MM Hindu Media

28/07/2021

အောက်ဆီဂျင်ရှူနေရသော Covid ဝေဒနာရှင်များ အောက်စီဂျင်နှင့် ဆက်စပ်ပစ္စည်းများ အခမဲ့ဌားရမ်းလိုပါက အောက်ပါ Pageတွင် သွားရောက် ဆက်သွယ်အကူညီတောင်းနိုင်ပါသည်။

အရေးပေါ်ကြုံရင် HORN ခလုတ်ကိုနှိပ်လိုက်ပါ။ HORN မှကူညီရန်အသင့်။❣

Hindu Oxygen Rescue Network - HORN

Hindu Oxygen Rescue Network( HORN ) was founded in collaboration with Hindu Families to fight against Covid-19 and to provide necessary supports for the people in Myanmar.

27/07/2021

Hindu Oxygen Rescue Network (HORN)

HORNကို ဟိန္ဒူမိသားစုများ ပူးပေါင်း၍ မြန်မာနိုင်ငံရှိ ပြည်သူလူထုအား Covid 19 ကာကွယ်ကုသရေးနှင့် လိုအပ်ချက်များကို အချိန်နှင့်တပြေးညီ ကူညီဆောင်ရွက်ပေးရန် ရည်ရွယ်၍ ဖွဲ့စည်းထားပါသည်။

ကျွန်တော်တို့ HORN အဖွဲ့မှ ကူညီပေးနိုင်မယ့် အရာများကတော့ အောက်ဆီဂျင်ရှူနေရသော Covid ဝေဒနာရှင်များကို အောက်ဆီဂျင်အိုးဖြည့်နေသောကာလ (သို့) ​အိုးမရှိသောအိမ်များတွင် အောက်စီဂျင် စီမံနေသည့် အချိန်ကာလတွင် အောင်စီဂျင်ပြတ်တောက်မှုမဖြစ်စေရန်

1. Oxygen Cylinderအိုး ငှားရမ်းပေးခြင်း
2. Oxygen(10L,15L) အရည်ဖြည့်ပေးခြင်း
3. Oxygen Flow Meter ငှားရမ်းပေးခြင်း
4. Oxygen Concentrator ( 6 နာရီ သို့မဟုတ် ညတစ်ည) ငှားရမ်းပေး​ခြင်း

စသည်တို့ကို အခမဲ့ ဆောင်ရွက်ပေးမည်ဖြစ်ပါ၍ ရန်ကုန်တိုင်းအတွင်းရှိ လူမျိုးမရွေးဘာသာမရွေး နံနက်(၉)နာရီမှ ညနေ(၆)နာရီ အတွင်း ဆက်သွယ်ကူညီတောင်းနိုင်ပါသည်။

*** ပစ္စည်းများကို ငှားရမ်းအသုံးပြုပြီး တခြားလူ အသုံးပြုနိုင်ရန် အကောင်းတိုင်းသာပြန်လည်အပ်နှံပေးပါရန်မေတ္တာရပ်ခံအပ်ပါတယ်။ကျွန်တော်တို့တွင် Oxygen အိုးနှင့်စက်ပစ္စည်းများ အကန့်အသတ်ဖြင့်သာရှိပါသဖြင့် အဆင်မပြေမှုများရှိပါက နားလည်ပေးပါရန် မေတ္တာရပ်ခံအပ်ပါသည်။

အလှူရှင်များအနေနဲ့ Oxygen Cylinder အိုး၊ Flow meter၊ Concentrator စက်များ အပိုရှိပါက ပါဝင်ကူညီအသက်ကယ်ကုသိုလ်ယူနိုင်ပါသလို လူအင်အား၊ ငွေအင်အား၊ ကား အင်အားတို့လည်းပါဝင်ကူညီနိုင်ပါသည်။

