https://www.facebook.com/116349844754816/

လကြည့်ခြင်းဆိုင်ရာ နည်းပညာအထောက်အကူပြုအဖွဲ့, Yangon (2025)

25/07/2025

As-salamu alaykum

လကြည့်ခြင်းဆိုင်ရာ နည်းပညာအထောက်အကူပြုအဖွဲ့အနေဖြင့် Hijri 1447 ခုနှစ် ဆွဖရ်လ၏ ဆန်းဦးလကို ၂၅၊၇၊၂၀၂၅ (မုဟရ်ရမ်လ ၂၉ ရက်) ညနေ နေဝင်ချိန်(မဂ်ရိဘ်)အပြီးမှာ ရန်ကုန်မြို့အပါအဝင် အခြားနေရာဒေသများမှရှာဖွေကြည့်ရှုခဲ့ပါသည်။

၂၅၊၇၊၂၀၂၅ ဒေသစံတော်ချိန် ညနေ ၇:၃၀မိနစ်အချိန်ထိ ဆွဖရ်လ၏ဆန်းဦးလကိုရှာဖွေစောင့်ကြည့်ခဲ့ရာတွင် ကျွန်တော်တို့ရှာဖွေကြည့်ခဲ့သောနေရာများမှ ဆန်းဦးလကို မြင်တွေ့ခဲ့ခြင်း မရှိပါကြောင်း လေးစားစွာအသိပေးအပ်ပါသည်။

24/07/2025

ဇူလိုင် ၂၅ ရက် ညနေ လ ကြည့်မည့်အချိန်မှာ ဘင်္ဂလားပင်လယ်အော်မြောက်ပိုင်းမှ လေဖိအားနည်းရပ်ဝန်းအရှိန်ကြောင့် တိမ်အမြင့်ဖုံးအုပ်မှု တနိုင်ငံလုံးမှာရှိနိုင်ပါမယ်။

အလယ်အလတ်တိမ်(Medium Clouds)နှင့် တိမ်အနိမ့်(Low Clouds)ဖြစ်ပေါ်မှုနည်းတဲ့ ဒေသတွေမှာ လ မြင်နိုင်တဲ့ရာခိုင်နှုန်းများနိုင်ပြီး၊ Medium and Low Clouds ရွေ့လျားဝင်ရောက်မှုများရင်/ထူရင်တော့ မြင်နိုင်တဲ့အခွင့်အလမ်းနည်းပါမယ်။
Credit Sayar U Win Naing

24/07/2025

As-salamu alaykum

ဟစ်ဂျရီ ၁၄၄၇ ခုနှစ်၊ မိုဟရ်ရမ်လ ၂၉ ရက် (၂၅၊၇၊၂၀၂၅) နေ့တွင် ဟစ်ဂျရီ ၁၄၄၇ ခုနှစ်၊ ဆွဖရ်လ၏ ဆန်းဦးစလ ကြည့်ရှုနိုင်ရန်အတွက် အထောက်အကူပြု အချက်အလက်များကို အောက်ဖော်ပြပါစာရင်းတွင် လေ့လာနိုင်ပါသည်။

New Moon လဖွားချိန်မှာ ၂၅၊၇၊၂၀၂၅ ရက်နေ့ မြန်မာစံတော်ချိန် 1:41 AMတွင်ဖြစ်၍ ၂၅၊၇၊၂၀၂၅ ရက်နေ့ နေဝင်ချိန်တွင် New Moon လသက်တမ်းမှာ ၁၇ နာရီခန့်ရှိမည်ဖြစ်ပါသည်။

15/07/2025

အရိပ်ကိုကြည့်၍မိမိ အိမ်မှာ နမာဇ်ဝတ်ပြုနေသည့်ကစ်ဗ်လဟ်ဘက်သည် မှန်မမှန် ဆန်းစစ်တည့်မတ်နည်း
*မနက်ဖြန်(၁၆၊ဂျူလိုင်)ညနေ ၃နာရီ:၅၆မိနစ်တွင် စစ်ကြည့်လိုက်ပါ။*

ကစ်ဗ်လဟ် တည့်မတ်သည့်နည်းများစွာရှိသည့်အနက် အရိပ်ကိုကြည့်၍ တည့်မတ်သည့်နည်းမှာ အလွယ်ကူဆုံးနှင့်အမှန်ကန်ဆုံးနည်းဖြစ်သည်။

သို့သော် ဤနည်းဖြင့် နှစ်စဥ်မေလ(၂၇)ရက်နှင့်ဇူလိုင်လ(၁၆)ရက် ၂ရက်၌သာ ကစ်ဗ်လဟ် တည့်မတ်နိုင်သည်။တစ်ခါတစ်ရံ တစ်ရက်၊နှစ်ရက် ရှေ့နောက်ဖြစ်နိုင်သည်။
မက္ကဟ်မြို့တော်၏ လတ္တီတွဒ်မှာ 21.4 ဒီဂရီဖြစ်၍ တစ်နှစ်တွင် နှစ်ရက် မေ(၂၇)နှင့် ဇူလိုင် (၁၆)တို့တွင် Declination of sun သည်လည်း မက္ကဟ်မြို့တော်၏ လတ္တီတွဒ်အတိုင်းဖြစ်သည်။ထိုကြောင့် ၄င်း(၂)ရက်တွင် နေသည် မက္ကဟ်မြို့တော်၏ အပေါ်တည့်တည့်မှ ဖြတ်သန်းသည်။

