ဝေနေယျ, The Cinema Channel, No (503), Wayzayandar Road, Za Tsp, Myanmar (Burma), Yangon (2025)

24/09/2025

ညဘက်တွေမှာ အိပ်နေရင်း တစ်ကိုယ်လုံး ဆတ်ခနဲ လှုပ်သွားတာ ဘာကြောင့်လဲ?💤
ဒီခံစားချက်ကို သင်ခံစားဖူးလား။ အိပ်ပျော်လုနီးအချိန်မှာ ရုတ်တရက် လန့်သွားအောင် တစ်ကိုယ်လုံး ဆတ်ခနဲ လှုပ်ရှားသွားတဲ့ "𝐇𝐲𝐩𝐧𝐢𝐜 𝐉𝐞𝐫𝐤𝐬" ဒါမှမဟုတ် "𝐒𝐥𝐞𝐞𝐩 𝐒𝐭𝐚𝐫𝐭𝐬"ဆိုတာ လူအတော်များများ ကြုံဖူးလေ့ရှိတဲ့ ပုံမှန်ဖြစ်စဉ်တစ်ခုပါ။ ဒါဟာ ဘာကြောင့်လဲဆိုတာ သင်ကိုယ်တိုင်ရောသိရဲ့လား?

𝐇𝐲𝐩𝐧𝐢𝐜 𝐉𝐞𝐫𝐤𝐬 ဆိုတာ ဘာလဲ?
ဒါက အိပ်ပျော်ခြင်းနဲ့ နိုးထနေခြင်းကြားက အကူးအပြောင်းကာလမှာ ဖြစ်ပေါ်တတ်တဲ့ မပိုင်နိုင်တဲ့ ကြွက်သားလှုပ်ရှားမှုတစ်ခု (𝐈𝐧𝐯𝐨𝐥𝐮𝐧𝐭𝐚𝐫𝐲 𝐌𝐮𝐬𝐜𝐥𝐞 𝐂𝐨𝐧𝐭𝐫𝐚𝐜𝐭𝐢𝐨𝐧𝐬) ဖြစ်ပါတယ်။ ဒီလိုဖြစ်နေချိန်မှာ တချို့လူတွေက အမြင့်ကနေ ပြုတ်ကျသလို ခံစားရတာ၊ ဒါမှမဟုတ် ရုတ်တရက်အသံတစ်ခုခုကြားလိုက်ရသလိုမျိုးလည်း ခံစားရတတ်ပါတယ်။
သိပ္ပံပညာရှင်တွေက 𝐇𝐲𝐩𝐧𝐢𝐜 𝐉𝐞𝐫𝐤𝐬 ဖြစ်ပေါ်ရတဲ့ အကြောင်းရင်းအတိအကျကို အခုချိန်ထိ အပြည့်အဝ မဖော်ထုတ်နိုင်သေးပေမယ့်၊ ဖြစ်နိုင်ခြေအများဆုံး အကြောင်းရင်းတွေကတော့-

အိပ်စက်ခြင်းအဆင့်များ ကူးပြောင်းချိန် - ကျွန်တော်တို့ရဲ့ ဦးနှောက်ဟာ Non-REM (အိပ်စက်ခြင်း နက်နဲလာတဲ့ အဆင့်) ကနေ REM (အိပ်မက်တွေ မက်လေ့ရှိတဲ့ အဆင့်) ကို ကူးပြောင်းချိန်မှာ ဦးနှောက်ရဲ့ အာရုံကြောတွေက ခန္ဓာကိုယ်ကြွက်သားတွေကို မှားယွင်းစွာ လှုံ့ဆော်မိတဲ့အခါ ဒီလိုရုတ်တရက်လှုပ်ရှားမှုတွေ ဖြစ်တတ်ပါတယ်။

စိတ်ဖိစီးမှုနှင့် စိတ်ပူပန်မှု - တစ်နေ့တာလုံး စိတ်ဖိစီးမှုတွေ များနေတဲ့အခါ၊ ဒါမှမဟုတ် စိတ်ပူပန်မှုတွေ များနေတဲ့အခါ ဦးနှောက်ဟာ အနားမယူနိုင်ဘဲ အမြဲတမ်းတက်ကြွနေတတ်ပါတယ်။ ဒါကြောင့် အိပ်ပျော်ချိန်မှာ ကြွက်သားလှုပ်ရှားမှုတွေကို ထိန်းချုပ်ဖို့ ခက်ခဲစေပြီး Hypnic Jerks တွေ ပိုဖြစ်တတ်ပါတယ်။

ကဖိန်းဓာတ်နှင့် အခြားလှုံ့ဆော်မှုများ - ညဘက် ကော်ဖီ၊ လက်ဖက်ရည် သို့မဟုတ် အခြား ကဖိန်းဓာတ်ပါတဲ့ အချိုရည်တွေ သောက်သုံးတာက အာရုံကြောစနစ်ကို ပိုပြီး တက်ကြွနေစေလို့ အိပ်ပျော်ခါနီးမှာ ဒီလို လှုပ်ရှားမှုတွေ ပိုဖြစ်စေပါတယ်။

ပုံမှန်မဟုတ်သော အိပ်ချိန် - အိပ်ရေးပျက်တာ (Sleep Deprivation) သို့မဟုတ် အိပ်ချိန်ပုံမှန်မရှိတာကလည်း ခန္ဓာကိုယ်ရဲ့ ဇီဝနာရီကို ထိခိုက်စေပြီး Hypnic Jerks တွေ ပိုဖြစ်စေနိုင်ပါတယ်။

Hypnic Jerks တွေက ပုံမှန်အားဖြင့် စိုးရိမ်စရာမရှိဘဲ ခဏလေးနဲ့ ပြန်ပျောက်သွားတတ်ပါတယ်။ ဒါပေမယ့် ခဏခဏ အဖြစ်များပြီး အိပ်စက်မှုကို အကြီးအကျယ် အနှောင့်အယှက်ပေးလာရင်၊ ရုတ်တရက် လှုပ်တဲ့အပြင် တခြားလက္ခဏာတွေ (ဥပမာ- ခြေထောက် မကြာခဏလှုပ်တာ၊ အသက်ရှူရခက်တာ) ပါ တွဲပြီး ဖြစ်ပေါ်လာရင်ဒါတွေက အိပ်စက်ခြင်းဆိုင်ရာ ပြဿနာတစ်ခုရဲ့ လက္ခဏာဖြစ်နိုင်တာကြောင့် ဆရာဝန်နဲ့ သွားရောက်ပြသပြီး စစ်ဆေးသင့်ပါတယ်။

#ဝေနေယျ

22/09/2025

AI ဆိုတာ အခုမှလူပြောများလာတဲ့နည်းပညာဆိုပေမယ့် AI ပေါ်လာတဲ့အချိန်ကနေ 22.September.2025 အထိကို AI ရဲ့တိုးတက်လာနှုန်းတွေက နည်းပညာလောကအတွက် တကယ့်ကို ကြောက်ခမန်းလိလိပါပဲ။

ဒီ တိုးတက်လာတဲ့ AI ကိုအသုံးပြုပြီးတော့ပဲ လူသားတွေက စာရင်းတွေတွက်ကြတယ်၊ သတင်းတွေရှာကြတယ်၊ တချို့ဆို ကိုယ်တိုင် Coding လုပ်ပြီး ကိုယ်တိုင်စီးပွားရေးလုပ်ငန်းရှင်တောင်ဖြစ်နေကြပါပြီ။ K Pop Plattform မှာဆိုရင်လည်း အပြင်မှာလုံးဝမရှိတဲ့ AI Generated Korean Girl တစ်ယောက်ကိုဖန်တီးပြီး အခုဆိုရင် အဲ့ AI Artist လေးမှာ Follower သန်းနဲ့ချီကိုရှိနေပါပြီ။

