08/09/2025
📢သူငယ်ချင်းလေးတို့ရေ၊ အကျိုးပြုလှုပ်ရှား သက်တံ့ရောင်စုံများ ဓာတ်ပုံပြိုင်ပွဲ အတွက် လျှောက်လွှာတင်ပြီးကြပြီလား။
ဒီပြိုင်ပွဲလေးမှာ LGBTQ အသိုင်းအဝိုင်း ရဲ့ အကြောင်းအရာတွေ၊ အပြင်အဆင်တွေ၊ လှုံ့ဆော်မှုတွေ အပြင် LGBTQ တို့ရဲ့ ဘဝကို ထင်ဟပ်သောပုံရိပ်တွေကို မိုဘိုင်းဖုန်းမှတဆင့် ရိုက်ကူးထားသော ဓာတ်ပုံများကနေ ပုံဖော်ယှဉ်ပြိုင်ခွင့် ရမှာ ဖြစ်ပါတယ်။ 📱💜
ဒီလိုမျိုး LGBTQ တစ်ဦးချင်းစီ၏ အခွင့်အရေးများကို မြှင့်တင်ဖို့ ၊ ကာကွယ်ဖို့ ရည်ရွယ်ကျင်းပသွားတဲ့ ဒီပြိုင်ပွဲမှာ ဝါသနာရှင်တွေအတွက် အားတက်ဖွယ် စကားသံတွေကို မျှဝေပေးထားတာကတော့ ယခုပြိုင်ပွဲရဲ့ ၂၀၂၄ခုနှစ်အတွက် ပထမဆုရှင် Chit Su က အခုလိုပဲ မျှဝေပေးထားပါတယ်။
“ဒီပြိုင်ပွဲနဲ့ သင်တန်းကနေ ကျွန်တော့်ရဲ့ ဓာတ်ပုံရိုက်ကူးခြင်းအပေါ်ထားရှိတဲ့ အမြင်ကို အကြီးအကျယ် ပြောင်းလဲစေခဲ့ပါတယ်။ အနုပညာဆိုတာ အဆင့်မြင့်ကင်မရာတွေနဲ့မှ မဟုတ်ဘဲ ဖုန်းကင်မရာနဲ့လည်း ဖန်တီးလို့ရတယ်၊ ဖန်တီးတဲ့သူရဲ့ စိတ်ကူးနဲ့ အမြင်ကသာ အဓိကကျတယ် ဆိုတာကို ကောင်းကောင်းနားလည်ခဲ့ပါတယ်။ ဒီလိုနားလည်မှုအပေါ် အခြေခံပြီး လက်ရှိအချိန်မှာတော့ ကျွန်တော့်စိတ်ထဲမှာ ပေါ်လာတဲ့အရာတွေ၊ တွေ့ကြုံရတဲ့ အခိုက်အတန့်တွေကို ဘယ်လိုကင်မရာမျိုးနဲ့ပဲဖြစ်ဖြစ် မှတ်တမ်းတင် ဖန်တီးနေပါတယ်။ အဓိကအားဖြင့် ကျွန်တော့်ရဲ့ လက်ထဲမှာ အမြဲရှိနေတဲ့ ဖုန်းကင်မရာကိုပဲ အဓိကအသုံးပြုပြီး ရိုက်ကူးဖြစ်ခဲ့ပါတယ်။ နေ့စဉ်ဘဝမှာ မြင်တွေ့ရတဲ့ ရိုးရှင်းတဲ့ အရာဝတ္ထုတွေကစလို့ လူမှုရေးအကြောင်းအရာတွေကိုပါ ဓာတ်ပုံအနုပညာအဖြစ် ဖန်တီးနေပါတယ်။ ဒီလိုလုပ်ဆောင်ခြင်းအားဖြင့် ကိုယ်ပိုင်ဖန်တီးမှုတွေနဲ့ အမြင်တွေကို လွတ်လပ်စွာဖော်ပြနိုင်ပြီး ဓာတ်ပုံပညာအပေါ် ထားရှိတဲ့ ကျွန်တော့်ရဲ့ ဝါသနာကို ဆက်ပြီးရှင်သန်စေပါတယ်။”
⏰ပြိုင်ပွဲဝင်ဓာတ်ပုံများကို ၂၀၂၅ ခုနှစ် အောက်တိုဘာ (၈) ရက်နေ့၊ ထိုင်းစံတော်ချိန် ညနေ ၅နာရီ နောက်ဆုံးထားပြီး အောက်ဖော်ပြပါ Google form မှတဆင့် ပေးပို့ယှဉ်ပြိုင်နိုင်ပါပြီ။ ပြိုင်ပွဲဝင်များအနေနဲ့ မိမိတို့ရဲ့ ဝင်ခွင့်ကို အောင်မြင်စွာ တင်သွင်းပြီးမှသာ အတည်ပြုအီးမေးလ်ကို လက်ခံရရှိမှာ ဖြစ်ပါတယ်။
☎️ တင်ပြမှုလုပ်ငန်းစဉ်တွင် နည်းပညာပိုင်းဆိုင်ရာ အခက်အခဲများအတွက် အကူအညီလိုအပ်ပါက [Telegram (https://t.me/hellotobestie)] သို့ ရုံးချိန်အတွင်း ဆက်သွယ်နိုင်ပါတယ်။ မေးမြန်းမှု များပြားနိုင်တဲ့အတွက် အချိန်ကြန့်ကြာမှု အနည်းငယ်ရှိနိုင်တာကိုလည်း ကြိုတင်မေတ္တာရပ်ခံပါရစေေနော်။
Google form link: https://forms.gle/3ktjPhQ2XXz5r5VB7
📢ပြိုင်ပွဲအကြောင်းအသေးစိတ် ဖတ်ရှုရန် : https://www.facebook.com/share/p/1FL6GRxwLa/
#ရင်ခုန်သံ #အကျိုးပြုလှုပ်ရှားသက်တံ့ရောင်စုံများ
