08/08/2026
ဧရာဝတီတိုင်းရေဘေးသင့် ကယ်ဆယ်ရေး အလှူငွေ ပေးအပ်ပွဲလုပ်
CNI News
၂၀၂၆ ခုနှစ်၊ ဩဂုတ် ၈
ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြိုနယ်အတွင်း ရေဘေးသင့်ပြည်သူများအား ကူညီ ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန် စေတနာရှင်များက အလှူငွေများ ပေးအပ်လှူဒါန်းပွဲကို ၂၀၂၆ ခုနှစ်၊ ဩဂုတ် ၈ ရက်တွင် ပုသိမ်မြို့မှာ ကျင်းပခဲ့သည်။
အဆိုပါ အလှူငွေများ ပေးအပ်ပွဲကို မြန်မာသမ္မတ ဦးမင်းအောင်လှိုင်က လက်ခံခဲ့သည်။
ထို့နောက် ဧရာဝတီတိုင်းဒေသကြီးအတွင်းက ရေဘေးသင့် ပြည်သူများအတွက် ကူညီကယ်ဆယ်ရေးနှင့် ပြန် လည်ထူထောင်ရေး လုပ်ငန်းများ ဆောင်ရွက်ရန် ပြောကြားခဲ့သည်။
သမ္မတ ဦးမင်းအောင်လှိုင်သည် ဧရာဝတီတိုင်းဒေသကြီးအတွင်း ရေဘေးသင့် ပြည်သူများ ကူညီကယ်ဆယ်ရေး နှင့် ပြန်လည်ထူထောင်ရေးအတွက် ပုသိမ်မြို့သို့ ရောက်ရှိလာပြီး ၂၀၂၆ ခုနှစ်၊ ဩဂုတ် ၈ ရက်က ပြည်ထောင်စု ဝန်ကြီးများ၊ တပ်မတော်ကာကွယ်ရေးဦးစီးချုပ်နှင့် ဧရာဝတီတိုင်းဒေသကြီးအစိုးရအဖွဲ့တို့ပါဝင်သည့် အစည်း အဝေး တစ်ရပ်ကို ကျင်းပခဲ့သည်။
၂၀၂၆ ခုနှစ်၊ ဇူလိုင် ၃၀ ရက်နေ့တွင် ငဝန်ရေကာတာ ကျိုးပေါက်မှု ဖြစ်ပွားခဲ့ခြင်းကြောင့် ဧရာဝတီတိုင်းဒေသကြီး လေးမျက်နှာမြို့နယ်၊ ငဝန်မြစ် အရှေ့ဘက်ကမ်းရှိ မြို့ရွာများမှ လူနေအိမ် အမြောက်အများနှင့် စိုက်ပျိုးမြေများ ရေလွှမ်းမိုးသွားပြီး ကူညီကယ်ဆယ်ရေးများ လိုအပ်လျက်ရှိသည်။
လက်ရှိတွင် ဧရာဝတီတိုင်းဒေသကြီးအတွင်းရှိ မိုးစပါးစိုက်ဧက သောင်းနှင့်ချီပြီး ရေကြီးနစ်မြှုပ် ပျက်စီးသွားသည် ဟု တောင်သူများထံမှ သိရသည်။
ဧရာဝတီတိုင်းဒေသကြီးတွင် မိုးစပါးစိုက်ဧက ၃ ဒသမ ၇ သန်းကျော်နှင့် နွေစပါး စိုက်ပျိုးဧက ၁ ဒသမ ၄ သန်း ကျော်ရှိသည်။
#သတင်းအပြည့်အစုံကို Comment တွင်ဖတ်ရန်
#ဦးမင်းအောင်လှိုင် #ပြည်သူလူထု #ရေဘေးသင့် #အလှူငွေ #သဘာဝဘေးအန္တရာယ် #ဧရာဝတီတိုင်းဒေသကြီး #ရာသီဥတု
