https://www.facebook.com/128775150204984/

Delta Knowledge & News-DKN, Yangon (2026)

14/06/2023

၁၄.၆.၂၀၂၃ရက်နေ့
သီတဂူအဓိပတိဆရာတော်ဘုရားကြီး၏မေတ္တာ

အဘိဓဇမဟာရဋ္ဌဂုရု သောဠသမရွှေကျင်သာသနာပိုင်သီတဂူအဓီပတိဆရာတော်ဘုရားကြီးဦးဆောင်သော သီတဂူနယ်လှည့်မျက်စိအထူးကုအဖွဲ့သည် သီတဂူရန်ကုန်စက္ခုဒါနဆေးရုံတွင် မျက်စိဝေဒနာရှင်များကို ခွဲစိပ်ကုသပေးရာ (၁၃.၆.၂၀၂၃)ရက်နေ့တွင် မျက်စိဝေဒနာရှင် (၄၉၃)ဦးကို စမ်းသပ်စစ်ဆေးပေးပြီး မျက်စိဝေဒနာရှင်(၃၂)ဦးကို ခွဲစိပ်ကုသ အလင်းအလှူပြုလုပ်ခဲ့ပါသည။

သီတဂူနယ်လှည့်စက္ခုဒါနအဖွဲ့သည် မျက်စိဝေဒနာရှင်များကို (၁၈.၆.၂၀၂၃)ရက်နေ့တိုင်အောင်အခမဲ့ခွဲစိပ်ကုသပေးမည်ဖြစ်ပါကြောင်း ရိုသေစွာသတင်းကောင်းပါးလိုက်ပါသည်။

ထို့ကြောင်အနယ်နယ်အရပ်ရပ်ရှိ မျက်စိဝေဒနာရှင်များအနေဖြင့် (၁၈.၆.၂၀၂၃)ထက်နောက်မကျဘဲ အခမဲ့ လာရောက်စမ်းသပ်နိုင်ပါသည်။

သီတဂူစန်းလပမာ ချမ်းမြသာယာရှိကြပါစေ။
သူတော်ကောင်းတရားနေရာတိုင်းမှာ ထွန်းတောက်ပါစေ။
ကိုဗစ်-၁၉ရောဂါအမြန်ဆုံးကင်းဝေးကြပါစေ…
🙏🙏🙏

14/06/2023

မကွေးတိုင်းဒေသကြီး၊ မကွေးမြို့ရှိ ကန်သာကန်ကြီးအား ပြည်သူများ စိတ်အပန်းဖြေ အနားယူနိုင်ရေးအတွက် တိုင်းဒေသကြီး အစိုးရအဖွဲ့မှ အဆင့်မြှင့်တင် ပြုပြင်ထိန်းသိမ်း ဆောင်ရွက်ထားရှိရာ အားလပ်ချိန်များတွင် ဒေသခံပြည်သူများ လာရောက်စိတ်အပန်းဖြေ အနားယူကြသဖြင့် နေ့စဉ် စည်ကားလျက်ရှိကြောင်း သိရသည်။ လှိုင်ဝင်းလေး (ပွင့်ဖြူမြေ)
ဇွန် ၁၄

14/06/2023

#ယနေ့ထုတ်သတင်းစာ_နိုင်ငံတကာသတင်း
◾ နေတိုးအဖွဲ့၏ အကြီးစားလေတပ်စစ်ရေးလေ့ကျင့်မှု ဂျာမနီတွင် စတင်နေ

မြောက်အတ္တလန္တိတ်စာချုပ်အဖွဲ့(နေတိုး)သည် ၁၉၄၉ ခုနှစ်တွင်အဖွဲ့ စတင်တည်ထောင်ပြီးနောက် အကြီးမားဆုံးသော လေကြောင်းတပ်ဖြန့်လေ့ကျင့်မှုကို ဇွန် ၁၂ ရက်တွင် စတင်နေသည်။

အဆိုပါ စစ်ရေးလေ့ကျင့်မှုကို ဂျာမနီမြောက်ပိုင်းနှင့် အခြားနေရာများတွင် ဇွန် ၁၂ ရက်က စတင်ခဲ့ပြီး တိုက်လေယာဉ် ၂၅၀၊ နေတိုးအဖွဲ့နှင့် အခြားနိုင်ငံများမှ တပ်ဖွဲ့ဝင်ပေါင်း ၁၀၀၀၀ ကျော်ပါဝင်သည်။

