https://www.facebook.com/107348465333625/

Buddha in Myanmar, Parami Road, Yangon (2025)

20/10/2024

🙏🏻☸️🙏🏻
ယနေ့ ၂၀၂၄ ခုနှစ်၊ အောက်တိုဘာ ၂၀ ရက်
တနင်္ဂနွေနေ့ နေ့ဆွမ်း ကပ်လှူပူဇော်ခြင်း။
🙏🏻☸️🙏🏻

ရှုမြင်ရသူ မိတ်ဆွေအပေါင်း သာဓု အနုမောဒနာ
ခေါ်ဆိုနိုင်ကြပါစေသော်။ 🙏🏻

🙏🏻☸️🙏🏻
At 2024 October 20 , in today , I'm made a donation of lunch's ``Hsum´´ to Lord Buddha , pagoda in my room .
🙏🏻☸️🙏🏻

Every friends who are seen this , may you can say "Well-done , ``Sadhu´´ " . 🙏🏻

#ပတ်တိဒါန

🙏🏻☸️🙏🏻

10/09/2024

🙏🏻☸️🙏🏻

မေထုန်ငယ် (၇) ပါး
••••••••••••••••••••••••••

``မေထုနဓမ္မ´´ = ''ဖိုဖစပ်ယှက်မှု''
ဆိုတာက ယောက်ျား+မိန်းမ ကာမဆက်ဆံမှု
လောက်ကိုသာ ဆိုလိုတာ မဟုတ်သေးဘူး။
တခြားတခြား သာယာမှု မေထုန်ငယ်(၇)ပါး
ဆိုတာကိုလည်း ထည့်သွင်းပြီး
🙏🏻မြတ်ဗုဒ္ဓ🙏🏻က ရည်ညွှန်းဆုံးမထားပါတယ်။

မြတ်ဗုဒ္ဓ လက်ထက်က တစ်ချိန်မှာ ဆိုကြစို့ ...
ဇာနုသောဏိ ပုဏ္ဏားကြီးက မြတ်ဗုဒ္ဓ
သီတင်းသုံးတော်မူရာသို့ ချဉ်းကပ်လာပြီး
" အရှင်ဂေါတမ ... အရှင် သည်
``ဗြဟ္မစာရီ = မြတ်သော အကျင့်´´ ကို
ကျင့်နေတဲ့ သူတော်ကောင်းအဖြစ်
၀န်ခံပါသလား " ဆိုတဲ့ ဒီမေးခွန်းကို မေးတယ်။

မေးလိုက်တဲ့ အချိန်အခါမှာ
" ဒကာတော်ပုဏ္ဏား... ငါဗုဒ္ဓ သည်
မကျိုးမပေါက် မပြောက်မကျား တဲ့
ပြည့်စုံလှ၍ အဖြူစင်ဆုံး ``ဗြဟ္မစရိယ´´
အကျင့်ကို ကျင့်နေတဲ့ ပုဂ္ဂိုလ် ဖြစ်ပါတယ်။
မကျိုးမပေါက် မပြောက်မကျား အောင်
ပြည့်ပြည့်စုံစုံ စင်စင်ကြယ်ကြယ်ဖြင့်
``ဗြဟ္မစရိယ´´အကျင့်ကို ကျင့်နေတဲ့ ပုဂ္ဂိုလ်ဟာ
ဘယ်ပုဂ္ဂိုလ်လဲလို့ မေးခဲ့လျှင် ငါဗုဒ္ဓ ကိုသာ
ရည်ညွှန်းပြီး ပြောဆိုရမှာ ဖြစ်ပါတယ် "
ဆိုပြီးတော့ ဖြေကြားတော်မူလိုက်တယ်။

ဒီအခါမှာ ပုဏ္ဏားကြီးက နည်းနည်း
မကျေနပ်ဘူး။ မကျေနပ်တဲ့အတွက်
" အရှင်ဂေါတမ ... မကျိုးဘူး, မပေါက်ဘူး,
မပြောက်ဘူး, မကျားဘူး ဆိုတာက ဘာကို
ပြောဆိုတာလဲ? " လို့ ဒီလို သူက ထပ်ပြီးတော့
မေးခွန်းတစ်ခုကို မေးမြန်းတယ်။

ဒီအပိုင်းကလေးကို ဘုန်းကြီး အကျယ်တဝင့်
ပြောချင်ပါသေးတယ်။ အဲဒီလို မေးမြန်းတဲ့
အခါမှာ မေထုန်ငယ် (၇)ပါးကို မြတ်ဗုဒ္ဓ က
ဟောကြားပေးတော်မူပါတယ်။

မေထုန်ငယ် (၇) ပါး ဆိုတာဟာ
ယောကျာ်း နဲ့ မိန်းမ ကာမဆက်ဆံတာတော့
မပြုလုပ်ဘူး။ ဒါပေမဲ့လို့ သူတို့က
ဘာဖြစ်နေကြသလဲ? ဆိုရင် အခုခေတ်
အဘိုးကြီးတွေ အဘွားကြီးတွေ ဆိုကြပါစို့။

ဒီက ဒကာကြီးတွေ ဒကာမကြီးတွေကိုတော့
မပြောလိုပါဘူး။ ဘုန်းကြီး မနှစ်က အမေရိက
LA ဆိုတဲ့ လော့စ်အိန်ဂျယ်လိစ်မြို့ရောက်တော့
ဒကာမကြီး တစ်ယောက်က လျှောက်တယ်။
" အရှင်ဘုရား... ဒီမှာ အဘိုးကြီးတွေ
အဘွားကြီးတွေကို သနားလို့ သူဌေး
တစ်ယောက်က နေပြီးတော့ သူတို့အတွက်
အခန်းကလေးတွေ လုပ်ပေးထားတယ်တဲ့။

အဲဒီအခန်းမှာ အတူနေကြတဲ့ အဘိုးကြီး
တစ်ယောက် နဲ့ အဘွားကြီးတစ်ယောက်
ဘယ်လိုဖြစ်သွားလဲဆိုတော့ အဘွားကြီး
မှာလည်း ခင်ပွန်း အဘိုးကြီးက သေသွားတယ်၊
အဘိုးကြီးမှာလည်း ဇနီး အဘွားကြီးက
သေသွားတယ်။ အသက်ရှစ်ဆယ် ကျော်နေ
ကြပြီတဲ့။ အဲဒါ ခု လက်ထပ်မယ်လို့
သူတို့ပြင်ဆင်နေတယ်တဲ့။ အဲဒါပဲ။

ဒီတော့ ``မေထုနဓမ္မ´´ဆိုတာဟာ
တစ်ယောက် နဲ့ တစ်ယောက် ကာယကံမြောက်
ဖိုမဆက်ဆံမှုတင် မ,ကပါဘူး။
မြတ်ဗုဒ္ဓ ဟောကြားရာမှာ
မေထုန်ငယ် (၇)ပါး ဖြစ်ကြတယ်။

🙏🏻☸️🙏🏻

ဒီမေထုန်ငယ် (၇)ပါးက ..........

နံပါတ် (၁) မေထုန်ငယ်က ဘာလဲလို့မေးတော့၊
`` ဥစ္ဆာဒန = နံ့သာရည်ဖြင့်လိမ်းပေးတယ်။
ပရိမဒ္ဒန = ဆီလေးနဲ့ လိမ်းပေးတယ်၊
နှိပ်နယ်ပေးတယ်။
နှာပန = ရေချိုးပေးတယ်။
သမ္ဗာဟန = ပွတ်သပ်ပေးတယ်။ အဲဒါကို
သဘောကျတယ်။ ´´
ဒါလည်း မေထုန်တစ်ခုပဲ။
🙏🏻 မြတ်ဗုဒ္ဓ ဟာ ဒါမျိုး ဘယ်တော့မှ
မပြုလုပ်ဘူး။ 🙏🏻
ဒါက တစ်ခု။

နံပါတ် (၂)ကျတော့
`` သဉ်ဇဂ်ဃတိ သံကီဠတိ သံကလောယတိ =
တစ်ယောက်နဲ့တစ်ယောက် ပြောလိုက်ဆိုလိုက်
ရယ်လိုက်မောလိုက် နောက်လိုက်ပြောင်လိုက်
နေတယ်။ ပြုံးပြုံး ပြုံးပြုံးနဲ့ ထိုင်ပြီး စကား
ပြောနေကြတယ်။ အဲဒါကို သဘောကျတယ်။ ´´
အဲဒါလည်း မေထုန်ငယ်တစ်ခုပဲ။

