22/05/2025
A piece of message from Glasto.
“Find your soul” ဆိုတာ ကျွန်တော့်အတွက်တော့ album တစ်ခုဆိုတာထက် ပိုပါတယ်။ ဒီ album ကိုလွန်ခဲ့တဲ့ ၂နှစ် ကျွန်တော်မြန်မာကမထွက်ခင်ကစတီးခဲ့ပြီး သွားခဲ့တဲ့နိုင်ငံတွေတစ်လျှောက် ကြုံခဲ့ရတဲ့ အခက်အခဲတွေ၊ စိတ်အတက်အကျတွေ၊ သင်ခန်းစာတွေနဲ့အတူပါလာတဲ့ album တစ်ခုလည်းဖြစ်ပါတယ်။
လွန်ခဲ့တဲ့တစ်နှစ်က ဒီ album ထဲကသီချင်း ၅ပုဒ် ကို EP အဖြစ်ထုတ်ခဲ့ဖို့ပြင်ဆင်ခဲ့ပေမယ့် အခြေအနေတွေမပေးတာရယ်၊ mental breakdown တွေရယ်ကြောင့် cancel လိုက်ရပါတယ်။ ဒါပေမယ့် အဲ့ဒီ ၅ ပုဒ်ကိုနောက်ထပ် အသစ်၇ ပုဒ် နဲ့ ပေါင်းပြီး ဒီ album ထဲမှာအတူနားထောင်နိုင်မှာဖြစ်ပါတယ်။
“Find your Soul” လို့နာမည်ပေးရတဲ့ရည်ရွယ်ချက်ကတော့ ၂၀၁၈ လောက်တုန်းက Glasto ဆိုပြီးစခဲ့တော့ Soundcloud bio မှာ “find your soul here.” ဆိုပြီးရေးခဲ့ပါတယ်။ ဆိုလိုရင်းကတော့ မင်းရဲ့ပျောက်ဆုံးနေတဲ့အစိတ်အပိုင်းတစ်ခု ကိုဒီသီချင်းတွေထဲမှာ လာရှာဖွေလိုက်ပါပေါ့… တကယ်တမ်း ကိုယ့်ဟာကို ပြောတာလည်းဖြစ်နိုင်ပါတယ်။
ဒီ album ထဲမှာတော့ကျန်တော် တီးရတာအရမ်း passionate ဖြစ်ခဲ့တဲ့ Dubstep, riddim, tear out တွေအပြင် experimental bass, DnB, Mid-tempo/ Phonk hybrid နဲ့ dark melodic house တွေပါဝင်ပါတယ်။ ဒီ album ကို ကျွန်တော့်ကိုကျွန်တော်ပြန်ရှာဖွေဖို့ ရည်ရွယ်ချက်နဲ့ထုတ်တာဖြစ်ပြီး အားလုံးလည်း တစ်ခုခုကိုခံစားရလိမ့်မယ်လို့မျှော်လင့်ပါတယ်။
“Find your soul” album out tomorrow.
