Tadashi Channel

Tadashi Channel ဂျပန်စာမျှဝေရာဖြစ်ပါတယ်

Fighting 皆さん😊
26/04/2023

Fighting 皆さん😊

05/01/2023

သားသတ်စက်ရုံတစ်ခုမှာ အလုပ်လုပ်တဲ့ အမျိုးသမီးတစ်ယောက်ဟာ သူ့အလုပ်ချိန်ပြီးခါနီး အိမ်မပြန်ခင်လေးမှာ ခုတ်ထစ်ပြီး အမဲသားတွေကို မပုပ်သိုးအောင် တန်းစီချိတ်ဆွဲထားတဲ့ အအေးခန်းထဲကို ဝင်စစ်ဆေးပါတယ်။

ဒီအချိန်မှာဘဲ ဝင်ပေါက် သံတံခါးကြီးဟာ ရုတ်တရက်ပိတ်သွားတယ်။ တံခါးကြီးဟာ အထဲကနေ ဖွင့်လို့မရဘဲ အပြင်ကနေပဲ ဖွင့်လို့ရတယ်။

အအေးခန်းထဲကအပူချိန်ကလဲ ရေခဲမှတ်အောက် ရောက်တဲ့အထိ အေးနေတယ်။ အခန်းတစ်ခုလုံးလည်းအလင်းရောင်မရှိ မှောင်ပိန်းသွားတယ်။

သူမလည်း ကြောက်အားလန့်အားနဲ့ အသံကုန်အော်တယ်။ တံခါးကို လက်နဲ့ တဝန်းဝုန်း ထုပုတ်တယ်။ ဒါပေမဲ့ ဝင်ပေါက်တံခါးဟာ သံထုထည်ကြီးကြီးမားမားနဲ့ အထူကြီး လုပ်ထားတာမို့ အပြင်က လူတွေ မကြားနိုင်ပါဘူး။ နောက်ပြီး အလုပ်ဆင်းချိန်မို့ အလုပ်သမားအားလုံးနီးပါးလည်း အိမ်ပြန်သွားကြပြီ။

သူမလည်း တံခါးကို ထုလိုက်၊ အော်ခေါ်လိုက်နဲ့ တစ်နှစ်ရီကြာတော့ လက်တွေနာ၊ အသံတွေဝင် မောပန်းလာလို့ အအေးခန်းအတွင်းနံရံကိုမှီရင်း နားနေလိုက်တယ်။

တဖြည်းဖြည်းနဲ့ အအေးဓါတ်ကြောင့် သူမရဲ့အရိုးအဆစ်တွေကို ကိုက်ခဲလာတယ်။ နောက်ပြီး သူမကိုယ်အပူရှိန်ဟာ အရမ်းကျဆင်းလာတာကြောင့် တကိုယ်လုံး မလှုပ်မယှက်နိုင်လို့ နံရံကို မှီထားရတယ်။ သူမ ပိတ်မိနေတဲ့အချိန်ဟာ ၂ နာရီ၊ ၃ နာရီ၊ ၄ နာရီ ကြာလာပြီ။

သူ့မျက်လုံးတွေ မှေးလာပြီး ဖွင့်မရအောင်ဖြစ်နေတယ်။ သတိကလည်း ရလိုက် မရလိုက် ဖြစ်နေပြီ။ သူ့မျက်နှာ၊ အဝတ်တွေမှာ နှင်းခဲတွေ ဖုံးနေပြီ။ ၅ နာရီ ကြာသွားပြီ။ သူမ မျှော်လင့်ချက် မရှိတော့လို့ စိတ်ကို လုံးဝလျှော့လိုက်ပြီ။ သေမင်းလက်ကို အပ်နှံလိုက်ပြီ။

ဒီအချိန်မှာပဲ အအေးခန်းတံခါးကြီးဟာ ရုတ်တရက် ပွင့်လာတယ်။ တံခါးပေါက်မှာ လူတစ်ယောက်ရဲ့ ပုံရိပ်ပေါ်လာနေတယ်။ အပြင်က စူးရှတဲ့ အလင်းရောင်ကြောင့် မှောင်နေတဲ့အခန်းထဲကနေ သဲသဲကွဲကွဲမမြင်ရဘူး။

သူမ မျက်စေ့ကို အတင်းဖွင့်ပြီး အားစိုက်ကြည့်လိုက်တော့ လုံခြုံရေးအစောင့်အဖိုးကြီး ဖြစ်နေတယ်။ မကြာခင် ဆေးရုံက လူနာတင်ကား ရောက်လာတယ်။ သူနာပြုတွေက သူမကို စောင်တွေနဲ့ပတ်၊ ထမ်းစင်နဲ့ သယ်ပြီး ဆေးရုံကို ခေါ်သွားတယ်။ သူ အသက်ရှင်ခဲ့ပါတယ်။

သူမ သက်သာလာလို့ ဆေးရုံက ဆင်းတော့ အသက်ကယ်ပေးခဲ့တဲ့ လုံခြုံရေးအဖိုးကြီးကို ဘာကြောင့် အအေးခန်းတံခါးကို သူ့အလုပ်မဟုတ်ဘဲ လာဖွင့်ပေးရတာလဲလို့ မေးလိုက်တယ်။ အဖိုးကြီးက ခုလို ပြန်ဖြေတယ်။

"ငါ ဒီသားသတ်စက်ရုံမှာ လုပ်နေတာ ၃၅ နှစ် ရှိသွားပြီ။ ဒီစက်ရုံမှာ နေ့တိုင်း အလုပ်လာ ၊ အလုပ်ပြန်ကြသူတွေ ရာနဲ့ချီရှိတယ်။ ဒါပေမဲ့ ငါ့ကို မနက်တိုင်းမှာ နူတ်ဆက်တဲ့သူ မင်းအပါအဝင် နည်းနည်းလေးပဲ ရှိတယ်။ ကျန်တဲ့ လူတွေက ငါ့ကို ရှိတယ်လို့တောင် အလေးမထားသလို အဖက်လည်း မလုပ်ကြဘူး။ အဲဒီနေ့ မနက်က မင်း ငါ့ကို အရင်အတိုင်းပဲ " ဟဲလိုး ဂွတ်မောနင်း " ဆိုပြီး နှစ်နှစ်ခြိုက်ခြိုက် ပြုံးပြနူတ်ဆက်ခဲ့တယ်။ ညနေ အလုပ်ဆင်းချိန်မှာ ငါ အရင်ကြားနေကျဖြစ်တဲ့ " ဘိုင်ဘိုင် မနက်ဖြန် ပြန်တွေ့ကြမယ်" ဆိုတဲ့ အသံကို မကြားမိဘူး။
ဒါကြောင့် မင်း အလုပ်ကနေ မပြန်သေးဘူးဆိုတာ ငါသိနေတယ်။ ဒါပေမဲ့ မင်း အချိန်ပို ဆင်းနေတယ်လို့ ထင်တာကြောင့် ငါ မင်းအတွက် စိတ်မပူပါဘူး။
ဒါပေမဲ့ အလုပ်ဆင်းလို့ ၃ - ၄ နာရီ ကြာတဲ့အထိ မင်း မပြန်သေးဘူးဆိုတော့ မင်း တစ်ခုခု ဖြစ်နေပြီ ထင်ပြီး ငါ စိတ်ပူလာတယ်။ ဒါကြောင့် စက်ရုံအနှံ့ လိုက်ရှာကြည့်တယ်။ မတွေ့လို့ နောက်ဆုံးမှာ အအေးခန်းတံခါးကိုဖွင့်လိုက်တော့ မင်းသတိလစ်နေတာကို တွေ့လိုက်ရတာပဲ"

