07/01/2026
ငယ်ဘဝအားချန်ထားခဲ့ရခြင်း (သို့) မွေးနေ့အမှတ်တရ
#ခန္ဓာစွန့်ပယ်ခြင်း
"ရေကြည်အိုင်" စစ်ကြောရေးကနေ "ရွှေပြည်သာ"ကို
ပြောင်းရတော့ အမှုတွဲတွေလည်း အတူပါလာသလို၊
ရွှေပြည်သာမှာက နိုင်ကျဉ်းမှုတွေချည်း သီးသန့်အဆောင်ကြီး
တခုမှာ ထားတာဆိုတော့ စိတ်သက်သာရာရသေးတယ်။
သူလိုကိုယ်လိုလူတွေ ရှိတယ်ဆိုတဲ့အသိနဲ့။ အေးဆေး။
မအေးဆေးတာက ရွှေပြည်သာကနေ အမှုတွဲတွေနဲ့
ကိုယ်နဲ့သိတဲ့လူတွေ အကုန်နည်းပါး အင်းစိန်ရွှေ့ရပြီး
ကိုယ်တယောက်တည်းကျန်ခဲ့ရတာပဲ။ နာရီတောင်မပြည့်ပါဘူး
သိပ်မကြာခင် ရဲကားလေးတစီး ထိုးစိုက်လို့ အဖေ့နာမည်
ခေါ်သံနဲ့အတူ မြောက်ဥက္ကာလာ စခန်းကိုပြောင်းရွှေ့ဖို့
လိုက်ပါခဲ့ရတယ်။ မ/ဥစခန်းကို ပြောင်းရတော့
အမှုတွဲတွေမပါ။ ကျနော်တယောက်တည်း။
လူမိုက်ကို အသက်ရွယ်စုံရှိတဲ့ စခန်းထဲ ရောင်ရမ်း
ခန္ဓာကိုယ်ကြီးကို လူမိုက်တွေခင်မျာ ကြောက်လန့်လို့။
အမှုအကြောင်းမေးလို့ အသက်ပြောပြတဲ့အခါ
လက်အုပ်တွေချီလို့။ သိပ်မကြာပါဘူး
အဲ့နေ့က တာဝန်ကျတဲ့ အရာခံဗိုလ်ဟာ အချုပ်သားသစ်
စန်းမင်းပိုင်ကို "ဘာအမှုလဲ ဘာလဲ"မေးတဲ့အခါ စစ်ကြောရေး
ထွက်ချက်အတိုင်းမဟုတ်ရင် ထပ်ရိုက်ခံရမှာကြိုသိတဲ့
ညဏ်ကောင်းတဲ့ ချာတိတ်ဟာ အမှုတွဲဖိုင်ထဲက မှတ်မိသမျှ
လူသတ်မှုတွေကို ရွတ်ပြခဲ့တယ်။
ရလဒ်က မျက်လုံးကြီးစီးလို့ ခေါ်သွား။ ဂိုထောင်ထဲ
တိုင်ကိုဖက်ရပြီး"စစ်ကိုင်းသား အကြောင်း သိအောင်ပြမယ်"
ဆိုတဲ့ အမိန့်နဲ့ ထပ်အရိုက်ခံရတာပါပဲ။ သောက်ဂွ။
ဖင်ကုန်းအော်ပေးလိုက်တာ စခန်းတခုလုံး
တိတ်ဆိတ်လို့။ အရိုက်ခံပြီးလို့ အချုပ်ခန်းထဲ
ပြန်ရောက်လာတဲ့အခါ "ပါးစပ်ထဲ သေးပေါက်ထည့်မယ်"လို့
ပြောခဲ့တဲ့ လူမိုက်ကြီးက ဆေးထည့်ပေးရှာတယ်။
တန်းစီးအဖိုးကြီး ၂ယောက်ခင်မျာ
"ငါတို့ကလေးကို အနိုင်ကျင့်ကြတယ် ငါယိုးမသားတွေ "
ဆိုတဲ့ ခံပြင်းစိတ်အပြည့်နဲ့ မျက်နှာတွေ၊ ဆံပင်ဖြူဖြူတွေ၊
