ဆရာပြည့်စုံထွန်း KP ရှေ့ပြေးနက္ခတ်ဗေဒင်

16/09/2025

Page Name change ဖို့စိတ်ကူးထားလို့ ပို့စ် အသစ်တွေမတင်သေးပါ။ဗေဒင်မေးလိုပါက အောက်ဖော်ပြပါ။viber code ကို စကင် ဖတ်ပြီး ဆက်သွယ်နိုင်ပါသည်။

26/08/2025

Shwe Min
KP ဟူးရား သင်တန်းဆင်းပွဲနေ့ ကတော့၊ဆရာကြီးနဲ့ တခဏတွေထဲက အမှတ်အရဆုံး moment ပါပဲ။

13/08/2025

ဒီလိုလေးတွေလည်းလိုအပ်မယ်ထင်လို့ တင်ပေးလိုက်ပါတယ်။
အဟောကိုမှတ်တမ်းယူလိုက်နိုင်တာတချို့ပေါ့။
တုံးလွန်းအလွန်း ဉာဏ်မကောင်းလွန်းသော ကျွန်တော့လိုလူတောင် KP ပညာက ဒီလိုတွေဟောနိုင်အောင် စွမ်းအားမြှင့်ပေးပါတယ်။
လူတိုင်းအလွယ်တကူ လေ့လာနိုင်တဲ့ပညာရပ်ပါ။
ဒီလိုပညာကို လူတိုင်းအလွယ်လေ့လာနိုင်အောင် အိတ်သွန်ဖာမှောက် ပညာကုန်ပေးခဲ့သော၊ပေးနေကြဆဲဖြစ်သော ဆရာကြီးခရစ်သျှနာမူရ်တီး အဦးထား၍၊သင်ဆရာဖြစ်သော ဆရာကြီး ဦးရွှေမင်းနှင့်တကွ မြင်ဆရာ၊ကြားဆရာ အပေါင်းတို့အား အမြဲဂါရဝပြုဦးထိပ်တင်လျက်ပါ။

