https://www.facebook.com/109744715379943/

Lion City News, ycdc, Yangon (2026)

05/12/2025

သန့်ရှင်းသောသောက်သုံးရေအလုံအလောက်ထုတ်လုပ်ပေးနိုင်မည့် ဆိုလာစွမ်းအင်သုံးရေသန့်စနစ် အက်တမ်(ATOM)တပ်ဆင်ပေး

ရန်ကုန် ၊ဒီဇင်ဘာ ၄

အက်တမ်(ATOM) ၏ “အက်တမ်နှင့်အတူ (၂)ဆ လှူ” အစီအစဉ်မှတစ်ဆင့် မန္တလေးမြို့၊ မဟာအောင်မြေမြို့နယ်ရှိ ငလျင်ဘေးဒဏ်ခံစားခဲ့ရသော ရတနာစံသာသနာပိုင်ကျောင်းတိုက် ဘုန်းတော်ကြီးသင်စာသင်ကျောင်း အတွက် မရှိမဖြစ်လိုအပ်သည့် သန့်ရှင်းသောသောက်သုံးရေအလုံအလောက်ထုတ်လုပ်ပေးနိုင်မည့် ဆိုလာစွမ်းအင်သုံးရေသန့်စနစ် ကို အက်တမ်(ATOM) ၏ လူမှုအကျိုးပြုလုပ်ငန်းတစ်ခုအဖြစ် တပ်ဆင်ကူညီပေးနိုင်ခဲ့ကြောင်းသိရသည်။

အဆိုပါအက်တမ်(ATOM) ၏ သုံးစွဲသူများ နှင့် ဝန်ထမ်းများမှ စေတနာသဒ္ဒါတရားထက်သန်စွာဖြင့် ဝိုင်းဝန်းပါဝင်လှူဒါန်းခဲ့ကြပြီးအက်တမ်(ATOM)မှ ထိုလှူဒါန်းငွေအား နှစ်ဆရရှိအောင် ထပ်မံထည့်ဝင်လှူဒါန်းကာ စုစုပေါင်း မြန်မာငွေကျပ် (၅၁.၈) သန်းကျော်ကို ရရှိခဲ့သည်။

အက်တမ်(ATOM) မှ စာသင်ကျောင်းတွင် တပ်ဆင်ပေးခဲ့သော ဆိုလာစွမ်းအင်သုံးရေသန့်စနစ်သည် သန့်ရှင်းပြီး ယုံကြည်စိတ်ချရသော သောက်သုံးရေကို အကောင်းဆုံး ထုတ်လုပ်ပေးနိုင်ရုံသာမက၊ ဆိုလာစွမ်းအင်အသုံးပြုထားခြင်းကြောင့် ဖန်လုံအိမ်ဓာတ်ငွေ့ လျှော့ချနိုင်ပြီး ရေရှည်တည်တံ့ခိုင်မြဲမှုအတွက်ပါ ကောင်းမွန်စေမည်ဖြစ်သည်။

