https://www.burmaethnicvoice.com/

Burma Ethnic Voice - ဗမာတိုင်းရင်းသား အသံ, Yangon (2025)

30/06/2025

ကရင်နီ(ကယား) မှာ စစ်ရေးအရေးပေါ်သတင်းထုတ်ပြန်

၃၀၊ ဇွန်၊ ၂၀၂၅
BEV (ဗမာတိုင်းရင်းသားအသံ)

တိုက်ပွဲဆက်လက်ပြင်းထန်ဦးမည့် အခြေနေမို့ အရပ်ဘက်လူထုများ မိုးဗြဲမြို့ကို ဒီရက်ပိုင်းအတွင်း ဖြတ်သန်းသွားလာခြင်း( လုံးဝ လုံးဝ ) မပြုလုပ်ကြဖို့ မဟာမိတ်တပ်ပေါင်းစုတို့မှ အသိပေးသတင်းထုတ်ပြန်။

ရှမ်းတောင်(ကယား)ကရင်နီတပ်ပေါင်းစု
KNDF ၊ PDF ၊ Local PDF ၊ KPLA

#ဗမာတိုင်းရင်းသားအသံ

30/06/2025

ရန်ကုန်မှာ မွေးကင်းစ ကလေးငယ်အလောင်းတစ်ခု အမှိုက်ပုံးမှာ စွန့်ပစ်ခဲ့

၃၀၊ ဇွန်၊ ၂၀၂၅
BEV (ဗမာတိုင်းရင်းသားအသံ)

ရန်ကုန်မြို့ လသာမြို့နယ် ၁၈လမ်းထိပ်ရှိ အမှိုက်ပုံတွင် ယနေ့ဇွန်လ၃၀ရက် နေ့လည်ပိုင်းက မွေးကင်းစကလေးငယ် အလောင်းလာရောက်စွန့်ပစ်ခဲ့မှု ဖြစ်ပွားခဲ့ပါတယ်။

"နေ့လည်၃နာရီကျော်လောက်ကပစ်သွားတာနေမယ်။ဒီနေရာကလူသွားလူလာတော့မပြတ်ဘူး။အမှိုက်ပုံဆိုတော့လည်းလူတိုင်းသေချာမကြည့်ကြဘူး။ဆိုင်တွေမှာတပ်ထားတဲ့ကင်မရာတွေစစ်ကြည့်လိုက်ရင်တော့လာပစ်တဲ့သူကိုမိမှာပါ" လို့ ရပ်ကွက်နေပြည်သူတစ်ဦး ကပြောပါတယ်။

သွေးမခြောက်သေးတဲ့ မွေးကင်းစ မိန်းကလေးငယ်တစ်ဦးရဲ့ ရုပ်အလောင်းကို စည်ပင်အမှိုက်ပုံးအတွင်း အမှိုက်ကောက်သူတစ်ဦးက တွေ့ရှိခဲ့ပါတယ်။

လသာမြို့နယ် (၁၈) လမ်းထိပ်က စည်ပင်အမှိုက်ပုံးအတွင်း ထဘီနဲ့ပတ်ကာ ကြွပ်ကြွပ်အိတ်နဲ့ ထုတ်လျက်သား ကလေးရုပ်အလောင်းကို အမှိုက်ပုံးထဲပစ်ခဲ့တာဖြစ်ပြီး ပလုံကောက်သူတစ်ဦးက စတင်တွေ့ရှိခဲ့တာဖြစ်ပါတယ်။

ရန်ကုန်မြို့အတွင်း ကလေးလာရောက်စွန့်ပစ်မှုတွေ မွေးကင်းစသေဆုံးအလောင်းတွေ လစဉ်စွန့်ပစ်မှုတွေရှိပေမယ့် ယနေ့အချိန်အထိ ထိရောက်တဲ့
ဖမ်းဆီးနိုင်မှု အရေးယူအပြစ်ပေးတာတွေတော့ မရှိသေးဘူးလို့ သိရပါတယ်။

#ဗမာတိုင်းရင်းသားအသံ

30/06/2025

လူပျောက်ကြော်ငြာ

၃၀၊ ဇွန်၊ ၂၀၂၅
BEV (ဗမာတိုင်းရင်းသားအသံ)

ကိုဒီပါအောင် ဟာ ၂၀၂၅ ခုနှစ်၊ ဇွန်လ ၂၃ ရက်၊ တနင်္လာနေ့၊ နေ့လယ် ၂ နာရီခန့် ကတည်းက ပျောက်ဆုံးသွားခဲ့ပါတယ်။
အသက်နဲ့သက်ဆိုင်တဲ့ ကိစ္စဖြစ်တာကြောင့် သူ့ကို အမြန်ဆုံးပြန်တွေ့ဖို့ အရမ်းအရေးကြီးနေပါတယ်။
အသေးစိတ်အချက်အလက်များ:
* အမည်: ကိုဒီပါအောင်
* ဇာတိ: ရန်ကုန်သား