ပေးချင်တဲ့စကားကတော့ ...

လူတစ်ယောက်နဲ့ ဆုံတွေ့တိုင်း စိတ်ရော ကိုယ်ပါ နူတ်ဆက်ပါ။ အဲဒီလို လုပ်ခြင်းကြောင့် သင့်အတွက် ထူးပြီး ပင်ပန်းသွားတာ မဟုတ်ပါဘူး။ ဒါပေမဲ့ တစ်ချိန်မှာ ဒီအဖြစ်အပျက်ထဲကလို နူတ်ဆက်ခြင်းက သင့်အသက်ကို မကယ်တင်နိုင်ဘူးလို့ ဘယ်သူပြောနိုင်ပါ့မလဲ။

အပေါ်ကလူမို့ ဖားပေါင်းမယ် အောက်ကလူမို့ ဖိနှိပ်မယ်ဆိုတာမျိုး ဆင်းရဲချမ်းသာ မခွဲခြားနေပဲ အရာရာကို တန်းတူ အသိမှတ်ပြု တန်ဖိုးထား ဆက်ဆံနိုင်ကြပါစေ။

Ref : original

တစ်ဖက်က ကိုယ့်ကို မလိုအပ်လောက်ဘူး လို့ ခံစားလာမိတဲ့အခါမျိုးကျရင် အဲ့ဒါအမှန်ပဲဖြစ်ပါလိမ့်မယ်။တကယ်လည်း တစ်ဖက်က ကျွန်တော်တ...
03/01/2023

တစ်ဖက်က ကိုယ့်ကို မလိုအပ်လောက်ဘူး လို့
ခံစားလာမိတဲ့အခါမျိုးကျရင် အဲ့ဒါအမှန်ပဲ
ဖြစ်ပါလိမ့်မယ်။

တကယ်လည်း တစ်ဖက်က ကျွန်တော်တို့ကို
မလိုအပ်ပါဘူး။ဘာလို့လဲဆိုတော့ ကျွန်တော်တို့
ခံစားရတဲ့ feeling တွေက ကျွန်တော်တို့ကို
ဘယ်တော့မှ မလိမ်တတ်လို့ပါ။

ကိုယ်နဲ့စကားပြောချင်လား၊မပြောချင်ဘူးလားဆိုတာကို
အပြုအမူတွေကို မြင်နေရရုံနဲ့
ကျွန်တော်တို့တွေ ခံစားလို့ရနေတယ်။

အမူအရာလေးမြင်လိုက်တာနဲ့သိတယ် ။
စကားလေးတစ်ခွန်း ၊ စတစ်ကာလေးတစ်ခုကနေအစ
ကျွန်တော်တို့တွေ ခန့်မှန်းလို့ရနိုင်တယ် ။

ဒါပေမဲ့ ကျွန်တော်တို့က ကိုယ့်ကိုယ်ကိုယ်
မျှော်လင့်တစ်ကြီးနဲ့ ပြန်လိမ်မိနေတာ ။
false hope တွေနဲ့ ကိုယ့်ကိုယ်ကိုယ် ပြန်သတ်နေကြတာ။

တကယ်တော့လေ မလိုအပ်လောက်ဘူးထင်ရင် ၊
ကိုယ့်ကြောင့် သူ့မှာ၀န်ထုပ်၀န်ပိုး ဖြစ်နေမယ်လို့ထင်ရင်
နောက်ဆုတ်ပေးတတ်ရပါတယ် ။

တွယ်ကပ်ထားတယ် ။
ဖက်တွယ်ထားတယ်ဆိုတာ နေရာတိုင်းမကောင်းပါဘူး။

ဖက်တွယ်ရင်း ဖက်တွယ်ရင်း ၊
တွယ်ကပ်ရင်း တွယ်ကပ်ရင်း ကိုယ့်အပေါ်
မာန မရှိတဲ့သူလို .... အနောက်ယှက်၀န်ထုပ်၀န်ပိုး
ဖြစ်စေတဲ့သူလို မြင်လာစေပါတယ် ။

"သူ ငါ့ကို မလိုအပ်လောက်ပါဘူး " လို့ ထင်လာခဲ့ရင်
တကယ် မလိုအပ်တာ သေချာပါတယ် ။
ကျွန်တော်တို့ ခံစားရတဲ့ feeling တွေက
ကျွန်တော်တို့ကို ဘယ်တော့မှ မလိမ်ပါဘူး ။

#ခဲတံ

Tokuteiကို self study လေ့လာချင်သူများအတွက် #介護 - kaigo ဘိုးဘွားရိပ်သာလုပ်ငန်းTextBook (မြန်မာဘာသာ) https://drive.google....
10/09/2022

Tokuteiကို self study လေ့လာချင်သူများအတွက်
#介護 - kaigo ဘိုးဘွားရိပ်သာလုပ်ငန်း
TextBook (မြန်မာဘာသာ)
https://drive.google.com/file/d/1vbGqxVN8ZhOcIqMkoh2J4Tycw3JviJYX/view?usp=sharing
TextBook (ဂျပန်ဘာသာ)
https://drive.google.com/file/d/1BzfWyienByQDKtKpX_TwUr268WGMsWJn/view?usp=sharing