01/12/2025

သာကေတမြို့နယ် ကာယဗလ၊ကာယကြံ့ခိုင်မှုနှင့် ကာယအလှမယ်ပြိုင်ပွဲကျင်းပ

ရန်ကုန် နိုဝင်ဘာ ၃၀

ရန်ကုန်တိုင်းဒေသကြီးလူငယ်ရေးရာကော်မတီနှင့်သာကေတမြို့နယ် အားကစားနှင့်ကာယပညာကော်မတီတို့ ပူးပေါင်းကျင်းပသည့်
“သာကေတမြို့နယ် ကာယဗလ၊ကာယကြံ့ခိုင်မှုနှင့် ကာယအလှမယ်ပြိုင်ပွဲ"ကိုနိုဝင်ဘာ၃၀ရက်မွန်းလွဲ၁ နာရီခွဲတွင်ရန်ကုန်မြို့၊သာကေတမြို့နယ်ရှိ လူငယ်စင်တာ၌ကျင်းပသည်။
အဆိုပါပြိုင်ပွဲသို့ဗိုလ်တထောင်ခရိုင်၊ ခရိုင်စီမံခန့်ခွဲရေးနှင့်အုပ်ချုပ်ရေး ကော်မတီဥက္ကဋ္ဌ ဦးအောင်လွင်နှင့်တာဝန်ရှိသူများ၊ရန်ကုန်တိုင်းဒေသကြီးအားကစားနှင့်လူငယ်ရေးရာလုပ်ငန်းကော်မတီမှဒုတိယဥက္ကဌနှင့်တာဝန်ရှိသူများ၊ရန်ကုန်တိုင်းကာယဗလနှင့်ကာယကြံ့ခိုင်မှုဆပ်ကော်မတီဒုတိယဥက္ကဌနှင့်တာဝန်ရှိသူများ၊မြန်မာနိုင်ငံကာယဗလနှင့်ကာယကြခိုင်မှုအားကစားအဖွဲ့ချုပ်မှဒုတိယဥက္ကဌနှင့်တာဝန်ရှိသူများ၊သာကေတမြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဋ္ဌနှင့်တာဝန်ရှိသူများ၊ဌာနဆိုင်ရာတာဝန်ရှိသူများ၊ လူမှုရေးအသင်းအဖွဲ့များ၊ဖိတ်ကြားထားသူများ၊အားကစားဝါသနာရှင်များတက်ရောက်ကြသည်။

ဦးစွာ ၆၅ကီလိုအောက် ကာယဗလမောင်နှင့်ကာယအလှမယ်ပြိုင်ပွဲများကျင်းပရာကာယဗလမောင်များကသတ်မှတ်ကိုယ်ဟန်ခုနှစ်မျိုးဖြင့်လည်ကောင်း၊ကာယအလှမယ်များကကိုယ်ခန္ဓာကျော့ရှင်းလှပမှုကိုတေးဂီတနှင့်အတူသတ်မှတ်ကိုယ်ဟန်လေးမျိုးဖြင့်လည်းကောင်းယှဥ်ပြိုင်ကြရာပဏာမရွေးချယ်ခဲ့သည်။
ဆက်လက်၍၆၅ကီလိုအောက် ကာယဗလမောင် နှင့်၆၅ကီလိုအထက် ကာယဗလမောင် ဗိုလ်လုပွဲကျင်းပရာရွေးချယ်ခံကာယဗလမောင်များကသတ်မှတ်ကိုယ်ဟန်ခုနှစ်မျိုးဖြင့်ခန္ဓာကိုယ်ကျစ်လစ်ခိုင်မာမှုကိုနောက်ခံတေးဂီတနှင့်အတူလှစ်ထုတ်ပြသယှဥ်ပြိုင်ခဲ့ကြသည်။
ထိုနောက်ကာယကြံခိုင်မယ် နှင့်ကာယအလှမယ် ဗိုလ်လုပွဲ ကျင်းပရာကာယကြံ့ခိုင်မယ်များကကိုယ်ခန္ဓာကျစ်လစ်ခိုင်မာမှုကိုသတ်မှတ်ကိုယ်ဟန်ခုနှစ်မျိုးဖြင့်တေးဂီတနှင့်အတူယှဥ်ပြိုင်ကြပြီးကာယအလှမယ်များကကိုယ်ခန္ဓာအချိုးအစားပြေပြစ်ကျော့ရှင်းလှပမှုကိုတေးဂီတနှင့်အပြိုင်လှစ်ထုတ်ပြသယှဥ်ပြိုင်ကြသည်။
ယင်းနောက်ရန်ကုန်တိုင်းဒေသကြီး လက်ရွေးစင် ကာယဗလမောင်သုံးဦးနှင့်လက်ရွေးစင် ကာယအလှမယ် တစ်ဦးတို့က သရုပ်ပြသကြရာရန်ကုန်တိုင်းကာယဗလနှင့်ကာယကြံ့ခိုင်မှုဆပ်ကော်မတီဥက္ကဌဦးမျိုးဆက်ကဂုဏ်ပြုဆုငွေပေးအပ်ချီးမြှင့်သည်။
ထိုနောက်ပြိုင်ပွဲအပြီးတွင်ဆုချီးမြှင့်အခမ်းအနားကျင်းပရာ၆၅ကီလိုအထက်ကာယဗလမောင်ပြိုင်ပွဲ တွင်ပထမ၊ဒုတိယ၊တတိယ၊ စတုတ္ထနှင့်ပဉ္စမဆုရရှိသူများအားလည်းကောင်း၊
၆၅ကီလိုအောက် ကာယဗလမောင်ပြိုင်ပွဲ တွင်ပထမ၊ဒုတိယ၊တတိယ၊စတုတ္ထနှင့်ပဉ္စမဆုရရှိသူများအားလည်းကောင်း၊ကာယကြံ့ခိုင်မယ်ပြိုင်ပွဲ တွင်ပထမ၊ဒုတိယ၊တတိယ၊စတုတ္ထနှင့်ပဉ္စမဆုရရှိသူများအားလည်းကောင်း၊ကာယအလှမယ်ပြိုင်ပွဲ တွင် ပထမ၊ဒုတိယ၊တတိယ၊စတုတ္ထနှင့်ပဉ္စမဆုရရှိသူများအားလည်းကောင်း၊ဗိုလ်တထောင်ခရိုင်၊ ခရိုင်စီမံခန့်ခွဲရေးနှင့်အုပ်ချုပ်ရေး ကော်မတီဥက္ကဋ္ဌ ဦးအောင်လွင်နှင့်တာဝန်ရှိသူများကဆုများအသီးသီးချီးမြှ့င်ပေးခဲ့ကြောင်းသိရသည်။

