Burma Ethnic Voice - ဗမာတိုင်းရင်းသား အသံ

  • Home
  • Myanmar
  • Yangon
  • Burma Ethnic Voice - ဗမာတိုင်းရင်းသား အသံ

Burma Ethnic Voice - ဗမာတိုင်းရင်းသား အသံ Burma Ethnic Voice (BEV)သည် လူမျိုးကြီးဝါဒမဟုတ်သည့် ဗမာတိုင်းရင်းသားများ၏ အသံများအား ကိုယ်စားပြုသည်။

ပြင်ဦးလွင်မှာ ချောင်းအတွင်း နွား နဲ့ အတူ အမျိုးသားလူငယ်တစ်ဦး ရေနစ်ပျောက်ဆုံးနေ ၇ ၊ နိုဝင်ဘာ၊ ၂၀၂၅ BEV ၊ ဗမာတိုင်းရင်းသား...
07/11/2025

ပြင်ဦးလွင်မှာ ချောင်းအတွင်း နွား နဲ့ အတူ အမျိုးသားလူငယ်တစ်ဦး ရေနစ်ပျောက်ဆုံးနေ

၇ ၊ နိုဝင်ဘာ၊ ၂၀၂၅
BEV ၊ ဗမာတိုင်းရင်းသားအသံ

မန္တလေးမြို့ ကျောက်ဆည်ခရိုင် ပြင်ဦးလွင်မြို့နယ် ဆူးလေကုန်းရွာ ထုံးကြီးချောင်းအတွင်း ယနေ့ နိုဝင်ဘာ ၇ ရက်နေ့က ချောင်းအတွင်း နွားနဲ့အတူ အမျိုးသားလူငယ်တစ်ဦး ရေနစ်ပျောက်ဆုံး နေတယ် လို့ သိရပါတယ်။

နေ့လယ် ၁၁ နာရီအချိန်က အသက် ၁၇ နှစ်အရွယ် အမျိုးသားတစ်ဦး နွားကျောင်းရာမှ ချောင်းအတွင်း နွားနဲ့အတူ ရေနစ်ပျောက်ဆုံးသွားတဲ့အတွက် ရေငုပ်ရှာဖွေပေးဖို့ မြန်မာနိုင်ငံလူမှုကယ်ဆယ်ရေး အဖွဲ့ (မန္တလေးတိုင်းရုံး) Myanmar Rescue Diver Team ကို နေ့လည် ၃နာရီခွဲအချိန်တွင် ဆက်သွယ် အကူအညီတောင်းခံခဲ့ပါတယ်။

မြန်မာနိုင်ငံလူမှုကယ်ဆယ်ရေးအဖွဲ့(မန္တလေးတိုင်း ကော်မတီ) တိုင်းကော်မတီရုံးမှ ရေငုပ် ရှာ‌ဖွေ ကယ်ဆယ်ရေး အဖွဲ့များ သွားရောက်ကာ နယ်မြေခံအဖွဲ့အစည်းများနဲ့အတူ ရှာဖွေပေးခဲ့သော်လည်း ရှာဖွေတွေ့ရှိခြင်းမရှိခဲ့ဘူးလို့ ဒေသခံတစ်ဦးက ပြောပါတယ်။

လက်ရှိအချိန်မှာ ချောင်းအတွင်း နွား နဲ့ အတူ ရေနစ်ပျောက်ဆုံးသွားသူကို ရှာမတွေ့သေးတဲ့အတွက် မနက်ဖြန်နံနက်ပိုင်းတွင် ဆက်လက်ရှာဖွေသွားမှာဖြစ်တယ်လို့ မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး)က သိရပါတယ်။

ဓာတ်ပုံ - မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး)



#ဗမာတိုင်းရင်းသားအသံ

အာဏာသိမ်းစစ်တပ်ရဲ့ အကြမ်းဖက်မှုတွေကြောင့် ၁၀ လအတွင်း အသက် ၁၈ အောက် ကျား/မ သေဆုံးသူ ၂၆၀ ကျော်အထိရှိလာ၇၊ နိုဝင်ဘာ၊ ၂၀၂၅ B...
07/11/2025

အာဏာသိမ်းစစ်တပ်ရဲ့ အကြမ်းဖက်မှုတွေကြောင့် ၁၀ လအတွင်း အသက် ၁၈ အောက် ကျား/မ သေဆုံးသူ ၂၆၀ ကျော်အထိရှိလာ

၇၊ နိုဝင်ဘာ၊ ၂၀၂၅
BEV ၊ ဗမာတိုင်းရင်းသားအသံ

အာဏာသိမ်းစစ်တပ်ရဲ့ အကြမ်းဖက်မှုတွေကြောင့် ၂၀၂၅ ခုနှစ် ဇန်နဝါရီလ ၁ ရက်နေ့မှ အောက်တို ဘာလ ၃၁ ရက်နေ့အထိ နိုင်ငံတဝန်း အာဏာသိမ်းစစ်တပ်ရဲ့ အကြမ်းဖက်မှုတွေကြောင့် အသက် ၁၈ နှစ်အောက် သေဆုံးသူ မိန်းကလေး (၁၂၃) ဦး နဲ့ ယောကျ်ားလေး (၁၃၉) ဦး စုစုပေါင်း (၂၆၂) ဦး သေ ဆုံးခဲ့ တာကို အမည် နဲ့ တကွ အတည်ပြုနိုင်ခဲ့တယ်လို့ နိုင်ငံရေးအကျဉ်းသားများ ကူညီစောင့် ရှောက် ရေးအသင်း (AAPP)က ထုတ်ပြန်တဲ့ စာရင်းအရ သိရပါတယ်။