#外食 - gaishoku စားသောက်ဆိုင်လုပ်ငန်း
TextBook (ဂျပန်ဘာသာ)
customer service - https://drive.google.com/file/d/1d1jE0Zes6n8qHzyuqpsPIUulgXKk4cqm/view?usp=sharing
hygiene controls - https://drive.google.com/file/d/1p87VomMkN4vIEafGhBkah4-mJuoIena_/view?usp=sharing
preparation of food and drink -
https://drive.google.com/file/d/13SUwk7AGIXnEiTp9tpUbYcNoBus47_Zm/view?usp=sharing

TextBook (မြန်မာဘာသာ)
customer service - https://drive.google.com/file/d/1K5cYlCdyQs_MbIl7qv2IGMEZEZvJ8AZN/view?usp=sharing
hygiene controls - https://drive.google.com/file/d/1sV_hKZtAmU3F9wXkl5j4MtpTphesyAzf/view?usp=sharing
preparation of food and drink -
https://drive.google.com/file/d/1s4qOa1SKzql9677NRhk8ItGc4KjFNa0i/view?usp=sharing

#飲食料品製造 စားသောက်ကုန်ထုတ်လုပ်ငန်း
TextBook (ဂျပန်ဘာသာ)
テキスト - https://drive.google.com/file/d/1H54EPR052EG4Cx1bzZ8bmDasjjwNewzq/view?usp=sharing
付属資料 - https://drive.google.com/file/d/1TpX8GneKCr6WmUtgJbzKO2moFZg5HDcb/view?usp=sharing
用語集 -
https://drive.google.com/file/d/1P4M4oHTd4Fe2t5-b97wsoauTR2Bhvis3/view?usp=sharing

TextBook (မြန်မာဘာသာ)
テキスト -
https://drive.google.com/file/d/1mSguKbw9HdIqSKG0VK7fp1y4i5Sgkf8O/view?usp=sharing
付属資料 - https://drive.google.com/file/d/1blYNfWyoBB47HCxDmjlWNqZvilJZX7Ny/view?usp=sharing
用語集 -https://drive.google.com/file/d/1yTc1hBCU7GDLH9ayDoWRCQOZ6YV5ohf_/view?usp=sharing

#農業 စိုက်ပျိုးရေး၊ မွေးမြူရေးလုပ်ငန်း

စိုက်ပျိုးရေး TextBook (မြန်မာဘာသာ)
https://drive.google.com/file/d/15d94Lwphr6ex8ygix9tLAmH7bCkfgiep/view?usp=sharing

မွေးမြူရေး TextBook (ဂျပန်ဘာသာ)
https://drive.google.com/file/d/1pfhsC4zyXjJs5bVU674nN3bfe69QDxVY/view?usp=sharing

Crd to original writer❤️❤️❤️

ခွေးကျွေးခြင်း၏ ကုသိုလ်အကျိုး-----------------------------------------သေချာဖတ်ကြည့်နော်…~~~~~~~~ဘယ်နေရာရောက်ရောက် ခွေးကျ...
16/04/2022

