ကျောက်တံတား Up Date News

21/09/2022

မြန်မာစစ်တပ်နဲ့နီးစပ်တဲ့ ခရိုနီလုပ်ငန်းရှင်တစ်ဦး ထိုင်းအာဏာပိုင်ဖမ်းဆီး
~~~~~
■ မသင်္ကာဖွယ် မြန်မာမူးယစ်ရာဇာတစ်ဦးကို ထိုင်းအာဏာပိုင်တွေ ဖမ်းဆီးထားပြီး၊ သူဟာ မြန်မာစစ်ကောင်စီ အကြီးအကဲတွေနဲ့ နီးစပ်သူဖြစ်တယ်လို့ သတင်းရင်းမြစ် ၃ ဦးရဲ့ ပြောဆိုချက်ကို ကိုးကားပြီးတော့ Reuters သတင်းမှာ ဖော်ပြထားပါတယ်။

မူးယစ်ဆေးဝါး မှောင်ခိုမှု၊ ငွေကြေးခဝါချမှု စွဲချက်တွေနဲ့ အသက် ၅၃ နှစ်အရွယ် ဦးထွန်းမင်းလတ် ကို ဘန်ကောက်မှာ ပြီးခဲ့တဲ့တပတ် မနက်စောစော ရဲတပ်ဖွဲ့ကဝင်စီးချိန် ထိုင်းနိုင်ငံသား ၃ ယောက်နဲ့အတူ ဖမ်းမိခဲ့တာဖြစ်ကြောင်း ထိုင်းရဲတပ်ဖွဲ့ ဒုတိယပြောခွင့်ရသူ Kissana Phathanacharoen ကို ကိုးကားပြီး သတင်းမှာ ဖော်ပြထားတာပါ။

ချုပ်ရက်ရမန် တိုးရဖို့အတွက်ကိုလည်း တရားရုံးကို လျှောက်ထားတဲ့အကြောင်း သူက ပြောပါတယ်။

ဦးထွန်းမင်းလတ်ဟာ အာဏာသိမ်း စစ်ကောင်စီအကြီးအကဲ ဗိုလ်ချုပ်မှူးကြီးမင်းအောင်လှိုင်နဲ့ နီးစပ်သူ ဟိုတယ်၊ စွမ်းအင်နဲ့ သတ္ထုတွင်း လုပ်ငန်းရှင်တစ်ဦးဖြစ်ပြီး၊ စစ်တပ်အတွက် လက်နက်ရိက္ခာတွေ ဝယ်ပေးနေသူ ဖြစ်တယ်လို့လည်း အမည်မဖော်လိုတဲ့ သတင်းရင်းမြစ် ၃ ဦးက Reuters ကို ပြောပါတယ်။

မြန်မာစစ်တပ်ရဲ့ လက်နက်နဲ့ အကျိုးစီးပွားတွေကို ကန့်သတ်ဖို့ ကြိုးပမ်းချက်တရပ်အနေနဲ့ ဦးထွန်းမင်းလတ်ရဲ့ စီးပွားရေးလုပ်ငန်းတွေထဲက တစ်ခုကို ဗြိတိန်နိုင်ငံက သြဂုတ်လမှာ ဒဏ်ခတ်အရေးယူမှု ချမှတ်ခဲ့တာပါ။

၂ဝ၁၉ ခုနှစ်က ဘန်ကောက်မှာလုပ်တဲ့ လက်နက်ပြပွဲတစ်ခုမှာလည်း ဦးထွန်းမင်းလတ်ကို ဗိုလ်ချုပ်မှူးကြီး မင်းအောင်လှိုင်နဲ့အတူတွဲပြီး ရိုက်ထားတဲ့ဓာတ်ပုံတွေကို နိုင်ငံပိုင်သတင်းမီဒီယာတွေမှာ ပြသခဲ့ပါတယ်။

၂ဝ၁၉ ခုနှစ် ကုလသမဂ္ဂအထောက်အထားတစ်ခုမှာတော့ - ဦးထွန်းမင်းလတ်ဟာ အငြိမ်းစား စစ်အရာရှိကြီး တစ်ဦးရဲ့ သားဖြစ်ပြီး၊ ၂ဝ၁၇ တုန်းက သူရှယ်ယာပါတဲ့ ကုမ္ပဏီတစ်ခုကနေ မြန်မာစစ်တပ်ကို ဒေါ်လာ ၇၁,၅ဝဝ နဲ့ညီတဲ့ မြန်မာကျပ်ငွေကို လှူဒါန်းခဲ့တယ်လို့ ဖော်ပြထားပါတယ်။

ဦးထွန်းမင်းလတ်နဲ့ သူ့ကုမ္ပဏီတွေဆီကနေ အတည်ပြုချက်ရဖို့ Reuters ရဲ့ တောင်းဆိုချက်ကို မဖြေခဲ့သလို၊ စစ်ကောင်စီပြောခွင့်ရပုဂ္ဂိုလ် ဗိုလ်ချုပ် ဇော်မင်းထွန်းကလည်း Reuters ကို မဖြေခဲ့ပါဘူး။

နောက်ပိုင်း ထိုင်းရဲတပ်ဖွဲ့က ထုတ်ပြန်ခဲ့တဲ့ကြေညာချက်မှာတော့ - သက်သေအထောက်အထားတွေ ထပ်ပြီး ရဖို့နဲ့ သူ့ချိတ်အဆက်တွေကို စုံစမ်းထောက်လှမ်းနိုင်ဖို့အတွက် ဦးထွန်းမင်းလတ်ကို ဆက်ပြီး ဖမ်းဆီးခွင့်ပြုဖို့ တရားရုံးတော်မှာ ထိုင်းမူးယစ်နှိမ်နင်းရေးရဲတပ်ဖွဲ့က လျှောက်ထားတယ်လို့ ဖော်ပြထားပါတယ်။ ဖမ်းဆီးခံထားရသူ ၄ ယောက်ဆီကနေ ဒေါ်လာ ၅.၄ သန်းတန်ဖိုးရှိတဲ့ ပိုင်ဆိုင်မှုတွေကိုလည်း ထိုင်းရဲတပ်ဖွဲ့က သိမ်းဆည်းခဲ့ပါတယ်။