26/09/2025

Sign-in ဝင်ပြီး ဂိမ်းဆော့ရုံနဲ့ OPPO စမတ်ဖုန်းနဲ့ အခြားဆုလက်ဆောင်တွေကို ပိုင်ဆိုင်ရရှိနိုင်မည့်အခွင့်အရေး

ရန်ကုန် စက်တင်ဘာ ၂၆

သက်ဆိုင်ရာ နေရာတွေမှာ Sign-in Revenue လုပ်ရင်း OPPO စမတ်ဖုန်း ၊ MLBB in-game လက်ဆောင်တွေနဲ့အတူ Partnership ဆိုင်တွေရဲ့ လက်ဆောင်ကူပွန်များကို ကံစမ်းနိုင်မည်ဖြစ်သည်။

ကမ္ဘာ့ထိပ်တန်းစမတ်ဖုန်းအမှတ်တံဆိပ် OPPO က သုံးစွဲသူများ၏လိုအပ်ချက်များအပေါ် အသေးစိတ် လေ့လာလျက်ရှိပြီး အမြဲတမ်း အလေးထားဂရုစိုက်လေ့ရှိတာကြောင့် ယခု နောက်ပိုင်းနှစ်တွေမှာ လူငယ်တွေနဲ့ သုံးစွဲသူတွေရဲ့ အာရုံစိုက်မှုကို ပိုမိုရရှိလာနေပြီဖြစ်ပါတယ်။ ဒါတင်သာမက ပိုမိုကောင်းမွန်လာတဲ့ ဓာတ်ပုံနည်းပညာနဲ့အတူ ခေတ်ရှေ့ပြေးပြီး လက်တွေ့မှာ တကယ်အသုံးဝင်တဲ့ OPPO AI နည်းပညာတွေကြောင့် OPPO စမတ်ဖုန်းတွေက သုံးစွဲသူတွေအကြား ပိုပြီး ရေပန်းစားကျော်ကြားလာခြင်းဖြစ်သည်။

ယခုအခါမှာလဲ OPPO က Mobile Legends: Bang - MM ၊ အခြားသော Partner တွေနဲ့အတူ ပူးပေါင်းကာ သုံးစွဲသူတွေ စိတ်တိုင်းကျ ပျော်ရွှင်စေနိုင်မဲ့ အစီအစဉ် တစ်ခုကို ယူဆောင်လာပြီပဲဖြစ်ပါတယ်။ OPPO ကို ချစ်ခင်ကြတဲ့ သုံးစွဲသူတွေအနေနဲ့ MLBB ဂိမ်းထဲက Mission တချို့ကို လုပ်ဆောင်ရင်း လက်ဆောင်တွေ ရရှိနိုင်မည့်အခွင့်အရေးကို ပိုင်ဆိုင်မည့ဖြစ်သည်။