* နောက်ဆုံးတွေ့ရှိခဲ့သည့်နေရာ: ရန်ကုန်မြို့၊ သီရိမင်္ဂလာသစ်သီးဈေးအနီးရှိ ရွှေပန်းတောက်ငါးဈေးတွင် ငါးဒိုင်လုပ်ရင်း ပျောက်ဆုံးသွားခဲ့ခြင်းဖြစ်ပါသည်။

* ဖုန်းအဆက်အသွယ်ပြတ်တောက်ချိန်:
၂၀၂၅ ခုနှစ်၊ ဇွန်လ ၂၃ ရက်၊ နေ့လယ် ၂ နာရီခန့်ကတည်းက သူကိုင်ဆောင်ထားသော ဖုန်းများ လုံးဝပိတ်သွားခဲ့ပါသည်။

* မိသားစုဖုန်းနံပါတ်: 09459429830
* လုပ်ငန်းသုံးဖုန်းနံပါတ်: 09686522962

ကိုဒီပါအောင်ကို တွေ့ရှိသူများ သို့မဟုတ် သတင်းအချက်အလက် သိရှိသူများအနေဖြင့် အောက်ပါဖုန်းနံပါတ်သို့

ချက်ချင်းဆက်သွယ်ပေးပါရန် အနူးအညွှတ် မေတ္တာရပ်ခံအပ်ပါသည်။

* 09760114581 (သတင်းပေးရန် အဓိကဆက်သွယ်ရမည့် ဖုန်းနံပါတ်)

သတင်းပေးသူ သို့မဟုတ် တွေ့ရှိသူကို သင့်လျော်စွာ ကျေးဇူးဆပ်ပါမည်။

သင်တို့ရဲ့ အကူအညီဟာ သူ့ရဲ့ဘဝအတွက်ရော ကျန်ခဲ့တဲ့ အစ်မနဲ့ ကလေး ၂ ယောက်အတွက်ပါ။

မိသားစု

#ဗမာတိုင်းရင်းသားအသံ

30/06/2025

ကရင်နီ(ကယား) KNDF ဒု စစ်ဦးစီးချုပ် မာဝီ ရဲ့ ရဲဘော်တွေအပေါ် သတိပေးစကား

၃၀၊ ဇွန်၊ ၂၀၂၅
BEV (ဗမာတိုင်းရင်းသားအသံ)

ကရင်နီ(ကယား) KNDF ဒု စစ်ဦးစီးချုပ် မာဝီ ရဲ့ ရဲဘော်တွေအပေါ် သတိပေးစကား ကို မနေ့က ဇွန် ၂၉ ရက်မှာ ထုတ်ပြန်ပါတယ်။ ဒီ တော်လှန်ရေးနဲ့ပတ်သက်တဲ့ သတိပေးချက်ကို သူ့ရဲ့ လူမှုကွန်ယက်စာမျက်မှ ကူးယူဖော်ပြလိုက်ပါတယ်။

