05/08/2025
ကိုယ့်ကိုယ်ကို ပိုချစ်စေချင်တယ်
ဟိုးအရင်ခေတ်တုန်းဆိုရင်လေ သောက်ရေအတွက်ဆိုရင်
အဝီစိတွင်းရေ၊ တွင်းရေ၊ မြစ်ရေ၊ ချောင်းရေ စသည်ဖြင့် ကိုယ်နဲ့နီးစပ်ရာကအဆင်ပြေတဲ့ရေကို ဒီအတိုင်းရေစစ်နဲ့စစ်ပြီးသောက်တာ၊ ကျိုချက်ပြီးမှသောက်တာတွေ လုပ်ကြတာပေါ့။
ကာလဝမ်းရောဂါ၊ ဝမ်းကိုက်ရောဂါ၊ အူရောင်ငန်းဖျားရောဂါ၊ အထက်လန်အောက်လျောရောဂါ၊ ဝမ်းပျက်ဝမ်းလျောရောဂါ စတာတွေဟာ မသန့်တဲ့ရေကိုသောက်မိရင်ဖြစ်တတ်တယ်ဆိုတဲ့ ကျန်းမာရေးအသိကိုသိလာကြတော့ ရေကိုဒီအတိုင်းစစ်ပြီးမသောက်တော့ဘဲ ကျိုချက်ပြီးမှသောက်လာကြတယ်
နောက်ပိုင်းမှာ တောရောမြို့ပါမကျန် အိမ်တိုင်းက ရေသန့်စက်ရုံကထွက်တဲ့ ရေသန့်ကိုဘဲ ဝယ်သောက်ကြတာပေါ့။
တစ်အိမ်လုံးစာသောက်ရမယ့်ရေကို ကျိုနေရတဲ့အတွက်အချိန်မပေးချင်တာအပြင်
သောက်တဲ့ရေ မသန့်တာကြောင့်ဖြစ်တတ်တဲ့ရောဂါတွေဟာ ရောဂါဖြစ်လာရင်လည်း ဖြစ်မှန်းချက်ချင်းသိသာတဲ့အတွက် ကြောက်ကြတာလည်းပါတာပေါ့။
ကိုယ့်မြို့အနီးအနားက နာမည်သိပ်မရှိတဲ့ ရေသန့်၊ ပြည်တွင်းကနာမည်ကြီးရေသန့်တွေကနေ Import ဝင်လာတဲ့ နိုင်ငံခြားကရေသန့်၊ Quantum ပြားကိုဖြတ်ပြီးမှရလာတဲ့ Quantum Energy Water စသည်ဖြင့် ရေသန့်အမျိုးအစား အမျိုးမျိုးအထိရွေးချယ်ပြီး သောက်လာကြတာပါတယ်
ရေဗူးတွေကအစ ဗူးထဲမှာ Crystal အတုံးလိုက်ပါလို့ Crystal ကိုရေစိမ်ပြီးသောက်လို့ရတဲ့ ရေဗူး၊ Quantum အပြားပါတဲ့ရေဗူး စသည်ဖြင့် အမျိုးမျိုးရှိတာပေါ့နော်
ဒီဘက်ခေတ်မှာ ရေသန့်ကိုဘဲသောက်ရမယ်ဆိုပြီး ကိုယ့်ကျန်းမာရေးကိုဂရုစိုက်တတ်တဲ့ ကျန်းမာရေးအသိကို သိနားလည်လာကြသလိုမျိုး
ကိုယ်နေ့စဉ်သုံးဆောင်နေတဲ့ အစားအစာတွေကိုချက်ပြုတ်ရာမှာ အရောအနှောကင်းပြီးကိုယ့်ကျန်းမာရေးကိုမထိခိုက်စေတဲ့ သဘာဝဆီစစ်စစ်ကိုရွေးချယ်ရမယ်ဆိုတဲ့ ကျန်းမာရေးအသိကိုလည်း ပိုပြီးသိနားလည်စေချင်တယ်။
ရပ်ကွက်ဆေးခန်းတွေကနေ ပုဂ္ဂလိကဆေးရုံတွေအထိ ကြည့်လိုက်ရင်
မသန့်တဲ့ရေကိုသောက်မိလို့ရောက်လာတဲ့လူနာထက်စာရင် နှစ်ရှည်လများစားလာခဲ့တဲ့အစားအသောက် နဲ့ လူနေမှုဘဝပုံစံအလွဲတွေကြောင့်ဖြစ်ရတဲ့ရောဂါတွေကြောင့် ရောက်လာတဲ့လူနာကပိုများပါတယ်
