မူင်းၼၼ်ႉ ႁိူဝ်းမိၼ်သိုၵ်းၶဝ် ဢဝ်မၢၵ်ႇပွႆႇသႂ်ႇ တၢင်းၼွၵ်ႈဝဵင်းလႃႈသဵဝ်ႈ 13 လၵ်းသေ ၵူၼ်းမိူင်းတၢႆထင်တီႈ 1 ၵေႃႉ မၢတ်ႇၸဵပ်း 5 ၵေႃႉ ဝႃႈၼႆ။ မိူဝ်ႈလိူၼ်ၵျူႊလၢႆႊ 18 ဝၼ်း ယၢမ်းၵၢင်ၼႂ် မွၵ်ႈ 4:30 မူင်းၼၼ်ႉ သိုၵ်းမၢၼ်ႈ ပွႆႇမၢၵ်ႇလူင် 8 လုၵ်ႈသေ ပွႆႇမၢၵ်ႇသႂ်ႇၼႂ်းပိုၼ်ႉတီႈၵူၼ်းယူႇသဝ်း ၼႂ်းၸႄႈဝဵင်းသိၼ်ႇဝီသေ ၵူၼ်းမိူင်းတၢႆ 8 ၵေႃႉ မၢတ်ႇၸဵပ်း 8 ၵေႃႉ မၢတ်ႇၸဵပ်းႁၢဝ်ႈႁႅင်း 5 ၵေႃႉ ၼႆ MNDAA ဢွၵ်ႇၶၢဝ်ႇဝႆႉၼင်ႇၼႆ။

တပ်ႉသိုၵ်းပူတ်းပွႆႇၸိူဝ်ႉၸၢတ်ႈ တဢၢင်းTNLA ပိုၼ်ၽၢဝ်ႇဝႃႈ ၼႂ်းၶၢဝ်းတၢင်း 4 ဝၼ်း ဢၼ်ၵိုတ်းတိုၵ်းၾၢႆႇလဵဝ် ၼႂ်းၸိုင်ႈတႆးပွတ်းႁွင်ႇ တႄႇဢဝ် ဝၼ်းတီႈ 14 ထိုင် 18/07/2019 ၼႆႉ ယွၼ်ႉၶွင်ႇသီႇသိုၵ်း ဢဝ်ၵွင်ႈလူင် ပိုတ်းယိုဝ်းလႄႈ ၵူၼ်းမိူင်းလႆႈလူႉတၢႆ 18 ၵေႃႉ မၢတ်ႇၸဵပ်း 19 ၵေႃႉ။

Caption photo MNDAA

ၽူႈလူဢၢၼ်ႇၶဝ် ၵမ်ႉထႅမ်ပၼ် ၶၢဝ်ႇငၢဝ်းဢၼ်လီသေပိူၼ်ႈ ဢၼ်မီးၼမ်ႉၵတ်ႉ ဢၼ်ၵူၼ်းႁဝ်းလူဝ်ႇႁူႉၼၼ်ႉယဝ်ႉ။

20/07/2024

ၵူၼ်းၵေႃႉဢၼ်ၸူၼ်လၢၼ်ႉၶၢႆၶမ်း တီႈမိူင်းလႃးၼၼ်ႉ ၼႄပၼ်ၵူၼ်းၼႂ်းဝဵင်းႁႂ်ႈႁၼ်ႁူႉၸွမ်းသေၽူႈမီးပုၼ်ႈၽွၼ်းၶဝ်တေပၼ်တၢမ်ႇတၢႆ