လက်ဆောင်များ ရရှိနိုင်မည့်အစီအစဉ်ကတော့ သုံးစွဲသူတွေအနေနဲ့ ပထမဦးစွာ မိမိ ဖုန်းမှာ Location ကို ဖွင့်ပြီး MLBB ဂိမ်းထဲကို ဝင်ရောက်ကာ Mode ထဲမှ Rising ကို ရွေးချယ်ရင်း Neighborhood Map ကနေ ဝင်ရောက်ကာ သက်ဆိုင်ရာ Mission တွေကို အနိုင်ရရှိအောင် ဆော့ကစားရုံနဲ့ OPPO စမတ်ဖုန်း ၊ MLBB in-game ဆုတွေ နဲ့အတူ Pizzamaru Myanmar နဲ့ ChaTraMue Myanmar တို့မှ ကူပွန်လက်ဆောင်များကို ကံစမ်းရရှိနိုင်မည်ဖြစ်သည်။

သုံးစွဲသူတွေအနေဖြင့်ဒီအစီအစဉ်တွင်ပါဝင်နိုင်ရန်အတွက် ChaTraMue Myanmar (Junction City Branch) , ChaTraMue Myanmar (Myanmar Plaza Branch) , ChaTraMue Myanmar (Pearl Condo Branch) နဲ့ Pizzamaru Myanmar (The Central Branch) တို့မှာ Sign in လုပ်ရမည် ဖြစ်သည်။

OPPO စမတ်ဖုန်းတွေကို လက်ဆောင်အဖြစ် ရယူလိုသူတွေအနေနဲ့ Junction City မှာ Sign in ဝင်ပြီး Mission တွေကို ဆော့ကစားကာ Sign-in Venue မှာ အပတ်စဥ်တိုင်း ပထမဦးဆုံး MLBB RISING OPEN Champion အနိုင်ရရှိတဲ့ Player အဖြစ် ပါရှိအောင် ဆော့ကစားရမည်ဖြစ်သည်။

OPPO ကို ချစ်မြတ်နိုးတဲ့ O-fan တွေအနေနဲ့ တစ်ပတ်ကို တစ်ခါ OPPO စမတ်ဖုန်းတွေကို အရယူနိုင်မှာဖြစ်ပြီး ဝါလကင်းလွတ် သီတင်းကျွတ်တဲ့အချိန်အခါသမယဖြစ်တဲ့ အောက်တိုဘာ ၅ ၊ ၆ နဲ့ ၇ ရက်နေ့တွေမှာတော့ တစ်နေ့ကို OPPO စမတ်ဖုန်းတစ်လုံးစီ ကံစမ်းနိုင်မဲ့ အခွင့်အရေးကြီးကို ရရှိမှာဖြစ်ပါတယ်။ သုံးစွဲသူတွေအတွက် ပိုပြီး အဆင်ပြေ သဘောကျနိုင်မဲ့ အခု အစီအစဉ်ကြီးကို စက်တင်ဘာ ၂၀ ရက်နေ့မှ စတင်ကာ အောက်တိုဘာ ၁၂ ရက်နေ့အထိ ပါဝင်နိုင်မှာဖြစ်သလို OPPO စမတ်ဖုန်းတွေကိုလဲ စုစုပေါင်းအားဖြင့် ၇ လုံးအထိ ကံစမ်းကာ ရယူနိုင်မဲ့အပြင် တခြားသော MLBB in-game လက်ဆောင်တွေနဲ့အတူ Partner အဖြစ်ပါဝင်လာမဲ့ ဆိုင်တွေရဲ့ ကူပွန်လက်ဆောင်တွေပါ ရရှိမှာဖြစ်ပါတယ်။ ဒါတင်သာမက Professional Gamer တွေနဲ့ Streamer တွေကပါ ပရိသတ်တွေနဲ့အတူ ဒီအစီအစဉ်မှာ လာရောက် ပူးပေါင်းဆော့ကစာနိုင်မည်ဖြစ်သည်။