ဒီသတင်းနဲ့ပတ်သက်ပြီး ထိုင်းအစိုးရရဲ့ မူးယစ်ဆေးဝါးထိန်းချုပ်ရေးဌာန ကတော့ မှတ်ချက်ပေးဖို့ ငြင်းဆန်ခဲ့ပါတယ်။

Photo - Justice For Myanmar
- လက်နက်ပွဲစား စီးပွားရေးလုပ်ငန်းရှင် ခရိုနီ ဦးထွန်းမင်းလတ်

16/08/2022

ကုလသမဂ္ဂအတွင်းရေးမှူးချုပ်၏ အထူးကိုယ်စားလှယ်Noeleen Heyzer ဆိုင်း မဆင့် ဘုံမဆင့်ဘဲ မြန်မာနိုင်ငံ သွားရောက်

ရန်ကုန်၊ ဩဂုတ် ၁၆

ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စား လှယ် Noeleen Heyzer ဆိုင်းမဆင့် ဘုံမဆင့်ဘဲ ယနေ့ မြန်မာနိုင်ငံသွားရောက်ကြောင်း ကုလသမဂ္ဂက သတင်းထုတ်ပြန်သည်။

ကုလသမဂ္ဂ လုံခြုံရေးကောင်စီ၏ အကြမ်းဖက်မှုများအားလုံး ချက်ချင်းရပ်ဆိုင်းရန်နှင့် လူသားချင်းစာနာထောက် ထားမှုဆိုင်ရာအကူအညီများ လိုအပ်နေသူများ ထံ ပေးနိုင်ရေး တောင်းဆိုချက်၏ နောက်ဆက်တွဲ ခရီးစဉ် စတင်ခြင်းဖြစ် ကြောင်း၊ ခရီးစဉ်အတွင်း လက်ရှိ ပဋိပက္ခနှင့်ပတ်သက်၍ နယ်ပယ်အားလုံးမှ ပုဂ္ဂိုလ်များနှင့်တွေ့ဆုံမည်ဖြစ်ကြောင်း သိရှိရသည်။

12/08/2022

ငါတို့ နိုင်ငံ ဘာတွေဖြစ်ကုန်ပြီလဲ (ဆောင်းပါး)

004

ရန်ကုန် (မဇ္ဈိမ)

“အန်တီရေ ကြက်ဥအကွဲလေးတွေ ရသေးလား” မိန်းကလေးငယ်တစ်ဦး၏ အသံတိုးတိုးကို ကုန်ခြောက်ဆိုင်ရှင်၏ ဘေးနားတွင် ထိုင်နေသည့် ကျွန်တော် သေချာကြားလိုက်မိသည်။
ရန်ကုန်မြို့၏ စည်ပင်ဧရိယာအတွင်းရှိ မြို့နယ်တစ်ခုအတွင်းရှိ ရပ်ကွက်ကုန်ခြောက်ဆိုင်တစ်ခုအတွင်း မှာယူထားသည့် ဆန်အိတ်အမျိုးအစားကို ကျွန်တော်ရွေးချယ်စောင့်ဆိုင်းရင်း ကြားမိခြင်းဖြစ်သည်။
“နောက်နာရီဝက်လောက်နေမှ ပြန်လာခဲ့သမီးရေ ကြက်ဥတွေလာပို့လိမ့်မယ် အန်တီဖယ်ထားမယ်”ဟု ဆိုင်ရှင်အဒေါ်ကြီး၏ တုံ့ပြန်ပြောဆိုမှုကိုလည်း ကြားသိရသည်။
G&Gတံဆိပ်ရိုက်နှိပ်ထားသည့် မူရင်းအပြာရောင်မှ ဖျော့စပြုနေသည့် ထီးငယ်ကို လက်တစ်ဖက်မှ ကိုင်ကာ စတီးချိုင့်ငယ်ကိုပါ ပူးတွဲကိုင်ထားသည့် အဆိုပါ မိန်းကလေးငယ် ပြန်လှည့်ထွက်သွားသည်ကို မှိုခြောက်ပန်းခြောက် အထုတ်ငယ်များအကြားကနေ လှမ်းမြင်လိုက်ရသည်။ ကုမ္ပဏီတစ်ခုခုမှ ဝန်ထမ်းဖြစ်နိုင်သည်။
ကျွန်တော်မှာယူထားသည့် ဆန်အိတ်အတွက် နေအိမ်အပေါ်ထပ်ကို လိုက်လံပို့ဆောင်မည့် ဆိုင်ဝန်ထမ်းငယ်လေးမှာ ကုန်တစ်ခုသွားပို့နေရခြင်းကြောင့် အဆိုပါဆိုင်တွင် အချိန်အတန်သင့် ကြာမြင့်စွာ စောင့်ဆိုင်းနေရခြင်းဖြစ်သည်။
စျေးဝယ်သူနည်းပါးနေခြင်းကြောင့် ဆိုင်ရှင်အဒေါ်ကြီးမှ ရေခဲရေ တစ်ဘူးလာပေးကာ စကားအားဖြင့် ဧည့်ခံသည်။
ပုံမှန်အားဖြင့် ယခုလို ဆိုင်မျိုးကို ကျွန်တော်မရောက်ဖြစ်၊ အွန်လိုင်းမှ မှာယူသည့် ဆန်မှာ စားမကောင်းဟု ဆိုသောကြောင့် ကိုယ်တိုင်ရွေးချယ်ဝယ်ယူရန် ရောက်ရှိလာခြင်းဖြစ်သည်။
