Nadi Mingalar

05/05/2024

05/05/2024

❁ သဗ္ဗဒါနံ ဓမ္မဒါနံ ဇိနာတိ_အလှူအားလုံးတို့တွင် တရားအလှူသည် အမြတ်ဆုံးဖြစ်၏။
❁ ဓမ္မကို ဖြန့်ဝေသောသူသည် "သာသနာပြုသူ" မည်ပါ၏။
ဓမ္မကို ဖြန့်ဝေခြင်းမှာ "ပတ္တိဒါနကုသိုလ်" ဖြစ်ပါ၏။
"သုခိ အတ္တာနံ ပရိဟရန္တု"- "မိမိကိုယ်ကိုချမ်းသာအောင် ဆောင်ရွက်နိုင်ကြပါစေ။ "
🙏🙏🙏

05/05/2024

#မာန_မထားထိုက်သော_ပုဂ္ဂိုလ်များ
~~~~~~~~~~~~~~~~~~~~~~~~~

၁။ မိခင်အပေါ်မှာ မာန မထားရပါ။
၂။ ဖခင်အပေါ်မှာ မာန မထားရပါ။
၃။ အစ်ကိုကြီး၊ အစ်မကြီးတို့ အပေါ်မှာ မာန မထားရပါ။
၄။ ဆရာသမားတို့ အပေါ်မှာ မာန မထားရပါ။
၅။ ရဟန္တာ စသော အရိယာသူတော်ကောင်းတို့ အပေါ်မှာ မာန မထားရပါ။

ထိုပုဂ္ဂိုလ်များ အပေါ်မှာ မာနမထားပဲ ရိုသေရာ၏၊ လေးစားရာ၏၊ ပူဇော်ရာ၏။

ထိုပုဂ္ဂိုလ်တို့သည် ပူဇော်ထိုက်သော ပုဂ္ဂိုလ်များ ဖြစ်ကြပါသည်။

( ဗြဟ္မဏသံယုတ်၊ မာနတ္ထဒ္ဓသုတ် )

မေတ္တာဖြင့် -

#ဦးမြင့်ခိုင်, & SAI MYO WIN
https://www.facebook.com/sai.myowin.731

03/05/2024

❒ ခန္ဓာလွတ်မှအဖိုးတန်တယ်

အပါယ်လေးပါးလွတ်ရုံ ဒကာကြွယ်ရေ မတော်သေးဘူးပေါ့ဗျာ (မှန်ပါ့)၊ ခန္ဓာလွတ်မှ အဖိုးတန် တယ် (မှန်ပါ့)။

ဒီခန္ဓာဒုက္ခသစ္စာကြီးနဲ့ကို လွတ်ရေး, ကျွတ်ရေး ဧကန် တစ်ခါတည်း ပြီးသွားမှသာလျှင်

ဦးမာဒင်ရေ အရေး အကြီးဆုံးကိစ္စ ပြီးပါတယ် (မှန်ပါ့)။

နို့မဟုတ်ရင်ဖြင့် ခန္ဓာဝန်ရှိနေတော့ ရဟန္တာတောင်မှ ဟို- မင်းတွေ ဘာတွေက ပြစ်မှားလို့

ဒယ်အိုးထဲထည့် ပြီး ဆီနဲ့အကြော်ခံရတာ ရှိသေးတယ် (မှန်ပါ့)။

ဘယ့်နှယ်ကြောင့် ရဟန္တာ ဆီကြော်ခံရပါလိမ့်မတုံးဆိုတော့

ရဟန္တာခံရတာ မဟုတ်ဘူး၊ ခန္ဓာအကြော်ခံရတာ (မှန်ပါ့)။

အဲဒီတော့ မင်းပြစ်စိုးဒဏ်တွေက ကင်းရဲ့လား (မကင်းပါ ဘုရား)၊

မကင်းသေးလို့ရှိရင်ဖြင့် ဒါ ကိလေသာ အတွက်လား ခန္ဓာ့အတွက်လား (ခန္ဓာ့အတွက်ပါ ဘုရား)။

ကိလေသာတွေကတော့ ရဟန္တာဖြစ်ကတည်းက ကိလေသာဒဏ်ချက်ကတော့ ကုန်ပါပြီ (မှန်ပါ့)၊

