Myanmar Fight Edition

Myanmar Fight Edition တိကျမှန်ကန်တဲ့ အရည်အသွေးမြင့် သတင်းဆောင်းပါးတွေကို ဖတ်ရှုနိုင်တဲ့ Myanmar Fight Edition

ဘောက်ဆင်၊ MMA ၊ ကစ်ဘောက်ဆင်၊ မွေထိုင်း၊ ရိုးရာလက်ဝှေ့နဲ့ ပတ်သက်တဲ့ အရည်အသွေးမြင့် သတင်းဆောင်းပါးတွေကို ဖတ်ရှုနိုင်တဲ့ Myanmar Fight Edition

ဟဲဗီးဝိတ်ချန်ပီယံ Tom Aspinall က အင်္ဂလန်ပြန်ရောက်လာပေမယ့် အခုထိ လေ့ကျင့်ခန်းမဆင်းရသေးဘူးတဲ့။ အထူးကုဆရာဝန်တွေက တားထားလို...
01/12/2025

ဟဲဗီးဝိတ်ချန်ပီယံ Tom Aspinall က အင်္ဂလန်ပြန်ရောက်လာပေမယ့် အခုထိ လေ့ကျင့်ခန်းမဆင်းရသေးဘူးတဲ့။ အထူးကုဆရာဝန်တွေက တားထားလို့ပါ။ မျက်လုံးခွဲစိတ်ရဖို့ အလားအလာရှိတယ်တဲ့။ မျက်လုံးက တော်တော်ဆိုးသွားတာပဲ။ ဖြစ်တာပဲ ကြာလှပြီ။ စာဖတ်သူတွေ ဘေးကင်းပါစေ။

UFC P4P Ranking အဆင့် (၁) အပြောင်းအလဲ Islam Makhachev က Charles Oliveira ကို ပွဲသိမ်းပြီး လိုက်ဝိတ်ချန်ပီယံဖြစ်လာတယ်။ ချ...
30/11/2025

UFC P4P Ranking အဆင့် (၁) အပြောင်းအလဲ

Islam Makhachev က Charles Oliveira ကို ပွဲသိမ်းပြီး လိုက်ဝိတ်ချန်ပီယံဖြစ်လာတယ်။ ချန်ပီယံကာကွယ်ပွဲမှာ Islam Makhachev က Alexander Volkanovski ကို အမှတ်ပြတ်နိုင်ပြီး UFC P4P Ranking အဆင့် (၁) ဖြစ်လာတာပါ။

Ilia Topuria က Alexander Volkanovski ကို အလဲထိုးပြီး ဖယ်သာဝိတ်ချန်ပီယံဖြစ်လာတယ်။ ချန်ပီယံကာကွယ်ပွဲမှာ Ilia Topuria က Max Holloway ကို အလဲထိုးခဲ့ပါတယ်။ Ilia Topuria က ဖယ်သာဝိတ်ချန်ပီယံဘွဲ့ကို စွန့်လွှတ်ပြီး လိုက်ဝိတ်တန်းကို တက်လာပါတယ်။ တကယ်က Islam Makhachev ကို ကစားရမှာပါ။

မရှေးမနှောင်းမှာပဲ Islam Makhachev က လိုက်ဝိတ်ချန်ပီယံဘွဲ့ကို စွန့်လွှတ်ပြီး ဝယ်တာဝိတ်တန်းကို တက်သွားတယ်။ ဇွန်လမှာ Ilia Topuria က Charles Oliveira ကို အလဲထိုးပြီး လိုက်ဝိတ်ချန်ပီယံဖြစ်လာပါတယ်။

Ilia Topuria က Alexander Volkanovski ၊ Max Holloway နဲ့ Charles Oliveira တို့ကို ဆက်တိုက်အလဲထိုးခဲ့တာမို့ UFC P4P Ranking အဆင့် (၁) ဖြစ်လာခဲ့တယ်။ အဲဒီအချိန်မှာ Islam Makhachev က ဝယ်တာဝိတ်တန်းအတွက် ဝိတ်တင်နေရပြီး ပွဲဝေးနေတာမို့ အဆင့် (၂) ဆင်းပေးခဲ့ရပါတယ်။

ဒါပေမယ့် (၅) လမပြည့်ဘူး။ နိုဝင်ဘာလမှာ Islam Makhachev က Jack Della Maddalena ကို အမှတ်ပြတ်နိုင်ပြီး ဝယ်တာဝိတ်ချန်ပီယံဖြစ်လာပါတယ်။ ဝိတ်တန်းသစ်မှာ စွမ်းဆောင်ရည်ကောင်းပြနိုင်တာမို့ Islam Makhachev က UFC P4P Ranking အဆင့် (၁) ပြန်ဖြစ်လာခဲ့တယ်။ လိုက်ဝိတ်ချန်ပီယံ Ilia Topuria က အဆင့် (၂) ဆင်းပေးခဲ့ရပါတယ်။

အခုချိန်မှာ ကိုယ်ရေးကိုယ်တာပြဿနာကြောင့် လိုက်ဝိတ်ချန်ပီယံ Ilia Topuria က ပွဲဝေးဦးမှာမို့ UFC P4P Ranking အဆင့် (၁) နေရာမှာ Islam Makhachev က တည်မြဲပါဦးမယ်။ Ilia Topuria က နောက်ပွဲနိုင်ရင် UFC P4P Ranking အဆင့် (၁) နေရာမှာ ပြန်တက်လာဦးမယ်လို့ ယူဆပါတယ်။

ရှုံးပွဲကြုံတဲ့ ကစားသမားက အရင်ဆင်းပေးရလိမ့်မယ်။ ဘယ်သူက အကောင်းဆုံးလဲဆိုတာ သိသာစေချင်ရင် Islam Makhachev နဲ့ Ilia Topuria တို့ကို တည်ပေးလိုက်တာက အသင့်တော်ဆုံးပါပဲ။ စာဖတ်သူတွေ ဘေးကင်းပါစေ။

+-x÷+-x÷+-x÷+-x÷+-x÷+-x÷+-x÷+-x÷+-x÷+-x÷

ဘောလုံးပွဲတွေလောင်းရတာ ဝါသနာပါသူတွေအတွက် သတင်းအချက်အလက်တွေကို တစ်နေရာတည်းမှာ စုံစုံလင်လင် ရှာဖွေနိုင်ဖို့ဆိုတာ မလွယ်ကူပါဘူး။ ဒါပေမယ့် Golden Goal Myanmar က အကောင်းဆုံးအဖြေတစ်ခုပါ။ Application မှာ ပွဲစဉ်တွေရဲ့ စဖွင့်စျေး၊ မနက်ပိုင်းစျေး ၊ ညနေပိုင်းစျေးတွေ၊ နိုင်ခြေ/ရှုံးခြေ ဂိုးပေါ်/ဂိုးအောက် ရာခိုင်နှုန်းတွေအပြင် နောက်ဆုံး ၅ ပွဲကြေးအောင်ရှုံးအချက်အလက်တွေနဲ့ ပွဲကြိုအချက်အလက်တွေ သုံးသပ်ချက်တွေကိုပါ တိကျမှန်ကန်စွာ ဖော်ပြပေးထားပါတယ်။ ဒါ့အပြင် အထူးပွဲရွေးချယ်မှုတွေကိုပါ တင်ဆက်ပေးနေတာမို့ ကိုယ့်ရဲ့နိုင်ခြေကို ပိုမိုတိုးတက်စေမှာပါ။ ဘောလုံးပွဲစဉ် ခန့်မှန်းမှုတွေအတွက် သတင်းအချက်အလက်အစုံအလင်ကို အချိန်တိုအတွင်းမှာ ဖတ်ရှုနိုင်ဖို့ Golden Goal Myanmar ကို ယခုပဲ ဒေါင်းလုဒ်ဆွဲလိုက်ပါ။

Reference Source - ESPN
Photo Credit - Bleacher Report
ကျော်စိုးအောင် (Myanmar Fight Edition)

ဇန်နဝါရီလ (၂၄) ရက်မှာ ကျင်းပမယ့် UFC 324 ပြိုင်ပွဲမှာ Max Holloway နဲ့ Charles Oliveira တို့ကို BMF Title Bout တည်ထားတယ်...
29/11/2025