ဆိုင်ရှင်အဒေါ်ကြီး၏ ဧည့်ခံစကားများတွင် ကုန်စျေးနှုန်းတက်လာ၊ အလုပ်တွေအဆင်မပြေဘူး ဟုဆိုသည့် စကားမှာ ကိစ္စရပ်တစ်ခုတွင် ငါးကြိမ်ထက်မနည်း ပါဝင်နေသည်။ ကြက်သွန်နီတစ်ပိဿာ ၂,၅၀၀ဟုလည်း သူပြောသည်။ ယနေ့ရောင်းရသည့် အမြတ်သည် နောက်ရက်များတွင် အရင်းအဖြစ်တောင် ပြန်လည်ဝယ်ယူဖို့ ခက်ခဲသဖြင့် နေ့စဉ် မြင့်တက်နေသည့် စျေးနှုန်းများကို ဖုန်းဆက်သွယ်မေးမြန်းကာ လိုက်လံ စျေးတင်ရောင်းနေရကြောင်းလည်း သူပြောသည်။
ထိုစဉ် “အန်တီရေ ကြက်ဥရပြီလား”ဟု မေးမြန်းသံကြားရချိန် မှိုခြောက်ပန်းခြောက် အိတ်ငယ်များအတွင်းမှပင် ထပ်မံကြည့်မိသည်။ ရုံးအဝတ်အစားများကို မလဲနိုင်သေးဟုထင်သည် စတီးချိုင့်ကိုင်ထားသည့် နေရာတွင် အသီးအရွက်အချို့ကို ပြောင်းလဲကိုင်ထားသည်မှ လွဲကာ ကျွန်တော် ပထမအကြိမ်တွေ့ဆုံစဉ် အချိန်ကာလ၏ အသွင်နှင့် ထပ်တူပင်ဖြစ်သည်။
ကျွန်တော်ထိုင်နေသည့် ခုံအရှေ့တွင် ကြက်ဥကဒ် သုံးကဒ်ခန့် မြင်နေရသည်။ ကျွန်တော့် အသိတွင် ဤဆိုင်တွင် ကြက်ဥရှိသည်။
“မရောက်သေးဘူးသမီးရေ နောက်တစ်ခေါက် လှည့်လာခဲ့နော် ချန်ထားမယ်”ဟု ဆိုင်ရှင်အဒေါ်ကြီးက တုံ့ပြန်သည်။
ကျွန်တော့် မျက်လုံးများမှာ ကျွန်တော့်ခုံအရှေ့ရှိ ကြက်ဥကဒ်များကို ကြည့်နေသည်ကို ဆိုင်ရှင်အဒေါ်ကြီး မြင်တွေ့သည်။
“ကြက်ဥအကွဲတွေမေးတာ မောင်လေးရေ့၊ ခြံတွေက လာပို့ရင် အကွဲတွေ အက်ရာတွေ ပါတာက ကြာကြာမခံတော့ အဲ့ဒါတွေကျ စျေးနည်းတယ်လေ တစ်လုံးမှ ၁၅၀ပဲရှိတာ”ဟု ဆိုသည်။
အတော်အံ့ဩခဲ့ရသည် ကြက်ဥအကွဲတစ်လုံး ၁၅၀။ ဘာတွေများ ဖြစ်ကုန်သည်လဲ။
မှန်သည် ကြက်ဥအကွဲတစ်လုံးကို ၁၅၀ကျပ်၊ ကြက်ဥအကောင်းတစ်လုံးကို ၂၂၀ကျပ်မှ ၂၅၀ကျပ်အထိ စျေးနှုန်းဖြစ်နေသည်။ ငယ်စဉ်က နေအိမ်တွင် မိဘများမှ ကြက်ဥကြော်ကျွေးလျှင် ထမင်းမစား၊ ဘဲဥချဉ်ဟင်းဆိုလျှင် ရွှေခေါင်းပြောင် မစားချင်ဘူးဟု ဂျီတိုက်ခဲ့သော ကျွန်တော်သည် ကြက်ဥသည် တန်ဖိုးကြီးအရာအဖြစ်သို့ ပြောင်းလဲသွားပြီလားဟု အံ့ဩရသည်။
ဆန်အိတ်လိုက်ပို့မည့် ဆိုင်ကူလုပ်သားလေး ပြန်ရောက်ရှိချိန်မှာ မိုးရွာသွန်းလာခြင်းကြောင့် ကျွန်တော် ဆိုင်အတွင်း ဆက်ထိုင်နေခဲ့ရသည်။ မိုးရွာသွန်းမှုကြောင့် ကုန်ခြောက်ဆိုင်အတွင်းတွင်လည်း စျေးဝယ်သူများ ရှင်းလင်းနေခဲ့သည်။
ကျွန်တော် ကြက်ဥကို စိတ်ဝင်စားနေကြောင်း ဆိုင်ရှင်အဒေါ်ကြီး ရိပ်မိပုံရသဖြင့် ကြက်ဥအကွဲလာဝယ်သည့် အဆိုပါ မိန်းကလေးငယ်အကြောင်းကို ပြောပြနေသည်။
အဆိုပါ မိန်းကလေးငယ်သည် အတော်သင့်အောင်မြင်နေသည့် အွန်လိုင်းရှော့ပင်းဆိုင်တစ်ခုတွင် အလုပ်လုပ်နေသူဖြစ်သည်။ လက်ရှိ ကုန်ဆိုင်နေရာဖြင့်ဆိုပါက အနောက်ဘက် တစ်လမ်းသာခြားပြီး ဤဆိုင်၏ ဖောက်သည်သဖွယ် ဖြစ်သည်။
လစာအားဖြင့် တစ်လလျှင် မုန့်ဖိုးများအပါအဝင် လေးသိန်းနီးပါးရသည်ဟုဆိုသည်။ မနည်းလှသည့် လစာဟု မှတ်ထင်မိသည်။ ၎င်းတွင် အဆုတ်မကောင်းသည့် မိခင်တစ်ဦးရှိသည် ဖခင်သည် ကိုဗစ်ဒုတိယလှိုင်းတွင် ဆုံးပါးသွားခဲ့ကြောင်း ဆိုင်ရှင်အဒေါ်ကြီးက ပြောသည်။