ဒါပေမယ့် အဆိုးအကောင်း၊ စေတနာအမှား၊ အရှေ့အနောက်ဆိုတဲ့အတိုင်း လောကမှာကောင်းတာရှိရင် မကောင်းတာကလည်း ရှိနေတတ်ပါတယ်။ တချို့ကတော့ အဲ့ဒီ AI ကိုအသုံးပြုပြီး K Pay ပြေစာအတုလုပ်တာ၊ အမျိုးသမီးတွေကိုနာမည်ဖျက်တာအပြင် လိမ်လည်မှုပေါင်းသောင်းနဲ့ချီကို နေ့စဉ်လုပ်နေကြတုန်းပါပဲ။

ဒီလိုအကောင်းနဲ့အဆိုးယှဉ်ပြီးတိုးတက်လာတဲ့ AI မှာ သူဌေးတွေကို အူနုကျွဲခတ်ဖြစ်စေမယ့် အဖြေတစ်ခုလည်းရှိပါတယ်။ အဲ့ဒါကတော့ Detail-oriented ဆိုတဲ့ Artificial Skill ပါ။ AI တွေက လူသားတွေထက်အလုပ်ကို 2 ဆ တိတိကျကျလုပ်နိုင်သလို၊ 2 ဆမှန်မှန်ကန်ကန်လုပ်နိုင်ပါတယ်။ ဒီ Skill ကြောင့်ပဲ နိုင်ငံတကာ Tech Companies တော်တော်များများက ဝန်ထမ်း 30% လုံးက လုံးဝအလုပ်လက်မဲ့ဖြစ်သွားကြပါတယ်။

ဒီလိုမျိုး AI က အလုပ်လုပ်တာတော်တယ်၊ မှန်တယ်၊ တိကျတယ်ဆိုတဲ့အချက်က လက်တွေ့မှာထင်ထားတာထင်အများကြီးအသုံးဝင်ပေမယ့် AI မှာ စဉ်းစားတတ်တဲ့ဦးနှောက်နဲ့၊ ခံစားတတ်တဲ့နှလုံးသားမရှိပါဘူး။ ဒါကြောင့် AI တွေက Problem Solving Skill ညံ့ကြတာပါ။

AI ဆိုတာက System ချပေးထားတဲ့အတိုင်း သူ့အလိုလိုလိုက်လုပ်နေမှာဖြစ်ပြီး လုပ်နေတုန်းခနမှာပေါ်လာတဲ့ ပြဿနာတွေကိုတော့ လုပ်သားကိုယ်တိုင်ကလွဲပြီး ဘယ်သူမှမဖြေရှင်းပေးနိုင်ပါဘူး။ ဒါကြောင့် AI ဆိုတာ လူသားရဲ့ရှေ့ကိုရောက်မလာနိုင်ပါဘူး။

ဒါပေမယ့် ခေတ်သဘောအရ တဟုန်ထိုးတိုးတက်လာတဲ့တရုတ်ကလည်း ဒီနှစ်အစမှာတင် Robot Project အတွက် ဒေါ်လာဘီလီယျံပေါင်းများစွာကို ရင်းနှီးမြှုပ်နှံလိုက်ပြီး စက်ရုပ်တွေကိုလည်း စပြီး Trainning ပေးနေပြီပဲဖြစ်ပါတယ်။ တရုတ်အပြင် အမေရိကန်နဲ့ တခြားအင်အားကြီးနိုင်ငံတော်တော်များများကလည်း ဒီစက်ရုပ် Project အတွက် သူ့ထက်ငါ AI ကို Research အပြိုင်လုပ်နေကြပါတယ်။

ဒီလိုတိုးတက်မှုတွေက ဂုဏ်ယူစရာတကယ်ကောင်းပေမယ့် လူသားတွေရဲ့ အစွန်းရောက်အ‌တွေးအခေါ်တွေကြောင့် အနာဂတ်မျက်မှောက်ခေတ်မှာ AI တွေက Matrix ကားထဲကလိုဖြစ်လာမလားဆိုတာတော့ တကယ်စောင့်ကြည့်ရတော့မှာပါ။

#ဝေနေယျ

04/09/2025

တစ္ဆေ၊ သရဲတွေ တကယ်ရှိသလား

ဒီမေးခွန်းဟာ ကမ္ဘာတစ်ဝန်းမှာရှိတဲ့ လူသားတိုင်း စိတ်ဝင်တစား မေးနေကြပြီး ယခုအချိန်ထိ အဖြေထုတ်နေရတဲ့ မေးခွန်းတစ်ခုဖြစ်ပါတယ်။ လူတချို့ကတော့ တစ္ဆေ၊ သရဲဆိုတာ တကယ်ရှိတယ်လို့ ယုံကြည်ကြပြီး၊ လူတချို့ကတော့ သိပ္ပံနည်းကျ သက်သေမပြနိုင်သေးလို့ မယုံကြည်ကြပါဘူး။ ဒါပေမဲ့ ဒီလိုတစ်စု စီဖြစ်နေရာကနေ ဒီကိစ္စနဲ့ပတ်သက်ပြီး ကွဲပြားတဲ့ ရှုထောင့်နှစ်ခုရှိပါတယ်။ ဒီရှုထောင့်နှစ်ခုကတော့ ကိုယ်တိုင်ကြုံတွေ့ရမှု ဆိုတဲ့ရှုထောင့်နဲ့ သိပ္ပံနည်းကျသက်သေမရှိခြင်းဆိုပြီးဖြစ်ပါတယ်။

ကိုယ်တိုင်ကြုံတွေ့ရမှု - တစ်ဖက်ရှုထောင့်မှာတော့ လူတွေဟာ သရဲခြောက်လှန့်ခံရတာ၊ ထူးဆန်းတဲ့ အသံတွေကြားရတာ ကြောက်လန့်စရာမြင်ကွင်းတွေကို တွေ့ကြုံဖူးတဲ့အခြေအနေတွေ ရှိတဲ့အပြင် အင်တာနက်ပေါ်မှာလည်း ထူးဆန်းတဲ့ ဓာတ်ပုံတွေ၊ ဗီဒီယိုတွေ ပျံ့နှံ့နေလေ့ရှိပါတယ်။ အမျိုးမျိုးရှိနေတဲ့ အယူအဆတွေအရဆိုရင် ဆုံးပါးသွားတဲ့သူတွေရဲ့ ဝိညာဉ်တွေဟာ ဒီလောကမှာ ကျန်ရှိနေသေးတယ်လို့ ယုံကြည်ကြပါတယ်။ ဒီလိုယုံကြည်မှုမျိုးဆက်တစ်ခုကနေ သရဲတစ္ဆေ တွေရှိတယ်ဆိုတဲ့ အကြောင်းတွေကတစ်ခေတ်နဲ့တစ်ခေတ် လက်ဆင့်ကမ်းလာကြပါတယ်။