ဇန်နဝါရီလ (၂၄) ရက်မှာ ကျင်းပမယ့် UFC 324 ပြိုင်ပွဲမှာ Max Holloway နဲ့ Charles Oliveira တို့ကို BMF Title Bout တည်ထားတယ်လို့ UFC Brazil Twitter က တရားဝင်ကြေညာခဲ့ပါတယ်။ မူလ UFC Official က မကြေညာခင်မှာ ချပြတာပါ။ အခုတော့ UFC Brazil က ပြန်ဖျက်သွားပါပြီ။ စာဖတ်သူတွေ ဘေးကင်းပါစေ။

UFC အဖွဲ့အစည်းမှာ ကြားဖြတ်ချန်ပီယံတွေ အများကြီးရှိခဲ့ဖူးပေမယ့် ကြားဖြတ်ချန်ပီယံ (၂) ကြိမ်ဖြစ်ဖူးတဲ့ ကစားသမားမရှိဖူးသေးဘူ...
29/11/2025

UFC အဖွဲ့အစည်းမှာ ကြားဖြတ်ချန်ပီယံတွေ အများကြီးရှိခဲ့ဖူးပေမယ့် ကြားဖြတ်ချန်ပီယံ (၂) ကြိမ်ဖြစ်ဖူးတဲ့ ကစားသမားမရှိဖူးသေးဘူး။

Justin Gaethje က Tony Ferguson ကို အနိုင်ရပြီး ကြားဖြတ်ချန်ပီယံ (၁) ကြိမ်ဖြစ်ခဲ့ဖူးတယ်။ အခုလည်း Justin Gaethje က Paddy Pimblett ကိုသာ အနိုင်ရခဲ့ရင် Justin Gaethje က ကြားဖြတ်ချန်ပီယံ (၂) ကြိမ်ဖြစ်ဖူးတဲ့ ပထမဆုံးကစားသမားဖြစ်လာပါပြီ။ စာဖတ်သူတွေ ဘေးကင်းပါစေ။

နောက်ကျောဒဏ်ရာက တကယ်လား စာဖတ်သူအများစုသိပြီးသားဆိုပေမယ့် အလုံးစုံသိရအောင် ဓာတ်ပြားဟောင်းကြီးကို ပြန်ဖွင့်ပါမယ်။ UFC 300 ...
29/11/2025

နောက်ကျောဒဏ်ရာက တကယ်လား

စာဖတ်သူအများစုသိပြီးသားဆိုပေမယ့် အလုံးစုံသိရအောင် ဓာတ်ပြားဟောင်းကြီးကို ပြန်ဖွင့်ပါမယ်။ UFC 300 ပြိုင်ပွဲမှာ Arman Tsarukyan က Charles Oliveira ကို ကပ်နိုင်ပြီး ချန်ပီယံလုခွင့်ရသွားတာပါ။

UFC 311 ပြိုင်ပွဲမှာ Islam Makhachev နဲ့ Arman Tsarukyan တို့ကို ချန်ပီယံလုပွဲတည်ပေးထားတယ်။ Arman Tsarukyan က ဝိတ်လာပြီး မချိန်ပါဘူး။ နောက်ကျောဒဏ်ရာကြောင့် နှုတ်ထွက်သွားတာမို့ Renato Moicano က လူစားဝင်ထိုးရတယ်။

Islam Makhachev နဲ့ Renato Moicano တို့က ပွဲဖြစ်အောင်ပဲ လာထိုးရတာမို့ ပွဲကောင်းမဖြစ်ခဲ့ဘူး။ အဲဒီနောက်မှာ Arman Tsarukyan က Dan Ho**er ကိုနိုင်ပြီး ချန်ပီယံလုခွင့်ပြန်တောင်းလာတယ်။ စွမ်းဆောင်ရည်အတိုင်းဆိုရင် တကယ်လည်း လုခွင့်ရထိုက်ပါတယ်။

လိုက်ဝိတ်ချန်ပီယံ Ilia Topuria က ချန်ပီယံကာကွယ်ပွဲမထိုးနိုင်သေးခင်မှာ UFC အဖွဲ့အစည်းက လိုက်ဝိတ်ကြားဖြတ်ချန်ပီယံလုပွဲလုပ်မယ်ဆိုရင်လည်း Arman Tsarukyan ကို ပထမဦးစားပေးစဉ်းစားသင့်တာပါ။ ဒါပေမယ့် Arman Tsarukyan ကို ပလစ်ပြီး Justin Gaethje နဲ့ Paddy Pimblett တို့ကိုပဲ နေရာပေးတယ်။ Arman Tsarukyan ဘက်ကကြည့်ရင် တကယ်ရင်နာစရာပါ။

ဒီနေရာမှာ အတွင်းသတင်းရှိတယ်။ တာဝန်ရှိလူကြီးတွေက အတည်မပြုသေးလို့ ကောလာဟလလို့ပဲ မှတ်ယူနိုင်ပါတယ်။ မှန်ချင်လည်း မှန်နိုင်တယ်။ မှားချင်လည်း မှားနိုင်တယ်။

တကယ်ဆိုရင် Arman Tsarukyan က နောက်ကျောဒဏ်ရာကြောင့် နှုတ်ထွက်တာ မဟုတ်ဘူးတဲ့။ လိုက်ဝိတ် (၁၅၅ ပေါင်) ရအောင် ဝိတ်မချနိုင်လို့ ဒဏ်ရာအကြောင်းပြပြီး နှုတ်ထွက်တာတဲ့။ ထိုးဖြစ်ခဲ့လို့ Islam Makhachev ကို နိုင်ခဲ့ရင်တောင်မှ လိုက်ဝိတ်ချန်ပီယံမဖြစ်နိုင်တာမို့ လာမထိုးတာတဲ့။ အဲဒါတွေကို UFC အဖွဲ့အစည်းက ဂဃနဏသိသွားပြီး အခုလိုနေရာလုချိန်မှာ ပထမဦးစားပေးနေရာက ဖယ်ထုတ်လိုက်တယ်လို့ သိရတယ်။ အတည်မပြုနိုင်သေးတာမို့ ကောလာဟလလို့ပဲ မှတ်ယူနိုင်ပါတယ်။ စာဖတ်သူတွေ ဘေးကင်းပါစေ။

+-x÷+-x÷+-x÷+-x÷+-x÷+-x÷+-x÷+-x÷+-x÷+-x÷

ဘောလုံးပွဲတွေလောင်းရတာ ဝါသနာပါသူတွေအတွက် သတင်းအချက်အလက်တွေကို တစ်နေရာတည်းမှာ စုံစုံလင်လင် ရှာဖွေနိုင်ဖို့ဆိုတာ မလွယ်ကူပါဘူး။ ဒါပေမယ့် Golden Goal Myanmar က အကောင်းဆုံးအဖြေတစ်ခုပါ။ Application မှာ ပွဲစဉ်တွေရဲ့ စဖွင့်စျေး၊ မနက်ပိုင်းစျေး ၊ ညနေပိုင်းစျေးတွေ၊ နိုင်ခြေ/ရှုံးခြေ ဂိုးပေါ်/ဂိုးအောက် ရာခိုင်နှုန်းတွေအပြင် နောက်ဆုံး ၅ ပွဲကြေးအောင်ရှုံးအချက်အလက်တွေနဲ့ ပွဲကြိုအချက်အလက်တွေ သုံးသပ်ချက်တွေကိုပါ တိကျမှန်ကန်စွာ ဖော်ပြပေးထားပါတယ်။ ဒါ့အပြင် အထူးပွဲရွေးချယ်မှုတွေကိုပါ တင်ဆက်ပေးနေတာမို့ ကိုယ့်ရဲ့နိုင်ခြေကို ပိုမိုတိုးတက်စေမှာပါ။ ဘောလုံးပွဲစဉ် ခန့်မှန်းမှုတွေအတွက် သတင်းအချက်အလက်အစုံအလင်ကို အချိန်တိုအတွင်းမှာ ဖတ်ရှုနိုင်ဖို့ Golden Goal Myanmar ကို ယခုပဲ ဒေါင်းလုဒ်ဆွဲလိုက်ပါ။

Reference Source - West Till Death
Photo Credit - Getty Images
ကျော်စိုးအောင် (Myanmar Fight Edition)

ဇန်နဝါရီလမှာ လိုက်ဝိတ်ချန်ပီယံ Ilia Topuria က ချန်ပီယံကာကွယ်ပွဲမထိုးနိုင်သေးလို့ UFC အဖွဲ့အစည်းက Justin Gaethje နဲ့ Padd...
28/11/2025