ဝၢႆးသေတီႉၺွပ်းလႆႈ ၵူၼ်းၸူၼ်လၢၼ်ႉၶၢႆၶမ်း တီႈၼႃႈလိၼ်ၶိုၵ်ႉတွၼ်း (4) ၸိုင်ႈတႆး (ပွတ်းဢွၵ်ႇ) ဢၼ်ပဵၼ်ၼႃႈလိၼ် ဢၼ်တပ်ႉသိုၵ်းဢူၺ်းလီ ၻီႊမူဝ်ႊၶရႅတ်ႊတိၵ်ႊၸိူဝ်ႉၸၢတ်ႈမိူင်းလႃး (NDAA) ၵုမ်းၵမ်ဝႆႉယဝ်ႉၼၼ်ႉ လႆႈၼႄလွမ်ႉႁွပ်ႈဝဵင်းမိူင်းလႃးယဝ်ႉသေပၼ်တၢမ်ႇတၢႆၽူႈမီးတၢင်းၽိတ်ၼႆသေလႆႈႁူႉၸွမ်းၶၢဝ်ၼႂ်းပိုၼ်ႉတီႈမိူင်းလႃးဢွၵ်ႇဝႆႉၼင်ၼႆဢေႃႈ
။

#ၼႃႈလိၼ်ၶိုၵ်ႉတွၼ်း(4) #လိူင်ႈ
ၶႅပ်းႁၢင်ႈ- SR4

15/07/2024

ၵႃးသိပ်းသွင်လေႃႉ လႄႈ ၵႃးႁိူၼ်းၽႃႇၵၼ် တီႈၵဵင်းတုင် ၵူၼ်းလူႉတၢႆ 6 ၵေႃႉ

လိူၼ်ၸဵတ်း 15

ၵႃးလူင် 12 လေႃႉ လႄႈ ၵႃး Toyota Succeed ၽႃႇၺႃးၵၼ် ၼႂ်းၸေႊဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်းသေ မီးၵူၼ်းလူႉတၢႆ 6 ၵေႃႉ ၸုမ်းၸွႆႈထႅမ်တူင်ႇဝူင်းၵူၼ်း ၼႂ်းပိုၼ်ႉတီႈ လႄႈ ႁွင်ႈၵၢၼ်ၽၢႆႇၶႄၾႆးၶဝ် လၢတ်ႈၼႄၼင်ႇၼႆ။

ၵႃးၽႃႇၵၼ်ၼႆႉ ပဵၼ်ၼႂ်းၵႄႈ လၵ်းမၢႆ 11/4 လႄႈ လၵ်းမၢႆ 11/5 ၼိူဝ်သဵၼ်ႈတၢင်း ၵဵင်းတုင် – တႃႈၶီႈလဵၵ်း မိူင်းႁူမ်ႈတုမ် ႁိမ်းဝၢၼ်ႈပၢင်လေး ၸေႊဝဵင်းၵဵင်းတုင် မိူဝ်ႈၼႆႉ ယၢမ်းၵၢင်ၼႂ် 8 မူင်း ၼႆယဝ်ႉ။

ၾၢႆႇၶႄၾႆးၶဝ် ပိုၼ်ၽၢဝ်ႇဝႃႈ ၵႃး Toyota Succeed ၼၼ်ႉ ၾႆးမႆႈသေ ၵႃး 12 လေႃႉၼၼ်ႉ လႆႈပိၼ်ႈတူၵ်းၵႂႃႇ ယွၼ်ႉၵႃးၽႃႇၵၼ်သေ ၵူၼ်းႁူၵ်းၵေႃႉ ဢၼ်တၢႆၵႂႃႇၸွမ်း ၵႃး Toyota Succeed ၼၼ်ႉ ပဵၼ်ၽူႈၸၢႆး 4 ၵေႃႉ လႄႈ ၽူႈယိင်း 2 ၵေႃႉ ဝႃႈၼႆ။

ၼႂ်းလိၵ်ႈပိုၼ်ၽၢဝ်ႇ ၾၢႆႇၶႄၾႆးၼၼ်ႉ လၢတ်ႈဝႆႉဝႃႈ ၵူၼ်းသွင်ၵေႃႉ ဢၼ်ၶီႇလူတ်ႉသိပ်းသွင်လေႃႉၼၼ်ႉၵေႃႈ လႆႈမၢတ်ႇၸဵပ်းႁၢဝ်ႈႁႅင်း ဝႃႈၼႆ။