နောက် နံပါတ် (၃)ကတော့
`` စက္ခုနာ စက္ခုံ ဥပနိဇ္ဈာယတိ ပေက္ခတိ =
သူ့မျက်စိနဲ့ ကိုယ့်မျက်စိ တည့်တည့်လေး
ကြည့်ပေးတယ်။ မကြည့်ရလျှင် မမြင်ရလျှင်
မနေနိုင်ဘူး။ ဘာမှတော့ မလုပ်ပါဘူး။
တစ်ယောက်နဲ့တစ်ယောက် ကြည့်နေရလျှင်
ကျေနပ်နေတယ်။ ´´
ဒါလည်း မေထုန်ငယ်တစ်ခုပဲ။

နောက်တစ်ခု နံပါတ် (၄)က
`` တစ်ယောက်နဲ့ တစ်ယောက်တော့
မမြင်ဘူးပေါ့။ ဒါပေမဲ့ အသံလေးကြားရလျှင်
သဘောကျနေတယ်။ သူငိုတဲ့အသံပဲဖြစ်စေ၊
သီချင်းဆိုတဲ့ အသံပဲဖြစ်စေ၊ ပြောဆိုနေတဲ့
အသံပဲဖြစ်စေ၊ ရယ်မောနေတဲ့ အသံပဲဖြစ်စေ
ကြားနေရလို့ရှိလျှင် သဘောကျတယ်။
ယခုကာလ ရေဒီယိုတို့ ဖုန်းတို့
နားထောင်တဲ့အခါ ကြားတဲ့အသံကို
သဘောကျသာယာတဲ့ ပုံစံမျိုးပေါ့။ ´´
ဒါလည်း မေထုန်ငယ်တစ်ခုပဲ။

နောက်တစ်ခု နံပါတ် (၅)က ဘာလဲ၊
`` မြင်လည်း မမြင်ရဘူး။ ကြားလည်း
မကြားရဘူး။ ဒါပေမဲ့လို့ တစ်ချိန်တုန်းက
တစ်ယောက် နဲ့ တစ်ယောက် ပြောဖူးတယ်,
ဆိုဖူးတယ်, ပြောင်ဖူးတယ်, နောက်ဖူးတယ်။
အဲဒါလေးတွေကို ပျော်ပါးခဲ့ဖူးတာလေးတွေကို
အမှတ်ရပြီးတော့ ပြန်ပြီး ပြုံးပြုံး ပြုံးပြုံးနဲ့
သဘောကျနေကြတယ်။ ´´
ဒါလည်း မေထုန်ငယ်တစ်ခုပဲ။

နောက် နံပါတ် (၆)ကတော့
အဲဒါမျိုးတွေ ဘာမှမဖြစ်ဘူး။ ဒါပေမဲ့လို့
`` ကိုယ့်မှာ ဘာမှတော့ မရှိဘူး။ မရှိတဲ့အခါ
ကျတော့ သူတစ်ပါးတွေ အိုးအိမ်နဲ့ တိုက်တာနဲ့
ကားအကောင်းစားတွေနဲ့ ကာမဂုဏ် ၅ ပါး
ခံစားပြီး ပျော်ပျော်ပါးပါး နေတာကို
သွားမြင်လိုက်တဲ့အခါ သဘောကျတယ်။
သူတို့လို နေချင်တဲ့ စိတ်ထားလေးတွေ
ပေါ်လာပြန်တယ်။ ´´
ဒါလည်း မေထုန်ငယ်တစ်ခုပဲ။

နောက် နံပါတ် (၇)ကတော့
`` အဲဒီလို ပြောခဲ့တဲ့သဘောတရားတွေလည်း
မဖြစ်ပြန်ဘူး။ ဒါပေမဲ့ ဘာဖြစ်နေသလဲ?
နတ်ပြည်/နတ်လောက တစ်ခုခုကို
ရည်မျှော်ပြီးတော့ သီလကျင့်စဉ်
သမာဓိကျင့်စဉ် ပညာကျင့်စဉ်တွေကို
ကျင့်ကြံကြိုးကုတ် ပွားများအားထုတ်
နေပြန်တယ်။ နတ်ဘဝမှာ ရရှိမည့်
ကာမဂုဏ်ကာမသုခတွေကို လှမ်းမျှော်ပြီး
သဘောကျနေတယ်။ ´´
အဲဒါလည်း မေထုန်ငယ်တစ်ခုပဲ။

ဒီမေထုန်ငယ် (၇)မျိုး တစ်မျိုးမျိုးနဲ့
မွေ့လျော်နေတဲ့ ပုဂ္ဂိုလ်ဟာလည်း
အိုနာသေရေး ဒုက္ခဘေးကနေ ဘယ်နည်းနဲ့မှ
မလွတ်မြောက်နိုင်ဘူးလို့ မြတ်ဗုဒ္ဓက
ပုဏ္ဏားကြီးရဲ့ အမေးကို ဖြေကြားရင်း
ဟောကြားဆုံးမတော်မူပါတယ်။

🙏🏻☸️🙏🏻

ပါမောက္ခချုပ်ဆရာတော်ကြီး
ဒေါက်တာဘဒ္ဒန္တနန္ဒမာလာဘိဝံသ မထေရ်မြတ်

🙏🏻☸️🙏🏻

မေတ္တာဖြင့် ထပ်ဆင့်မျှဝေရေးသား ဓမ္မဒါန
ပြုအပ်ပါ၏ ။

ဓမ္မဒါနရှင် U Phyo Thiha Zaw { ဓမ္မဆောင်လူပုဂ္ဂိုလ် }

🙏🏻☸️🙏🏻

#ဓမ္မဒါန

🙏🏻☸️🙏🏻

28/06/2024

🙏🏻☸️🙏🏻

🙏🏻☸️ မိရိုးဖလာဗုဒ္ဓဘာသာအမည်ခံ မြန်မာ တို့နှင့်
အသံဆူညံမှု ပြဿနာ ☸️🙏🏻
______________________________________________

လွန်ခဲ့တဲ့ နှစ်ပေါင်း ၂၆၀၀ ကျော်က ပွင့်ထွန်း
တော်မူခဲ့သူ 🙏🏻မြတ်ဗုဒ္ဓ ရှင်တော်မြတ်🙏🏻ဟာ
အေးချမ်းတိတ်ဆိတ်မှုကို နှစ်သက်ချီးကျူး
တော်မူ၍ ☑️

🚫 အသံဆူညံမှု ကို အကြိမ်ကြိမ် ပြစ်တင်ရှုံ့ချ
ခဲ့ပါသော်လည်း

🙏🏻 ဗုဒ္ဓဘာသာ = မြတ်ဗုဒ္ဓ အဆုံးအမ
စကား တို့ကို လိုက်နာသူ🙏🏻ဟု အမည်ခံကာ
အလှူဒါန ရိုးရာပွဲ တို့၌ အလွန်အင်မတန်
ဆူညံနေလေ့ ရှိကြပါတယ်။ ❌

🚫 မြို့ပေါ် ရပ်ကွက် / ကျေးရွာ မကျန်
အလှူမဏ္ဍပ် ရှိသည်နှင့် အသံချဲ့စက်
လော်စပီကာကြီး များကို အပြိုင်အဆိုင်
တပ်ဆင်ကာ ကာမသီချင်းများ ၊
ရိုးရာသီချင်းများကို လူအများ နားမခံနိုင်
အလုပ်ပျက်စေသည်အထိ နေ့ရော ညပါ မနား
ဖွင့်လှစ်ကြတာဟာ ကုသိုလ် ရသည်ဟုပင်
ထင်မှတ်နေကြသူ များလှပါပေတယ်။ ❌

အမှန်စင်စစ် မိမိတို့ ကိုးကွယ်နေတဲ့
မှတ်ပုံတင်၌ အမည်ခံ ထားတဲ့
🙏🏻မြတ်ဗုဒ္ဓ ကိုယ်တော်မြတ်🙏🏻 ဟာ
အသံတိတ်ဆိတ်ငြိမ်သက်မှု ကိုသာ
ချီးကျူးဟောကြားတော်မူ ခဲ့ပြီး
ဆူညံမှုကို လွန်စွာ ပြစ်တင်ရှုံချခဲ့သူ
ဖြစ်ပါတယ်။ ☑️

အသံတိတ်ဆိတ်မှု ဟာ 🙏🏻မြတ်ဗုဒ္ဓ🙏🏻
ချီးကျူးခဲ့ခြင်း ဟုတ်/မဟုတ် မိမိတို့
ကိုယ်ပိုင်ဉာဏ်ဖြင့် စဉ်းစားတွေးခေါ်
ကြည့်ကြပါ။