ှေ့ပြေးနက္ခတ်ဗေဒင်
#နက္ခတ်ဗေဒင်

10/08/2025

KP Astrology ဗေဒင်ဆရာတစ်ယောက်အဖို့ ဗေဒင်မေးလာတာနဲ့အရင်ဆုံးလုပ်ရတာကတော့ မေးတဲ့အချိန်မှာစိုးမိုးနေတဲ့ဂြိုဟ်တွေကို ဆိုက်ရောက်ဇာတာအရင်ဖွဲ့ပြီးတွက်ထားလိုက်ဖို့ကအရေးကြီးပါတယ်။
ဒီဇာတာဟာ မေးလာမယ့်မေးခွန်းတိုင်းအတွက် စံချိန်တခုလို၊ပင်မထောက်တိုင်တခုလို၊သမာဓိချိန်ခွင်လို၊မာစတာKey လို အမျိုးမျိုးအဖုံဖုံအသုံးတည့်ပါတယ်။
မူလဇာတာမေးလာမယ်ဆိုရင် မွေးချိန်မှန်မမှန်စစ်ဖို့ကအရေးအကြီးဆုံးပါ။
မွေးချိန်စစ်ဖို့ဆိုရင် ဆိုက်ရောက်ဇာတာနဲ့စိုးမိုးဂြိုဟ်ထုတ်စစ်ရတာပါ။
မွေးချိန်လွဲတာနဲ့ အဟောကတက်တက်စင်လွဲတာမျိုးဖြစ်တက်လို့ KP ဆရာတွေဟာမွေးချိန်ကို အထူးဂရုစိုက်ကြရပါတယ်။
အမိဝမ်းထဲကကျွတ်လာပြီး ပထမဆုံးစပြီးအသက်ရှုတဲ့အချိန်ကို စိုးမိုးဂြိုဟ်တွေနဲ့တိုက်ဆိုင်ပြီးတွက်ယူရတာပါ။
လက်ထဲဇာတာကြီးထိုးထည့်ပေးတာတောင် KP သမားက စစ်ဖြစ်အောင်စစ်ပါတယ်။
🔴ဟူးရားမေးခွန်းအတွက်လည်း စိုးမိုးဂြိုဟ်ဟာဇာတ်လိုက်ပါပဲ။သူမပါပဲ ဟူးရားဟောလို့ကိုမရတာပါ။
🔴ဒသာမဟောခင် အရင်ဆုံးသက်တမ်းစစ်ဖို့က ပဓာနကျပါတယ်။
အောင်မြင်ကြီးပွားမယ်လို့ ဟောလိုက်တဲ့ဒသာဟာ သူ‌ေနထိုင်ရမယ့် သက်တမ်းကျော်မှ ဖြစ်နေမယ်ဆိုရင် ဒါဟာအဓိပ္ပာယ်မဲ့တာပါပဲ။
မူလဇာတာမှာ သူဌေးဖြစ်ဖို့ကံမပါသူကိုလည်း ဟူးရားကဘယ်လိုပြပြ သူဌေးဖြစ်မယ်လို့ဟောလို့မဖြစ်ပါဘူး။
လတ်တလောအဖြစ်အပျက်အတွက်မဟုတ်ပဲ တဘဝလုံးနဲ့ဆိုင်တဲ့ ကံနဲ့ပတ်သက်တာတွေသိချင်ရင်တော့ မူလဇာတာကိုအရင်မေးတာပိုပြီးသင့်လျော်ပါတယ်။
မူလဇာတာက ဘာတွေပြသလည်းဆိုတော့
✨ကိုယ်နေထိုင်ရမယ့်ပျမ်းမျှသက်တမ်း။
✨ဒီဘဝမှာဘယ်လောက်ပမာဏထိချမ်းသာနိုင်မလည်း။
✨ထီပေါက်မယ့်ကံပါသလား။
✨အိမ်ခြံမြေယာဉ်ကားပိုင်ဆိုင်မလား။
✨ဘွဲ့ရပညာတက် သို့မဟုတ် အသိဉာဏ်နဲ့ဆင်ခြင်တုံတရားရှိမရှိ။
✨သတ္တိရှိရှိဘဝကိုရင်ဆိုင်နိုင်စွမ်းရှိမရှိ။
သားသမီးရမလား။အကျိုးပေးမလား။
✨ယှဉ်ပြိုင်လုပ်ကိုင်ရတာတွေမှာ ခက်ခဲမှာလား၊လွယ်ကူမှာလား။
✨အိမ်ထောင်ရေးကံရောကောင်းရဲ့လား။
✨အမွေ သို့မဟုတ် ရုတ်တရက်လုံးကနဲခဲကနဲ ရတက်တဲ့ကံမျိုးရှိသလား။
✨အတိတ်ကံကောင်းတွေက အထောက်အမပေးနိုင်လောက်အောင်အားရှိရဲ့လား။
✨ရာထူးရာခံ၊နာမည်တလုံးနဲ့နေနိုင်လုပ်ကိုင်စားသောက်နိုင်မှာလား။
✨သက်တောင့်သက်သာနဲ့ တဘဝလုံးလိုလို ပျော်ရွှင်ချမ်းမြေ့တက်တဲ့ဇာတာမျိုးလား။
✨နိုင်ငံခြားကံကောင်းရဲ့လား။
✨ဘုရားတရားကိုင်းရှိုင်းတဲ့ သူတော်ကောင်းဇာတာလား။
ဆိုတာတွေပါပဲ။
🔴အဲ့ဒီလိုဟောတာတော့ဟုတ်ပါပြီ ဘယ်တော့ဖြစ်မှာတုန်းဆိုတာမျိုးက ဒသာကာလတွေနဲ့ဆက်ဟောရပါတယ်။
ဘယ်ဂြိုဟ်မှ ဂြိုဟ်ဆိုးလုံးလုံး၊ဂြိုဟ်‌ေကာင်းလုံးလုံးမဟုတ်ဘူးလို့ ဆရာကြီးခရစ်သျှနာမူရ်တီး ပြောတဲ့အတိုင်းလိုပဲ ဘယ်ဒသာမှလည်း တောက်လျောက်ကြီးဆိုး၊တောက်လျောက်ကြီးကောင်းနေတာမျိုးမဟုတ်လို့ ‌ဆိုးတဲ့ဒသာမှာ မုန်တိုင်းမျက်စိလိုကောင်းတဲ့အချိန်လေးတွေရှိတက်သလို၊ကောင်းတဲ့ဒသာကာလမှာတောင် ကြားထဲ ထ ထပြီးဗွေဖောက်တက်ပါသေးတယ်။
ခြုံလိုက်ရင်တော့ အဆိုးဒသာက ပျမ်းမျှအားဖြင့်အဆိုးကများတာပေါ့။
ကောင်းတဲ့ဒသာလည်းထို့အတူပါပဲ။
ကိုယ်ဘယ်ကာလတွေမှာ ကောင်းမယ်၊ဘယ်ကာလတွေမှာညံ့မယ် ဆိုတာတွေကြိုသိထားရင် ကောင်းမယ့်အချိန်အတွက် အားခဲထားနိုင်သလို၊မကောင်းမယ့်အချိန်အတွက်လည်း သိပ်မတုန်လှုပ်ပဲကြိုပြင်ဆင်ထားနိုင်ခဲ့ရင် အလစ်အငိုက်မှာရုတ်တရက်ခံရတာမျိုးမဟုတ်တော့ သိပ်ရုပ်ပျက်ဆင်းပျက်မဖြစ်တော့ဘူးပေါ့။
ဒီလို တိတိကျကျ ညွှန်ပြပေးနိုင်ပြီး "ရှေ့မှာချောက်ကြီးဟ"ဆိုပြီးဆွဲထား တားထားသတိပေးနိုင်လောက်အောင် KP နက္ခတ်ဗေဒင်က အစွမ်းရှိပါတယ်။
👉လုပ်ငန်းစတင်ရန်၊ကလေးမွေးဖွားရန်၊ဝန်ထမ်းခန့်ထားရန်၊သ‌ေဘာတူစာချုပ်ချုပ်ရန် စသဖြင့်
စသဖြင့် အကောင်းဆုံးအချိန်တွေကို အတိအကျရွေးချယ်ပေးနိုင်ခြင်းဟာ ကုသိုလ်လည်းရ ဝမ်းလည်းဝသလိုအများအကျိုး၊နိုင်ငံ့အကျိုးကိုလည်းသယ်ပိုးရာလည်းရောက်စေလို့ ဤKP နက္ခတ်ပညာကို ရှာဖွေဖော်ထုတ်ပေးခဲ့သော ဆရာကြီးခရစ်သျှနာမူရ်တီး၊
သင်ဆရာဖြစ်သောဆရာကြီး ဦးရွှေမင်းနဲ့ ပညာမျှဝေပေးနေကြသော KP နောက်လိုက်ဆရာများအားလုံးကို အမြဲကျေးဇူးတင်မဆုံး ဂါရဝပြုလို့မဆုံးနိုင်အောင်ရှိရပါတယ်။🙏🙏🙏
Astrology
ရှေ့ပြေးနက္ခတ်ဗေဒင်

