A Thu Ya

A Thu Ya နည်းပညာအသစ်တွေကြားမှာ
ကျွန်တော်တို့ ...
လက်ပစ်ကူးကြည့်ရအောင် .....

27/08/2026

သိပြီးပြီလား❓❓❓

သွေးဆဲလ် တစ်ခုချင်းစီသည် ခန္ဓာကိုယ်တစ်ခုလုံးကို လှည့်ပတ်မိရန် အချိန် တစ်မိနစ်ခန့် ကြာပါတယ်။




#သိပြီးပြီလား

လီယိုနာဒို ဒါဗင်ချီရဲ့ လက်ခံဖို့ခက်တဲ့ အချက်များ၁။ ဒါဗင်ချီဟာ ကောင်းကင်ဘာကြောင့်ပြာရတယ်ဆိုတာ လူသားတွေကို ပထမဆုံး ရှင်းပြ...
26/08/2026

လီယိုနာဒို ဒါဗင်ချီရဲ့ လက်ခံဖို့ခက်တဲ့ အချက်များ

၁။ ဒါဗင်ချီဟာ ကောင်းကင်ဘာကြောင့်ပြာရတယ်ဆိုတာ လူသားတွေကို ပထမဆုံး ရှင်းပြခဲ့သူဖြစ်ပါတယ်တဲ့။

၂။ သူကတကယ့်ကို ပါရမီရှင်တစ်ယောက်ဖြစ်ပါတယ် ၊ တစ်ချိန်တည်းမှာ လက်တစ်ဖက်နဲ့ စာရေးရင်း ကျန်တဲ့လက်တစ်ဖက် နဲ့ ပန်းချီဆွဲနိုင်ပါတယ်။

၃။ 1508 ခုနှစ်မှာကတည်းက ယနေ့ မျက်ကပ်မှန်တပ်ခြင်းလို့ ကျနော်တို့ သိထားတဲ့အရာကို သူစိတ်ကူးရခဲ့ပြီးပါပြီ။

၄။ ကမ္ဘာကျော် သူဌေးကြီး Bill Gates ဟာ ၁၉၉၄ ခုနှစ် မှာ လီယိုနာဒို ဒါဗင်ချီဖန်တီးထားတဲ့ စာသား တွေနဲ့ပုံတွေကို စုစည်းထားတဲ့ Codex Hammer ကို အမေရိကန် ဒေါ်လာ သန်း ၃၀နဲ့ ၀ယ်ယူခဲ့ပါတယ်။ အဲဒီထဲက ပုံတစ်ချို့ကို Windows95 ရဲ့ Screen Saver တွေမှာ အသုံးပြုခဲ့ပါတယ်။

၅။ မြစ်ရေတိုက်စားမှုနဲ့ ပက်သက်ပြီး သူ့ရဲ့ လေ့လာမှုတွေအရ ကမ္ဘာမြေကြီးဟာ သမ္မာကျမ်းစာထက် များစွာ အသက်ကြီးတယ်လို့ ယုံကြည်ခဲ့သူဖြစ်ပါတယ်။

၆။ ဒါဗင်ချီရဲ့ ကမ္ဘာကျော်လက်ရာဖြစ်တဲ့ မိုနာလီဇာ ပန်းချီကားထဲက အမျိုးသမီးဟာ ပျော်ရွှင်မှု ၈၃ ရာခိုင်နှုန်း ၊ စိတ်အနှောင့်အယှက်ဖြစ်မှု ၉ ရာခိုင်နှုန်း ၊ ကြောက်ရွံ့မှု ၆ ရာခိုင်နှုန်း ၊ ဒေါသထွက် ခြင်း ၂ ရာခိုင်နှုန်း တို့ ပါ၀င် နေကြောင်း မျက်နှာအမူအရာကို အသေးစိတ် ဖတ်ပြနိုင်တဲ့ ကွန်ပျူတာ ဆော့၀ဲ ကဆိုထားပါတယ်။ သူ့ရဲ့ လက်ရာက အဲဒီလောက်ကို အသက်၀င်ပါတယ်တဲ့။

၇။ ဒါဗင်ချီဟာ နာမည်ကြီး ဘယ်သန်တစ်ယောက်ဖြစ်ပါတယ်။ သူလိုပဲ နောက်ထပ်နာမည်ကြီးဘယ်သန်တွေထဲမှာနပိုလီယန်၊ မိုက်ကယ်အန်ဂျလို၊ အိုင်းစတိုင်း၊ ဘီလ်ဂိတ်၊ ဂျင်မီဟန်းဒရစ်တို့ လည်းပါ၀င်ကြပါတယ်။

စာဖတ်သူအားလုံး အသိပညာတိုးတက်ကြပါစေ။

ကိုသန့်






26/08/2026

သိပြီးပြီလား❓❓❓

ငှက်ပျောသီးတွေ ဘာကြောင့် ကွေးရတာလဲဆိုရင် နေရှိရာဘက်ကို ဦးတည်ပြီးကြီးထွားကြလို့ပါ။




#သိပြီးပြီလား

မှားမယ်နော် ....😁 (Credit to the original owner.) .
25/08/2026

မှားမယ်နော် ....😁

(Credit to the original owner.)