ဇန်နဝါရီလမှာ လိုက်ဝိတ်ချန်ပီယံ Ilia Topuria က ချန်ပီယံကာကွယ်ပွဲမထိုးနိုင်သေးလို့ UFC အဖွဲ့အစည်းက Justin Gaethje နဲ့ Paddy Pimblett တို့က လိုက်ဝိတ်ကြားဖြတ်ချန်ပီယံလုပွဲတည်ပေးလိုက်ရတယ်။ ဒီရက်ပိုင်းမှာ သတင်းထူးကြီးပဲ။

Khabib Nurmagomedov လည်း Tony Ferguson (၃ ကြိမ်) နဲ့ ကောင်းဘွိုင် Donald Cerrone (၂ ကြိမ်) တို့ကို အကြောင်းပြချက်မျိုးစုံပေးပြီး (၅) ကြိမ်အထိ နှုတ်ထွက်ဖူးတာမို့ အရင်လူကို စံထားပြီး Ilia Topuria က Arman Tsarukyan ကို ကြောက်လန့်လို့ ရှောင်သွားတယ်လို့ ယူဆကြတဲ့ ပရိသတ်တွေက ဒုနဲ့ဒေး။

သိသလောက်ဆိုရင် လိုက်ဝိတ်ချန်ပီယံ Ilia Topuria က အိမ်ထောင်ရေးအဆင်မပြေလှပါဘူး။ သောကပရိဒေဝလောင်ကျွမ်းနေလို့ အခုချိန်မှာ အားကစားကို အပြည့်အဝအာရုံမစိုက်နိုင်ဘူး။ အဲဒါကြောင့်မို့လည်း အခုလိုတွေ ဖြစ်လာရတာပါ။ ဒါဆိုရင် လိုက်ဝိတ်တန်းရဲ့ အခင်းအကျင်းတွေက စိတ်ဝင်စားစရာပါ။

UFC 324 ပြိုင်ပွဲပြီးရင် လိုက်ဝိတ်ကြားဖြတ်ချန်ပီယံအသစ် ပေါ်လာမှာဖြစ်ပြီး ခါးပတ်ပေါင်းစည်းပွဲထိုးရုံပဲ။ ဒါဆိုရင် လိုက်ဝိတ်ချန်ပီယံ Ilia Topuria က ဘာလုပ်ရမလဲ။ မဖြစ်မနေ ခါးပတ်ပေါင်းစည်းပွဲထိုးရမယ်။

ခါးပတ်ပေါင်းစည်းပွဲမထိုးဘဲ ဝိတ်တန်းသုံးခုချန်ပီယံဖြစ်ချင်သေးရင် ဝယ်တာဝိတ်ချန်ပီယံ Islam Makhachev ကို ထိုးရုံပဲ။ ဒီအတိုင်းတော့ ဘယ်ရမလဲ။ လှေနံနှစ်ဖက်နင်းချင်လို့ မဖြစ်ဘူးလေ။ Ilia Topuria လည်း လိုက်ဝိတ်ချန်ပီယံဘွဲ့ကို စွန့်လွှတ်ခဲ့ရမယ်။ လိုက်ဝိတ်ကြားဖြတ်ချန်ပီယံက လိုက်ဝိတ်ချန်ပီယံဖြစ်လာမယ်။ တက်လာတဲ့ လိုက်ဝိတ်ချန်ပီယံသစ်ရဲ့ နောက်ပြိုင်ဘက်က Arman Tsarukyan ဖြစ်လိမ့်မယ်။ ကျွန်တော်မြင်သလို ရေးမိတာပါ။ စာဖတ်သူတွေ ဘေးကင်းပါစေ။

+-x÷+-x÷+-x÷+-x÷+-x÷+-x÷+-x÷+-x÷+-x÷+-x÷

ဘောလုံးပွဲတွေလောင်းရတာ ဝါသနာပါသူတွေအတွက် သတင်းအချက်အလက်တွေကို တစ်နေရာတည်းမှာ စုံစုံလင်လင် ရှာဖွေနိုင်ဖို့ဆိုတာ မလွယ်ကူပါဘူး။ ဒါပေမယ့် Golden Goal Myanmar က အကောင်းဆုံးအဖြေတစ်ခုပါ။ Application မှာ ပွဲစဉ်တွေရဲ့ စဖွင့်စျေး၊ မနက်ပိုင်းစျေး ၊ ညနေပိုင်းစျေးတွေ၊ နိုင်ခြေ/ရှုံးခြေ ဂိုးပေါ်/ဂိုးအောက် ရာခိုင်နှုန်းတွေအပြင် နောက်ဆုံး ၅ ပွဲကြေးအောင်ရှုံးအချက်အလက်တွေနဲ့ ပွဲကြိုအချက်အလက်တွေ သုံးသပ်ချက်တွေကိုပါ တိကျမှန်ကန်စွာ ဖော်ပြပေးထားပါတယ်။ ဒါ့အပြင် အထူးပွဲရွေးချယ်မှုတွေကိုပါ တင်ဆက်ပေးနေတာမို့ ကိုယ့်ရဲ့နိုင်ခြေကို ပိုမိုတိုးတက်စေမှာပါ။ ဘောလုံးပွဲစဉ် ခန့်မှန်းမှုတွေအတွက် သတင်းအချက်အလက်အစုံအလင်ကို အချိန်တိုအတွင်းမှာ ဖတ်ရှုနိုင်ဖို့ Golden Goal Myanmar ကို ယခုပဲ ဒေါင်းလုဒ်ဆွဲလိုက်ပါ။

Reference Source - ESPN
Photo Credit - The MMA India Show
ကျော်စိုးအောင် (Myanmar Fight Edition)

ကျွန်တော့်အမြင်က ရှင်းတယ်။ နှုတ်ခမ်းမွေး Diego Lopes ကို ဖယ်သာဝိတ်ချန်ပီယံရယ်လို့ ဘယ်လိုမှ ခံစားလို့ မရပါဘူး။ ချန်ပီယံလု...
28/11/2025

ကျွန်တော့်အမြင်က ရှင်းတယ်။ နှုတ်ခမ်းမွေး Diego Lopes ကို ဖယ်သာဝိတ်ချန်ပီယံရယ်လို့ ဘယ်လိုမှ ခံစားလို့ မရပါဘူး။ ချန်ပီယံလုခွင့်ရတုန်းကလည်း Alexander Volkanovski ကို ဘာမှမလုပ်နိုင်ခဲ့ဘူး။

ကြားထဲမှာ Diego Lopes က ဝုတ်ဝုတ် Jean Silva ကို အလဲထိုးပြီး ချန်ပီယံလုခွင့်ပြန်ရသွားတာပါ။ ဖယ်သာဝိတ်တန်းမှာ ထိပ်တန်းပြိုင်ဘက်က အဲလောက်ရှားနေလို့လား။ အင်္ဂလန်သား Lerone Murphy ကိုလည်း ချန်ပီယံလုခွင့်ပေးလို့ရပါတယ်။ အဆင့် (၄) တောင် ရောက်နေပြီပဲ။ Aaron Pico ၊ Josh Emmett နဲ့ Dan Ige တို့ကိုတောင် ဖြုတ်ထားပြီပဲ။

UFC အဖွဲ့အစည်းက နှုတ်ခမ်းမွေး Diego Lopes ရဲ့ ပရိသတ်အင်အားကို မက်မောပုံရတယ်။ Alexander Volkanovski က အသက်ကြီးနေပြီမို့ နှုတ်ခမ်းမွေး Diego Lopes က နိုင်ရင်လည်း နိုင်သွားပါလိမ့်မယ်။ ကျွန်တော်ပြောပြချင်တဲ့ အဓိကအချက်က Diego Lopes ချန်ပီယံလုခွင့်မရထိုက်သေးဘူးဆိုတာပဲ။ စာဖတ်သူတွေ ဘေးကင်းပါစေ။

ဘယ်အရာက အရင်ဖြစ်တာလဲလွန်ခဲ့တဲ့ (၁၅) ရက်လောက်က UFC 322 ပြိုင်ပွဲရဲ့ Ceremonial Weigh In အခမ်းအနားမှာ Dustin Poirier ကို မ...
28/11/2025