08/08/2025

✨KP ဟူးရားဗေဒင်နှင့် ပျောက်ဆုံးပစ္စည်း✨

တန်ဖိုးရှိသောပစ္စည်းတခုပျောက်ဆုံးသွားခြင်းသည်စိတ်အနှောက်အယှက်ဖြစ်စေပြီး စိတ်သောက ရောက်ကာပူပန်မှုများကိုခံစားရနိုင်သည်။အဖိုးတန်လက်ဝတ်ရတနာဖြစ်စေ၊ အရေးကြီးစာရွက်စာတမ်း များဖြစ်စေ၊ မရှိမဖြစ်လိုအပ်သောဖုန်းဖြစ်စေ အရေးကြီးသည့်အရာတခု ပျောက်ဆုံးသွားခြင်း၏ စိုးရိမ်ပူပန်မှုသည် ထိုပစ္စည်းပေါ်တွင်မိမိတန်ဖိုးထားသည့်အလျောက်ပူလောင်သောကဖြစ်စေသည်။
ထိုကဲ့သို့သော ပူပန်သောကရောက်နေသူများအတွက် အားထားရာ ဆရာကြီးကရစ်ရှ်နာမူရ်တီ၏ KP ရှေ့ပြေးနက္ခတ်ဗေဒင်သည်အစွမ်းထက်ပြီးတိကျသောကရိယာတခုအဖြစ်ပေါ်ထွက်လာခဲ့သည်။ KPဗေဒင်သည် နက္ခတ်စနစ် ဖြင့်ဟောကိန်းထုတ်သည့် ထူးခြားသည့်ဗေဒင်စနစ်တခု ဖြစ်ပြီး ဟူးရား(သို့မဟုတ်)ပြဿနာဇာတာခွင်များတွင်ယင်း၏တိကျမှုကြောင့်အထူးထင်ရှားသည်။ ပစ္စည်းပျောက်ဆုံးမှုများအတွက်မေးခွန်းမေးလာသည့် တိကျသောအအချိန်အပိုင်းအခြားအတွင်း ဂြိုဟ်များ၏တည်နေရာနှင့် ဘာဝများ၏အဓိပ္ပာယ်များကို အသေးစိတ်ခွဲခြမ်းစိတ်ဖြာ ၍ဇာတာခွင်တွက်ချက်ခြင်းဖြင့် KP နက္ခတ်ဗေဒင်သည် ပျောက်ဆုံးနေသောပစ္စည်း၏ တည်နေရာ၊သဘောသဘာဝနှင့်လက္ခဏာများ စသည့် အရေးကြီးသောသဲလွန်စ များကို ပေးစွမ်းနိုင် ပါသည်။
KP ဟူးရားနက္ခတ်ဗေဒင်၏ အဓိကအခြေခံအချက်မှာ မေးမြန်းသူစိတ်ခံစားချက် အခြေအနေ ဖြစ်ပီး ဇာတာခွင်တွက်ချက်မှုတွင်အလွန်အရေးပါသော အခန်းကဏ္ဍဖြစ်ပေသည်။ မေးမြန်းသူ၏ မေးခွန်းနောက်ကွယ်တွင်စစ်မှန်သောစိတ်ခံစားမှုဆိုင်ရာ စွမ်းအင်ရှိမှသာ အထိရောက်ဆုံးလုပ်ဆောင်နိုင် သည်။ ဤစိတ်ခံစားချက်ပြင်းထန်မှုသည် မေးမြန်းသည့်အချိန်ကို ထူးခြားသော နက္ခတ်ဗေဒင်ဆိုင်ရာ လက္ခဏာဖြင့် ပြည့်နှက်စေပြီး ဇာတာခွင်ကိုပိုမိုတိကျရှင်းလင်းစွာ ညွှန်ပြစေသည်။ ဤနက်ရှိုင်းသော စိတ်ခံစားမှုမရှိပါက ဇာတာခွင်သည် မရေရာသောရလာဒ်များကိုပေးနိုင်ပြီး ပေါ့ပျက်ပျက် လေးနက်မှု ကင်းစွာမေးမြန်းခြင်းကို ရောင်ပြန်ဟပ်စေနိုင်သည်။
🔴ဆိုလိုသည်မှာ အမှန်တကယ် သိချင်စိတ်ပြင်းပြစွာ ရိုးရိုးသားသားမေးမြန်းမှသာ အဖြေမှန်ကိုပေးနိုင်သည်ကို သတိပြုရန်ဖြစ်ပါသည်။