အဆိုပါအရေအတွက်အတွင်း (၂၀၆) ဦးမှာ စစ်အုပ်စုရဲ့ လေကြောင်း တိုက်ခိုက်မှုကြောင့် အများ ဆုံးသေဆုံးခဲ့ကြောင်းနဲ့ အဆိုပါ (၂၆၂) ဦးအနက် စစ်ကိုင်းတိုင်းက (၆၉) ဦးနဲ့ သေဆုံးမှု အများဆုံး ဒေသဖြစ်ပြီး ရခိုင်ပြည်နယ်မှာ (၄၆) ဦးနဲ့ သေဆုံးမှု ဒုတိယအများဆုံးဒေသဖြစ်ခဲ့တယ်လို့ သိရပါ တယ်။

ဆက်လက်ပြီး ဆိုပါ (၁၀) လတာကာလအတွင်း အာဏာသိမ်းစစ်တပ်ရဲ့ အကြမ်းဖက်မှုတွေကြောင့်
အသက် ၆၅ နှစ် နဲ့ အထက် သေဆုံးသူအမျိုးသမီး (၄၉) ဦး နဲ့ အမျိုးသား (၅၇) ဦး စုစုပေါင်း (၁၀၆) ဦး ရှိခဲ့တာကို အမည်နဲ့တကွ အတည်ပြုနိုင်ခဲ့တယ်လို့ ဆိုပါတယ်။

အဆိုပါ အရေအတွက်အတွင်း (၆၅) ဦးမှာ စစ်အုပ်စုရဲ့ လေကြောင်း တိုက်ခိုက်မှုကြောင့် အများဆုံး သေဆုံးခဲ့ရပြီး အဆိုပါ (၁၀၆) ဦးအနက် မကွေးတိုင်းက (၃၀) ဦး နဲ့ သေဆုံးမှု အများဆုံးဒေသ ဖြစ်ပြီး စစ်ကိုင်းတိုင်းမှာ (၂၂) ဦးနဲ့ သေဆုံးမှု ဒုတိယအများဆုံးဒေသဖြစ်တယ်လို့ သိရပါတယ်။

ဆက်လက်ပြီး အာဏာသိမ်းစစ်တပ်က ရွေးကောက်ပွဲဥပဒေနဲ့ ဖမ်းဆီးခံထား သူ (၇၇) ဦး ရှိပြီး ထိုအရေအတွက်အတွင်း အမည်စာရင်းအတည်ပြုနေဆဲ (၅၄) ဦးပါဝင်တယ်လို့ ဆိုပါတယ်။

စစ်တပ်က အာဏာသိမ်းခဲ့တဲ့ ၅ နှစ်အတွင်း သေဆုံးခဲ့ရတဲ့ ဒီမိုကရေစီရေး လှုပ်ရှားသူတွေနဲ့ နဲ့ ပြည်သူ စုစုပေါင်းမှာ (၇၄၄၆)ဦးရှိခဲ့ပြီး ဖမ်းဆီးခံခဲ့ရသူ စုစုပေါင်း (၂၉၉၂၈) ဦးရှိခဲ့ကာ ထိုအထဲမှ (၂၂၆၁၃) ဦးမှာ ထိန်းသိမ်းခံနေရဆဲဖြစ်ကာ ထိန်းသိမ်းခံနေရသူများအနက်မှ (၁၁၃၃၅)ဦးမှာ ထောင်ဒဏ် ချမှတ်ခံထား ရဆဲဖြစ်တယ်လို့ AAPP ရဲ့စာရင်းတွေအရ သိရပါတယ်။

ဓာတ်ပုံ - Connect Burma



#ဗမာတိုင်းရင်းသားအသံ

စစ်မှုထမ်းအတွက် ထောက်ပံ့ကြေးငွေ မပေးနိုင်လို့ အမျိုးသားတစ်ဦး မိမိကိုယ်ကို အဆုံးစီရင်၇ ၊ နိုဝင်ဘာ၊ ၂၀၂၅ BEV ၊ ဗမာတိုင်းရင...
07/11/2025

စစ်မှုထမ်းအတွက် ထောက်ပံ့ကြေးငွေ မပေးနိုင်လို့ အမျိုးသားတစ်ဦး မိမိကိုယ်ကို အဆုံးစီရင်