☑️ အသံတိတ်ဆိတ်ငြိမ်သက်ရာ အရပ် မှာ
လောကီလူမှုရေး ပြောဆိုဆက်ဆံခြင်း ၊
စီးပွားရေး ပြောဆိုဆွေးနွေးခြင်း နှင့်
ကျန်းမာရေး မကောင်းသူများ အတွက်
လွန်စွာ ကောင်းကျိုး ရရှိစေနိုင်ပြီး
လောကုတ္တရာ ဝိပဿနာကမ္မဋ္ဌာန်း
ရှူမှတ်ကျင့်ကြံရာ၌ တရားထူး တရားမြတ်
လွယ်ကူစွာ ရရှိစေနိုင်သည်အထိ
ကောင်းကျိုး ကြီးမားလှပါတယ်။ ☑️

🚫 အသံဆူညံရာ အရပ်မှာ လောကီသားတို့၏
နေ့စဉ် လူမှုရေး ပြောဆိုဆက်ဆံရာ၌
မကြားရ၍ အော်ဟစ်ပြောဆိုနေရခြင်း၊
စီးပွားရေး ရောင်းဝယ်ဖောက်ကားရာ၌
ကြီးမားစွာ အနှောက်အယှက် ဖြစ်ခြင်း နှင့်
ကျန်းမာရေး မကောင်းသူ လူနာ များအတွက်
ကိုယ်စိတ်နှလုံး ဒုက္ခ များရခြင်း ( နှလုံးရောဂါ
လူနာ ဆိုလျှင် ချက်ချင်းပင် အသက်သေဆုံး
စေနိုင်ခြင်း ) 🚫
လောကုတ္တရာ ဝိပဿနာကမ္မဋ္ဌာန်း ကျင့်ကြံသူ
များနှင့် ဥပုသ်သီလ ဆောက်တည်နေသူ တို့
အတွက် တရားထူး တရားမြတ် ရရှိဖို့ ဝေး
စိတ်တည်ငြိမ်မှုသမာဓိ ရရှိဖို့ပင် မဖြစ်နိုင်
လောက်အောင် ဆိုးကျိုးကို ပေးနိုင်ပါတယ်။ 🚫

☑️ ထိုသို့ လောကီ/လောကုတ္တရာ နယ်ပယ်စုံ၌
ဆိုးကျိုး ပေးနေသော အသံဆူညံမှုဟာ
အကုသိုလ် အလုပ်သာ ဖြစ်ပြီး
ကုသိုလ် ရဖို့ လုံးဝ မဖြစ်နိုင်ပါ။ ☑️

အလှူမဏ္ဍပ်၌ အသံဆူညံနေပါက
ကျွေးမွေးသော ကုသိုလ် ထက်
အသံဆူညံမှု အကုသိုလ် က
ပိုများနေနိုင်ပါတယ်။

သို့ပါ၍ မြန်မာတို့အနေဖြင့် အမည်ခံမိရိုးဖလာ
အဖြစ်မှ ရိုးရာဓလေ့ အကုသိုလ် အလုပ်များကို
ရဲရဲဝံ့ဝံ့ စွန့်ပယ်ကာ
🙏🏻မြတ်ဗုဒ္ဓ🙏🏻အလိုကျ ကုသိုလ် အလုပ်များ
ကိုသာ နေ့စဉ် ပြုကျင့်နိုင်ကြပါစေကြောင်း
မေတ္တာဖြင့် တိုက်တွန်းရေးသားအပ်ပါ၏။

🙏🏻☸️🙏🏻

ဓမ္မဒါနရှင် U Phyo Thiha Zaw { ဓမ္မဆောင်လူပုဂ္ဂိုလ် }

#ဓမ္မဒါန 🙏🏻☸️🙏🏻

12/06/2024

🙏🏻☸️🙏🏻

ကရုဏာဒေါသ { ကရုဏာဒေါသော }

🙏🏻☸️🙏🏻

ဒီ သဘာဝတရားနှစ်ခုဟာ
ကုသိုလ်က သူသဘာဝနှင့်သူ ။
အကုသိုလ်ကလည်း သူ့သဘာဝနှင့်သူပဲ။

ကုသိုလ်ကို အကုသိုလ်လို့လည်း ပြောလို့မရဘူး။ အကုသိုလ်ကို ကုသိုလ်လို့လည်း ပြောလို့မရဘူး။

တချို့က ပြောကြတယ်။
ဆရာသမားတွေက သို့မဟုတ် မိဘတွေက
သားသမီးတွေကို ဆုံးမတယ်။

မလိမ်မာလို့ ဒေါသနှင့်ရိုက်တာ။
ဒါကို ကရုဏာဒေါသ လို့ ခေါ်ကြတယ်။
ဘယ်လိုလုပ် ကရုဏာဒေါသ ဖြစ်ရမှာလဲ။

ဒေါသ ကရော ဘယ်လိုကရုဏာ ဖြစ်မလဲ။
အဲဒါ သဘာဝနှစ်ခု မတူတာကို
ပေါင်းစပ်ပြီး ပြောတာ။

ဒီလိုပြောရင်တော့ ရတယ်ပေါ့။
သနား ကရုဏာ တဲ့ အပေါ်မှာ အခြေခံပြီးတော့
စိတ်တို ဒေါသ ဖြစ်တာ။ အဲဒီ သနားတဲ့
ကရုဏာ ကတော့ ကုသိုလ်ပဲ။
ဒေါသ ကတော့ အကုသိုလ်ပဲလေ။

အဲဒါကို တစ်ချို့က အပြစ်မရှိဘူးလို့
ထင်နေတယ်။

ဒေါသ ဆိုရင် ဘာ ဒေါသ ပဲဖြစ်ဖြစ်
ကရုဏာ အပေါ်မှာ အခြေခံထားထား
ဘာအခြေခံထားထား ဒေါသ က အကုသိုလ်ပဲ။

အပိုင်းက နှစ်ပိုင်းပဲ သူဟာနှင့်သူ သွားတာ။

အကုသိုလ်က အကုသိုလ်အပိုင်းပဲ
ကုသိုလ်က ကုသိုလ်အပိုင်းပဲ
ကုသိုလ်နှင့် အကုသိုလ်ဆိုတာ ရောလို့မရဘူး။
သဘာဝခြင်းကိုက အလွန်ခြားနားတယ်။

🤍 ကုသလာ အနဝဇ္ဇ သုခိဝိပါကလက္ခဏာ 🤍

ကုသိုလ် မှန်လို့ရှိရင် အပြစ်ကင်းတယ်။
ကောင်းတဲ့ အကျိုးတွေကို ပေးနိုင်တယ်။
ဒါက ကုသိုလ်ရဲ့ သဘာဝတရား 🤍

🚫 အကုသလာ သာဝဇ်ဇ ဒုက်ခ ဝိပါကလက်ခဏာ 🚫

အကုသိုလ် မှန်သမျှ အပြစ်ရှိတယ်တဲ့။
သဘာဝကိုက အပြစ်ရှိတယ်။
အပြစ်ရှိရုံတင် မကဘူး။
ဒုက္ခဝိပါက ဆင်းရဲတဲ့ အကျိုးကို
ထုတ်လုပ်သေးတယ်။ ဒါသူ့ရဲ့ သဘာဝ 🚫

🙏🏻 အဲဒီနှစ်ခုက ဘယ်လိုလုပ်
ပေါင်းစပ်လို့ ရမလဲ။ မရဘူး။
တစ်ပိုင်းစီပဲ မှတ်ရမယ်။
အကုသိုလ်ဖြစ်ရင် အကုသိုလ်အပိုင်းပဲ။

တစ်ချို့က ကောင်းမှုပြုပြီး စိတ်ပျက်တယ်။
ဥပမာ အလှူအတန်း လုပ်တယ်။

ဆိုပါစို့။
လမ်းမှာတွေ့တဲ့ ကိုယ်တော်တစ်ပါးကို
တစ်ခုခု လှုလိုက်တယ်။
အဲဒီကိုယ်‌တော်က ဘုန်းကြီးအစစ် မဟုတ်ဘူး။
အရေခြုံထားတဲ့ ကိုယ်တော် အတု ဆိုပါစို့။

ဪ လှူမိတာ မှားလိုက်တာ ဆိုပြီးတော့
ကိုယ့်ဒါနကို အကြောင်းပြုပြီး နောင်တ ရတဲ့
ကုက္ကိုစ အကုသိုလ် ဖြစ်တာပဲ။

ဒါကလည်း လှူတုန်းကတော့ ဒါနကုသိုလ် ပဲ။
အဲဒါကို အကြောင်းပြုပြီး အကုသိုလ် ဖြစ်တာပဲ။

အဲဒီ ဒါနကို စိတ်ပျက်သွားပြီးလို့ ရှိရင်
ဘာဖြစ်မလဲ အကုသိုလ်ပဲ ဖြစ်တာပဲ။
ဒါက ဘာလဲဆိုရင် ဥပနိဿယ ပစ္စည်း 🙏🏻