ရဲဘော်တို့ မဖြေနဲ့ သတိ မလုပ်နဲ့ သတိ သတင်းမပေးမိစေနဲ့ သတိ
======================
- ရန်သူဟာမိတ်ဆွေယောင်ဆောက်တတ်သည်
- ငါတို့ကို ဝတ်စုံဖိုးပေးမယ်၊ ထမင်းဖိုးပေးမယ်၊ လိုတာလေးတွေအတွက် နည်းသည် များသည် ပံ့ပိုးပေးမယ်
- တကယ်စိတ်ရင်းနဲ့ ပေးတဲ့ တော်လှန်အကျိုးကိုပဲ ကြည့်တဲ့သူတွေရှိသလို
- အချို့ကရန်သူပါ အဲ့လိုပံ့ပိုးပေးပြီး အပြီးအပိုင် မင်းတို့ငါတို့ကို ဝယ်ထားသလိုလုပ်သွားမယ်
- မင်းတို့ငါတို့ကို သူပေးထားတော့ သူသတင်းတွေ မေးမယ် လက်နက်ကြီးဘယ်မှာကျ၊ လေယာဉ်ဘယ်မှာကျဲ၊ ဘယ်နှစ်ယောက်သေ၊ စသဖြင့် သူတို့လုပ်ရပ်ကို ပြန်ထောက်လှန်းတာ
- အဲ့တော့ မင်းတို့ ငါတို့ကလည် ကိုယ့်ကို ပံ့ပိုးနေတဲ့သူပဲဆိုပြီး အကုန်ဖြေ အဲ့နားမှာ ဘယ်လူကြီးနေတာ ဘယ်တပ်ရင်းရှိတာ ဘယ်အဖွဲ့နဲ့နီးတာ ဗုံးကျတာက မီတာ၅၀ လောက် မီတာ ၁၀၀ လောက် ကျော်သွားလို့ ဘာညာ အဲ့မှာ သတင်းပေါက်ပြီ
- ရန်သူက သိသွားပြီး နောက်တစ်ခါ တိုက်ခိုက်ရော ထပ်ပြီးထိခိုက်ကျရော
- ထောက်ရဲဘော်တွေလည်း သတိရှိပါ ကိုယ့်တပ်ရင်းက ရှေ့တန်းသွားရမယ် မိုးကာလေး ဖိနပ်လေးလိုတော့ လူတွေကို လိုက်အကူအညီတောင်း မိမိတပ်ရင်းက လူဘယ်နှစ်ယောက် ဘယ်တော့ ဘယ်မှာ စစ်သွားတိုက်ရမှာမလို့ ဘာလိုလို့ ညာလိုလို့ အဲ့မှာ သတင်းကပေါက်
- အချို့ကလာလိမ့်မယ် ရှေ့တန်းဘယ်နေရာအတွက် ဟင်းလေးလှူချင်လို့ ထမင်းကျွေးချင်လို့ လူဦးရေ ဘယ်လောက်ရှိလဲဆိုပြီး မင်းတို့ငါတို့ကလည်းရှေ့မှာ ထမင်းဟင်းမကောင်းတော့ ဝမ်းသာပြီး ဘယ်နေရာရှေ့တန်းမှာတော့ လူဘယ်လောက်ရှိတယ် နွားတစ်ကောင်မှလောက်မှာ ဝက်တစ်ကောင်မှလောက်မှာဆိုပြီးလုပ် အဲ့မှာသတင်းကပေါက် အချို့ဆို စားနေတဲ့ဓါတ်ပုံတောင်တောင်းလိမ့်မယ်
- မင်းတို့ငါတို့ဟာ ကိုယ့်ရဲဘော်ထိခိုက်တဲ့အခါ ကျတဲ့အခါ ဝမ်းနည်းပြီး ပုံတွေတင် စာတွေတင် ရန်သူက ဝမ်းနည်းချင်ယောင်ဆောင်ပြီး ဘယ်နှစ်ယောက်ကျသွားလဲ ထိသွားလဲ မေး မင်းတို့ငါတို့ကဖြေ အဲ့ပေါ်မှာမူတည်ပြီး ရှေ့တန်းရန်သူက တန်ပြန်လှုပ်ရှား ငါတို့လုပ်နေတာတွေ လိုသလောက်ခရီးမရောက် အဲ့လိုတွေဖြစ်
- ရန်သူဟာ သိန်းပေါင်းများစွာသုံးနိုင်တဲ့ အဖွဲ့အစည်းဖြစ်တယ်ဆိုတာ မမေ့နဲ့ သူက သတင်းရဖို့ မင်းတို့ငါတို့ကို သိန်း၅၀ လည်းလှူနိုင်တယ် သိန်း၅၀၀ လဲ ပေးနိုင်တယ်
- မင်းတို့ငါတို့က ကိုယ့်ကို ၁၀ ကဏန်းလောက်ပေးလိုက်တာနဲ့ တော်တော်ရင်းရင်းနှီးနှီးလုပ်ကြတယ် တအားကိုခင်ပလိုက်တယ် အချို့ဆိုအရာရာတွေတိုင်းအဲ့လူတွေကို ပြောပြတိုင်ပင်ကြဖြစ်ကုန်တယ် အဲ့လိုနဲ့ ရန်သူက မင်းတို့ငါတို့ကိုဝယ်သွားပြီ
- ဘယ်လောက်များများပံ့ပိုးထားတဲ့သူမလို့ဆိုပြီး ငါတို့က ဘာမှ ပြောပြစရာမလိုဘူး
- တကယ်လူထု သိသင့်သိထိုက်တာတွေဆိုရင် နည်းနည်းပဲဖြစ်ဖြစ် ဘာမှမပံ့ပိုးပေးသူတွေပဲဖြစ်ဖြစ် အသိပေးရမှာပဲ ပြောပြရမှာပဲ
- အဲ့တော့ မေးသူတွေကော ဖြေသူတွေကော သတိရှိကြပါ ကိုယ့်ပါးစပ်ကြောင့် ကိုယ့်လုပ်ရပ်ကြောင့် သတင်းတွေ မပေါက်ပါစေနဲ့ တော်လှန်ရေးကိုမထိခိုက်ပါစေနဲ့
- အပေါ်မှာရေးထားတာတွေက အမှန်တကယ်တော်လှန်စိတ်ရင်းရှိကြသူတွေကိုမဆိုလိုပါဘူး
- တကယ်ဆို အမှန်တော်လှန်ထောက်ပံ့နေသူတွေကိုတောင် စည်းအဆင့်ဆင့်နဲ့ ပြောသင့်သလောက်ပဲ ပြသင့်သလောက်ပဲ ပြောရ ပြရမှာဖြစ်ပါတယ်
- နောက်တစ်ခုက တိုက်ပွဲက မပြီးသေးဘူး လိုင်းပေါ်မှာ ကိုယ်ပစ်နေတဲ့ဗီဒီယိုတွေ ကိုယ်နေတဲ့နေရာတွေမှာ တစ်တော့ဆော့တာတွေ ကိုယ်ဘယ်လိုစားနေရ အိပ်နေရတာတွေကို တင်တာတွေ သတိရှိပါ
- ရန်သူက အဲ့ဒါတွေကို သေချာလိုက်ကြည့်ပြီး ဒီနေရာကို ဘယ်လိုတိုက်ရင်ရတယ်၊ ဘယ်ဗုံးနဲ့ ကျဲမှ ပြိုမယ်၊ လူဘယ်လောက်နဲ့ ထိုးမှရမယ်ဆိုတာမျိုး ပြန်တွက်ချက်နိုင်ပါတယ်
- အချို့နာမည်ရထားပြီးသား ရန်သူကလည်းစောင့်ကြည့်နေတဲ့သူအချို့ဆို ပိုပြီးသတိထားရပါမယ် ပေါ့ပေါ့လေးမဟုတ်ဘူး
- ခင်ဗျားက မြေပြင်မှာကော လိုင်းပေါ်မှာကော လူတွေရိပ်စားမိနေတဲ့သူတစ်ယောက်ဆိုပါတော့ ပြီးတော့တိုက်ပွဲတိုင်းလည်းပါ အရေးကြီးတဲ့အခမ်းအနား event တွေလည်း ခဏခဏရောက်ဆိုရင် ကိုယ့်အသွားအလာကို လိုင်းပေါ်လုံးဝမတင်ပါနဲ့ အရိပ်အမွက်တောင်မတင်ပါနဲ့ ရန်သူဟာအဲ့ဒါတွေအပေါ်လိုက်ပြီး သတင်းသုံးသပ်ချက်တွေလုပ်သွားနိုင်လို့ပါ
- ကျနော်တို့အားလုံး ကိုယ့်ကိုကိုယ်တောင်မသိပဲ ရန်သူသတင်းပေးတွေမဖြစ်ဖို့ ကျနော်တင်ပြတာတွေလုပ်မိနေရင် ရပ်ပေးပါ ။