ဟူးရားသည် ဖြစ်မယ်/မဖြစ်ဘူး။ ရမယ်/မရဘူး (Yes/No) အဖြေကို ပြတ်သားစွာထုတ်ပေးနိုင်ပီး
ယင်းကိစ္စဖြစ်မည်ဟုအဖြေထွက်ပါက ဖြစ်ပျက်မည့်ရက်စွဲ၊အချိန်ကာလကိုပါ အနီးစပ်ဆုံးတိကျစွာ တွက်ချက် ပေးနိုင်သော နက္ခက်ဗေဒင်စနစ်ဖြစ်ပေသည်။
🔴ဟူးရားဗေဒင်၏ နောက်ထပ်အရေးကြီးသည့်အချက်မှာတိကျသောမေးမြန်းမှုရှိရန်လိုအပ်ပါသည်။
မေးမြန်းသူသည်ကာယကံရှင်ကိုယ်တိုင်လား?
ကိုယ်စားမေးခြင်းလား?
ကာယကံရှင်မဟုတ်ခဲ့ပါက ကာယကံရှင်နှင့်မည်သို့တော်စပ်၊ပတ်သက်သနည်း?
💢ဤအချက်များကိုမစူးစမ်းပဲဟောပြောမိပါက ဟောပြောချက်ကိုပြောင်းပြန်ဖြစ်သွားလောက်အောင်အထိသက်ရောက်မှုကပြင်းထန်လွန်းလှသည်။
တခါကအမျိုးသမီးတယောက်သူ့အမျိုးသားအတွက်ဆိုကာ“ထောင်ကဘယ်တော့လွတ်မလည်း” ဟူသောခေါင်းစဉ်ဖြင့်‌မေးမြန်းလာပေသည်။
အမျိုးသမီးမေးချိန်ဖြင့်ဇာတာဖွဲ့၍ ၄င်း၏ခင်ပွန်းသည် အတွက်ကြည့်သောအခါထောင်ကျဖို့ဝေးစွအကျဉ်းကျနေသည်ကိုမျှမတွေ့ရပေ။
တစုံတရာလွဲချော်နေသည်ဟုထင်၍ငယ်လင်ငယ်မယားလားမေးမှ ဒုတိယအိမ်ထောင်ဖြစ်နေသော ကြောင့်ထပ်မံတွက်ချက်ခဲ့ရသည်။
KP နက္ခတ်စနစ်ဖြင့်တွက်ချက်ရာတွင် ပထမအိမ်ထောင်အတွက် ၇-တန့်ကိုကြည့်ရပီး ၊ ဒုတိယအိမ်ထောင်ဖြစ်ပါက ၉-တန့်ကိုကြည့်ရပေသည်။
တိကျသောအဖြေထုတ်နိုင်ရန်တိကျသောမေးမြန်းမှုသည်အရေးကြီးလှပေသည်။
လက်ရှိအခြေအနေကို ပွင့်ပွင့်လင်းလင်းပြောမှသာ အဟောအတွက် ဆုံးဖြတ်ချက်ချသည့်အခါ မှန်ကန်သောဆုံးဖြတ်ချက်ကို အနီးစပ်ဆုံးရရှိနိုင်မည်ဖြစ်ပါသည်။
👉ပျောက်ဆုံးပစ္စည်းနှင့်ပတ်သတ်သောတွက်ချက်ခြင်းကိစ္စကိုဆက်သွားကြပါစို့။
ပျောက်ဆုံးပစ္စည်းပြန်လည်ရရှိနိုင်ရန် ဟူးရားဇာတာဖွဲ့ပြီး ၁၁ တန့်သန္ဓိဘုတ္တိနက္ခတ်သခင်ဂြိုဟ်သည် ၃တန့်၁၁တန့်အကျိုးဆောင်ထားပါကပြန်လည်ရရှိနိုင်မည်။အကယ်၍ ၁၂ တန့်ကိုသာညွှန်ပြလျှင် လုံးဝပျောက်ဆုံး သွားပြီဖြစ်၍ပြန်မရနိုင်ပါ။
အောက်ဖော်ပြပါဇာတာတွင် ၁၁တန့်ဘုတ္တိသည် ၃င်္ဂါဖြစ်ပြီး ၁ ၃ ၃ ၆,၁၁ အကျိုးဆောင်ဖြစ်နေ၍ ပြန်လည်ရရှိမည်ဖြစ်သည်။
မည်သည့်အချိန်ပြန်လည်ရရှိမည်ကို စိုးမိုးဂြိုဟ်များကဆုံးဖြတ်သည်။
ဇာတာဖွဲ့ချိန်တွင်စိုးမိုးသောဂြိုဟ်များနှင့် ၂တန့်(ဥစ္စာဓန)၊၆တန့်(ကြွေးမြီ၊ပြန်လည်ရရှိမှု)၊၁၁တန့်(ရရှိမှု၊ပြည့်စုံမှု၊ဆန္ဒပြည့်ဝမှု) ဘာဝတို့ အကျိုးဆောင်ထားသောဂြိုဟ်တို့သည် တူညီသောဂြိုဟ်များဖြစ်လျှင် အပြုသဘောဆောင်ပြီး ပျောက်ဆုံးပစ္စည်းပြန်လည်ရရှိနိုင်သည်။
စိုးမိုးဂြိုဟ်များသည် ၅တန့်(ရရှိမှုမှဆုံရှုံးခြင်း)၊၈တန့်(အတားအဆီး၊စိတ်ညစ်စရာ)၊၁၂ တန့် (အပြီးအပိုင်ဆုံးရှုံးခြင်း) ဘာဝများကိုအကျိုးဆောင်သောဂြိုဟ်များနှင့်တူညီပါက ပြန်မရနိုင်တော့ပါ။
ယခုဇာတာတွင် ၂တန့်၊၆တန့်၊၁၁တန့် ဇာတ်ဆောင်ဂြိုဟ်များသည် ၂င်္လာ၊၃င်္ဂါ၊၄ဟူး၊၆ကြာတို့ဖြစ်ကြပြီး၊
စိုးမိုးဂြိုဟ်များမှာ ၁နွေ၊၂င်္လာ၊၃င်္ဂါ၊၆ကြာ၊၈ဟု၊၉ကိတ်တို့ဖြစ်ကြသည်။
အားကောင်းသောဇာတ်ဆောင်ဂြိုဟ်များကိုရှာဖွေသော် ၂င်္လာ၊၃င်္ဂါ၊၆ကြာတို့ဖြစ်ကြသည်။
အခါလဂ်သည် ၄ဟူးရာသီ(ကန်ရာသီ)၊၁နွေနက္ခတ်၊၉ကိတ်ဘုတ္တိနက္ခတ်တွင်တည်နေသည်။
၉ကိတ်သည်အသွားမြန်သော၂င်္လာ၊၃င်္ဂါတို့နှင့်တရာသီထည်းရပ်နေသဖြင့်အမြန်ပြန်ရမည်ဖြစ်သည်။
လဂ်ကို အားကောင်းသောဇာတ်ဆောင်ဂြိုဟ်များနှင့်တိုက်ဆိုင်တူညီသော sensitive point ရှိရာကိုလှည့်သော်၁နွေရာသီနှင့်၄ဟူးရာသီတို့သည် အားကောင်းသောစိုးမိုးဂြိုဟ်တွင်ပါဝင်လာခြင်းမရှိတော့သောကြောင့်လည်းကောင်း၊ထိုအချိန်သည် ပျောက်ဆုံးသူသည် သင်တန်းတက်ရောက်နေချိန်ဖြစ်နေသောကြောင့်လည်းကောင်းတူရာသီကိုယူလိုက်သည်။