.

25/08/2026

သိပြီးပြီလား❓❓❓

ကမ္ဘာ့ Data အချက်အလက် 90% ကို လွန်ခဲ့တဲ့ နှစ်နှစ်အတွင်းက ဖန်တီးခဲ့တာပါ။ Social media, Internet of things နဲ့ Cloud computing တို့ ကြီးထွားလာတာနဲ့အမျှ data အချက် အလက် ဖန်တီးမှုကလည်း အဆမတန် ကြီးထွားလာပါတယ်။




#သိပြီးပြီလား

[ သမိုင်းကြောင်းဆိုင်ရာ တွေ့ရှိမှုအသစ် ကဏ္ဍ ]သင်္ဘောပျက်များရဲ့ ဘုရင် (သို့မဟုတ်) ကမ္ဘာ့ တန်ဖိုးအကြီးဆုံး စပိန်ရတနာ သင်္...
24/08/2026

[ သမိုင်းကြောင်းဆိုင်ရာ တွေ့ရှိမှုအသစ် ကဏ္ဍ ]

သင်္ဘောပျက်များရဲ့ ဘုရင် (သို့မဟုတ်) ကမ္ဘာ့ တန်ဖိုးအကြီးဆုံး စပိန်ရတနာ သင်္ဘောကြီး San Jose ကိုရှာတွေ့ခြင်း ( 2025)

San José သင်္ဘောကြီးဟာ ၁၇၀၈ ခုနှစ်၊ စပိန်နန်းဆက် ဆက်ခံရေးစစ်ပွဲအတွင်း ဗြိတိသျှစစ်သင်္ဘောတွေရဲ့ တိုက်ခိုက်မှုကြောင့် ကာရစ်ဘီယံပင်လယ်ထဲ နှစ်မြုပ်သွားခဲ့တာပါ။ ၎င်းထဲမှာ ရွှေ၊ ငွေနဲ့ မြအမြောက်အမြား ပါဝင်တာကြောင့် "သင်္ဘောပျက်များ၏ သမုဒ္ဒရာဘုရင်" လို့ သမိုင်းမှာ တင်စားကြပါတယ်။ ခေတ်အဆက်ဆက်လည်း ပင်လယ်ရေအောက်မှာ ကြိတ်ပြီး ရှာဖွေနေခဲ့ကြတာပါ။ ဒီတွေ့ရှိချက်နဲ့ ပက်သက်ပြီး စိတ်ဝင်စားစရာကောင်းတဲ့ နောက်ခံအချက်အလက်တွေကို ဖော်ပြပေးလိုက်ပါတယ်။

၁။ တူးဖော်မှုနှင့် နည်းပညာ

ကိုလံဘီယာအစိုးရက ရေအောက် မီတာ ၆၀၀ ကျော်အထိ ဆင်းနိုင်တဲ့ အဆင့်မြင့် ရေအောက်စက်ရုပ် (ROV) စနစ်တွေကို အသုံးပြုပြီး တူးဖော်စစ်ဆေးခဲ့တာဖြစ်ပါတယ်။သင်္ဘောအတွင်းမှ ကြေးအမြှောက်ကြီးများ ၊ တရုတ် မင်မင်းဆက် ခေတ် ရွှံ့အိုးများ၊ ရွှေဒင်္ဂါးများနှင့် သက်တမ်းရင့် ဖန်ပုလင်းများကို ပထမဆုံး စတင်ဆယ်ယူနိုင်ခဲ့ပါတယ်။

၂။ သမိုင်းဝင် တန်ဖိုးနှင့် အငြင်းပွားဖွယ်ရာများ

သင်္ဘောထဲပါတဲ့ ရတနာတွေရဲ့ စုစုပေါင်းတန်ဖိုးဟာ ဒေါ်လာ ၁၇ ဘီလီယံမှ ဘီလီယံ ၂၀ အထိ ရှိနိုင်တယ်လို့ ခန့်မှန်းထားကြပါတယ်။ အချို့သော သုတေသီများကတော့ ၂၉ ဘီလီယံ တန် ဖိုးထိ ရှိကြောင်း ပြောကြပါတယ်။

ရတနာများကို ကိုလံဘီယာနိုင်ငံက ၎င်းတို့ပိုင်နက် ရေပြင်ထဲမှ တွေ့ရှိခြင်းဖြစ်တဲ့အတွက် အမျိုးသားအမွေအနှစ်အဖြစ် ကြေညာထားသော်လည်း၊ သင်္ဘောပိုင်ရှင် စပိန်နိုင်ငံ၊ တူးဖော်ရေးကုမ္ပဏီ (Sea Search Armada) နှင့် ကုန်ပစ္စည်းများ ပါဝင်သည့် ဘိုလီးဗီးယား/ပါရာဂွေး စသည့် တောင်အမေရိက တိုင်းရင်းသားအဖွဲ့အစည်းများကြား ပိုင်ဆိုင်မှု အငြင်းပွားလျက် ရှိနေပါတယ်။