ခွေးကျွေးခြင်း၏ ကုသိုလ်အကျိုး
-----------------------------------------

သေချာဖတ်ကြည့်နော်…
~~~~~~~~
ဘယ်နေရာရောက်ရောက် ခွေးကျွေးတဲ့အလုပ်ကလေးကိုတော့ ၀တ်တစ်ခုလိုကိုထားပြီး လုပ်ဖြစ်ပါတယ်။ တစ်ခါတလေဆို လမ်းပေါ်မှာခွေးပိန်ကလေးတွေ တွေ့ရရင်တောင် နီးစပ်ရာမုန့်ဆိုင်က၀ယ်ပြီး ကျွေးခဲ့ဖူးပါတယ်။ တစ်နေ့တော့ ဒီခွေးကျွေးတာနှင့် ပတ်သက်ပြီး သူငယ်ချင်းကမေးခွန်းတစ်ခု မေးလာပါတယ်။

“တနင်္လာနံမို့ ခွေးကျွေးတာလား” တဲ့။

မိမိက “တနင်္လာနံ ဆိုတာ ဘာလဲ” လို့ ပြန်မေးတော့ သူငယ်ချင်းက “ငွေနံလေ” တဲ့။

ဒီတော့မှ မိမိလည်းသဘောပေါက်သွားပြီး “တနင်္လာနံကြောင့်တော့ မဟုတ်ဘူး။ သီဟိုဠ်၀တ္ထုလေးတစ်ပုဒ်ကို ဖတ်ဖူးထားလို့ပါ” လို့ပြောပြီး အဲဒီသီဟိုဠ်၀တ္ထုလေးကိုပါ သူငယ်ချင်းကိုပြောပြဖြစ်လိုက်ပါတယ်။ သူငယ်ချင်းက
“သြော်...ဒါကြောင့်ကိုး။” လို့ အတည်လိုလိုနောက်သလိုလိုနဲ့ ပြန်ပြောခဲ့တာ အခုအထိ မှတ်မိနေပါသေးတယ်။

သူငယ်ချင်းကို ပြောပြဖူးခဲ့တဲ့ သီဟိုဠ်၀တ္ထုလေးကို အခုချစ်တဲ့ စာဖတ်သူတွေကိုလည်း ပြန်ပြောပြချင်ပါတယ်။

♦ တစ်ခါတုန်းက သီဟိုဠ်ကျွန်းမှာ "အရှင်စူဠနာဂ" လို့ အမည်ရတဲ့
မထေရ်တစ်ပါးရှိခဲ့ဖူးပါတယ်။

သီဟိုဠ်ကျွန်း အနုရာဓမြို့မှာ မြတ်စွာဘုရားရဲ့ညှပ်ရိုးတော်ကို ဌာပနာထားရာလည်းဖြစ်၊ဒေဝါနံပိယတိဿမင်းကြီးရဲ့ ကောင်းမှုလည်းဖြစ်တဲ့
ထူပါရုံစေတီဆိုတာ ရှိပါတယ်။ ထူပါရုံစေတီတော်ရဲ့အနီးမှာရှိတဲ့ ကျောင်းကြီးကိုလည်း ထူပါရုံကျောင်းတိုက်ကြီးလို့ ခေါ်ပါတယ်။ အရှင်စူဠနာဂဟာ အဲဒီထူပါရုံကျောင်းတိုက်ကြီးမှာ တခြားရဟန်းတော်တွေနှင့်အတူ သီတင်းသုံးနေတဲ့ ရဟန်းတစ်ပါးပါ။

♦ တစ်နေ့မှာ အရှင်စူဠနာဂဆွမ်းစားပြီးလို့ ခံတွင်းဆေးပြီးချိန်မှာ သားတွေပေါက်ထားတဲ့ခွေးမတစ်ကောင်ကို တွေ့လိုက်ရပါတယ်။ခွေးမကိုသေချာ
ကြည့်လိုက်တော့ ပိန်ပိန်ချည့်ချည့်နဲ့ အတော်ဆာလောင်မွတ်သိပ်နေတဲ့ပုံပါ။ ဆာလောင်မွတ်သိပ်နေပုံရတဲ့ ခွေးမကိုမြင်လိုက်တော့ အရှင်စူဠနာဂက တော်တော်လေး သနားသွားပါတယ်။ ဒါပေမယ့် ဆွမ်းစားပြီး သပိတ်ဆေးပြီးပြီဆိုတော့

ကျွေးစရာဆွမ်းကျန်လည်း မရှိတော့ပါဘူး။

ဒါကြောင့် ဘာလုပ်လိုက်သလဲဆိုတော့ “ငါသည် စားအပ်ပြီးသော အစာမှန်သော်လည်း ထိုခွေးမအား အန်၍ လှူအံ့သောငှာအပ်၏” လို့ နှလုံးပိုက်ပြီး မိမိရဲ့ ခံတွင်းထဲကို လက်ထိုးအန်ပြီး ခွေးမကိုကျွေးလိုက်ပါတယ်။

အရှင်စူဠနာဂဟာ ခွေးမကို အန်ကျွေးရုံတင်မကပါဘူး၊ အိုးခြမ်းကွဲတစ်ခုထဲမှာ ရေထည့်ပြီး ရေလဲတိုက်လိုက်ပါသေးတယ်။

အစာထိုက်သင့်သလောက်ဝသွားတဲ့ခွေးမကို ကြည့်ပြီး အရှင်စူဠနာဂ လည်း တစ်ခါမှ မဖြစ်ဖူးတဲ့
ပီတိတွေဖြစ်လာပါတယ်။

♦ဒါကြောင့် ဆုတစ်ခုကို ကောက်ခါငင်ခါ တောင်းလိုက်ပါတယ်။ သူ့ရဲ့ဆုတောင်းက

♦"ငါသည် ဤခွေးမအား မိမိရဲ့ခန္ဓာကိုယ်ကို မငဲ့ကွက်ဘဲ အန်၍ကျွေးလိုက်ရသော ကုသိုလ်ကောင်းမှုကြောင့် နိဗ္ဗာန်ရောက်ရပါလို၏။ နိဗ္ဗာန်မရသေး၍ သံသရာကျင်လည်ရသည်ရှိသော် ပစ္စည်းလာဘ်လာဘပေါများရပါလို၏" တဲ့။

စာမှာတော့ အရှင်စူဠနာဂရဲ့ ဒါနစေတနာဟာ ပထမဇောအဆင့်မှာတင် အရှိန်အဟုန်အစွမ်း တော်တော်ကြီးမားနေခဲ့တယ်လို့ ဆိုပါတယ်။

♦အရှင်စူဠနာဂဆုတောင်းတဲ့နေ့ ညချမ်းမှာပဲ ဒကာ ဒကာမများစွာဟာ ထောပတ်တွေ တင်လဲခဲတွေ သကာတွေ ပျားရည်တွေ ယူလာပြီး “အရှင်စူဠနာဂ ဘယ်ကျောင်းမှာ နေပါသလဲ” လို့ မေးပြီး ရောက်လာကြပါတယ်။ အရှင်စူဠနာဂလည်း ကိုယ့်ကိုယ်ကို အံ့အားသင့်နေပါတယ်။ အရှင်စူဠနာဂဟာ ရောက်လာတဲ့ ဘုဉ်းပေးစရာတွေကို သီတင်းသုံးဖော်ရဟန်းတော်တွေကိုပါ ခွဲဝေလှူဒါန်းလိုက်ပါတယ်။

♦နောက်မကြာခင်မှာ ဒကာ ဒကာမတွေ ထပ်ရောက်လာပြန်ပါတယ်။