၇ ၊ နိုဝင်ဘာ၊ ၂၀၂၅
BEV ၊ ဗမာတိုင်းရင်းသားအသံ

စစ်မှုထမ်းအတွက် ထောက်ပံ့ကြေးငွေ မပေးနိုင်လို့ အသက်၃၀အရွယ် ကလေး ၂ဦး ဖခင်ဖြစ်သူ မောင်လော်ပေါ်(ခ)ဆန်းထွဋ် နိုဝင်ဘာ(၅)ရက်နေ့ ကျုံရပ်နဲ့မြင်းကဆိပ် ဆက်သွယ်ရေးလမ်း တစ်နေရာတွင် ကြိုးဆွဲချ သေဆုံးသွားပါတယ်။

ဧရာဝတီတိုင်း ပုသိမ်ခရိုင် ကန်ကြီးထောင့်မြို့နယ် ကျုံရပ်ကျေးရွာအုပ်စုတွင် အုပ်ချုပ်ရေးမှူး ကျော်မင်း ထွန်း (ရေးတွင်းချောင်ရွာ)အပိုင်တွင် မြို့နယ်စစ်မှူးထမ်းဆင့်ခေါ်ရေးအဖွဲ့မှ ဆင့်ခေါ်စာကျသည်ဟု ဆိုကာ ကျုံရပ်ကျေးရွာမှ လူငယ်(၃)ဦးကို နိုဝင်ဘာ(၄)ရက်နေ့တွင် စာအိတ်ဖြင့် နေအိမ်များကို လာ‌ပို့ သွားခဲ့ပါတယ်။ ကျုံ

ရပ်ကျေးရွာတွင် စစ်မှုထမ်းစာအိတ်ကျလာတဲ့ လူငယ်(၃)ဦးကို စစ်မှုမထမ်းချင်ရင် တစ်ယောက် ၂သိန်းခွဲ (၂၅၀၀၀၀) ကျပ်ပေးရမည် မပေးပါက စစ်တပ်မှ ညကြရင်လာဖမ်းမည် ခြိမ်းခြောက်ပြီး ငွေတောင်းခဲ့ကြတယ်လို့ သိရပါတယ်။

လူငယ်(၃)ယောက်တွင် တစ်ဦးသာငွေပေးခဲ့ပြီး တစ်ဦးမှာ အဆက်သွယ်မရတဲ့အတွက် မိသားစုကို ရုံးခေါ်ထားပြီး မောင်လော်ပေါ်(ခ)ဆန်းထွဋ် မှာ ငွေမပေးနိုင်တဲ့အတွက် ကျုံရပ်နဲ့မြင်းကဆိပ် ဆက်သွယ်ရေးလမ်းတစ်နေရာတွင် ကြိုးဆွဲချ သေဆုံးခဲ့တာဖြစ်ပါတယ်။ ကြိုးဆွဲချသေဆုံးသူ မောင်ဆန်းထွဋ်တွင် ဇနီးနဲ့ သမီးမိန်းကလေး(၈)နှစ်နဲ့ (၂)နှစ်အရွယ် နှစ်ယောက် ကျန်ခဲ့ပြီး အုပ်ချုပ်ရေးမှူးကျော်မင်းထွန်း ရာအိမ်မှူးဝင်းနိုင် နမော မသန်းမိတို့မှ သေဆုံးသူမှာ အကြွေး ရှိတဲ့အတွက် အိမ်မှာပဲ စိတ်ညစ်ပြီး သူ့ကိုသူ သတ်သေတယ်လို့ သတင်းလွှင့်ထားပါတယ်။

မောင်ဆန်းထွဋ် မသေခင်နေ့က ရာအိမ်မှူးဝင်းနိုင်က မင်းပိုက်ဆံ နှစ်သိန်းခွဲ မပေးရင် စစ်တပ်က ညကျလာဖမ်းမယ်ဟု ခြိမ်းခြောက်ပြောဆိုခဲ့ပြီးနောက် ကြောက်လန့်ကာ သူ့ကိုသူ သတ်သေသွား တာဖြစ်တယ်လို့ သိရပါတယ်။

ဓာတ်ပုံ ( သတင်းအထူးတပ်ဖွဲ့ ပုသိမ်)



#ဗမာတိုင်းရင်းသားအသံ

07/11/2025

မိုးကုတ်မှာ စစ်တပ်နဲ့ စစ်အာဏာရှင်ဆန့်ကျင်ရေး သံပုံးတီးဆန္ဒပြ

၇ ၊ နိုဝင်ဘာ၊ ၂၀၂၅
BEV ၊ ဗမာတိုင်းရင်းသားအသံ

မိုးကုတ်ကို စစ်တပ်ပြန်ဝင်မှာကို ဆန့်ကျင်ကြောင်းပြသဖို့အတွက် မနေ့ နိုဝင်ဘာ ၆ ရက် ည ၈ နာရီမှာ သံပုံးတီး ဆန္ဒထုတ်‌ဖော်ခဲ့ကြတယ်လို့ သိရပါတယ်။

ရုပ်သံ - Facebook



#ဗမာတိုင်းရင်းသားအသံ

ဦးပွားဂုံးကျော်တံတားအနီး မီးရထားသံလမ်းပေါ်တွင် ကိုရင်တစ်ပါးရထား အတိုက်ခံရ ၇ ၊ နိုဝင်ဘာ၊ ၂၀၂၅ BEV ၊ ဗမာတိုင်းရင်းသားအသံ ...
07/11/2025