ကိုလံဘီယာအစိုးရကတော့ ရရှိလာတဲ့ ရှေးဟောင်းပစ္စည်းတွေကို ရောင်းချခြင်းမပြုဘဲ ကာတာဟီးနား (Cartagena) မြို့မှာ ကမ္ဘာ့အဆင့်မီ ရေအောက်ပြတိုက်ဆောက်လုပ်ကာ ပြသသွားဖို့ ပြင်ဆင်နေပါတယ်။ ဒါပေမယ့် သင်္ဘောကြီးကို တူးဖော်ဆယ်ယူနေတာတွေက မပြီးသေးပါဘူး။ လက်ရှိ ဆယ်ယူရသလောက်နဲ့တင် တန်ကြေးက ခန့်မှန်းထားတာတွေထက် တော်တော်ကြီးကို မြင့်နေပါပြီ။ကမ္ဘာကျော် ပြတိုက်ကြီးတွေကလည်း သူ့ထက်ငါ စျေးပေးပြီးဝယ်ယူကြဖို့ကမ်းလှမ်း မှုတွေ လုပ်နေကြပါတယ်။

၃။ သင်္ဘောကြီး အကြောင်း

San José (ဆန်ဟိုဆေ) သင်္ဘောကြီးရဲ့ သမိုင်းဟာ ၁၈ ရာစု ဥရောပရဲ့ နိုင်ငံရေး၊ စစ်ပွဲတွေနဲ့ အပြင် ကမ္ဘာ့အကြီးမားဆုံး ပင်လယ်ဓားပြတိုက်ပွဲတွေနဲ့ နီးကပ်စွာ ဆက်နွှယ်နေပါတယ်။ ၁၇၀၁ ခုနှစ်မှ ၁၇၁၄ ခုနှစ် အထိ ဥရောပမှာ စပိန်နန်းဆက် ဆက်ခံရေးစစ်ပွဲ ( War of the Spanish Succession ) ဖြစ်ပွားခဲ့ပါတယ် ။ ထိုအချိန်က စပိန်ဘုရင် Philip V ဟာ စစ်စားရိတ်အတွက် တောင်အမေရိက ကိုလိုနီနယ်မြေတွေကနေ ထွက်ရှိတဲ့ ရွှေ၊ ငွေ၊ မြနဲ့ရတနာတွေကအရေးတကြီး လိုအပ်နေခဲ့ပါတယ်။

ဒါကြောင့် စပိန်တော်ဝင်ရေတပ်ဟာ ၁၇၀၈ ခုနှစ်မှာ အမြောက် ၆၄ လက် တပ်ဆင်ထားတဲ့ အင်အားကြီး San José စစ်သင်္ဘောကြီး ဦးဆောင်တဲ့ ရေတပ်စု ( Flota de Galeones ) ကို တောင်အမေရိကဆီ စေလွှတ်ခဲ့ပါတယ်။

San José ဟာ ပနားမားနိုင်ငံ ပေါ်တိုဘယ်လို Portobello ဆိပ်ကမ်းကနေ ဘိုလီးဗီးယား ပိုတိုဆဲ(Potosí မိုင်းတွင်း) မှ ထွက်ရှိတဲ့ ငွေထည်များ၊ ကိုလံဘီယာမှ မြ (Emeralds) များ၊ ပီရူးမှ ရွှေဒင်္ဂါးပေါင်း သန်းချီကို တင်ဆောင်ခဲ့ပါတယ်။ သင်္ဘောကြီးပေါ်မှာ ရွှေဒင်္ဂါး ၁၁ သန်းကျော်၊ ငွေတုံးပေါင်းများစွာ၊ ကမ္ဘာ့အဆင့်မီ မြကျောက်များ၊ တရုတ် မင်မင်းဆက် ခေတ် ရွှံ့အိုးများ ပါဝင်ခဲ့ပြီး ယနေ့ခေတ် ကာလတန်ဖိုးအားဖြင့် ဒေါ်လာ ၁၇ ဘီလီယံမှ ၃၀ ဘီလီယံကြား ရှိပါတယ်တဲ့။

စပိန်ရေတပ်စုဟာ ရတနာတွေကို ဥရောပဆီ မသယ်ဆောင်မီ ကိုလံဘီယာနိုင်ငံ ကာတာဂီနာ Cartagena မြို့ဆီ ခေတ္တ ဦးတည်ခဲ့ပေမယ့် Cartagena ကမ်းလွန် ဘာရူး Barú ကျွန်းအနီးမှာ အင်္ဂလိပ် ရေတပ်ဗိုလ်ချုပ် ချားလ်စ် ဝါဂျာ Charles Wager ဦးဆောင်တဲ့ ဗြိတိသျှ စစ်သင်္ဘော ၄ စင်းက စောင့်ကြို တိုက်ခိုက်ခဲ့ပါတယ်။