မာဝီ
ဒု စစ်ဦးစီးချုပ် KNDF
ကရင်နီ

#ဗမာတိုင်းရင်းသားအသံ

30/06/2025

ငြိမ်းချမ်းရေးဖိုရမ်လုပ်ဆောင်နေတဲ့ စစ်ကောင်က ကျောက်မဲမှာ တစ်ရက်ထဲ ဗုံး ၂ ကြိမ်ကျဲလို့ ဒေသခံတွေထိခိုက်

၃၀၊ ဇွန်၊ ၂၀၂၅
BEV (ဗမာတိုင်းရင်းသားအသံ)

ငြိမ်းချမ်းရေးဖိုရမ် ၂၀၂၅ ဆိုပြီး လုပ်ဆောင်နေတဲ့ စစ်ကောင်က ကျောက်မဲမှာ တစ်ရက်ထဲ ဗုံး ၂ ကြိမ်ကျဲလို့ ဒေသခံတွေထိခိုက်ခဲ့ရပါတယ်။

TNLA ထိန်းချုပ်နယ်မြေဖြစ်တဲ့ ကျောက်မဲမြို့ထဲကို မနေ့က ဇွန် ၂၉ ရက် နေလည်ခင်း ၂နာရီတုန်းက တစ်ကြိမ်နဲ့ ည ၉ နာရီမထိုးခင်မှာ တစ်ကြိမ် စုစုပေါင်း ၂ ကြိမ် ဗုံးကျဲခဲ့လို့ ဒေသခံတွေ အသက်အိုးအိမ်စည်းစိမ်တွေ ထိခိုက် ခဲ့ရတာပါ။

ဒီဗုံးကျဲတိုက်ခိုက်မှုကြောင့် ဒေသခံပြည်သူ ၅ ဦးထက်မနည်း ထိခိုက်ဒဏ်ရာရခဲ့ပြီး နေအိမ် ၁၀ လုံးနီးပါး ပျက်စီးဆုံးရှုံးခဲ့ရတယ်လို့ ဒေသခံသတင်းအရင်းအမြစ်တွေက ဆိုပါတယ်။

