Myanmar Digital Life

Myanmar Digital Life Everything is Digital / Digital is Everything

နည်းပညာဆာလောင်နေတဲ့ လူကြီးလူငယ်မရွေး ဖတ်ရှုနိုင်ပြီး နေ့စဉ်နဲ့အမျှ ဖြစ်ပေါ်နေတဲ့ နည်းပညာရပ်ဝန်းရှိ ပြည်တွင်း၊ ပြည်ပကိစ္စရပ်တွေကို ဖော်ပြပေးနေတဲ့ IT Knowledge Sharing သတင်းစာမျက်နှာ ဖြစ်ပါတယ်။

TikTok တွင် တွေ့ရသည့် လိမ်လည်မှုများကို ရှောင်ရှားနိုင်ရန် သိထားသင့်သည့် အချက်များနှင့် အကောင့်လုံခြုံရေးဆိုင်ရာ နည်းလမ်...
04/09/2025

TikTok တွင် တွေ့ရသည့် လိမ်လည်မှုများကို ရှောင်ရှားနိုင်ရန် သိထားသင့်သည့် အချက်များနှင့် အကောင့်လုံခြုံရေးဆိုင်ရာ နည်းလမ်းများ
==============
TikTok သည် အသုံးပြုသူများ မိမိတို့၏ တီထွင်ဖန်တီးနိုင်စွမ်းကို မျှဝေရန် အခြားသူများနှင့် ချိတ်ဆက်ရန်နှင့် အခွင့်အလမ်းသစ်များကို ရှာဖွေရန် စုဝေးရာ နေရာတစ်ခု ဖြစ်သည်။ သို့သော် အခြားအွန်လိုင်းပလက်ဖောင်းများကဲ့သို့ မသမာသူများ၏ အလွဲသုံးစားလုပ်ရန် ကြိုးစားမှုကို ကြုံတွေ့ရနိုင်သည်။ TikTok အတွက် အသုံးပြုသူအသိုင်းအဝိုင်း၏ လုံခြုံရေးသည် ထိပ်တန်းဦးစားပေးဖြစ်ပြီး လူများကို လိမ်လည်လှည့်ဖြားခြင်းများနှင့် အလွဲသုံးစားပြုလုပ်ခြင်းများကို ခွင့်မပြုထားပါ။ ထို့ကြောင့် အဆိုပါစည်းမျဉ်းများကို အကြိမ်ကြိမ်ချိုးဖောက်သော အကောင့်များသည် အပြီးအပိုင် ဖယ်ရှားခံရနိုင်သည်ဟု TikTok က သတိပေးထားသည်။

သိထားသင့်သော လိမ်လည်လှည့်ဖြားမှုများ
--------------
အွန်လိုင်း လိမ်လည်မှုများသည် လူများကို ငွေကြေး သို့မဟုတ် ကိုယ်ရေးကိုယ်တာအချက်အလက်များအတွက် လှည့်စားသည့် လုပ်ရပ်များဖြစ်သည်။ အသုံးပြုသူများ သိထားသင့်သော လိမ်လည်မှုများမှာ အောက်ပါအတိုင်း ဖြစ်သည် ဟု TikTok က ဆိုသည်။
-အလုပ်အလွဲသုံးစားလုပ်မှုများ- အလုပ်အနည်းငယ်ပြုလုပ်ရုံနှင့် လစာများများရရှိမည်ဟု ကတိပေးထားသော မမှန်မကန်အလုပ်ရာထူးများ၊ "မှတ်ပုံတင်ကြေး" လိုအပ်သည်ဟုဆိုကာ ငွေတောင်းခံမှုများ၊ အရေးကြီးသည့် ကိုယ်ရေးကိုယ်တာအချက်အလက်များကို တောင်းဆိုလိမ်လည်မှုများ ပြုလုပ်ခြင်း ဖြစ်သည်။
-ငွေကြေးနှင့် ဆွယ်ပြီး လိမ်လည်မှုများ (Money Mule Scams)- မိမိ၏ လုပ်ခကော်မရှင်ကို ထုတ်ယူနိုင်ရန်အတွက် အရင်ဆုံး ငွေပမာဏတစ်ခုကို လွှဲပေးရန် သို့မဟုတ် ဘဏ်အကောင့်ဝင်ရောက်ခွင့်ကို လွှဲပြောင်းပေးရန် တောင်းဆိုခြင်းသည်လည်း လိမ်လည်လှည့်ဖြားမှု ဖြစ်သည်။ တောင်းဆိုချက်များကို လိုက်လျောမိပါက တရားမဝင် ငွေကြေးခဝါချမှုများတွင် မိမိအနေဖြင့် မသိလိုက်ဘဲ ပါဝင်ပတ်သက်မိသွားနိုင်သည်။
-အယောင်ဆောင်ဖြားယောင်းမှုများ- TikTok သို့မဟုတ် အခြားယုံကြည်ရသော နေရာများမှ ပို့သကဲ့သို့ ဟန်ဆောင်ထားသော မက်ဆေ့ချ်များ သို့မဟုတ် လင့်ခ်များ၊ စကားဝှက်များ၊ OTP ကုတ်များ သို့မဟုတ် ကိုယ်ရေးကိုယ်တာအသေးစိတ်အချက်အလက်များကို တောင်းဆိုခြင်းများသည်လည်း သတိထားသင့်သည့် လိမ်လည်မှု ဖြစ်သည်။ TikTok သည် တရားဝင် မဟုတ်သော ချန်နယ်များမှ တစ်ဆင့် အကောင့်ဝင်ရန် အချက်အလက်ကို မည်သည့်အခါမျှ တောင်းဆိုမည် မဟုတ်ပါ။