တူရာသီသည် ၆ကြာပိုင်ဖြစ်ပြီးစိုးမိုးဂြိုဟ်တွင်ပါဝင်သည်။
တူရာသီတွင်ပထမဆုံးလာမည့်စိတြနက္ခတ်သည်၃င်္ဂါပိုင်သည်။ထို့ကြောင့် တူရာသီ၊စိတြနက္ခတ်၊၂င်္လာဘုတ္တိပေါ်လဂ်ဖြတ်ကျော်ချိန်ကို ပိုက်ဆံအိတ်ပြန်ရမည့်အချိန်အဖြစ်ယူလိုက်သည်။
၎င်းကို အချိန်အဖြစ်ပြောင်းသော် ၁၁နာရီ၄၆မိနစ်ဝန်းကျင်ဖြစ်ရာ အမှန်တကယ်ပင်ထိုအချိန်ကာလအတွင်း၌ပင်ပိုက်ဆံအိတ်ကိုပြန်လည်ရှာတွေ့ခဲ့ပေသည်။
ဆရာကြီးကရစ်ရှ်နာမူရ်တီးတီထွင်ခဲ့သော သိပ္ပံနည်းကျနက္ခတ်ဗေဒင်သည်အံ့အားသင့်လောက်အောင်အဖြေမှန်ကိုပေးပေသည်။
ဤ စာစုဖြင့် သင်ဆရာဖြစ်သောဆရာကြီးဦးရွှေမင်းနှင့်တကွ မြင်ဆရာများဖြစ်ကြကုန်သော ကေပီနောက်လိုက်ဆရာအားလုံးတို့အားဂါရဝပြုပါသည်။
လူအများအား ကေပီနက္ခတ်ဗေဒင်ပညာဖြင့် အလုပ်အကြွေးပြုနိုင်သောကိုယ်ဖြစ်ရပါစေသား။
Astrology
ရှေ့ပြေးနက္ခတ်ဗေဒင်

06/08/2025

သင့်အနာဂတ်ကို KP Astrology နည်းနဲ့မတွက်စစ်ဖူးသေးရင် နောက်ကျကျန်ခဲ့မယ်နော်။
KP နက္ခတ်ဗေဒင်ဖြင့် ဘဝမြင်ကွင်းသစ်တွေဖွင့်လှစ်လိုက်ပါ။
✨ဘဝမှာ ရုတ်တရက်အတားအဆီးတွေ၊မတော်တဆမှုတွေ?
💰အလုပ်အကိုင်၊စီးပွားရေး အကွက်အကွင်းတွေ၊
ဘယ်အချိန်မှာလှုပ်ရမလည်း၊ငြိမ်ရမလည်း?
👥အချစ်ရေး၊အိမ်ထောင်ရေး အဆင်ပြေမှာလား?
ဘယ်တော့အိမ်ထောင်ကျမလည်း။လက်ရှိချစ်သူနဲ့ပေါင်းရမလား?
✨မိသားစုထဲမှာ ထီကံဘယ်သူအကောင်းဆုံးလည်း?စီးပွားရေးကံဘယ်သူအကောင်းဆုံးလည်း?
🚗အိမ်၊ခြံ၊မြေ ယာဉ်ကား ပိုင်ဆိုင်ရမယ်ကံပါ၊မပါ။
ဘယ်တော့ပိုင်ရမလည်းဆိုတာတွေ?
✨စသဖြင့်
✨စသဖြင့်
✨စသဖြင့်
✨KP ရှေ့ပြေးနက္ခတ်ပညာနဲ့ ဆန်းစစ်လို့ရပါတယ်။
👉တိတိကျကျတွက်ချက်ပေးလို့ရပါတယ်။
👉အကောင်းဆုံးအချိန်တွေရွေးချယ်လမ်းညွှန်ပေးလို့ရပါတယ်။✨

👉အခုပဲဆက်သွယ်လိုက်ရအောင်
ဆရာပြည့်စုံထွန်း KP ရှေ့ပြေးနက္ခတ်ဗေဒင်
🔗https://www.facebook.com/share/19DX3svpEV/
📱09250285911Viber,Kpay

ဆရာဘုဏ်းပြည့်စုံ (KP ရှေ့ပြေးနက္ခတ်ဗေဒင်)

06/08/2025


အားပါးတရတွက်ချလိုက်‌ပြီးမှ လွတ်မယ့်ကာလကဝေးလွန်းနေတော့ ဟောရမှာတောင်အားမရှိတော့ဘူး။ကာယကံရှင်ဆိုပိုဆိုးမှာပေါ့လေ။ဒါပေမယ့်အမေးရှိတော့လည်း အဖြေထုတ်ပေးလိုက်ရပါတယ်။သူ့မွေးဇာတာလည်းပေးထားတော့ တချက်ကြည့်ကြည့်လိုက်မိတယ်။၁၂တန့်သန္ဓိဘုတ္တိဟာ ၆ကြာဖြစ်ပြီး ၈ဟုနက္ခတ်၊၈ဟု ဘုတ္တိကိုစီးထားတော့ ၁၂တန့်ဘုတ္တိသခင်ဟာ ရာဟုနဲ့ပတ်သက်ရင် ထောင်ကျနိုင်တယ်ဆိုတဲ့ KP ဥပဒေသဟာမလွဲပါလားလို့တွေးလိုက်မိပါတယ်။ # KP Astrology
ရှေ့ပြေးနက္ခတ်ဗေဒင်