သူတို့ သီဟိုဠ်ခေတ်မှာ အသုံးများတဲ့ ဇာတိပ္ဖိုလ်ပွင့် အစရှိတဲ့ဆေးတွေကို ယူလာပြီး ကပ်လှူပြန်ပါတယ်။ အရှင်စူဠနာဂလည်း ရှေးနည်းအတိုင်း သီတင်းသုံးဖော်တွေကိုပါ ခွဲဝေလှူဒါန်းလိုက်ပါတယ်။

♦နံနက်လင်းလို့ ဆွမ်းခံကြွတဲ့အခါမှာတော့ ဒကာ ဒကာမတွေဟာ ရေတွက်လို့မရနိုင်လောက်အောင် ဆွမ်းဟင်းများစွာကို လောင်းလှူတော့တာပါပဲတဲ့။

♦ဘယ်လောက်အထိ ဆွမ်းတွေရသလဲဆိုရင် ထူပါရုံကျောင်းတိုက်မှာ သီတင်းသုံးနေတဲ့ ရဟန်းတော်အားလုံး သုံးဆောင်နိုင်လောက်အောင်အထိ များပြားလွန်းတယ်လို့ ဆိုပါတယ်။ ဒါကြောင့် အရှင်စူဠနာဂက ကျောက်စည်ကို တီးခတ်ပြီး ထူပါရုံကျောင်းတိုက်မှာ သီတင်းသုံးနေတဲ့ ရဟန်းတော်တွေကို ပြန်ပြီးလောင်းလှူလိုက်ပါတယ်။ နောက်ရက်တွေမှာလည်း အရှင်စူဠနာဂဟာ ရသမျှဆွမ်းဟင်းတွေကို ကျောက်စည်တီးခတ်ပြီးနေ့စဉ်ပြန်လှူခဲ့ပါတယ်။

♦တစ်နေ့မှာတော့ အရှင်စူဠနာဂဟာ မိမိပြုခဲ့တဲ့ ဒါနစေတနာကို ပြန်ဆင်ခြင်ရင်း ပီတိတွေဖြစ်လာပါတယ်။ အဲဒီဖြစ်ပေါ်လာတဲ့ ပီတိကို အခြခံပြီး ဝိပဿနာဘက်ကူး ကမ္မဋ္ဌာန်းဘာ၀နာကို ကြိုးကြိုးစားစား အားထုတ်လိုက်တာ ရဟန္တာဖြစ်သွားခဲ့ပါတယ်။ တက်ကြွထက်သန်တဲ့ "ဒါနစေတနာ"ဟာ ပစ္စုပ္ပန်အကျိုးတင်မကဘဲ "အရဟတ္တဖိုလ်"အထိ အကျိုးပေးသွားတာပါပဲ။

♦ အရှင်စူဠနာဂ ရဟန္တာဖြစ်ပြီးနောက်ပိုင်း တစ်ခုသောကာလကြာကြာ ရက်တစ်ရက်မှာ ထူပါရုံကျောင်းတိုက်မှာရှိတဲ့ ရဟန်းတော်ငါးရာကြွလာပြီး
မဇ္စျိမဒေသ အိန္ဒိယနိုင်ငံမှာရှိတဲ့ မဟာဗောဓိပင်ကို လိုက်ပို့ပေးဖို့ တောင်းပန်ကြပါတယ်။ အရှင်စူဠနာဂကလည်း လိုက်ပို့ပေးပါမယ်လို့ ပြန်၀န်ခံလိုက်ပါတယ်။

အရှင်စူဠနာဂကို လိုက်ပို့ပေးဖို့ တောင်းပန်ရခြင်းရဲ့ အဓိကအကြောင်းကတော့ လမ်းခရီးတစ်လျှောက်မှာ ဆွမ်းကွမ်းအခက်အခဲ မရှိအောင်လို့ပါ။

အရှင်စူဠနာဂလည်း ဂတိခံထားတဲ့အတိုင်း ရဟန်းတော်ငါးရာကို မဟာဗောဓိပင်ကို လိုက်ပို့ပေးပါတယ်။ လမ်းခရီးတစ်လျှောက်မှာ နတ်ကောင်းနတ်မြတ်တွေက ကူညီစောင့်ရှောက်သလိုရောက်ရာဒေသက ဒကာ ဒကာမတွေကလည်း ဆွမ်းအချိုပွဲတွေ အလျှံအပယ် လောင်းလှူကြပါတယ်။

♦မဟာဗောဓိပင်ကိုဖူးပြီး အပြန်ခရီးမှာတော့ အရှင်စူဠနာဂဟာ လေ၀မ်းရောဂါကို အပြင်းအထန်ခံစားရပါတော့တယ်။ ဒီတော့ အတူပါလာသူ
ရဟန်းတော်တွေလည်း စိတ်မကောင်းဖြစ်ကြရပါတယ်။

♦သူတို့စိတ်မကောင်းဖြစ်ကြခြင်းရဲ့ အကြောင်းကတော့ အကယ်၍ အရှင်စူဠနာဂ လမ်းခရီးမှာ ပရိနိဗ္ဗာန်ပြုခဲ့ရင် သူတို့အတွက် ဆွမ်းဘောဇဉ်အခက်အခဲ တွေ့ကြမှာစိုးလို့ပါ။ ဒါကိုသိတဲ့ အရှင်စူဠနာဂက အဖော်ရဟန်းငါးရာကို ဘယ်လိုမိန့်သလဲဆိုတော့ “အရှင်ဘုရားတို့၊ အထွေအထူး မစိုးရိမ်ကြပါနဲ့။ တပည့်တော် ပရိနိဗ္ဗာန်ပြုခဲ့ရင် ကြွင်းကျန်တဲ့ တပည့်တော်ရဲ့ဓါတ်တော်ကို ရှေ့ဆုံးကကြွတဲ့ မထေရ်ရဲ့ရေစစ်မှာဖြစ်ဖြစ်၊ သပိတ်မှာဖြစ်ဖြစ် ဖွဲ့ချည်ပြီး မြို့ရွာထဲ၀င်ပါဘုရား။ ဒါဆို အရှင်ဘုရားတို့အတွက် လမ်းခရီးမှာ ပစ္စည်းလေးပါးအတွက် မပင်မပန်းဖြစ်ရပါလိမ့်မယ်ဘုရား။” လို့ အကြံပေးတော်မူပါတယ်။

အရှင်စူဠနာဂမထေရ်လည်း အဲဒီလိုအကြံပေးပြီး မကြာခင်မှာပဲ ပရိနိဗ္ဗာန်ပြုသွားပါတယ်။ ကျန်ခဲ့တဲ့ သတင်းသုံးဖော်ရဟန်းတော်တွေက အရှင်စူဠနာဂရဲ့ အလောင်းတော်ကို ကောင်းကောင်းသဂြိုလ်ပြီး အရှင်စူဠနာဂမှာခဲ့တဲ့အတိုင်း ဓါတ်တော်တွေကိုယူပြီးကြွတော်မူကြပါတယ်။ ကြွတော်မူတဲ့ လမ်းခရီးတစ်လျှောက် ပစ္စည်းလေးပါးမပင်မပန်းနဲ့ မိမိတို့သီတင်းသုံးရာ သီဟိုဠ်ကျွန်း ထူပါရုံကျောင်းတိုက်ကို ပြန်ရောက်ခဲ့တယ်လို့ဆိုပါတယ်။

♦စေတနာကြီးမားလှတဲ့ သာမန်ဒါနလေးဟာ ကာယကံရှင်မရှိတော့တာတောင် ကျန်ခဲ့သူတွေအတွက် အကျိုးပြုသွားတဲ့ သီဟိုဠ်ဓမ္မ၀တ္ထုလေးပါ။

♦ စေတနာရဲ့ သဘောသရုပ်ကို ဖွင့်ပြခဲ့တဲ့ ၀တ္ထုလေးအဖြစ်လည်း ပူးတွဲသဘောပေါက်လိုက်ရပါတယ်။

အရှင်စူဠနာဂရဲ့၀တ္ထုလေးကို သတိရနေသမျှတော့ခွေးတွေကို ကျွေးဖြစ်နေအုံးမှာပါ။