ၸုမ်းၵပ်းသၢၼ်လွင်ႈပူၼ်ႉၶၢပ်ႈတူဝ်တၢႆ ဝဵင်းတႃႈၼီး ဢၼ်ပၵ်းတီႈဝဵင်းၵျွင်းတူင်းၼၼ်ႉၵေႃႈ လႆႈၵႂႃႇၸွႆႈထႅမ်လႄႈ လႆႈတေႃႉသူင်ႇၶၢပ်ႈတူဝ်ၵူၼ်းတၢႆ 6 ၵေႃႉလႄႈ ၵူၼ်းမၢတ်ႇၸဵပ်း 2 ၵေႃႉ သူင်ႇဝႆႉတီႈႁူင်းယႃ ၵျွင်းတူင်း ဝႃႈၼႆ။

ၶႅပ်းႁၢင်ႈ – ၸုမ်းၸွႆႈထႅမ် ၵၢၼ်ၽဝ်တူဝ်တၢႆ

10/07/2024

📷: ၽူႈဢွၼ်ႁူဝ်ၸုမ်းၼေႇတူဝ်းၶဝ် ၼႄၶႅပ်းႁၢင်ႈ ၽွင်းပၢင်ၵုမ်လူင် ၶွပ်ႈၶူပ်ႇ 75 ပီႊ ၸုမ်းၼေႇတူဝ်ႇ တီႈႁူင်းႁေႃ ဝႃႇသျိၼ်ႇတၢၼ်ႇ မိူဝ်ႈဝၼ်းတီႈ 10/07/2024 ။

👉 ၽူႈဢွၼ်ႁူဝ် ၸုမ်းၼေႇတူဝ်းၶဝ် လႆႈႁူမ်ႈၵၼ် မိူဝ်ႈဝၼ်းပုတ်ႉ တီႈဝဵင်းဝႃႇသျိၼ်ႇတၢၼ်ႇ တႃႇႁဵတ်းပၢင်ၵုမ် ပၢင်ၵုမ်လူင်သေ ၶႂ်ႈႁႂ်ႈ ၸုမ်းဢူၺ်းလီၶဝ် ၵမ်ႉထႅမ် မိူင်းယူးရူပ်ႉ လႄႈ ႁႂ်ႈၵၢၼ်ၵႅတ်ႇၶႄ လႄႈ ၵၢၼ်ႁႄႉႁၢမ်ႈ တူဝ်ၵဝ်ႇ ၶိုၼ်ႈယႂ်ႇမႃး။

လွင်ႈဢုပ်ႇဢူဝ်းၸိူဝ်းၼၼ်ႉ လႆႈႁဵတ်းမႃး ၶၢဝ်းတၢင်းလၢႆလိူၼ် တီႈၸၼ်ႉတႅမ်ႇ ပႃးၸဵမ် ပၢင်ၵုမ် ၽွင်းလူင်ၼွၵ်ႈမိူင်း ၸုမ်းၼေႇတူဝ်း မိူဝ်ႈၸဝ်ႉပီႊၼႆႉသေတႃႉ ယၢမ်းလဵဝ် တေလႆႈဢဝ် ၽူႈဢွၼ်ႁူဝ်ၶဝ် တေလႆႈ ၶေႃႈတူၵ်းလူင်း ၵမ်းလိုၼ်းသုတ်းၼၼ်ႉယဝ်ႉ။

မိူဝ်ႈဝႃး ဝၼ်းပုတ်ႉၼၼ်ႉ ဢိုတ်းႁပ်း ၸွမ်းၼင်ႇ ၶေႃႈမၢႆတွင်း တူင်ႇဝူင်းၵူၼ်းသေ U.S. ၸွမ်ပွင်ၸိုင်ႈ ၸူဝ်းပၢႆႇတႅၼ်ႇ ႁပ်ႉတွၼ်ႈ ၸုမ်းဢူၺ်းလီ ၼေႇတူဝ်းၶဝ် ၵိၼ်ၶဝ်ႈၶမ်ႈ တီႈႁိူၼ်းၽိူၵ်ႇမိူင်းဢမေႇရီႇၵၢၼ်ႇ