နေပြည်တော်မှာ ငြိမ်းချမ်းရေးဖိုရမ် စလုပ်ကတည်းက စစ်ကောင်စီဟာ မြန်မာနိုင်ငံ နေရာတော်တော်များများက အရပ်သားတွေကို ပစ်မှတ်ထားပြီး လေယာဥ်နဲ့ ဗုံးကျဲတာ ရွာလုံးကျွတ်မီးရှို့တာတွေကို လုပ်ဆောင်နေပြီး ကျောက်မှာ ဗုံးကျဲတာကတော့ တပတ်အတွင်း ၄ ကြိမ်ရှိပြီဖြစ်ပါတယ်။

ဓာတ်ပုံ - ဒေသခံ

#ဗမာတိုင်းရင်းသားအသံ

30/06/2025

Breaking News

၃၀၊ ဇွန်၊ ၂၀၂၅
BEV (ဗမာတိုင်းရင်းသားအသံ)

ကချင်ပြည်နယ် ဖားကန့်မြို့ ဆိုင်းတောင်ရပ်ကွက် (၃) ခိုင်ကြည်ဇင် ဆီဆိုင်နားမှာ ဒီကနေ့ ဇွန် ၃၀ ရက် မနက်လောက်က မီးလောင်ကျွမ်းမှုဖြစ်ပွားခဲ့ပါတယ်။ ဒေသခံတစ်ဦးရဲ့ ဒီဖြစ်စဥ်ကို ရိုက်ကူးမှတ်တမ်း တင်နေချိန်အထိ မီးသတ်ကားတွေရောက်ရှိမလာသေးဘူးလို့ သိရပါတယ်။ မီးလောင်မှု အသေးစိပ်ကို BEV က ဆက်လက်စုံစမ်းနေပါတယ်။

Video - ဒေသခံများ

#ဗမာတိုင်းရင်းသားအသံ

29/06/2025

ငါတို့က ပြည်သူငြိုငြင်တာ ဘာတစ်ခုမှ လုပ်လို့မရဘူး
ဗိုလ်စွမ်း (ဓားမဆိုင်း)

သူ့အတွေးသူ့အမြင် ကဏ္ဍ

၂၉၊ ဇွန်၊ ၂၀၂၅
BEV (ဗမာတိုင်းရင်းသားအသံ)

ရဲဘော်တို့ တော်လှန်ရေးမှာ
ရိုးသား ဖြောင့်မတ်ပေးကြပါ။
ဆရာ့ကြောင့် ရဲဘော်တို့
ဂုဏ်တက်စေနိုင်သလို
ရဲဘော်တို့ကြောင့်လည်း
ဆရာ ဂုဏ်တက်စေနိုင်တယ်။
ဆရာ့ရဲ့ အပြုအမူ အနေအထိုင်ကြောင့်
ရဲဘော်တို့ ဂုဏ်သိက္ခာမကျဆင်းဖို့ လိုအပ်သလို
ရဲဘော်တို့ရဲ့ အပြုအမူ အနေအထိုင်ကြောင့်
ဆရာ ဂုဏ်သိက္ခာမကျဆင်းအောင်
ရဲဘော်တို့ကနေဖို့ ထိုင်ဖို့ လိုအပ်တယ်။
ဆရာနှင့် တပည့်
အပြန်အလှန် တန်ဖိုးရှိရှိ
တိုင်းပြည်အတွက် အလုပ် လုပ်ဖို့လိုအပ်တယ်။
ခေါင်းဆောင်တွေက ခေါင်းဆောင်အလုပ် လုပ်မယ်။
ရဲဘော်တွေက ရဲဘော်တို့ အလုပ် လုပ်ပါ။
ငါတို့ မင်းတို့က ပြည်သူငြိုငြင်တာ
ဘာတစ်ခုမှလုပ်လို့မရဘူး။
ရိုးသားတဲ့ တော်လှန်ရေး သမားများနဲ့
ချစ်ချစ်ခင်ခင်နေမယ်။
မရိုးသားတဲ့သူကို တော်လှန်မယ်
သန္ဓေမမှန်တဲ့ တော်လှန်လုပ်စား အတ္တသမားများကို
ဝေးဝေးက ရှောင်ကြ ....။

ဗိုလ်စွမ်း (ဓားမဆိုင်း)

#ဗမာတိုင်းရင်းသားအသံ

29/06/2025

တရုတ်ပြည် သမိုင်းမှာ အကြီးမားဆုံးရေလွှမ်းကြုံတွေ့နေရပြီး လူပေါင်းသိန်းချီ ဘေးလွတ်ရာကို ရွှေ့ပြောင်းနေရ

၂၉၊ ဇွန်၊ ၂၀၂၅
BEV (ဗမာတိုင်းရင်းသားအသံ)