23/09/2025

၂၀၂၅ ခုနှစ်အတွက် အလုပ်လုပ်ကိုင်ရန် အကောင်းဆုံးလုပ်ငန်းခွင်တစ်ခုအဖြစ် Manulife Myanmar က Great Place To Work® မှ တရားဝင်အသိအမှတ်ပြုခံရ

ရန်ကုန်၊ စက်တင်ဘာ ၂၃

Manulife Myanmar က ၂၀၂၅ ခုနှစ်အတွက် Great Place To Work® Certified™ အဖွဲ့အစည်း၏ “အလုပ်လုပ်ကိုင်ရန် အကောင်းဆုံးလုပ်ငန်းခွင်” ဟူသော တရားဝင်အသိအမှတ်ပြုမှုကို ရရှိခဲ့ပြီ ဖြစ်ကြောင်းသိရသည်။

ယခုကဲ့သို့ အသိအမှတ်ပြုခြင်းကို ရရှိခြင်းသည် Manulife ၏ ယုံကြည် စိတ်ချရခြင်း၊ လုပ်ငန်းခွင်အတွင်းခွဲခြားမှုကင်းဝေးပြီး အတူပူးပေါင်းဆောင်ရွက်ခြင်းအပြင် ရပ်တည်ချက်များကို တည်ဆောက် နိုင်ရန် ကောင်းမွန်သောရည်ရွယ်ချက်ဖြင့် ရှေးရှုလုပ်ဆောင်နေသော လုပ်ငန်းခွင်ယဥ်ကျေးမှုဟုသည့် ကတိကဝတ်များအတွက် သက်သေပြယုဂ်တစ်ခုလည်း ဖြစ်သည်။ အဆိုပါ အသိအမှတ်ပြုလက်မှတ်မှာ Great Place To Work’s Trust Index™ Survey မှ Manulife Myanmar ရှိ ဝန်ထမ်းများ၏ အတွေ့အကြုံများအပေါ် အခြေခံကာ အကဲဖြတ်တိုင်းတာခဲ့ခြင်းဖြစ်သည်။

Great Place To Work® ဆိုသည်မှာ ကမ္ဘာလုံးဆိုင်ရာ အဖွဲ့အစည်းတစ်ခုဖြစ်ပြီး လုပ်ငန်းခွင်ယဥ်ကျေးမှုများ၊ ဝန်ထမ်း အတွေ့အကြုံများနှင့် စီးပွားရေးနှင့်စပ်ဆက်သော ရလဒ်ကောင်းများရရှိစေရန်အတွက် အကဲဖြတ်တိုင်းတာမှုများ ပြုလုပ်ပေး လျက်ရှိသော ယုံကြည်အားထားရသည့် အဖွဲ့အစည်းတစ်ခုဖြစ်သည်။

ယင်းတို့၏ အကဲဖြတ်တိုင်းတာခြင်းနှင့် အသိအမှတ် ပြု လက်မှတ်ထုတ်ပေးသည့် လုပ်ငန်းစဥ်များသည် လုပ်ငန်းခွင်များရှိ ဝန်ထမ်းများ၏ အသံများကို ထင်ဟပ်စေနိုင်ရုံသာမက လူသားအရင်းအမြစ် အပေါ် ဦးစားပေးတန်ဖိုးထားသော အဖွဲ့အစည်းများကိုသာ မီးမောင်းထိုး ရွေးချယ်ဖော်ပြခြင်း ဖြစ် သည်။

23/09/2025

သီတင်းကျွတ် မီးထွန်းပွဲတော်ကာလတွင် ကျောက်ဆည်ဆင်အကအလှပြိုင်ပွဲ ကျင်းပမည်

ရန်ကုန်။ စက်တင်ဘာ ၂၂

မန္တလေးတိုင်းဒေသကြီး၊ ကျောက်ဆည်မြို့တွင် နှစ်စဉ်ကျင်းပမြဲဖြစ်သည့် ဆင်အကအလှပြိုင်ပွဲကို လာမည့် သီတင်းကျွတ် မီးထွန်းပွဲတော်ကာလတွင် ကျင်းပသွားမည်ဖြစ်ကြောင်း ဆင်ပြိုင်ပွဲကျင်းပရေးကော်မတီမှ သိရသည်။