ယွၼ်ႉပိူဝ်ႈ ၸုမ်းၼေႇတူဝ်ႇ တေလႆႈႁူပ်ႉထူပ်း လွင်ႈဢၼ်တေၸၢင်ႊပဵၼ် လွင်ႈၸၢမ်းတူၺ်း ဢၼ်ယႂ်ႇသုတ်း ၼႂ်းပိုၼ်း 75 ပီႊၼၼ်ႉလႄႈ မိူဝ်ႈဝၼ်းဢႃးတိတ်ႉၼၼ်ႉ ၸွမ်ပွင်ၸိုင်ႈ တေႃႇၼႄႇထရမ်ႉ လႆႈႁဵတ်း လွင်ႈငမ်းယဵၼ် ဢၼ်ႁႅင်းယႂ်ႇၼၼ်ႉယဝ်ႉ။

မိူဝ်ႈတႄႇပၢင်ၵုမ်လူင် ၶၢဝ်းတၢင်း 3 ဝၼ်းၼၼ်ႉ တေႃႇၼႄႇထရမ်ႉ လၢတ်ႈဝႃႈ “လွင်ႈဢၼ်ႁဝ်းၶႃႈ မီးႁႅင်းလိူဝ်ၵဝ်ႇမႃးၼႆႉ လီဢၢမ်းတေႉတေႉ။ "ၵွပ်ႈပိူဝ်ႈဝႃႈ ၶၢဝ်းယၢမ်းၼႆႉ ၼ်ႂးပိုၼ်းၼႆႉ မၼ်းႁွင်ႉႁ်ႂႈ ဢဵၼ်ႁႅင်းႁူမ်ႈၵၼ်ႁဝ်းၼၼ်ႉယဝ်ႉ။"

ၽူႈၼမ်းၸိုင်ႈမိူင်းၼေႇတူဝ်ႇ တေႁူပ်ႉထူပ်းၵၼ် မိူဝ်ႈဝၼ်းဢႃးတိတ်ႉ တီႈပၢင်ၵုမ်လူင် ဝႃႇသျိၼ်ႇတၢၼ်ႇ

10/07/2024

မၢၵ်ႇလူင်တူၵ်းၼႂ်းဝဵင်းလႃႈသဵဝ်ႈ တိူဝ်ႉၺႃးၵူၼ်းမိူင်း လုတၢႆ 2 ၵေႃႉ မၢတ်ႇၸဵပ်း 10 ၵေႃႉ
10/ 07/ 2024

ဝၼ်းထိ 10/ 07/ 2024 မိူဝ်ႈၼႆႉ မၢၵ်ႇလူင်ပၢင်တိုၵ်း တူၵ်းမႃးၼႂ်းဝဵင်းလႃႈသဵဝ်ႈ မိူင်းတႆးပွတ်းႁွင်ႇလႄႈ ၵူၼ်းမိူင်းလုတၢႆ 2 ၵေႃႉ မၢတ်ႇၸဵပ်း 10 ၵေႃႉ ၼႆယဝ်ႉ ။

ၵူၼ်းမိူင်းလႃႈသဵဝ်ႈၵေႃႉၼိုင်ႈ လၢတ်ႈၵႂႃႇတီႈၶၢဝ်ႇ တီႇဝီႇပီႇဝႃႈ -
“ ၼႂ်ၼႆႉ မၢၵ်ႇလူင်တူၵ်းမႃးၼႂ်းသဵၼ်ႈတၢင်းဢွင်ႇသပေႇ ပွၵ်ႉမၢႆ 9 - 2 လုၵ်ႈႄလႈ တိူဝ်ႉၺႃးၵူၼ်းၼမ်ဝႆႉဢေႃႈ ” ၼႆယဝ်ႉ ။