ကုသိုလ်ကလည်း အကုသိုလ်ကို
ဖြစ်စေတယ် ဆိုတာ
သတိကြီးကြီး ထားရမယ်ပေါ့။

ဒီတော့ ကုသိုလ် လုပ်တိုင်း
ကုသိုလ် ရတာ မဟုတ်ဘူး။
သူ့အပိုင်းနှင့်သူ
ကုသိုလ် ရတဲ့ အပိုင်းက ရတယ်။
အကုသိုလ် ဖြစ်တဲ့ အပိုင်းက အကုသိုလ်ပဲ။

အဖြူနှင့်အမည်းပဲ တွဲလို့မရဘူး။
အဖြူနှင့်အမည်း တွဲလိုက်ရင် ဘာဖြစ်သွားမလဲ
ခပ်ကြောင်ကြောင် အရောင်ကြီး ဖြစ်သွားမှာပေါ့။

🙏🏻 ပုရိမာ ပုရိမာ ကုသလာဓမ္မာ
ပစ်ဆိမာနံ ပစ်ဆိမာနံ အကုသလာနံ ဓမ်မာနံ 🙏🏻

ရှေ့ရှေ့က ဖြစ်သွားတဲ့ ကုသိုလ်တရား‌တွေဟာ နောက်နောက်က ဖြစ်လာတဲ့ အကုသိုလ်
တရားတွေကို ဥပနိဿယ သတ္တိဖြင့်
ကျေးဇူးပြုပါသည် တဲ့။

ဈာန်တရား ရတယ်။
ထို ဈာန်လျော့သွားသည့် အတွက်ကြောင့်
စိတ်ထဲမှာ မကျေမနပ်
ဝမ်းနည်းခံစား ဖြစ်တယ်ဆိုရင်

ဈာန်တရားက ကုသိုလ် ။
ဝမ်းနည်းတာက အကုသိုလ် ။
ကုသိုလ် ကို အကြောင်းပြုပြီး
အကုသိုလ် ဖြစ်တာပဲ။
အားလုံးဟာ ဒီအတိုင်းပဲလို့
နားလည်သဘောပေါက်ရမယ် နော်
ဒါက ဥပနိဿယပစ္စယော 🙏🏻

🙏🏻☸️🙏🏻

အဘိဓဇမဟာရဌဂုရု
ပါမောက္ခချုပ် ဆရာတော်ကြီး
ဒေါက်တာအရှင်နန္ဒမာလာဘိဝံသ မထေရ်မြတ်

🙏🏻☸️🙏🏻

ဟောကြားတော်မူသော
အနန္တရပစ္စယော သမနန္တရပစ္စယော
ပဌာန်းမြတ်ဒေသနာ အပိုင်း ၅ တရားတော်မှ
ထုတ်နှုတ်ရေးသား ဓမ္မဒါန ပြုအပ်ပါ၏။

🙏🏻☸️🙏🏻

ဓမ္မဒါနရှင် U Phyo Thiha Zaw { ဓမ္မဆောင်လူပုဂ္ဂိုလ် }

#ဓမ္မဒါန

🙏🏻☸️🙏🏻

07/06/2024

🙏🏻☸️🙏🏻

🙏🏻☸️ တကယ်ကတော့ မေတ္တာဆိုတာ
ရွတ်နေရတဲ့ အရာမဟုတ်ဘူး ☸️🙏🏻

မေတ္တသုတ်ရဲ့ အနက်အဓိပ္ပါယ်မှာ ရွတ်ဖတ်နေဖို့
ပြောထားတာ တစ်ခုမှ မရှိဘူး။
မိမိစိတ်ဓာတ်ကို ဒေါသကင်းစင်အောင်
မေတ္တာနဲ့ အစားထိုးတည်ဆောက်ရမှာလို့
ဆိုလိုတယ်။

စိတ်ကောင်းရှိလာလို့ရှိရင် အပြောအဆိုကလည်း
မေတ္တာ နဲ့ ပတ်သက်လာတယ်။
အလုပ်အကိုင်ဟာလည်း
မေတ္တာနဲ့ ပတ်သက်လာတယ်။

စိတ်ဓာတ်က မပါပဲနဲ့ အရွတ်အဖတ်
အပြောသက်သက် ဆိုလို့ရှိရင်
ဒီမေတ္တာဟာ အတုအယောင်ပဲ
ဖြစ်သွားမယ်။
တကယ်လက်တွေ့ကျတော့
ဆောင်ရွက်နိုင်စွမ်း မရှိတဲ့ အရာ
ဖြစ်သွားမယ်နော်။

ဒါကြောင့်မို့ အဓိက အကျဆုံးဖြစ်တဲ့
ကိုယ့်ရဲ့စိတ်ဓာတ်ကို ဒီအများအကျိုးကို
လိုလားတဲ့ စိတ်ဓာတ် ၊ ကိုယ့်ထက်
နိမ့်ကျသွားလို့ရှိရင် အကြင်နာထားပြီး
ဖေးကူပြီး ကိုယ့်အခြေအနေမျိုး ရောက်အောင်
ကူညီပေးနိုင်တဲ့ စိတ်ဓာတ်၊ ကိုယ့်ထက်သာ
သွားလို့ရှိရင် ဝမ်းသာပေးနိုင်တဲ့ စိတ်ဓာတ်၊
အဲ့လို အခြေအနေကောင်းတွေရောက်သွားတဲ့
ပုဂ္ဂိုလ် တစ်ဦးတစ်ယောက်ဆီကနေ ကိုယ့်ကို
ပြန်လှန်လာတဲ့ အကျိုး၊ ကျေးဇူးတုံ့ပြန်လာမှု
တွေကို မလိုလားတဲ့ စိတ်ဓာတ် ၊
မျှော်လင့်ချက်မထားတဲ့ စိတ်ဓာတ်
အဲ့ဒါကိုပဲ မေတ္တာ၊ ကရုဏာ၊ မုဒိတာ၊ ဥပေက္ခာ
လို့ ခေါ်တယ်။

ဒီစိတ်ဓာတ်ရှိတဲ့ ပုဂ္ဂိုလ်တိုင်းဟာ
မွန်မြတ်တဲ့ပုဂ္ဂိုလ် ဖြစ်တယ်ပေါ့။

မြင့်မြတ်တဲ့အလုပ်တွေကို လုပ်တော့မယ်
ဆိုရင်တဲ့ ဒီစိတ်ဓာတ်တွေ မပါပဲ လုပ်လို့ရှိရင်
မြင့်မြတ်တဲ့ အလုပ်ဆိုတာ မဖြစ်နိုင်ဘူး။
မြင့်မြတ်တဲ့ စိတ်ဓာတ်တွေကို ကိုယ့်သန္တာန်မှာ အခိုင်အမာတည်ဆောက်ပြီးတော့မှ
လုပ်ရတယ်လို့ ဒီလိုဆိုလိုတာ။

🙏🏻☸️🙏🏻

ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ မထေရ်မြတ်

🙏🏻☸️🙏🏻

" သတိကောင်းအောင် ကျင့်ဆောင်ခြင်း "
တရားတော်မှ ပြန်လည်ရေးသားမျှဝေ
ဓမ္မဒါန ပြုအပ်ပါ၏။

ဓမ္မဒါနရှင် U Phyo Thiha Zaw { ဓမ္မဆောင်လူပုဂ္ဂိုလ် }

#ဓမ္မဒါန

🙏🏻☸️🙏🏻

30/05/2024

🙏🏻☸️🙏🏻

" မာတာ ၊ ပိတု "

🍀🙏🍀🙏🍀🙏🍀🙏🍀🙏🍀

လူ့လောက ရောက်လာတဲ့အခါမှာ..

ကိုယ့်အပေါ်မှာ ကျေးဇူးကြီးမားဆုံးဟာ
" မာတာ " နဲ့ " ပိတု " ဆိုတဲ့
" အမေ ” နဲ့ " အဖေ ” ပဲ။

" အမေ ၊ အဖေ ” က
ကိုယ့်ကို ကျွေးသည် ဖြစ်စေ၊
မကျွေးသည် ဖြစ်စေ ကျေးဇူး ရှိတယ်။

အရေးကြီးဆုံးက ဘာလဲဆိုရင်...

" ဣမဿ လောကဿ ဒေဿ တာရော ”

အမေ ၊ အဖေ က
ကိုယ့်ကို လူဖြစ်ခွင့် ပေးတာသည်ပင်လျှင်
ကျေးဇူးကြီးလှပြီတဲ့။

စဉ်းစားကြည့်လေ...