သိပ္ပံနည်းကျ သက်သေမရှိခြင်း - သရဲ၊ တစ္ဆေတွေ တကယ်ရှိတယ်ဆိုတာကို သိပ္ပံနည်းကျ ဖော်ပြနိုင်ခြင်း၊ သက်သေပြနိုင်ခြင်း မယ်မယ်ရရမရှိသေးပါဘူး။ စိတ်ပိုင်းဆိုင်ရာ အကြောင်းရင်းများ ထူးဆန်းတဲ့အဖြစ်အပျက်တွေဟာ လူ့စိတ်ရဲ့ လှည့်စားမှုတွေကြောင့် ဖြစ်နိုင်တယ်လို့ သိပ္ပံပညာရှင်တွေက ယူဆပါတယ်။ ဥပမာ- ကြောက်ရွံ့စိတ်၊ စိတ်ဖိစီးမှုတွေကြောင့် ထင်ယောင်ထင်မှားဖြစ်တာမျိုး နည်းတူ စိတ်ကစဉ့်ကလျားဖြစ်စဉ်မျိုးတွေဖြစ်ပါတယ်။ သဘာဝဖြစ်စဉ်များ- ရုတ်တရက် အပူချိန်ပြောင်းလဲတာ၊ အလင်းပြန်မှုတွေကြောင့် အမြင်အာရုံလွဲမှားတာ၊ ဒါမှမဟုတ် အဆောက်အဦဟောင်းတွေက ထွက်ပေါ်လာတဲ့ ထူးခြားတဲ့ အသံတွေဟာ လူတွေကိုသရဲခြောက်တယ်လို့ ထင်မြင်ယူဆစေနိုင်ပါတယ်။ တကယ့်လက်တွေ့ဘဝမှာတော့ ဒီကိစ္စကြီးဟာ လက်ခံရခက်တဲ့အရာတစ်ခုပါ။

ဒီတော့ သရဲ၊ တစ္ဆေတွေ တကယ်ရှိသလား ဆိုတဲ့မေးခွန်းအတွက် ခိုင်မာတဲ့ အဖြေတစ်ခုတော့ မရှိသေးပါဘူး။ သင့်ရဲ့အမြင်၊ အတွေ့အကြုံနဲ့ ကိုယ်ပိုင်ယုံကြည်မှုပေါ်မှာပဲ မူတည်နေပါတယ်။

#ဝေနေယျ

26/08/2025

လက်ရှိခေတ်က 5G ခေတ်ကိုရောက်နေပြီဆိုပေမယ့် ကမ္ဘာတစ်ဝှမ်းမှာတော့ 4G Mobile Network ကို တွင်တွင်ကျယ်ကျယ်အသုံးပြုနေကြတုန်းပဲဆိုတာ ဝေနေယျပရိတ်သတ်ကြီး သိပြီးသားဖြစ်မှာပါ။

4G Mobile Network ရဲ့ Network speed ကမနှေးလှဘူးဆိုပေမယ့် 5G Mobile Network ရဲ့ Speed ကိုတော့ လားလားမှမမှီပါဘူး။ အဲ့ဒီလိုပဲ 5G Mobile Network ရဲ့ Network speed ကလည်း အခုတရုတ်ကအသစ်စမ်းသပ်လိုက်တဲ့ 6G Mobile Network Speed ကို နည်းနည်းလေးတောင် လိုက်မမှီပါဘူး။

ဒီနှစ် 2025 အစောပိုင်းကမှ တရုတ်နိုင်ငံက 6G Mobile Network ကို အောင်အောင်မြင်မြင်စမ်းသပ်နိုင်ပြီလို့ ကြေငြာခဲ့ပါတယ်။ 6G Mobile Network ကိုအသုံးပြုနေတဲ့‌အချိန်မှာတော့ Internet Speed ကလည်း အမြန်ဆုံး 280Gbps အထိရောက်ခဲ့တာကြောင့် လက်ရှိအချိန်မှာ 280Gbps ကို အမြန်ဆုံး Internet Speed လို့လည်း တရုတ်ကသတ်မှတ်ထားပါတယ်။

280Gbps တောင် Run နိုင်တဲ့ 6G Mobile Network Speed က Netflix ကြီးတစ်ခုလုံးကို download ဆွဲမယ်ဆိုရင်တောင် 15 မိနစ်မကြာတဲ့ Speed ပါပဲ။

လက်ရှိမှာလည်း 5G Mobile ဈေးကွက်ကို တရုတ်ကပဲစတင်ဖြန့်ချီခဲ့တာဆိုတော့ အခုအောင်မြင်ထားတဲ့ 6G Network Speed ကို တရုတ် Mobile လောကတစ်ခုလုံးက အကြီးကြီးမျှော်လင့်နေကြပါတယ်။ လာမယ့်နှစ်တွေမှာလည်း နာမည်ကြီးတရုတ်ဖုန်း Company တွေက ဒီပြောင်းလဲမှုအပေါ်ကို ဘီလီယံများစွာရင်းနှီးမြှုပ်နှံဖို့လည်း သတင်းသဲ့သဲ့ထွက်နေကြပါပြီ။

ဒီတော့ လာမယ့်အနာဂတ်မှာ တိုးတက်လာတဲ့ 6G Internet Speed နဲ့ အလုပ်တွေကိုပဲ ပိုမြန်မြန်လုပ်နိုင်မလား၊ Digital တွေက ခေတ်ကိုအုပ်စိုးသွားမလားဆိုတာ တွေးကြည့်ရုံနဲ့တင်စိတ်ဝင်စားဖို့ကောင်းနေပါပြီ။

#ဝေနေယျ

13/08/2025

ရာသီသစ်စဖို့ ၂ ရက်အလို

ပရီးမီးယားလိဂ်ပွဲတွေ စတင်ဖို့ရာ ၂ ရက်ပဲကျန်ပါတော့တယ်။🕛 ဟုတ်ပါတယ် ကျွန်တော်တို့မျှော်လင့်စောင့်စားနေတဲ့ ပွဲတွေကို တစ်ဝကြီး ပြန်လည်ကြည့်ရှုရတော့မှာပါ။ ဘောလုံးပွဲကြိုက်တဲ့သူတွေအဖို့ကတော့ ပွဲတွေရပ်တန့်သွားတဲ့ကာလတွေမှာ တစ်ခုခုလိုနေသလိုလစ်ဟာနေကြတာမျိုးတွေဖြစ်တတ်ပါတယ်။ ဒါကြောင့်အခုလိုရာသီပြန်စချိန်ဆိုရင် ကိုယ့်ရဲ့ရည်းစားဟောင်းပြန်လာတဲ့အချိန်ထက်ကို ရင်တွေခုန်ပြီး ပျော်ရွှင်တတ်ကြပါတယ်။

ဒီနှစ်မှာဆိုရင် အသင်းပေါင်းစုံရဲ့ လူခေါ်ယူထားနိုင်တာတွေ၊ နည်းစနစ်အပြောင်းအလဲတွေ၊ နည်းပြအဝင်အထွက်တွေကြောင့် စိတ်ဝင်တစားစောင့်ကြည့်ရမယ့်နှစ်လည်းဖြစ်သလို လိဂ်ဖလားအတွက် ကြည့်လို့ကောင်းစေမှာပါ။ ဒါတွေအပြင် ရာသီအစရဲ့ Big Match ဖြစ်တဲ့ Arsenal နဲ့ Manchester United တို့ရဲ့ပွဲစဉ်မှာဆိုရင် နှစ်သင်းလုံးကခေါ်ယူထားတဲ့ တိုက်စစ်မှူးအသစ်နှစ်ယောက်ရဲ့ စွမ်းဆောင်ရည်တွေကိုလည်း ကျွန်တော်တို့ မျက်တောင်မခပ်တမ်း ကြည့်ရှုရဦးမှာပါ။ အသင်းငယ်လို့ရယ်မရှိလောက်အောင်ကို ဒီနှစ်ရဲ့ အသင်းတိုင်းက ကြောက်ခမန်းလိလိအပြောင်းအလဲတွေပြလုပ်ထားတာကြောင့် ခက်ခဲတဲ့ပွဲစဉ်တွေလည်းဖြစ်လာမှာပါ။