ဗြိတိသျှတို့က ရတနာတွေကို သိမ်းပိုက်ချင်လို့ တိုက်ခဲ့တာဖြစ်ပေမယ့် ညနေပိုင်း တိုက်ပွဲအပြင်းထန် ဆုံး အချိန်မှာ San José ရဲ့ ယမ်းဂိုဒေါင်ကို အမြောက်ကျည် ထိမှန် သွားခဲ့ပါတယ်။ သင်္ဘောကြီးဟာ ခဏအတွင်း ပြင်းထန်စွာ ပေါက်ကွဲသွားခဲ့ပြီး ရေအောက် မီတာ (၆၀၀) ကျော် ( ပေ ၂,၀၀၀ နီးပါး ) အနက်ဆီ စက္ကန့်ပိုင်း အတွင်း နှစ်မြုပ်သွားခဲ့ပါတယ် ။ သင်္ဘောပေါ်ပါသူ သင်္ဘောသား နှင့် ခရီးသည် ( ၆၀၀ ) နီးပါးအနက် ( ၁၁ )ယောက်မျှသာ အသက်ရှင် ကျန်ရစ်ခဲ့ပြီး အားလုံးနီးပါး သေဆုံးခဲ့ရပါတယ်။ သယ်ဆောင်လာတဲ့ ရတနာတွေ အားလုံးဟာလည်းပင်လယ် အောက်မြုပ်သွားခဲ့တာ ဖြစ်လို့ ဘယ်သူမှ မရလိုက်ကြပါဘူး။

၄။ ခေတ်သစ် ရှာဖွေတွေ့ရှိမှုနှင့် တူးဖော်မှု

ရာစုနှစ် ၃ ခုနီးပါး ရေအောက်မှာ ပျောက်ကွယ်နေခဲ့တဲ့ ဒီသင်္ဘောပျက်ကို ၂၀၁၅ ခုနှစ်မှာ ကိုလံဘီယာ ရေတပ်နဲ့ ရေအောက်သုတေသနအဖွဲ့တွေက မောင်းသူမဲ့ ရေငုပ်သင်္ဘောများ (ROV) အသုံးပြုပြီး ပြန်လည်တွေ့ရှိခဲ့ပါတယ်။ ရေအောက်နက်လွန်းပြီး မှောင်လွန်းတာရယ်၊ ရေသိပ် သည်းဆများလွန်းတာတွေကြောင့် ဆယ်ယူလို့မရခဲ့ပါဘူး။ ၂၀၂၅ နောက်ပိုင်းကျမှ ပစ္စည်းတွေကို မထိခိုက်စေဘဲ မီတာ ၆၀၀ အနက်ကနေ ရိုဘော့လက်တံတွေ သုံးပြီး ပထမဆုံး ဖြည်းဖြည်းချင်း စတင်ဆယ်ယူနိုင်ခဲ့တာ ဖြစ်ပါတယ်။

၅။ ဥပဒေနှင့် နိုင်ငံရေးဆိုင်ရာ ပိုင်ဆိုင်မှု အငြင်းပွားမှုများ

ဒီတွေ့ရှိချက်ဟာ သမိုင်းဝင်သလောက် နိုင်ငံတကာ ဥပဒေအရ ပိုင်ဆိုင်မှု အငြင်းပွားစရာ ဖြစ်လာခဲ့ပါတယ်။ တန်ကြေးကြီးသလောက် ပြဿနာတွေကလည်း အများကြီးပါ။

• ကိုလံဘီယာဘက်က ပိုင်နက် ရေပြင်အတွင်း တွေ့ရှိခြင်းဖြစ်တဲ့အတွက် အမျိုးသား ယဉ်ကျေးမှု အမွေအနှစ်အဖြစ် ကြေညာထားပါတယ်။

• စပိန်နိုင်ငံဘက်က စပိန်ပိုင် တော်ဝင်စစ်သင်္ဘော (State Vessel) ဖြစ်သလို စပိန်နိုင်ငံရဲ့ အလုံးစုံ ပိုင်ဆိုင်မှုသာ ဖြစ်တယ်လို့ အခိုင်အမာဆိုပြီး တူးဖော်ဆယ်ယူမှု ကုန်ကျစရိတ်အားလုံးကို အကျိုးအမြတ်တစ်ခု ပေါင်းကာ အပြည့်ရှင်းပေးမယ်လို့လည်း ကြေညာထားပါတယ်။

• တောင်အမေရိက တိုင်းရင်းသားများ ကတော့ သူတို့ရဲ့ ဘိုးဘေးတွေဆီက စပိန်တို့ အဓမ္မ ခေါင်းပုံဖြတ် ရယူခဲ့ခြင်းဖြစ်တာကြောင့် သူတို့သာပိုင်ဆိုင်ရမှာဖြစ်တယ်ဆိုပြီး ကြွေးကြော်နေကြတုန်းပါပဲ။

• Sea Search Armada (အမေရိကန် ကုမ္ပဏီ): ကတော့ ၁၉၈၁ ခုနှစ်တည်းက တည်နေရာကို စတင်ညွှန်ပြခဲ့သူတွေ ဖြစ်တဲ့အပြင် သုတေသနဲ့ အတည်ပြုချက်တွေအတွက် တန်ဖိုးရဲ့ ၅၀% ကိုရသင့်တယ်ဆိုပြီး တရားစွဲထားပါတယ်။