ကိုယ့်အမေ ၊ အဖေက
လူဖြစ်ခွင့် မပေးဘူးဆိုရင်
လူ့ဘဝကို ရောက်မလာနိုင်ဘူးပေါ့။

အခုခေတ်မှာ လူဖြစ်ခွင့် မပေးတဲ့ မိဘတွေ
ရှိနေတယ်၊ မရှိဘူး မအောက်မေ့နဲ့နော်။

လူ့ဘဝ ရောက်ချင်တာတောင်
မိဘတွေက ခွင့်မပြုလို့
လူဖြစ်မလာတဲ့ ပုဂ္ဂိုလ်တွေ အများကြီးပဲလေ။
ဘာတားဆေး ညာတာဆေးတွေ
ရှိတယ် မဟုတ်လား။

အေး_ မဟုတ်တဲ့ နည်းလမ်းတွေနဲ့
လူ့လောကကို လာခွင့်မပြုတာတွေ
ရှိလာပြီဆိုကတည်းက လောကကြီးဟာ
ကြောက်စရာ ကောင်းလာတယ်ဆိုတဲ့
အဓိပ္ပါယ်နော်။

လူ့လောကမှာ အားအကိုးရဆုံးဖြစ်မယ့်
မိဘကတောင် ကိုယ့်ကို လူ့လောကထဲ
လာခွင့်မပေးဘူး။

ဒို့မိဘတွေ ဒို့ကို လာခွင့်ပေးတာဟာ
ဒီ ကျေးဇူး တစ်ခုထဲနဲ့တင် ဆပ်မကုန်ဘူးနော်။

အကယ်၍ မိဘက လာခွင့်မပြုဘူးဆိုရင်
လူ ဘယ်လိုလုပ် ဖြစ်မတုန်း။ မဖြစ်နိုင်ဘူး။

အေး… လာခွင့်တော့ ပေးပါရဲ့၊
ကျွေးမွေးမထားဘဲ လမ်းဘေးပစ်လိုက်တယ်
ဆိုတာလည်း ဖြစ်လာတတ်တယ်။

ဒို့တတွေက အဲလို မခံရဘူးဆိုတော့
ဒို့အပေါ်မှာ ကျေးဇူးအကြီးမားဆုံးက
ဒို့ " အမေ နဲ့ အဖေ ” ပဲ။
အဲဒါနဲ့တင်ပဲ မိဘကျေးဇူးဟာ
ဆပ်မကုန်ဘူး လို့ ပြောလို့ရတယ်။

" မြင့်မိုရ်တောင်ဦး မကကျူးသည့် " တဲ့။

မြင့်မိုရ်တောင်ဆိုတာ အလွန်မြင့်တယ်။
မိဘကျေးဇူးဆိုတာ အလွန်မြင့်တဲ့
မြင့်မိုရ်တောင်ကြီးလောက် မကဘူး။

မိဘကျေးဇူးကို မြတ်စွာဘုရားက
(၃)ခုတည်းပဲ ထောက်ပြတယ်။

အာပါဒကာ - မိမိကို သန္ဓေတည်တဲ့အချိန်က
စပြီးတော့ လူ့ဘဝ ရရှိလာအောင် ဂရုစိုက်
စောင့်ရှောက်ပေးခဲ့တယ်။

ပေါသကာ - မွေးလာတော့လည်း ကျွေးခဲ့တယ်။
ဘာမှ မစားတတ်တဲ့ အရွယ်ကစပြီး မိခင်က
နို့ချိုတိုက် ကျွေးမွေးလာခဲ့တယ်။

အဲဒီအပြင်

ဣမဿ လောကဿ ဒေဿ တာရော -
ဒီလောကကြီးကို ပြသတယ်၊ လူဖြစ်ခွင့်
ပေးတယ်။

အဲ့ဒီ ကျေးဇူး(၃)ခုကို မြတ်စွာဘုရားက

"ဗဟူပကာရာ ဘိက္ခဝေ မာတာပိတရော ပုတ္တာနံ”

မိဘတွေဟာ သားသမီးအပေါ်မှာ
အခုလို ကျေးဇူးများတယ် ဆိုတာကို
မြတ်စွာဘုရားက မီးမောင်းထိုးပြထားတာနော်။

🙏🏻☸️🙏🏻

ကျေးဇူးတော်ရှင် ပါမောက္ခချုပ်ဆရာတော်ကြီး
ဒေါက်တာဘဒ္ဒန္တနန္ဒမာလာဘိဝံသ မထေရ်မြတ်

🙏🏻☸️🙏🏻

ပြန်လည်ရေးသားမျှဝေ ဓမ္မဒါန ပြုအပ်ပါ၏။
ဓမ္မဒါနရှင် U Phyo Thiha Zaw { ဓမ္မဆောင်လူပုဂ္ဂိုလ် }

#ဓမ္မဒါန

🙏🏻☸️🙏🏻

30/05/2024

🙏🏻☸️🙏🏻

🙏🏻☸️ လူတော်လူကောင်း ☸️🙏🏻

🍂 ကိုယ်ကျင့်တရား သီလ တော့ ကောင်းတယ်။

🍂 အသိဉာဏ် မရှိဘူး ဆိုရင်
သူ့အတွက်မှာ ကောင်းတယ်။
ဘေးက လူတွေအတွက်တော့
သိပ်မကောင်းဘူး ပြောရမယ်။

🍂 အရည်အချင်း မရှိသည့်အတွက်
အများအကျိုး မလုပ်ဆောင်နိုင်ဘူး။

🍂 အရည်အချင်းတော့ တော်ပါရဲ့
ကိုယ်ကျင့်တရား မကောင်းဘူး ဆိုရင်လည်း
ကိုယ်ကျင့်သီလ မကောင်းသည့်အတွက်
ဒီပုဂ္ဂိုလ်ဟာ ပတ်ဝန်းကျင်အတွက်
အန္တရာယ် များတယ်။

🍂 ဒါကြောင့်
သီလ ပညာ ဒီအရည်အသွေး ၂ ခုဟာ
လူတိုင်းမှာ အခြေခံရှိသင့်တဲ့
အရည်အသွေးတွေပါပဲ။
ထပ်ပြီး လျှော့ချလို့ မဖြစ်ဘူး။

🍂 မဖြစ်မနေ တစ်ခု လျှော့ချရမယ်
ဆိုရင်တော့ ကိုယ်ကျင့်တရား သီလ
ကောင်းတာကို ဦးစားပေး
ရွေးချယ်ရမယ်။

🍂 ကိုယ်ကျင့်သီလ ကောင်းပြီး မတော်ရင်
သူများကို မကူညီနိုင်တာပဲ ရှိမယ်။

🍂 အန္တရာယ်တော့ မပေးနိုင် မများနိုင်ဘူး
မဟုတ်လား။

🙏🏻☸️🙏🏻

🙏🏻 ပါမောက္ခချုပ်ဆရာတော်ကြီး 🙏🏻
🙏🏻 ဒေါက်တာအရှင်နန္ဒမာလာဘိဝံသ မထေရ်မြတ်🙏🏻

🙏🏻☸️🙏🏻

သူတော်ကောင်းတို့၏ စိတ်နေသဘောထား
တရားမြတ်ဒေသနာ မှ ပြန်လည်ရေးသား ဓမ္မဒါန
ပြုအပ်ပါ၏။

ဓမ္မဒါနရှင် U Phyo Thiha Zaw { ဓမ္မဆောင်လူပုဂ္ဂိုလ် }

#ဓမ္မဒါန

🙏🏻☸️🙏🏻

29/05/2024

🙏🏻☸️🙏🏻

“ လူတိုင်း လူတိုင်း ဟာ

ဘဝတစ်ခု ရလာပြီ လူဖြစ်လာပြီ ဆိုလို့ရှိရင်

ဒါနကုသိုလ် သီလကုသိုလ် ဝိပဿနာကုသိုလ်

ကောင်းမှုတစ်ခုခုမှ မရလိုက်ဘူး ဆိုရင်

ကုသိုလ်ကောင်းမှုကြောင့် ရလာတဲ့ ဒီလူ့ဘဝကို

အလဟဿဖြုန်းတီးပစ်ရာ ရောက်ပါတယ်။ "

🙏🏻☸️🙏🏻

ကျေးဇူးတော်ရှင်ပါမောက္ခချုပ်ဆရာတော်ကြီး
ဒေါက်တာအရှင်နန္ဒမာလာဘိဝံသ မထေရ်မြတ်

🙏🏻☸️🙏🏻

မေတ္တာဖြင့် ပြန်လည်ရေးသား ဓမ္မဒါန ပြုပါ၏။
ဓမ္မဒါနရှင် U Phyo Thiha Zaw { ဓမ္မဆောင်လူပုဂ္ဂိုလ် }

#ဓမ္မဒါန

🙏🏻☸️🙏🏻

26/05/2024

🙏🏻☸️🙏🏻

🙏🏻☸️ လူသတ်ခြင်း ၊ ဆင်သတ်ခြင်း နှင့်
ပုရွက်ဆိတ်သတ်ခြင်း တို့ ၌ မည်သို့
အပြစ်ထူးခြားပါသနည်း။ ☸️🙏🏻