ဇွန် ၂၃ ရက်အထိပြုလုပ်မည့် စစ်ရေးလေ့ကျင့်မှုအတွင်း ပါဝင်သည့်နိုင်ငံများအနေဖြင့် ၎င်းတို့၏လေတပ်များအကြား ပေါင်းစည်းညှိနှိုင်းမှုကိုမြှင့်တင်ရန် ရည်ရွယ်ထားကြောင်း တာဝန်ရှိသူများက ပြောသည်။

ယူကရိန်းကို ကျူးကျော်ဝင်ရောက်စဉ် အပြင်းအထန်ထိခိုက်ပျက်စီးစေရန် ရုရှားအသုံးပြုခဲ့သည့် မောင်းသူမဲ့လေယာဉ်နှင့် ပဲ့ထိန်းဒုံးကျည်များကို တန်ပြန်တိုက်ခိုက်မှုများလည်း နေတိုးအဖွဲ့၏ လေတပ်စစ်ရေးလေ့ကျင့်မှုတွင် ပါဝင်သည်။

စစ်ရေးလေ့ကျင့်မှုကို ရုရှားက ယူကရိန်းကို ကျူးကျော်တိုက်ခိုက်ခြင်းမပြုမီကပင် စီစဉ်ထားခြင်းဖြစ်ကြောင်း ၊ နေတိုးအဖွဲ့၏ လေကြောင်းစွမ်းရည်ကို ပြသရန် အရေးကြီးကြောင်း စစ်ရေးလေ့ကျင့်မှုကို အိမ်ရှင်အဖြစ်လက်ခံပြုလုပ်သည့် ဂျာမနီစစ်တပ်က ထုတ်ပြန်ထားသည်။

ကိုးကား - အင်န်အိတ်ခ်ျကေ

12/06/2023

မဟာဗျူဟာမြောက် ပူးပေါင်းဆောင်ရွက်ရေး ပူတင်နှင့် လက်တွဲရန် ကင်မ်ဂျုံအန်း ကတိပြု

ဆိုးလ်၊ ဇွန် ၁၂

မြောက်ကိုရီးယားခေါင်းဆောင် ကန်ဂျုံအန်းသည် ရုရှားသမ္မတ ပူတင်နှင့် လက်တွဲပြီး ၎င်းပြည်သူများ၏ အင်အားကြီးနိုင်ငံ တည်ဆောက်မည့် တူညီသော ရည်မှန်းချက်အတွက် မဟာဗျူဟာမြောက် ပူးပေါင်းဆောက်ရွက်မှုကို မြှင့်တင်သွားမည်ဟု ကတိပြုခဲ့ကြောင်း နိုင်ငံပိုင် သတင်းဌာန ကေစီအင်န်အေက ဇွန်လ ၁၂ ရက် တနင်္လာနေ့တွင် ပြောကြားခဲ့သည်။
ကင်မ်သည် ရုရှားနိုင်ငံ၏ အမျိုးသားနေ့ အထိမ်းအမှတ်အတွက် ပူတင်ထံ ပေးပို့ခဲ့သည့် သဝဏ်လွှာတွင် ယခုကဲ့သို့ ကတိပြုလာခြင်းဖြစ်သည်။
“တရားမျှတမှုက အနိုင်ရမယ်ဆိုတာ အသေအချာပါပဲ၊ ရုရှားပြည်သူတွေဟာ နောက်ထပ်နိုင်ပွဲတစ်ခုကို သူတို့ရဲ့ အောင်နိုင်မှုသမိုင်းထဲ ထပ်ထည့်နိုင်တော့မယ်” ဟုဆိုကာ ကင်မ်က ယူကရိန်းစစ်ပွဲတွင် ရုရှားဘက်မှ ထောက်ခံကြောင်းကို ထိုသဝဏ်လွှာ၌ ထပ်မံရေးသားဖော်ပြခဲ့သည်။
ထို့ပြင် ကင်မ်က အင်အားကြီးနိုင်ငံတစ်ခု တည်ဆောက်ရေးဟူသည့် နှစ်နိုင်ငံပြည်သူများ၏ ထပ်တူကျသော ဆန္ဒနှင့်အညီ ရုရှားသမ္မတနှင့် အခိုင်အမာ လက်တွဲကာ မော်စကိုနှင့် ပိုမိုနီးကပ်သော မဟာဗျူဟာမြောက် ပူးပေါင်းဆောင်ရွက်မှုကို တည်ဆောက်ရန် တောင်းဆိုခဲ့ကြောင်း ဖော်ပြထားပါသည်။