မိုက်ပြစ်ကြီးကြီးနဲ့ လူတွေ။ ၃ရက်တာ အချုပ်စည်းကမ်း
အပြည့်အဝဖြင့် ညတိုင်းသတိဆွဲ ငိုရတဲ့၃ရက်အပြီး ကြားရတဲ့
သတင်းက "စခန်းမှားနေတာ တောင်ဒဂုံသွားရမှာ"တဲ့။လခွမ်း
လမ်းကြုံ အရိုက်ခံရသေးတယ်။ အဲ့လိုနဲ့ တဒဂ စခန်းကိုသွားနေတဲ့
လမ်းမှာ ဇာတိမြေကိုပြန်နေတဲ့ ဆိုတဲ့အသိ၊ လမ်းလျှောက်ခဲ့တဲ့
လမ်းတွေပေါ် လမ်းလျှောက်လို့မရဘူးဆိုတဲ့အသိ၊ လက်ထဲက
လက်ထိပ်နဲ့ ငယ်ဘဝပျော်စရာ ယောက်ကော်ပန်းခြံနဲ့
စက်မှုဇုံကြီးနဲ့။ "ငါ တဒဂ စခန်းရောက်ရင်
ထပ်ရိုက်ခံရအုန်းမှာလား "ဆိုတဲ့ ကြောက်စိတ်နဲ့
ဆုံးဖြတ်ချက်တခုကို ချလိုက်တယ်။
ပုံစံမောင်းလို့ အခြေအနေမကောင်းတဲ့အခါ၊
စနူကာထိုးနေကြရဲတွေ စိတ်အဆင်မပြေတဲ့အခါ
Ready ဖြစ်ဖို့။ ဝမ်းလျားကြီးမှောက်ပေးလိုက်မယ်။
လူမိုက်တွေ ဖြဲရင်လည်း ဒီအတိုင်းပြောမယ်။
"ရေကြည်အိုင်ကို မှီမယ်ထင်ရင် ရိုက်ကြကွာ "
ထိုနေ့မှစ ဘယ်သူမှမရိုက်တော့၊ သန်လျင်နဲ့
ဆိပ်ကမ်းသွားရတဲ့အထိဒီအချိုးပဲ။
မင်းလားကွ လူမိုက်၊ မင်းလာကွ ဆရာကြီး။
" လာ လာ လာစမ်း ရေကြည်အိုင်ကို မှီရင် ရိုက်ကြကွာ "
#ကိုယ်လုံးတီး
ဒီလိုနဲ့ အရိုက်မခံရတော့။ သို့ပေမယ့် တထိုင်တည်းတွေး
တထိုင်တည်းရေးနိုင်သည်အထိ အာရုံထဲရှိနေတဲ့ မျက်နှာတွေ။
ခရမ်းရောင်သမ်းနေတဲ့ ကိုယ်လုံးတီးကြီး၊ နဂါးလေး ကားနဲ့တိုက်လို့
ကျောပြင်တခုလုံး ပြည်တည်နာကြီးနဲ့ ကိုယ်လုံးတီးကြီး၊
အခန်းနံပတ်မရှိတဲ့ ငရဲခန်းထဲက ပြေးထွက်လာတဲ့
ကိုယ်လုံးတီးကြီး၊ ခြေမထိုးထည့်ခံရတဲ့ ကိုယ်လုံးတီးကြီး၊
စုပ်ပေါက်ရာ အပြည့်နဲ့ ကိုယ်လုံးတီးကြီး။
ငါဘာတွေပိုင်လည်း ပြန်ကြည့်တယ်။ ကိုယ်လုံးတီးကြီး။
ငါ့ဘဝကိုပြန်ကြည့်တယ်။ ကိုယ်လုံးတီးကြီး။
ငါ့ဘေးနားကလူတွေ ကိုယ်လုံးတီးကြီး။
ကမ္ဘာကို ခြေစနင်းကတည်းက ကိုယ်လုံးတီးကြီး။
အရှိုးရာအပြည့်နဲ့ ကိုယ်လုံးတီးကြီး။
ပုံပျက်နေတဲ့ ကိုယ်လုံးတီးကြီး။
ပုံဖော်မရတော့တဲ့ ကိုယ်လုံးတီးကြီး။