လူ သတ္တဝါနှင့် တိရစ္ဆာန် ၂ မျိုးတွင်
လူသတ္တဝါ သည် ကုသိုလ်ကံကြောင့်
ဖြစ်လာသော ရုပ်ခန္ဓာဖြစ်၍ သဘာ၀အားဖြင့်
တိရစ္ဆာန်တို့ထက် ဂုဏ်ရှိ၏။

အသိအလိမ္မာလည်း အထိုက်အလျောက်
သာနေတတ်သေး၏။

ထို့ကြောင့် တိရစ္ဆာန်ကို သတ်ခြင်းထက်
လူကို သတ်ခြင်းက အပြစ်ပိုကြီး၏။

🙏🏻 လူတွင်လည်း ငါးပါး ရှစ်ပါး ကိုးပါး စသော
သီလဂုဏ်အဆင့်အဆင့် မြင့်သူကို သတ်ခြင်းက
အပြစ် ပို၍ ကြီးမား၏။

🙏🏻☸️ ဘုရား ၊ ရဟန္တာကို သတ်လျှင်လည်းကောင်း
ကျေးဇူးကြီးလှသော မိဘ ကို သတ်လျှင်
လည်းကောင်း သေပြီးနောက်
အဝီစိ အကျိုးကို မုချပေး၏။ ☸️🙏🏻

တိရစ္ဆာန်တို့တွင် အကောင်ကြီးကို သတ်ရာ ၌
လုံ့လ စိုက်မှု ပယောဂ ကြီးမားရကား
အကုသိုလ်စေတနာတွေလည်း ရှေးအဖို့ ၌
အများအပြား ဖြစ်ရလေ၏။

ပယောဂချင်း ( သေနတ်တစ်ချက် အားဖြင့် )
တူစေကာမူ အကောင်ကြီး ၌ ရုပ်အစုများစွာကို
ဖျက်စီးရာ ရောက်၏။

ထို့ကြောင့် ပုရွက်ဆိတ်ကို သတ်ခြင်းထက်
ဆင်ကို သတ်ခြင်းက ပို၍ အပြစ်ကြီး၏။

🙏🏻☸️🙏🏻

( ကျမ်းညွန်း - မဟာဂန္ဓာရုံဆရာတော်၏
ဘာသာရေးပြဿနာများ )

မဟာဝိဟာရကျောင်းတိုက်များနာယကဆရာတော်
အရှင်အဘယာလင်္ကာရ ( မဟာဝိဟာရဝါသီ )
( မေးကြ ဖြေကြ ဓမ္မဝိနယ စာအုပ်မှ
ကောက်နုတ်ချက် )

🙏🏻☸️🙏🏻

ထပ်ဆင့်ရေးသား ဓမ္မဒါန ပြုအပ်ပါ၏။
ဓမ္မဒါနရှင် U Phyo Thiha Zaw { ဓမ္မဆောင်လူပုဂ္ဂိုလ် }

#ဓမ္မဒါန

🙏🏻☸️🙏🏻

22/05/2024

🙏🏻☸️🙏🏻

🙏🏻☸️ ဗုဒ္ဓ နဲ့ လွဲနေကြသူများ ☸️🙏🏻

ဗုဒ္ဓ ဆိုတာ ကမ္ဘာပေါင်း လေးအသင်္ချေ နဲ့
ကမ္ဘာတစ်သိန်း တိတိ ပါရမီ ၁၀ ပါး ဖြည့်ပြီး
ဒုက္ကရစရိယာ ၆ နှစ် ကျင့်ကြံအားထုတ်ပြီးမှ
သမ္မာသမ္ဗုဒ္ဓ ဆိုတဲ့ ဘုရားရှင် အဖြစ်သို့
ရောက်ရှိခဲ့တယ်။ 🙏🏻

ယနေ့ခေတ် ဗုဒ္ဓဘာသာဝင်တွေကတော့
ဆွမ်းလေးကပ်၊ ရေချမ်းလေးကပ်၊
ဘုရားပန်းလေး လှူပြီး လိုချင်တာတွေ
ထိုင်ပြီး နှုတ်တိုက် ဆုတောင်းတော့တာပဲ။

ဆု ဆိုတာ တောင်းပြီးရင် ဖြည့်ကျင့်ရတယ်
ကျင့်ကြံအားထုတ်ရတယ်။

သို့သော် လူတွေက မဖြည့်ကျင့်ချင်ဘူး
မကျင့်ကြံ အားမထုတ်ချင်ဘူး။
ဆုတောင်းရုံလေးနဲ့ လိုချင်တယ်၊ ရချင်တယ်။

လိုချင်တာတွေ ဆုတောင်းလို့ မရတဲ့အခါ
ဘုရားအပေါ်မှာ အယုံအကြည် မဲ့လာတယ်၊
သဒ္ဓါတရားတွေ ကင်းမဲ့လာတယ်။

မြတ်စွာဘုရားရှင်အပေါ်တောင်
ကြည်ညို သဒ္ဓါစိတ်ပျောက်နေတဲ့
လူတွေဟာ ရဟန်းသံဃာတွေကို
စိတ်ထင်သလို ပြစ်မှားစော်ကားနေတာ
မထူးဆန်းတော့ပေ။

ယနေ့ခေတ် ဗုဒ္ဓဘာသာဝင် အများစုဟာ
မြတ်စွာဘုရားအပေါ်မှာ ကြည်ညိုသဒ္ဓါ ပွားလို့
ကိုးကွယ်တာထက် ကိုယ့်အကျိုးစီးပွားအတွက်
ကိုးကွယ်တာတွေက ပိုများတယ်။

ဘယ်ဘုရားကတော့ ဆုတောင်းပြည့်တယ်၊
ဘယ်ဘုရားကတော့ စီးပွားတက်တယ်၊
ဘယ်ဘုရားကတော့ လာဘ်ရွှင်တယ်ပေါ့။

တကယ်တော့ ကိုယ့်စိတ်က ဖြူဖြူစင်စင်နဲ့
မြတ်စွာဘုရားအပေါ် ယုံကြည်ကိုးကွယ်ရင်
ကောင်းကျိုး ဆန္ဒတွေ ပြည့်မှာပါပဲ
အချိန်တော့ လိုတာပေါ့။

ဘုရားက ဖြည့်ပေးတာလားဆိုတော့
မဟုတ်ဘူး။
ဘုရားရှင်ပေါ်ထားတဲ့ ကိုယ့်ရဲ့ သဒ္ဓါတရား
စိတ်စေတနာတွေဟာ ရောင်ပြန်ဟပ်ပြီး
အကျိုးပေးတာပဲ။ 🙏🏻

ကိုယ်ပြုတဲ့ ကံကပဲ ကိုယ့်အပေါ်
ကောင်းကျိုးပြန်ပေးတဲ့ သဘောပေါ့။

ပြောချင်တာက
စေတနာသည် ကံမည်၏တဲ့
စေတနာကောင်းရင် ကံကောင်းမယ်။

ကိုယ်ကျိုးစီးပွားအတွက်ဆိုတဲ့
စိတ်နဲ့ မဟုတ်ပဲ။ သဒ္ဓါ တရားကြည်ဖြူစွာနဲ့
ဘုရားအပေါ်မှာ ကိုးကွယ်ရင်
အချိန်တန်တာနဲ့
ကောင်းကျိုးလိုရာ ပြည့်မှာပါ။

🙏🏻☸️🙏🏻

မေတ္တာဖြင့် ထပ်ဆင့်ရေးသား ဓမ္မဒါန ပြုပါ၏။
ဓမ္မဒါနရှင် U Phyo Thiha Zaw { ဓမ္မဆောင်လူပုဂ္ဂိုလ် }

#ဓမ္မဒါန

🙏🏻☸️🙏🏻

22/05/2024

🙏🏻☸️🙏🏻

🛑 " လှူပါ " လို့ပြောလိုက်တာနဲ့
ဘုန်းကြီးကျောင်းပဲ ပြေးမမြင်နဲ့ ❌

🙏🏻☸️🙏🏻

မင်္ဂလသုတ်မှာ လာတာက ”သုံးတန်စေတနာ
ဖြူစင်လန်းလို့ ပေးကမ်း ဝေမျှ လှူနိုင်စေ”တဲ့
ကိုယ့်အောက် နိမ့်ကျတဲ့သူတွေကို
ပေးကမ်းလှူဒါန်းရမယ်၊၊🌿

ကိုယ့်နဲ့တန်းတူ သူငယ်ချင်း
မိတ်ဆွေ အပေါင်းအသင်းတွေကို
ဝေမျှလှူဒါန်းရမယ်၊၊🌿

ကိုယ့်ထက် သီလ၊ သမာဓိ၊ ပညာ
သာလွန်တဲ့ ရတနာသုံးပါး၊
ကျေးဇူးကြီးမားတဲ့ မိဘ ဆရာသမား
ကျေးဇူးရှိသူတွေကို ပူဇော်လှူဒါန်းရပါမယ်။🌿

