04/09/2026
စိတ်ကူးတွေကို အောင်မြင်မှုအဖြစ် ပြောင်းလဲပေးတဲ့ တံတား " Discipline "
လူအများစုက အောင်မြင်ဖို့အတွက် "ခေတ္တခဏ ဖြစ်ပေါ်လာတဲ့ Motivation " ကိုပဲ အားကိုးတတ်ကြပါတယ်။ မိမိ အောင်မြင်မှု အတွက် Motivation ကို ပဲ အလုံးစုံ ပုံအပ်ပြီး မှီခိုထားလို့ မရပါဘူး ။ Discipline ကတော့ အောင်မြင်မှု ပန်းတိုင်ရောက်တဲ့အထိ ရေရှည်လင်းလက်စေတာ ဖြစ်ပါတယ်။ Jim Rohn ( ဂျင်မ် ရွန် ) အမေရိကန်လူမျိုး စီးပွားရေးလုပ်ငန်းရှင်၊ စာရေးဆရာနှင့် တစ်ကိုယ်ရေတိုးတက်ရေးဆိုင်ရာ နာမည်ကျော် ဟောပြောသူ တစ်ဦးကလည်း ပြောခဲ့ပါသေးတယ်။
ဒီနေ့မှာတော့ SarPhat ပရိသတ်ကြီးအတွက် စည်းကမ်းကောင်းများ ရဲ့ အရေးပါပုံ နှင့် တည်ဆောက်နည်း အချက်များကို ဝေမျှပေးလိုက်ပါတယ်ရှင်။
စည်းကမ်းကောင်းများ ဘယ်လောက်အထိ အရေးပါသလဲ။
* စိတ်ပါသည်ဖြစ်စေ၊ မပါသည်ဖြစ်စေ လုပ်ဆောင်ရမည့် အလုပ်ကို ပုံမှန်လုပ်ဆောင်ဖြစ်အောင် တွန်းအားပေးပါတယ်။
* အချိန်နှင့် စွမ်းအင်ကို စနစ်တကျ သုံးစွဲနိုင်အောင်လုပ်ဆောင်ပေးပါတယ်။အရေးမကြီးသည့် အရာများတွင် အချိန်ဖြုန်းခြင်းကို လျှော့ချပေးပြီး ထိရောက်သည့် ရလဒ်များကို ဆောင်ကြဉ်းပေးပါတယ်။
* မိမိကိုယ်ကိုယ် ယုံကြည်မှု တိုးတက်စေပါတယ်။ ကိုယ်တိုင်သတ်မှတ်ထားသည့် ကတိများကို အကောင်အထည်ဖော်နိုင်သည့်အတွက် ကိုယ့်ကိုယ်ကိုယ် လေးစားမှု (Self-Respect) မြင့်တက်လာစေပါတယ်။
ကိုယ့်ကိုယ်ကိုယ် စည်းကမ်းရှိလာအောင် တည်ဆောက်နိုင်မည့် နည်းလမ်းများ
(၁) သေးငယ်သည့် အလေ့အကျင့်များမှ စတင်ပါ ။
တစ်ရက်တည်းနှင့် ဘဝတစ်ခုလုံး ပြောင်းလဲရန် မကြိုးစားပါနှင့်။ မနက်တိုင်း နေ့စဉ် လုပ်သင့်သည့် အလေ့အကျင့်လေးတွေက စပြီး စည်းကမ်းရှိရှိဖြင့် လုပ်ဆောင်ပါ။
(၂) စနစ်ကို အာရုံစိုက်ပါ ။
ပထမ ဆုံ ပန်းတိုင် (Goal) ထားရှိပါ။ နောက်တစ်ဆင့်မှာတော့ "ဝိတ်ကျရမည်" ဆိုသည့် ပန်းတိုင် ထားရှိပြီးတဲ့အခါ "တစ်နေ့ မိနစ် ၂၀ လေ့ကျင့်ခန်းလုပ်မည်" ဆိုသည့် စနစ်ကို စည်းကမ်းရှိစွာ တည်ဆောက်ပါ။
(၃) သွေးဆောင်မှုများကို ဖယ်ရှားပါ ။
မလိုအပ်သည့် အာရုံစိုက်စရာများကို ရှင်းလင်းထားခြင်းဖြင့် စည်းကမ်းပျက်ပြားမှုကို ကြိုတင်ကာကွယ်ပါ။
စည်းကမ်းဆိုတာ မိမိကိုယ်ကိုယ် ချုပ်ချယ်တာမဟုတ်ပါဘူး။ အမှန်တကယ်တော့ စည်းကမ်းရှိခြင်းက မိမိဘဝကို လွတ်လပ်ခွင့်ပေးတာ ဖြစ်ပါတယ်။ ငွေကြေးဆိုင်ရာ စည်းကမ်းရှိသူက ငွေကြေးလွတ်လပ်ခွင့် ရသလို၊ ကျန်းမာရေးဆိုင်ရာ စည်းကမ်းရှိသူက ကျန်းမာကြံ့ခိုင်သည့် ဘဝကို ရရှိတာပဲ ဖြစ်ပါတယ်။စည်းကမ်းဆိုတာ မွေးရာပါ ပါရမီမဟုတ်ဘဲ နေ့စဉ် လေ့ကျင့်ယူရတဲ့ အရာတစ်ခုနဲ့သာတူပါတယ်။ ယနေ့မှစ၍ သေးငယ်သည့် အရာလေးများမှ စတင်ကာ စည်းကမ်းရှိသည့် အလေ့အကျင့်ကောင်းများကို ပျိုးထောင်လိုက်ကြရအောင်။
📢 အပတ်စဉ်တိုင်း အခုလိုမျိုး မိမိကိုယ်ကိုယ် တိုးတက်စေမယ့် သုတအဖြာဖြာနှင့် အပြုသဘောဆောင်သည့် အကြောင်းအရာများကို ဖတ်ရှုဖို့ SarPhat ကို Follow လုပ်ထားနိုင်ပါပြီ။
“ လူငယ်ဘဝတိုးတက်ရေး သုတရတနာသိုက် ”