အဆိုပါ ဆင်အကအလှပြိုင်ပွဲကို လာမည့် အောက်တိုဘာလ(၅)ရက်နေ့တွင် ကျောက်ဆည်မြို့ ရွှေသာလျောင်း တောင်ခြေရှိ ဝတ္တကကုန်းမြေတွင် စည်ကားသိုက်မြိုက်စွာ ကျင်းပသွားမည်ဖြစ်သည်။

နှစ်စဉ်ရိုးရာမပျက် ကျင်းပပြုလုပ်ခဲ့သည့် ကျောက်ဆည်ဆင်အကအလှပြိုင်ပွဲကို ယခုနှစ်တွင်လည်း ရိုးရာဆင် လူကြီး၊ ရိုးရာဆင် ကလေး၊ ဘော်ကြယ်ဆင်နှင့် သဘာဝဆင် ဟူ၍ ပြိုင်ပွဲအမျိုးအစား ၄ မျိုးကို ကျင်းပပြုလုပ်သွားမည်ဖြစ်ကြောင်း၊လက်ရှိအချိန်ထိ ပါဝင်ယှဉ်ပြိုင်ရန် စာရင်းလာရောက်ပေးသွင်းထားသည့် ဆင်ကောင်ရေ ၁၄ ကောင် ရှိပြီး ဖွင့်ပွဲအခမ်းအနားသို့တက် ရောက်၍ ဈေးကိုပတ်ကာ ဘုရားသို့ဦးခိုက်မည့် ဆင်ကောင်ရေ ၅၅ ကောင် ပါဝင်မည်ဖြစ်ကြောင်း အဆိုပါကော်မတီမှ သိရသည်။

“ပွဲတော်ကို သီတင်းကျွတ်လဆန်း ၁၄ ရက်နေ့မှာ ရွှေသာလျောင်း‌တောင်ခြေက ဆင်ပြိုင်ပွဲကွင်းမှာ ကျင်းပသွား မှာဖြစ်ပါတယ်။ လက်ရှိအထိ ပြိုင်ပွဲဝင် ဆင်အစီးရေ ၁၄ စီးရှိပါတယ်။ ပြိုင်ပွဲကလည်း ၄ မျိုးကျင်းပသွားမှာဖြစ်ပါတယ်။ ပြိုင်ပွဲအမျိုးအစားအလိုက် ဘော်ကြယ်တန်း ပြိုင်ပွဲမှာဝင်ပြိုင်မှာက ၃ စီး၊ ရိုးရာ အကြီးတန်းမှာက ၅ စီး၊ ကလေးဆင်က ၄ စီး၊ သဘာဝဆင်က ၂ စီး ဖြစ်ပါတယ်။ ပြိုင်ပွဲဝင် ဆင်စာရင်းကတော့ ၉ လပိုင်း လကုန် လောက်ဆိုရင် ပိတ်ပါ့မယ်” ဟုယင်းကော်မတီမှ တာဝန်ရှိသူ တစ်ဦးက ပြောဆိုသည်ဖ။

ပြိုင်ပွဲနှင့် ပြိုင်ပွဲဝင်ဆင်များကို ခေတ်နှင့်အညီ လိုက်လျောညီအောင်ဆောင်ရွက်ထားပြီး ပြိုင်ပွဲဝင်ဆင်နှင့် လှည့်လည်မည့်ဆင်များကိုလည်း ယမန်နှစ်ကထက် မနည်းစေရန် ဆောင်ရွက်ထားကြောင်းသိရသည်။