ဦးပွားဂုံးကျော်တံတားအနီး မီးရထားသံလမ်းပေါ်တွင် ကိုရင်တစ်ပါးရထား အတိုက်ခံရ

၇ ၊ နိုဝင်ဘာ၊ ၂၀၂၅
BEV ၊ ဗမာတိုင်းရင်းသားအသံ

မန္တလေးတိုင်း ချမ်းမြသာစည်မြို့နယ် ချမ်းမြသာစည်(တောင်)ရပ်ကွက် အကွက်(၉၀၂) ၇၈လမ်း စစ်ကိုင်း လမ်းခွဲနဲ့ မြနန္ဒာလမ်းကြားရှိ ဦးပွားဂုံးကျော်တံတားအနီး မီးရထားသံလမ်းပေါ်မှာ ကိုရင် တစ်ပါး မီးရထား အတိုက်ခံရပြီး သေဆုံးခဲ့ပါတယ်။

သေဆုံးသွားသူ ကိုရင်မှာ ရှင်ပုညနန္ဒ လူအမည် အိုက်မန်း အသက်၁၄နှစ် ဝါတော် ၄ဝါ နံကပ်ကျေးရွာ ရှမ်းပြည်နယ် ရပ်စောက်မြို့နယ်ဇာတိ ဖြစ်တယ်လို့ သိရပါတယ်။

ချမ်းမြသာစည်မြို့နယ် ချမ်းမြသာစည်(တောင်)ရပ်ကွက် အကွက် (၈၇၁) ချမ်းမြသာစည်ကျောင်း တိုက်တွင် သီတင်းသုံးနေထိုင်သူဖြစ်ပြီး နိုဝင်ဘာ၅ရက် ညနေ၅နာရီဝန်းကျင်က တစ်ကျောင်းတည်း အတူ သီတင်းသုံး နေထိုင်သူ ရှင်မုနိန္ဒ အသက်၇နှစ် ဝါတော် ၂ဝါနဲ့အတူ သီတင်းသုံးနေထိုင်တဲ့ ကျောင်းတိုက်မှ ထွက်လာခဲ့ကြတယ်လို့ သိရပါတယ်။

ဦးပွားဂုံးကျော်တံတားအနီး ရန်ကုန်-မန္တလေး အစုန်သံလမ်း ၂ခုကြားတွင် ရှင်ပုညနန္ဒမှ အိပ်နေခဲ့ပြီး ရှင်မုနိန္ဒမှာ ရထားသံလမ်းဘေးမှာ အိပ်နေခဲ့ကြပါတယ်။

နိုဝင်ဘာ၆ရက် နံနက်၅နာရီ၇မိနစ် အချိန်တွင် ရှင်ပုညနန္ဒမှာ မန္တလေး-ရန်ကုန် အစုန်ရထား နဲ့ ချိတ်မိပြီး ဦးခေါင်း နဲ့ ခန္ဓာကိုယ်တွင် ဒဏ်ရာတွေရရှိခဲ့ပြီး အခင်းဖြစ်နေရာမှာ သေဆုံးသွားတာဖြစ်တယ်လို့ သိရပါတယ်။



#ဗမာတိုင်းရင်းသားအသံ

ရန်ကုန်-မော်လမြိုင်ရထားလမ်း သိမ်ဆိပ်ဘူတာ နဲ့ ဒုန်ဝန်းဘူတာကြား ကျောက်တင်ရထား မိုင်းခွဲခံရ ၇ ၊ နိုဝင်ဘာ၊ ၂၀၂၅ BEV ၊ ဗမာတို...
07/11/2025

ရန်ကုန်-မော်လမြိုင်ရထားလမ်း သိမ်ဆိပ်ဘူတာ နဲ့ ဒုန်ဝန်းဘူတာကြား ကျောက်တင်ရထား မိုင်းခွဲခံရ

၇ ၊ နိုဝင်ဘာ၊ ၂၀၂၅
BEV ၊ ဗမာတိုင်းရင်းသားအသံ

ရန်ကုန်-မော်လမြိုင် ရထားလမ်းပိုင်း သိမ်ဆိပ်ဘူတာ နဲ့ ဒုံဝန်းဘူတာကြား မိုင်တိုင် ၁၂၅/ ၁၈- ၁၉ ကြားမှာ အမှတ် (၆၈၆) အစုန်ကျောက်ရထားဖြတ်သန်းစဥ် မိုင်းခွဲခံခဲ့ရတဲ့အတွက် ရထားသံလမ်း ၂ဆက်ခန့်ပျက်စီး သွားပါတယ်။

အမှတ် ၆၈၆ အစုန်ကျောက်ရထား စက်ခေါင်းအပါအဝင် တွဲ၄တွဲ လမ်းချော်မှုဖြစ်ပွားခဲ့ပြီး ယနေ့ နိုဝင်ဘာလ ၇ ရက်နေ့ နံနက် ၈ နာရီ ၂၅ မိနစ် ချိန်ခန့်က သိမ်ဆိပ်ဘူတာ နဲ့ ဒုန်ဝန်းဘူတာကြား မိုင်းခွဲခံရတာဖြစ်ပါတယ်။