02/08/2025

KP ဟူးရားနည်းဆိုတာဒီလိုအတိအကျ ဟောပါတယ်။

အဖမ်းခံထားရတဲ့ကားပြန် လွတ်မလား?
ဘယ်တော့လည်း?
နှင့် KP ရှေ့ပြေးနက္ခတ်ဗေဒင်
Astrology
#နက္ခတ်ဗေဒင်

02/06/2025

KP Astrology ရဲ့ မူရင်းတည်ထောင်သူ ဂုရုကြီး K.S. Krishnamurti အကြောင်း

KP Astrology (Krishnamurti Paddhati) ရဲ့ မူရင်းတည်ထောင်သူ ဂုရုကြီး K.S. Krishnamurti (Krishnamurti, Sundara Rajan) ဟာ ၂၀ ရာစုရဲ့ အကျော်ကြားဆုံး နက္ခတ္တဗေဒပညာရှင်တွေထဲက တစ်ဦးဖြစ်ပါတယ်။ သူဟာ ၁၉၀၈ ခုနှစ် နိုဝင်ဘာလ ၁ ရက်နေ့မှာ တောင်အိန္ဒိယနိုင်ငံ၊ တီရူဗိုင်ယာရူး (Tiruvaiyaru) မှာ မွေးဖွားခဲ့ပြီး ၁၉၇၂ပြည့်နှစ်မှာ ကွယ်လွန်ခဲ့ပါတယ်။

ပညာရေးနဲ့ အစောပိုင်းဘဝ

Krishnamurti ဟာ ငယ်စဉ်ကတည်းက နက္ခတ္တဗေဒကို စိတ်ဝင်စားခဲ့ပြီး ကျော်ကြားတဲ့ နက္ခတ္တဗေဒပညာရှင်တွေဖြစ်တဲ့ B. Suryanarayana Rao နဲ့ K. Rajagopalachari တို့ဆီက ပညာသင်ယူခဲ့ပါတယ်။ သူဟာ သင်္ချာနဲ့ တွက်ချက်မှုမှာ ထူးချွန်သူတစ်ဦးဖြစ်ပြီး ဂြိုဟ်တွေနဲ့ နက္ခတ်တာရာတွေရဲ့ ရွေ့လျားမှုကို တိတိကျကျ တွက်ချက်ရာမှာ ကျွမ်းကျင်ခဲ့ပါတယ်။

KP Astrology ကို တည်ထောင်ခြင်း

Krishnamurti ဟာ ဗေဒင်ပညာရဲ့ အားနည်းချက်တွေကို တွေ့ရှိခဲ့ပြီး ပိုမိုတိကျတဲ့ ဟောကိန်းထုတ်နိုင်တဲ့ နည်းလမ်းတစ်ခုကို ရှာဖွေခဲ့ပါတယ်။ သူဟာ Vedic Astrology ရဲ့ အခြေခံမူတွေပေါ်မှာ အခြေခံပြီး Western Astrology ကနေ အယူအဆအချို့ကို ပေါင်းစပ်ကာ KP Astrology ကို တီထွင်ခဲ့ပါတယ်။
KP Astrology ရဲ့ အဓိကထူးခြားချက်တွေကတော့:
* Sub-lord (နက္ခတ်ခွဲရှင်) အယူအဆကို အသုံးပြုခြင်း။
* Planetary significations (ဂြိုဟ်များရဲ့ ကိုယ်စားပြုမှု) ကို အလေးထားခြင်း။
* Ruling Planets (စိုးမိုးဂြိုဟ်များ) ကို အသုံးပြုပြီး အချိန်တိကျစွာ ဟောကိန်းထုတ်ခြင်း။
* Cuspal Interlinks (ရာသီခွင်အိမ်အနားစွန်း ဆက်နွယ်မှု) ကို အသုံးပြုခြင်း။
ဒီနည်းလမ်းတွေကြောင့် KP Astrology ဟာ ပိုမိုတိကျပြီး အချိန်အပေါ် အခြေခံတဲ့ ဟောကိန်းတွေကို ထုတ်ပြန်နိုင်ခဲ့ပါတယ်။