အပေါ်မှာပြောခဲ့သလိုဘဲ မသန့်တဲ့ရေကိုသောက်မိလို့ဖြစ်တဲ့ ဝမ်းပျက်ဝမ်းလျောရောဂါက သောက်ပြီးသိပ်မကြာခင်မှာဖြစ်တာမျိုးဆိုတော့ ကြောက်ကြတာပေါ့နော်။
Chemical ပါတဲ့ Artificial တွေ၊ Instant တွေ၊ အရောအနှောပါတဲ့ဆီတွေကြောင့် ဖြစ်ရတဲ့ရောဂါတွေဟာ ချက်ချင်းထဖြစ်တာမျိုးမဟုတ်ဘဲ နှစ်ကာလတစ်ခုကြာမှဖြစ်လာတာဆိုတော့ မကြောက်ကြတာလည်းပါတာပေါ့။
ရေကိုကျိုသောက်ဖို့အချိန်မပေးချင်လို့ ဒါမှမဟုတ် ကျိုလိုက်ရင်တချို့ Minerals တွေဆုံးရှုံးမှာစိုးလို့ ရေသန့်ဝယ်သောက်ကြပေမယ့်
ပြုပြင်မထားတဲ့အစားအစာ၊ အသီးအရွက်လတ်လတ်ဆတ်ဆတ်၊ အသီးဖျော်ရည်စစ်စစ် နဲ့ အထူးသဖြင့် ဘာဟင်းဘဲချက်ချက် မပါမဖြစ်တဲ့ ဆီကို အရောအနှောမပါတဲ့သဘာဝဆီစစ်စစ်ကိုရွေးချယ်ဖို့ကလည်း ကျန်းမာရေးအတွက် အရေးကြီးပါတယ်နော်။
ဉာဏ်နဲ့ယှဉ်ပြီးသုံးတဲ့ ရေသန့်ဗူးဖို့အတွက်ကုန်ကျစားရိတ်ကို သာမာန်ကုန်ကျစားရိတ်လို့တွေးသလိုမျိုး ဟင်းချက်တဲ့ဆီကို ရွေးချယ်ရာမှာလည်း သဘာဝဆီစစ်စစ်ကိုဘဲ ရွေးချယ်ဝယ်ယူသင့်ပါတယ်။
လူတိုင်းနီးပါးမှာ တစ်ယောက်တစ်လုံးရှိတတ်ကြတဲ့ ဖုန်းကို
မကွဲအောင် မကွဲမှန်တတ်ကြသလို
မပွန်းအောင် ဖုန်းCover တပ်ကြသလို
စိတ်ဝင်စားစရာ Link တွေတွေ့တိုင်း လျှောက်မနှိပ်သလို
ဖုန်း Battery မထိခိုက်အောင် အားကုန်တဲ့အထိဖုန်းကိုမသုံးကြသလိုမျိုး
ကိုယ့်ခန္ဓာကိုယ်ထဲက သွေး၊ အရိုး၊ ဦးနှောက်၊ နှလုံး၊ အသဲ၊ ကျောက်ကပ်၊ အဆုတ် စတာတွေကိုလည်း ဂရုစိုက်စေချင်ပါတယ်။
ကိုယ့်ခန္ဓာကိုယ်ကို ဖုန်းတစ်လုံးလောက် ဂရုစိုက်တတ်၊ ကာကွယ်တတ်၊ နှမျောတတ်၊ စိုးရိမ်တတ်ရင်
နုပျိုစွာ အိုမင်းမှာပါ။
ကျန်းမာစွာ အသက်ရှည်မှာပါ။
ကျန်းမာရေးစားရိတ် အကုန်အကျသက်သာမှာပါ။
ဒါကြောင့် တစ်ရက်တာမှသည် တစ်သက်တာပျော်ရွှင်ဖို့အတွက်
သဘာဝပစ္စည်းစစ်စစ်တွေကိုသုံးပြီး ကိုယ့်ခန္ဓာကိုယ်ကိုဂရုစိုက်ပေးခြင်းဖြင့် ကိုယ့်ကိုယ်ကိုချစ်ရအောင်နော် 🫰
#ဆုံဆီ #နှမ်းဆီ #မြေပဲဆီ #နေကြာဆီ #မြေပဲဆုံဆီ #ထူး_ဆုံဆီ #ထူးနှမ်းဆီ #ထူးမြေပဲဆီ #ထူးမြေပဲဆုံဆီ #ထူးနေကြာဆီ