တရုတ်ပြည် သမိုင်းမှာ အဆိုးရွားဆုံး ရေကြီးမှုအဖြစ် နိုင်ငံရဲ အနောက်တောင်ဖက် Guizhou ဂွမ်ဂျိုး ပြည်နယ်မှာ မနေ့က ဇွန် ၂၈ ရက်နေ့အထိ လူ သိန်းချီ ရေဘေးသင့် အန္တရာယ်နဲ့ ကြုံတွေ့ခဲ့ရပါတယ်။

ဇွန် ၂၄ ကစပြီး Duliu မြစ်ရေဟာ ပုံမှန်ထက် ၁၁ မီတာ လောက်အထိတက်ခဲ့တယ်လို့ တရုတ်မီဒီယာတွေမှာ ဖော်ပြကြပါတယ်။

ဒါဟာ တရုတ်ပြည် သမိုင်းမှာ အကြီးမားဆုံး ရေလွှမ်းမိုးမှုဖြစ်တယ်လို့လည်း သိရပါတယ်။ ဇွန် ၁၈ ရက်နေ့ကတည်းက တရုတ်နိုင်ငံ အရှေ့ပိုင်း၊ အလယ်ပိုင်း၊ တောင်ပိုင်းနဲ့ အနောက်တောင်ပိုင်းဒေသတွေမှာ ရုတ်တရက်ရေကြီး ရေလျှံမှုနဲ့ပတ်သက်ပြီး တရုတ်အာဏာပိုင်တွေက ယခုနှစ်အတွင်း ပထမဆုံးအကြိမ်အဖြစ် အနီရောင်သတိပေးချက် ထုတ်ပြန်ထားတာပါ။

Video - တရုတ်မီဒီယာများ
ကိုးကား - တရုတ်မီဒီယာများ

#ဗမာတိုင်းရင်းသားအသံ

29/06/2025

ကျိုင်းတုံမှာ အမျိုးသမီးတစ်ဦး ချောင်းထဲ ခုန်ချလို့ ကယ်ဆယ်ခဲ့ပေမယ့် အသက်ဆုံးရှုံးခဲ့

၂၉၊ ဇွန်၊ ၂၀၂၅
BEV (ဗမာတိုင်းရင်းသားအသံ)

ရှမ်းပြည်နယ်အရှေ့ပိုင်း ကျိုင်းတုံမှာ အမျိုးသမီးတစ်ဦး ချောင်းထဲ ခုန်ချလို့ ကယ်ဆယ်ခဲ့ပေမယ့် အသက်ဆုံးရှုံးခဲ့ရပါတယ်။

ဒီကနေ့ ဇွန် ၂၉ ရက်နေ့ မနက် ၇ နာရီလောက်က ကျိုင်းတုံမြို့ လေယာဉ်ကွင်းလမ်း အထက ၅ ကျောင်းနားက ရေချောင်းထဲကို
အမျိုးသမီးတစ်ဦး ခုန်ချမှု ဖြစ်စဉ်ဖြစ်ပွားခဲ့တာပါ။

ဒီဖြစ်စဥ်ကို လူမှုကူညီရေးအသင်းက ကယ်ဆယ်ခဲ့ပေမယ့် အမျိုးသမီးဟာ သေဆုံးသွားခဲ့ပါ။

သေဆုံးသူဟာ ဘယ်သူဘယ်ဝါဖြစ်ပြီး အခုလို ဘာကြောင့်ဖြစ်တယ်ဆိုတာကိုတော့ မသိရသေးပါဘူး။

ဓာတ်ပုံ - နှလုံးလှ လူမှုကူညီရေးအသင်း

#ဗမာတိုင်းရင်းသားအသံ

29/06/2025

ဗန်းမော် အကျဉ်းသားတွေ အစာပြတ်လပ်တာကြောင့် သေဆုံးသူ(၁၀)ဦးကျော်ရှိလာ၊ အကျဉ်းသားတွေကို လက်နက်ပေးကိုင်ထား

၂၉၊ ဇွန်၊ ၂၀၂၅
BEV ( ဗမာတိုင်းရင်းသားအသံ)

ကချင်ပြည်နယ်၊ ဗန်းမော်မြို့ စကခ(၂၁)နားမှာရှိတဲ့ ဗန်းမော်အကျဉ်းထောင်းက အကျဉ်းသားတွေဟာ အစာရေစာ ပြတ်လပ်တာကြောင့် သေဆုံးသူ(၁၀)ဦးဝန်းကျင်ရှိလာပြီလို့ ဗန်းမော်အကျဉ်းထောင်ကနေ လွတ်မြောက်လာသူတွေကနေ သိရပါတယ်။

စစ်ကောင်စီက ဗန်းမော်အကျဉ်းထောင်က အကျဉ်းသားတွေဟာ ထမင်းနပ်မှန်အောင် မစားရပဲ ကုလားပဲပြတ်ရည်တွေ စားသောက်ပြီးနေထိုင်နေရတယ်လို့ ဗန်းမော် အကျဉ်းထောင်ကနေလွတ်မြောက်လာသူတွေကနေ သိရပါတယ်။