*ပါဝင်ကူညီရန် Volunteer များလည်းဖိတ်ခေါ်အပ်ပါတယ်။

ဆက်သွယ်ရန် ဖုန်းနံပါတ်များ
1. 09955028102
2. 09421956307
3. 09421219101

အရေးပေါ်ကြုံရင် ခလုတ်ကိုနှိပ်လိုက်ပါ။ HORN မှကူညီရန်အသင့်။❣


#မြန်မာဟိန္ဒူမီဒီယာ

08/05/2021

ဘာသာပေါင်းစုံပါဝင်တဲ့ နွေဦးဝါဖြေပွဲကို အစ္စလာမ်ဘာသာဝင်တွေဦးဆောင်ပြုလုပ်

မေ ၈ ၊၂၀၂၁

နွေဦးဝါဖြေပွဲနှင့် ဆုတောင်းပွဲလို့အမည်ပေးထားတဲ့ အစ္စလာမ်ဘာသာဝင်တွေရဲ့ ဥပုသ်ထွက်ချိန် စားသောက်ခြင်း(ဝါဖြေပွဲ) တစ်ရပ်ကို Zoom အက်ပလီကေးရှင်းကနေ မေလ ၆ရက်နေ့မှာ ကျင်းပခဲ့ပြီး အဲ့ဒီအခမ်းအနားကို ဘာသာပေါင်းစုံမှ ဘာသာဝင်တွေ တက်ရောက်ခဲ့ကြကြောင်း သိရပါတယ်။ အဲ့ဒီပွဲမှာ ဟိန္ဒူဘာသာဝင်များထဲမှ ကိုရာဂူးနေမြင့်( နိုင်ငံကျဉ်းဟောင်း ၉၆/၉၈ ကျောင်းသားမျိုးဆက်) နဲ့ ဆရာမ ဒေါ်ကက်သလင်းသိန်း (အင်ကြင်းမေ ဟိန္ဒူအမျိုးသမီးကွန်ရက်) တို့မှတက်ရောက်ခဲ့ကြပြီး အခမ်းအနားမှာ မြန်မာနိုင်ငံငြိမ်းချမ်းရေးအတွက် သက်ဆိုင်ရာဘာသာအသီးသီးအလိုက်ဆုမွန်ကောင်းတွေတောင်းပေးခဲ့ကြပါတယ်။

အစ္စလာမ်ဘာသာဝင်တွေရဲ့ ဥပုသ်ထွက်ချိန် ဝါဖြေပွဲမှာစားသောက်မယ့်အစားအစာတွေကို ဘာသာပေါင်းစုံက မိတ်ဆွေတွေဆီ Social Alliance အဖွဲ့က လိုက်လံပို့ဆောင်ပေးခဲ့ပါတယ်။

ဓာတ်ပုံ MG Mark

#မြန်မာဟိန္ဒူမီဒီယာ

06/05/2021

ပြည်မြို့ အင်းဝဘဏ် ဗုံးပေါက်မှု သံသယရှိတယ်ဆိုပြီး စစ်ကောင်စီရဲ့ ဖမ်းဆီးခံရသူ ဟိန္ဒူဘာသာဝင်တစ်ဦး နှိပ်စက်ဒဏ်ရာ​တွေနဲ့ သေဆုံး၊ မိသားစုသင်္ဂြိုလ်ခွင့်မရ
***************

မေလ ၄ရက် ညပိုင်းမှာ ရိုက်နှက်ဖမ်းဆီးခံလိုက်ရတဲ့ ကိုကျေး(ခ)ကိုအောင်​မြင့်လှိုင် ဟာ မနေ့က ညပိုင်းမှာ သေဆုံးသွားခဲ့တယ်ဆိုတာ မိသားစုဝင်တွေကို ဆက်သွယ်လာခဲ့လို့ ပြည်မြို့ကုတင် ၁၀၀ စစ်ဆေးရုံကိုသွားရောက်ခဲ့ပေမယ့် အလောင်းကို ကြည့်ခွင့်သာရခဲ့ပြီး အိမ်ပြန်သယ်လာခွင့်မရခဲ့ဘူးလို့ သိရပါတယ်။

ကို‌ကျေးရဲ့ အလောင်းကို ရင်ခွဲထားတာတွေ့ရပြီး
ရိုက်နှက်ထားတဲ့ ဒါဏ်ရာတွေလည်း မျက်နှာမှာ တွေ့ခဲ့ရတယ်လို့ မိသားစုနီးစပ်သူတွေဆီက သိရပါတယ်။