ဘယ်အရာက အရင်ဖြစ်တာလဲ

လွန်ခဲ့တဲ့ (၁၅) ရက်လောက်က UFC 322 ပြိုင်ပွဲရဲ့ Ceremonial Weigh In အခမ်းအနားမှာ Dustin Poirier ကို မြင်လိုက်ရတယ်။ ခန္ဓာကိုယ်က လျော့တိလျော့ရဲဖြစ်နေပြီး လူပုံစံက ညှဉ်းသိုးသိုးဖြစ်လာတယ်။ အခမ်းအနားမှာ သူပြောတာလေးကို မှတ်မိနေသေးတယ်။ အခုချိန်မှာ ကျွန်တော့်ကို တားမြစ်ဆေးလာစစ်ရင် ဆေးအောင်ဖို့ မသေချာပါဘူးတဲ့။ အနားယူထားပြီဆိုတော့ ဘယ်သူကမှ တားမြစ်ဆေးလာမစစ်ပါဘူး။ စစ်စရာလည်း မလိုတော့ဘူးလေ။

Dustin Poirier ကိုယ်တိုင်က ကမ္ဘာ့တားမြစ်တိုက်ဖျက်ရေးအဖွဲ့ချုပ်က ခွင့်ပြုမထားတဲ့ အရာတွေကို သုံးစွဲထားတယ်လို့ပဲ နားလည်မိတယ်။ ဟုတ်၊ မဟုတ် မသေချာပါဘူး။ အခုချိန်မှာ သူကိုယ်တိုင်လည်း ဝန်ခံလာပါပြီ။ အနားယူထားတော့ အိပ်ရာနိုးလာရင် ဘာမှလုပ်စရာမရှိဘူးတဲ့။ ကလပ်မှာလည်း လေ့ကျင့်စရာ မလိုတော့ဘူး။ စားဝတ်နေရေးကလည်း ဖူလုံပြီဆိုတော့ ငွေကြေးကိစ္စလည်း တွေးပူစရာအကြောင်းမရှိဘူး။ အဲဒီတော့ အားနေရင် အရက်သောက်တယ်။ မူးယစ်ဆေးဝါးသုံးတယ်တဲ့။ အခုတော့ မူးယစ်နွံကနေ ပြန်ရုန်းထွက်ဖို့ ကြိုးစားနေရတယ်။ အဲဒါကလည်း မလွယ်လှပါဘူးတဲ့။

အဲဒါကို ဖတ်မိပြီး တစ်ခါတုန်းက အဖြစ်အပျက်လေးကို ပြန်သတိရမိတယ်။ စာရေးဆရာ သန်လျင် မောင်မောင်ဦးက ရွှေမြန်မာဂျာနယ်မှာ အယ်ဒီတာလုပ်ခဲ့ဖူးတယ်။ တိုက်ပိုင်ရှင်အပြောင်းအလဲမှာ ဂျာနယ်တိုက်ပိုင်ရှင် (အသစ်) အယ်ဒီတာချုပ်နဲ့ အယ်ဒီတာ သန်လျင် မောင်မောင်ဦးက အဆင်မပြေဖြစ်ပြီး အလုပ်ထွက်လာခဲ့တယ်။

အလုပ်ထွက်တဲ့ ညနေမှာတင် သန်လျင် မောင်မောင်ဦးက လူမှန်းသူမှန်းမသိအောင် အရက်သောက်ပစ်တယ်။ မနက်အိပ်ရာနိုးလာတော့ အဝတ်အစားလဲပြီး အလုပ်သွားမလို့ ပြင်နေတယ်။ စာရေးဆရာဆိုပေမယ့် အယ်ဒီတာလုပ်သက်ကြာလာတော့ မနက်နိုးလာရင် အကျင့်ပါနေတာပါ။ ရှင် အလုပ်ထွက်လာပြီမလားလို့ အိမ်သူသက်ထားက ပြောလိုက်မှပဲ ငါအလုပ်ထွက်လိုက်တာပဲလို့ ပြန်သတိရလာတယ်။

အဲဒီတော့ သန်လျင် မောင်မောင်ဦးက ကြံရာမရဘဲ အရက်ဆိုင်သွားပြီး မူးအောင်သောက်တယ်။ အိမ်ပြန်လာပြီး ထမင်းစားတယ်။ တရေးတမောအိပ်ပြီး အိပ်ရာနိုးလာရင် အရက်ဆိုင်ထပ်သွားတယ်။ မူးအောင်ထပ်သောက်ပြီး ညအိပ်ချလိုက်တယ်။ မနက်အိပ်ရာနိုးလာရင် အရက်ဆိုင်ထပ်သွားပြန်တယ်။ အရက်မူးရင် ထမင်းစားပြီး အိပ်တယ်။ အိပ်ရာနိုးရင် ထပ်သောက်ပြန်ရော။ ဒီလိုပဲ မူးယစ်ရီဝေပြီး ရက်ပေါင်းများစွာ သံသရာလည်နေတာပါ။

တစ်ရက်တော့ စာရေးဆရာ သုမောင်နဲ့ မောင်စိန်ဝင်း (ပုတီးကုန်း) တို့က သန်လျင် မောင်မောင်ဦးဆီကို အလည်ရောက်လာတယ်။ သန်လျင် မောင်မောင်ဦးက အရက်ဆိုင်လိုက်ပို့ခိုင်းတယ်။ အရက်ဆိုင်မှာ မောင်စိန်ဝင်း (ပုတီးကုန်း) က ဘာပြောသလဲဆိုရင် ကိုယ့်လူရဲ့ သတင်းတွေကို ကြားပါတယ်၊ ဒီအတိုင်းဆက်သောက်ရင် သေမှာပဲတဲ့။ ကိုသုမောင်တောင် ခင်ဗျားလောက် မသောက်ဘူးတဲ့။ ကျွန်တော်လည်း အလုပ်ထွက်လာပြီးတည်းက အိပ်ရာနိုးရင် လူက ယောင်ချာချာဖြစ်တယ်။ တစ်ခါတလေကျတော့ အလုပ်သွားဖို့ ပြင်မိတယ်။ ကြောင်တောင်တောင်ဖြစ်ပြီး ယမကာတောမှာ ယစ်မူးနေတာပါလို့ သန်လျင် မောင်မောင်ဦးက အယူခံဝင်တယ်။

အဲဒီမှာ ဆရာ သုမောင်က မေးလိုက်တယ်။ ခင်ဗျားက စာရေးဆရာ အရင်ဖြစ်တာလား၊ အယ်ဒီတာ အရင်ဖြစ်တာလားတဲ့။ ဟာ . . . စာရေးဆရာက အရင်ဖြစ်တာပေါ့လို့ သန်လျင် မောင်မောင်ဦးက ပြန်ဖြေတယ်။ ဒါဆိုရင် ခင်ဗျားကို စာဖတ်ပရိသတ်သိတာက အယ်ဒီတာ မဟုတ်ဘူး။ ခင်ဗျားက စာရေးဆရာပဲ။ စာရေးဆရာရဲ့ အလုပ်က စာရေးနေရမယ်ဆိုတာ အထူးပြောစရာမလိုပါဘူး။ အဲဒါကို မမေ့နဲ့။ စာရေးဖြစ်အောင် ရေးပါလို့ ထောက်ပြသွားတယ်။

ကျွန်တော်လည်း ဟိုးအရင်က ဖတ်ခဲ့ဖူးတာဆိုတော့ စကားလုံးအတိအကျကို လုံးစေ့ပတ်စေ့မမှတ်မိပေမယ့် ဆိုလိုရင်းက ဒီသဘောပါပဲ။ အခုကိစ္စမှာလည်း Dustin Poirier ရဲ့ ခံစားချက်ကို နားလည်ပါတယ်။ ကိုယ်တိုင်မခံစားဖူးပေမယ့် တွေးကြည့်၊ မှန်းကြည့်၊ စာနာကြည့်လို့ ရပါတယ်။ ကစားသမားက အနားယူထားတော့ မနက်နိုးလာရင် အူလည်လည်ကြီးဖြစ်နေတယ်။ ဒါတောင်မှ အနားယူထားတာ (၅) လမပြည့်သေးပါဘူး။ ကျွန်တော်တို့ ပရိသတ်‌တွေက Dustin Poirier ကို ကစားသမားရယ်လို့ သိခဲ့ကြတာပါ။ အရက်သမားရယ်လို့ သိကြတာ မဟုတ်ဘူး။ မူးယစ်ဆေးဝါးသမားရယ်လို့ နားလည်ထားတာ မဟုတ်ဘူး။