ခန္ဓာဒဏ်ချက် က မကုန်သေးတော့ ခုနင်က ဆီကြော်ခံပြီး အသတ်ခံရတဲ့ ရဟန္တာ,

ရှင်သာရိပုတ္တရာတို့ သွေးအန်တာတွေက ဟင် (မှန်ပါ့)။

ရှင်မောဂ္ဂလ္လာန်တို့ ခိုးသားရိုက်ပြီး သေရဆိုတာတွေ ကိလေသာကတော့ ကုန်ပြီးသား (မှန်ပါ့)၊

ခန္ဓာကျန်နေလို့ ဒကာ ဒကာမတို့ အရုပ်ဆိုးသေခြင်းဖြင့် သေရရှာတယ် (မှန်ပါ့)၊ မသေရဘူးလား (သေရပါတယ် ဘုရား)။

အဲဒါ ဘယ်သူ့အတွက်ပါလိမ့် (ခန္ဓာ့အတွက်ပါ)၊ ဒါဖြင့် ဒကာကြွယ်ရေ ခုနစ်ဘဝဟာ လွန်တယ် (မှန်ပါ့)၊

အရိုက်ခံချင်သေးလို့ပဲ (မှန်ပါ့)၊ ဒီအဓိပ္ပာယ်မကျဘူးလား (ကျပါတယ် ဘုရား)။


#မိုးကုတ်ဆရာတော်ဘုရားကြီး

(၂၁-၉-၆၁)ဟောတရားမှ ထုတ်နှုတ်ပူဇော်ပါသည် 🙏

#အပါယ်လေးပါး #ခန္ဓာ #ဒယ်အိုး #ရဟန္တာ #တရား

02/05/2024

ကျုပ်ကို ဖူးရုံသက်သက်နဲ့တရားမရနိုင်ပါဘူး

ပုံတောင်ပုံညာတောဘက်တုန်းကလည်း
ကျုပ် အတိအလင်း ကြေညာပြီး
မေတ္တာရပ်ခံခဲ့ပြီးသားပါ။
ဒီသုံးနှစ်တော့ ကျုပ်အလုပ်ကို ကျုပ် ဖြောင့်အောင် လုပ်ပါရစေဆိုတာလေ။
ဒါလည်း စကား နားမထောင်ကြပါဘူးဗျာ။
နည်းမျိုးစုံနဲ့လိုက်လာကြတာပါပဲ။
လိုက်လာလေ ပိုဆိုးလေဖြစ်မယ်ဆိုတာ ကျုပ်လည်း စကားနဲ့တွင်မက အလုပ်နဲ့သက်သေပြခဲ့ပြီးပါပြီဗျာ။
အခု ဒီမဟာမြိုင်တောမှာလည်း ကျုပ် ဒီမူကိုပဲ ဆက်ကျင့်သုံးမှာပဲ။
သုံးနှစ်တိတိ ဘယ်သူနဲ့မျှ မတွေ့ချင်ဘူးဗျာ။ကျုပ်လုပ်ရမယ့်
အလုပ်တွေ ရှိနေသေးလို့ ဒီတရားအလုပ်ကိုဖြောင့်အောင်လုပ်နိုင်ဖို့ ကျုပ်ပြောထားတဲ့ စကားကို နားထောင်ကြဖို့ မေတ္တာရပ်ခံချင်တာပါ။

လူတွေကလည်းဗျာ။နာမည်ကြားဖူးလို့ ပွဲကြည့်သလို ကြည့်ရအောင် လာတာမျိုး များပါတယ်ဗျာ။
ပညာလိုချင်လို့ လာတဲ့လူ မရှိသလောက်ပါပဲ။
ကျုပ်မှာကလည်း ကျုပ်ဒုက္ခနဲ့ ကျုပ်ဗျ။

တစ်တော၊တစ်တောင်ကို သုံးနှစ်စီ အဓိဋ္ဌာန်နဲ့သီတင်းသုံးခဲ့လေတော့ အခု တောထွက်လာတာ နှစ်ဆယ့်သုံးနှစ်ထဲမှာဆိုတော့ နေရာများခဲ့သလို
တပည့်ဒကာတွေ များခဲ့လေတော့ ဘာရယ်မဟုတ်၊ သံယောဇဉ်နဲ့ နောက်က တကောက်ကောက်လိုက်နေကြတာဗျ။