ကိုကျေးတို့ မိသားစုဟာ ဟိန္ဒူဗုဒ္ဓဘာသာဝင်တွေဖြစ်လို့ ထုံးထမ်းစဉ်လာအရ သင်္ဂြိုလ်ခွင့်တောင်းကြည့်ခဲ့ပေမယ့်လည်း ခွင့်မပြုကြောင်း မျက်နှာကလွဲပြီး ကြည့်ခွင့်မရခဲ့ကြောင်းကိုလည်း ပြောပါတယ်။

အခြေအနေအရ ပြန်ခေါ်သွားခွင့်မပြုပဲ စစ်ကောင်စီကပဲ မြေမြှုပ်သင်္ဂြုလ်မှာဖြစ်လို့ မိသားစုများက မြေမြှုပ်သင်္ဂြိုလ်ခြင်းကိုပါ လိုက်ကြည့်ခွင့်‌တောင်းပေမယ့် မရခဲ့ပဲ မနေ့ညက ၁၂နာရီလောက်မှာ အိမ်ပြန်ခဲ့ရတယ်လို့ ဆိုပါတယ်။

စစ်ကောင်စီဘက်ကတော့ ကိုကျေးသေဆုံးရခြင်းကို ဖမ်းဆီးခဲ့တဲ့ညက ကိုကျေးဟာ ကားပေါ်က ခုန်ချထွက်ပြေးခဲ့လို့ ရရှိတဲ့ ဒဏ်ရာနဲ့ သေဆုံးသွားခဲ့တာလို့ မိသားစုဝင်တွေကို ပြောဆိုတယ်လို့လည်း သိရပါတယ်။

မိသားစုဝင်တွေကတော့ ဖမ်းဆီးခံရတဲ့ ညမှာပဲ ရိုက်နှက်ခံရလို့ သေဆုံးသွားတာဖြစ်နိုင်ကြောင်း ပြောပါတယ်။

အသက် ၃၃နှစ်အရွယ် ကိုကျေးဟာ ပြီးခဲ့တဲ့ သင်္ကြန်တွင်းမှာ ရဟန်းခံပြီး ရန်ကုန်မြို့က ပြည်မြို့ကို ပြန်ရောက်လာတာ မကြာသေးကြောင်းနဲ့ ကိုကျေးကို စစ်ကောင်စီက အင်းဝဘဏ် ဗုံးပေါက်ကွဲမှု သံသယရှိတာကြောင့် မေလ ၄ရက်ညမှာ လာရောက်မေးမြန်းပြီး ရိုက်နှက်ဖမ်းဆီးသွားခဲ့တာဖြစ်ပါတယ်။

မေလ ၄ရက် ပြည်မြို့ နဝင်းကွက်သစ် ၁၂လမ်းမှာ ကိုကျေးကို ဖမ်းဆီးခဲ့တဲ့ ညမှာပဲ အိမ်နီးနားက လူတချို့ကိုလည်း ရိုက်နှက်စစ်ဆေးတာတွေ ပြုလုပ်ခဲ့သေးတယ်လို့ ဒေသခံတွေက ပြောပါတယ်။

Source - PRN

#မြန်မာဟိန္ဒူမီဒီယာ

03/05/2021

အိန္ဒိယရောက် မြန်မာဒီမီုကရေစီအင်အားစုများ၏ ကမ္ဘာလုံးဆိုင်ရာ မြန်မာ့နွေဦးတော်လှန်ရေး လှုပ်ရှားမှု

မတ်လ ၃ရက်

ကမ္ဘာလုံးဆိုင်ရာ မြန်မာ့နွေဦးတော်လှန်ရေးနေ့မှာ အိန္ဒိယရောက် ဒီမိုကရေစီ အင်အားစုတွေဟာ ကိုဗစ် ၁၉ ရောဂါ တတိယလှိုင်းကြောင့် ဆန္ဒပြပွဲကြီးတွေပါဝင်ဆင်နွှဲခွင့်မရခဲ့တာကြောင့် india နိုင်ငံသားများနှဲ့လူငယ်ကျောင်းသား/သူများသည် မေလ ၂ရက်တွင် online ဆန္ဒထုတ်ဖော်ပွဲ ပြုလုပ်ခဲ့ကြသည်။