• ခုချိန်ထိတော့ ဖြေရှင်းဖို့ နည်းလမ်းတွေ ရှာဖွေနေကြပြီး ဆွေးနွေးနေကြတုန်းပါပဲ။

၆။ တူးဖော်မှုနဲ့ နည်းပညာဆိုင်ရာ

San José သင်္ဘောကြီးနဲ့ ပတ်သက်လို့ သမိုင်းဝင် တူးဖော်မှုနဲ့ နည်းပညာပိုင်းဆိုင်ရာ စိတ်ဝင်စားဖွယ် အသေးစိတ် အချက်အလက်အချို့ ကျန်ရှိပါသေးတယ်။

အဆင့်မြင့် သုတေသန နည်းပညာ (Archeology & Robotics)

• အနက်မီတာ ၆၀၀ အန္တရာယ်: သင်္ဘောပျက်တည်ရှိရာ ရေအောက်မီတာ ၆၀၀ (ပေ ၂,၀၀၀ နီးပါး) ဟာ အလင်းရောင် လုံးဝမရှိဘဲ ရေဖိအား အလွန်ပြင်းထန်တာကြောင့် လူသားရေငုပ်သမားများ ဆင်းရောက်ရန် လုံးဝမဖြစ်နိုင်တဲ့အပြင် တော်ရုံရေငုပ်သင်္ဘောလည်း မသွားနိုင်ပါဘူး။

• 3D Mapping နှင့် ရိုဘော့လက်တံများ: တူးဖော်ရေးအဖွဲ့ဟာ ရေအောက်စကင်နာတွေကို သုံးပြီး သင်္ဘောပျက်တစ်ခုလုံးရဲ့ Micro-3D Model ကို စတင်ဖန်တီးခဲ့ရပါတယ်။ ပစ္စည်းများကို မပျက်စီးစေဘဲ ယူနိုင်အောင် ပညာရှင်များက ကုန်းဘက်မှ ထိန်းချုပ်နိုင်တဲ့ စက်ရုပ်လက်တံ (Hydraulic Grippers) တွေ တည်ဆောက်ခဲ့ရသလို နည်းနည်းချင်း ဂရုတစိုက် မယူခဲ့ရတာဖြစ်ပါတယ်။

၇ ။ သမိုင်းဝင် ပဟေဠိ အချို့

[ကြေးအမြောက်များ၏ နိမိတ်သင်္ကေတ]

သင်္ဘောပေါ်မှ ဆယ်ယူရရှိခဲ့သည့် ကြေးအမြောက်ကြီးများမှာ ၁၇ ရာစုနှောင်းပိုင်း စပိန်ပန်းချီနှင့် သံသွန်းလက်ရာများ လင်းပိုင် တံဆိပ်များ( Dolphin သင်္ကေတများ ) ပါဝင်နေပြီး၊ ဒါဟာ သင်္ဘောရဲ့ မူရင်းစစ်မှန်မှုကို သမိုင်းပညာရှင်များ အတည်ပြုနိုင်ခဲ့သည့် အဓိကအချက် ဖြစ်ခဲ့ပါတယ်။

[ပေါက်ကွဲမှု သီအိုရီ]

ဗြိတိသျှတို့၏ တိုက်ခိုက်မှုကြောင့် ယမ်းဂိုဒေါင် ထိခိုက်ပေါက်ကွဲခဲ့တယ်လို့ ပထမပိုင်းတွင် ယူဆခဲ့ကြသော်လည်း၊ မီးလောင်ရာမထင်ဘဲ ရေအောက်မှာ ပြန့်ကျဲနေတဲ့ ပစ္စည်းတွေကြောင့် သင်္ဘောကိုယ်ထည် ရုတ်တရက် အက်ကွဲကာ ရေဝင်ပြီး မြှုပ်သွားခြင်းမျိုးလည်း ဖြစ်နိုင်ကြောင်း သုတေသနပြုချက်အချို့က ဆိုပါတယ်။

၈။ ကမ္ဘာ့အကြီးမားဆုံး အမွေအနှစ် ပြတိုက် စီမံကိန်း

ကိုလံဘီယာအစိုးရဟာ ဆယ်ယူရရှိထားတဲ့ ရှေးဟောင်းပစ္စည်းများကို ကမ္ဘာ့အဆင့်မီ National Submerged Cultural Heritage Museum ( အမျိုးသား ရေအောက်ယဉ်ကျေးမှု အမွေအနှစ်ပြတိုက်) တွင် ထိန်းသိမ်းပြသရန် ပြင်ဆင်နေပြီး၊ပင်လယ်ရေအောက်မှ ပစ္စည်းမျာကို ကုန်းဘက်တွင် ရေရှည်ထိန်းသိမ်းနိုင်ရေးအတွက် ဓာတုဗေဒနည်းပညာဖြင့် Salt Extraction (ဆားဓာတ်ထုတ်ယူခြင်း) လုပ်ငန်းစဉ်များကို အထူးပြုလုပ်နေတယ်လို့ ဆိုပါတယ်။