ကစားသမားတွေက အနားယူပြီးရင် အရက်နွံနစ်သွားတတ်ကြတယ်။ ဒါမျိုးတွေကို Rio Ferdinand လည်း ကြုံခဲ့ဖူးသလို Ricky Hatton လည်း ကြုံခဲ့ဖူးတယ်။ လုံးဝမလေ့ကျင့်တော့ရင် Naseem Hamed လို ပုံပျက်ပန်းပျက်ဖြစ်သွားတတ်တယ်။ Dustin Poirier ကိုယ်တိုင်လည်း ပွဲထိုးဖို့ မဟုတ်ရင်တောင် ကျန်းမာရေးအတွက် Georges St-Pierre တို့လို ပြန်လေ့ကျင့်သင့်ပါတယ်။ စာဖတ်သူတွေ ဘေးကင်းပါစေ။

Reference Source - Dustin Poirier
Photo Credit - Getty Images
ကျော်စိုးအောင် (Myanmar Fight Edition)

ဇန်နဝါရီလ (၂၄) ရက်မှာ ကျင်းပမယ့် UFC 324 ပြိုင်ပွဲမှာ Justin Gaethje နဲ့ Paddy Pimblett တို့က လိုက်ဝိတ်ကြားဖြတ်ချန်ပီယံလ...
27/11/2025

ဇန်နဝါရီလ (၂၄) ရက်မှာ ကျင်းပမယ့် UFC 324 ပြိုင်ပွဲမှာ Justin Gaethje နဲ့ Paddy Pimblett တို့က လိုက်ဝိတ်ကြားဖြတ်ချန်ပီယံလုကြမယ်လို့ သတင်းထွက်နေပါတယ်။ Dana White က တရားဝင်မကြေညာသေးပေမယ့် သတင်းထောက် Alvaro Colmenero နဲ့ Daniel Cormier တို့က အတွင်းသတင်းပြောသွားတာပါ။ အတည်ပြုလို့တော့ မရသေးပါဘူး။ နာမည်ကျော် သတင်းမီဒီယာ Octagon Pulse က လိုက်ဝိတ်ကြားဖြတ်ချန်ပီယံပွဲရယ်လို့ ထပ်ဆင့်အတည်ပြုထားတာပါ။ လိုက်ဝိတ်ချန်ပီယံ Ilia Topuria က ပွဲမထိုးသေးတော့ ကြားဖြတ်ချန်ပီယံလုခိုင်းပုံပေါ်ပါတယ်။ စာဖတ်သူတွေ ဘေးကင်းပါစေ။

စူပါစတား ဘောလုံးသမား Cristiano Ronaldo က WOW FC (Way of Warrior FC) မှာ ရှယ်ယာရှင်ဖြစ်လာပြီလို့ Twitter (X) မှာ တရားဝင်က...
27/11/2025

စူပါစတား ဘောလုံးသမား Cristiano Ronaldo က WOW FC (Way of Warrior FC) မှာ ရှယ်ယာရှင်ဖြစ်လာပြီလို့ Twitter (X) မှာ တရားဝင်ကြေညာခဲ့ပါတယ်။ Twitter (X) မှာ WOW FC ရဲ့ Twitter Profile ကို Mention ခေါ်ထားတာမို့ နာရီပိုင်းအတွင်းမှာ WOW FC မှာလည်း Follower ထိုးတက်လာခဲ့ပါတယ်။ အဲဒါက Cristiano Ronaldo ရဲ့ ပုံရိပ်ပါပဲ။

၂၀၁၉ ခုနှစ် နိုဝင်ဘာလမှာ Arturo Guillen နဲ့ Cesar Gomezlince တို့က WOW FC ကို စပိန်နိုင်ငဲမှာ တည်ထောင်ခဲ့ပါတယ်။ စပိန်နိုင်ငံ မက်ဒရစ်မြို့ အခြေစိုက် ပရိုမိုးရှင်းဖြစ်ပြီး Movistar Plus+ နဲ့ UFC Fight Pass တွေမှာ တိုက်ရိုက်ထုတ်လွှင့်ပါတယ်။ ၂၀၂၄ ခုနှစ် ဩဂုတ်လမှာ စူပါစတား Ilia Topuria လည်း WOW FC မှာ ရှယ်ယာရှင်ဖြစ်လာပြီး ပုံရိပ်မြှင့်တင်ပေးခဲ့ပါတယ်။ အခုဆိုရင် Cristiano Ronaldo ကိုယ်တိုင်လည်း ရှယ်ယာရှင်ဖြစ်လာပြီး လူမှုကွန်ရက်မှာ အခုလိုကြေညာခဲ့ပါတယ်။

"ပရိသတ်တွေအတွက် သတင်းကောင်း ပေးချင်ပါတယ်။ အခုဆိုရင် ကျွန်တော်က WOW FC ရဲ့ ရှယ်ယာရှင်ဖြစ်လာပါပြီ။ ကျွန်တော်အလေးအနက်ထားတဲ့ စည်းကမ်းလိုက်နာမှု၊ လေးစားမှု၊ ကြံ့ကြံ့ခံနိုင်မှုနဲ့ အကောင်းဆုံးဖြစ်လိုဇောတွေကို ဝေငှသွားပါမယ်။ WOW FC က ထူးခြားဆန်းပြားပြီး အတုမရှိတဲ့ အားကစားပွဲတွေ ဖန်တီးဖျော်ဖြေသွားမှာဖြစ်ပါတယ်။ အားကစားလောကကို မြှင့်တင်ပေးဖို့နဲ့ မျိုးဆက်သစ်တွေကို စိတ်အားတက်ကြွလာစေဖို့ ပါဝင်ခွင့်ရတဲ့အတွက် ကျွန်တော်ကိုယ်တိုင်လည်း ဂုဏ်ယူမိပါတယ်။"

တကယ်ဆိုရင် Ilia Topuria နဲ့ Cristiano Ronaldo တို့က အဆင်ပြေကြတာ မဟုတ်ဘူး။ လူမှုကွန်ရက်မှာ ကြုံရင်ကြုံသလို ဖဲ့နေကြတာပါ။ Ilia Topuria က ရီးရဲလ်မက်ဒရစ်ပရိသတ်ဆိုပေမယ့် Lionel Messi ကိုပဲ အားပေးပါတယ်။ အရင်တုန်းက Dana White နဲ့ Ben Askren တို့လည်း အပြန်အလှန်ဖဲ့ကြပေမယ့် နောက်ပိုင်းမှာ အတူလက်တွဲခဲ့ကြပါတယ်။ အနောက်နိုင်ငံသားတွေက အငြိုးအာဃာတမထားဘဲ အကျိုးအမြတ်ကိုပဲ အဓိကကြည့်ပါတယ်။ အခုကိစ္စမှာ Ilia Topuria က အခုလို ကောင်းချီးပေးထားတယ်။

"WOW FC ကို Cristiano Ronaldo ရောက်လာတာက အားကစား‌လောကအတွက်တော့ အံ့အားသင့်စရာ အခိုက်အတန့်ပါပဲ။ Cristiano Ronaldo ဆိုတာက အကောင်းဆုံးစွမ်းဆောင်ရည်၊ အလုပ်ကြိုးစားမှုနဲ့ အလုပ်ကျင့်ဝတ်ပီသမှုတွေမှာ အမြင့်ဆုံးအဆင့်ကို ကိုယ်စားပြုထားပါတယ်။ ကျွန်တော်တို့တွေက အတူလက်တွဲလုပ်ကြမယ်ဆိုရင် MMA ကို နောက်တစ်ဆင့်မြင့်စေနိုင်ပြီး ကစားသမားတွေနဲ့ ပရိသတ်တွေအတွက် မဖြစ်နိုင်ဘူးဆိုတာ မရှိပါဘူးလို့ စိတ်အားတက်ကြွစေပါတယ်။"

Ilia Topuria နဲ့ Cristiano Ronaldo တို့က WOW FC ကို ပုံရိပ်မြှင့်တင်ပေးကြလိမ့်မယ်။ အခုဆိုရင် လူမှုကွန်ရက်မှာလည်း ပရိသတ်တွေက အံ့သြနေကြပါပြီ။ WOW FC က နောက်ထပ်အောင်မြင်မှုတွေ ဖန်တီးနိုင်ပါစေလို့ တောင်းဆုချွေလိုက်ရပါတယ်။ စာဖတ်သူတွေ ဘေးကင်းပါစေ။