ၽူႈၶဝ်ႈၸုမ်းပရႁိတ ၽၢႆႇၸွႆႈထႅမ်ၵေႃႈလၢတ်ႈဝႃႈ - မၢၵ်ႇလူင်တူၵ်းမႃးႁိမ်းသဵၼ်ႈတၢင်းလဵၵ်း ဢၼ်မီးတီႈတႃႈလူတ်ႉၾႆးဢေႃႈ ။ ၼၢင်းယိင်းၵေႃႉၼိုင်ႈ ႄလႈ လုၵ်ႈဢွၼ်ႇၵေႃႉၼိုင်ႈ လုတၢႆၵႂႃႇသေ ၵူၼ်းမၢတ်ႇၸဵပ်း မီး 10 ၵေႃႉ ဢေႃႈ ၼႆယဝ်ႉ ။

ၵူၼ်းမိူင်းထႅင်ႈၵေႃႉၼိုင်ႈ ဢၼ်ယူႇတီႈသဵၼ်ႈတၢင်းပႃႇရမီႇ ပွၵ်ႉ မၢႆ 1 ၵေႃႈလၢတ်ႈဝႃႈ - ၼႂ်ၼႆႉ မၢၵ်ႇတူၵ်းမႃးၼႂ်းပွၵ်ႉၶဝ် လုၵ်ႈၼိုင်ႈ ။ ဢၼ်တိူဝ်ႉသႂ်ႇၼၼ်ႉ ပဵၼ်ႁိူၼ်းၶဝ် ၊ ၵတ်ႉၵႃႈလႄႈ ၵူၼ်းႁိူၼ်းၶဝ်တင်းသဵင်ႈ လႆႈငိူင်ႉဝႄႈမႃး ၸဵမ်မိူဝ်ႈဝႃးလႄႈ လႆႈလွတ်ႈၽေး ၼႆယဝ်ႉ ။

ၼၢင်းယိင်းလႃႈသဵဝ်ႈၵေႃႉၼိုင်ႈၵေႃႈလၢတ်ႈဝႃႈ - ၼႂ်ၼႆႉ မၢၵ်ႇလူင်တူၵ်းၼႂ်းဝဵင်းလႃႈသဵဝ်ႈတင်းၼႂ် ၊ ငိၼ်းဝႃႈ တူၵ်းႁိမ်းႁွမ်းၵျွင်းၼေႇၶျီႇ ၊ ပွၵ်ႉ 7 ႄလႈ ၵျွင်းလွႆပေႇ ၸိူဝ်းၼၼ်ႉၵေႃႈ ငိၼ်းဝႃႈမၢၵ်ႇလူင်တူင်းမႃး ။ ၵူၺ်းၵႃႈ လႅင်း ၾူၼ်းလႅင်းဢိၼ်ႇတိူဝ်ႇၼႅတ်ႉဢမ်ႇလီလႄႈ ဢမ်ႇလႆႈႁူႉလွင်ႈလုသုမ်း ၼႆယဝ်ႉ ။
ၵူၼ်းလႃႈသဵဝ်ႈၵေႃႉၼိုင်ႈ တႅမ်ႈတၢင်ႇဝႆႉဝႃႈ ၼႂ်ၼႆႉ ဝၼ်းထိ 10 ယၢမ်းၵၢင်ၼႂ်မွၵ်ႈ 10 မူင်း မၢၵ်ႇလူင်တူၵ်းမႃးၼႂ်းပွၵ်ႉႁၢတ်ႇၵႃ လႃႈသဵဝ်ႈလႄႈ တိူဝ်ႉၺႃးႁိူၼ်းၸၢဝ်းၶႄႇလင်ၼိုင်ႈ လႆႈလုၵွႆၵႂႃႇ ။ ယိင်းဢွၼ်ႇၵေႃႉၼိုင်ႈ မၢတ်ႇၸဵပ်းတီႈမိုဝ်းၼၢင်း ၼႆယဝ်ႉ ။

မိူဝ်ႈဝႃး ဝၼ်းထိ 9 ယၢမ်းႁူဝ်ၶမ်ႈၼႆႉၵေႃႈ မၢၵ်ႇတူၵ်းသႂ်ႇၼႂ်းဝၢင်းႁိူၼ်းလင်ၼိုင်ႈ ဢၼ်မီးၼႂ်းပွၵ်ႉမၢႆ ( 1 ) တီႈၼိုင်ႈ ။ တူၵ်းႁိမ်းၵျွင်းၶႄႇ တီႈၼိုင်ႈလႄႈ ႁိူၼ်းေယးလႆႈလုၵွႆ ၼႆယဝ်ႉ ။