၉ ။ ပထမဆုံး ဆယ်ယူနိုင်ခဲ့သည့် ပစ္စည်းများ၏ သမိုင်းဝင် သက်သေ

မကြာသေးမီက ရေအောက်မှ ဆယ်ယူရရှိခဲ့တဲ့ပစ္စည်း ၅ ခုမှာ ပါဝင်သော ကြေးအမြောက် (Cannon)ပေါ်၌ ဆီဗယ်လာ"Sevilla" ဟုကမ္ပည်းထိုးထားသည်ကို တွေ့ရပြီး၊ မက်ကူကွင်းနက်စ် Macuquinas ဟုခေါ်သော လက်ဖြင့်ခုတ်ထွင်းထားသည့် ရွှေဒင်္ဂါး ၃ ပြား၊ တရုတ် မင်မင်းဆက် ခေတ် လက်ဖက်ရည်ခွက် (Porcelain Cup) တို့ ပါဝင်ပါတယ်။

• ဒင်္ဂါးများပေါ်မှာ စပိန်နိုင်ငံ ကက်စ်တီလာ Castilla နှင့် လီယွန် León နန်းဆက်တို့၏ ရာဇ ပလ္လင် တံဆိပ်များ၊ တတိယမြောက် စပိန်နတ်ဘုရား တိုင်များ (Pillars of Hercules) နှင့် ၁၇၀၇ ခုနှစ်တွင် ပီရူးနိုင်ငံ လီမာမြို့၌ သွန်းလုပ်ခဲ့ကြောင်း အမှတ်အသားများကို တိကျစွာ တွေ့ရှိခဲ့ရတာကြောင့်၊ သင်္ဘောသည် ၁၇၀၇ ခုနှစ်မတိုင်မီ နှစ်မြုပ်ခဲ့ခြင်း မဟုတ်ဘဲ San José စစ်မှန်ကြောင်း ရာနှုန်းပြည့် အတည်ပြုနိုင်ခဲ့ကြပါတယ်။

၁၀။ တည်နေရာကို နိုင်ငံတော်လျှို့ဝှက်ချက်အဖြစ် ထိန်းသိမ်းခြင်း

• San José တည်ရှိရာ ပင်လယ်ပြင်၏ တိကျသော ကိုသြဒီနိတ် Coordinate (ဂျီအိုအေဒီ တည်နေရာ ) ကို ကိုလံဘီယာ အစိုးရက နိုင်ငံတော် လျှို့ဝှက်ချက် (State Secret) အဖြစ် သတ် မှတ် ထိန်းသိမ်းထားပါတယ်။ အကြောင်းမှာ ပင်လယ်ဓားပြများနှင့် ပုဂ္ဂလိက ရတနာရှာဖွေသူ များ (Treasure Hunters) ၏ တရားမဝင် လာရောက်တူးဖော်မှုကို ကာကွယ်ရန် ဖြစ်ပါတယ်။

၁၁။ ကမ္ဘာ့ ပထမဆုံး ကင်းလွတ်ခွင့်ရ ရေအောက် ယဉ်ကျေးမှုနယ်မြေ

ကိုလံဘီယာအစိုးရက ၂၀၂၄-၂၀၂၅ ခုနှစ်အတွင်း သင်္ဘောပျက်တည်ရှိရာ ဧရိယာတစ်ခုလုံးကို " Protected Archaeological Area "( အထူးကာကွယ်စောင့်ရှောက်ထားသော သမိုင်း ဝင် သုတေသနနယ်မြေ ) အဖြစ် သတ်မှတ်ခဲ့ပါတယ်။ ဒါကြောင့် စီးပွားရေးအရ မြှုပ်နှံသူများ သို့မဟုတ် ပုဂ္ဂလိက ကုမ္ပဏီများအနေဖြင့် ရတနာများကို ခွဲဝေယူခွင့် သို့မဟုတ် ရောင်းချခွင့်ကို လုံးဝ ပိတ်ပင်ထားပြီး၊ သမိုင်းကြောင်း သုတေသန ပြုလုပ်ရန်အတွက်သာ တူးဖော်ခွင့် ပြုထားတာ ဖြစ်ပါတယ်။

၁၂။ ပင်လယ်ရေအောက် နုန်းစနစ် သုတေသန (Sediment Samples)

ဆယ်ယူရေးအဖွဲ့တွေဟာ ရှေးဟောင်းပစ္စည်းများတင်မကဘဲ သင်္ဘောပျက်အတွင်း နှစ်ပေါင်း ၃၀၀ ကျော် စုပုံနေခဲ့သည့် နုန်းမြေ (Sediment Samples) များကိုပါ မောင်းသူမဲ့ ရေငုပ်ယာဉ်များဖြင့် နမူနာယူခဲ့ကြပါတယ်။ ထိုနုန်းမြေများ၏ သဘာဝကို ဓာတ်ခွဲစစ်ဆေးခြင်းဖြင့် ၁၇၀၈ ခုနှစ် တိုက်ပွဲဖြစ်ပွားခဲ့သည့် နေ့ရက်က ပင်လယ်ရေစီးကြောင်း၊ အပူချိန်နှင့် သင်္ဘောနစ်မြုပ်စဉ် ခဏ၌ ဖြစ်ပေါ်ခဲ့သည့် ဓာတုပြောင်းလဲမှုများကို ပထမဆုံးအကြိမ် လေ့လာနိုင်မယ်လို့ ဆိုထားပါတယ်။