သူတို့တွေကို အလုပ်လုပ်ကြဖို့ အလုပ်စခန်းတွေ ကျုပ် လုပ်ပေးခဲ့ပြီးပါပြီ။ တရားတွေ ဟောခဲ့တာလည်း မနည်းတော့ပါဘူးဗျာ။
အခုရော ကျုပ်ကိုယ်စား ကျုပ်ရေးထားတဲ့ ကျမ်းစာအုပ်တွေနဲ့ သူ့တို့ အကျိုးကို ဆောင်နေတာပဲ မဟုတ်လား။
တော်ရောပေါ့ဗျာ။ကျုပ်လုပ်ရမယ့် အလုပ်ကို အနှောင့်အယှက်ကင်းကင်းနဲ့ လုပ်ပါရစေတော့။

အင်း ... ပုထုဇဉ်တွေဆိုတာ အစွဲစိတ်က များလေတော့
ဟိုလူ့ကျတော့ အခွင့်အရေးပေးတယ်။ဟိုအသင်းအဖွဲ့
ကျတော့ မျက်နှာလိုက်တယ်။သူတို့က မူလပထမပါနဲ့
စုံလို့ဗျာ။နောက်က အကြွေးတောင်းသလို
လိုက်နေကြတာ၊မပြီးတော့ပါဘူးဗျာ။ကိုယ့်အလုပ် ကိုယ်လုပ်နေကြပါတော့လားဗျာ။
ကျုပ်နောက်လိုက်နေရင် ပုဂ္ဂိုလ်ကိုပဲ တွေ့ရမှာပေါ့ဗျာ၊
ဓမ္မကို တွေ့ချင်ရင် ကျုပ်ဟောခဲ့တဲ့တရားတွေ၊
ကျုပ်ရေးခဲ့တဲ့ ကျမ်းစာတွေက တစ်ဆင့် ဓမ္မကို
ချဉ်းကပ်နိုင်ပါသဗျာ။ဒါတွေဟာလည်း ကျုပ်ကအဆန်းထွင်ပြီး ပြောတာ တစ်ခုမျှ မပါပါဘူးဗျာ။
အဖဘုရားရှင် ဟောမိန့်ခဲ့တာတွေကို
ကျုပ်က တဆင့်ပြန်ပြောခဲ့တာချည်းပါဗျာ။

အဲဒီတော့ ကျုပ်ကို ပုဂ္ဂိုလ်ရေးအရ ဆည်းကပ်ကိုးကွယ်နေတာထက် ဘုရားစကားကို ပိုပြီးနားထောင်ဖြစ်အောင် ကြိုးစားဖို့ မလိုဘူးလားဗျာ၊အဲဒီလို ဘုရားစကားကို နားထောင်တယ်ဆိုရင် ဘုရားလုပ်ခိုင်းတဲ့အလုပ်ကို
လုပ်ဖြစ်နေရင် ဘုရားအလိုကျ သတိပဋ္ဌာန်တရားကို အားထုတ်နေရင် ပုဂ္ဂိုလ်လိုသေးလို့လားဗျာ။
ကျုပ်အနားမှာ နေရုံနဲ့တရားမရ၊
နိဗ္ဗာန်မရောက်နိုင်ပါဘူးဗျ။
ကျုပ်ကို ဖူးရုံသက်သက်နဲ့လည်း တရားမရနိုင်ပါဘူးဗျ။
နိဗ္ဗာန်မရောက်နိုင်ပါဘူးဗျ။

ဘုရားကို ပုဂ္ဂိုလ်ခင် ခင်ပြီး နောက်ကတကောက်ကောက်လိုက်ဖူးနေတဲ့ ဝက္ကလိရဟန်းကို ဘုရားရှင် ဘယ်လို ဆုံးမခဲ့တယ်ဆိုတာလည်း အားလုံးသိကြပြီးသားပါဗျာ။
တရားအားထုတ် နေတယ်ဆိုရင်ပဲ ကျုပ်ကို
လုပ်ကျွေးတာထက်၊ ပုဂ္ဂိုလ်ရေး လာဖူးနေတာထက်
ပိုပါတယ်ဗျ။

ကျုပ်နဲ့ အတူတူတွေ့လိုသပဆိုရင်