မော်လမြိုင်ဘူတာကြီး မှထွက်ခွာမည့် အမှတ် ၈၂ အစုန် မော်လမြိုင်-ရန်ကုန် ရထား နဲ့ ရန်ကုန်ဘူ တာကြီး မှထွက်ခွာမည့် အမှတ် ၈၁ အဆန် ရန်ကုန်-မော်လမြိုင် ရထားခရီးစဥ် (၂) ခု အား ယာယီဖျက်သိမ်းထားတယ် လို့ သိရပါတယ်။

ဝယ်ယူထားပြီးသော ရထားလက်မှတ်ခများကို မော်လမြိုင်ဘူတာကြီး နေ့ချင်း လက်မှတ်ရုံတွင် မနက် (၀၈း၃၀)နာရီမှ (၁၂း၀၀)နာရီ ထိ ပြန်အမ်းပေးနေတဲ့အတွက် လက်မှတ်ဝယ်ယူထားသူများ လာရောက် ထုတ်ယူနိုင်တယ်လို့ ကြေငြာထားပါတယ်။

ဓာတ်ပုံ - Facebook



#ဗမာတိုင်းရင်းသားအသံ

ရွှေပြည်သာဘူတာအနီး သားအဖနှစ်ဦး ရထားတိုက်ခံရ ဖခင်ဖြစ်သူသေဆုံး ၇ ၊ နိုဝင်ဘာ၊ ၂၀၂၅ BEV ၊ ဗမာတိုင်းရင်းသားအသံ ရန်ကုန်တိုင်း ...
07/11/2025

ရွှေပြည်သာဘူတာအနီး သားအဖနှစ်ဦး ရထားတိုက်ခံရ ဖခင်ဖြစ်သူသေဆုံး

၇ ၊ နိုဝင်ဘာ၊ ၂၀၂၅
BEV ၊ ဗမာတိုင်းရင်းသားအသံ

ရန်ကုန်တိုင်း ရွှေပြည်သာမြို့နယ် ရွှေပြည်သာဘူတာနဲ့ စက်မှုဇုံဘူတာကြားမှာ ရထားသံလမ်းကို ခေါင်းခင်း အိပ်နေသူ သား/အဖ နှစ်ဦး ရထားတိုက်ခံခဲ့ရတာဖြစ်ပြီး ဖခင်ဖြစ်သူမှာ နေရာမှာ သေဆုံးသွားခဲ့ပါတယ်။

ရထားလမ်းမိုင်တိုင် ၂၁ နဲ့ ၂၂ ကြားမှာ သံလမ်းကို ခေါင်းအုံးအိပ်ပျော်နေစဉ် ရထားလမ်းဘေးအနီးနေသူ သားအဖနှစ်ဦး ရထားကြိတ်ခံရပြီး ဖခင်ဖြစ်သူမှာ ဦးခေါင်းပြတ်ပြီး သေဆုံးခဲ့တယ်လို့ သိရပါတယ်။

နိုဝင်ဘာလ(၆) ရက်နေ့ ညနေပိုင်းအချိန်က ဖြစ်ပွားခဲ့တာဖြစ်ပြီး ကလေးဖြစ်သူမှာ ဦးခေါင်းကို ထိခိုက်ခဲ့ပေ မယ့် အသက်ရှင်လျှက် ကယ်တင်နိုင်ခဲ့တယ်လို့ မျက်မြင်တွေ့သူတစ်ဦးက ပြောပါတယ်။

သေဆုံးသူရုပ်အ‌လောင်းကိုတော့ ရွှေမေတ္တာ လူမှုကူညီရေးအသင်းက ဆေးရုံပို့‌ဆောင်ပေးခဲ့တယ်လို့ သိရပါတယ်။

ဓာတ်ပုံ (ရွှေမေတ္တာ လူမှုကူညီရေးအသင်း)



#ဗမာတိုင်းရင်းသားအသံ

အောက်တိုဘာလ တစ်လအတွင်း စစ်အုပ်စုရဲ့အကြမ်းဖက်မှုကြောင့် အမျိုးသမီး (၇၀)ဦးသေဆုံးခဲ့ ၇ ၊ နိုဝင်ဘာ၊ ၂၀၂၅ BEV ၊ ဗမာတိုင်းရင်း...
07/11/2025

အောက်တိုဘာလ တစ်လအတွင်း စစ်အုပ်စုရဲ့အကြမ်းဖက်မှုကြောင့် အမျိုးသမီး (၇၀)ဦးသေဆုံးခဲ့

၇ ၊ နိုဝင်ဘာ၊ ၂၀၂၅
BEV ၊ ဗမာတိုင်းရင်းသားအသံ

အာဏာသိမ်း စစ်တပ်ရဲ့ အကြမ်းဖက်မှုတွေကြောင့် ၂၀၂၅ ခုနှစ် အောက်တိုဘာလအတွင်း အမျိုးသမီး (၇၀) ဦးသေဆုံးခဲ့ရတယ်လို့ မြန်မာ့အမျိုးသမီးသမဂ္ဂ (BWU) ရဲ့ထုတ်ပြန်မှုရ သိရပါတယ်။

