16/08/2025
မူလွန်ကျောင်းတကျောင်း၌ ငါးတန်းကျောင်းသားတချို့ ကျောင်းထဲ ဖဲထုပ်ယူလာရာ ဆရာ၊ဆရာမတွေ မိသော်လည်း ကျောင်းသားများက ပြန်တောင်း၍ ပြန်ပေးလိုက်သည်ဟု သတင်းရသည်။ထိုကျောင်း၌ အသစ်ရောက်နေသည့် ကျောင်းဆရာတယောက်က စာတပုဒ်မရပါက ထိုင်ထအခါ ၂၀၀လုပ်ခိုင်းတက်သော်လည်း ဖဲထုပ်ကျောင်းယူလာသည့် ကျောင်းသားများကို အရေးယူခြင်း မရှိခဲ့ဟု ကြားရသည်။
၀,၁,၂,၃,၄,၅,၆,၇,၈,၉,၀ ဂဏန်းများပါသည့် လေးစင်တီမီတာခန့်ရှိသော စက္ကူအရုပ်ကဒ်များဖြင့် ဖဲချကြသည်ကို အားမရကြတော့ဘဲ ဖဲထုပ်အစစ်များဖြင့် လောင်းကစားလုပ်ကြရန် အားထုတ်လာကြခြင်းဖြစ်သည်။
ကျောင်းအုပ်ဖြစ်သူက ကျောင်းအပ်နှံရေးကာလ၌ပင် တကိုယ်တော်ကျောင်းအပ်ခံပြီး အလှူခံငွေများကောက်ယူခဲ့ကာ လစဉ်နီးပါး မိဘများကို အစည်းအဝေးအကြိမ်ကြိမ်ခေါ်ကာ အလှူခံနေတုန်းဟု သတင်းရသည်။ယခုလပိုင်းအတွင်း ကျောင်းပတ်ဝန်းကျင်နှင့် အတော်အလှမ်းဝေးသည့်နေရာရှိ စက်ဘီးပြင်ဆိုင်၊ကွမ်းယာဆိုင်များကို စည်ပင်ခေါ်၍ ဖျက်ခိုင်းခဲ့သည်။
တိုင်းပြည်၌ စလော့ဂိမ်းများ၊နှစ်လုံးထီ၊ဘောလုံးလောင်းကစားများကြောင့် မိသားစုများ ဘဝပျက်နေကြပြီလည်းဖြစ်သည်။လူငယ်များဆိုရင်လည်း မူးယစ်ဆေးဝါးနှင့်ကင်းသူကို လက်ချိုးရေတွက်လို့ ရတော့မည့်ပုံစံဖြစ်နေပါပြီ။
ဆင်ခြင်တုံ့တရား အကောင်းအဆိုး အကြောင်းအကျိုး အမှားအမှန် ဝေခွဲတက်ဖို့ ပညာတက်ဖို့ လိုအပ်သည်။ ပညာရေးကောင်းမှ တိုင်းပြည်အနာဂတ်ကောင်းမည်။ပညာရေးကောင်းဖို့ မူလတန်းအဆင့်မှပင် ပြုစုပျိုးထောင်ဖို့ လိုအပ်သည်။အတုမြင် အတက်သင်လွယ်သော ယခုခေတ်မျိုးဆက်သစ်ကလေးများရှေ့၌ မိဘ၊ဆရာများကိုယ်တိုင် အနေအထိုင် အပြောအဆို အစားအသောက်ကအစ ဆင်ဆင်ခြင်ခြင်နေတက်ဖို့ အထူးလိုအပ်လှပါသည်။