ကျော်ကြားမှုနဲ့ အမွေအနှစ်

Krishnamurti ဟာ သူ့ရဲ့ KP Astrology နည်းလမ်းကို "Krishnamurti Paddhati" အမည်နဲ့ စာအုပ်ပေါင်းများစွာ ရေးသားထုတ်ဝေခဲ့ပါတယ်။ သူရဲ့ စာအုပ်တွေဟာ ကမ္ဘာတစ်ဝန်းက နက္ခတ္တဗေဒပညာရှင်တွေနဲ့ သင်ယူသူတွေကြားမှာ ရေပန်းစားခဲ့ပါတယ်။
သူဟာ "Astrology and Athrishta" ဆိုတဲ့ နက္ခတ္တဗေဒမဂ္ဂဇင်းကိုလည်း ထုတ်ဝေခဲ့ပြီး KP Astrology ရဲ့ အခြေခံမူတွေနဲ့ အသုံးပြုပုံတွေကို ဖြန့်ဝေခဲ့ပါတယ်။ Krishnamurti ဟာ အိန္ဒိယနိုင်ငံအနှံ့အပြားမှာ ဗေဒင်ဟောပြောပွဲတွေနဲ့ သင်တန်းတွေ ပို့ချခဲ့ပြီး တပည့်ပေါင်းများစွာကို မွေးထုတ်ပေးခဲ့ပါတယ်။
ဂုရုကြီး K.S. Krishnamurti ဟာ ဗေဒင်ပညာလောကမှာ တော်လှန်ပြောင်းလဲမှုတွေ ပြုလုပ်ခဲ့တဲ့ ပုဂ္ဂိုလ်တစ်ဦးဖြစ်ပြီး သူတီထွင်ခဲ့တဲ့ KP Astrology နည်းလမ်းဟာ ဒီနေ့ခေတ်အထိ နက္ခတ္တဗေဒပညာရှင်များစွာက အသုံးပြုနေဆဲဖြစ်ပါတယ်။ သူ့ရဲ့ လုပ်ဆောင်မှုတွေဟာ နက္ခတ္တဗေဒပညာကို ပိုမိုတိကျပြီး သိပ္ပံနည်းကျဆန်စေခဲ့တယ်လို့ ဆိုနိုင်ပါတယ်။
AI ပြောသော ဆရာကြီး K.S.K
Crd ဆရာပုညသိန်းနိုင်

11/05/2025

မူလဇာတာ တသက်တာအဟောအတွက် မေးမြန်းလိုပါက
၁။မွေးဖွားရာဒေသမြို့/ရွာ
၂။မွေးနေ့သက္ကရာဇ်
၃။မွေးချိန် တို့လိုအပ်သည်။

ဟူးရားဇာတာ(အကြောင်းအရာတခုထဲသီးသန့်)အတွက်
မွေးချိန်၊မွေးဖွားရာဒေသ၊နေ့နံ၊မွေးသက္ကရာဇ် မလိုအပ်ပါ။
၁။ရိုးသားစွာသိလို၍မေးမြန်းခြင်း
၂။ဆရာမှတောင်းဆိုပါက ဆန္ဒဂဏာန်း ၁ မှ ၂၄၉ အတွင်း ရွေးခြယ်ပေးရန် နှစ်ချက်သာလိုအပ်ပါသည်။
မေးမြန်းသည့်ကိစ္စ ဖြစ်မည်။/မဖြစ်မည်ကို ရှင်းလင်းတိကျစွာဖြေကြားပေးပြီး မည်သည့်ကာလအတွင်းဖြစ်ပျက်မည်ကိုဟောကြားပေးပါသည်။

09/03/2025

KP ရှေ့ပြေးနက္ခတ်ဗေဒင်သည် အနာဂတ်ကို မှန်ကန်ရှင်းလင်းစွာ လမ်းညွှန်နိုင်ပေသည်။
သိပ္ပံနည်းကျအထပ်ထပ် သုတေသနပြုလုပ်ပြီးဖြစ်သောကြောင့် စိတ်ချယုံကြည်နိုင်သော နက္ခတ်ဗေဒင်ဖြစ်သည်။
တိတိကျကျဆိုရပါလျှင် နက္ခတ်ခွဲဗေဒင်(သို့မဟုတ်)နက္ခတ်ဘုတ္တိဗေဒင်ဟုဆိုရပေမည်။
သမားရိုးကျ နက္ခတ်ဗေဒင်မှ သုတေသနအခြေခံ၍ ထပ်ဆင့်ပေါ်ထွက်လာပြီး ရိုးရှင်းသလောက် မှန်ကန်လှပေသည်။
မှန်ကန်သောမွေးဖွားချိန်ဖြင့် ဘဝတစ်သက်တာအတွက် ကိစ္စတခုချင်းစီအလိုက် ကံပါ/မပါ စစ်ဆေးနိုင်ခြင်းကြောင့် မလိုအပ်သည့်နေရာ၌ အင်အား၊အချိန် စသည်ကို အလဟဿ မကုန်ခြင်း ဆိုသည့် အဖိုးဖြတ်မရသည့် အကျိုးကိုရရှိစေသည်။
မည်သည့်အချိန်တွင် မည်သည့်ကိစ္စကို စတင်လုပ်ဆောင်ရမည်၊‌ေအာင်မြင်မည်ကို တိတိကျကျညွှန်ပြနိုင်ခြင်းရှိ၍ အောင်မြင်မှုကိုချိန်သားကိုက်ရရှိစေသည်က KP နက္ခတ်ဗေဒင်၏ ထူးခြားသည့်တန်ဖိုးတခုပင်ဖြစ်သည်။
အဖြူလားအမည်းလား၊ဒီကိစ္စဖြစ်မှာလား မဖြစ်ဘူးလား yes or no ဖြေဆိုနိုင်ယုံမက ပေါ်ပေါက်မည့်ကာလကိုပင် တွက်ချက်ပေးလိုက်နိုင်သေး၏။
ဤမျှအဖိုးထိုက်လှသော KP ရှေ့ပြေးနက္ခတ်ဗေဒင်ပညာကို လေ့လာသင်ယူခွင့်ရခဲ့သည်က ကျွန်တော့်အဖို့‌‌တော့ထီ‌အကြိမ်ကြိမ်ပေါက်သကဲ့သို့ပင်ရှိတော့သည်။
KP နက္ခတ်ဗေဒင်၏ အသီးအပွင့်တို့ကို စတင်မြည်းစမ်းရင်း အခြားသူများကိုပါ အသုံးချစေလိုစိတ်တို့တဖွားဖွားဖြစ်ပေါ် လာမိသည်။
အနာဂတ်ကို ကြိုတင်ခန့်မှန်းနိုင်ခြင်း၏တန်ဖိုးကား ကြီးမားလွန်းလှသည်။
ပိန်းပိတ်အောင်မှောင်မည်းနေသည့် အနာဂတ်ကို လျှပ်စီးလေးတပြတ်စာလောက်သာ မြင်ခွင့်ရခဲ့လျှင်ပင် ဆူးကိုမြင်နိုင်သည်။ချောက်ကိုမြင်နိုင်သည်။
မဖြစ်မနေ နင်းဖြတ်ကျော်လွှားရလျှင်တောင် ဆူးဆိုလျှင်ဖော့နင်းမည်။ချောက်မှန်းသိလျှင် သတိနှင့်ဆင်းမည်ဆိုလျှင် ဒဏ်ရာမကြီးနိုင်၊အကျမနာနိုင်ပေ။
ဖြောင့်ဖြူးသည့်လမ်းမှန်းသိခဲ့လျှင် တုံ့ဆိုင်းဆုတ်ဆိုင်းခြင်းကင်းပြီး ပိုမိုလျှင်မြန်စွာခရီးနှင်နိုင်၊ခရီးတွင်နိုင်ပေမည်။KP နက္ခတ်ဗေဒင်ဖြင့် သင်၏အောင်မြင်မှုကိုအားဖြည့်ပေးပါရစေ။သင်၏နာကျင်မှုကို လျှော့ချပေးပါရစေ။လုံးလုံးမနာကျင်အောင်ကား ယတြာမရှိသည့်KP နက္ခတ်ဗေဒင်က မစွမ်းဆောင်နိုင်ပါ။
ထို့ကြောင့် KP ဗေဒင်ဟောပြောသူများသည်ယတြာကြေးမယူသလို ယတြာလည်းမပေးပါ။
အနာသိ၍ ကုစားနည်းတချို့ကို ဝေဒနာသက်သာစေယုံလောက်သာ ပေးစွမ်းနိုင်ပေသည်။
ကံကြမ္မာကို လုံးလုံးလျားလျားပြောင်းလဲသွားစေရန်ကား မဖြစ်နိုင်သည့်ကိစ္စ မဟုတ်ပါလော။
စကားကုန်ပြောရလျှင် ကြီးမားသောအတိတ်ကံ အကျိုးပေးချိန်ကျရောက်လာလျှင် ဘုရားသော်မှတက်ကောင်းသည့်ကိစ္စမဟုတ်သောကြောင့် မကောင်းသောကံဖြစ်ပါက အကျိုး‌မပေးမှီ တရားဟောခြင်း၊တရားပြခြင်း၊ကုသိုလ်တရားတိုးပွားအောင်ပြုလုပ်ပေးခြင်းတို့သာ တက်နိုင်သည်မဟုတ်ပါလော။