ၵူၼ်းၼႂ်းပိုၼ်ႉတီႈထႅင်ႈၵေႃႉၼိုင်ႈၵေႃႈလၢတ်ႈဝႃႈ တီႈလႃႈသဵဝ်ႈၼႆႉ ၼႂ်းၶၢဝ်းတၢင်းပၢင်တိုၵ်း 1 ဝူင်ႈ ယွၼ်ႉမၢၵ်ႇလူင်တူၵ်းသႂ်ႇလႄႈ ၵူၼ်းမိူင်းဢၼ်ၺႃးမၢၵ်ႇသေ လႆႈလုတၢႆၵႂႃႇၼႆႉ မီးမွၵ်ႈ 30 ဢၼ်မၢတ်ႇၸဵပ်းၵေႃႈ မီးတင်းၼမ်တင်းလၢႆ ၼႆယဝ်ႉ ။

ယၢမ်းလဵဝ် ၶွင်ႇသီႇသိုၵ်းမၢၼ်ႈလႄႈတင်း တပ်ႉသိုၵ်းၵဝ်ႈၵၢင်ႉ MNDAA ၶဝ် ပဵၼ်ပၢင်တိုၵ်းၵၼ် ယူႇတီႈၽၢႆႇၼွၵ်ႈဝဵင်းလႃႈသဵဝ်ႈ ႁိမ်းဝၢၼ်ႈၼမ်ႉႁူး ၊ ဝၢၼ်ႈၵုင်းၺွင်ႇ ၊ ဝၢၼ်ႈမႄႈႁၢၼ်ႇ ၊ ဝၢၼ်ႈၼွင်မွၼ် ၊ ဝၢၼ်ႈၶိူဝ်းၶမ်းၸိူဝ်းၼၼ်ႉ ၼႆယဝ်ႉ ။

08/07/2024

သိုၵ်းၵေႃႇၵၢၼ်ႁၢႆႉသၵသၶဝ် ၵၼ်ႉၸၼ်လူလၢႆ ၶႃႈႁႅမ်တၢႆ ၼၢင်းယိင်း ဢႃႇယု 30 ပီႊ ၵေႃႉၼိုင်ႈသေ ဢဝ်ၾႆးၽဝ်ပႅတ်ႈ ႁိူၼ်းၵူၼ်းမိူင်း 27 လင်

မိူင်းမႅင်ႇ လိူၼ်ၵျူႊလၢႆႊ 08 2024။

မိူဝ်ႈလိူၼ်ၵျူႊလၢႆႊ 07 ဝၼ်း ယၢမ်းၵၢင်ၼႂ် မွၵ်ႈ 5:30 မူင်းၼၼ်ႉ ၸုမ်းၶွင်ႊသီႊသိုၵ်းမၢၼ်ႈၵေႃႇၵၢၼ်ႁၢႆႉ ၸုမ်းၼိုင်ႈ ဢဵၼ်ႁႅင်း 60 ၵေႃႉ ႁွတ်ႈၽႅဝ်တီႈ ဝၢၼ်ႈတဵင်းမၽျူႇသေ ဢဝ်ၵွင်ႈယိုဝ်း၊လွၵ်ႇၵူၼ်းမိူင်းသေလႄႈ

သိုၵ်းၶွင်ႇသီႇသိုၵ်း ဢဝ်ၶူဝ်းၶွင်ၵူၼ်းမိူင်း ၼႂ်းဝၢၼ်ႈ မိူဝ်ႈၵၢင်ၼႂ်သေ ဢဝ်ၾႆးၽဝ်ပႅတ်ႈ ယၢမ်းၵၢင်ၼႂ် မွၵ်ႈ 7:40 မူင်းၼႆသေၵူၼ်းၼႂ်းပိုၼ်ႉတီႈမွၵ်ႇသိုဝ်ႇၶၢဝ်ၶဝ်ၼင်ႇၼႆဢေႃႈ။