ရိုးရာအဆင်အလာမပျက် ကျောက်ဆည်မြို့ဂုဏ်ဆောင်သည့် ဆင်အကအလှပြိုင်ပွဲအတွက် ပထမဆုကျပ် သိန်း ၃၀၊ ဒုတိယဆု ကျပ်သိန်း ၂၀၊ တတိယဆု ကျပ် ၁၀ သိန်း သတ်မှတ်ထားပြီး ဆုကြေးငွေ ထပ်တိုးရန်လည်း ပြင်ဆင်နေကြောင်းနှင့် သက်ကြီးဆင်များကိုလည်း ဂုဏ်ပြုဆုများ ချီးမြှင့်ပေးသွားမှာ ဖြစ်ကြောင်း၊ ဒီအပြင် ပြိုင်ပွဲဝင်ဆင်များအတွက်ကိုလည်း ချီးမြှင့်ငွေ ၅ သိန်းကို ကြိုတင်ထောက်ပံ့ပေး သွားမည်ဖြစ်ကြောင်း၊ နောင်လူငယ်မျိုးဆက်သစ်များအတွက် လက်ဆင့်ကမ်းသည့်အနေဖြင့် ပြိုင်ပွဲများကို ယခုလိုနှစ်စဉ် ကျင်းပပေးခြင်းဖြစ်ကြောင်းသိရသည်။

ယမန်နှစ်က ကျောက်ဆည်မြို့တွင်ကျင်းပပြုလုပ်သည့် ဆင်အကအလှပြိုင်ပွဲတွင် ပြိုင်ပွဲအမျိုးအစား ၄ မျိုး ဖြင့်ဆင်ကောင်ရေ ၁၂ စီး ဝင်ရောက်ယှဉ်ပြိုင်ခဲ့ကြောင်း ဆင်ပြိုင်ပွဲကျင်းပရေးကော်မတီမှ သိရသည််။

23/09/2025

ကမ္ဘာ့စက်ရုပ်ပြိုင်ပွဲတွင်AI အသုံးပြု ရှာဖွေကယ်ဆယ်ရေး စက်ရုပ်ကားတီထွင်ခဲ့သော မြန်မာကလေးငယ်အဖွဲ့ ပထမဆုရ

ရန်ကုန်စက်တင်ဘာ၂၂

ဖိလစ်ပိုင်နိုင်ငံတွင်စက်တင်ဘာ၁၉ရက်မှ၂၁ရက်အထိကျင်းပခဲ့သော ကမ္ဘာ့စက်ရုပ်အိုလံပစ် အာရှပစိဖိတ် ပြိုင်ပွဲ (World Robot Olympiad Asia Pacific Open Championship)တွင်မြန်မာ We Are Genius MYANMAR အသင်းသည် AI အသုံးပြု ရှာဖွေကယ်ဆယ်ရေး စက်ရုပ်ကားဖြင့် ပထမဆု ရရှိခဲ့‌ေကြာင်းသိရသည်
အဆိုပါပြိုင်ပွဲသည်စက်ရုပ်ကားကို သဘာဝဘေးဒဏ်အန္တရာယ်ကျရောက်သည့်အခြေအနေများတွင်လူဝင်ရောက်ရန် ခက်ခဲ‌ေသာနေရာများထဲသို့ အလိုအလျောက်သွားလာ‌ေသာစနစ်ဖြင့် ရှာ‌ေဖွကယ်ဆယ်ရေးပြုလုပ်နိုင်ရန် ရည်ရွယ်ထုတ်လုပ်ပြသမှုဖြင့် အောင်မြင်မှု ရရှိခဲ့သည်။
ယင်းပြိုင်ပွဲ၌We Are Genius MYANMAR အသင်းတွင်မိုးပြည့်စုံကျော် (၁၁ နှစ်)၊ ကျော်ဘုန်းခန့်ဇော် (၁၁ နှစ်) နှင့် ဉာဏ်ကိုး (၁၂ ) နှစ်တို့သည်ဟောင်ကောင်၊ တရုတ်၊ ဂျပန်၊ ဂျာမနီ၊ ထိုင်း၊ ဗီယက်နမ်၊ ဖိလစ်ပိုင်၊ ဘင်္ဂလားဒေ့ရှ်၊ မကာအို စသည့်နိုင်ငံများဖြင့်ယှဥ်ပြိုင်ခဲ့ကြပြီးပထမဆု ရရှိခဲ့‌သည်။
ကမ္ဘာ့စက်ရုပ်အိုလံပစ် အာရှပစိဖိတ် ပြိုင်ပွဲတွင်မြန်မာနိုင်ငံကိုယ်စားပြုWe Are Genius MYANMAR အသင်း၊ILBC၊CIY Club တို့၀င်ရောက်ယှဉ်ပြိုင်ခဲ့ကြကြောင်းသိရသည်။

