08/07/2025
"ဝါဆိုလပြည့် ပိတ်ရက် ကြေညာခြင်း”
(𝟗.𝟕.𝟐𝟎𝟐𝟓) ဗုဒ္ဓဟူးနေ့သည် မြန်မာတို့အထွဋ်အမြတ်ထားရာ ဝါဆိုလပြည့် ဓမ္မာစကြာ အခါတော်နေ့ ဖြစ်ပါသဖြင့် ဆိုင် တစ်ရက်ပိတ်ပါသည်။(𝟏𝟎.𝟕.𝟐𝟎𝟐𝟓) ကြာသပတေးနေ့တွင် ပုံမှန်အတိုင်းပြန်ဖွင့်ပါမည်ဖြစ်ကြောင်း အသိပေးအပ်ပါသည်။
ဝါဆိုလပြည့် ဓမ္မစကြာအခါတော်နေ့။
************************
ဝါဆိုလပြည့်နေ့တွင် ဂေါတမမြတ်စွာဘုရားအလောင်းတော်သည် တုသိတာနတ်ပြည်မှသက်ဆင်း၍ လူ့ပြည်၌ ပဋိသန္ဓေတည်ခဲ့သည်၊
ဝါဆိုလပြည့်နေ့မှာပင် ဘုရားအလောင်းတော် သိဒ္ဓတ္ထမင်းသား တောထွက်တော်မူခဲ့ပါတယ်။ဝါဆိုလပြည့်နေ့မှာပင် ဘုရားရှင်သည် ပဉ္စဝဂ္ဂီ ၅ ဦးကို ဓမ္မစကြာတရားဦး ဟောတော်မူခဲ့ပါတယ်။
ဘုရားရှင်သည် ဓမ္မစကြာတရားတော်ကို မိဂဒါဝုန်တောရှိ ပဉ္စဝဂ္ဂီ ၅ ဦးနှင့်အတူ နတ်ဗြဟ္မာ ၁၈ ကုဋေတို့ နာယူကြပါတယ်။
ဓမ္မစကြာတရားခေါ် ဓမ္မစကြာသုတ္တန်သည် အလွန်ထူးမြတ်၏။ဘုရားရှင်သည် ဘုရားအဖြစ်သို့ရောက်တော်မူပြီးနောက် ဦးဦးဖျားဖျား ဟောကြားတော်မူသော တရားဒေသနာတော်ဖြစ်သည်။
တရားတော်မှာ ရှေးဦးစွာ ဝဲယာအစွန်းနှစ်ပါးကိုရှောင်ကြဉ်ရန်ဟောပြထားသည်၊နိဗ္ဗာန်ချမ်းသာရရှိရေးအတွက် ကာမသုခလ္လိကာနုယောဂတည်းဟူသော ကာမဂုဏ်ချမ်းသာတို့ကို ခံစားပျော်ပါးခြင်းမှရှောင်ကြဉ်ရန်နှင့် အတ္တကိလမထာနုယောဂတည်းဟူသော မိမိကိုယ်ကို ဒုက္ခပေး၍ ကျင့်ကြံအားထုတ်ခြင်းကိုရှောင်ကြဉ်ရန်ဖြစ်သည်။မဇျ္စိမပဋိပဒါ အလယ်လမ်းစဉ်ဖြစ်သော မဂ္ဂင်ရှစ်ပါးတို့ကို ကျင့်ကြံအားထုတ်ရန် ညွန်ပြတော်မူပါတယ်။
မဂ္ဂင်ရှစ်ပါးဟူသည်
၁။သမ္မာဒိဌိ ကောင်းမြတ်စင်ကြယ်သော သိမြင်မှု၊
၂။သမ္မာသင်္ကပ္ပ ကောင်းမြတ်စင်ကြယ်သော ကြံစည်မှု၊
၃။သမ္မာဝါစာ ကောင်းမြတ်စင်ကြယ်သော ဝစီကံမှု၊
၄။သမ္မာကမ္မန္တ ကောင်းမြတ်စင်ကြယ်သော ကာယကံမှု၊
၅။သမ္မာအာဇီဝ ကောင်းမြတ်စင်ကြယ်သော အသက်မွေးမှု၊
၆။သမ္မာဝါယာမ ကောင်းမြတ်စင်ကြယ်သော အားထုတ်မှု၊
၇။သမ္မာသတိ ကောင်းမြတ်စင်ကြယ်သော အောက်မေ့မှု၊
၈။သမ္မာသမာဓိ ကောင်းမြတ်စင်ကြယ်သော တည်ကြည်မှုတို့ဖြစ်ပါတယ်။
ထို့နောက် ဘုရားရှင်မှ ဆက်လက်၍ သစ္စာလေးပါးကို ဟောတော်မူပါတယ်။ဆင်းရဲခြင်းအမှန်ဟူသော ဒုက္ခသစ္စာ။ ဆင်းရဲဖြစ်ကြောင်းအမှန်ဟူသော သမုဒယသစ္စာ။ ဆင်းရဲချုပ်ငြိမ်းရာအမှန်ဟူသော နိရောဓသစ္စာ။ ဆင်းရဲချုပ်ငြိမ်းရာသို့ ရောက်ကြောင်းအမှန်ဟူသော မဂ္ဂသစ္စာ။ ဟူ၍ဖြစ်ပါတယ်။
ဒါကြောင့် သန္ဓေ၊တောထွက်၊ဓမ္မစက်၊နုတ်မြွက်သံချို ၊လဝါဆို ဟူသော ဘုရားရှင်၏ ထူးခြားဆန်းကြယ် ဤဝါဆိုလပြည့်နေ့ကို နေ့ထူးနေ့မြတ်အဖြစ် ဆင်ခြင်သုံးသပ်၍ ခန္ဓာဥာဏ်ရောက် နှလုံးသွင်း ကုသိုလ်ပြုကြပါရန်နှိုးဆော်တိုက်တွန်းလိုက်ပါတယ်။
credit