သူ့အသင်းငါ့အသင်းနဲ့ အပြန်အလှန်လေတိုက်ကြတဲ့ ပွဲစဉ်တွေကိုပြန်လည်ရင်ခုန်စွာနဲ့ကြည့်ရှုနိုင်မှာပါ။ဘောလုံးပွဲလို့ပြောလိုက်တာနဲ့ ရပ်ကွက်ထဲကလူကြီးလူငယ်လူလတ်ပိုင်း အကုန်လုံးကြိုက်ကြပါတယ် ဒါတွေအပြင် ဘောလုံးက စိတ်ဖိစီးမှုတွေကိုပြေလျော့စေနိုင်သလို ရသမျိုးစုံကိုလည်းပေးစွမ်းနိုင်ပါသေးတယ်။သူငယ်ချင်းတစ်အုပ်စုလိုက် ဘောလုံးပွဲအကြောင်းပြောကြတာတွေ၊ သူ့အသင်းငါ့အသင်းလေတိုက်ကြတာတွေ၊ ငြင်းခုန်ကြတာတွေက လူငယ်တွေအကြား အထူးသဖြင့် ယောင်္ကျားလေးတွေကြားမှာဆိုရင် သိပ်ကိုအရသာရှိလှတဲ့ အခိုက်အတန့်တွေပါ။⚽

ဝေနေယျ ပရိတ်သတ်တွေထဲမှာရော ပရီးမီးယားလိဂ်ပွဲစဉ်တွေကိုစောင့်မျှော်နေတဲ့သူတွေရှိကြလား။
#ဝေနေယျ

11/08/2025

နည်းပညာမျိုးစုံတိုးတက်လာတဲ့ 2025 လိုကာလမှာ အလကားရတဲ့လေကနေတောင် သန့်စင်တဲ့ရေ H2O ကိုထုတ်လို့ရနေပြီဆိုတာ ဝေနေယျပရိတ်သတ်ကြီးသိပါသလား?

ကမ္ဘာမြေမျက်နှာပြင်ကို ရေထုက 71% ဖုံးအုပ်ထားပေမယ့် အဲ့ထဲကသောက်သုံးနိုင်တဲ့ရေပမာဏကတော့ 2.5% ပဲရှိပါတယ်။ ဒါက မျက်စိရှေ့တင် တော်တော်ကွာခြားတဲ့ပမာဏဖြစ်တာကြောင့် တကယ့်မြေပြင်မှာပါ ရေမရရှိတဲ့ဒေသတွေရှိနေပါသေးတယ်။

ဒီပြဿနာတွေကိုဖြေရှင်းဖို့အတွက် အမေရိကန်အခြေစိုက် MIT (Massachusetts Institute of Technology) ကနေ Solar Panel ကိုအသုံးပြုပြီး သဲကန္တာရလိုနေရာမှာတောင် လေကိုသုံးပြီးရေထုတ်နိုင်ပြီလို့ကြေငြာခဲ့ပါတယ်။

ဒီ Process မှာက Solar Panel Size ကို ကိုယ်လိုချင်သလိုအသုံးပြုလို့ရပြီး Size အကြီးအသေးအလိုက်တော့ ရေထုတ်နိုင်တဲ့ပမာဏကွာသွားမှာပဲဖြစ်ပါတယ်။ ဒီ Solar Panel တွေက အမေရိကန်ရဲ့ အပူချိန်အမြင့်ဆုံးနေရာဖြစ်တဲ့ Death Valley လိုသဲကန္တာရမှာတောင် အောင်အောင်မြင်မြင်နဲ့ ရေထုတ်နိုင်တဲ့အထိ အသုံးဝင်ပါတယ်။

ဒီ Solar ပြားတွေက စိုထိုင်းဆ 10% ပဲရှိတဲ့နေရာတွေမှာတောင် ရေကောင်းကောင်းထုတ်နိုင်ပြီးတော့ Desiccant Hydrogel ကိုလိမ်းထားလို့ လေထဲကရေငွေ့ကို အလွယ်တကူအရည်အဖြစ်ပြောင်းပြီး ပြွန်ထဲကိုစီးဝင်သွားမှာပဲဖြစ်ပါတယ်။

ဒီစက်လည်ပတ်ဖို့အတွက် Solar Energy ကိုပဲအသုံးပြုလို့ လျှပ်စစ်မရရှိတဲ့ ဝေးလံခေါင်ဖြားတဲ့ဒေသတွေမှာပါ အဆင်ပြေပြေနဲ့‌ သောက်သုံးရေကိုထုတ်ပေးနိုင်တယ်လို့ MIT ကဆိုပါတယ်။ ဒါကြောင့် ဒီနည်းပညာသာဖွံ့ဖြိုးတိုးတက်မယ်ဆိုရင်တော့ ကမ္ဘာတစ်ဝှမ်းကရေရှားပါးမှုပြဿနာတွေအားလုံးရပ်တန့်သွားမယ်လို့ နည်းပညာအဖွဲ့အစည်းတွေကပါ ယုံကြည်နေကြပါတယ်။

ဒီဘက်ခေတ်မှာ လေကနေတောင်ရေထုတ်နိုင်ပြီဆိုတော့ ဝေနေယျပရိတ်သတ်ကြီးလည်း ဘယ်လိုအခြေအနေကြောင့်မှ ရေရှားပါးမှာပူစရာမလိုတော့ဘူးနော်။

#

07/08/2025

ဒီနှစ်မှာ မန်ယူတန်းဆင်းသွားနိုင်လား

မကြာခင်မှာပဲ စတင်တော့မယ့် 2025-26 ဘောလုံးရာသီအတွက် ပရီးမီးယားလိဂ်ကတော့ ကြည့်လို့အကောင်းဆုံး ရသမြောက်တဲ့ ပွဲတွေကိုမြင်တွေ့ရမှာအသေချာပါပဲ။ ဒီနှစ်ရာသီမှာ အသင်းတွေအားလုံးနီးပါးက ကစားသမားအသစ်တွေကိုခေါ်ယူထားနိုင်သလို ကစားသမား ဝင်အထွက်တွေလည်းအများကြီးရှိနေတာကြောင့် ပရီးမီးယားလိဂ်စိန်ခေါ်မှုလမ်းကြောင်းကတော့ ခက်ခဲဦးမှာပါ။

ဒါပေမဲ့ ဒီလိုအချိန်မှာပြောစရာစကားတစ်ခုရှိနေတာက သရဲနီမန်ယူတို့လည်း တန်းဆင်းသွားနိုင်လားဆိုတဲ့ကိစ္စပါပဲ။ ပြီးခဲ့တဲ့ရာသီတစ်ခုလုံးမှာ သရဲနီတို့ဟာ အဆင့် ၁၀ အောက်မှာတစ်ရာသီလုံးနီးပါး လုံးလည်ချာလည် လိုက်ခဲ့ရပြီးတော့ နည်းပြအာမိုရင်လက်ထက် အဆိုးရွားဆုံး ရှုံးပွဲတွေကိုလည်း ကြုံတွေ့ခဲ့ရပါတယ်။ ပရီးမီးယားလိဂ်မှာ အဆင့် ၁၅ နဲ့ပဲ ရာသီကို အဆုံးသတ်နိုင်ခဲ့ပြီးတော့ ဒီရလဒ်ဟာ ၁၉၇၃-၇၄ ရာသီနောက်ပိုင်း အသင်းရဲ့ အနိမ့်ဆုံး လိဂ်အဆင့်ဖြစ်ပြီး အမှတ်ပေးဇယားရဲ့ အလယ်ပိုင်းအောက်မှာ ရပ်တည်ခဲ့တာကြောင့် ပရိသတ်တွေကို အတော်လေး စိတ်ပျက်စေခဲ့ပါတယ်။ ပြိုင်ပွဲကြီးတွေမှာဆိုရင်လည်း Europa League FA Cup EFL Cup တွေကိုပါလက်လွှတ်ခဲ့ရပါတယ်။

