29/09/2026
#ကားတစ်စီးရေမြုပ်ခဲ့လျှင်
*****************************
မိုးကာလ ရေကြီးရေလျှံမှုများ
နေရာအနှံအပြားတွင် ဖြစ်ပေါ်နေ၍
ကားပိုင်ရှင်များ အနေဖြင့် ဆောင်ရန်
ရှောင်ရန်များကို မျှဝေပေးလိုက်ပါသည်။
#ဆောင်ရန်။ ။
မိမိကားအား အလုံးစုံ အာမခံထားရှိပါလျှင်
သက်ဆိုင်ရာ အာမခံကုမ္ပဏီသို့ ပထမဆုံး အကြောင်းကြားပါ။
ကုမ္ပဏီမှ ညွှန်ကြားချက်များအား
အတိအကျ လိုက်နာပါ။
အာမခံ မထားရသေးလျှင်
ရေမြုပ်ပြီးပါက စက်လုံးဝ လုံးဝ မနှိုးပါနှင့်။
ကားအင်ဂျင်ခန်းအတွင်း ပါရှိသော
၁၂ဗို့ ဘတ္ထရီရဲ့ ငုတ်များကို ဖြုတ်ထားပါ။
လေစစ်တွင် ရေဝင်မဝင် အကြမ်းဖျဥ်း စစ်ဆေးပါ။
ဝင်သည်ဖြစ်စေ မဝင်သည်ဖြစ်စေ
စက်လုံးဝမနှိုးပါနှင့်။
ရေကျသွားချိန်တွင်
Contact cleaner သို့မဟုတ် Circuit cleaner ဆေးရည်ဗူးများဖြင့် မိမိလက်လှမ်းမီသမျှ ဆော့ကတ်များကို အကုန်ဖြုတ်ကာ ဆေးကြော သန့်စင်ပြီး
အခြောက်ခံထားပါ။
အင်ဂျင်နဲ့ ဂီယာဘောက်ထဲသို့ ရေများဝင်ရောက်ခြင်း ရှိမရှိ စစ်ဆေးပါ။
အကောင်းဆုံးမှာ ကျွမ်းကျင် Mechanicများ၏ အကူအညီကို ရယူပါ။
ပိုမိုစိတ်ချလိုပါက
ရေကျပြီး တရက်ခန့်အထိ ကားဘောနပ်ဖွင့်ကာ နေပြထားပါ။
တစ်ရက်ခန့်နေပြပြီး စိတ်ချရလျှင်
ကျွမ်းကျင် Mechanic အား ခေါ်ကာ
အင်ဂျင်နှင့် ဂီယာဘောက်သို့ ရေဝင်မဝင်
Computer control system (ECU)
များသို့ ရေဝင်ခြင်းရှိမရှိနှင့် အခြားသော System computer ငယ်များသို့ ရေဝင်ထားခြင်းရှိမရှိ
ထပ်မံစစ်ဆေးပါ။
စိတ်ချရလျှင် ဘတ္ထရီပြန်တပ်ပါ။
ဘတ္ထရီပြန်တပ်သောအခါ အပေါင်း + အနီရောင် ဘက်ကို အရင်သေချာကျနစွာ တပ်ဆင်ပါ။
ပြီးမှ အနုတ် - အနက်ရောင်ကို အလားတူ သေချာတပ်ဆင်ပါ။
တပ်ဆင်ချိန်တွင် ဘတ္ထရီအပေါင်းနှင့် အနုတ်ကို
တိုက်ရိုက် လျှပ်ကူးနိုင်သော ဂွင်းဂွ တီ စသည်များနှင့် မထိမိအောင် ဂရုပြုပါ။
ပိုင်နိုင်သေချာလျှင်
သော့တထစ်ဖွင့်ကြည့်ပါ။
Audio tv FM စသည် ကားတွင် အပိုတပ်ဆင်ထားသော လိုင်းများ အလုပ်လုပ်မလုပ်စစ်ဆေးပါ။
အကယ်၍ အလုပ်မလုပ်သေးလျှင်
ကျွမ်းကျင် Mechanic ရဲ့ အကူအညီကို ရယူပါ။
ACC လိုင်းများ အလုပ်လုပ်လျှင် သော့နောက်တထစ်
ဖွင့်ကာ ဒိုင်ခွက်ထဲမှ မီးများ အစုံအလင် လင်း မလင်းကို စစ်ဆေးပါ။
မမှတ်မိလျှင် ထပ်ဖွင့်ပြီး ထပ်စစ်ပါ။