ခွေးတွေကို ကျွေးဖြစ်နေသမျှတော့ အရှင်စူဠနာဂရဲ့ ၀တ္ထုလေးကို သတိရနေဖြစ်အုံးမှာပါ။

ဂျပန်အင်တာဗျူးတွေမှာ မေးလေ့ရှိတဲ့ မေးခွန်း ၅၀✨အင်တာဗျူးဖြေတဲ့ အခါ အဆင်ပြေအောင် တင်ပေးလိုက်ပါတယ်။(1) 自己紹介(じこしょうかい)をお願(ねが)...
08/09/2021

ဂျပန်အင်တာဗျူးတွေမှာ မေးလေ့ရှိတဲ့ မေးခွန်း ၅၀

✨အင်တာဗျူးဖြေတဲ့ အခါ အဆင်ပြေအောင် တင်ပေးလိုက်ပါတယ်။

(1) 自己紹介(じこしょうかい)をお願(ねが)します。
ကိုယ့်ကိုယ်ကိုယ် မိတ်ဆက်ပါ။

(2) 志望動機(しぼうどうき)を教(おし)えください。
ဒီအလုပ်ကိုရည်မှန်းရတဲ့ ရည်ရွယ်ချက်က ဘာလဲ?

(3) 学生時代(がくせいじだい)に最(もっと)も打ち込ん(うちこん)だことは何ですか。
ကျောင်းသားဘဝမှာ ပိုပြီး အချိန်တွေ၊ ခွန်အားတွေ စိုက်ပြီး ကြိုးစားခဲ့ရတာက ဘာဖြစ်ပါသလဲ?

(4) 自己(じこ)PRを教えてください。
ကိုယ့်ရဲ့ဆွဲဆောင်မှု၊ ကောင်းတဲ့အချက်၊ အားသာချက်တွေက ဘာလဲ?

(5) 入社後(にゅうしゃご)にやりたい仕事(しごと)？
ကုမ္ပဏီဝင်ပြီးနောက် လုပ်ချင်တဲ့ အလုပ်က ဘာလဲ?

(6) 長所(ちょうしょ)は何ですか。
သင့်ရဲ့ အားသာချက်က ဘာလဲ?

(7) 短所(たんしょ)はなんですか。
သင့်ရဲ့ အားနည်း ချက်က ဘာလဲ?

(8) 失敗経験(しっぱいけいけん)について教えてください。
ဆုံးရှုံးခဲ့ရတဲ့ အတွေ့အကြုံနဲ့ ပတ်သက်ပြီး ပြောပြပါ။

(9) サークル．部活動経験(ぶかつどうけいけん)について教えてください。
Club activities အတွေ့အကြုံတွေကို ပြောပြပေးပါ။

(10) 希望職種(きぼうしょくしゅ)は何ですか。
ရည်ရွယ်ထားတဲ့ အလုပ်အမျိုးအစားက ဘာလဲ?

(11)勤務地(きんむち)について確認(かくにん)
အလုပ်လုပ်ချင်တဲ့နေရာကို အတည်ပြုပေးပါ။

(12)最近(さいきん)気(き)になるニュースは何ですか。
ခုတလော စိတ်ဝင်စားတဲ့ သတင်းက ဘာလဲ။

(13)アルバイト経験(けいけん)について
အချိန်ပိုင်း အလုပ်အတွေ့အကြုံ နဲ့ပတ်သက်ပြီး ပြောပြပေးပါ?

(14)キャリアプランについて教えてください
မင်းရဲ့ career plan နဲ့ ပတ်သက်ပြီး ပြောပြပေးပါ။

(15)あなたに趣味(しゅみ)は何ですか。
မင်းရဲ့ ဝါသနာက ဘာလဲ။

(16)自分を動物(どうぶつ)に例(たと)えると？
မင်းကို တိရိစ္ဆာန် တစ်ကောင်နဲ့ ဥပမာပေးရမယ်ဆို ဘာဖြစ်မလဲ?

(17)資格(しかく)について？
အရည်အချင်းနဲ့ပတ်သက်ပြီး?

(18)卒論(そつろん)のテーマ？
Graduation thesis title ကဘာလဲ?

(19)業界(ぎょうかい)の志望理由(しぼうりゆう)は？
ဒီလုပ်ငန်းအမျိုးအစားကို လျှောက်ရတဲ့ ရည်ရွယ်ချက်က?

(20)10年後(ねんご)の自分(じぶん)はどうなっていたい？
နောက်၁၀နှစ်ကြာရင် မင်းက ဘယ်လိုပုံစံမျိုး ဖြစ်ချင်လဲ?

(21)今の学部(がくぶ)を選ん(えらん)だ理由(りゆう)？
အခု မေဂျာကို ရွေးရတဲ့ အကြောင်းပြချက်က ဘာလဲ?

(22)尊敬(そんけい)する人はいますか？
လေးစားရတဲ့လူရှိပါသလား။

(23)あなたにとって仕事(しごと)とは何ですか。
သင့်အတွက် အလုပ်ဆိုတာ ဘယ်လိုအဓိပ္ပာယ်လဲ?

(24)将来(しょうらい)の夢(ゆめ)は何ですか。
အနာဂတ်အိပ်မက်က ဘာလဲ?

(25)5年後(ねんご)の自分(じぶん)はどうなっていたい？
နောက် ၅နှစ် ကြာရင် မင်းက ဘယ်လိုပုံစံမျိုး ဖြစ်ချင်လဲ?

(26)他者(たしゃ)と弊社(へいしゃ)の違(ちが)いはどんなところだと思いますか。
အခြားကုမ္ပဏီ နဲ့ ငါတို့ကုမ္ပဏီရဲ့ ကွာခြားချက်က ဘာလို့ထင်သလဲ?

(27)あなたの特技(とくぎ)は何ですか。
သင့်ရဲ့ ကျွမ်းကျင်မှုက ဘာဖြစ်မလဲ?

(28)最近読んだ本を教えてください。
အခုတလော ဖတ်နေတဲ့ စာအုပ်ကို ပြောပြပေးပါ။

(29)語学力(ごがくりょく)について？
ဘာသာစကားစွမ်းရည်နဲ့ ပတ်သက်ပြီး?

(30)ボランティア経験(けいけん)について？
ပရဟိတအတွေ့အကြုံနဲ့ ပတ်သက်ပြီး?

(31)働(はたら)く以上(いじょう)で大切(たいせつ)なことは？
အလုပ်လုပ်ခြင်းအပြင် အရေးကြီးတဲ့အချက်က ဘာလဲ?

(32)学業(がくぎょう)以外(いがい)で力(ちから)を入れたこと？
ပညာရေးအပြင် အားစိုက်ပြီးကြိုးစားခဲ့ရတာက ဘာလဲ?

(33)苦手(にがて)なことは？
သင့်ရဲ့ ညံ့တဲ့အချက်က ဘာလဲ?

(34)前の仕事をやめた理由は？
ရှေ့က အလုပ်ကို ထွက်ခဲ့ရတဲ့ အကြောင်းပြချက်ကဘာလဲ?

(35)入社可能時期(にゅうしゃかのうじき)はいつですか。
အလုပ်ဘယ်အချိန်ကစပြီး ဝင်နိုင်ပါသလဲ?

(36)内定(ないてい)を出したらご入社(にゅうしゃ)いただけますか。
အလုပ်ခန့်လိုက်တာနဲ့ အလုပ်လုပ်နိုင်ပါသလား?

(37)同業他社(どうぎょうたしゃ)ではなくどうして当社(とうしゃ)なのですか。