12/06/2023

မိုးလေကြီးမှုကြောင့် ပါကစ္စတန်၌ လူ ၂၇ ဦးသေဆုံး

ပီရှာဝါ၊ဇွန် ၁၁

ပါကစ္စတန်နိုင်ငံအနောက်မြောက်ပိုင်း၌ မိုးသည်းထန်စွာရွာသွန်းပြီး လေပြင်းတိုက်ခတ်မှုကြောင့် ကလေးငယ်ရှစ်ဦးအပါအဝင် အနည်းဆုံး လူ ၂၇ ဦးသေဆုံးခဲ့ကြောင်း တာဝန်ရှိသူများက ဇွန် ၁၁ ရက်တွင်ပြောကြားခဲ့သည်။

သေဆုံးသူကလေးရှစ်ဦးအနက် ငါးဦးမှာမောင်နှမများဖြစ်ကြပြီး အသက်နှစ်နှစ်မှဆယ့်တစ်နှစ်ကြားအရွယ်များဖြစ်ကြသည်ဟုဆိုသည်။

အိမ်ခေါင်မိုးနှင့်နံရံများပြိုကျမှုကြောင့် လူ ၁၂ ဦးခန့်ပိတ်မိကာ‌အသက်ဆုံးရှုံးသွားကြသည်ဟုလည်း ပြည်နယ်သဘာဝဘေးအန္တရာယ်စီမံခန့်ခွဲရေးမှ ပြောရေးဆိုခွင့်ရှိသူတစ်ဦးကပြောကြားခဲ့သည်။

လူပေါင်း ၁၄၀ ထက်မနည်းထိခိုက်ဒဏ်ရာရရှိကာ ကျွဲ၊နွားကောင်ရေ ၂၀၀ ကျော်လည်းသေဆုံးခဲ့သည်ဟုသိရသည်။

မုန်တိုင်းသည် ပါကစ္စတန်၊အိန္ဒိယကမ်းရိုးတန်းတစ်လျှောက် ဆက်လက်ဦးတည်နေသဖြင့် လူဦးရေ သန်း ၂၀ ခန့်နေထိုင်သော ဆိပ်ကမ်းမြို့ကာရာချီအပါအဝင် ဆင့်ဒ်ပြည်နယ်ကမ်းရိုးတန်းတစ်လျှောက်မှ မိသားစု ၈,၀၀၀ မှ ၉,၀၀၀ ကြားကို စတင်ရွှေ့ပြောင်းပေးမည်ဖြစ်ကြောင်း ပါကစ္စတန်အာဏာပိုင်များကပြောကြားခဲ့သည်။

09/06/2023

#ယနေ့ထုတ်သတင်းစာ_အားကစားသတင်း
◾ ရော်နယ်ဒိုရှိသော လိဂ်သို့ ပြောင်းရွှေ့ရခြင်းအတွက် ပျော်ရွှင်ကျေနပ်ကြောင်း ဘန်ဇီမာ ပြောဆို

ရီးယဲလ်တိုက်စစ်မှူးဟောင်းဘန်ဇီမာက ဆော်ဒီပရိုလိဂ်ကလပ် အယ်အစ်တီဟတ်သို့ အပြီးသတ်ပြောင်းရွှေ့ခဲ့ပြီးနောက် ရော်နယ်ဒို ရှိနေသော လိဂ်သို့ပြောင်းရွှေ့နိုင်ခဲ့ခြင်းအတွက် ဝမ်းမြောက်မိကြောင်း ထုတ်ဖော်ပြောဆိုလိုက်သည်။ ၂၀၂၂ ခုနှစ်အတွက် ရွှေဘောလုံးဆုကို ဆွတ်ခူးနိုင်ခဲ့သော ဘန်ဇီမာသည် ၁၄ နှစ်ကြာ ရီးယဲလ်ကစားသမားဘ၀ကို အဆုံးသတ်ကာ လာလီဂါရာသီသိမ်းပွဲစဉ်ဖြစ်သော ဘီဘာအိုနှင့်ပွဲ၌ အသင်းအတွက် နောက်ဆုံးပွဲအဖြစ်ပါဝင်ကစားခဲ့ပြီးနောက် ပြီးခဲ့သည့်အင်္ဂါနေ့က အယ်အစ်တီဟတ်သို့ အပြီးသတ်ပြောင်းရွှေ့ခဲ့ခြင်းလည်းဖြစ်သည်။