09/09/2025

ကမ္ဘာ့ခရီးသွားလုပ်ငန်းနေ့ (World Tourism Day) အထိမ်းအမှတ်“Tourism and Sustainable Transformation” ရောင်စုံဓာတ်ပုံပြိုင်ပွဲရွေးချယ်

ရန်ကုန်စက်တင်ဘာ၉

၂၀၂၅ ခုနှစ်၊ ကမ္ဘာ့ခရီးသွားလုပ်ငန်းနေ့ အထိမ်းအမှတ်ရောင်စုံဓာတ်ပုံပြိုင်ပွဲ‌ေရွးချယ်ပွဲကိုယနေ့နံနက်ပိုင်းကရန်ကုန်မြို့၊ပန်းဘဲတန်းမြို့နယ်၊ဗိုလ်ဆွန်ပက်လမ်းရှိဟိုတယ်နှင့်ခရီးသွားညွှန်ကြားမှုဦးစီးဌာန၊ရုံး၌ပြုလုပ်သည်။
အဆိုပါဆုရွေးချယ်ရာတွင်ဦးမြင့်ထွေးဒုတိယညွှန်ကြားရေးမှူးချုပ်ဟိုတယ်နှင့်ခရီးသွားညွှန်ကြားမှုဦးစီးဌာန၊ထပ်ဆင့်အကယ်ဒမီတစ်သက်တာအကယ်ဒမီဆုရှင်ဒါရိုက်တာပန်းချီစိုးမိုးနှင့်ဓါတ်ပုံပညာရှင်များကရွေးချယ်ကြသည်။
ယင်းပြိုင်ပွဲသည်ထူးချွန်သော ဓာတ်ပုံပညာရှင်များ ပေါ်ထွန်းလာရေး၊ ဆုရရှိသော ဓာတ်ပုံများ ပြသခြင်းဖြင့် မြန်မာနိုင်ငံ၏ သဘာဝရှုခင်းများ၊ ရိုးရာယဉ်ကျေးမှု၊ ဝတ်စားဆင်ယင်မှု၊ တိုင်းရင်းသားမျိုးနွယ်စုတို့၏ဓလေ့ထုံးတမ်းအစဉ်အလာပုံရိပ်များနှင့် ပွဲတော်များကို ဖော်ထုတ်၊ မြှင့်တင်၊ ထိန်းသိမ်းနိုင်ရေးအတွက်ရည်ရွယ်၍ ဟိုတယ်နှင့်ခရီးသွားလာရေးဝန်ကြီးဌာန၏ ဦးဆောင်မှုဖြင့် ကျင်းပပြုလုပ်ခြင်းဖြစ်သည်။အဆိုပါဓာတ်ပုံပြိုင်ပွဲတွင်၀င်ရောက်ယှဉ်ပြိုင်သူ၅၂ဦး၊ဓာတ်ပုံပေါင်း၃၄၃ပုံ၀င်ရောက်ယှဉ်ပြိုင်ကြပြီးဆုကြေးအဖြစ်ပထမဆုကျပ်ကိုး သိန်း၊ဒုတိယဆုကျပ်ခုနှစ် သိန်း၊တတိယဆုကျပ်ငါးသိန်း၊စတုတ္ထဆု ကျပ်သုံးသိန်း၊ပဉ္စမဆုကျပ်နှစ်သိန်းနှင့်နှစ်သိမ့်ဆု၂၀ဆု(တစ်ဆုလျှင်ကျပ်တစ်သိန်းခွဲစီ)ချီးမြှင့်မည်ဖြစ်ကြောင်းသိရသည်။

Lion City News

05/12/2025

01/12/2025

26/09/2025

23/09/2025

23/09/2025

23/09/2025

09/09/2025

Address

Website

Alerts

Shortcuts

Share

Category