မက္ကဟ်မြို့တော်အပေါ်သို့ နေတည့်တည့်ရောက်ရှိနေချိန်တွင် နေရှိရာဖက်သည် ကစ်ဗ်လဟ် အတိအကျဖြစ်ပေသည်။အဆိုပါနှစ်ရက်တွင် မက္ကဟ်မြို့တော်၏ လတ္တီတွဒ်
တည့်တည့်မှဖြတ်သန်းနေသောကြောင့် ဖြစ်သည်။

မြန်မာနိုင်ငံသည် ဆော်ဒီစံတော်ချိန်ထက် (၃)နာရီခွဲစောသဖြင့် မေလ(၂၇)ရက် ဆော်ဒီစံတော်ချိန်အရ မွန်းတည့်ချိန် (၁၂:၁၈)နာရီအချိန်တွင် မြန်မာနိုင်ငံတွင် ညနေ (၃:၄၈)နာရီ အချိန်ဖြစ်မည်။
*ဇူလိုင်လ(၁၆)ရက် ဆော်ဒီစံတော်ချိန်အရ မက္ကဟ်မြို့တော်၏ မွန်းတည့်ချိန်မှာ (၁၂း၂၆)အချိန်တွင် မြန်မာနိုင်ငံတွင် ညနေ(၃နာရီ ၅၆မိနစ်) ဖြစ်မည်။*

တနည်းအားဖြင့် ဖော်ပြပါအချိန်တွင် နေသည် ကအ်ဗဟ် ကျောင်းတော် အပေါ်တည့်တည့်သို့ ရောက်ရှိပါမည်။မြေကြီးတွင် တိုင်စိုက်၍ဖြစ်စေ၊ကြိုးတစ်ချောင်း တန်းလန်းချ၍ဖြစ်စေ၊လူကိုယ်တိုင် နေကို ကျောပေး၍ ရပ်သည်ဖြစ်စေ ကျရောက်လာသောအရိပ်ကို မျဥ်းဆွဲလိုက်ပါ။
၄င်းမျဥ်းအတိုင်း နေရှိနေသည့် အနောက်ဖက်အရပ်သည်
ကစ်ဗ်လဟ်တည့်တည့်ဖြစ်သည်။

မက္ကဟ်မြို့တော်၌ မွန်းတည့်နေချိန်တွင် နေ့ဖြစ်နေသည့် ကမ္ဘာပေါ်ရှိ မည်သည့်ဒေသတွင်မဆို ဤနည်းကိုအသုံးပြုကာ ကစ်ဗ်လဟ်အတိအကျကို ရှာဖွေနိုင်ပါသည်။

ဤနည်းကို ရှာဖွေတွေ့ရှိခဲ့သူမှာ ပါရှန်းနက္ခတ္တပညာရှင်
နဆွီရုဒ်ဒီးန်သူစီ(1201-1276)ဖြစ်သည်။

မုဖ်သီမုဟမ္မဒ်ရှကီးလ်အဗ်ဒုလ်ခါလစ်က်-မြေနီကုန်း
B.Sc(Physics), A.G.T.I (Civil), Diploma in Islamic Astronomy

27/06/2025

မွတ်စလင်တွေအတွက် အရေးပါတဲ့ အမှတ်လက္ခဏာ သို့မဟုတ် ဟိဂ်ျရီပြက္ခဒိန်

မုဖ်သီ မုဟမ္မဒ်ရှကီးလ် အဗ်ဒုလ်ခါလစ်က်(မြေနီကုန်း)

အမှန်စင်စစ်လများ၏ အရေအတွက်သည် အလ္လာဟ်အရှင်မြတ်၏ထံတော်တွင် အလ္လာဟ်အရှင်မြတ်၏ ကျမ်းတော်၌ လာရှိသည့်အတိုင်း မိုးကောင်ကင်များနှင့် ပထဝီမြေကို ထိုအရှင်မြတ်ဖန်ဆင်းတော်မူသည့် နေ့မှစ၍ ဆယ့်နှစ်လသာဖြစ်ချေသည်။ ၎င်း (ဆယ့်နှစ်လ) အနက်မှ လေးလသည် ထူးမြတ်သော လများပင်ဖြစ်ကြပေသည်။ ဤသည်ဖြောင့်မတ်မှန်ကန်သော ဒီးန်သာသနာတော်က (ညွှန်ကြားပြသသောလမ်းစဉ်) ပင်ဖြစ်လေသည်။ ကုရ်အာန် (၉း၃၆)