ဘန်ဇီမာသည် တစ်နှစ်လုပ်ခလစာ ယူရိုသန်း ၂၀၀ ဖြင့် သုံးနှစ်စာချုပ်ချုပ်ဆိုကာ အယ်အစ်တီဟတ်သို့ ပြောင်းရွှေ့ခဲ့ခြင်းဖြစ်ကာ အဆိုပါအပြောင်းအရွှေ့နှင့်ပတ်သက်၍ ၎င်းက "နိုင်ငံရပ်ခြားမှာ ဘောလုံးလိဂ်အသစ်တစ်ခုနဲ့ကြုံတွေ့ရလို့ စိတ်လှုပ်ရှားမိပါတယ်။ အယ်အစ်တီဟတ်ဟာ အံ့ဩဖွယ်ကောင်းတဲ့ သမိုင်းကြောင်းရှိပြီး မယုံကြည်နိုင်လောက်အောင် စိတ်အားထက်သန်တဲ့ ပရိသတ်တွေနဲ့အတူ အမှတ်ပေးဖလားကို ဆွတ်ခူးထားတဲ့အပြင် အာရှရဲ့အင်အားတစ်ခုဖြစ်လာဖို့အထိ ရည်မှန်းချက်ကြီးကြီးရှိတဲ့အသင်းပါ။ ကျွန်တော့်ရဲ့အသက်မွေးဝမ်းကျောင်းမှာ အံ့ဩဖွယ်ကောင်းတဲ့အရာတွေကို အောင်မြင်ခဲ့ပြီး စပိန်နဲ့ဥရောပမှာ တတ်နိုင်သမျှ အောင်မြင်မှုရခဲ့တာ ကံကောင်းပါတယ်။ အခုစိန်ခေါ်မှုအသစ်တွေနဲ့ ပရောဂျက်တစ်ခုအတွက် အချိန်တန်ပြီလို့ထင်ပါတယ်။ ဒါဟာ ကောင်းမွန်တဲ့လိဂ်တစ်ခုဖြစ်ပြီး ကစားသမားကောင်းတွေလည်းအများကြီးရှိတယ်"ဟု ပြောဆိုခဲ့ခြင်းဖြစ်သည်။

Crd # #

09/06/2023

၁ သိန်း ၆သောင်းဖြေတာ

၁သိန်းကျော်အောင်ပါတယ် 👍👍👍

09/06/2023

◾ တောင်တရုတ်ပင်လယ်မှာ အာဆီယံ ပထမဆုံးအကြိမ် စစ်ရေးလေ့ကျင့်မယ်

တောင်တရုတ်ပင်လယ်မှာ ပထမဆုံးအကြိမ် ပူးတွဲစစ်ရေးလေ့ကျင့်ကြဖို့ အရှေ့တောင်အာရှနိုင်ငံတွေက သဘောတူခဲ့ကြတယ်လို့ အင်ဒိုနီးရှားအရာရှိတွေက ပြောပါတယ်။

“မြောက်နာတူနာပင်လယ်မှာ ကျွန်တော်တို့ ပူးတွဲစစ်ရေးလေ့ကျင့်မှု လုပ်သွားပါမယ်”လို့ အင်ဒိုနီးရှားစစ်တပ် အကြီးအကဲ ယူဒိုမာဂါနိုက အရှေ့တောင်အာရှကာကွယ်ရေးအကြီးအကဲတွေရဲ့ အစည်းအဝေးအပြီးမှာ ထုတ်ဖော်ပြောဆိုပါတယ်။

အဆိုပါစစ်ရေးလေ့ကျင့်မှုကို စက်တင်ဘာလမှာ လုပ်ဆောင်မှာဖြစ်ပြီး အရှေ့တီမောကလည်း လေ့လာသူအဖြစ် တက်ရောက်မှာ ဖြစ်ပါတယ်။

အာဆီယံ ပူးတွဲ စစ်ရေးလေ့ကျင့်မှုအတွင်း လုံခြုံရေးနဲ့ ကယ်ဆယ်ရေးလေ့ကျင့်မှုတွေကို အဓိကထားမှာဖြစ်ကာ တိုက်ခိုက်ရေးပုံစံတွေ ပါဝင်မှာမဟုတ်ကြောင်း အင်ဒိုနီးရှားစစ်ဘက်အကြီးအကဲက ပြောကြားပါတယ်။

