20/02/2025
လမ်း
တချို့ အရာတွေမှာကျမ
တွေဝေခဲ့ဖူးတယ်
ဘာကြောင့်တွေဝေလဲပေါ့
နှလုံးသားနဲ့ စဉ်းစားရင်း
ငဲ့ညှာရမှာတွေကိုလှည့်ကြည့်ရင်း
ကိုယ်မရှိရင်မဖြစ်ပါဘူးလေလို့တွေးရင်း
ဝေဝေဝါးဝါးလမ်းတွေလျောက်နေမိတယ်
လျောက်တော့လျောက်နေတာပဲ
ပန်းတိုင်ဆိုတာဘယ်မှာလဲ
ရောက်တော့ရောက်နေတာပဲ
လိုချင်တဲ့ နေရာမဟုတ်ခဲ့
သူတို့ကိုယ့်ကိုလိုအပ်လိမ့်မယ်လေဆိုတဲ့
ဘဝင်လေဟပ်တဲ့ ကျမအမှားပဲ
လိုရင်သုံးဖို့ အဆင်သင့်နေခဲ့မိလို့
ရှက်မိပါရဲ့
ဘာလုပ်သင့်လဲ
ရပ်နေလိုက်တယ် မဆုံးဖြတ်ရဲလို့
ရှေ့မတိုးရဲသလို နောက်လည်းမဆုတ်ဝံပါဘူး
အပြောင်းအလဲတွေအများကြီးဖြစ်တယ်
ပြတ်သားစေဖို့
တွန်းပို့လိုက်သလိုပဲ
လမ်း ........ ဆက်လျောက်အုန်းမယ်
ဒီတစ်ခါတော့
ကိုယ့်စိတ် ကိုယ့်ကိုယ်ဖြစ်ကောင်းပါရဲ့
သီရိမောင်