စစ်တပ်က ပြီးခဲ့တဲ့ အောက်တိုဘာလအတွင်း အရပ်သားပြည်သူတွေအပေါ် လေကြောင်းတိုက်ခိုက်မှုနဲ့ လက်နက်ကြီးပစ်ခက်မှုတွေပိုမိုတိုးပြီးလုပ်ဆောင်လာခဲ့တယ်လို့လည်း ဆိုပါတယ်။

၂၀၂၅ ခုနှစ် အောက်တိုဘာလတွင် ထူးခြား ဖြစ်စဥ် အနေနဲ့ အောက်တိုဘာ (၆) ရက်နေ့ ည ၈ နာရီ ဝန်းကျင်အချိန် မုံရွာ နဲ့ ချောင်းဦးမြို့နယ်အစပ်၊ ချောင်းဦးမြို့နယ် မြောက်ခြမ်း တစ်နေရာမှာ မြန်မာ့ ရိုးရာ သီတင်းကျွတ်ပွဲတော် ဆီမီးထွန်း သပိတ် ပြုလုပ်နေသူတွေကို စစ်တပ်က ၁၂၀ မမ လက်နက် ကြီး နှစ်လုံး သုံးကာ ပါရာမော်တာဖြင့် ဗုံးကြဲခဲ့ဖြစ်စဉ်ဖြစ်တယ်လို့ ဆိုပါတယ်။

ဒီဖြစ်စဉ်အတွင်း သေဆုံးသူ (၂၂) ဦးအထိရှိခဲ့ပြီး ထိခိုက် ဒဏ်ရာရရှိသူ (၅၅) ဦးထိ ရှိခဲ့ပါတယ်။

စစ်တပ်က ၂၀၂၁ ခုနှစ် ဖေဖော်ဝါရီလ (၁) ရက်နေ့ အာဏာသိမ်းဖို့ ကြိုးပမ်းချိန်မှ စတင်ကာ (၅) နှစ်နီးပါး ကာလအတွင်း စစ်ရာဇဝတ်မှု နဲ့ လူသားမျိုးနွယ်အပေါ် အမျိုးမျိုးသော ရာဇဝတ်မှုတွေ၊ လူ့အခွင့်အရေး ချိုးဖောက်မှုတွေကို နည်းမျိုးစုံနဲ့ ကျူးလွန်နေခ့တယ်လို့ BWU က ဆိုပါတယ်။

လက်ရှိထုတ်ပြန်ထားတဲ့ သတင်းအချက်အလက်တွေမှာလည်း တိကျခိုင်လုံတဲ့သတင်း မီဒီယာ အချက်အလက်တွေနဲ့ မြေပြင်က ရရှိတဲ့ အချက်အလက်တွေကို စုဆောင်းမှတ် တမ်းတင်ထား ခြင်းဖြစ်တယ်လို့ BWU က ထုတ်ပြန်ထားပါတယ်။

ဓာတ်ပုံ - မြန်မာ့အမျိုးသမီးသမဂ္ဂ (BWU)



#ဗမာတိုင်းရင်းသားအသံ

07/11/2025

ရန်ကုန်နဲ့ နေပြည်တော်တွင် ပံ့သကူကောက်သူ ၁၆ ဦးခန့် ထိခိုက်ဒဏ်ရာရ

၇ ၊ နိုဝင်ဘာ၊ ၂၀၂၅
BEV ၊ ဗမာတိုင်းရင်းသားအသံ

ပြီးခဲ့တဲ့ နိုဝင်ဘာ ၄ ရက်က တန်ဆောင်မုန်းလပြည့်နေ့ညပိုင်းမှာ ရန်ကုန် နဲ့ နေပြည်တော်အတွင်းရှိ မြိုနယ်အချို့မှာ ပံ့သကူကောက်ရင်း ကား/ဆိုင်ကယ် တွေနဲ့တိုက်မိပြီးထိခိုက် ဒဏ်ရာရရှိသူ ၁၆ ဦးခန့်ရှိ တယ်လို့ လူမှုကူညီရေးအသင်းတွေက ပြောပါတယ်။

တန်ဆောင်မုန်းလပြည့်ညက ရန်ကုန်နဲ့ နေပြည်တော်ရှိ မြို့နယ်အချို့ရှိ လမ်းမတွေမှာ ကားပေါ်က ပံ့သကူ အဖြစ် ပိုက်ဆံတွေ ပစ်ချတာကို လိုက်လံကောက်ယူကြရင်း ကားတိုက်မှုတွေ ဖြစ်ပွားခဲ့ တယ်လို့ ရပ်ကွက်နေပြည်သူတွေက ပြောပါတယ်။