အာဆီယံနိုင်ငံတွေက အရင်တုန်းက အမေရိကန်နဲ့ စစ်ရေးလေ့ကျင့်တာတွေ လုပ်ခဲ့ပေမယ့်လည်း အခုလို အချင်းချင်းစုဖွဲ့လေ့ကျင့်တာတွေ လုပ်ဆောင်မှုမရှိခဲ့ကြောင်း သိရပါတယ်။

09/06/2023

◾ ယူ-၂၀ ကမ္ဘာ့ဖလားကို အီတလီနဲ့ ဥရုဂွေး ဗိုလ်လုမယ်

အာဂျင်တီးနားနိုင်ငံမှာ ကျင်းပနေတဲ့ ယူ-၂၀ ကမ္ဘာ့ဖလားဗိုလ်လုပွဲမှာ အီတလီနဲ့ ဥရုဂွေးတို့ ယှဉ်ပြိုင်ကြမှာ ဖြစ်တယ်လို့ သိရပါတယ်။

အီတလီက တောင်ကိုရီးယားကို ၂-၁ ဂိုး နဲ့ ကျော်ဖြတ်ပြီး ဗိုလ်လုပွဲ တက်ရောက်လာခြင်းဖြစ်ကာ ဥရုဂွေးက အစ္စရေးကို ၁-၀ ဂိုး နဲ့ အနိုင်ယူခဲ့တာဖြစ်ပါတယ်။

လာပလာတာမြို့က Diego Armando Maradona အားကစားကွင်းကြီးမှာ တတိယနေရာလုပွဲနဲ့ ဗိုလ်လုပွဲကို ကစားကြမှာ ဖြစ်ပါတယ်။

အီတလီက ယူ-၂၀ ဗိုလ်လုပွဲကို ပထမဆုံးအကြိမ် တက်ရောက်လာတာ ဖြစ်ပါတယ်။

ယူ-၂၀ ကမ္ဘာ့ဖလားကို အင်ဒိုနီးရှားနိုင်ငံမှာ ကျင်းပဖို့စီစဉ်ထားခဲ့တာ ဖြစ်ပေမယ့် အစ္စရေးအသင်းကို လက်သင့်ခံဖို့ ငြင်းဆန်မှုတွေရှိခဲ့ပြီးနောက် ကမ္ဘာ့ဘောလုံးအဖွဲ့ချုပ် ဖီဖာက အာဂျင်တီးနားနိုင်ငံမှာ ပြောင်းလဲကျင်းပခဲ့တာ ဖြစ်ပါတယ်။

သတင်း - စံတော်ချိန်ဒစ်ဂျစ်တယ်

08/06/2023

မိဘကျေးဇူး ဆပ်နည်း ( ၆ )နည်း...🙏
🤱🧑‍🍼🤱🧑‍🍼🤱🧑‍🍼🤱🧑‍🍼🤱🧑‍🍼🤱🧑‍🍼
၁။အစားအစာကျွေး၍ ကျေးဇူးဆပ်နည်း
၂။ဥစ္စာပေး၍ ကျေးဇူးဆပ်နည်း
၃။ဝေယျာ၀စ္စပြု၍ ကျေးဇူးဆပ်နည်း
၄။ကုသိုလ်ပြု၍ ကျေးဇူးဆပ်နည်း
၅။တရားနာ ရိပ်သာဝင်ခိုင်း၍ကျေးဇူးဆပ်နည်း
၆။အမျှပေးဝေ၍ ကျေးဇူးဆပ်နည်း
တို့ပဲဖြစ်ပါတယ်။

၁။အစားအစာကျွေး၍ ကျေးဇူးဆပ်နည်း
မိဘအတွက် စားဦးစားဖျား ဖယ်ထားတာ
မိဘစားချင်တာ ချက်ကျွေးတာ
မိဘစားချင်တဲ့မုန့် ဝယ်ပေးတာ စတာတွေကို လုပ်ပေးတာတွေက
မိဘတွေအလွန်ပဲ ၀မ်းသာပါတယ် တဲ့
ဒါကြောင့် အစားအစာ ကျွေး၍
မိဘကို ကျေးဇူးဆပ်နိုင်ပါတယ်...။