+-x÷+-x÷+-x÷+-x÷+-x÷+-x÷+-x÷+-x÷+-x÷+-x÷

ဘောလုံးပွဲတွေလောင်းရတာ ဝါသနာပါသူတွေအတွက် သတင်းအချက်အလက်တွေကို တစ်နေရာတည်းမှာ စုံစုံလင်လင် ရှာဖွေနိုင်ဖို့ဆိုတာ မလွယ်ကူပါဘူး။ ဒါပေမယ့် Golden Goal Myanmar က အကောင်းဆုံးအဖြေတစ်ခုပါ။ Application မှာ ပွဲစဉ်တွေရဲ့ စဖွင့်စျေး၊ မနက်ပိုင်းစျေး ၊ ညနေပိုင်းစျေးတွေ၊ နိုင်ခြေ/ရှုံးခြေ ဂိုးပေါ်/ဂိုးအောက် ရာခိုင်နှုန်းတွေအပြင် နောက်ဆုံး ၅ ပွဲကြေးအောင်ရှုံးအချက်အလက်တွေနဲ့ ပွဲကြိုအချက်အလက်တွေ သုံးသပ်ချက်တွေကိုပါ တိကျမှန်ကန်စွာ ဖော်ပြပေးထားပါတယ်။ ဒါ့အပြင် အထူးပွဲရွေးချယ်မှုတွေကိုပါ တင်ဆက်ပေးနေတာမို့ ကိုယ့်ရဲ့နိုင်ခြေကို ပိုမိုတိုးတက်စေမှာပါ။ ဘောလုံးပွဲစဉ် ခန့်မှန်းမှုတွေအတွက် သတင်းအချက်အလက်အစုံအလင်ကို အချိန်တိုအတွင်းမှာ ဖတ်ရှုနိုင်ဖို့ Golden Goal Myanmar ကို ယခုပဲ ဒေါင်းလုဒ်ဆွဲလိုက်ပါ။

Reference Source - Pitch Book ၊ Ronaldo
Photo Credit - Getty Images
ကျော်စိုးအောင် (Myanmar Fight Edition)

Conor McGregor နဲ့ Ilia Topuria (Dream Fight)UFC အဖွဲ့အစည်းမှာ Conor McGregor နဲ့ Ilia Topuria တို့က ဖယ်သာဝိတ်တန်းမှာ ရှ...
27/11/2025

Conor McGregor နဲ့ Ilia Topuria (Dream Fight)

UFC အဖွဲ့အစည်းမှာ Conor McGregor နဲ့ Ilia Topuria တို့က ဖယ်သာဝိတ်တန်းမှာ ရှုံးပွဲမရှိကြပါဘူး။ ဖယ်သာဝိတ်တန်းမှာ Conor McGregor က Dustin Poirier ၊ Max Holloway နဲ့ Jose Aldo တို့ကို ဖြိုထားတယ်။ Ilia Topuria က Max Holloway ၊ Alexander Volkanovski နဲ့ Josh Emmett တို့ကို နိုင်ထားတာပါ။ ရလဒ်က သိပ်မကွာလှပါဘူး။

အကောင်းဆုံးအချိန်တုန်းက ဖယ်သာဝိတ်တန်းမှာ တည်ကြည့်ရင် Conor McGregor က ရုပ်ပိုင်းဆိုင်ရာ အားသာချက်ရှိတယ်။ (၇၄) လက်မဆိုတာ ဖယ်သာဝိတ်တန်းမှာ လက်တံအရှည်ကြီးပါ။ Ilia Topuria ထက် လက်တံ (၅) လက်မပိုရှည်တယ်။ ပိုမြန်ပိုသွက်သလားလို့။ လက်သီးပါဝါက သိပ်မကွာပါဘူး။ ဖယ်သာဝိတ်တန်းမှာ ကစားခိုင်းရင် Conor McGregor နိုင်ဖို့များတယ်။

အခုချိန်မှာလား။ Conor McGregor က ဖယ်သာဝိတ်တန်းအထိ ဆင်းမထိုးပါဘူး။ Ilia Topuria ကလည်း ဘုရင့်နောင်ဖောင်ဖျက်ပြီး စွန့်စားလာလိုက်တာ လိုက်ဝိတ်ချန်ပီယံဖြစ်လာတယ်။ အခုချိန်တည်ပေးရင် လိုက်ဝိတ်တန်းမှာပဲ ဖြစ်နိုင်တယ်။ Conor McGregor မှာ အားသာချက်ရယ်လို့ လက်တံပဲရှိတာပါ။ Ilia Topuria က အစစအရာရာသာနေပြီ။ အခုချိန်ကစားခိုင်းရင် Conor McGregor ရှုံးဖို့များတယ်။

တကယ်ဆိုရင် Conor McGregor နဲ့ Ilia Topuria တို့က ဖယ်သာဝိတ်အလုံးအထည်တွေပါ။ လိုက်ဝိတ်တန်းမှာ အကောင်သေးတယ်။ ဘာလို့များ စွန့်စားပြီး လိုက်ဝိတ်တက်လာလဲ မပြောတတ်ဘူး။ Conor McGregor က ဝယ်တာဝိတ်တန်းမှာ ကစားခဲ့ဖူးတယ်။ Ilia Topuria လည်း ဝိတ်တန်းသုံးခုချန်ပီယံဖြစ်ချင်လို့ ဝယ်တာဝိတ်တန်းကို တက်မလို အသံလွှင့်နေတယ်။

Ilia Topuria က Conor McGregor ဆိုရင် အဆင်သင့်ပါပဲ။ ဝိတ်တန်းသာ ရွေးထားပါတဲ့။ အခုချိန်မှာ ကစားကြည့်ရင် Ilia Topuria က ဘက်စုံသာနေတာ အမှန်ပါပဲ။ Conor McGregor ရဲ့ နာမည်ကျော် ဘယ်ဝိုက်လက်သီးကလည်း Ilia Topuria ကို အိပ်ပျော်စေနိုင်ပါတယ်။ စာဖတ်သူတွေ ဘေးကင်းပါစေ။

+-x÷+-x÷+-x÷+-x÷+-x÷+-x÷+-x÷+-x÷+-x÷+-x÷

ဘောလုံးပွဲတွေလောင်းရတာ ဝါသနာပါသူတွေအတွက် သတင်းအချက်အလက်တွေကို တစ်နေရာတည်းမှာ စုံစုံလင်လင် ရှာဖွေနိုင်ဖို့ဆိုတာ မလွယ်ကူပါဘူး။ ဒါပေမယ့် Golden Goal Myanmar က အကောင်းဆုံးအဖြေတစ်ခုပါ။ Application မှာ ပွဲစဉ်တွေရဲ့ စဖွင့်စျေး၊ မနက်ပိုင်းစျေး ၊ ညနေပိုင်းစျေးတွေ၊ နိုင်ခြေ/ရှုံးခြေ ဂိုးပေါ်/ဂိုးအောက် ရာခိုင်နှုန်းတွေအပြင် နောက်ဆုံး ၅ ပွဲကြေးအောင်ရှုံးအချက်အလက်တွေနဲ့ ပွဲကြိုအချက်အလက်တွေ သုံးသပ်ချက်တွေကိုပါ တိကျမှန်ကန်စွာ ဖော်ပြပေးထားပါတယ်။ ဒါ့အပြင် အထူးပွဲရွေးချယ်မှုတွေကိုပါ တင်ဆက်ပေးနေတာမို့ ကိုယ့်ရဲ့နိုင်ခြေကို ပိုမိုတိုးတက်စေမှာပါ။ ဘောလုံးပွဲစဉ် ခန့်မှန်းမှုတွေအတွက် သတင်းအချက်အလက်အစုံအလင်ကို အချိန်တိုအတွင်းမှာ ဖတ်ရှုနိုင်ဖို့ Golden Goal Myanmar ကို ယခုပဲ ဒေါင်းလုဒ်ဆွဲလိုက်ပါ။

Reference Source - Ilia Topuria
Photo Credit - ESPN MMA
ကျော်စိုးအောင် (Myanmar Fight Edition)

မြတ်နိုးမှုတန်ဖိုးဆိုတာ သေချာ‌ဖတ်ပေးပါ။ Khabib Nurmagomedov က သိုးမွေးဦးထုပ် (Papakha) တွေကို Telegram ပေါ်မှာ လေလံတင်ရေ...
26/11/2025

မြတ်နိုးမှုတန်ဖိုးဆိုတာ

သေချာ‌ဖတ်ပေးပါ။ Khabib Nurmagomedov က သိုးမွေးဦးထုပ် (Papakha) တွေကို Telegram ပေါ်မှာ လေလံတင်ရောင်းလိုက်တာ တစ်ရက်အတွင်းမှာ ရူဘယ် (၃၄၇) သန်းရတယ်လို့ သိရပါတယ်။ ရုရှားငွေကြေး ရူဘယ်လို့ ပြောလိုက်ရင် မျက်လုံးထဲမမြင်မှာစိုးလို့ ဒေါ်လာပမာဏအတိုင်း တွက်ပြပါမယ်။ ဒေါ်လာ (၄.၃) သန်းရလိုက်တာပါ။