နှစ်ဟောင်းလို့နှစ်သစ်ကူးတော့မယ်။ ဟိဂ်ျရီ ၁၄၄၆ မှ ၁၄၄၇ခုနှစ်ကို ရောက်တော့မယ်။ အစ္စလာမ်ပြက္ခဒိန်ကို “ဟိဂ်ျရီပြက္ခဒိန်” လို့ခေါ်ပါတယ်။ တမန်တော်မြတ်ဆွလ္လလ္လာဟုအလိုင်းဟိဝစလ္လမ် ဟိဂ်ျရသ်ရွှေ့ပြောင်းခဲ့တာကို ညွှန်းထားတာဖြစ်ပါတယ်။ “ဟိဂ်ျရ်” ရဲ့အဓိပ္ပာယ်ဟာ အရဗီလို စွန့်လွှတ်ခြင်းကို ခေါ်တယ်။ “ဟိဂ်ျရသ်” ဆိုတာ အစ္စလာမ့်ဝေါဟာရဖြစ်တယ်။ အီမာန်ကိုထိန်းသမ်းဖို့ သို့မဟုတ် သာသနာဖြန့်ဖြူးဖို့ ရည်ရွယ်ပြီး မိမိနေထိုင်ရာအရပ်ကို စွန့်လွှတ်တာကို “ဟိဂ်ျရသ်” လို့ခေါ်တယ်။ ရွှေ့ပြောင်းနေထိုင်သူများဆိုတာ ဒီခေတ်မှာ ရေပန်းစားနေတဲ့ အသုံးအနှုံးတစ်ခုပါ။ နိုင်ငံတိုင်းမှာ ရှိနေကြတယ်။ တိုးတက်နေတဲ့ နိုင်ငံကြီးတွေမှာ ပိုများပါတယ်။ ဒါတွေက စီးပွားရေးနဲ့ နိုင်ငံရေး ခိုလှုံမှုအတွက် နေရပ်ဒေသကို စွန့်ခွာကြတဲ့သူတွေပါ။ သူတို့ကို “မုဟာဂျီရီန်း” လို့ခေါ်တာ “ဟိဂ်ျရသ်” လိုမြင့်မြတ်တဲ့ကိစ္စနဲ့ လားလားမှ မအပ်စပ်ပါဘူး။

“ဟိဂ်ျရသ်” ပြုလုပ်ခြင်းက တမန်တော်များရဲ့ စွန္နသ်ဓလေ့တော် ဖြစ်ပါတယ်။ “ဟိဂ်ျရသ်” မလုပ်ခဲ့တဲ့ နဗီတမန်တော်မရှိသလောက်ပါဘဲ။ ဟဇရသ်အိဗ်ရာဟီးမ်၊ ဟဇရသ်မူဆာနဲ့ ဟဇရသ်လူးသ်အလိုင်းဟိစ္စလာမ် စတဲ့ နဗီများ “ဟိဂ်ျရသ်” ပြုလုပ်ခဲ့ကြောင်း ကုရ်အာန်ကျမ်းတော်မြတ်ထဲမှာ ပါပါတယ်။ ဒါပေမဲ့လည်း သမိုင်းမှာ ကျွန်တော်တို့ တမန်တော်မြတ်ရဲ့ “ဟိဂ်ျရသ်” လောက် ဘယ်နဗီရဲ့ ဟိဂ်ျရသ်မှ အဲဒီလောက်မကျော်ကြားခဲ့ပါဘူး။

ခရစ်သက္ကရာဇ် ၅၇၁ ခုနှစ်မှာ တမန်တော်မြတ် ဖွားသန့်စင်တော်မူခဲ့ပါတယ်။ သက်တော် ၄၀ ပြည့်ခဲ့တဲ့ သက္ကရာဇ် ၆၁၁ ခုနှစ်မှာ နဗူဝသ်ဘွဲ့ကို ရရှိခဲ့ပါတယ်။ ကိုယ်တော်မြတ်ရဲ့ သစ္စာ၊ သမာဓိနဲ့ ပြည့်စုံမှု၊ စာရိတ္တကောင်းတွေဟာ မက္ကဟ်မြို့တော်မှာ သင်းပျံ့မွှေးကြိုင်ခဲ့ပါတယ်။ ကိုယ်တော်မြတ် ငယ်စဉ်တောင်ကျေးဘဝနဲ့ လူငယ်ဘဝတို့ဟာ မက္ကဟ်မြို့တော်မှာပဲ ကုန်ဆုံးခဲ့ပါတယ်။ သို့သော်လည်း နဗီဖြစ်ပြီးနောက် ကိုယ်တော့်အား ဒုက္ခမျိုးစုံကို နည်းပေါင်းစုံနဲ့ပေးခဲ့ကြတယ်။ ဒါပေမဲ့ ကိုယ်တော်မြတ်ရဲ့ သစ္စာ၊ သမာဓိ၊ စာရိတ္တနဲ့ပတ်သက်ပြီး အပြစ်ရှာဖို့ ထောက်ကွက်တစ်ကွက်မှ မရခဲ့ပါဘူး။