ဒီနှစ်အစပိုင်း ကနဦးကစားသမားခေါ်ယူမှာတွေမှာလည်း ကွန်ညာနဲ့အမ်ဘူမိုတို့လို ကစားသမားတွေကို ခေါ်ယူထားနိုင်ခဲ့သလို Summer Series မှာတော့ပွဲတိုင်းကိုအနိုင်ရတဲ့အထိစွမ်းဆောင်ထားနိုင်ခဲ့ပါတယ်။ အခုလိုအနိုင်ယူထားနိုင်ပေမယ့်လည်း အားရလောက်တဲ့ခြေစွမ်းနဲ့အနေအထားကိုမပိုင်ဆိုင်သေးပါဘူး။ ရာသီသစ်စတင်တဲ့အချိန်အားကောင်းနေတဲ့ အသင်းတွေကြားမှာ ယှဉ်နိုင်ဖို့ဆိုရင်တော့ ဒီ့ထက်ပိုပြီး လိုအပ်တဲ့နေရာတွေမှာ လူအင်အားဖြည့်တင်းတာတွေ နည်းစနစ်ပြောင်းလဲတာတွေကို နည်းပြအာမိုရင်အချိန်မှီပြင်ဆင်ထားဖို့ လိုအပ်ပါလိမ့်မယ်။

အားနည်းချက်တစ်ခုကတော့ နည်းပြပြောင်းလဲမှုပါပဲ။ နည်းပြဟောင်းကို ရာထူးကနေ ထုတ်ပြီး နည်းပြအသစ် ရူဘန် အာမိုရင် ကို ခန့်အပ်ခဲ့ပေမယ့်လည်း အခြေအနေကတော့ ထူးထူးခြားခြား ပြောင်းလဲလာခြင်းမရှိပါဘူး။ နည်းပြသစ်ရဲ့ နည်းစနစ်တွေကို ကစားသမားတွေက နားလည်ပြီး လက်ခံပုံမရသလို၊ ကစားသမားတွေကိုလည်း ကောင်းကောင်းထိန်းချုပ်နိုင်ခြင်းမရှိတာကြောင့် ရှုပ်ထွေးမှုတွေက ပိုတောင်များလာခဲ့ပါတယ်။ အသင်းတစ်ခုလုံးဟာ ဘယ်လိုမှန်းမသိ၊ လမ်းပျောက်နေသလိုဖြစ်နေပါတယ်။

အခုလာမယ့် 2025-2026 ရာသီမှာလည်း အသင်းရဲ့ စွမ်းဆောင်ရည် တိုးတက်လာခြင်းမရှိဘဲ ရလဒ်တွေ ဆက်လက်ဆိုးရွားနေမယ်ဆိုရင်တော့ တန်းဆင်းဇုန်နဲ့ နီးကပ်လာနိုင်တဲ့ အန္တရာယ်ကို ရင်ဆိုင်ရပါလိမ့်မယ်။ မန်ယူအသင်းရဲ့ ဂုဏ်သိက္ခာကြီးမားတဲ့ သမိုင်းကြောင်းက တန်းဆင်းခြင်းကနေ ကယ်တင်နိုင်မှာမဟုတ်ဘဲ၊ ကွင်းထဲမှာ တကယ့်အစွမ်းအစနဲ့ ရလဒ်ကောင်းတွေကသာ ကယ်တင်နိုင်မှာပါ။ လက်ရှိပြဿနာတွေကို အရင်းခံကနေ မဖြေရှင်းနိုင်သရွေ့ မန်ယူနိုက်တက်ဟာ အောက်ဆုံးကို ရောက်ရှိသွားနိုင်တဲ့ အန္တရာယ်ကနေ ရုန်းထွက်နိုင်မှာ မဟုတ်ပါဘူး။

#ဝေနေယျ

05/08/2025

လက်ဖျော်အအေးဆိုင်လေးတွေက ဒီဘက်ခေတ်မှာသိပ်မရှိတော့ပေမယ့် မြန်မာနိုင်ငံရဲ့ Culture တစ်ခုလို့တောင် သတ်မှတ်လို့ရတဲ့အထိ မှိုလိုပေါခဲ့ဘူးပါတယ်။

အဲ့ဒီထဲမှာ ဇီး၊ သစ်ခွ၊ သရက်၊ စပျစ်ဆိုတဲလက်ဖျော်တွေအမျိုးမျိုးရှိပေမယ့် သံဗူးဆိုတဲ့အအေးအမျိုးအစားကလည်း ထူးထူးဆန်းဆန်းထပ်ရှိနေပါသေးတယ်။ စာရေးသူကတော့ သံဗူးအအေးဆိုတာ Coke တို့ Pepsi တို့လို သံဗူးနဲ့လာတာလို့တောင်ထင်ခဲ့ဘူပါတယ်။ ဝေနေယျပရိတ်သတ်ကြီးလည်း အဲ့လိုမျိုးထင်ခဲ့ဘူးမှာပါ။

တကယ်တော့ သံဗူးဆိုတာ ကျွန်တော်ထင်သလိုမဟုတ်မှန်း ကိုယ်တိုင်သံဗူးဝယ်သောက်မှသိပါတယ်။ ကျွန်တော်လည်း ကျောက်ကျောဘယ်ကရတယ်၊ ဆေးကုလားမဘယ်ကရတယ်ဆိုတာကို မေးနေကျဆိုတော့ ဆိုင်ပိုင်ရှင်အန်တီကလည်း ကျွန်တော်မေးမှာကြိုသိတဲ့ပုံနဲ့ ရှင်းပြပါတယ်။

သံဗူးအအေးရဲ့စတင်ရာက မြန်မာနိုင်ငံရဲ့ မိန်းမလှကျွန်းလို့ခေါ်တဲ့ စီးပွားရေးတက္ကသိုလ်ကြီးပါ။ အဲ့အချိန် မြန်မာနိုင်ငံရဲ့ကုန်သွယ်မှုက ထင်သလောက်မဖွံ့ဖြိုးသေးတော့ 1950 နောက်ပိုင်းလောက်မှာ လက်ဖျော်အအေးဆိုင်လေးတွေနဲ့ တနိုင်တပိုင်စီးပွားရှာခဲ့ကြပါတယ်။

ကြာလာတော့လည်း ရန်ကုန်မှာအအေးဆိုင်တွေပုံလာပြီး ဒီအအေးတွေပဲပတ်ရောင်းနေတော့ ဝယ်သူတွေကထင်သလောက်စိတ်တိုင်းမကျတော့ဘူး။ အဲ့တော့ အီကိုမြေမှာရှိတဲ့ ဦးယမ်းဘီလူးဆိုတဲ့လူက မတူတဲ့အအေး ၂ မျိုးကို Chemistry Process အရ အချိုးအစားအမျိုးမျိုးရောစပ်ပြီး အရသာအသစ်ကိုစမ်းသပ်ပါတယ်။

သူ့စမ်းသပ်ချက်တေယ်တော်များများက အဆင်မပြေဖြစ်ခဲ့ပြီး တစ်ကြိမ်မှာတော့ ဇီးဖျော်ရည်အဆီနဲ့ သစ်ခွအဆီကို အချိုးကျရောစပ်ပြီး ရလာတဲ့အရသာကို သဘာကျတော့ Formula အသစ်ထပ်ထုတ်လိုက်ပါတယ်။ အဲ့ဒီ Formula ကတော့ သံဗူးအအေးဖြစ်အောင် ရောစပ်တဲ့ သံဗူး Formula ပါပဲ။