သိုးမွေးဦးထုပ် (Papakha) ကို eBay တို့ Amazon တို့မှာ တင်ရောင်းနေတာ တွေ့ဖူးတယ်။ ကာလပေါက်စျေး ဒေါ်လာရာဂဏန်းပါပဲ။ ဒီထက်ပိုရင်လည်း ထောင်ဂဏန်း‌လေ။ Khabib Nurmagomedov ရဲ့ ဦးထုပ်ကျမှ ဘာဖြစ်လို့ ဒေါ်လာသန်းချီပေါက်သွားတာလဲ။ ဒီနေရာမှာ စာပေဟောပြောပွဲထဲက မြတ်နိုးမှုတန်ဖိုးကို စဉ်းစားမိသွားတယ်။

ဟိုနေ့ညက သွားလေသူ ဆရာ မောင်သာချိုရဲ့ စာပေဟောပြောပွဲကို YouTube မှာ နားထောင်လိုက်ရတယ်။ တန်ဖိုးအကြောင်းကို ပြောသွားတာပါ။ သူကိုယ်တိုင်ကလည်း ဆရာကြီး ဦးအောင်သင်းရှင်းပြဖူးတာကို ဖောက်သည်ချပုံပဲ။ လောကမှာ တန်ဖိုး (၃) မျိုးရှိတယ်တဲ့။ ပထမတန်ဖိုးက Exchange Value တဲ့။ ဖလှယ်ရတန်ဖိုးလို့ပဲ မြန်မာပြန်ချင်ပါတယ်။ ပိုက်ဆံ၊ စိန်၊ ရွှေ၊ ရတနာတွေကို ဝါးစားလို့မရပါဘူး။ ကားလို တက်စီးလို့မရပါဘူး။ ဒါပေမယ့် အဲဒါတွေကို ရောင်းချ (ဖလှယ်) ပြီး စားဝတ်နေရေးဖန်တီးလို့ရပါတယ်။ အဲဒါကြောင့်မို့ ဖလှယ်ရတန်ဖိုးလို့ ခေါ်တာပါ။

ဒုတိယက Used Value တဲ့။ အသုံးချတန်ဖိုးလို့ပဲ အနက်ပြန်ချင်ပါတယ်။ အဲလိုပဲ ခက်ဆစ်ဖွင့်ချင်ပါတယ်။ ဖုန်း၊ ကွန်ပျူတာ၊ ကား၊ ကုလားထိုင်။ ကားကို တက်စီးလို့ရပါတယ်။ ကုလားထိုင်ကို ထိုင်လို့ရပါတယ်။ ဖုန်းနဲ့ ကွန်ပျူတာသုံးပြီး ဆက်သွယ်လို့ရပါတယ်။ Used Value က Exchange Value ထက် လက်တွေ့ပိုဆန်တာ တကယ်ပါပဲ။

တတိယတန်ဖိုးက အဓိကပါ။ အဲဒါကို Sentimental Value (မြတ်နိုးမှုတန်ဖိုး) လို့ ခေါ်တယ်တဲ့။ လူတစ်ယောက်ရဲ့ စိတ်နှလုံးသားကို ပြောင်းလဲစေတာက မြတ်နိုးမှုတန်ဖိုးတဲ့။ မြင်းခေါင်းစွပ်ကျယ်လေးကို Exchange Value အတိုင်းပြောရရင် ဘယ်လောက်မှ တန်ဖိုးမရှိပါဘူး။ အလွန်ဆုံး သောင်းဂဏန်းပါပဲ။ Used Value အတိုင်းတွက်ရင် စွပ်ကျယ်မရှိလည်း ဖြစ်နေတာပဲလေ။ ဒါပေမယ့် အဲဒီစွပ်ကျယ်လေးကို အမေ မသေခင်က ဝယ်ပေးထားတာလေ။ ကိုယ့်အတွက်က ဘယ်လိုမှ တန်ဖိုးမဖြတ်နိုင်ဘူး။ အဲဒါက Sentimental Value ပဲ။ လူမိုက်ပေါက်စလေး Iosef Tarasov က John Wick ရဲ့ ခွေးလေးကို သတ်မိပါတယ်။ တခြားလူအတွက် ခွေးတစ်ကောင်က ဘာမှမဟုတ်ဘူးဆိုပေမယ့် John Wick အတွက် အရာရာပဲ။ အဲဒါကို Sentimental Value လို့ ခေါ်ပါတယ်။

စာအုပ်ကြားထဲမှာ ညှပ်ထားတဲ့ ပြင်သစ်ဘောပင်လေးက ဘာမှမတန်ပါဘူး။ ဟောင်းတောင် ဟောင်းနေပြီ။ ဒါပေမယ့် အဲဒီဘောပင်လေးကို ရည်းစားဦးက ချစ်သက်လက်ဆောင်ပေးထားတာလေ။ သူများအတွက် ဘာမှမဟုတ်ပေမယ့် ကိုယ့်အတွက်က အဖိုးအနဂ္ဃထိုက်တန်တယ်။ လူတွေမှာ Sentimental Value ကို တန်ဖိုးမထားရင် ဘဝက မနေပျော်တော့ပါဘူး။ ဘုရားကျောင်းဝင်းထဲမှာ ဖိနပ်စီးလို့ မရပါဘူး။ ဗလီထဲမှာ မထော်မနန်းသွားလုပ်လို့ မရပါဘူး။ ဘုရားရှိခိုးကျောင်းထဲမှာ ဗရုတ်သုတ်ခလုပ်လို့ မရပါဘူး။ အဲဒါတွေက ဘာသာတိုင်းရဲ့ Sentimental Value တွေပါ။

သာမန်လူအတွက် သိုးမွေးဦးထုပ် (Papakha) က ဘာမှမဟုတ်ပေမယ့် Khabib Nurmagomedov ပရိသတ်အတွက် တန်ဖိုးရှိနေပြန်ရော။ အဲဒါက Sentimental Value ပဲ။ ငါတို့ Idol ရဲ့ ဦးထုပ်လေးရယ်လို့ တခုတ်တရလေလံဆွဲကြတာပါ။ မြတ်နိုးမှုတန်ဖိုးကို တန်ဖိုးဖြတ်လို့ မရဘူးလို့ ဆိုချင်ပါတယ်။ စာဖတ်သူတွေ ဘေးကင်းပါစေ။

+-x÷+-x÷+-x÷+-x÷+-x÷+-x÷+-x÷+-x÷+-x÷+-x÷

ဘောလုံးပွဲတွေလောင်းရတာ ဝါသနာပါသူတွေအတွက် သတင်းအချက်အလက်တွေကို တစ်နေရာတည်းမှာ စုံစုံလင်လင် ရှာဖွေနိုင်ဖို့ဆိုတာ မလွယ်ကူပါဘူး။ ဒါပေမယ့် Golden Goal Myanmar က အကောင်းဆုံးအဖြေတစ်ခုပါ။ Application မှာ ပွဲစဉ်တွေရဲ့ စဖွင့်စျေး၊ မနက်ပိုင်းစျေး ၊ ညနေပိုင်းစျေးတွေ၊ နိုင်ခြေ/ရှုံးခြေ ဂိုးပေါ်/ဂိုးအောက် ရာခိုင်နှုန်းတွေအပြင် နောက်ဆုံး ၅ ပွဲကြေးအောင်ရှုံးအချက်အလက်တွေနဲ့ ပွဲကြိုအချက်အလက်တွေ သုံးသပ်ချက်တွေကိုပါ တိကျမှန်ကန်စွာ ဖော်ပြပေးထားပါတယ်။ ဒါ့အပြင် အထူးပွဲရွေးချယ်မှုတွေကိုပါ တင်ဆက်ပေးနေတာမို့ ကိုယ့်ရဲ့နိုင်ခြေကို ပိုမိုတိုးတက်စေမှာပါ။ ဘောလုံးပွဲစဉ် ခန့်မှန်းမှုတွေအတွက် သတင်းအချက်အလက်အစုံအလင်ကို အချိန်တိုအတွင်းမှာ ဖတ်ရှုနိုင်ဖို့ Golden Goal Myanmar ကို ယခုပဲ ဒေါင်းလုဒ်ဆွဲလိုက်ပါ။