အမျိုးအစားတူတဲ့ အခြားကုမ္ပဏီမဟုတ်ပဲ ဘာလို့ ကျွန်တော်တို့ ကုမ္ပဏီမှာ လာလျှောက်တာလဲ?

(38)この事業(じぎょう)を将来(しょうらい)どのように成長(せいちょう)させていきたいですか。
အနာဂတ်မှာ ဒီအလုပ်ကနေ ဘယ်လိုတိုးတက်အောင်လုပ်ချင်ပါသလဲ?

(39)最後(さいご)に何か伝(つた)えておきたいことがありますか？
နောက်ဆုံးမှာ တစုံတခု ပြောထားချင်တာမျိုးရှိလဲ?

(40) 突然(とつぜん)の残業(ざんぎょう)や休日出勤(きゅうじつしゅっきん)は大丈夫(だいじょうぶ)ですか。
ရုတ်တရက် အချိန်ပိုဆင်းရတာမျိုး၊ ပိတ်ရက်မှာအလုပ်ဆင်းရတာမျိုးဆို အဆင်ပြေလား?

(41)今までの職務(しょくむ)経歴(けいれき)を教えてください。
အခုချိန်ထိ အလုပ်လုပ်ခဲ့ဖူးတဲ့ history ကို ပြောပြပေးပါ။

(42)今までの仕事にどんな不満(ふまん)を持っていましたか。
အခုချိန်ထိလုပ်ခဲ့တဲ့ အလုပ်တွေထဲမှာ စိတ်မချမ်းမမြေ့ ဖြစ်ခဲ့ရတာမျိူး ရှိလား။

(43)当社(とうしゃ)があなたを採用(さいよう)するメリットは何ですか。
ကျွန်တော်တို့ ကုမ္ပဏီက မင်းကို အလုပ်ခန့်မယ်ဆိုရင် ရရှိမယ့် အကျိုးကျေးဇူးက ဘာလဲ?

(44)周(まわ)りの同僚(どうりょう)や友人(ゆうじん)はあなたのことをどのように評価(ひょうか)していますか。
ပတ်ဝန်းကျင်ကလူတွေ၊ မိတ်ဆွေ အပေါင်းအဖော်တွေက မင်းနဲ့ ပတ်သက်ပြီး ဘယ်လို တန်ဖိုးဖြတ်သတ်မှတ်ပါသလဲ။

(45)当社(とうしゃ)以外(いがい)に受けている業界(ぎょうかい).企業(きぎょう)はありますか。
ကျွန်တော်တို့ ကုမ္ပဏီအပြင် တခြားအင်တာဗျူးဖြေထားတဲ့ ကုမ္ပဏီရှိလား။

(46)志望企業(しぼうきぎょう)を選(えら)ぶ基準(きじゅん)は何ですか。
သင်အခုရည်မှန်းထားတဲ့ ကုမ္ပဏီလုပ်ငန်းကို ရွေးချယ်ရတဲ့ အခြေခံအချက်က ဘာလဲ?

(47)仕事での誇(ほこ)れる実績(じっせき)や成功体験(せいこうたいけん)はありますか。
အလုပ်မှာဂုဏ်ယူရလောက်တဲ့ အကျိုးရလဒ်တွေ၊ အောင်မြင်ခဲ့ရတဲ့ ကိုယ်တွေ့အတွေ့အကြုံတွေ ရှိလား။

(48)これまでで、最も厳(きび)しかった仕事は何ですか。
အခုချိန်ထိလုပ်ခဲ့တဲ့ အလုပ်ထဲမှာ ပိုပြီးတော့တင်းကျပ်ရတဲ့ အလုပ်ကဘာလဲ ?

(49)この職種(しょくしゅ)の仕事をしてあなたは将来(しょうらい)どうなりたいのですか。
ဒီအလုပ်ကို လုပ်ပြီးတော့ မင်းဟာ အနာဂတ်မှာ ဘယ်လိုဖြစ်ချင်သလဲ?

(50) 最後(さいご)に何(なに)か質問(しつもん)はありますか。
နောက်ဆုံး မေးစရာမေးခွန်း ရှိပါသလား?

🗾
専門(せんもん) ဒုတိယနှစ်တက်နေတဲ့သူများကတော့ ဂျပန်ကုမ္ပဏီတွေမှာအလုပ်လျှောက်လွှာတင်ပြီး အလုပ်အင်တာဗျူးအတွက် လက်တွေ့လေ့ကျင့်ရတော့မှာဖြစ်တာကြောင့် အရမ်းအသုံးဝင်ပါတယ်နော်။

#日本語

JLPT 2021 (December) စာမေးပွဲအတွက် လျှောက်လွှာ ဒုတိယအကြိမ် ခေါ်ယူရန် ကြေငြာခြင်း။မင်္ဂလာပါ…JLPT 2021 (December) စာမေးပွဲ...
26/08/2021

JLPT 2021 (December) စာမေးပွဲအတွက် လျှောက်လွှာ ဒုတိယအကြိမ် ခေါ်ယူရန် ကြေငြာခြင်း။

မင်္ဂလာပါ…

JLPT 2021 (December) စာမေးပွဲအတွက် လျှောက်လွှာများကို 20.8.2021 ရက်နေ့တွင် Online Application စနစ်ဖြင့်ခေါ်ယူခဲ့ပါသည်။ ယခုလျှောက်လွှာများစစ်ဆေးပြီးချိန်တွင် တကြိမ်ထက်ပိုတင်သွင်းထားသော လျှောက်လွှာများနှင့် မပြည့်စုံသောလျှောက်လွှာများအများအပြားရှိပါသဖြင့် ဒုတိယအကြိမ်ခေါ်ယူသွားမည် ဖြစ်ပါသည်။ ဖြေဆိုသူဦးရေအနည်းငယ် ဖြင့်သာကျင်းပသွားနို်ငမည်ဖြစ်ပါသောကြောင့် စာမေးပွဲအောင်မြင်ရန်အမှန်တကယ်လိုအပ်ချက်ရှိသူများသာ လျှောက်ထား ပေးကြပါရန် မေတ္တာရပ်ခံအပ်ပါသည်။

(လျှောက်လွှာနှင့် လျှောက်ထားရန် လမ်းညွှန်မှာအောက်ပါ Link တွင် ဖော်ပြထားသောပထမအကြိမ် ခေါ်ယူခြင်း လမ်းညွှန်အတိုင်း ဖြစ်ပါသည်။)

https://ascoja-maja.org.mm/frontend/jlptDetail/54

ဒုတိယအကြိမ်ခေါ်ယူခြင်း Level တခုချင်းစီအတွက်လူဦးရေကိုအောက်ပါအတိုင်းသတ်မှတ်ထားပါသည်။

Yangon N3 – ၁၃၀ ဦး

Yangon N4 – ၄၇၆ ဦး

Mandalay N3 - ၂၂ ဦး

Mandalay N4 - ၁၆၉ ဦး

လျှောက်ထားမှုစတင်လက်ခံမည့်ရက်နှင့်အချိန်

ဩဂုတ်လ (၂၇)ရက် နေ့လည်(၃) နာရီ

လျှောက်လွှာ Download လုပ်ရန်

https://ascoja-maja.org.mm/upload/pdf/JLPT_Application_Form_2021B_(writable).pdf