ကျုပ်တွေ့နေတဲ့အာရုံကို ထပ်တူထပ်မျှ တွေ့အောင်ကြိုးစားလုပ်ကြဖို့ပါဗျာ။ ဒါဆိုရင် ကျုပ်နဲ့ အမြဲတမ်း
တွေ့ခွင့် ရနေမှာပါပဲဗျာ၊ ရှေ့က သွားနှင့်ကြတဲ့
ဘုရားရှင်နဲ့တကွသော ရဟန္တာအရိယာများအားလုံး
အဲဒီလိုပဲ နှလုံးသွင်းဆင်ခြင်ပြီး အားထုတ်သွားကြတော့
နိဗ္ဗာန်ဆိုတဲ့ မဂ်ရဲ့အာရုံမှာ အတွေ့တွေ တူလို့
အတူတွေ့နေကြတယ် မဟုတ်လားဗျာ

မဟာဗောဓိမြိုင်ဆရာတော်ကြီး🙏🙏🙏

Ashin Jotika. 2.5.2024

30/04/2024

🛑 ဆရာတော်ဘုရားကြီး ၏(ခန္ဓာဝန်ချ) နိဗ္ဗာန်နန်းသို့
ကြွမြန်းတော်မူပုံ
🙏 မည်သည့်ရောဂါမျှမရှိပဲခန္ဓာဝန်ချခြင်းဖြစ်ပါသည်

▪️မဟာဗောဓိမြိုင်ဆရာတော်ဘုရားကြီးသည်
ကျမ္မာရေးအနေဖြင့် ကြီးကြီးမားမား မရှိပါ...ယခင်က သွေးတိုး၊ ဆီးချို စသဖြင့် ဝေဒနာခံစားရသည်ဟု မထင်ရအောင် တရားနှလုံးသွင်းနိုင်သော မထေရ်မြတ်ကြီးပင် ခန္ဓာဝန်ချတော်မူသော ကျောင်းတော်၌ပင် ကျောင်းစောင့် ကပ္ပိယပင်မထားဘဲ တစ်ပါးတည်း ဧကစာရီအကျင့်ဖြင့် နေတော်မူခဲ့ပါသည်။ ကျောင်းတော်သို့ ဆွမ်းပို့ကျောင်းသားပင် မတွေ့ရမြင်ရအောင် နေထိုင်ကျင့်ကြံခဲ့ပါ၏၊၊

▪️ဆရာတော်ဘုရားကြီး ကျမ္မာရေးမကောင်းခဲ့ပါလျှင် ကျောင်းမှ အချက်ပြမီးလုံးလေးဖြင့် ပြသအချက်ပေးလိမ့်မည်ဟုသာ ဆိုထားခဲ့၏။ ဆရာတော်ဘုရားကြီး ခန္ဓာဝန်ချသွားတော်မူသည်မှာ..ကျိန်းစက်၍လည်း မဟုတ်၊ ဝေဒနာခံစားရ၍လည်းမဟုတ်၊ နွေဥတု၏ အပူဒဏ်ကြား၌ပင် ပွင့်ထွန်းတော်မူခဲ့ပြီးသော ဘုရားအဆူဆူတို့အားလည်းကောင်း..နောင်ပွင့်တော်မူမည့်ဘုရားရှင်တို့အားလည်းကောင်း..တရားဖြင့်ပူဇော်၍
တရားရှုမှတ်ပွားများရင်း ဗောဓိအောင်နန်းမြန်းကြွတော်မူခဲ့ခြင်းသာဖြစ်၏။ နိဗ္ဗာန်နန်းသို့ ကြွမြန်းတော်မူခဲ့ပြီဖြစ်သော ဆရာတော်ဘုရားကြီး ၏ တပည့်ဝေနေယျများအနေဖြင့် နွေနေပူအောက်မှာ ဘယ်လောက်ပူဆွေးနေမလဲဆိုတာ သိပါသော်လည်း တရားဖြင့်နှလုံးသွင်း၍ ပူဇော်ကန်တော့နိုင်ကြပါစေ။

Credit: kokolatt_shwemahar 🙏🏻🌿

27/04/2024

စိတ်ကို ရှာဖွေခြင်း
~~~~~~~~~~~