Reference Source - ESPN
Photo Credit - Getty Images (Designed by Ko Joe)
ကျော်စိုးအောင် (Myanmar Fight Edition)

Address

U Tun Lin Chan Street, Hledan, Kamayut Township
Yangon
11041

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00
Saturday 09:00 - 18:00
Sunday 09:00 - 18:00

Telephone

+959780313367

Website

Alerts

Be the first to know and let us send you an email when Myanmar Fight Edition posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Myanmar Fight Edition:

Shortcuts

Share

Category

စာဖတ်သူအတွက် ပန်ကြားလွှာ

ကျွန်တော်က ဘောက်ဆင်၊ MMA ၊ ကစ်ဘောက်ဆင်၊ မွေထိုင်း၊ မြန်မာ့ရိုးရာလက်ဝှေ့နဲ့ ပတ်သက်တဲ့ ဆောင်းပါးတွေကို ဖတ်ရတာ အရသာတွေ့တယ်။ မြန်မာဘာသာနဲ့ ရေးထားတဲ့ Page တွေကို ရှာဖတ်ကြည့်တော့ အများစုက သတင်းရင်းမြစ် မခိုင်လုံတဲ့ အရေးအသားတွေ၊ ဝါကျဖွဲ့စည်းပုံနဲ့ သဒ္ဒါမမှန်တဲ့ စာကြောင်းတွေ၊ တစ်ဖက်ပိတ်အစွဲနဲ့ ဘက်လိုက်ရေးထားတဲ့ ဆောင်းပါးတွေအပြင် Clickbait ဆန်တဲ့ သတင်းခေါင်းစီးတွေပဲ တွေ့နေရတယ်။ သူများကို ဖောင်းထုတာ မဟုတ်ဘဲ ကိုယ်မကြိုက်တာကို ရင်ဖွင့်တဲ့သဘောပါ။ အနှစ်သာရရှိတဲ့ ဆောင်းပါးတွေကို ဇိမ်ယူပြီး ဖတ်ချင်တဲ့ ဝါသနာတူတွေအတွက် Myanmar Fight Edition ကို လုပ်ဖြစ်ခဲ့တာ။

ကစားသမားရဲ့အကြောင်းကို ရေးမယ်ဆိုရင် သူ ထိုးခဲ့တဲ့ပွဲတွေကို YouTube မှာ Download ဆွဲရတယ်။ အဲဒါက အနည်းဆုံး (၁၅,၀၀၀) ကျပ် ကုန်ပါတယ်။ ပြီးရင် မပျင်းမရိနဲ့ တစ်နေကုန် ထိုင်ကြည့်ရတယ်။ ပွဲစဉ်တိုင်းမှာ သုံးသပ်ချက်တွေ ထည့်ရေးရတယ်။ သူ့အကြောင်းတွေကို ရှာဖတ်ရတယ်၊ သူနဲ့ ပတ်သက်တဲ့ မှတ်တမ်းတွေကို YouTube မှာ လိုက်ကြည့်ရတယ်။ သတင်းရင်းမြစ် (၃၀) လောက်ကို ပေါင်းစုပြီး ရေးရတာ။ ညလုံးပေါက်ရော။ အဲဒီစာသားတွေထဲမှာ ခုနက ဗီဒီယိုကြည့်ပြီး ရေးထားတဲ့ ပွဲစဉ်သုံးသပ်ချက်တွေကို ပြန်ထည့်ရတယ်။ နားမလည်တဲ့ အကြောင်းအရာတွေကို သက်ဆိုင်ရာပညာရှင်တွေဆီမှာ ထပ်မေးရပါတယ်။

သုံးသပ်ချက်တွေ ဖတ်ပြီးတဲ့နောက်မှာ ဗီဒီယိုကြည့်ရအောင်လို့ YouTube နဲ့ လင့်ခ်ချိတ်ပေးလိုက်တယ်။ Facebook နဲ့ လင့်ခ်ချိတ်ပေးလိုက်ရင် ပိုလွယ်ပေမယ့် စာဖတ်သူတွေကို ကြည်လင်ပြတ်သားတဲ့ Full HD Resolution နဲ့ ကြည့်စေချင်လို့ပါ။ YouTube နဲ့ ဒီအတိုင်းချိတ်ပေးလိုက်ရင် လင့်ခ်တွေက ရှည်တော့ မျက်စိရှုပ်မှာစိုးလို့ Bitly နဲ့ လင့်ခ်ချုံ့လိုက်ပါတယ်။ ဆောင်းပါးနဲ့ ကိုက်ညီတဲ့ ပုံတွေကို ပြန်ရှာရတယ်။ စာဖတ်သူတွေ မျက်စိပသာဓဖြစ်အောင် ဓာတ်ပုံတွေကို Square Size နဲ့ ပြန်ပြင်ရပါတယ်။ နောက်ဆုံးမှာ စာလုံးပေါင်းသတ်ပုံကို အနည်းဆုံး (၅) ခေါက် ပြန်စစ်ပါတယ်။ ဆောင်းပါးမှာ Space ပိုနေရင်တောင် ကျွန်တော်က မကြိုက်ပါဘူး၊ အစအဆုံးပြန်ပြင်ပါတယ်။ စိတ်တိုင်းကျပြီဆိုမှ တင်လိုက်ပါတယ်။ ဆောင်းပါးတစ်ပုဒ်ဖြစ်မြောက်ဖို့က မလွယ်ပါဘူးလို့ ဆိုလိုချင်တာပါ။ မျက်ရည်ချူပြတာ မဟုတ်သလို ကြွားလုံးထုတ်တာလည်း မဟုတ်ပါဘူး။ ကာယ၊ ဉာဏစိုက်ထုတ်အားတွေကို ထည့်မပြောသေးပါဘူး။ ဖုန်းဘေလ်တင် အနည်းဆုံး (၃၀,၀၀၀) ကျပ် ကုန်မှ ဆောင်းပါးဖြစ်လာပါတယ်။ ကစားသမားအကြောင်းကို ရေးမယ်ဆိုရင် သူတို့ပွဲတွေ ပြန်ကြည့်ရလို့ ကုန်တာပါ။ အလုပ်အဆင်ပြေနေရင် မသိသာဘူးပေါ့။ Coronavirus ကြောင့် ကျွန်တော်လည်း ဝင်ငွေလျော့လာတယ်။ ဖုန်းဘေလ်နဲ့ဆိုရင် ရေရှည်မရပ်တည်နိုင်ဘူးဆိုတာ နားလည်လာမှပဲ ဝိုင်ဖိုင်တပ်လိုက်ပါတယ်။ဆောင်းပါးတွေကို ကြိုက်တယ်လို့ Comment မှာ ရေးသွားရင် အားရှိသွားပါတယ်။ အပျော်တမ်းရေးတာဆိုတော့ အကျိုးအမြတ်ခံစားခွင့် မရှိပေမယ့် ပီတိဖြစ်တာ အမှန်ပါပဲ။

အခုလည်း Video Content လုပ်ချင်နေတာ၊ ကင်မရာက စျေးကြီးလို့ လက်တွန့်နေရတယ်။ Video Editing ကိုတော့ လေ့လာလိုက်ပါဦးမယ်။ ကင်မရာဝယ်နိုင်တဲ့အချိန်မှာ အဆင်သင့်ဖြစ်အောင်လို့ပါ။ Myanmar Fight Edition မှာ ပြီးပြည့်စုံတဲ့ တင်ဆက်မှုမျိုးတွေကို မကြာခင်မှာ မြင်ရတော့မှာပါ။ ကျွန်တော့်ဘက်ကလည်း ကိုယ်စွမ်းဉာဏ်စွမ်းရှိသလောက် ပိုကောင်းအောင် ကြိုးစားသွားပါ့မယ်။ စာဖတ်သူတွေရဲ့ အမြင်တွေကို သိရအောင် Comment တွေကို သေချာဖတ်ဖြစ်ပါတယ်။ ဘောက်ဆင်၊ MMA ၊ ကစ်ဘောက်ဆင်၊ မွေထိုင်း၊ မြန်မာ့ရိုးရာလက်ဝှေ့ စတဲ့ Combat Sports ဆောင်းပါးတွေနဲ့ ပတ်သက်ပြီး အကြံပြုချက်တွေကို Message Box ဒါမှမဟုတ် Comment Box မှာ ရေးနိုင်ပါတယ်။ သာယာတဲ့ နေ့ရက်လေး ဖြစ်ပါစေ။