Online Application လုပ်ရန် Google Link (ပထမအကြိမ်နှင့်မတူပါ)

ဩဂုတ်လ (၂၇)ရက်နံနက်ပိုင်းတွင် ဒုတိယအကြိမ်လျှောက်လွှာအတွက် ထပ်မံကြေငြာချက်နှင့်အတူ ထည့်သွင်းပေးပါမည်။



မှတ်ချက်များ

(၁) ပထမအကြိမ်ခေါ်ယူချိန်တွင် လက်ခံရရှိထားသော လျှောက်လွှာများအားစစ်ဆေးပြီးချိန်တွင် ဖြည့်သွင်းရသော

အချက်အလက်များ၊ ပူးတွဲတင်ပြရသောအချက်အလက်များမပြည့်စုံသဖြင့် reject ဖြစ်သည့်သူများအားViber (သို့မဟုတ်)

Phone ဖြင့်ဆက်သွယ်အကြောင်းကြားထားပြီးဖြစ်ပါသည်။ MAJA မှ တစုံတရာဆက်သွယ်မှုမရရှိသူများမှာ Application form

Confirm ဖြစ်သူများဖြစ်ပါသည်။

(၂) ယခုအကြိမ်ခေါ်ယူခြင်းတွင် Cancel ဖြစ်ကြောင်းဆက်သွယ်ခြင်းလက်ခံရရှိထားသောသူများနှင့်အတူပထမအကြိမ်တွင် လျှောက်လွှာမတင်လိုက်ရသောသူများလည်းလျှောက်ထားနိုင်မည်ဖြစ်ပါသည်။ Application Form Confirm ဖြစ်သူများ ထပ်မံလျှောက်ထားရန်မလိုအပ်ပါ။

(၃) Email အကောင့်တခုမှ တစ်ကြိမ်သာလက်ခံရန်ပြုလုပ်ထားပါသဖြင့် သေချာစွာစစ်ဆေးပြီး ပြည့်စုံသော လျှောက်လွှာကိုသာ ပေးပို့ပေးပါရန် အသိပေးအပ်ပါသည်။

(၄) Application Form Confirm ဖြစ်သူများအား ငွေပေးသွင်းရန် Invoice No များကိုလည်းViber No/ ဖုန်းနံပါတ် များသို့ပေးပို့သွားပါမည်။ ပထမအကြိမ်လျှောက်ထားခြင်းတွင် လျှောက်လွှာလက်ခံထားသူ (Application Confirmed)များအား Invoice Number အားစတင်ပေးပို့လျှက်ရှိနေပါပြီ။

မေးမြန်းလိုပါက-

09-428613848, 09-962751373 သို့ရုံးချိန်အတွင်းဆက်သွယ်နိုင်ပါသည်။

JLPTကျင်းပရေးကော်မတီ

မြန်မာနိုင်ငံဂျပန်ပြန်ပညာသင်ဟောင်းအသင်း(MAJA)

https://www.facebook.com/117985645021854/posts/2088212381332494/

Kanjiဆိုတာ ဒီလိုလေးတွေကနေ ဖြစ်လာတာပါ🙂🙂🙂
21/08/2021

Kanjiဆိုတာ ဒီလိုလေးတွေကနေ ဖြစ်လာတာပါ🙂🙂🙂

kotobaလေးတွေ ဒီလိုမှတ်မယ်(4)Tadashiမှာ ဖွင့်မယ့် ပညာဒါန ဂျပန်စကားပြောသင်တန်းကို စိတ်၀င်စားရင်တော့ အောက်ကလင့်မှာ လေ့လာနို...
19/08/2021

kotobaလေးတွေ ဒီလိုမှတ်မယ်(4)

Tadashiမှာ ဖွင့်မယ့် ပညာဒါန ဂျပန်စကားပြောသင်တန်းကို စိတ်၀င်စားရင်တော့ အောက်ကလင့်မှာ လေ့လာနိုင်ပါတယ်👇👇👇

https://www.facebook.com/111284367223652/posts/367377934947626/


#ဂျပန်စကားပြော
#会話

kotobaလေးတွေ ဒီလိုမှတ်မယ်(3)Tadashiမှာ ဖွင့်မယ့် ပညာဒါန ဂျပန်စကားပြောသင်တန်းကို စိတ်၀င်စားရင်တော့ အောက်ကလင့်မှာ လေ့လာနို...
16/08/2021

kotobaလေးတွေ ဒီလိုမှတ်မယ်(3)

Tadashiမှာ ဖွင့်မယ့် ပညာဒါန ဂျပန်စကားပြောသင်တန်းကို စိတ်၀င်စားရင်တော့ အောက်ကလင့်မှာ လေ့လာနိုင်ပါတယ်👇👇👇

https://www.facebook.com/111284367223652/posts/367377934947626/


#ဂျပန်စကားပြော
#会話

kotobaလေးတွေ ဒီလိုမှတ်မယ်(2)Tadashiမှာ ဖွင့်မယ့် ပညာဒါန ဂျပန်စကားပြောသင်တန်းကို စိတ်၀င်စားရင်တော့ အောက်ကလင့်မှာ လေ့လာနို...
16/08/2021

kotobaလေးတွေ ဒီလိုမှတ်မယ်(2)

Tadashiမှာ ဖွင့်မယ့် ပညာဒါန ဂျပန်စကားပြောသင်တန်းကို စိတ်၀င်စားရင်တော့ အောက်ကလင့်မှာ လေ့လာနိုင်ပါတယ်👇👇👇

https://www.facebook.com/111284367223652/posts/367377934947626/


#ဂျပန်စကားပြော
#会話

16/08/2021

ဒါတွေကို ဂျပန်မှာပဲ တွေ့နိုင်တယ်

Address

Yangon
11431

Website

Alerts

Be the first to know and let us send you an email when Tadashi Channel posts news and promotions. Your email address will not be used for any other purpose, and you can unsubscribe at any time.

Shortcuts

Share

Category