ပုံမှန်အားဖြင့် လစဉ် လေးသိန်းနီးပါး ဝင်ငွေရှိပြီး မိသားစုနှစ်ဦးတည်းရှိသည့် မိသားစုသည် ကျပ်တည်းမှုမရှိဟု ထင်မြင်မိသည်။ ဆိုင်ရှင်အဒေါ်ကြီး ပြောဆိုချက်များကို နားထောင်ရင်း “သူက ကြက်ဥအကွဲကို ဘာလုပ်ဖို့လဲ အစ်မကြီး”ဟု ကနဦးကတည်းက သိချင်နေသည့် မေးခွန်းကို အမြန်သာ မေးမြန်းမိသည်။
“သူ့အမေ နေမကောင်းတော့ ကြက်ဥကို နေ့တိုင်းသူကကျွေးတယ်လေ အားရှိအောင်လို့ သူ့အမေအတွက် လာလာဝယ်တာ ၊ ဥ အကောင်းက စျေးကြီးတော့ သူမတတ်နိုင်ဘူးလေ၊ သူ့လိုပဲ ဥကွဲတွေ လာဝယ်တဲ့သူတွေ အများကြီးပဲ အစ်မဆီမှာ ဥကွဲက ပိုရောင်းရတယ် ဥကောင်းကို မောင်လေးတို့လို သူဌေးတွေပဲစားနိုင်တာ”ဟု ဆိုသည်။
လစဉ် လေးသိန်းနီးပါး ဝင်ငွေရှိသည်ဟု ကနဦး သိထားမှုအရ အမေအတွက်ကို ကြက်ဥအကွဲပဲ ကျွေးသလားဆိုသည့် မေးခွန်းက ကြားဖြတ်မေးမိမလို ဖြစ်ခဲ့သည်။ ကျွန်တော့်မေးခွန်း ရှေ့မဆက်ဖြစ်ခဲ့ဘဲ ဆိုင်ရှင်အဒေါ်ကြီးကသာ အဖြေများကို ဆက်တိုက်လာခဲ့သည်။
၁၀ပေ ၅၄ပေအကျယ်ရှိသည့် နေအိမ်တစ်ခုတွင် အခန်း ငါးခုကန့်ထားပြီး အဆောင်သဖွယ်ဖွင့်လှစ်ထားသည့် နေအိမ်တွင် အဆိုပါ မိန်းကလေးငယ်နေသည်ဟု ဆိုသည်။ အဆောင်လခသည် တစ်လလျှင် ငါးသောင်းကျသည်။ ရေဖိုး မီးဖိုး အမှိုက်ခွန်များအတွက် တစ်သောင်းထပ်မံပေးရသည်ဟု ဆိုသည်။ ဒါ့အပြင် အဆင့်ဆင့်မြင့်တက်လာသည့် ကုန်စျေးနှုန်းများအကြောင်း သူ့ဆိုင်အတွင်းရှိ ကုန်ခြောက်ပစ္စည်းများကို လက်ညှိုးတစ်ထိုးထိုးဖြင့် ပြသကာ ရှင်းပြသည်။ နေ့စဉ် စျေးနှုန်းမြင့်တက်နေခြင်းကြောင့် ကုန်ပစ္စည်းများပေါ်တွင် စျေးနှုန်းများပါ ရေးသားထားနိုင်ခြင်းမရှိတော့ဘဲ စာအုပ်အတွင်းမှသာ မှတ်ထားရသည်ဟု ဆိုသည်။ သူတွက်ပြသည့် စျေးနှုန်းများအရ ကုန်ကျစရိတ်များအရ အဆိုပါ မိန်းကလေးငယ် ဘာ့ကြောင့် ကြက်ဥအကွဲသာ ဝယ်ရသလဲဆိုသည့် မေးခွန်းကို ရှေ့မဆက်ဖြစ်တော့။
မိုးလည်းတိတ်သွားပြီဖြစ်သောကြောင့် မေးခွန်းလည်း ရှေ့မဆက်ချင်တော့ ဆန်အိတ်လိုက်ပို့သည့် ဆိုင်ဝန်ထမ်းကောင်လေး၏ သုံးဘီးတွဲဆိုင်ကယ်လေးကိုသာ ကပ်စီးပြီး နေအိမ်ပြန်လာခဲ့ရသည်။
စစ်ကောင်စီမှ အာဏာမသိမ်းယူမီအချိန်တွင် တစ်လ ဝင်ငွေ သုံးသိန်းကျော်ရှိသည့် ပြည်သူတစ်ဦးသည် နေနိုင်စားနိုင် လူလတ်တန်းအဖြစ် မှတ်ယူနိုင်သည်။ ကျွန်တော် ဆုံတွေ့ခဲ့ရသည့် အမျိုးသမီးငယ်သည် တစ်လလျှင် လေးသိန်းနီးပါး ဝင်ငွေရှိသည်။ ပုံမှန်အားဖြင့် အဆင်ပြေနေရမည့် မိသားစုတစ်စု ဖြစ်သည်။
ကျွန်တော်တို့ နိုင်ငံ ဘာတွေ ဖြစ်ကုန်ပြီလဲ။ မင်းအောင်လှိုင် အာဏာသိမ်းယူအပြီး တစ်နှစ်ကျော်ကာလသည် မြန်မာတစ်နိုင်ငံလုံး ပျက်စီးခြင်းအလုံးစုံကို ဖြစ်နေစေသည်။ စားအုန်းဆီဘူးလေး တစ်ဘူးရဖို့ တန်းစီတိုးဝှေ့ ဝယ်ယူရသည်။ ယခင်ကလို စူပါမားကပ်ကြီးပေါ်တွင် အေးဆေးသက်သာစွာ ဝယ်ယူလိုပါက စျေးနှုန်းမှာ နှစ်ဆမက။ စက်သုံးဆီ တန်းစီကာ ဝယ်ယူရသည်။ ဆန်တစ်အိတ်သက်သာစွာ ဝယ်ယူနိုင်ဖို့ အိမ်ထောင်စုစာရင်းနှင့် မှတ်ပုံတင်လိုနေပြန်သည်။ နေရာတိုင်းသည် ဒုစရိုက်နယ်မြေများ ဖြစ်နေပြီဖြစ်သည်။
