09/06/2026
နိုင်ငံတကာရုပ်ရှင် -The Fate of the Furious (2017)
မနက်ဖြန်တင်ဆက်ပေးမယ့် ဇာတ်ကားလေးကတော့ ၂၀၁၇ ခုနှစ်က ထွက်ရှိထားတဲ့ The Fate of the Furious ဆိုတဲ့ ဇာတ်ကားလေးပဲ ဖြစ်ပါတယ်။ ဒီကားလေးကတော့ IMDb 6.6 ရရှိထားတဲ့ ဇာတ်ကားလေးဖြစ်ပြီး ငွေကြေးအမြောက်အများကို အကုန်အကျခံပြီးရိုက်ကူးခဲ့ရတာနဲ့တန်အောင် အောင်မြင်မှုတွေရရှိခဲ့တဲ့ ဒီကားမှာရော ဘယ်လိုအက်ရှင်ဇာတ်ကွက်ကောင်းကောင်းတွေ တင်ဆက်ထားလဲဆိုတာ စောင့်မျှော်ကြည့်ရှပေးကြဦးရှင့်။
ဒွန်မ်နဲ့ လတ်တီတို့ဟာ ဟန်းနီးမွန်းအနေနဲ့ ကျူးဘားမှာအပန်းဖြေနေရင်း ညီဝမ်းကွဲရဲ့ အကြွေးပြဿနာကို ကားပြိုင်ပွဲတစ်ခုနဲ့ ဖြေရှင်းပေးလိုက်ပါတယ်။ ဒွန်မ်တစ်ယောက် ကျူးဘားမှာပဲ ဆိုက်ဖာဆိုတဲ့ အမျိုးသမီးတစ်ယောက်နဲ့တွေ့ပြီး အားနည်းချက်တစ်ခုနဲ့ အကြပ်ကိုင်ခြင်း ခံလိုက်ရပါတယ်။ အဲဒီအချိန် အေးဂျင့်ဟော့ဘ်စ်ကို အစိုးရဘက်ကနေ EMP ဗုံးလို့ခေါ်တဲ့ ဘယ်မြို့မဆို အမှောင်ချနိုင်တဲ့ လျှပ်စစ်ဗုံးတစ်ခု ဘာလင်မြို့က လက်နက်ပွဲစားတွေဆီရောက်နေတာကြောင့် သွားယူခိုင်းပါတယ်။ အဆိုပါ EMP ဗုံးကို အဖွဲ့လိုက်ယူပြီးတဲ့အချိန်မှာတော့ ဒွန်မ်တစ်ယောက် အဖွဲ့ကိုသစ္စာဖောက်ပြီး EMP ဗုံးကို ဆိုက်ဖာဆီ ယူသွားပေးပါတော့တယ်။ အဆိုပါကိစ္စကို တားဆီးဖို့အတွက် Mr. Nobody ဟာ ထောင်ထဲမှာရှိနေတဲ့ ဒက်ကဒ်ရှောကို ဟော့ဘ်စ်တို့နဲ့အတူပူးပေါင်းစေပြီး ဒွန်မ်နဲ့ ဆိုက်ဖာတို့ကို ရှာဖွေဖို့ လုပ်နေတုန်း ဆိုက်ဖာရဲ့အဖွဲ့ဟာ သူတို့ရှိတဲ့နေရာစီဝင်ရောက်ပြီး နတ်ဘုရားမျက်လုံးကိုပါ ယူသွားပါတယ်။
- နတ်ဘုရားမျက်လုံးနဲ့ EMP ဗုံးရရှိသွားတဲ့ ဆိုက်ဖာက ဘယ်လိုဆိုးရွားတဲ့အရာကို ကြံစည်နေတာလဲ ....
- ဒွန်မ်ကရော ဘာအကြောင်းကြောင့် အဖွဲ့ကိုတောင် သစ္စာဖောက်သွားရသလဲ ....
- ဘော့ဘ်စ်နဲ့ ရှောတို့အဖွဲ့တွေပူးပေါင်းပြီး အဆိုပါကိစ္စကို တားဆီးနိုင်ကြမလားဆိုတာ ....
မနက်ဖြန် ည(၈)နာရီ အချိန်မှာတော့ ပယောဂဖြစ်ရပ်တွေ ၊ စုန်းကဝေအတတ်တွေနဲ့အတူ ရင်ခုန်စိတ်လှုပ်ရှားဖွယ်ကြည့်ရှုရမယ့့်် "ဝမ်းတွင်းကဝေ မောင်မိုးဆွေ💫" ရုပ်သံဇာတ်လမ်းတွဲကို ပြသပေးသွားမှာပဲဖြစ်ပါတယ်။
အစီအစဉ်များကို Loop စနစ်နဲ့ ပြန်ကျော့ ထုတ်လွှင့်ပေးမှုများရှိပြီး အစီအစဉ်အသစ်တွေ အနေနဲ့ -
- အိန္ဒိယရုပ်ရှင် - Ellam Sheriyakum
- နိုင်ငံတကာရုပ်ရှင် - The Fate of the Furious
-မိစ္ဆာလိုက်မုဆိုးနှင့် လှပျိုမေ (အပိုင်း ၃၃)
- မြင်နိုင်စွမ်း၏ နောက်ကွယ် (အပိုင်း ၆)
- ဥတုရာသီ စိုက်ပျိုးညီ
- ကျွန်တော့်အကြောင်းသူတို့ဘဝ (အပိုင်း ၁၉)
- ဝမ်းတွင်းကဝေ မောင်မိုးဆွေ (အပိုင်း ၂၀)
- အိန္ဒိယရုပ်ရှင် - Mana ShankaraVaraprasad Garu
စတဲ့ အစီအစဉ်တွေ ပါဝင်လာမှာပဲ ဖြစ်ပါတယ်။