၁၃ နှစ်တိုင်အောင် မက္ကဟ်မြို့တော်မှာ သာသနာဖက်ကို ဖိတ်ခေါ်ကြိုးပမ်းခဲ့ပါတယ်။ ဒီ ၁၃ နှစ်လုံးလုံး နေ့ည သောကပွားပြီး လူတွေကို အမှန်တရားဘက်ကို ဖိတ်ခေါ်မှုကိုပဲ တစ်စိုက်မတ်မတ်လုပ်ဆောင်ခဲ့တယ်။ လမ်းတွေမှာ၊ ဈေးတွေမှာပတ်ပြီး “ဒအ်ဝဟ်” ဖိတ်ခေါ်ခဲ့တယ်။ အိမ်တိုင်းစေ့ကိုသွားပြီး လူတွေရဲ့ နှလုံးသားတံခါးဖွင့်ဖို့ နေ့မအားညမနား ဆောင်ရွက်ခဲ့ပါတယ်။ ဒီလိုအားသွန်ခွန်စိုက် ကြိုးပမ်းခဲ့ပေမယ့် လက်ခံခဲ့တဲ့သူက အနည်းအကျဉ်းပါပဲ။ နေ့လယ်နေ့ခင်းမှာ နေရောင်ခြည်ထင်ရှားနေသလို လယ်ပြင်မှာ ဆင်သွားနေသည့်အလား အမှန်တရားက ထင်းနေပေမယ့် ဘိုးဘွားစဉ်ဆက် အယူသီးကိုးကွယ်မှုတွေကို မစွန့်လွှတ်နိုင်သူတွေက ဒုနဲ့ဒေး။ ဒီကြားထဲ တမန်တော်မြတ်ကို ပေးခဲ့တဲ့ ဒုက္ခတွေကလည်း အဖုံဖုံပါပဲ။ မွတ်စလင်တွေဟာ တစ်လုပ်စားဖို့တောင် အနိုင်နိုင်ဖြစ်ခဲ့ပါတယ်။ ကိုယ်တော်မြတ်ကိုယ်တိုင်နဲ့ မိသားစုအပါအဝင် သစ်ရွက်၊ သစ်ဖုတွေစားခဲ့ရတယ်။ ခန္ဓာကိုယ်ပေါ်မှာ ကုလားအုတ်အစာအိမ်နဲ့ မစင်တင်ခြင်းကိုခံခဲ့ရတယ်။ လည်ပင်းကို ကြိုးကွင်းစွပ်ပြီးလုပ်ကြံဖို့ ကြိုးစားတာခံခဲ့ရသေးတယ်။ လမ်းမှာ ဆူးညှောင့်တွေချခဲ့ကြတယ်။ စောင်းချိတ်ပြောဆိုတာတွေ၊ နောက်ပြောင်ပြောဆိုတာတွေ၊ ရူးသွပ်နေသူ၊ ပယောဂဆရာလို့ စွပ်စွဲပြောဆိုခဲ့တာတွေရင်ဆိုင်ခဲ့ရတယ်။

သွာအိဖ်မြို့သားတွေ အစ္စလာမ်ကိုလက်ခံလေမလားဆိုပြီး အဲဒီကိုလည်း သွားခဲ့သေးတယ်။ သွာအိဖ်မြို့သားတွေက မက္ကဟ်မြို့သားတွေထက်တောင် ပိုမိုကြမ်းတမ်းခဲ့ကြတယ်။ ငြင်းဆန်ခဲ့ရုံတင်မက လူမိုက်တွေကို နှောင့်ယှက်ဖို့နောက်က လွှတ်လိုက်ပါသေးတယ်။ ခဲနဲ့ပေါက်၊ ဖုန်ထအောင်လုပ်၊ နောက်ပြောင်ကျီစယ်ပြီး သွေးသံရဲရဲဖြစ်အောင် လုပ်လိုက်ကြပါတယ်။ ဖိနပ်တော်မှာ သွေးခဲသွားခဲ့တယ်။ ဒူးတော်မှာလည်း ဒဏ်ရာရလိုက်သေးတယ်။ လမ်းမလျှောက်နိုင်လို့ ဟဇရသ်ဇိုက်ဒ်ဘင်န်ဟာရိစဟ်က ပခုံးနဲ့ထမ်းလိုက်ရတယ်။ ခြံတစ်ခြံမှာခေတ္တအနားယူခဲ့ရတယ်။ ကြေကွဲနေတဲ့ နှလုံးသားမျက်ရည်ဖြိုင်ဖြိုင်ကျကာ အရှင့်ဖက်ကိုအာရုံပြုပြီး ရင်နင့်စွာဒိုအာတောင်းခဲ့တယ်။