အခြေခံစားသောက်ကုန်များအတွင်း ပါဝင်သည့် ကြက်ဥဆိုသည့် အရာကိုပင် ကောင်းမွန်စွာ ဝယ်ယူစားသောက်နိုင်ခြင်းမရှိဘဲ ကြက်ဥကွဲဆိုသည်ကိုသာ တောင်းတဝယ်ယူရသည့် မိသားစုများ များပြားလာသည်။ ကျွန်တော်တို့ နိုင်ငံ ဘာတွေဖြစ်ကုန်ပြီလဲ။ သေချာသည်က ဒီလူတစ်ခုဆက်ရှိနေ ဆက်အုပ်စိုးနေမည်ဆိုရင် အလုံးစုံပျက်စီးတော့မည်ဖြစ်သည်။ ။

စာတည်း - သန့်ဇော်(သန်လျင်)


#ငါတို့နိုင်ငံ
#ဆောင်းပါး
#အခြေခံစားသောက်ကုန်
#ကွကျဥ

11/08/2022

စစ်တပ်က‌ စက်သုံးဆီ တင်သွင်းရန် ဒေါ်လာ လိုသလောက် မရောင်းပေး တော့ ၍ လောင်စာဆီ မသွင်းနိုင်တော့ဘဲ ပြတ်လပ်နေ၊ လောင်စာဆီ နှင့် ဒေါ်လာ စျေးနှုန်း ယခုရက်ပိုင်းအတွင်း အမြင့်ဆုံးထိုးတက်မည်ဟုဆို

ရန်ကုန်၊ ဩဂုတ် ၁၁

အကြမ်းဖက် စစ်တပ်က‌ စက်သုံးဆီ တင်သွင်းရန် အမေရိကန်ဒေါ်လာများ လိုသ လောက် မရောင်းပေးတော့၍ စက်သုံးဆီတင်သွင်းသော လုပ်ငန်းရှင်များ အခက်အခဲဖြစ်ကာ လက်ရှိ ပြည်တွင်းတွင် လောင်စာဆီ ပြတ်လပ်နေကြောင်း စက်သုံးဆီလုပ်ငန်းရှင်တစ်ဦးက ပြောသည်။

"အခု တစ်နိုင်ငံလုံး စက်သုံးဆီ မရဘူးဆိုတာတွေ ဖြစ်နေတောက စကစက ကျနော်တို့ကို ဒေါ်လာ လိုသလောက် ရောင်း မပေးတော့ဘူး။ အရင်ကလည်း စကစဆီက ဒေါ်လာရဖို့ အတော်ခက်တယ်။ အခု ပိုပြီး ခက်လာတယ်။ အခု ဆီတင်သင်္ဘောက ပင်လယ်၀ ရောက်နေပြီ ပေးချေဖို့ ဒေါ်လာက စကစက ရောင်းမပေးဘူး။ ကျနော်တို့တင်ထားတာ ၂ ပတ်နီးပါးရှိနေပြီ။ အခုကြားတာ ကျနော်တို့ တင်ပြသလောက် ဒေါ်လာကို သူတို့ မရောင်းပေးတော့ဘူးဆိုပြီး ကြားရတယ်။ ဒီရက်ပိုင်းမှာ ဆီတွေ အကုန်ပြတ်ကုန်မယ်။ အခုက ရှိတာလေး ကို မပြတ်အောင် ချွေတာရောင်းပေးနေတာ" ဟု ဆီလုပ်ငန်းရှင်ကဆိုသည်။

အကြမ်းဖက်စစ်ကောင်စီက ဒေါ်လာငွေအားလုံးကို တစ်ဒေါ်လာလျှင် ၁၈၅၀ ဖြင့် ငွေလဲနှုန်းသတ်မှတ်ပြီး စီးပွားရေးကုမ္ပဏီများ၏ ဒေါ်လာငွေအားလုံးကို လွှဲပြောင်း သိမ်းယူခဲ့သော်လည်း လက်ရှိတွင် တစ်ဒေါ်လာလျှင် ၂၁၀၀ ကျပ်ဖြင့် ငွေလဲနှုန်းပြောင်းလဲ၍ စက်သုံးဆီ လုပ်ငန်းရှင်များကို ရောင်းချနေ သည် ဟုဆို သည်။

"ကျနော်တို့မှာရှိတဲ့ ဒေါ်လာတွေအားလုံးကို တစ်ဒေါ်လာ ၁၈၅၀ နဲ့ တန်ဖိုး ဖြတ်ပြီး စကစက သိမ်းသွားတာ။ အခု ကျနော်တို့ ပြန်ဝယ်ရတော့ တစ်ဒေါ်လာ ၂၁၀၀ ။ ခင်ဗျား စဉ်းစားကြည့် တရားသလား။ အခု လိုသလောက်လည်း မရောင်း ပေးတော့ဘူး။ အပြင်က ဝယ်မယ်ဆိုရင် တစ်ဒေါ်လာ ၂၆၈၀ ရှိတယ်။ ပြင်ပက ဒေါ်လာဝယ်ပြီး စက်သုံးဆီ တင်သွင်းရင်လည်း စျေးနှုန်းက စစ်တပ် က သတ်မှတ်ထိန်းချုပ်ထားတော့ ဘယ်လိုမှ တွက်ခြေမကိုက်ဘူး" ဟု စက်သုံး ဆီ လုပ်ငန်းရှင်က ဆိုသည်။