“ အခုရိက္ခာပြတ်တယ်ဆိုတာဟုတ်တယ်၊ ရိက္ခာပြတ်လို့ ကုလားပဲတွေပဲ ချက်ပြီး သောက်နေရတယ်၊ ထောင်သားတွေက ဆန်တောင်မစားရတော့ဘူး၊ အာဟာရပြတ်ပြီး သေတဲ့သူတွေလဲ (၁၀) ယောက်ကျော်ပြီ” လို့ပြောပါတယ်။

ဗန်းမော် အကျဉ်းထောင်က အကျဉ်းသားတွေထဲက HIV ပိုးရှိတာကြောင့် ART ဆေးသောက်နေရသူတွေကိုတော့ လွတ်မြောက်ခွင့်ပေးတယ်လို့ သိရပါတယ်။ ရာဇဝတ်မှုနဲ့ အကျဉ်းကျနေတဲ့ ခိုးဆိုး၊လုယှက်သူတွေနဲ့ မုဒိန်းမှု ကျူးလွန်သူတွေကိုလဲ ထောင်ကနေ ထွက်ခွါခွင့်တွေ ပေးတယ်လို့လဲ သိရပါတယ်။

ရာဇဝတ်မှု ကျူးလွန်ထားတဲ့ အကျဉ်သားတွေထဲက ကျန်းမာကြံခိုင်သူတွေကိုတော့ စစ်ကောင်စီဘက်က စစ်သင်တန်းပေး လက်နက်တပ်ဆင်ပြီး စစ်ကောင်စီတပ်သားတွေနဲ့ တွဲပြီး တိုက်ပွဲဝင်နေတယ်လို့ ဗန်းမော်မြို့ရှေ့တန်းက မြေပြင်သတင်းရင်းမြစ် တစ်ဦးကနေ သိရပါတယ်။

“ ထောင်ကနေ လွတ်ပေးလိုက်တဲ့သူတွေရှိတယ် ခိုး၊ဆိုး၊လုယှက်တွေလွတ်တယ်၊ ART သောက်နေတဲ့သူတွေကိုလဲလွတ်တယ်၊ အဲထဲကနေ သွက်သွက်လက်လက်ရှိတဲ့သူတွေကို သင်တန်းပေးပြီး လက်နက်ကိုင်ခိုင်းတယ်၊ သူတို့(စကစ)နဲ့ ညပ်ပြီး သုံးနေတယ်”လို့ ပြောပါတယ်။

အကျဉ်သား တစ်ချို့ကို ထောင်ကနေ လွတ်ခဲ့ပေမဲ့ အကျဉ်းကျခံနေတဲ့ နိင်ငံရေးအကျဉ်းသားတွေနဲ့ တော်လှန်ရေးတပ်ဖွဲ့တွေနဲဲ့ဆက်နွယ်သူတွေကိုတော့ အကျဉ်းထောင်ထဲမှာ ချုပ်နှောင်ထားဆဲဖြစ်တယ်လို့ သိရပါတယ်။

ဗန်းမော်အကျဉ်းထောင်မှာ စကခ ၂၁ ပတ်ဝန်းကျင်က တိုက်ပွဲတွေကြောင့် လွန်ခဲ့တဲ့လတွေမှာ လက်နက်ကြီးကျရောက်ပေါက်ကွဲတာတွေကြောင့် အကျဉ်းသားတွေ ထိခိုက်ဒဏ်ရာရရှိတာတွေ ရှိသလို ထိခိုက်သေဆုံးသူတွေလဲ ရှိခဲ့တယ်လို့ သိရပါတယ်။

လက်ရှိ စကခ ၂၁ နဲ့ ဗန်းမော် အကျဉ်းထောင် ပတ်ဝန်းကျင် အပါအဝင် ဗန်းမော် ပတ်ဝန်းကျင်ကစစ်ကောင်စီ တပ်စခန်းတွေကို ကချင်လွတ်မြောက်ရေးတပ်မတော်က ဝိုင်းဝန်းပိတ်ဆို့ပြီး တိုက်ခိုက်နေဆဲ ဖြစ်ပါတယ်။

ဓာတ်ပုံ - Internet

#ဗမာတိုင်းရင်းသားအသံ

28/06/2025

စစ်ကောင်စီရဲ့ သုံပန်းတွေကို ဖမ်းမိတဲ့အခါ PDF တွေအနေနဲ့ ညှာတာပေးဖို့ စစ်တပ်ထောက်ခံသူတစ်ဦး မေတ္တာရပ်ခံ

၂၈၊ ဇွန်၊ ၂၀၂၅
BEV (ဗမာတိုင်းရင်းသားအသံ)