ဒီအရသာက ဖော်စပ်ပြီးပေမယ့် နာမည်မပေးရသေးတော့ ဦးယမ်းဘီလူးလည်း ဘယ်လိုပြောရောင်းရမယ်မသိ တကယ်အခက်တွေ့ခဲ့ပါတယ်။ အဲ့တာနဲ့ ဦးယမ်းဘီလူးလည်း မိန်းမလှကျွန်းကမိန်းမတွေကို နာမည်ပေးခိုင်းတော့ တက္ကသိုလ်ကျောင်းသူတွေလည်း အဲ့ဒီခေတ်ကဈေးအရမ်းကြီးတဲ့ ဘိလပ်ဖျော်ရည်တွေလိုအရသာရှိလို့ သံဗူးလို့ စတင်အမည်မှဲ့ခဲ့ပါတယ်။ အဲ့လိုနဲ့ သံဗူးဖြစ်လာပါတယ်။

အခုအချိန်မှာတော့ ဦးယမ်းဘီလူးထွင်ခဲ့တဲ့ သံဗူးအအေးက မြန်မာတစ်နိုင်ငံလုံး မသောက်ဘူးတဲ့သူမရှိအောင်ကို အောင်မြင်လာခဲ့ပါပြီ။ ဒါပေမယ့်ဝမ်းနည်းစရာကတော့ ဝေနေယျပရိတ်သတ်ကြီးအတွက် သံဗူးဖျော်ပေးမယ့် လက်ဖျော်အအေးဆိုင်တွေ ရှားသွားတာပါပဲ။
#ဝေနေယျ #

04/08/2025

မိုးရာသီမှာ Sun Cream လိမ်းဖို့လိုလား

ဒီနေ့မှာ ဝေနေယျပရိတ်သတ်တွေကို ပြောပြပေးသွားမယ့်အကြောင်းအရာလေးကတော့ မိုးရာသီမှာ Sun Cream လိမ်းဖို့လိုလား"ဆိုတဲ့အကြောင်းပဲဖြစ်ပါတယ်။ မိုးအေးအေးလေးဆိုတော့ နေရောင်ခြည်ဒဏ်ကို ပူစရာမလိုဘူး" လို့ ထင်နေတဲ့သူတွေ ရှိလား။ တကယ်တော့ မိုးရာသီမှာလည်း Sun Cream (နေရောင်ကာခရင်မ်) လိမ်းဖို့ လုံးဝ လိုအပ်ပါတယ်။ အခုလိုရာသီဥတုမှာ နေမပူပေမယ့်လည်း ခရမ်းလွန်ရောင်ခြည် (UV rays) တွေက ကျွန်တော်တို့အရေပြားကို ထိခိုက်စေနိုင်တုန်းပါပဲ။

ဘာကြောင့် မိုးရာသီမှာ Sun Cream လိမ်းသင့်တာလဲ။

မိုးရာသီရောက်တိုင်း များသောနေ့ရက်တွေက တိမ်တွေဖုံးနေပေမယ့် UVA နဲ့ UVB ရောင်ခြည်တွေဟာ တိမ်တွေကို ဖောက်ပြီး မြေပြင်ပေါ်ကို ရောက်ရှိနေဆဲပါ။ UVA က အရေပြား အိုမင်းရင့်ရော်တာကို ဖြစ်စေပြီး၊ UVB ကတော့ နေလောင်တာနဲ့ အရေပြားကင်ဆာကို ဖြစ်စေနိုင်ပါတယ်။ မိုးရာသီအတွက် သီးသန့်ထုတ်လုပ်ထားတဲ့ ရေစိုခံ (water-resistant) Sun Cream တွေလည်း အများကြီးရှိပါတယ်။ ဒါကြောင့် မိုးရေစိုသွားရင်တောင် စိတ်ပူစရာမလိုပါဘူး။နေ့စဉ် ထိတွေ့မှုအနေနဲ့လည်း အိမ်ထဲမှာနေရင်တောင် ပြတင်းပေါက်ကနေ ဝင်လာတဲ့ နေရောင်ခြည်ဒဏ်ကနေ ကာကွယ်ဖို့အတွက် Sun Cream လိမ်းထားသင့်ပါတယ်။

ဘယ်လို Sun Cream မျိုးကို ရွေးချယ်မလဲ။

Sun Cream ရွေးမယ်ဆိုရင်အနည်းဆုံး SPF 30 နဲ့အထက်ရှိတာကို ရွေးချယ်သင့်ပါတယ်။ Broad-spectrum UVA နဲ့ UVB ရောင်ခြည်နှစ်မျိုးလုံးကို ကာကွယ်ပေးနိုင်တဲ့ "Broad-spectrum" လို့ ရေးထားတဲ့ Sun Cream ကို သေချာရွေးဖို့လိုအပ်ပါတယ်။ ဒါအပြင် အခုလိုမိုးရာသီအတွက် ရေစိုခံ (water-resistant) Sun Cream ကလည်း အသုံးပြုဖို့ အသင့်တော်ဆုံးပဲဖြစ်ပါတယ်။

#ဝေနေယျ

31/07/2025

အောင်တော့ဘာရမှာလည်း?

မကြာသေးတဲ့ 27 ရက်နေ့ကမှ Grade 12 အောင်စာရင်းတွေထွက်လို့ Social Media ပေါ်က အောင်စာရင်းတွေကို ဝေနေယျပရိတ်သတ်ကြီးလည်း တွေ့ပြီးသွားလောက်မှာပါ။ အောင်စာရင်းကို Online ကနေကြည့်ရတာက အောင့်သက်သက်ဖြစ်တယ်လို့ခံစားရပေမယ့် Phone တွေခေတ်ထလာတဲ့ ကလေးတွေကြားထဲမှာတော့ Online ကနေကြည့်ရတာကိုက သူတို့ခေတ်ရဲ့အလှည့်အပြောင်းအသစ်တစ်ခုပါပဲ။ ပျော်ကြပါစေနော်။

ဆက်ပြောရရင် မြန်မာနိုင်ငံရဲ့ စာရိတ္တပျက်ပြားနေတဲ့လူအချို့က အခုချိန်အထိကို 10 တန်း (သို့) 12 တန်းအောင်စာရင်းတွေကို အထင်ကြီးနေကြတုန်းပါပဲ။ ဆိုတော့ကာ မင်းကျပြီး သူတို့အောင်သွားလို့ မင်းကိုရှောင်ဖယ်" လုပ်နေရင် မင်းကပဲသူတို့ဉာဏ်ရည်ကို ဖြည့်တွေးခွင့်လွှတ်ပေးလိုက်ပါ။ ဘာကြောင့်လည်းဆိုတော့ 10 တန်း (သို့) 12 တန်းအောင်စာရင်းကို ဘဝကြီးလို့ထင်နေတဲ့လူတန်းစားတွေက အခုအချိန်ထိကိုရှိနေကြသေးလို့ပါပဲ။

သူတို့ရဲ့စိတ်ကူးထဲမှာ စာမေးကျသွားတဲ့မင်းကတော့ အလုပ်ကြမ်းလေးလုပ်၊ ဖက်ကြမ်းလေးသောက်နဲ့ အောင်သွားတဲ့ သူတို့သားသမီးတွေကတော့ ဘွဲ့ဝတ်စုံကြီးတွေဝတ်လို့၊ Air con အောက်မှာ ဘောပင်တစ်ခြောင်းနဲ့အလုပ်လုပ်လို့ပါပဲ။ သိပ်ရယ်စရာကောင်းသလို၊ သနားစရာလည်းကောင်းတဲ့ သူတို့ပါပဲ။