လူတော်တော်များများက ဘုန်းကြီးကိုလှူမှ
အလှူ ဒါန လို့ ထင်ကြတယ်။
ဘုရားတည်၊ ကျောင်းဆောက်တာကိုပဲ
အလှူဒါန ထင်ကြတယ်။

ဘုရားတည်၊ ကျောင်းဆောက်တာကို
လှူတာလည်း ဒါနဖြစ်သလို
စာသင်ကျောင်းကို လှူရင်လည်း
ဒါန ဖြစ်ပါတယ်။

နယ်ဘက် ရွာဘက်တွေ ကြည့်လိုက်ရင်
ဘုန်းကြီးကျောင်းတွေက
နတ်ဘုံ နတ်နန်းတမျှ ကြီးမားပြီး
သံဃာ မရှိဘူး။

နယ်ဘက် ရွာဘက်တွေက
စာသင်ကျောင်းတွေ ကြည့်လိုက်ရင်
အမိုး မလုံ၊ မျက်နှာကျက် မရှိ၊ ပန်ကာ မရှိ၊
လျှပ်စစ်မီး မရှိ၊ ရေ မရှိနဲ့ အနာဂတ်ရဲ့
ကလေးငယ် ကျောင်းသူ ကျောင်းသားတွေ
ဒုက္ခရောက်ကြပါတယ်။

ဒါကြောင့် လှူချင်သပ ဒါနပြုချင်သပ ဆိုရင်
ဘုရားကျောင်းကန်တွေလည်း လှူပါ။
လူငယ်တွေအတွက် အနာဂတ်အတွက်
အရေးကြီးတဲ့ စာသင်ကျောင်းတွေ
ကောင်းအောင်လည်း လှူပေးပါ။

ကိုယ့်ရပ်ရွာ ဖွံ့ဖြိုးတိုးတက်အောင်လည်း
လမ်းတွေ တံတားတွေ
စောင့်ရှောက် လှူဒါန်းပါ။

စားနိုင် သောက်နိုင်တဲ့သူတွေကိုလည်း
လှူသလို
မစားနိုင် မသောက်နိုင်တဲ့သူတွေကိုလည်း
လှူပေးပါ။

နောက်တစ်ခု ရှိတာက
လုပ်ငန်းရှင်တွေ တော်တော်များများက
ဘုရားဒကာ၊ ကျောင်းဒကာခံယူချင်တော့
ဘုရားတွေ ကျောင်းတွေမှာ ပုံအောပြီး
လှူကြတယ်။

ကိုယ့် အလုပ်သမားတွေကျတော့
လုပ်ခလစာ တန်အောင် မပေး
မတရား စေခိုင်းကြတယ်။

ဒါမျိုးတွေ မဖြစ်ပါစေနဲ့ ။
လှူသင့်လှူထိုက်တာလည်း လှူပါ။
အလုပ်သမားတွေ ရသင့်ရထိုက်တဲ့ လုပ်အားခနဲ့
အခွင့်အရေးလည်း မျှတအောင် ပေးကမ်းတာက
စေတနာကောင်းရင် ဒါန မြောက်ပါတယ်။

ကိုယ့်အောက်နိမ့်ကျတဲ့သူတွေကို ပေးကမ်း
ချီးမြှင့်တာဟာ ဒါန ပါပဲ။
ဒါန ဖြစ်သလို မေတ္တာ၊ ဂရုဏာတရားကို
လက်တွေ့ကျင့်သုံးခြင်း ဖြစ်လို့
တရားအားထုတ်ခြင်းလည်း ဖြစ်ပါတယ်။

အဆင်ပြေရင် ပြေသလို
ကိုယ့်သူငယ်ချင်း မိတ်ဆွေ အပေါင်းအသင်း၊
ဆွေမျိုးတွေကိုလည်း ဝေမျှဒါနပြုပေးပါ။

ဆွေမျိုးတွေကို ချီးမြှောက်စောင့်ရှောက်
ထောက်ပံ့တာကလည်း မင်္ဂလသုတ် မင်္ဂလာ
တရားတော်နဲ့အညီ တရားအားထုတ်နေတာ
ဖြစ်ပါတယ်။

သက်ရှိဘုရား မိဘ နှစ်ပါးကိုလည်း
စောင့်ရှောက်လှူဒါန်းရမှာ ဖြစ်ပါတယ်။

မိဘနှစ်ပါးကို လှူဒါန်းတာဟာ
သက်ရှိဘုရားကို လှူဒါန်းတာနဲ့ တူပါတယ်။
မိဘနှစ်ပါးကို လိုအပ်တာတွေကို
စောင့်ရှောက်လှူဒါန်းနေတာကလည်း
မင်္ဂလသုတ္တန်နည်းအရ တရားအားထုတ်နေတာပါပဲ။

တစ်ဖက်မှာတော့ ဘုရားဒကာ၊ ကျောင်းဒကာ
အမည်ခံ သူဌေးကြီးလုပ်ပြီး မိဘနှစ်ပါးကို
ပစ်ထားမယ်ဆိုရင် သဘာဝ မကျပါဘူး။

ဘုရားကျောင်းကန်တွေမှာ လှူသင့်တာလည်း လှူပါ။
လူ့ကျင့်ဝတ်တွေကိုလည်း တတ်နိုင်သမျှ
ကျေပွန်အောင် ကြိုးစားပါ။

ဒါကြောင့် ကိုယ့်အောက်နိမ့်ကျ ကိုယ့်လောက်မှ
မချမ်းသာတဲ့သူတွေကို ပေးကမ်းဒါနပြုပါ။

ကိုယ့်မိတ်ဆွေ သူငယ်ချင်း
အပေါင်းအသင်း ဆွေမျိုးတွေကို ဝေမျှ
ဒါနပြုပါ။

ကိုယ့်ထက် မြင့်မြတ်တဲ့ ရတနာသုံးပါး၊ မိဘ၊
ဆရာသမား၊ ကျေးဇူးရှင်တွေကိုလည်း လှူဒါန်း
ပူဇော်ပါ။
ဒါတွေအားလုံးဟာ ဒါနတွေချည်းပါပဲ။

လှူတဲ့နေရာမှာလည်း
(၁) ကံနဲ့ ကံရဲ့အကျိုးကို ယုံကြည်စွာ လှူပါ။
(၂) အယုတ် အလတ် အမြတ်မရွေး ရိုရိုသေသေ
လေးလေးစားစားနဲ့ လှူပါ။
(၃) အချိန်ကာလအလိုက် လိုအပ်တာကို လှူပေးပါ။
(၄) အစစအရာရာအဆင်ပြေပါစေဆိုတဲ့
စိတ်လေးထားပြီး ချီးမြှောက်လိုစိတ်နဲ့ လှူပါ။
(၅) သန့်ရှင်းစင်ကြယ်တဲ့ လှူဖွယ်ပစ္စည်းနဲ့
မိမိ သူတစ်ပါး ပတ်ဝန်းကျင်ကိုပါ
မထိခိုက်ရအောင် ငါးပါးသီလလုံစွာ လှူပါ။

🙏🏻☸️🙏🏻

လှူတဲ့အခါမှာလည်း
မလှူခင် လှူဆဲ နဲ့ လှူပြီးတဲ့အခါမှာပါ
စေတနာ မပျက်စေရဘဲ စေတနာ သုံးတန်
ပြည့်ဝစွာ လှူဒါန်းရပါမယ်။

ကိုယ်ရလာတဲ့ အကျိုး အမြတ်တွေထဲက
အယုတ် အလတ် အမြတ် မရွေး တတ်နိုင်သမျှ
ပေးကမ်း၊ ဝေမျှ၊ လှူဒါန်းရပါမယ်။

ဘာပဲ လုပ်လုပ် နေ့စဉ် ၅ ပါးသီလကို
လုံအောင် ထိန်းနိုင်ရပါမယ်။
စွမ်းနိုင်ရင် စွမ်းနိုင်သလို အခါကြီး ရက်ကြီးတွေမှာ၊ ဝါတွင်းကာလတွေမှာ ဥပုသ်လီလတွေကို
စောင့်ထိန်းရပါမယ်။