စစ်ကောင်စီရဲ့ သုံပန်းတွေကို ဖမ်းမိတဲ့အခါ တော်လှန်ရေးရဲဘော် PDF တွေအနေနဲ့ ညှာတာပေးဖို့ စစ်တပ်ထောက်ခံသူဖြစ်တဲ့ Nay Min Thar က သူ့ရဲ page ကနေ မေတ္တာရပ်ခံထားတာပါ။

"PDF ညီငယ်များအနေနဲ့ စခန်းသိမ်းတဲ့အခါ တပ်မတော်သား အသက်ကြီးရင့်သူများနဲ့ တွေ့ရင်ညှာတာစာနာပေးကြပါ။ တာဝန်အရ ရှေ့တန်းစခန်းတွေမှာ နေရတာမိုလို့ပါ။ ဒါလေးတော့ နားလည်ပေးကြပါ။" လို့ Nay Min Thar ကရေးသားထားတာပါ။

အသက်ကြီးကြီး စစ်ကောင်စီ သုံပန်းတွေ ဖမ်းမိထားတဲ့ Video ဖိုင်တစ်ခုကို မနေ့က ဇွန် ၂၇ မှာတင်ပြီး အခုလို အသနားခံတောင်းဆိုထားတာလဲ ဖြစ်ပါတယ်။

မြန်မာနိုင်ငံ ဒေသအသီးသီးက တိုင်းရင်းသားလက်နက်ကိုင်တွေနဲ့ တော်လှန်ရေးတပ်ဖွဲ့တွေကတော့ သူတို့ဖမ်းမိတဲ့ စစ်ကောင်စီ သုံပန်းတွေကို နိုင်ငံတကာစစ်ဥပဒေနဲ့ အညီ ထိန်းသိမ်းထားတယ်လို့ သိရပါတယ်။

#ဗမာတိုင်းရင်းသားအသံ

28/06/2025

မြိတ်မြို့က တည်းခိုခန်းတစ်ခုမှာ ဝန်ထမ်း လူငယ်တစ်ဦး အသတ်ခံရ

၂၈၊ ဇွန်၊ ၂၀၂၅
BEV (ဗမာတိုင်းရင်းသားအသံ)

တနင်္သာရီတိုင်း မြိတ်မြို့ မြိတ်တောင်နယ်မြေ တိုးချဲ့ စေတနာလမ်းရှိ တည်းခိုခန်းတစ်ခုမှာ အလုပ် လုပ်နေသူ ဝန်ထမ်း လူငယ်တစ်ဦး ဓားဒဏ်ရအချက်ပေါင်းများစွာနဲ့ သတ်ဖြတ်ခံလိုက်ရပါတယ်။

ဒီကနေ့ ဇွန်လ ၂၈ ရက် နံနက် ၈ နာရီကျော်အချိန်က တည်းခိုခန်းဝန်ထမ်းတွေနားတဲ့ အခန်းတစ်ခန်းထဲမှာ လူငယ်တစ်ဦး ဓားဒဏ်ရာတွေနဲ့ သေဆုံးနေတဲ့ အတွက် သက်ဆိုင်ရာကို တိုင်ကြားခဲ့တာဖြစ်ပါတယ်။

“သေသွားတဲ့က‌ကောင်လေးကအသက်၂၀ကျော်ပဲရှိသေးတယ်။ရင်ဘက်နဲ့ကျောမှာ ဓားဒဏ်ရာ ၃၀ လောက်ရှိလိမ့်တယ်။ အလောင်းကိုအလုပ်သမားတွေထားတဲ့အဆောင်မှာစတွေ့ကြတာ။ စစ်တဲ့သူတွေကတော့အလောင်းကိုကြည့်ရတာ ညထဲကသတ်ခံရတာဖြစ်နိုင်တယ်လို့ကြားတယ်” လို့ ဒေသခံ တစ်ဦးက ပြောပါတယ်။

ဓားနဲ့အချက်ပေါင်းများစွာ ထိုးခံရပြီးသေဆုံးခဲ့သူမှာ အသက်၂၅နှစ်အရွယ် ကိုမြတ်ထွေး ဆိုသူဖြစ်ပြီး သတ်ဖြတ်သွားသူကိုတော့ ဖမ်းဆီးရမိဖို့အတွက် စစ်ဆေးဆောင်ရွက်နေတယ်လို့ သိရပါတယ်။

ဓာတ်ပုံ - ရှင်သန်ခြင်း ပရဟိတအသင်း

#ဗမာတိုင်းရင်းသားအသံ

Burma Ethnic Voice - ဗမာတိုင်းရင်းသား အသံ

30/06/2025

30/06/2025

30/06/2025

30/06/2025

30/06/2025

30/06/2025

29/06/2025

29/06/2025

29/06/2025

29/06/2025

28/06/2025

28/06/2025

Address

Telephone

Website

Alerts

Contact The Business

Shortcuts

Share

Category