အကြမ်းဖက်မင်းအောင်လှိုင်က စက်သုံးဆီများ မြန်မာနိုင်ငံအတွင်းသို့ အမေရိ ကန်ဒေါ်လာ ၁ ဒသမ ၃ ဘီလီယံ ဖိုး တင်သွင်းနေရ၍ လျှော့ချရမည်ဟု တရား ဝင် ထုတ်ဖော်ပြောဆိုပြီးနောက် စက်သုံးဆီ တင်သွင်းရန် ဒေါ်လာ လိုသ လောက် မရတော့ခြင်းဟု သိရှိရသည်။

လက်ရှိ စစ်တပ်၏ ဒေါ်လာများ လိုသလောက် မရောင်းပေးတော့သဖြင့် ပြင်ပစျေးကွက်တွင် အမေရိကန်ဒေါ်လာ အမြင့်ဆုံးထိုးတက်လိမ့်မည်ဟု ၎င်းက ဆိုပြီး လက်ရှိတွင် အမေရိကန်တစ်ဒေါ်လာ ၂၇၀၀ ဝန်းကျင်တွင် စျေးပေါက်လျက်ရှိသည်။

ယနေ့ ဩဂုတ်လ ၁၁ ရက်နေ့တွင် 92 တစ်လီတာလျှင် စျေးကွက်အတွင်း ၂၁၄၀ ကျပ်စျေးပေါက်နေပြီး ယမန်နေ့ စျေးနှုန်းထက် ဓာတ်ဆီ 92 တစ်လီတာ ငွေ ကျပ် ၂၀၀ကျော် စျေးထိုးတက်သွားခြင်းဖြစ်သည်။

ထို့ပြင် စစ်တပ်က နိုင်ငံခြားငွေ ရောင်းချမှုများကိုလည်း စစ်တပ်က သတ်မှတ် ထားသော ငွေလဲနှုန်း တစ်ဒေါ်လာ ၂၁၀၀ ဝန်းကျင်တွင်သာ အရောင်း အဝယ် လုပ်ရန် ညွှန်ကြားချက်တစ်ရပ်လည်း ထုတ်ပြန်ခဲ့သည်။

"နိုင်ငံခြားငွေရောင်းဝယ်ဖောက်ကားခွင့်ရ AD လိုင်စင်ရ ဘဏ်များ ၊ နိုင်ငံခြား ငွေ ဝယ်ယူရောင်းချခွင့် MC လိုင်စင်ရ ဘဏ်မဟုတ်သည့် ကုမ္ပဏီ အဖွဲ့ အစည်း များအနေဖြင့် နိုင်ငံခြားငွေ ရောင်းချ ဝယ်ယူရောင်းချသည့်အခါ သို့မဟုတ် ပြည်ပ ငွေလွှဲ လိုင်စင်ရာ ကုမ္ပဏီများက ပြည်ပသို့ နိုင်ငံခြားငွေ လွှဲပြောင်းမှုများ၊ လွှဲပို့မှုများ ဆောင်ရွက်သည့်အခါ ဗဟိုဘဏ် ရည်ညွှန်းငွေလဲနှုန်းကို ၀ ဒသမ ၃ သုံးရာခိုင်နှုန်းသာ ခွာပြီး အရောင်းအဝယ် ပြုလုပ်ရန် နှင့်မလိုက်နာပါက အရေး ယူမည်ဟု စစ်တပ်၏ ဗဟိုဘဏ်က ဩဂုတ်လ ၁၀ ရက်နေ့တွင် ညွှန်ကြား ချက် ထုတ်ပြန်ခဲ့သည်။

"အဲဒီလို စျေးကွက်ကို ထိန်းချုပ်တဲ့ အမိန့်မျိုးက ဘယ်တုန်းကမှ မအောင် မြင်ခဲ့ ဘူး။ ပုဂ္ဂလိက ဘဏ်တွေကိုယ်တိုင် ဗဟိုဘဏ်ပြောတဲ့ ရည်ညွှန်းငွေလဲနှုန်းကို အပြ ပဲ လုပ်ကြတာ။ တကယ်က ပြင်ပစျေးကွက်ပေါက်စျေးနဲ့ပဲ အလုပ် လုပ် တာ" ဟု စျေးကွက်ကျွမ်းကျင်သူတစ်ဦးက ဆိုသည်။

ဓာတ်ပုံ- ဇွန်လအတွင်းတွင်လည်း နိုင်ငံတစ်ဝန်း စက်သုံးဆီ ပြတ်လပ်မှု အကြီး အကျယ်ဖြစ်ပေါ်ခဲ့ပြီးနောက် ယခုတစ်ခါ ထပ်မံ၍ စက်သုံးဆီ ပြတ်လပ်ခြင်း ဖြစ် သည်။

09/08/2022

PROJECT DRAGONFLY ဝေဟင်ပစ် လက်နက်စီမံချက်အရ ကနဦး ပစ္စည်း တချို့ စတင် တာဝန်ထမ်းဆောင်နေပြီဟု NUG က ပြည်သူကို အသိပေး

ရန်ကုန်၊ သြဂုတ် ၉

အကြမ်းဖက်စစ်ကောင်စီ၏ လေကြောင်းတိုက်ခိုက်မှုကို တန်ပြန်မည့် PROJECT DRAGONFLY ဝေဟင် ပစ် လက်နက် စီမံချက်ဖြင့် ကနဦး ပစ္စည်း တချို့ ကို စတင် တာဝန်ထမ်း ဆောင် အသုံးပြုပြီးဖြစ်ကြောင်း ယနေ့ သြ ဂုတ် လ ၉ ရက်နေ့တွင် အမျိုးသား ညီညွတ်ရေး အစိုးရ (NUG)၊ ကာကွယ်ရေး ဝန် ကြီး ဌာနက ကထုတ်ပြန် ကြေညာ ခဲ့သည်။

PROJECT DRAGONFLY စီမံချက်မှ တစ်ဆင့် ရရှိလာသော ရန်ပုံငွေများအား စစ်ရေးမဟာဗျုဟာများနှင့်အညီ အသုံးချလျက်ရှိရာ ကနဦးပစ္စည်းအချို့မှာ စတင်တာဝန်ထမ်းဆောင်နေပြီး ဖြစ်ကြောင် ထုတ်ပြန်ချက်တွင် ဖော်ပြ ထားသည်။