လူအချို့က ကားပေါ်မှ ပိုက်ဆံတွေကို ကားလမ်းမပေါ်မျာ ကြဲချခဲ့တဲ့အတွက် ပိုက်ဆံပြေးကောက်တဲ့ လူကြီး လူငယ်အချို့ နောက်ကားနဲ့ဆိုင်ကယ်တွေကို သတိမထားတော့ဘဲ ဝင်ကောက်ရာမှ ကား ဆိုင်ကယ်တွေနဲ့ ဝင်တိုက်မိတာဖြစ်တယ်လို့ မျက်မြင်တွေ့သူတွေက ပြောပါတယ်။


နှစ်စဉ် တန်ဆောင်မုန်းလပြည့်ညမှာ ပိုက်ဆံတွေ ကားလမ်းမပေါ်မှာ လိုက်လံကြဲချတဲ့အတွက် ကားတိုက်မှုတွေ ဖြစ်ပွားခဲ့ပြီး လူသေဆုံးတဲ့အထိ ဖြစ်ပွားခဲ့တဲ့နှစ်တွေလည်းရှိခဲ့တဲ့ နှစ်တွေ လည်းရှိ ခဲ့သလို လှူလိုသူတွေအနေနဲ့ အခုလိုကားပေါ်ကနေ ကြဲချတာတွေ ပစ်ချတာတွေ မလုပ်သင့်ဘူးလို့ ကူညီကယ်ဆယ်ရေးတွင် ပါဝင် သူတစ်ဦးက ပြောပါတယ်။

အချိုကားတွေပေါ်မှ ပိုက်ဆံကြဲချခဲ့တာမဟုတ်ဘဲ တစ်ရှူးစက္ကူတွေ ကြဲချခဲ့တဲ့အတွက် လိုက်လံ ကောက် ယူသူ ကလေးငယ်တစ်ဦး ထိခိုက်ဒဏ်ရာရရှိခဲ့တယ်လို့ သိရပါတယ်။

ရုပ်သံ - Facebook



#ဗမာတိုင်းရင်းသားအသံ

တောင်ကြီးမှာ PPP ပါတီရဲ့ ကိုယ်စားလှယ်လောင်းတစ်ဦး ရိုက်နှက်ခဲ့မှုကြောင့် လူတစ်ဦးသေဆုံး ၇ ၊ နိုဝင်ဘာ၊ ၂၀၂၅ BEV ၊ ဗမာတိုင်း...
07/11/2025

တောင်ကြီးမှာ PPP ပါတီရဲ့ ကိုယ်စားလှယ်လောင်းတစ်ဦး ရိုက်နှက်ခဲ့မှုကြောင့် လူတစ်ဦးသေဆုံး

၇ ၊ နိုဝင်ဘာ၊ ၂၀၂၅
BEV ၊ ဗမာတိုင်းရင်းသားအသံ

ရှမ်းပြည်နယ်(တောင်ပိုင်း) တောင်ကြီးမြို့နယ် အေးသာယာမြို့မှာ ပြီးခဲ့တဲ့ နိုဝင်ဘာ ၄ ရက်နေ့ မနက် ၂ နာရီ ကျော်အချိန်က PPP ပါတီမှ ကိုယ်စားလှယ်လောင်းတစ်ဦး ရိုက်နှက်ခဲ့မှုကြောင့် လူတစ်ဦးသေ ဆုံးခဲ့ပါတယ်။

ဖြစ်စဉ်ကတော့ အေးသာယာမြို့ ရပ်ကွက်(၁) နယ်မြေ(၂) အကွက်ကြီး (၈၀) အိမ်အမှတ်(၄၂) နေအိမ် ရှေ့လမ်းမပေါ် က အိမ်နီးချင်း စိုင်းရွှေထီး နေအိမ်ရှိ မန်ကျည်းပင်ပေါ်မှ အိပ်တန်းဝင်နေတဲ့ ကြက်တွေ ကို လောတာ (ခ) စိုင်းထွန်းဆာက သွားရောက်ခိုးယူခဲ့ပါတယ်။

အသက် ၅၂ နှစ်အရွယ် လောတာ (ခ) စိုင်းထွန်းဆာ အေးသာယာမြို့ နေသူက ခိုးယူစဉ် စိုင်းရွှေထီးနဲ့ သားဖြစ်သူ စိုင်းကျော်စိုးမိုး တို့မှ တုတ်တွေနဲ့ ဝိုင်းဝန်းရိုက်နှက်ခဲ့ကတာ ဖြစ်ပါတယ်။

အဆိုပါ သားဖနှစ်ဦး ဝိုင်းဝန်းရိုက်နှက်ခဲ့မှုကြောင့် လောတာ(ခ)စိုင်းထွန်းဆာ မှာ သွေးထွက်ပေါက်ပြဲ ဖူးရောင်ညိုမဲ ဒဏ်ရာတွေနဲ့ သေဆုံးသွားခဲ့တာကြောင့် ဝိုင်းဝန်းရိုက်နှက်ကြသူ စိုင်းရွှေထီး နဲ့ သား ဖြစ်သူ စိုင်းကျော်စိုးမိုး တို့ ၂ ဦးကို သက်သေခံတုတ်တွေနဲ့ အတူဖမ်းဆီးထားပြီး ဥဒေအရ အမှုဖွင့်အရေးယူ စစ်ဆေးနေတယ်လို့ သိရပါတယ်။