တကယ့်ခေတ်သဘောအရ စာမေးပွဲအောင်သွားရင်ရော ဘာထူးမှာလဲဆိုတာကို သေသေချာချာပြန်သုံးသပ်ကြည့်ပါ။ စာရေးသူအနားက ဘွဲ့ရပညာတတ်တချို့ကတော့ ကျောင်းပြီး၊ ဘွဲ့ရ 6 နှစ်‌လောက်ကြာလို့ လုပ်ငန်းခွင်ထဲရောက်တော့မှ လစာ 3 သိန်းတောင် ရနေပါပြီတဲ့၊ (ငါ့ကောင်ရယ်)။

စာမေးပွဲအောင်ပြီးတာနဲ့ မြန်မာနိုင်ငံရဲ့ပညာရေးယန္တရားလည်ပတ်မှုအရ ကိုယ့်အမှတ်နဲ့မှီတဲ့ တက္ကသိုလ်ကိုလျှောက်ရပါတယ်၊ မမှီရင်ပယ်ချပါတယ်။ ကိုယ်တက်ရမယ့် တက္ကသိုလ်ကျပြီဆိုတာနဲ့ စောစောကပြောသလို Major ထပ်လျှောက်ရပါတယ်၊ မမှီရင် ထပ်ပယ်ချပါတယ်။ ဒီလိုနဲ့အကုန်အဆင်ပြေပြီးလို့ စာအုပ်ဘာညာဝယ်ခြမ်း၊ ကျောင်းအပ်နဲ့ First Year ကို 2 သိန်းလောက်နဲ့အပ်ပြီးရင် သူတို့အမေဂုဏ်ယူရတဲ့ မြန်မာကားထဲကတက္ကသိုလ်ကျောင်းသားတွေ ဖြစ်သွားကြပါတော့တယ်။

အဲ့ဒီနောက် မြို့ပြနဲ့မလှမ်းမကမ်း အပြင်ခြမ်းမှာရှိတဲ့ University ဆိုတာတွေကို လိုင်းကား တစ်ကြောင်း (400) နဲ့ 4 နှစ်ကျော် 5 နှစ်သွားတက်ပြီးတာနဲ့ မင်းကျလို့မရခဲ့တဲ့ဘွဲ့ကို သူတို့ရကြပါပြီ။ ဒါပြီးရင်လည်း ပြီးသွားပါပြီ။ သူတို့လည်း အခြေခံလစာ 3 သိန်းနဲ့ ဘွဲ့ကြီးပိုက်ပြီး ကျောင်းအပြင်ဘက်လောကကြီးမှာ အစကပြန်စရပါပြီ။ ဒါကြောင့် 12 တန်းကျလို့အားမငယ်ပါနဲ့။

ဒါကြောင့် ဒီနှစ်ကျသွားတဲ့ညီငယ်/ညီမငယ်လေး‌တွေကိုယ်တိုင်ရဲ့သဘောက စာမေးပွဲပြန်ဖြေမှာလား၊ ကိုယ့်အိမ်မက်က ဒီအောင်စာရင်းနဲ့ တိုက်ရိုက်သက်ဆိုင်နေလား၊ အနည်းငယ်ပဲ သက်ဆိုင်နေသလား ဒါမှမဟုတ် အောင်လို့ တက္ကသိုလ်တက်၊ ဘွဲ့ယူပြီး သူတို့လိုပြန်စမလားဆိုတာကို အားငယ်မနေဘဲ ညီငယ်/ညီမငယ်လေးတွေကိုယ်တိုင်၊ ကိုယ်ပိုင်အတွေးအခေါ်နဲ့ နောက်မကျခင်ဘဲဆုံးဖြတ်လိုက်ပါ။

#ဝေနေယျ

29/07/2025

V**e သောက်ခြင်းနှင့် ကျန်းမာရေး

ယနေ့ခေတ်မှာ ခေတ်စားလာတဲ့ V**e သောက်သုံးခြင်းဟာ ဆေးလိပ်ထက် အန္တရာယ်သက်ရောက်နိုင်ခြေနည်းပါးတယ်လို့ ထင်နေကြသူတွေ အများကြီး ရှိပါတယ်။ ဒါပေမဲ့ တကယ်တမ်းမှာတော့ V**e ဟာလည်း သင့်ကျန်းမာရေးကို ဆိုးရွားစွာ ထိခိုက်စေနိုင်တဲ့ ဘေးထွက်ဆိုးကျိုးများစွာ ရှိနေပါတယ်။

V**e ထဲမှာထည့်ပြီးသောက်ရတဲ့ အရည်အများစုမှာ ဆေးလိပ်မှာပါတဲ့ နီကိုတင်း ပါဝင်ပါတယ်။ နီကိုတင်းဟာ လူကို စွဲလမ်းစေတဲ့ ဓာတုပစ္စည်းဖြစ်တာကြောင့် V**e သောက်သုံးသူတွေဟာ နီကိုတင်းကို စွဲလမ်းသွားနိုင်ပါတယ်။ အထူးသဖြင့် ဆယ်ကျော်သက်တွေအတွက်ဆိုရင် ဦးနှောက်ဖွံ့ဖြိုးမှုကိုပါ ထိခိုက်စေနိုင်ပြီး စွဲလမ်းမှုကနေ လွတ်မြောက်ဖို့ ပိုခက်ခဲစေပါတယ်။

အဆုတ် ထိခိုက်ပျက်စီးခြင်း

V**e အငွေ့ထဲမှာ ပါဝင်တဲ့ ဓာတုပစ္စည်းတွေက သင့်အဆုတ်ကို ပြင်းပြင်းထန်ထန် ထိခိုက်စေနိုင်ပါတယ်။"Popcorn Lung" (Bronchiolitis Obliterans): V**e အရည်အချို့မှာပါတဲ့ Diacetyl ဟာ ဒီရောဂါကို ဖြစ်စေနိုင်ပြီး အဆုတ်လေပြွန်လေးတွေ ရောင်ရမ်းကျဉ်းမြောင်းကာ အသက်ရှူရခက်ခဲစေပါတယ်။

အဆုတ်ရောင်ရမ်းခြင်း:

V**e အရည်ထဲက Vitamin E Acetate လို အဆီအခြေခံပစ္စည်းတွေဟာ အဆုတ်ထဲမှာ စုပုံပြီး ရောင်ရမ်းစေနိုင်ပါတယ်။အခြားဓာတုပစ္စည်းများ: Formaldehyde, Acrolein, Acetaldehyde စတဲ့ အဆိပ်အတောက်တွေဟာ အဆုတ်ကို ပျက်စီးစေပြီး ချောင်းဆိုးခြင်း၊ ပန်းနာရင်ကျပ်နဲ့ နာတာရှည် အသက်ရှူလမ်းကြောင်းဆိုင်ရာ ပြဿနာတွေကို ဖြစ်စေနိုင်ပါတယ်။

နှလုံးနှင့် သွေးကြောဆိုင်ရာ ပြဿနာများ

နီကိုတင်းဟာ သင့်ရဲ့နှလုံးခုန်နှုန်းကို မြန်စေပြီး သွေးပေါင်ချိန်ကို တက်စေနိုင်ပါတယ်။ ရေရှည်မှာ နှလုံးသွေးကြောကျဉ်းရောဂါ၊ လေဖြတ်ခြင်း စတဲ့ ပြင်းထန်တဲ့ နှလုံးနဲ့ သွေးကြောဆိုင်ရာ ရောဂါတွေ ဖြစ်နိုင်ခြေကိုပါ တိုးမြင့်စေပါတယ်။