“အိုအရှင် ကျွန်တော်မျိုးချည့်နဲ့သူပါ။ လူတွေနဲ့ရင်ဆိုင်ဖို့မတတ်စွမ်းနိုင်သူပါ။ အရှင်က အကြင်နာဆုံးပါ။ အားကိုးရာမဲ့နေသူတွေကို ခိုလှုံမှုပေးတာအရှင်ပါ။ ဘယ်သူတွေလက်ထဲကျွန်တော့်ကိုအပ်လိုက်တာလဲ အိုအရှင်။ ရန်သူတွေဘယ်လိုဒုက္ခပေးပေး အလ္လာဟ်စိတ်မဆိုးရင် ဘာကိုမှမမှုပါ။ အေးချမ်းသာယာမှုကိုသာလိုလားပါတယ်” စတဲ့ဆုတောင်းမှုတွေကို လုပ်ခဲ့ပါတယ်။
မက္ကဟ်မြို့တော်နဲ့သွာအိဖ်မြို့မှာ စိုက်ခဲ့တဲ့ အီမာန်ရဲ့မျိုးစေ့ဟာ မဒီနဟ်မြို့တော်မှာ ရှင်သန်ကြီးထွားခဲ့ပါတယ်။ ဟဂ်ျပြုလုပ်ဖို့ မဒီနဟ်မြို့သားတွေ မက္ကဟ်မြို့တော်ကို လာလေ့ရှိကြပါတယ်။ ကိုယ်တော်မြတ်ရဲ့ ဒအ်ဝသ်ဖိတ်ခေါ်မှုကို သူတို့ဂရုတစိုက်နားထောင်ခဲ့ကြတယ်။ မျက်စိပိတ်၊ နားပိတ်အမှန်တရားကို ဇွတ်ငြင်းတဲ့ အကျင့်မရှိသူတွေဖြစ်လို့ နားကတစ်ဆင့် နှလုံးသားထဲကို ရောက်ရှိသွားတယ်။ အီမာန်ယူလာကြပြီး အီမာန်ရှင်တွေကိုပါ ခိုလှုံမှုပေးမယ်လို့ ကတိပေးခဲ့ကြတယ်။

တစ်ဖက်မှာ မက္ကဟ်မြို့တော်ကြီးဟာ အီမာန်ရှင်တွေအတွက် နယ်ကျဉ်းသထက်ကျဉ်းလာခဲ့တယ်။ တစ်ချို့မွတ်စလင်တွေဟာ လည်ပင်းမှာ ကြိုးတပ်ပြီး ပူပြင်းလှတဲ့ သဲသောင်ပြင်မှာ ဒရွတ်တိုက်ဆွဲတာခံခဲ့ကြရတယ်။ လျှံတက်နေတဲ့ မီးခဲပေါ်တင်ပြီးဆွဲခဲ့ကြတယ်။ ခန္ဓာကိုယ်က စီးကျလာတဲ့သွေးတွေကြောင့် မီးပါငြိမ်းသွားခဲ့ရတဲ့အထိပါပဲ။ တစ်ချို့က မီးခိုးမှိုင်းတိုက်ခြင်းခံခဲ့ရတယ်။ တစ်ချို့က ကြင်နာမှုမဲ့ပြီး ရက်စက်စွာသတ်ဖြတ် ရှဟီးဒ်လုပ်တာခံခဲ့ရတယ်။

ဒီလိုတွေခံနေရပေမယ့် သည်းခံမှုခန္တီပါရမီကို ဆွဲကိုင်ခဲ့ကြတယ်။ နောက်ဆုံးအလ္လာဟ်အရှင်မြတ်ရဲ့ အမိန့်ကျရောက်လာတယ်။ မက္ကဟ်မြို့တော်ကိုစွန့်ခွာပြီး မဒီနဟ်မြို့တော်ကို ရွှေ့ပြောင်းရမယ်တဲ့။ ဒါနဲ့မွတ်စလင်တွေဟာ တဖြည်းဖြည်းနဲ့ မဒီနဟ်ကို ရောက်လာခဲ့ကြတယ်။ မက္ကဟ်မြို့တော်က မပြောင်းနိုင်သေးသူတွေဘဲ ကျန်ခဲ့တော့တယ်။ တမန်တော်မြတ်ကြီးကလည်း အရှင့်အမိန့်မရသေးလို့ မျှော်နေရတယ်။ ရန်သူတွေက ကိုယ်တော့်ကိုသတ်ဖို့ကြံစည်ကြတယ်။ မျိုးနွယ်စုတိုင်းက တစ်ဦးစီ စုပေါင်းပြီး ကိုယ်တော်မြတ်အိမ်ကို ဝိုင်းလိုက်ကြတယ်။ အလ္လာဟ်အရှင်မြတ်အသိပေးလိုက်လို့ တမန်တော်မြတ်က ကုရ်အာန်ကျမ်းလာ အာယတ်အချို့ကို ရွတ်ဖတ်တော်မူခဲ့ပြီး မြေတစ်ဆုပ်ကို ရန်သူဘက် ပစ်ကာ အေးဆေးတည်ငြိမ်စွာအိမ်ပြင်ကို ထွက်လာတော်မူခဲ့တယ်။ ပုန်းလျှိုးကွယ်ဝှက်ရင်း ရက်အနည်းငယ်ကြာပြီးနောက် မဒီနဟ်မြို့တော်ကို ရောက်ရှိလာခဲ့တယ်။ လမ်းမှာရန်သူတွေအမျိုးမျိုး နှောင့်ယှက်ခဲ့ပေမယ့် အလ္လာဟ်အရှင်မြတ်အလိုတော်နဲ့ချောချောမောမောပဲ မဒီနဟ်ကိုရောက်ခဲ့ပါတယ်။