Photo - Chaw Yadanar

#မြန်မာဟိန္ဒူမီဒီယာ

29/04/2021

အိန္ဒိယနိုင်ငံမှာ COVID-19 ကြောင့် သေဆုံးသူ ၂ သိန်းကျော်သွားပြီ

မြန်မာဟိန္ဒူမီဒီယာ ဧပြီ ၂၉

အိန္ဒိယနိုင်ငံမှာ COVID-19 ကြောင့် သေဆုံးသူအရေအတွက်မှာ ဧပြီလ ၂၈ ရက်နေ့ထိ ၂ သိန်းကျော်သွားပြီဖြစ်ပြီး အောက်ဆီဂျင်၊ ဆေးဝါးထောက်ပံ့မှုနဲ့ ဆေးရုံဝန်ထမ်း ပြတ်လပ်မှုတွေကြောင့် ဗိုင်းရပ်စ် ကူးစက်ခံရသူအသစ်များကို စံချိန်သစ်တင်သည်အထိ မြင့်တက်လာစေခဲ့တယ်လို့ သိရပါတယ်။

အိန္ဒိယရဲ့ COVID-19 ဒုတိယလှိုင်းကူးစက်မှုတွေထဲကြောင့် လွန်ခဲ့တဲ့ သီတင်းပတ်အတွက် ပိုးတွေ့သူအရေအတွက်ဟာ အနည်းဆုံး တနေ့ကို ၃ သိန်းလောက်အထိ ရှိလာခဲ့ပြီး ကျန်းမာရေးစောင့်ရှောက်မှုဌာနတွေနဲ့ မီးသဂြိုလ်စက်းတွေမှာ စုပြုံမှုတွေ ဖြစ်လာတာကြောင့် အရေးပေါ်နိုင်ငံတကာ တုံ့ပြန်အကူအညီတွေကို တိုးမြင့်လိုအပ်လာခဲ့ပါတယ်။

ပြီးခဲ့တဲ့ ၂၄ နာရီအတွင်းမှာ အသစ်ကူးစက်ခံရသူအရေအတွက်ဟာ ၃ သိန်းခွဲကျော်အထိ စံချိန်တင်မြင့်တက်ခဲ့ပြီး ဒါဟာ ကမ္ဘာပေါ်မှာ တရက်တည်း လူအများဆုံး ကူးစက်ခံရမှုဖြစ်လာခဲ့ပါတယ်။ လက်ရှိအထိ အိန္ဒိယမှာ ရောဂါကူးစက်ခံခဲ့ရသူ ၁၈ သန်းရှိနေပြီဖြစ်ပါတယ်။ ထပ်တိုးသေဆုံးသူ ၃၂၉၃ ဦးအထိ ရှိခဲ့တာကြောင့် စုစုပေါင်း သေဆုံးသူအရေအတွက်ဟာ ၂ သိန်း ၁ သောင်းကျော်အထိ ခုန်တက်သွားခဲ့တာလည်း ဖြစ်ပါတယ်။

တိုင်းပြည် လူဦးရေ ၁ ဒဿမ ၃ ဘီလီယံရှိတဲ့ အိန္ဒိယမှာ အမှန်တကယ် သေဆုံးသူအရေအတွက်ကို တရားဝင်စာရင်းကောက်ခံမှုက လျော့ချခန့်မှန်းထားတယ်လို့ ကျွမ်းကျင်သူတွေက ယုံကြည်ထားကြပါတယ်။ မြို့တော် နယူးဒေလီမှာတော့ ပန်းခြံတွေနဲ့ ကားရပ်နားနေရာတွေမှာ ယာယီတည်ဆောက်ထားတဲ့ မီးသဂြိုလ်စက်တွေဆီ COVID-19 ကြောင့် သေဆုံးခဲ့ကြသူတွေကို ပို့ဆောင်ဖို့ လူနာတင်ယာဉ်တွေဟာ နာရီနဲ့ချီပြီး တန်းစီစောင့်ဆိုင်းနေရတာတွေကိုလည်း မြင်တွေ့ရပါတယ်။