ဗီယက်နမ် မြောက်ပိုင်းနဲ့ တောင်ပိုင်းရှိ မဟာယာနကျောင်း တော်တော်များများကို ရောက်တဲ့အခါ သူတို့ရဲ့ ဘုရားကျောင်းဆောင်ထဲမှာ မုတ်ဆိတ်မွေးနဲ့ မျက်လုံးပြူးပြူး ရုပ်တုတစ်ခုကို အမြတ်တနိုး ပူဇော်ထားကြတာ သတိထားမိတယ်။

အဲ့ဒီ ရုပ်တုအကြောင်းကို မေးမြန်းကြည့်တော့ တရုတ်ပြည်မှာ ချန် ဗုဒ္ဓဘာသာကို စတင်တည်ထောင်သူဖြစ်ကြောင်း သိရတယ်။

ဂျပန်မှာ ဇင် ဗုဒ္ဓဘာသာ လို့ ခေါ်တယ်၊ ဒါ့ကြောင့် သူ့ကို Father of Zen Buddhism (ဇင် ဗုဒ္ဓဘာသာဝင်တို့ရဲ့ ဖခင်ကြီး) လို့ လူ သိများတယ်။

သူက အိန္ဒိယနိုင်ငံသား ဖြစ်ပြီး နာမည်က ဘိက္ခု ဗောဓိဓမ္မ တဲ့။

သူနဲ့ ပတ်သက်ပြီး ဒဏ္ဍာရီဆန်ဆန် ဖြစ်ရပ်များလည်း ရှိကြောင်း သိရတယ်၊

သူ တရားပြပုံက အလွန်ရိုးရှင်းပါတယ်၊

တစ်ခါတုန်းက ဘုရင်တစ်ပါးက ရောက်လာပြီး

" အရှင်ဘုရား ! တပည့်တော် စိတ်မချမ်းမသာ ဖြစ်နေလို့ စိတ်ချမ်းသာမယ့် နည်းလမ်းလေး ပေးသနားတော်မူပါ" လို့ ဘိက္ခု ဗောဓိဓမ္မကို လျှောက်ထားတယ်၊

" ဒီလိုဆိုရင် ဘာမှ လုပ်မနေနဲ့၊ ဆင်းရဲနေတဲ့ သင့်ရဲ့ စိတ်ကို ငါ့ဆီ ယူလာခဲ့" လို့ ဗောဓိဓမ္မက ပြန်ပြောလိုက်တယ်၊