တမန်တော်မြတ်ဆွလ္လလ္လာဟုအလိုင်းဟိဝစလ္လမ် မဒီနဟ်မြို့ကို ကြွချီလာရာမှာ လူကြီးလူငယ်၊ ကလေးမကျန် အမျိုးသား၊ အမျိုးသမီးနဲ့ ကျွန်တွေအဆုံး သောင်းသောင်းဖြဖြကြိုဆိုခဲ့ကြပါတယ်။ နှုတ်လျှာက ကြိုဆိုဂုဏ်ပြုတဲ့ ကဗျာတွေကို သီကုံးပြီး ဆိုခဲ့ကြတယ်။ မက္ကဟ်မြို့တော်မှာ နယ်ကျဉ်းသွားပေမယ့် မဒီနဟ်မြို့သားတွေက နှလုံးသားလမ်းခင်းပေးခဲ့ကြတယ်။ ရွှေ့ပြောင်းလာသူတွေကို မဒီနဟ်မြို့သားတွေက အိုးအိမ်နေရာထိုင်ခင်း၊ လယ်ယာစည်းစိမ်တွေပါ ခွဲဝေပေးခဲ့ကြတယ်။ မေတ္တာနဲ့ ဆက်ဆံခဲ့ကြတယ်။ လူ့သမိုင်းမှာ မကြုံစဖူး အနစ်နာခံမှုတွေ စတေးမှုတွေနဲ့ ယုယပိုက်ထွေးခဲ့ကြတယ်။ မက္ကဟ်မြို့သားတွေရဲ့အနစ်နာခံမှု၊ စတေးခဲ့မှုတွေဟာလည်း မနည်းလှပါဘူး။ အိုးအိမ်စွန့်ခွာ၊ ဇာတိချက်မြှုပ်ဆွေမျိုးအသိုင်းအဝိုင်းနဲ့ တစ်ဘဝလုံးကို ကျောခိုင်းပြီး ကိုယ့်အတွက်စိမ်းနေပြီး အနာဂတ်မရေရာတဲ့ ပန်းတိုင်ကို ဦးတည်ခဲ့ရရှာတယ်။ ဒါကြောင့် တမန်တော်မြတ်က နေရပ်စွန့်ခွာရွှေ့ပြောင်းလာသူများကို “မုဟာဂျိရ်”၊ မဒီနဟ်သားများကို “အန်ဆွာရ်” လို့ကင်ပွန်းတပ်ခဲ့တယ်။ “မုဟာဂျိရ်” အဓိပ္ပာယ်က ဒီးန်အတွက်နေရာစွန့်ခွာရွှေ့ပြောင်းသူဖြစ်ပြီး “အန်ဆွာရ်” ရဲ့ အဓိပ္ပာယ်က အီမာန်ရှင်တွေကို ကူညီတဲ့သူဖြစ်ပါတယ်။ မွတ်စလင်တွေမှာ ဒီလူတန်းစားနှစ်မျိုးကလွဲပြီး တတိယအမျိုးအစားမရှိပါဘူး။ လူမျိုးစွဲ၊ ဒေသစွဲ၊ တိုင်းပြည်စွဲစတဲ့ အစွဲတွေနဲ့ လူတန်းစားခွဲခြားတာကို အလ္လာဟ်အရှင်မြတ်က မနှစ်သက်ပါဘူး။

“ဟိဂ်ျရသ်” ရွှေ့ပြောင်းမှုဟာ တမန်တော်မြတ်ကြီးနဲ့ ဆွဟာဗဟ်များရဲ့ ဒီန်းသာသနာကိုထိန်းသိမ်းဖို့ အနစ်နာခံစတေးခဲ့ခြင်းကို ပြန်ပြောင်းသတိရစေပါတယ်။ နောက်တစ်ဖက်မှာ အစ္စလာမ်ရဲ့ အောင်လံ တံခွန်လွှင့်ထူစေပြီး အောင်မြင်မှုတွေ တသီတတန်းရရှိမှုရဲ့ နိဒါန်းလည်းဖြစ်ပါတယ်။ ဒါဟာ မက္ကဟ်မြို့တော်က မဒီနဟ်မြို့တော်ကို ရွှေ့ပြောင်းတဲ့ခရီးတင်မဟုတ်ပါဘူး။ အနှိပ်စက်ခံဘဝကနေ လွတ်မြောက်မှုဆီသို့၊ အားအင်ချည့်နဲ့မှုကနေ အင်အားတောင့်တင်းခိုင်မာမှုဆီကို ပြောင်းရွှေ့မှုတစ်ရပ်ဖြစ်တယ်။ ဒီအဖြစ်အပျက်ဟာ မျှော်လင့်ချက်ကင်းနေသူတွေအတွက် မျှော်လင့်ချက်ရောင်ခြည်ဖြစ်ပါတယ်။ စိတ်ဓာတ်ကျနေသူတွေအတွက် အားတက်ဖွယ်ရာ မီးရှုးတန်ဆောင်ပါ။ ဒီးန်ကို ထိန်းသိမ်းဖို့ ဒီးန်မြင့်မားဖို့ ပေးခဲ့ရတဲ့ စတေးမှုတွေကို သတိရစေပါတယ်။