ဧပြီလ ၂၈ ရက်အစောပိုင်းတုန်းကလည်း မွမ်ဘိုင်းမြိုပြင်မှာရှိတဲ့ ဆေးရုံတခုမှာ မီးလောက်မှုဖြစ်ပွားခဲ့ရာကနေ လူ ၄ ဦးသေဆူံးပြီး အများအပြား ဒဏ်ရာရရှိခဲ့ကြောင်း ရဲတပ်ဖွဲ့က ပြောဆိုထားပါတယ်။ ကုတင်နဲ့ အောက်ဆီဂျင် ထောက်ပံ့မှုပြတ်လပ်နေတဲ့ နိုင်ငံအတွက် ဆေးရုံတွေမှာ အခုလိုမျိုး မတော်တဆှုတွေဖြစ်နေတာဟာ အလွန်စိုးရိမ်ဖွယ်အနေအထားလည်း ဖြစ်ပါတယ်။ ပြီးခဲ့တဲ့ သီတင်းပတ်တုန်းက COVID-19 လူနာတွေကို ကုသပေးနေတဲ့ ဆေးရုံတခုမှာ မီးလောင်မှုနဲ့ တခြားဆေးရုံတခုမှာ အောက်ဆီဂျင် ကန်ယိုစိမ့်မှုတွေကြောင့် လူ ၂၂ ဦးအထိ သေဆုံးခဲ့ရပါသေးတယ်။

နယူးဒေလီမြို့ဆီ အသက်ကယ် အောက်ဆီဂျင်နဲ့ ပစ္စည်းကိရိယာ ထောက်ပံ့ရေးပစ္စည်းတွေဟာ စတင်ရောက်ရှိလာပြီဖြစ်ပြီး အဲ့ဒီအထဲမှာ ဗြိတိန်နိုင်ငံက ပေးပို့လိုက်တဲ့ အသက်ရှုစက်တွေ၊ အောက်ဆီဂျင်ဖိအားပေးစက်တွေနဲ့အတူ အိုင်ယာလန်၊ ဂျာမနီနဲ့ သြစတြေးလျနိုင်ငံတို့ကနေ ပေးပို့လိုက်တဲ့ ပစ္စည်းတွေလည်း ပါဝင်တာကိုတွေ့ရပါတယ်။

သတင်း - မြန်မာဟိန္ဒူမီဒီယာ
ကိုးကား - straitstimes


#မြန်မာဟိန္ဒူမီဒီယာ

27/04/2021

အိန္ဒိယနိုင်ငံ ကိုဗစ်ပြဿနာ အထူးကြေကွဲဖွယ်ကောင်း

မြန်မာဟိန္ဒူမီဒီယာ ဧပြီ ၂၇

မြန်မာနိုင်ငံကို COVID 19 ကာကွယ်ဆေးလက်ဆောင်ပေးခဲ့သည့် အိန္ဒိယနိုင်ငံတွင် COVID 19 ဒုတိယလှိုင်းအတွင်း အတည်ပြုလူနာ စံချိန်တင်မြင့်တက်နေပြီး အောက်ဆီဂျင်မလုံလောက်မှုအပါအဝင် ကုသရေးအခက်အခဲများကြောင့် သေဆုံးသူလည်း မြင့်တက်နေခဲ့ရသည်။

အိန္ဒိယနိုင်ငံတွင် ၂၀၂၁ ခုနှစ် မတ်လကတည်းက အတည်ပြုလူနာတွေ့ရှိမှု တဖြည်းဖြည်းတိုးလာနေပြီး ဧပြီလ (၂၆) ရက်နေ့တွင် (၂၄)နာရီအတွင်း ကူးစက်သူ အတည်ပြုလူနာ (၃၅၂၉၉၂) ဦး၊ သေဆုံးသူပေါင်း စံချိန်သစ် ၂,၈၁၂ ဦးထိရှိခဲ့ပါတယ်။

တနင်္လာနေ့တရက်တည်း ကိုဗစ်ကြောင့် အိန္ဒိယနိုင်ငံမှာ ဒေလီမြို့တော်မှာတော့ lockdown ပိတ်ဆို့ကန့်သတ်မှုတွေကို နောက်သီတင်းပတ်အထိ ထပ်တိုးလိုက်ပါတယ်။