နိုင်ငံတော်လူကြီးမင်းများဟာ သောက်ရှက်မရှိ ကိုယ်လုံးတီးကြီး။
"အသက်သခင် ကျေးဇူးရှင်ဟာ ဒီလိုဆိုခဲ့ဖူးပါတယ်"
ထိုသော... မနေ့က "ငါ"သည်
၀ါကျင်ဟောင်းနွမ်း နေလုံးကိုထမ်း၍
တောင်စွယ်တန်းမှာ ၀င်ရောက် ပျောက်ကွယ်ခဲ့ပါပြီ။
ဤယနေ့....ငါ... သည်
မီးခိုးကဲ့သို့ မိုးပေါ်ထိုးတက်
နှုတ်ဆက် ထွက်ခွာ
အားလုံးကို လွှတ်ချခဲ့ချင်ပါပြီ။
ငါသည် ငါ၏ ဘုရင်ဖြစ်၍
ငါသည် ငါ၏ ပြည်သူဖြစ်၏။
ငါ့ကို ငါက အုပ်ချုပ်၍
ငါ့အလုပ်ကို ငါ လုပ်ရပေတော့မည် "တဲ့ ဆရာတာရာမင်းဝေပါ။
သိပ်ချစ်ရတဲ့သူကို သိပ်ချစ်ကြောင်း ထုတ်ပြတဲ့အခါ
ပြန်ရလိုက်တဲ့ ဘဝဟာလည်း ကိုယ်လုံးတီးကြီးပါပဲ။
အတ္တနဲ့ မျိုးဆက်ချန်ဖြစ်ရင်လည်း ကိုယ်လုံးတီးကြီးပါပဲ။
တယူသန်စိတ်နဲ့ ကွန်ဒုံးတွေမားကတ်ထဲ ပစ်မထည့်ပဲ
ပျိုးပင်စနစ်သစ်ကို အင်အားကြီးအောင် သုတ်ရည်နဲ့လောင်းကြ။
ကမ္ဘာထိပ်ကိုတက်တဲ့အခါ ကိုယ်လုံးတီးကြီး။
အပေါ်ရောက်တဲ့အခါ ကိုယ်လုံးတီးကြီး။
ကိုမင်းလွန်ရဲ့ လူသားဝါဒီဟာ ကိုယ်လုံးတီးကြီး။
ဗမာပြည်ဖွား လူမည်းသွေးနှော ရက်ပ်ပါ
H00!!Zzyလည်း ကိုယ်လုံးတီးကြီး။
The Synk က စောက်ရူးနားကန်းတွေဟာ
ကိုယ်လုံးတီးကြီး။ ယှဉ်တွဲတာ နှိုင်းယှဉ်တာတွေ
လုပ်တဲ့အခါ ကိုယ်လုံးတီးကြီး နှိုင်းယှဉ်စေချင်။
ကိုယ်လုံးတီးကြီး နေလိုက်ပါ။ လူပီသကြောင်းပြဖို့
အများကြီးမလိုပါဘူး ကိုယ်လုံးတီးကြီးပါပဲ။
ငါ့သခင် Joyကလည်း ကိုယ်လုံးတီးကြီး။
ကျနော်ဟာ ရက်ပ်ပါဆိုပေမယ့် ကိုယ်တီးလုံးကြီးကို မလို
ကိုလုံးတီးကြီးပဲ လိုနေခဲ့တာပါ။ ဘေးကိုလာပါ။
ကိုယ်လုံးတီးကြီးရပ်လိုက် တဘဝလုံး ခန္ဓာမှာ ဘာကျန်ခဲ့သလဲ။
ဓားဒဏ်ရာတွေကို မာကင်ပေးချင်ပြီး ချောမွတ်တဲ့
ခန္ဓာတွေကိုရိုက်နှက်ချင်တဲ့ အရိုင်းစိတ်ဟာ နောက်ရာစုတွေမှာ
လူသုံးများလာမယ့် စားသောက်ကုန်စည်တွေ။
အာဏာရှင်တော်လှန်ရေး၊စာပေတော်လှန်ရေး၊
လူငယ့်တော်လှန်ရေး၊ Rapတော်လှန်ရေး
#၅၂မိနစ်ဖြင့်