၂။ဥစ္စာပေး၍ ကျေးဇူးဆပ်နည်း
မိဘများစာချင်တာတွေ စားနိုင်အောင်
မရောက်ဖူးသေးတဲ့ ဘုရားတွေ ဖူးနိုင်အောင်
လှူချင်တာတွေ လှူနိုင်အောင် စတာတွေကို
လုပ်ပေးရင် မိဘတွေက
အလွန်ပဲ ဝမ်းသာပါတယ် တဲ့...
ဒါကြောင့်
မိဘအတွက် ဥစ္စာ(ပိုက်ဆံ)ပေး၍လည်း
ကျေးဇူးဆပ်နိုင်ပါတယ်...။
ပိုက်ဆံဆိုတာ မဆပ်လည်း ကုန်မှာ
ဆပ်လည်း ကုန်မှာပါနော်...။

၃။ ဝေယျာ၀စ္စပြု၍ ကျေးဇူးဆပ်နည်း
အိမ်မှုကိစ္စများနှင့် မိဘတွေပင်ပန်းမယ့်
အခြားကိစ္စတွေမှာ ကိုယ်တိုင်၀င်ရောက်ပြီး
မိဘတွေမပင်ပန်းအောင် ပြုလုပ်ပေးခြင်း
မိဘကို နင်းနှိပ်ပေးခြင်း ပြုစုပေးခြင်း စတဲ့
ဝေယျာဝစ္စတွေကို ပြုလုပ်ပေးခြင်းနဲ့လည်း
ကျေးဇူးဆပ်နိုင်ပါတယ်...။

၄။ကုသိုလ်ပြု၍ ကျေးဇူးဆပ်နည်း
မိဘတွေ ကုသိုလ်ရအောင်
တရားနာနိုင်အောင် တိုက်တွန်းခြင်း
သင်္ကန်းတွေ လှူခိုင်းခြင်း
အလှူတွေ လုပ်ခိုင်းခြင်းဖြင့်သား၊သမီးများက
မိဘတွေ ကုသိုလ်ရအောင်
ဘေးနားကနေ ပြုလုပ်ပေးခြင်းနဲ့လည်း
ကျေးဇူးဆပ်နိုင်ပါတယ်...။

၅။တရားနာ,ရိပ်သာ၀င်ခိုင်း၍ ကျေးဇူးဆပ်နည်း
မိဘတွေတရားနာနိုင်အောင် တိုက်တွန်းပေးခြင်း
ကူညီဖြည့်ဆည်းပေးခြင်း မိဘတွေ
ဘုရားအရိပ် တရားအရိပ်မှာ ပျော်မွေ့နိုင်အောင်
ပံ့ပိုးကူညီ ဆောင်ရွက်ပေးခြင်းနဲ့လည်း
ကျေးဇူးဆပ်နိုင်ပါတယ်...။
မြတ်ဗုဒ္ဓ၏
အမြတ်ဆုံးကျေးဇူးအကျေဆပ်နည်းပါ
ဖခင်အား ရဟန္တာဖြစ်အောင်
ကျေးဇူး အကျေဆပ်
မိခင်အား မဟာသောတာပန်ဖြစ်အောင်
ကျေးဇူး အကျေဆပ် တဲ့

၆။အမျှပေးဝေ၍ ကျေးဇူးဆပ်နည်း
နောက်ဆုံးကတော့ မိဘများ
သက်ရှိ ထင်ရှားမရှိတဲ့အချိန်မှာ
မိဘအတွက် ရည်မှန်းပြီး ကောင်းမှု့
ကုသိုလ်များ ပြုလုပ်ကာ
အမျှတမ်း ပေးဝေခြင်းကလည်း
မိဘအတွက် ကျေးဇူးဆပ်ရာ ရောက်ပါတယ်။

( Credit )

08/06/2023

AGD ဘဏ်မိသားစုမှ ရခိုင်ပြည်နယ်၊ ရသေ့တောင်မြို့နယ်ရှိ မိုခါမုန်တိုင်းဒဏ်သင့် ဆုံးရှုံးမှုအများဆုံး အိမ်ထောင်စု ၃၀၀ အား ရခိုင်သဟာယအသင်း (ရန်ကုန်) အကူအညီဖြင့် လာရောက်လှူဒါန်းခြင်း