အဆိုပါအရေအတွက်မှာ လူဦးရေများပြားလွန်းသည့်နိုင်ငံအတွင်း စာရင်းရရှိနိုင်သည့်အရေအတွက်သာဖြစ်ပြီး စာရင်းမရနိုင်သည့် အခြေအနေများလည်း ရှိနိုင်သည်ဟု ခန့်မှန်းထားကြသည်။

နေ့စဉ် အတည်ပြုလူနာ (၃) သိန်းဝန်းကျင်တိုးလာနေသည့်အတွက် ဆေးရုံများတွင် ကုတင်၊ ဆေးဝါးနှင့် အောက်ဆီဂျင်မလုံလောက်မှုများနှင့် ကြုံတွေ့နေရသည့်အတွက် အတည်ပြုလူနာများအား ကုတင်ရနိုင်သည့်ဆေးရုံသို့ လူနာတင်ယာဉ်များဖြင့် လှည့်လည်ရှာဖွေပို့ဆောင်နေရကြောင်း သိရသည်။

ယင်းအပြင် သုဿန်များတွင်လည်း ရာနှင့်ချီသည့် အလောင်းများကို နေ့စဉ် မီးသဂြိုလ်ပေးရနေကြောင်း သိရသည်။

၀န်ကြီးချုပ် Narendra Modi ကတော့ အိန္ဒိပြည်သူအားလုံး ကာကွယ်ဆေးကို ယုံယုံကြည်ကြည်ထိုးနှံကြဖို့နဲ့ ကောလဟာလတွေကို မယုံဖို့ တနင်္ဂနွေနေ့က သူ့ရဲ့ လစဉ် ရေဒီယိုမိန့်ခွန်းမှာ ထည့်သွင်းပြောကြားခဲ့ပါတယ်။