ဘုရင်က ဘာပြန်ပြောရမှန်း မသိ၊ စိတ်ကို ယူပြလို့မှ မရတာကိုး။

ဗောဓိဓမ္မက ဆက်ပြောတယ်၊

" ငါက အခု ယူလာခိုင်းတာ မဟုတ်ဘူး၊ မနက်ဖြန် မနက်မှ ယူလာခဲ့ဖို့ ပြောတာ"

ဒါနဲ့ နောက်တစ်နေ့ မနက် ဗောဓိဓမ္မပြောတဲ့အတိုင်း ရှင်ဘုရင်လည်း အရောက်လာခဲ့တယ်။

"မင်းကြီး ရောက်လာပြီလား"

" ရောက်လာပါပြီဘုရား"

" ငါ ယူခိုင်းတာရော ပါရဲ့လား"

" စိတ်ကို ဘယ်လိုလုပ် ယူလာပြလို့ ရမလဲ၊ အရှင်ဘုရား အဓိပ္ပါယ်မရှိတာကို ခိုင်းနေတာပဲ"

" ငါ အဓိပ္ပါယ် မရှိတာကို မခိုင်းဘူး"

" ဒီလိုဆိုရင် အခု တပည့်တော် အရှင်ဘုရားဆီကို ရောက်လာပြီ၊ တပည့်တော်စိတ်လည်း ပါလာတာပဲလေ၊ နန်းတော်မှာ ထားခဲ့လို့မှ မရတာ"

" မင်းကြီးနဲ့ အတူ စိတ်ပါလာတာကို လက်ခံလား"

" လက်ခံပါတယ်ဘုရား"

" မင်းကြီးနဲ့ အတူ စိတ်ပါလာတာ သေချာရင် မျက်လုံးလေး မှိတ်ပြီး ခန္ဓာကိုယ် ဘယ်နေရာမှာ အဲ့ဒီစိတ် ရှိနေမလဲ၊ ရှာကြည့်စမ်းပါ၊ ရှာလို့ ရရင် စိတ်ချမ်းသာအောင် ငါကုပေးနိုင်လိမ့်မယ်"

ရှင်ဘုရင်လည်း ဘိက္ခု ဗောဓိဓမ္မ ပြောတဲ့အတိုင်း မျက်လုံးလေး မှိတ်ပြီး သူ့ကိုယ်ထဲ စိတ်ကို ရှာနေခဲ့တယ်၊

စိတ်တွေက အမျိုးမျိုး ပေါ်လိုက် ပျောက်လိုက်၊ ဝမ်းနည်းလိုက် ဝမ်းသာလိုက်၊ ငြိမ်နေလိုက် လွင့်ထွက်သွားလိုက်၊ စိတ်ကို ရှာဖွေရင်း ရှာဖွေရင်း စိတ်ရဲ့ သဘာဝကို ရှင်ဘုရင် နားလည်လာတယ်။ စိတ်ဆင်းရဲခြင်း စိတ်ချမ်းသာခြင်း ဘယ်စိတ်မှ အမြဲ တည်တံ့ မနေတာကို သိလာတယ်။

မျက်လုံးလေး မှိတ်ပြီး စိတ်ကို ရှာဖွေနေတဲ့ ဘုရင်ကြီးဟာ အချိန်တွေ ဘယ်လို ကုန်သွားမှန်းတောင် မသိလိုက်။

အချိန် အတော်ကြာကြာ စိတ်ကို ရှာဖွေပြီးမှ

" အရှင်ဘုရား တပည့်တော် ဘာစိတ်မှ မတွေ့ပါဘုရား"

" အေး စိတ်ဆိုးလာရင် စိတ်ဆင်းရဲလာရင် ဒီလိုပဲ မျက်လုံးမှိတ်ပြီး လိုက်ရှာကြည့်၊ အဲ့ဒီ စိတ်ယုတ် စိတ်ပုပ် ဘယ်နေရာမှာ ရှိလဲ ရှာကြည့်၊ ဘယ်မှာမှ ရှိမနေတာကို သိရင် ငြိမ်းချမ်းပြီပဲ"