ဟရသ်အုမရ် ခလီဖဟ်ဖြစ်နေချိန် ဖိုင်တွဲတစ်တွဲရောက်လာတယ်။ အဲဒီဖိုင်မှာ နေ့ရက်ပါပေမယ့် ခုနှစ်မပါဘူး။ အဲဒါနဲ့ တို့မွတ်စလင်တွေအတွက် ကိုယ်ပိုင်ပြက္ခဒိန်ရှိရမယ်လို့ ဟဇရသ်အုမရ်က စိတ်ကူးပေါ်လာတယ်။ တိုင်ပင်ဖော်တိုင်ပင်ဖက်တွေနဲ့ တိုင်ပင်ဆွေးနွေးတယ်။ ဟဇရသ်အလီရဲ့ မရ်ှဝါရဟ်အတိုင်း “ဟိဂ်ျရသ်” ရွှေ့ပြောင်းခဲ့တဲ့အဖြစ်အပျက်ကိုအခြေခံပြီး ခုနှစ်သတ်မှတ်ခဲ့တယ်။ လတွေကို အစ္စလာမ်မတိုင်မီအရဗ်တွေရဲ့ ထုံးစံအတိုင်းပဲ ရေတွက်ခဲ့တယ်။ မုဟရ်ရမ်လကစပြီး ဇုလ်ဟိဂ်ျဂျဟ်လမှာ ဆုံးမယ်။ ခုနှစ်သက္ကရာဇ်ကို တမန်တော်မြတ်ဆွလ္လလ္လာဟုအလိုင်းဟိဝစလ္လမ် ဟိဂ်ျရသ်လုပ်ခဲ့တဲ့နှစ်က စပြီးရေတွက်မယ်လို့ ဆုံးဖြတ်ခဲ့တယ်။
ခုနှစ်သက္ကရာဇ်ကလည်း လူမျိုးတစ်မျိုးရဲ့အမှတ်အသားပါပဲ။ အဲဒီလူမျိုးရဲ့သမိုင်းကြောင်းနဲ့ ဆက်နွှယ်နေတယ်။ ဟိဂ်ျရီခုနှစ်ကိုပဲ ကြည့်ကြည့်ပါ။ လတွေဟာ များသောအားဖြင့် မွတ်စလင်တွေရဲ့ အိဗာဒသ် ခဝပ်ဆည်းကပ်မှုတွေနဲ့ ပတ်သက်နေတယ်။ အခြားလူမျိုးတွေရဲ့ ခုနှစ်ပြက္ခဒိန်တွေဟာလည်း အဲဒီအတိုင်းပါပဲ။ လတွေလို ရက်တွေလည်း အလားတူပါပဲ။ ဥပမာ Monday က “လရဲ့နေ့”။ Sunday က “နေရဲ့နေ့” ကိုပဲ သုံးသပ်ကြည့်ပါ။ ဂရိတွေဟာ နေနဲ့လကို ရက်သတ်မှတ်ပြီး ကိုးကွယ်ကြတာကို ထင်ဟပ်စေပါတယ်။ အဲဒီလိုပဲ လတွေရဲ့ အမည် သတ်မှတ်တဲ့နေရာမှာလည်း အလားတူပါပဲ။ ဒါကြောင့် ဟဇရသ်အုမရ်ဟာ အဲဒီခေတ်က သုံးနေတဲ့ ပြက္ခဒိန်တွေကို လက်မခံခဲ့ဘူး။

အချုပ်အားဖြင့် အစ္စလာမ့်ပြက္ခဒိန်ဟာ မွတ်စလင်တို့ရဲ့ အမှတ်အသားလက္ခဏာပါ။ ဟိဂ်ျရီခုနှစ်ကို သုံးစွဲရမှာ ကျွန်တော်တို့ရဲ့တာဝန်ပါ။ နောင်လာမယ့် မျိုးဆက်သစ်တွေကို ဟိဂ်ျရီခုနှစ်ရဲ့ နောက်ခံသမိုင်းကြောင်းနဲ့ အရေးပါမှုကို လက်ဆင့်ကမ်းကြပါ။ အာလင်မ်သာသနာ့ပညာရှင်များက ဟိဂ်ျရီခုနှစ်ကို သုံးစွဲခြင်းနဲ့ မွတ်စလင်တွေသုံးစွဲလာဖို့ ကြိုးပမ်းရမှာ ဖရ်ဇေကိဖာယဟ်ဖြစ်တယ်လို့ ရေးသားထားကြတယ်။ သဘောက အွမ္မသ်ထုတစ်ရပ်လုံးရဲ့ တာဝန်ပါ။ ဒီခုနှစ်ပြက္ခဒိန်က ကျွန်တော်တို့ကို “ဟိဂ်ျရသ်” ရဲ့သင်ခန်းစာယူဖွယ်ရာနဲ့ မွတ်စလင်တွေရဲ့ အမှတ်အသားလက္ခဏာကိုပေါ်လွင်စေပါတယ်။ အလ္လာဟ်အရှင်မြတ် ကျင့်သုံးနိုင်စွမ်းချီးမြှင့်တော်မူပါစေ။
မုဟမ္မဒ်ရှကီးလ်(မြေနီကုန်း)

26/06/2025

Alhumdulillah
ဟစ်ဂျရီ ၁၄၄၇ ခုနှစ်၊ မိုဟရ်ရမ်လ၏ ဆန်းဦးလကို မြိတ်မြို့မှ မြင်တွေ့ရကြောင်း ကနဦး သတင်းရရှိပါတယ်