စိုင်းရွှေထီးဆိုသူမှာ PPP ပါတီမှ တောင်ကြီးမြို့နယ် ပြည်နယ် PR ကိုယ်စားလှယ်လောင်းတစ်ဦးအဖြစ် ဝင်ရောက်ယှဉ်မည့််သူ တစ်ဦးဖြစ်တယ်လို့လည်း သိရပါတယ်။



#ဗမာတိုင်းရင်းသားအသံ

သရုပ်ဆောင် ဖွေးဖွေးနဲ့ အလင်းရောင်ကို စစ်တပ်ကဖမ်းဆီး ၇ ၊ နိုဝင်ဘာ၊ ၂၀၂၅ BEV ၊ ဗမာတိုင်းရင်းသားအသံသရုပ်ဆောင် ဖွေးဖွေးနဲ့ အ...
07/11/2025

သရုပ်ဆောင် ဖွေးဖွေးနဲ့ အလင်းရောင်ကို စစ်တပ်ကဖမ်းဆီး

၇ ၊ နိုဝင်ဘာ၊ ၂၀၂၅
BEV ၊ ဗမာတိုင်းရင်းသားအသံ

သရုပ်ဆောင် ဖွေးဖွေးနဲ့ အလင်းရောင်ကို အာဏာသိမ်းစစ်တပ်ကဖမ်းဆီးလိုက်တယ်လို့ အနုပညာ အသိုင်းအဝန်းနဲ့ နီးစပ်သူတွေဆီက သိရပါတယ်။

သရုပ်ဆောင်ဖွေးဖွေးကို ယမန်နေ့က ပြင်ဦးလွင်မြို့ ရုပ်ရှင်ရိုက်ကွင်းရေးတစ်ခုကနေ စစ်တပ်ရဲ့ လုံခြုံ ရေးတပ်ဖွဲ့တွေက လာရောက်ခေါ်ဆောင်သွားတာဖြစ်တယ်လို့ သိရပြီး လက်ရှိမှာတော့ ရန်ကုန်ရှိ သူမရဲ့ နေအိမ်ကို ပြန်ရောက်ရှိနေပြီလို့ သိရပါတယ်။

သရုပ်ဆောင် အလင်းရောင်ကိုတော့ နိုဝင်ဘာလ ၆ ရက်နေ့ ညနေက ရန်ကုန် တရုတ်တန်းမှာ ရိုက်ကူးရေးလုပ်နေရင်း လုံခြုံရေးတပ်ဖွဲ့တွေက လာရောက်ခေါ်ဆောင်သွားတာဖြစ်တယ်လို့ သိရပါတယ်။

သရုပ်ဆောင် အလင်းရောင်ရဲ့ နောက်ဆက်တွဲသတင်းအခြေအနေကိုတော့ သိရှိရခြင်းမရှိသေးပါဘူး။



#ဗမာတိုင်းရင်းသားအသံ

07/11/2025

ဆရာတော်တစ်ပါး အခန်းအတွင်း သေဆုံးနေပြီး အပုပ်နံ့ထွက်မှ သေဆုံးမှန်းသိရ

၇ ၊ နိုဝင်ဘာ၊ ၂၀၂၅
BEV ၊ ဗမာတိုင်းရင်းသားအသံ

ရန်ကုန်တိုင်း မဂ်လာဒုံမြို့နယ် သဃ်န်းကျွန်းကြီးကျေးရွာအုပ်စု မြရတနာရပ်ကွက် ကျောမခင်းဘုန်းကြီး ကျောင်း အနီးမှာရှိတဲ့ တစ်ပါးတည်းနေထိုင်တဲ့ ဆရာတော်တစ်ပါး ပျံလွန်တော်မူခဲ့တာဖြစ်တယ်လို့ သိရပါတယ်။

ပြီးခဲ့တဲ့ နိုဝင်ဘာ ၃ ရက်နေ့က ညီမဖြစ်သူ ဘုန်းကြီးထံရောက်လာချိန်တွင် အပုပ်နံ့တွေရတဲ့အတွက် အကူအညီ တောင်းခံခဲ့တဲ့အတွက် ပုလဲအရန် မီးသတ်တပ်ဖွဲ့က သွားရောက် ကူညီပေးခဲ့ တာဖြစ်ပါတယ်။

သေဆုံးသူ ဘုန်းကြီးမှာ ပက်လက်အနေအထားနဲ့ သေဆုံးနေတာဖြစ်ပြီး အဆိုပါဘုန်းကြီးကျောင်းတွင် တစ်ပါးတည်း သီတင်းသုံးတဲ့ ဘုန်းကြီးတစ်ပါးဖြစ်တယ်လို့ သိရပါတယ်။

ရုပ်သံ - ထင်လင်းအောင်



#ဗမာတိုင်းရင်းသားအသံ

Address

Yangon
11011

Telephone

+66628684846

Website

Alerts

Be the first to know and let us send you an email when Burma Ethnic Voice - ဗမာတိုင်းရင်းသား အသံ posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Burma Ethnic Voice - ဗမာတိုင်းရင်းသား အသံ:

Shortcuts

Share

Category