သို့ရာတွင် မည်သည့် ဝေဟင်လက်နက်အမျိုးအစားဖြစ်သည်ကို NUG က ထုတ် ဖော်ပြောဆိုထားခြင်းမရှိပေ။

အဆိုပါ Project အောင်မြင်စေရန် ထောက်ပံ့ကူညီပေးခဲ့ကြသည့် ပြည်သူများ၊ အသိပညာရှင်၊ အတတ်ပညာရှင်၊ အနုပညာရှင်များအားလုံးကို အမျိုးသား ညီညွတ်ရေးအစိုးရ၊ ကာကွယ်ရေးဝန်ကြီးဌာနမှ အထူးကျေးဇူး တင်ရှိ ကြောင်းနှင့် ထပ်မံ၍ လိုအပ်သောပစ္စည်းများ ဆက်လက်ရရှိရေးနှင့် ထိ ရောက်စွာအသုံးပြုနိုင်ရေး စနစ်တကျ ဆောင်ရွက်နေပြီ ဖြစ်ပါကြောင်း လေးစားစွာအသိပေးအပ်ဟု ဖော်ပြထားသည်။

ဓာတ်ပုံ- အကြမ်းဖက်စစ်ကောင်စီက အသုံးပြုနေသည့် Mi35P အမျိုးအစား ရဟတ်ယာဉ်တစ်စီး။

26/07/2022

11/07/2022

11/07/2022

စစ်ကိုင်းတိုင်း၊ ခရိုင် ၄ ခုရှိ မြို့နယ် ၈ ခုတွင် NUG ပြည်သူ့အုပ်ချုပ်ရေးများ စတင်နေ၍ စစ်ကောင်စီ အုပ်ချုပ်ရေးမှူးများ ရာထူး နုတ်ထွက်ရန် နှင့် တာဝန်ကျရာ နယ်မြေမှ စွန့်ခွာရန် သတိပေး

ရန်ကုန်၊ ဇူလိုင် ၁၁

စစ်ကိုင်းတိုင်း မုံရွာခရိုင်၊ ခန္တီးခရိုင်၊ တမူးခရိုင်နှင့် မော်လိုက်ခရိုင်တို့ရှိ မြို့နယ် ၈ ခုတွင် ပြည်သူ့အုပ်ချုပ်ရေးများ စတင်နေခြင်းကြောင့် အကြမ်း ဖက် စစ်တပ် လက်အောက်ခံ အုပ်ချုပ်ရေး တာဝန်ယူထားသူ အားလုံး ရာထူး နုတ်ထွက်ရန်နှင့် တာဝန်ကျရာ နယ်မြေများမှ စွန့်ခွာရန် သတိပေးချက်များကို NUG အုပ်ချုပ်ရေးအဖွဲ့များက တရားဝင် ထုတ်ပြန် သတိပေးလျက်ရှိသည်။

စစ်ကိုင်းတိုင်းတွင် မြို့နယ် ၃၄ ခုရှိသည့်အနက် မြို့နယ် ၈ ခုတွင် ပြည်သူ့အုပ်ချုပ်ရေးစတင်လည်ပတ်နေခြင်းဖြစ်ပြီး အခြားသော မြို့နယ်များတွင်လည်း NUG များ စတင်လည်ပတ်နေပြီဖြစ်ကြောင်း သိရှိရသည်။

ခန္တီးခရိုင်တွင် ​ဟုမ္မလင်း၊ခန္တီ မြို့နယ် ၂ ခု၊ မုံရွာခရိုင်-အရာ​တော်၊ဘုတလင်၊​ချောင်းဦး၊မုံရွာမြို့နယ် ၄ခု၊ တမူးခရိုင်တွင် တမူးမြို့နယ် နှင့် မော်လိုက်ခရိုင်တွင် မော်လိုက်မြို့နယ်နှင့်ဖောင်းပြင်မြို့နယ် ၂ ခု စုစုပေါင်း မြို့နယ် ၈ ခုတွင် NUG အုပ်ချုပ်ရေး စတင်ထူထောင်၍ စစ်ကောင်စီလက်အောက်ခံ အုပ်ချုပ်ရေးမှူးများ ရာထူးနုတ်ထွက်ရန်နှင့် နယ်မြေစွန့်ခွာရန် အသိပေးလာခြင်းဖြစ်သည်။

စစ်ကိုင်းတိုင်းအတွင်း NUG အစိုးရသည် ကျေးရွာ၊ ရပ်ကွက်၊ မြို့နယ်နှင့် ခရိုင်အဆင့် ပြည်သူ့အုပ်ချုပ်ရေး အဖွဲ့များကို ဖွဲ့စည်းပေးလျက် ပြည်သူ့အုပ်ချုပ်ရေး ယန္တယားများ စတင်လည်ပတ်လျက်ရှိပြီး အကြမ်းဖက် စစ်တပ် လက်အောက်တွင် တရားမဝင် တာဝန်ထမ်းဆောင် လျက်ရှိသော အဆင့်ဆင့်သော အုပ်ချုပ်ရေး တာဝန်ယူနေသူ အားလုံးသည် ဇူလိုင်လ ၁၀ ရက်နေ့မှ စတင်ပြီး ၁၀ ရက်အတွင်း ရာထူးတာဝန်မှ စွန့်ခွာကြရန်၊ တာဝန်ကျရာ နယ်မြေမှ စွန့်ခွာကြရန် ထုတ်ပြန်ချက်တွင် သတိပေးထားသည်။