25/06/2025

၂၆၊၆၊၂၀၂၅ ညနေ လကြည့်ကြမည့်အချိန်မှာ တိမ်အမြင့်ဖုံးအုပ်မှုက တနိုင်ငံလုံးမှာရှိနေပါမယ်၊
တိမ်အနိမ့်တွေကတော့ ဒေသအလိုက်ဖြစ်ပေါ်မှုအထူအပါးကွာခြားနိုင်ပါတယ်။

Credit Sayar U Win Naing

25/06/2025

As-salamu alaykum

ဟစ်ဂျရီ ၁၄၄၆ ခုနှစ်၊ ဇွလ်ဟိဂျ်လ ၂၉ ရက် (၂၆၊၆၊၂၀၂၅) နေ့တွင် ဟစ်ဂျရီ ၁၄၄၇ ခုနှစ်၊ မိုဟရ်ရမ်လ၏ ဆန်းဦးစလ ကြည့်ရှုနိုင်ရန်အတွက် အထောက်အကူပြု အချက်အလက်များကို အောက်ဖော်ပြပါစာရင်းတွင် လေ့လာနိုင်ပါသည်။

New Moon လဖွားချိန်မှာ ၂၅၊၆၊၂၀၂၅ ရက်နေ့ မြန်မာစံတော်ချိန် 5:01 PMတွင်ဖြစ်၍ ၂၆၊၆၊၂၀၂၅ ရက်နေ့ နေဝင်ချိန်တွင် New Moon လသက်တမ်းမှာ ၂၅ နာရီကျော်ခန့်ရှိမည်ဖြစ်ပါသည်။

07/06/2025

Eid Al-adha Mubarak

28/05/2025

As-salamu alaykum

Alhumdulliah

လကြည့်ခြင်းဆိုင်ရာ နည်းပညာအထောက်အကူပြုအဖွဲ့အနေဖြင့် Hijri 1446 ခုနှစ် ဇွလ်ဟိဂျ်၏ ဆန်းဦးလကို ကော့သောင်းမြို့မှတွေ့မြင်ရကြောင်း ကနဦးသတင်းရရှိပါသည်။

26/05/2025

လာမည့် မေလ ၂၈ ရက် ညနေပိုင်းမှာ လကြည့်ကြမည့် အစ္စလာမ်ဘာသာဝင်များအတွက် -
မေလ ၂၇ ရက်နေ့မှာ ဖြစ်လာနိုင်မည့် လေဖိအားနည်းရပ်ဝန်းအရှိန်သက်ရောက်မှုကြောင့် တနိုင်ငံလုံးမှာ တိမ်ထုဖြစ်ပေါ်မှု 100% ရှိနေပါမယ်။

အမြင့်ပေ ၅၀၀၀ မှာ အနောက်တောင်ဘက်မှ လေတိုက်နှုန်း တနာရီ မိုင် ၄၀ ကျော် ခန့်တိုက်နိုင်ပြီး ရေပြင်ညီအမြင့်မှာတော့ တနာရီ ၁၀ မိုင်နှင့်အထက် တိုက်နိုင်ပါမယ်။

ဒါကြောင့် ဖြစ်ပေါ်လာသော ထူးခြားသည့်မိုးလေဝသအခြေအနေအရ လ ကြည့်ရန်နှင့် လ မြင်နိုင်ရန် အခက်အခဲရှိနိုင်မည်ဖြစ်ပြီး၊ အထပ်အမြင့်ပိုင်းတွေမှာ လေတိုက်နှုန်းပြင်းထန်နိုင်မည်ဖြစ်တာကြောင့်လဲ သတိပြုဆင်ခြင်နိုင်ကြပါရန်အသိပေးတင်ပြလိုက်ပါတယ်။

(မေလ ၂၆ ရက် - ညနေ ၆ နာရီ)

Credit Sayar U Win Naing

26/05/2025

As-salamu alaykum

ဟစ်ဂျရီ ၁၄၄၆ ခုနှစ်၊ ဇွလ်ကအ်ဒဟ်လ ၂၉ ရက် (၂၈၊၅၊၂၀၂၅) နေ့တွင် ဇွလ်ဟိဂျ်လ၏ ဆန်းဦးစလ ကြည့်ရှုနိုင်ရန်အတွက် အထောက်အကူပြု အချက်အလက်များကို အောက်ဖော်ပြပါစာရင်းတွင် လေ့လာနိုင်ပါသည်။

New Moon လဖွားချိန်မှာ ၂၇၊၅၊၂၀၂၅ ရက်နေ့ မြန်မာစံတော်ချိန် 9:32 AMတွင်ဖြစ်၍ ၂၈၊၅၊၂၀၂၅ ရက်နေ့ နေဝင်ချိန်တွင် New Moon လသက်တမ်းမှာ ၃၃ နာရီခန့်ရှိမည်ဖြစ်ပါသည်။

လကြည့်ခြင်းဆိုင်ရာ နည်းပညာအထောက်အကူပြုအဖွဲ့

25/07/2025

24/07/2025

24/07/2025

15/07/2025

27/06/2025

26/06/2025

25/06/2025

25/06/2025

07/06/2025

28/05/2025

26/05/2025

26/05/2025

Address

Website

Alerts

Shortcuts

Share

Category