[တွေ့ရှိမှုများဟာ နေ့စဥ်နဲ့အမျှ ဖြစ်ပေါ်နေကြတာကြောင့် အချက်အလက် နဲ့ ဖြစ်ရပ်သုံးသပ်ချက်တွေ ကလည်း ပြောင်းလဲမှုတွေ ရှိနိုင်တယ်ဆိုတာတော့ အသိပေးချင်ပါတယ်။ ]

စာဖတ်သူအားလုံး အသိပညာ ဗဟုသုတ တိုးတက်ကြပါစေ။

ကိုသန့်

22.8.26








.

24/08/2026

သိပြီးပြီလား❓❓❓

ကမ္ဘာမြေရဲ့ လုံးပတ်ဟာ မိုင်ပေါင်း 25,000 ရှိသည်။ မျက်နှာပြင် ဧရိယာသည် စတုရန်းမိုင် 200,000,000 ဖြစ်ပြီး အလေးချိန်တန်ပေါင်း 6,588,000,000,000,000,000,000 တန်ရှိပါသည်။




#သိပြီးပြီလား

23/08/2026

သိပြီးပြီလား❓❓❓

ပထမဆုံး ကွန်ပျူတာမောက်စ်ကို ၁၉၆၈ ခုနှစ်တွင် ဆန်ဖရန်စစ္စကိုရှိ Fall Joint Computer Expo တွင် Douglas Engelbart မှ စတင် မိတ်ဆက်ခဲ့သည်။




#သိပြီးပြီလား

အရစ္စတိုတယ် (Aristotle) ရဲ့ ယုံကြည်ဖို့ခက်တဲ့ အကြောင်းများ ပလေတိုရဲ့ ထူးချွန်တဲ့တပည့်ဖြစ်သလို၊ မဟာအလက်ဇန္ဒား (Alexander ...
22/08/2026

အရစ္စတိုတယ် (Aristotle) ရဲ့ ယုံကြည်ဖို့ခက်တဲ့ အကြောင်းများ

ပလေတိုရဲ့ ထူးချွန်တဲ့တပည့်ဖြစ်သလို၊ မဟာအလက်ဇန္ဒား (Alexander the Great) ရဲ့ ဆရာလည်းဖြစ်တဲ့ အရစ္စတိုတယ် (Aristotle) ဟာ သိပ္ပံပညာ၊ ယုတ္တိဗေဒနဲ့ ဇီဝဗေဒတို့ရဲ့ ဖခင်ကြီးလို့ သတ်မှတ်ခံရသူပါ။ သူ့ရဲ့ ဘဝနဲ့ အယူအဆတွေမှာ အင်မတန် ထူးဆန်းပြီး စိတ်ဝင်စားဖို့ကောင်းတဲ့ အချက်တွေ ရှိနေပါတယ်။

၁။ မဟာအလက်ဇန္ဒားရဲ့ "ပညာသင်ဆရာ"

ကမ္ဘာကို အောင်နိုင်ခဲ့တဲ့ စစ်ဘုရင် မဟာအလက်ဇန္ဒား အသက် ၁၃ နှစ်အရွယ်မှာ အရစ္စတိုတယ်ဟာ သူ့ရဲ့ ပညာသင်ဆရာ ဖြစ်ခဲ့ပါတယ်။ အလက်ဇန္ဒားဟာ စစ်တိုက်ရင်း ကမ္ဘာ အရှေ့ဘက်ကို ရောက်တဲ့အခါမှာတောင် ဆရာဖြစ်သူ သုတေသနလုပ်ဖို့အတွက် ထူးဆန်းတဲ့ အပင်နဲ့ တိရစ္ဆာန်နမူနာတွေကို ပြန်ပို့ပေးလေ့ရှိတယ်လို့ ဆိုကြပါတယ်။

၂။ လမ်းလျှောက်ရင်း စာသင်တဲ့ဆရာ

အရစ္စတိုတယ်ဟာ စာသင်တဲ့အခါ ထိုင်မနေဘဲ ကျောင်းဝင်းထဲမှာ လမ်းလျှောက်ရင်စာ သင်ရတာကို နှစ်သက်ပါတယ်။ ဒါကြောင့် သူ့ရဲ့ တပည့်တွေကို ဂရိစကားအရ "Peripatetics" (လမ်းလျှောက်ရင်း လေ့လာသူများ) လို့ ခေါ်ကြပါတယ်။

၃။ သိပ္ပံပညာရဲ့ ပထမဆုံး "အမှား" များ

သူဟာ ဇီဝဗေဒပညာရှင်ဖြစ်ပေမဲ့ အခုခေတ်လူတွေ ကြားရင် ရယ်စရာဖြစ်မယ့် အမှားအချို့ကိုလည်း ပြောခဲ့ဖူးပါတယ် -