အဆိုပါ ညွှန်ကြားချက်ကို လိုက်နာ ဆောက်ရွက်ခြင်း မရှိဘဲ အကြမ်းဖက် စစ်တပ် ယန္တယားတွင် ကိုယ်တိုင်ပါဝင်ကာ ပြည်သူ့ အသက် အိုးအိမ်၊ စည်းစိမ်များကို နှောင့်ယှက် ဖျက်ဆီးသူများဟု မှတ်ယူပြီး အကြမ်းဖက် တိုက်ဖျက်ရေး ဥပဒေ အပါအဝင် တည်ဆဲ ဥပဒေများနှင့်အညီ ပြင်းထန်စွာ အရေးယူ ဆောင်ရွက်သွားမည်ဖြစ်ကြောင်း ထုတ်ပြန်ချက် အဆုံးတွင် ပါရှိသည်။

11/07/2022

ထိုင်းနိုင်ငံရောက် အမေရိကန်နိုင်ငံခြားရေးဝန်ကြီးနှင့် မြန်မာ တက်ကြွလှုပ်ရှားသူ လူငယ်များ ဘန်ကောက်မြို့တွင် တွေ့ဆုံ ဆွေးနွေး၊ အင်တာနက်မရသောဒေသများတွင် ပညာသင်ကြားနိုင်ရေး ကူညီမည်ဟု Antony Blinken ပြော

ရန်ကုန်၊ ဇူလိုင် ၁၀

ထိုင်းနိုင်ငံသို့ ချစ်ကြည်ရေးခရီးစဉ် ရောက်ရှိနေသည့် အမေရိကန် နိုင်ငံခြားရေးဝန်ကြီး Blinken က မြန်မာ တက်ကြွလှုပ်ရှားသူ လူငယ်များနှင့် ဘန် ကောက်မြို့တွင် တွေ့ဆုံခဲ့ပြီး နွေဦးတက္ကသိုလ်မှ မြန်မာလူငယ်တစ်ဦးလည်း ပါဝင်ကြောင်း နွေဦးတက္ကသိုလ်ထံမှ သိရှိရသည်။

ထိုင်းနှင့် အမေရိကန် သတင်းဌာနများကလည်း အမေရိကန်နိုင်ငံခြားရေး ဝန်ကြီး နှင့် မြန်မာလူငယ်များ တွေ့ဆုံကြောင်းကို အတည်ပြု သတင်းရေးသား ကြသော်လည်း အသေးစိတ်ကို ဖော်ပြခြင်းမရှိပေ။

အမေရိကန်ပြည်ထောင်စု နိုင်ငံခြားရေးဝန်ကြီး Antony Blinken သည် ယနေ့ ဇူလိုင်လ ၁၀ ရက်နေ့တွင် ထိုင်းနိုင်ငံသို့ရောက်ရှိလာပြီး မြန်မာ့အရေး တက်ကြွလှုပ်ရှားသူ လူငယ်များနှင့် တွေ့ဆုံဆွေးနွေးရာတွင် မြန်မာ လူငယ်များက နွေဦးတော်လှန်ရေးအခြေအနေများကို ရှင်းကြကြောင်း တွေ့ဆုံပွဲတက်ရောက်ခဲ့သည့် နွေဦးတက္ကသိုလ်ထံမှ သိရှိရသည်။

တွေ့ဆုံပွဲတွင် အကြမ်းဖက်စစ်တပ်၏ ၂၀၂၁ အာဏာသိမ်းမှုအပြီး ပညာရေးအခြေအနေများ၊ ယခုထိအားကောင်းနေဆဲ ပညာရေး CDM ဆရာဆရာမများ၊ ကျောင်းသားများနှင့် ဝန်ထမ်းများ၏ အခြေ အနေများ၊ အမေရိကန်ပြည် ထောင် စုနှင့် ပူးပေါင်းဆောင်ရွက်နိုင်မည့် ပညာရေးအစီအစဉ်များအကြောင်းကို ဆွေးနွေးကြကြောင်း သိရှိရသည်။

အမေရိကန်နိုင်ငံခြားရေးဝန်ကြီးနှင့် မြန်မာလူငယ်များက မြန်မာနိုင်ငံတွင်းမှ အင်တာနက်မရရှိသော နေရာဒေသများတွင် မြေပြင်ပညာရေးသင်ကြားနိုင်မည့် နည်းလမ်းများကိုလည်း ဆွေးနွေးခဲ့ပြီး အမေရိကန် နိုင်ငံခြားရေးဝန်ကြီးနှင့် မိတ်ဖက်များက ကူညီနိုင်သည်များကို အားဖြည့်ပေးသွားမည်ဟု ပြောကြားကြောင်း သိရှိရသည်။

ဓာတ်ပုံ- အမေရိကန်နိုင်ငံခြားရေးဝန်ကြီး နှင့် နွေဦးတက္ကသိုလ်မှ မြန်မာလူငယ် တစ်ဦးတို့ ယနေ့ ဘန်ကောက်တွင် တွေ့ဆုံဆွေးနွေးစဉ်။

04/07/2022

အတိုက္အခံေတြနဲ႔ ေတြ႔ဆုံေဆြးေႏြးဖို႔ တရုတ္ႏိုင္ငံျခားေရးဝန္ႀကီး Wang Yi က စစ္ေကာင္စီကို တနဂၤေႏြေန႔က တိုက္တြန္း....

03/07/2022

30/06/2022

ဒေသတစ်ခုလုံးနီးပါးကို ထိန်းချုပ်ထားနိုင်သည့် ကယားပြည်နယ် ခေါ် ကရင်နီပြည်နယ်တွင် ကြားကာလအုပ်ချုပ်ရေး အကော...