" တပည့်တော် သဘောပေါက်ပါပြီဘုရား"

# Photo from internet

25/04/2024

တကယ့်အားဆေးပါ
( ဖတ်စေချင်တယ်၊ သံသရာအထိ အကျိုးရှိတယ် )

# သောတာပန်ဖြစ်ပုံ လေးမျိုး...”
**************************

၁။ # သောတာနုဂမန–
ဗုဒ္ဓရဲ့တရားတော်တွေကို နားယဉ်အောင်
နားကြားထားသော ပုဂ္ဂိုလ်။

၂။ # ၀စသာပရိစယ
ဗုဒ္ဓရဲ့တရားတော်တွေကို နှုတ်ဖြင့်
လေ့ကျက်ထားသော ပုဂ္ဂိုလ်။

၃။ # မနသာနုပကခြနေ
ဗုဒ္ဓရဲ့တရားတော်တွေကို
စိတ်ဖြင့် ဆင်ခြင်နေသော ပုဂ္ဂိုလ်။

၄။ # ဒိဋ္ဌိယာသုပ္ပဋိဝေဓ
ရုပ်နာမ်ပဲရှိတယ်။ ငါဆိုတာ .. မရှိပါလားလို့
ပညာဖြင့် ထိုးထွင်း၍ သိထားသော ပုဂ္ဂိုလ်။

ဒီပုဂ္ဂိုလ် လေးဦးလုံးဟာ
သေခါနီး ရောဂါပြင်းထန်၍
ဘုရားတရား မေ့သွားတောင် အပါယ်မကျဘဲ

၁။ နတ်ပြည်ရောက်တာနဲ့ ချက်ခြင်း သောတပန်တည်ပါတယ်။

(သို့)

၂။ အရှင်မဟာမောဂ္ဂလာန်မထေရ်ကဲ့သို့
တန်ခိုးကြီးတဲ့ ရဟန္တာမထေရ်တစ်ပါးပါး
နတ်ပြည်တက်လာပြီး ဟောကြားတဲ့ တရားကို
နာရတဲ့အခါ ..
လူ့ဘ၀တုန်းက
ငါ..ကျင့်ကြံအားထုတ်ခဲ့တဲ့ တရားဟာ
ဒီတရားမျိုးပဲလို့ သတိရပြီး သောတာပတ္တိမဂ်ကို
လျင်မြန်စွာ ရတတ်ပြန်တယ်။

(သို့)

၃။ ပဉ်စာလစဏ်ဍ၊ အတ်ထက ဗွဟ်မာ သနကျုမရ
ဗြဟ္မာ အစရှိတဲ့ ဓမ္မကထိက နတ်သားတစ်ပါးပါး
ဟောတဲ့တရားကို နာရတဲ့အခါ .. လူ့ဘ၀တုန်းက
ငါ ကျင့်ကြံ အားထုတ်ခဲ့တဲ့ တရားဟာ
ဒီတရားမျိုးပဲလို့ သတိရပြီး သောတာပတ္တိမဂ်ကို ရပြန်တယ်။

(သို့)

၄။ လူ့ဘ၀က တရားအတူနာဘက်
အတူအားထုတ်ဖက် နတ်သား နတ်သမီးချင်း တွေ့ပြီး
တရားအကြောင်း ဆွေးနွေးမိရာကနေ
သောတာပတ္တိမဂ်ကို ရသွားပြန်တယ်။

( ထိုလေးနည်းက တစ်နည်းနည်းဖြင့်
သောတာပန် တည်ရကြောင်း
ဗုဒ္ဓက ဟောတော်မူထားပါတယ် )

အင်္ဂုတ္တိုရ် ပါဠိတော်၊သောတာနုဂတသုတ်

( crd... မူရင်း )
မျှဝေကုသိုလ်ပြုပါ၏ 🙏🙏🙏