ဆရာပြည့်စုံထွန်း(ကိုပြည့် KP)
Viber ph no: 09250285911

05/06/2023

အလုပ်ပြောင်းတော့မယ်။
ဗေဒင်ဟောမယ်။
အတည်ကြီးပြောတာပါနော်။
ဆရာကြီးခရစ်ရှနာမူတီးရဲ့ သိပ္ပံနည်းကျ သုတေသနအထပ်ထပ်လုပ်ထားပြီးတဲ့ KP ရှေ့ပြေးနက္ခတ်ဗေင် နည်းနဲ့ဟောပေးပါမယ်။
တယ်လီဂရမ်။viber ph no:က 09-250285911 ပါ။
ဒီဗေဒင်မှာက ယတြာတော့မပေးပါဘူး။
၁~လတ်တလော သိချင်သော အကြောင်းအရာတခုအတွက် ဖြစ်မယ်မဖြစ်ဘူးယတိပြတ်ဟောပေးပြီး။ဖြစ်မယ်ဆိုပါက ဖြစ်ပျက်မယ့်ရက်စွဲကိုပါ ဟောပေးတဲ့ဟူးရားဗေဒင်နည်းဖြင့်ဟောခြင်း။
၂~မွေးနေ့သက္ကရာဇ်။မွေးချိန်။မွေးဖွားရာဒေသ။တို့ဖြင့်ဇာတာဖွဲ့တွက်ချက်ပြီးတနှစ်စာဟောစာတမ်း။တသက်စာဟောစာတမ်းထုတ်ပေးခြင်း။
၃~မွေးချိန်မသိသူများ။မွေးသောနေ့ရက်ကိုပင်မသိသူများအတွက်တော့ တသက်တာဟောစာတမ်းမရနိုင်ပေမယ့် တနှစ်စာဟောစာတမ်းထုတ်ပေးခြင်း။
တွေနဲ့ဟောပြောပေးပါမည်။ယတြာမပေးပေမယ့် တိကျသောအဟောများဖြင့် ဝန်ဆောင်မှုပေးပါမည်။
၄~အိမ်ဆောက်။အိမ်သစ်တက်။လုပ်ငန်းသစ်စတင်ချိန်။ဘဏ်စာရင်းဖွင့်ရန်အကောင်းဆုံးအချိန်။ကျောက်ဝယ်ရန်။သွေးရန်ဖြတ်ရန်အကောင်းဆုံးအချိန်။ထီထိုးရန်အ‌ေကာင်းဆံုးအချိန်။ဘဏ်မှငွေချေးရန်(သို့)အခြားလူထံမှငွေချေးရန်အကောင်းဆုံးအချိန်။ကြွေးတောင်းရန်အကောင်းဆုံးအချိန်.....စသဖြင့် ...စသဖြင့်....စသဖြင့် အကောင်းဆုံးအခါရွေးခြင်းဝန်ဆောင်မှုလည်းရှိပါသည်။

ပုံကတော့ ကျေးဇူးရှင် ဆရာကြီးခရစ်သျှနာမူတီးရဲ့ပုံပါ။