အချို့မိီးများမှာ အမြဲလင်းမနေဘဲ ပျောက်သွားတဲ့မီးမျိုး
ရှိတဲ့အခါမလင်းတာထင်တတ်လို့ပါ။
မသေချာလျှင် အထပ်ထပ် ဖွင့်ပိတ်လုပ်ကာ စစ်ဆေးပါ။
မီးစုံတာ သေချာပြီဆိုလျှင်
စက်မနှိုးခင်မှာ အင်ဂျင်ဝိုင်ထဲ ရေရောက်မရောက်
ရေတိုင်ကီထဲ ရေရှိမရှိ ဂီယာဘောက်ထဲ ရေရှိမရှိ ထပ်မံစစ်ဆေးပါ။
အင်ဂျင်ထဲ ရေမရောက်ရမယ့်နေရာမှာ ရေဝင်နေရင်
စက်နှိုးလိုက်တာနဲ့ အင်ဂျင်ထဲမှာ လည်ပတ်နေတဲ့
အစိတ်အပိုင်းများ (ဥပမာ) Connecting rod တွေ ကောက်ခါ အင်ဂျင်ပျက်စီးနိုင်ပါတယ်။
ဒါကြောင့် သေချာအောင် အထပ်ထပ် စစ်ဆေးပါ။
+++++++++++++++++++++++++++++++++++++++++++++++++
#ရှောင်ရန်။ ။
ရေမြုပ်ထားသော ကားကို အလျင်စလို စက်နှိးခြင်းများ
မပြုလုပ်ရပါ။
လေစစ်မှတဆင့်ရေဝင်ကာ အင်ဂျင် ပျက်စီးနိုင်ပါတယ်။
အင်ဂျင်ထဲ ရေမဝင်ခဲ့ရင်တောင်မှ
သက်ဆိုင်ရာ ကွန်ပျူတာ ကွန်ထရိုးစနစ်များကို ရေဝင်ပါက ရှော့ဖြစ်ကာ ပျက်စီးနိုင်ပါတယ်။
အထူးသဖြင့် Hybrid ကားများဟာ ပိုမိုပြီး သတိပြုသင့်ပါတယ်။
ကားဘီးလိမ့်တာနဲ့ လျှပ်စစ်ထုတ်ပေးတာဖြစ်တဲ့အတွက်
လက်ဆွဲ Hand Brakeကို ဆွဲထားရပါမယ်။
High Voltage ဖြစ်တဲ့အတွက်
လူကို လျှပ်စစ်အန္တရာယ်လည်း ပေးနိုင်ပါတယ်။
Hybrid ကားများကို ကိုယ်တိုင် လုံးဝ လုံးဝ မစစ်ဆေးသင့်ပါ။
သက်ဆိုင်ရာ ကျွမ်းကျင်သူများကိုသာ
စစ်ဆေးစေသင့်ပါတယ်။
အကယ်၍ ကားအင်ဂျင် ဂီယာပိုင်း အဆင်ပြေပြီဆိုလျှင်
ကားအတွင်းခန်းရေဝင်ထားပါက အတွင်းခန်းလျှော်သော
Car Spa များသို့ အပ်နှံကာ မှိုနံ့စွဲခြင်းမျိုး မရှိရအောင်
သေချာစနစ်တကျ ပြန်လည်လျှော်ဖွတ်ပြီး စိတ်ချရမှသာ သုံးစွဲသင့်ပါတယ်။
Credit - Ko James
- Copy&Photo
#အာမခံထားရှိသော #မော်တော်ယာဉ်များ အကြောင်းအမျိုးမျိုးကြောင့် ရေနစ်မြုပ်ခြင်းနှင့်ရေဝင်ခြင်း Claim များ ပေါ်ပေါက်လာပါက စက်နှိုးခြင်း(လုံးဝ)မပြုရန်၊မှတ်တမ်းဓါတ်ပုံ၊Video များ ရိုက်ကူးပြီးမှတ်တမ်းများ ရယူထားရန်လိုအပ်ပါသည်။
အာမခံကိုယ်စားလှယ်များ(သို့)သက်ဆိုင်ရာအာမခံကုမ္ပဏီ Hotline ထံ အချိန်နှင့်တပြေးညီ အကြောင်းကြားကာ ပညာရှင်များစစ်ဆေးပြီးမှသာ (လိုအပ်ပါက ကရိန်းဆွဲရပါမည်) လမ်းညွှန်ချက်များအတိုင်း စက်နှိုးကြပါရန် အသိပေးနှိုးဆော်အပ်ပါသည်။
Arnt Bwae Oo Insurance Services