ၸုမ်းၵေႃႇၵၢၼ်ႁၢႆႉ ၶွင်ႇသီႇသိုၵ်းမၢၼ်ႈၶဝ် ၵၼ်ႉၸၼ်လူလၢႆ ၶႃႈႁႅမ်တၢႆ တေႃႇၽူင်းဝိၼ်း ဢႃႇယု 30 ပီႊၶိုၼ်ႈၼိူဝ် တီႈဝၢၼ်ႈဢူဝ်ႇရိၼ်ႇသေ ဢဝ်ၾႆးၽဝ်ပႅတ်ႈ ႁိူၼ်းၵူၼ်းမိူင်း 27 လင် ၼႆယဝ်ႉ။

ယၢမ်းၵၢင်ၼႂ် 9 မူင်းပၢႆၼၼ်ႉ သိုၵ်းၶွင်ႇသီႇသိုၵ်းၵေႃႇၵၢၼ်ႁၢႆႉ ပွၵ်ႈမိူဝ်းၶိုၼ်းတီႈဝၢၼ်ႈတဵင်းမႃႇသေ တိၺွပ်းဢဝ်ၵူၼ်းမိူင်းၼႂ်းပိုၼ်ႉတီႈ 20 ပၢႆ ပႃးၸဵမ်လုၵ်ႈဢွၼ်ႇ ၸိူဝ်းပႆႇတဵမ်ဢႃႇယုၼႆယဝ်ႉ။

မိူဝ်ႈလိူၼ်ၵျူႊလၢႆႊ ဝၼ်းတီႈ 5 ပူၼ်ႉမႃး ယၢမ်းၵၢင်ၼႂ် 8:40 မူင်း ၼၼ်ႉယွၼ်ႉၵွင်ႈလူင် ဢၼ်လုၵ်ႉတၢင်းဝၢၼ်ႈတဵင်း ပိုတ်းယိုဝ်းမႃးလႄႈ ၵူၼ်းမိူင်းလႆႈလူႉတၢႆ 1 ၵေႃႉ (1) ၵေႃႉ မၢတ်ႇၸဵပ်း 1 ၵေႃႉ ဝႃႈၼႆ။

#ၵၢၼ်လုၵ်ႉၽိုၼ်ႉၶၢဝ်းမၢႆႈ - ဝဵင်းမျၢၼ်ႇ

06/07/2024

🟢 တီႈၵူတ်ႉၶၢႆႇၼၼ်ႉ ယွၼ်ႉႁိူဝ်းမိၼ်သိုၵ်းမၢၼ်ႈမႃးယိုဝ်းလႄႈ သိုၵ်းၵဝ်ႈၵၢင်ႉၵေႃႉၼိုင်ႈ လႆႈလူႉတၢႆမၢတ်ႇၸဵပ်းထႅင်ႈၵေႃႉၼိုင်ႈ

လိူၼ်ၵျူႊလၢႆႊ 6 ဝၼ်း

ၵူၼ်းမိူင်းလၢတ်ႈဝႃႈ ယွၼ်ႉသိုၵ်းၶွင်ႇသီႇသိုၵ်း ဢဝ်မၢၵ်ႇပွႆႇသႂ်ႇ ဝဵင်းၵူတ်ႉၶၢႆႇ ဢၼ်တပ်ႉသိုၵ်း TNLA ၵုမ်းၵမ်ဝႆႉသေ ဢမ်ႇပဵၼ်ပၢင်တိုၵ်းသင်သေသိုၵ်းမၢၼ်ႈဢဝ်ႁိူဝ်းဝိၼ်ပွႆႇသႂ်ႇ ၵူၼ်းသိုၵ်း MNDAA သေ လႆႈလူႉတၢႆၵေႃႉၼိုင်ႈ မၢတ်ႇၸဵပ်းထႅင်ႈၵေႃႉၼိုင်ႈ ဝႃႈၼႆ။