Ref, Photo: India Covid Second Wave

#အိန္ဒိယ #ကိုဗစ်ကပ်ဘေး
#မြန်မာဟိန္ဒူမီဒီယာ

26/04/2021

"ရန်ကိုကုန်အောင်ရှင်းမယ့်" ရန်ကုန်မြို့လူထုသပိတ်
~~~~~~~~~~~~
ယနေ့ ဧပြီလ ၂၆ ရက်နေ့တွင် အာဏာသိမ်း စစ်ကောင်စီကို ဆန့်ကျင်ဆန္ဒပြသည့်အနေဖြင့် ရန်ကုန်မြို့တွင် "ရန်ကိုကုန်အောင် ရှင်းမယ့် ရန်ကုန် သပိတ်စစ်ကြောင်း" အမည်ရှိ စာတန်းများ ကိုင်ဆောင်က သပိတ်စစ်ကြောင်းများ ချီတက်လာခဲ့ကြသည်။

Photo - CJ

#ရန်ကုန်လူထုသပိတ် #ရန်ကိုကုန်အောင်ရှင်းမယ်

#မြန်မာဟိန္ဒူမီဒီယာ

26/04/2021

အော်စကာဆုပေးပွဲမှာ Irrfan Khan နဲ့ Bhanu Athaiya တို့ကို ဂုဏ်ပြု

မြန်မာဟိန္ဒူမီဒီယာ ဧပြီ ၂၆

ဧပြီလ ၂၅ ရက်နေ့တွင် ကျင်းပခဲ့သည့် ၉၃ ကြိမ်မြောက် အော်စကာ ဆုပေးပွဲတွင် အမှတ်တရအစီအစဉ် 'In Memoriam' ၌ ၁၉၈၂ ခုနှစ်မှ 'Gandhi' ရုပ်ရှင်ဖြင့် အိန္ဒိယ၏ ပထမဆုံးအော်စကာဆုရရှိခဲ့သူ ဝတ်စုံဒီဇိုင်နာ Bhanu Athaiya နဲ့ မင်းသား Irrfan Khan တို့ကို ဂုဏ်ပြုခဲ့ကြောင်း သိရသည်။

နိုင်ငံတကာပရိသတ်များကပါ သိကျွမ်းကြသည့် နာမည်ကျော် မင်းသား Irrfan သည် ယမန်နှစ်က ကင်ဆာရောဂါဖြင့် ကွယ်လွန်ခဲ့ပြီး ကွယ်လွန်ချိန်တွင် အသက် ၅၃ နှစ်သာ ရှိသေးသည်။ ၎င်းသည် "The Namesake", "Life Of Pi", "Slumdog Millionaire" နှင့် "Jurassic World" တို့ကဲ့သို့သော နာမည်ကျော် ဟောလိဝုဒ် ရုပ်ရှင်များတွင် ပါဝင်ခဲ့သူဖြစ်သည်။ ယမန်နှစ်က ကွန်လွန်ချိန်တွင် အသက် ၉၁ နှစ်ရှိခဲ့သော Bhanu Athaiya သည် Lagaan, Swades, Chandni နှင့် Agneepath တို့အပါအဝင် ရုပ်ရှင်ပေါင်း ၁၀၀ ကျော်အတွက် အလုပ်လုပ်ပေးခဲ့သူဖြစ်သည်။

ယင်း အမှတ်တရအစီအစဉ်တွင် ယမန်နှစ်အတွင်း ကွယ်လွန်ခဲ့သူ ဟောလိဝုဒ်နာမည်ကျော်များဖြစ်သည့် ရှောင်ကွန်နရီနှင့် ချက်ဝစ်ဘော့စ်မန်း တို့လည်း ပါဝင်ခဲ့သည်။ "Black Panther" မင်းသား ချက်ဝစ်သည် ယခုနှစ်တွက်အကောင်းဆုံးမင်းသားဆု ဆန်ခါတင်ဝင်ခဲ့သော်လည်း ဆုကို မင်းသားကြီး Anthony Hopkins ကရရှိခဲ့သည်။

Ref:NDTV


#မြန်မာဟိန္ဒူမီဒီယာ

22/04/2021

အိန္ဒိယရောက် မြန်မာစစ်ဘေးရှောင် ၁၄ ဦးထံ ကိုဗစ်-၁၉ ပိုးတွေ့ရှိ

ဧပြီ ၊ ၂၂ရက်
အိန္ဒိယနိုင်ငံ မီဇိုးရမ်ပြည်နယ်သို့ ရောက်ရှိတဲ့ မြန်မာစစ်ဘေးရှောင် ၁၂ ယောက်ထံ ကိုဗစ်-၁၉ ရောဂါပိုးတွေ့ရှိတယ်လို့ ဒေသန္တရသတင်းမီဒီယာတွေမှာဖော်ပြထားပါတယ်။

မီဇိုးရမ်ပြည်နယ် ကျင်ဖိုင်ခရိုင်တွင်တွင် မြန်မာဘက်မှာတိမ်းရှောင်လာသူ ၂၃၂၃ ယောက်ကို ကိုဗစ်ရောဂါပိုးစစ်ဆေးခဲ့ပြီဖြစ်ပါတယ်။

၎င်းတို့ထဲမှာ ၁၂ ယောက်ထံ ကိုဗစ်ပိုးတွေ့ရှိပြီး ယမန်နေ့က ကျင်ဖိုင်ခရိုင်တွင် မြန်မာဘက်မှ ၃ ယောက်ထံ ကိုဗစ်ပိုးတွေ့ရှိပါတယ်။

မီဇိုးရမ်ပြည်နယ်သို့ တိမ်းရှောင်လာတဲ့သူတွေဟာ ချင်းပြည်နယ်မြောက်ပိုင်းနဲ့ စစ်ကိုင်းတိုင်း ကလေးမြို့နယ် တစ်ဝိုက်က ပြည်သူတွေအများစုဖြစ်ပါတယ်။

တမူးမြို့နယ်မှ အိန္ဒိယ မဏီပူရ်ပြည်နယ်သို့ထွက်ပြေးတိမ်းရှောင်သူတွေထဲမှ ၂ ဦးထံ ကိုဗစ်-၁၉ ရောဂါပိုးကို ယမန်နေ့က တွေ့ရှိသွားတယ်လို့သတင်းရရှိပါတယ်။

Zalen media

#မြန်မာဟိန္ဒူမီဒီယာ