ကင်ဆာ ဖြစ်နိုင်ခြေ

V**e အငွေ့ထဲမှာ Formaldehyde နဲ့ Acrolein ကဲ့သို့သော ကင်ဆာဖြစ်စေနိုင်တဲ့ ဓာတုပစ္စည်းတွေ (Carcinogens) ပါဝင်ပါတယ်။ ဒါကြောင့် ရေရှည်မှာ ကင်ဆာရောဂါ ဖြစ်ပွားမှုကို အားပေးနိုင်တယ်လို့ ပညာရှင်တွေက သတိပေးထားပါတယ်။

တစ်ဆင့်ခံ ထိခိုက်မှုများ (Second-hand Va**ng)

V**e သုံးစွဲသူတွေဆီက ထွက်လာတဲ့ အငွေ့တွေဟာ ပတ်ဝန်းကျင်ကလူတွေကိုပါ ထိခိုက်စေနိုင်ပါတယ်။ အထူးသဖြင့် ကလေးငယ်တွေ၊ ကိုယ်ဝန်ဆောင်တွေနဲ့ သက်ကြီးရွယ်အိုတွေဟာ နီကိုတင်းနဲ့ အခြားအန္တရာယ်ရှိတဲ့ ဓာတုပစ္စည်းတွေကို ရှူရှိုက်မိနိုင်ပါတယ်။ V**e ဟာ ဆေးလိပ်ဖြတ်ဖို့ အစားထိုးပစ္စည်းအဖြစ် စတင်ပေါ်ပေါက်ခဲ့ပေမဲ့၊ လက်တွေ့မှာတော့ နီကိုတင်းစွဲလမ်းမှုကနေ မလွတ်မြောက်စေဘဲ အသစ်သော ကျန်းမာရေးပြဿနာတွေကို ဖြစ်ပေါ်စေနိုင်တာကိုတွေ့ရှိရပါတယ်။သင့်ရဲ့ ကျန်းမာရေးအတွက် အကောင်းဆုံးကတော့ V**e ပဲဖြစ်ဖြစ်၊ သမားရိုးကျ ဆေးလိပ်ပဲဖြစ်ဖြစ်၊ သာမာန်ထက်ပိုပြီး မသုံးစွဲဘဲ ရှောင်ကြဉ်ခြင်းပဲဖြစ်ပါတယ်။

28/07/2025

မကြာသေးခင် July 5 ရက်နေ့ကမှပြုလုပ်ခဲ့တဲ့ Back to the Beginning ဆို‌တဲ့ Rock ဂီတပွဲကြီးအကြောင်း ဝေနေယျပရိတ်သတ်ကြီးလည်း ကြားမိကြမှာပါ။ Back to the Beginning ပွဲကြီးကို Heavy Metal ရဲ့ဖခင်ကြီးဖြစ်တဲ့ Ozzy Osbourne ဟာ သူ့ရဲ့ Music Career ကိုအဆုံးသတ်တဲ့ပွဲအနေနဲ့ သတ်မှတ်ဖျော်ဖြေခဲ့တာကြောင့် Heavy Metal ကိုချစ်တဲ့သူတိုင်း ကြိတ်ကြိတ်တိုးလာကြည့်ကြတဲ့ ပွဲကြီးဆိုရင်လည်းမမှားပါဘူး။

Ozzy Osbourne ဟာဆိုရင်တော့ Back to the Beginning ပွဲကြီးမှာ I Don’t Know, Mr. Crowley, Su***de Solution, Mama, I’m Coming Home & Crazy Train သီချင်းတွေကို သီဆိုဖျော်ဖြေသွားပြီးတော့ ပြီးခဲ့တဲ့ July 22 ရက်နေ့မှာ သူချစ်တဲ့ Heavy Metal နဲ့ သူ့ပရိတ်သတ်တွေကို အပြီးတိုင်နှုတ်ဆက်သွားခဲ့ပြီပဲဖြစ်ပါတယ်။

Ozzy Osbourne ဟာဆိုရင်တော့ 1968 ခုနှစ်မှာ Heavy Metal နဲ့စတင်ပေါ်ပေါက်ခဲ့ပြီး သူ့ရဲ့ Music Type ဟာဆိုရင် ဘယ် Artists နဲ့မှမတူခဲ့ဘဲ နတ်ဆိုးကိုကိုးကွယ်တဲ့စာသားတွေ၊ ကြောင်သူတော်တွေကိုလှောင်ပြောင်တဲ့စာသားတွေဖြစ်လို့ လောကကြီးနဲ့ အံဝင်ခွင်ကျမဖြစ်တဲ့လူငယ်တွေအတွက်တော့ တကယ့်အကြိုက်ကိုမှ သွားတွေ့စေပါတယ်။

ဒါ့အပြင် Ozzy ဟာဆိုရင် သူဆိုနေတဲ့ Show ပွဲတစ်ခုမှာ ပရိတ်သတ်တစ်ယောက်က လှမ်းပစ်တင်လိုက်‌တဲ့ လင်းနို့အရှင်တစ်ကောင်ရဲ့လည်ပင်းကို ကိုက်ဖြတ်ခဲ့လို့ The Prince of Darkness နာမည်ရလာခဲ့တယ်ဆိုရင်လည်းမမှားပါဘူး။ သူရခဲ့တဲ့နာမည်နဲ့ သူ့ရဲ့ဂီတနဲ့ကတော့ လုံးဝအံဝင်ခွင်ကျနေတယ်ဆိုတာတော့ လုံးဝငြင်းလို့ရမယ်မထင်ပါဘူး။

Ozzy Osbourne ဟာဆိုရင်တော့ သူ့ရဲ့ဂီတကဏ္ဍမှာဆိုရင်လည်း သူ့ရဲ့လွှမ်းမိုးမှုတွေက မြန်မာ Metal အဆိုတော်တွေအားလုံးနီးပါး ကော်ပီယူသီဆိုခဲ့ကြတဲ့အထိကို ခြိမ့်ခြိမ့်သဲအောင်မြင်ခဲ့ပါတယ်။ ဒါ့အပြင် သူ့ရဲ့ Paranoid, Mr. Crowley & Iron Man သီချင်းတွေကလည်း နားထောင်လိုက်တိုင်း လောကကြီးကို ပုန်ကန်ချင်တဲ့လူငယ်တစ်ယောက်လို အခုချိန်ထိကိုခံစားရပါသေးတယ်။

Ozzy Osbourne ဟာဆိုရင်တော့ သူမဆုံးခင်ထဲက Parkinson's Disease ဆိုတဲ့ ဦးနှောက်အာရုံကြောရောဂါကို နှစ်ရှည်ခံစားခဲ့ရပြီးတော့ ခြေထောက်တွေကိုလုံးဝမထိန်းချုပ်နိုင်ဘဲ နှစ်ရှည်လမ်းမလျှောက်နိုင်တဲ့အခြေအနေကို တော်တော်ခံစားခဲ့ရပါတယ်။ ဒါပေမယ့်လည်း သူ့ရဲ့ဆန္ဒအတိုင်း Back to the Beginning ပွဲကြီးကို သူ့ရဲ့နောက်ဆုံး Solo Show ပွဲအဖြစ်နဲ့ ဖျော်ဖြေခဲ့ရပြီးတော့ ပွဲကြီးအပြီးမှာပဲ တိုက်တိုက်ဆိုင်ဆိုင် Ozzy Osbourne ဆိုတဲ့ အမှောင်မင်းသားကြီးကိုလည်း အမှောင်ထုကပြန်ယူသွားပါတော့တယ်။

#ဝေနေယျ

ဝေနေယျ

24/09/2025

22/09/2025

04/09/2025

26/08/2025

13/08/2025

11/08/2025

07/08/2025

05/08/2025

04/08/2025

31/07/2025

29/07/2025

28/07/2025

Address

Telephone

Website

Alerts

Shortcuts

Share

Category