မိူဝ်ႈဝႃး လိူၼ်ၵျူႊလၢႆႊ ဝၼ်းထီႉ 5 ယၢမ်းၵၢင်ၼႂ် 12:40 မူင်းၼၼ်ႉၵူၼ်းၼႂ်းပိုၼ်ႉတီ လၢတ်ႈဝႃႈ ႁိူဝ်းဝိၼ်မႃးသွင်ပွၵ်ႈ တီႈသူၼ်ဝူဝ်း ႁိမ်းလွႆသေးရႄႇ တၢင်းဢွၵ်ႇဝဵင်းၵူတ်ႉၶၢႆ ၼၼ်ႉသေဢဝ်မၢၵ်ႇမႃးပွႆႇသႂ်တပ်ႉMNDAAဢၼ်ပၵ်းသဝ်းဝႆႉယူႇၼၼ်ႉလႄႈၽၢႆႇMNDAAလႆႈလူႉတၢႆၵေႃႉၼိုင်ႈမၢတ်ႇၸႅပ်းၵေႃႉၼိုင်ၼႆဢေႃႈ။

ၼၢင်းယိင်းၵူၼ်းၵူတ်ႉၶၢႆးၵေႃႉၼိုင်ႈလၢတ်ႈဝႃႈ- တီႈၼၼ်ႈမီးသိုၵ်းၶႄႇ၊ ဢမ်ႇမီးၵူၼ်းမိူင်းယူ မၼ်းလၢတ်ႈဝႃႈ MNDAA တၢႆၵေႃႉၼိုင်ႈ။ မၢတ်ႇၸဵပ်းၵေႃႉၼိုင်ႈ- ဝႃႈၼႆ။

လႆႈငိၼ်းဝႃႈ သိုၵ်းၵူဝ်ႇၵၢင်ႉ ၵေႃႉၼိုင်ႈ ဢၼ်မၢတ်ႇၸဵပ်းၼၼ်ႉ လႆႈယူတ်းယႃတူဝ်ဝႆႉတီႈႁူင်းယႃ ဝဵင်းၵူတ်ႉၶၢႆ ဝႃႈၼႆ။

ထႅင်ႈၽူႈၸၢႆးၵေႃႉႁူႉၸွမ်းလွင်ႈၼႆႉလၢတ်ႈဝႃႈ လိူဝ်သေႁၢၼ်သွင်ၵေႃႉ လႆႈတိူဝ်ႉဝၢတ်ႇၸဵပ်းယွၼ်ႉမၢၵ်ႇတႅၵ်ႇၼၼ်ႉယဝ်ႉ ဝူဝ်းၵႂၢႆး 6 တူဝ်ၵေႃႈ တိူဝ်ႉၺႃးတၢႆထႅင်ႈ ဝႃႈၼႆ။

မိူဝ်ႈလိူၼ်ၵျူႊလၢႆႊ ဝၼ်းတီႈ 4 ပူၼ်ႉမႃး မိူဝ်ႈၸဝ်ႉၸဝ်ႉၼၼ်ႉၵေႃႈ ၶွင်ႊသီႊသိုၵ်း ဢဝ်မၢၵ်ႇပွႆႇမၢၵ်ႇ တီႈႁိမ်းႁူင်းပလိၵ်ႈ ပွၵ်ႉ (2) တီႈဝဵင်းသိၼ်ႈဝီသေ ႁဵတ်းႁႂ်ႈ ႁိူၼ်းယေးလူႉၵွႆ ဢမ်ႇယွမ်း 10 လင် ဝႃႈၼႆ။

ၶႅပ်းႁၢင်ႈ - ၸုမ်းၵူဝ်ႇၵၢင်း
~ ~ ~

VOA Shan News _ၶဝ်ႇvoaတႆး

14/03/2025

18/08/2024

09/08/2024

28/07/2024

27/07/2024

20/07/2024

20/07/2024

15/07/2024

10/07/2024

10/07/2024

08/07/2024

06/07/2024

Address

Opening Hours

Telephone

Website

Alerts

Contact The Business

Shortcuts

Share

Category