၂၀၂၃ ခုနှစ်၊ ဇွန်လ ၂ ရက်နေ့တွင် AGD ဘဏ်မှ ဦးတင်မောင် (Head of Business Intelligence and Organizational Performance) ဦးဆောင်၍ ဒေါ်ရီရီခိုင်စံ (Head of Administration)၊ ဦးမျိုးရာဇာသိန်း (Head of Risk Management) နှင့် ဒေါ်ခိုင်သဇင် (Head of Marketing) တို့မှ သဘာဝဘေးအန္တရာယ် မိုခါမုန်တိုင်းဒဏ်သင့် ရခိုင်ပြည်နယ်အတွင်း ထိခိုက်ဆုံးရှုံးမှုများကို ရခိုင်သဟာယအသင်း (ရန်ကုန်) ပရဟိတအဖွဲ့အစည်း၏ ဒေသဆိုင်ရာအကူအညီဖြင့် လက်တွေ့သွားရောက် ဆန်းစစ်လေ့လာပြီးနောက် ဆုံးရှုံးမှုများပြီး အကူအညီအလိုအပ်ဆုံး နေရာများဖြစ်သော ရခိုင်ပြည်နယ်၊ ရသေ့တောင်မြို့နယ် ဒုံးပိုက်ရွာရှိ အိမ်ထောင်စု ၁၄၀၊ ကံဒိုင်းအောင်ရွာရှိ အိမ်ထောင်စု ၅၀ နှင့် ကိုးတန်ကောက်ရွာရှိ အိမ်ထောင်စု ၁၁၀၊ စုစုပေါင်း အိမ်ထောင်စု ၃၀၀ အား အစားအစာ၊ လူသုံးကုန်နှင့် ဆေးဝါး အစရှိသည်တို့ကို ကိုယ်တိုင်ကိုယ်ကျ လက်ရောက်လှူဒါန်းကြောင်းသိရှိရပါသည်။

ဒေသခံပရဟိတအဖွဲ့အစည်းဖြစ်သော ရခိုင်သဟာယ အသင်း (ရန်ကုန်) မှ စစ်တွေမြို့ကိုယ်စားလှယ်များဖြစ်ကြသော ဒေါက်တာ ဦးစိုးခန့် နှင့် ဦးမောင်စိုးသိန်း ဦးဆောင်၍ ခရီးစဉ်တစ်လျှောက် ရေလမ်းခရီး၊ ကုန်းလမ်းခရီးတို့ကို အဆင်ပြေချောမွေ့မှုရှိစေရန် AGD ဘဏ်၏ ယင်းသို့ လာရောက်လှူဒါန်းမှုအစီအစဉ်ကို ချောချောမွေ့မွေ့အကောင်အထည်ဖော်နိုင်ရန် ဒေသဆိုင်ရာကူညီပံ့ပိုးမှုများ ပေးအပ်ခဲ့ကြောင်း AGD ဘဏ်မှဖော်ပြရေးသားထားပါသည်။

AGD ဘဏ်၏ ရှင်သန်အတူ လက်တွဲကူ (grow CSR) အစီအစဉ်သည် လူ့အဖွဲ့အစည်း အသိုင်းအဝိုင်းနှင့် သဘာဝပတ်ဝန်းကျင်ဆိုင်ရာ ကာကွယ်ထိန်းသိမ်းစောင့်ရှောက်မှုများ ဆောင်ရွက်ရန် တည်ဆောက်ထားခြင်းဖြစ်သည်ဟု ဆိုပါသည်။

08/06/2023

၂၀၂၃ ခုနှစ်၊ တက္ကသိုလ်ဝင်စာမေးပွဲအောင်စာရင်း ထုတ်ပြန်ကြေညာခြင်းကို ၉-၆-၂၀၂၃ ရက်နေ့ နံနက် ၆ နာရီအချိန်မှာ ထုတ်ပြန်ကြေညာပေးသွားမှာဖြစ်ကြောင်း အသိပေးနှိုးဆော်လိုက်ရပါတယ်...နိုင်ငံရဲ့ အနာဂတ် မျိုးဆက်သစ် ညီငယ်/ညီမငယ်များ ဂုဏ်ထူးတွေနဲ့ အောင်မြင်ကြပါစေ...

Delta Knowledge & News-DKN

14/06/2023

14/06/2023

14/06/2023

12/06/2023

12/06/2023

09/06/2023

09/06/2023

09/06/2023

09/06/2023

08/06/2023

08/06/2023

08/06/2023

Address

Website

Alerts

Shortcuts

Share

Category