🙏🏻☸️🙏🏻

အလုပ်လုပ်တဲ့အချိန်မှာလည်း အချင်းချင်း
မထိခိုက်စေရဘဲ ကာယကံမေတ္တာ၊ ဝစီကံမေတ္တာ၊ မနောကံမေတ္တာတွေ ထားလို့၊ အားရင် အားသလို
ဗုဒ္ဓနုဿတိ ကမ္မဋ္ဌာန်းတွေ စီးဖြန်းလို့၊
အချိန်ရရင် ရသလို ဝိပဿနာဘာဝနာတွေ
ပွါးများလို့ နေထိုင် လုပ်ကိုင်ကြရင်
အခုဘဝလည်း ချမ်းသာ၊
နောင်ဘဝလည်း ချမ်းသာလို့
သံသရာမှာလည်း ချမ်းသာပါလိမ့်မယ်။

အားလုံး ကျန်းမာ ချမ်းသာကြပါစေ။

🙏🏻☸️🙏🏻

ပါမောက္ခချုပ်ဆရာတော်ကြီး
ဒေါက်တာဘန္ဒန္တနန္ဒမာလာဘိဝံသ မထေရ်မြတ်

🙏🏻☸️🙏🏻

ထပ်ဆင့် ရေးသားမျှဝေ ဓမ္မဒါန ပြုအပ်ပါ၏။
ဓမ္မဒါနရှင် U Phyo Thiha Zaw { ဓမ္မဆောင်လူပုဂ္ဂိုလ် }

#ဓမ္မဒါန

🙏🏻☸️🙏🏻

18/05/2024

🙏🏻☸️🙏🏻

🙏🏻☸️ ဒုလ္လဘ နဲ့ အလွဲများ ☸️🙏🏻
~~~~~~~~~~~~~~~~~~~~~

" မြန်မာလူမျိုးတို့ဟာ ပွဲကြိုက်သူများ " လို့
ပြောရင် မှန်ပေလိမ့်မယ်။

ဘာပဲလုပ်လုပ် ပွဲလုပ်တတ်တယ်၊ အကအခုန်
အဆို အငို အတီးအမှုတ် ထည့်သွင်းတတ်ကြတယ်။

ဒါ့ကြောင့် ရှင်ပြု/ရဟန်းခံ ကိစ္စမှာလည်း
ဇာတ်ပွဲ အငြိမ့်ပွဲတွေ ငွေအကုန်အကျခံပြီး
ငှားလေ့ ရှိကြတယ်။

ဒါဟာလည်း ဒုလ္လဘ နဲ့ အလွဲများထဲမှ တစ်ခုပါပဲ။

တစ်ခါတုန်းက ကျေးရွာမှာ ကျောင်းထိုင်ပြီး
သာသနာပြုနေတဲ့ ဆရာတော်တစ်ပါးက
သူ့ရွာက ရှင်ပြုပွဲတစ်ခုအကြောင်း ပြောပြတယ်။

" တပည့်တော်တို့ ရွာမှာ ဟိုတလောက
ရှင်ပြုပွဲလုပ်တာ သိန်း (၂၀၀) လောက်
ကုန်တယ်လို့ ပြောတယ်။

ပင့်သံဃာ (၁၀) ပါးကို လှူတာက
တစ်ပါးကို နှစ်သောင်းစီ။

(၇) ရက် ပွဲငှားတယ်၊ သိန်းတစ်ရာလောက်
ကုန်တယ်ဘုရား။

အဲ့ဒါသာ ကြည့်ပေတော့ အရှင်ဘုရားရယ်၊
လူတွေက အကုသိုလ်အတွက်ဆို
ငွေကုန်ချင်သလောက် ကုန်ဆိုတဲ့ သဘောပါပဲ၊

ပွဲငှားတာ အကုသိုလ်မှန်းလည်း
သိပုံ မရပါဘူးဘုရား "

ဒါဟာ ယနေ့ခေတ် ရှင်ပြုပွဲအနေအထား
တစ်ခု ဖြစ်ပါတယ်၊

ရတနာသုံးပါးဂုဏ်ကို သီဆိုတီးမှုတ်တာမျိုး
ဆိုရင် ပွဲအလှူဟာ ကုသိုလ်ရပေမယ့်
ရတနာသုံးပါးနဲ့ မသက်ဆိုင်တဲ့ ပွဲသဘင်
ဆိုရင်တော့ ငှားရမ်းသူ ၊ ကြည့်ရှုသူ့၊
ဖျော်ဖြေတင်ဆက်သူအားလုံး အကုသိုလ်
ရကြမှာ ဖြစ်ပါတယ်၊

ရှင်ပြုအလှူမှာ ပွဲငှားရမ်းကြခြင်းဟာ ငွေနဲ့
အကုသိုလ်ကို ဝယ်ယူနေကြတာလို့ပဲ
မြင်မိပါတယ်။

ပွဲအတွက် ကုန်ကျစရိတ်ကို စာသင်သားတွေ
လိုအပ်တဲ့ စာအုပ်၊ သပိတ် ၊ သင်္ကန်း စသည်ကို
လှူလိုက်ခြင်းက အကျိုးများလိမ့်မယ်လို့
တွေးမိပါတယ်၊

ရှင်ပြုပွဲနဲ့ ပတ်သက်ပြီး မဟာဂန္ဓာရုံ
ဆရာတော်ကြီးကလည်း အနာဂတ်
သာသနာရေးကျမ်း၊ ၄၄၇၊ ၄၄၈ မှာ
သတိပေးထားပါသေးတယ်၊

" အလှူမင်္ဂလာဝယ် သားငယ်ကို
မင်းမြောက်တန်ဆာဆင်၍ အဘိသိက်
သွန်းလိုက်သော်လည်း ဘယ်သူကမျှ
အထင်မကြီးကြ၊

ထိုအဘိသိက်သွန်းလောင်းမှုကြောင့်
ဘာမင်္ဂလာမှလည်း မတိုးတက်ပါ၊

ယခု ရှင်လောင်းများထက် မယှဉ်သာအောင် အဆင့်အတန်းမြင့်သော သားတော်ရာဟုလာ
ရှင်ပြုရာဝယ် ဘာဘိသိက်မှ မသွန်းရ၊
ဘာအလှူကြီးမှလည်း မလှူလိုက်ရ၊

ကျောင်းတော်ကို လိုက်သွားရာမှ
အရှင်သာရိပုတ္တရာ မထေရ်မြတ်က
ဦးခေါင်းရိတ်၍ သာမဏေဝတ်ပေးရုံမျှဖြင့်
ရှင်ပြုကိစ္စ ပြီးရပါသည် " ။

ထို့ပြင် ဆရာတော်ကြီးရဲ့ တူက သူ့သား
(၉-နှစ်အရွယ်) ကို ရွှေတစ်ဆယ်သား
အကုန်အကျခံကာ အလှူကြီးလုပ်၍
ရှင်ပြုလိုကြောင်း လျှောက်ထားသောအခါ

" ကလေးငယ်သည် ရှင်သာမဏေကျင့်ဝတ်ကို
နားမလည်ဘဲ ကိုးရိုးကားရားဝတ်၍
မဏ္ဍပ်အတွင်း ကစားကာ ပျော်သလို
နေရှာပေလိမ့်မည်၊

ရွှေတဆယ်သားကုန် ရှင်ပြု၌ ကလေးမှာ
အကုသိုလ် ရရှာပေတော့မည်၊

ထို့ကြောင့် ဒီလိုပြုမည့် ရှင်ပြုကို သင်တို့
မြို့မှာသာ ပြုပါ၊

ဒီလိုမှ မဟုတ်ဘဲ ကလေး ကုသိုလ်ရ၍
ဘာသာရေးနားလည်အောင် ရှင်ပြုလိုလျှင်
ဆယ်တန်းအောင်မှ (သို့မဟုတ်)
တက္ကသိုလ်ဒီဂရီ ရမှ ဘုန်းကြီးကျောင်း
လာပြီး ရှင်ပြု (သို့မဟုတ်) ဒုလ္လဘ ဝတ်ပါ၊

ရွှေတစ်ကျပ်သားမှ မကုန်စေရပါဘူး- ဟု
ပြောလိုက်ပါသတဲ့။

အလွဲများကို ပြုပြင်နိုင်ကြပါစေ။

🙏🏻☸️🙏🏻

မဟာဝိဟာရကျောင်းတိုက် ဦးဆောင်ဆရာတော်
အရှင်အဘယာလင်္ကာရ

🙏🏻☸️🙏🏻

မေတ္တာဖြင့် ပြန်လည်ရေးသားမျှဝေပါ၏။
ဓမ္မဒါနရှင် U Phyo Thiha Zaw { ဓမ္မဆောင်လူပုဂ္ဂိုလ် }

#ဓမ္မဒါန

🙏🏻☸️🙏🏻

Buddha in Myanmar

20/10/2024

10/09/2024

28/06/2024

12/06/2024

07/06/2024

30/05/2024

30/05/2024

29/05/2024

26/05/2024

22/05/2024

22/05/2024

18/05/2024

Address

Website

Alerts

Contact The Business

Shortcuts

Share

Category