• [ဦးနှောက်၏ တာဝန် ] သူက ဦးနှောက်ဟာ စဉ်းစားတွေးခေါ်ဖို့ မဟုတ်ဘဲ "သွေးတွေကို အေးအောင်လုပ်ပေးတဲ့ ရေတိုင်ကီ" လိုမျိုး အင်္ဂါတစ်ခုပဲလို့ ထင်ခဲ့ပါတယ်။

• [နှလုံးသား ] သူက လူ့ရဲ့ စိတ်ခံစားမှုနဲ့ အသိဉာဏ်အားလုံးဟာ နှလုံးသားထဲမှာ ရှိတယ်လို့ ယုံကြည်ခဲ့ပါတယ်။

• [သွားအရေအတွက် ] အမျိုးသမီးတွေမှာ အမျိုးသားတွေထက် သွားအရေအတွက် ပိုနည်းတယ်လို့လည်း သူက ရေးသားခဲ့ဖူးပါတယ်။ (သူ့ဇနီးရဲ့ ပါးစပ်ကို ဖွင့်ကြည့်ပြီး ရေတွက်ဖို့တော့ မေ့ခဲ့ပုံရပါတယ်)။

၄။ စွယ်စုံရပညာရှင်

သူဟာ နက္ခတ္တဗေဒ၊ ဂီတ၊ ကဗျာ၊ သတ္တဗေဒ၊ နိုင်ငံရေးနဲ့ ရူပဗေဒ အစရှိတဲ့ ဘာသာရပ်ပေါင်းစုံကို စနစ်တကျ ပြုစုခဲ့သူပါ။

၅။ ငါးနှစ်ကြာ အဏ္ဏဝါသုတေသန

သူဟာ Le**os ကျွန်းမှာ နေထိုင်ရင်း ပင်လယ်သတ္တဝါတွေကို မျက်မြင်စစ်ဆေးပြီး ကမ္ဘာ့ပထမဆုံး မျိုးရိုးခွဲခြားခြင်း (Classification) ကို လုပ်ဆောင်ခဲ့ပါတယ်။

၆။ ဇာတ်တူသားစားတဲ့ ငါးမန်းကို တွေ့ရှိခဲ့သူ

အရစ္စတိုတယ်ဟာ လွန်ခဲ့တဲ့ နှစ်ပေါင်း ၂,၃၀၀ ကျော်ကတည်းက "ငါးမန်းအချို့ဟာ သူတို့ရဲ့ ကလေးတွေကို ဗိုက်ထဲမှာတင် အချင်း (Placenta) နဲ့ မွေးမြူတတ်တယ်" လို့ ရေးခဲ့ပါတယ်။ ဒါကို သိပ္ပံပညာရှင်တွေက အစပိုင်းမှာ မယုံခဲ့ကြပေမဲ့ ၁၉ ရာစု(နှစ်ပေါင်း ၂,၀၀၀ ကျော် ကြာမှ) ရောက်မှသာ အဏုကြည့် မှန်ပြောင်းနဲ့ စစ်ဆေးပြီး အရစ္စတိုတယ် ပြောတာ မှန်ကန်ကြောင်း အတည်ပြုနိုင်ခဲ့ပါတယ်။

၇။ သေဘေးကနေ ထွက်ပြေးခဲ့ရခြင်း

သူ့ရဲ့တပည့် မဟာအလက်ဇန္ဒား သေဆုံးပြီးနောက် အေသင်မြို့မှာ မက်ဆီဒိုးနီးယားဆန့်ကျင်ရေးတွေ ဖြစ်လာပါတယ်။ သူ့ဆရာ ဆိုကရေးတီးလို အသတ်မခံချင်တာကြောင့် သူက "အေသင်မြို့သားတွေကို ဒဿနပညာအပေါ် ဒုတိယအကြိမ် ပြစ်မှုကျူးလွန်ခွင့် မပေးနိုင်ဘူး" လို့ ဆိုပြီး မြို့ကနေ ထွက်ပြေးခဲ့ပါတယ်။

စာဖတ်သူအားလုံး အသိပညာတိုးတက်ကြပါစေ......

ကိုသန့်

19.1.26






#အရစ္စတိုတယ်

21/08/2026

သိပြီးပြီလား❓❓❓

ပင်လယ်ဖျံ တွေဟာ ချစ်စရာကောင်းရုံတင် မဟုတ်ဘဲ ဂီတ ကိုခံစားနိုင်ကြပါတယ်တဲ့။ သူတို့ဟာ ကမ္ဘာပေါ်မှာ စည်းချက်ကျကျ လက်ခုပ် တီးနိုင်တဲ့ တစ်မျိုးတည်းသော တိရိစ္ဆာန်ပဲဖြစ်ပါတယ်။





#သိပြီးပြီလား

Address

Shwe Ohn Pin Housing
Yangon

Website

Alerts

Be the first to know and let us send you an email when A Thu Ya posts news and promotions. Your email address will not be used for any other purpose, and you can unsubscribe at any time.

Shortcuts

Share

Category