လိမ်လည်လှည့်ဖြား မခံရရန် သတိထားသင့်သည့်အချက်များ
--------------
လိမ်လည်လှည့်ဖြားသူများသည် ဖိအားပေး၍သော်လည်းကောင်း သို့မဟုတ် နား‌ထောင်ကောင်းသော ကမ်းလှမ်းမှုများ ပြုလုပ်၍ သော်လည်းကောင်း ဖြားယောင်းလေ့ ရှိသည်။ ထို့ကြောင့် အောက်ပါ အချက်များကို တွေ့ရှိ ကြုံဆုံပါက သတိထားပါ။
-နည်းနည်းရင်းပြီး များများပြန်ရမည်၊ အလွယ်တကူငွေရှာနိုင်မည် စသည့်ကတိများပေးခြင်း။
-ငွေလွှဲပေးရန်၊ အပ်ငွေထည့်ရန် သို့မဟုတ် အခကြေးငွေ‌ပေးရန် တောင်းဆိုခြင်း။
-သံသယဖြစ်ဖွယ်လင့်ခ်များကို နှိပ်ရန် တောင်းဆိုသော မက်ဆေ့ချ်များပို့ခြင်း။
-ပုံမှန်မဟုတ်သော အကောင့်နာမည်များ၊ မပြည့်စုံသော ပရိုဖိုင်များ၊ သို့မဟုတ် ပုံမှန်မဟုတ်သည့် အပြုအမူများရှိသော အကောင့်များ စသည်တို့ဖြစ်သည်။
သံသယဖြစ်ဖွယ်တွေ့ရှိပါက မစစ်ဆေးရသေးသော လင့်ခ်များကို နှိပ်ကြည့်မည့်အစား တရားဝင်အကောင့်များနှင့် ယုံကြည်စိတ်ချရသော ရင်းမြစ်များမှတစ်ဆင့် အချက်အလက်ကို အမြဲစစ်ဆေးပါ။

TikTok က အသုံးပြုသူများ ဘေးကင်းရေးအတွက် ကူညီဆောင်ရွက်ချက်များ
--------------
TikTok သည် အသုံးပြုသူများကိုယ်တိုင် မိမိတို့၏ TikTok အသုံးပြုမှု အတွေ့အကြုံကို ထိန်းချုပ်နိုင်ရန် Tool များ နှင့် လုပ်ဆောင်ချက်များကို အောက်ပါအတိုင်း ပံ့ပိုးပေးထားသည် ဟုဆိုသည်။
-Two-step Verification မှတစ်ဆင့် မိမိ အကောင့်လုံခြုံရေးကို ပိုမိုကာကွယ်နိုင်သည်။
-"Report" လုပ်ဆောင်ချက်အောက်ရှိ "လိမ်လည်မှုနှင့် ရိုက်စားလုပ်မှုများ (Frauds & Scams)" အကြောင်းရင်းဖြင့် သံသယဖြစ်ဖွယ် အကြောင်းအရာ သို့မဟုတ် အကောင့်များကို အမြန်ဆုံး တိုင်ကြားနိုင်သည်။
-မှတ်ချက်စစ်ထုတ်မှုများနှင့် မက်ဆေ့ချ်ထိန်းချုပ်မှု လုပ်ဆောင်ချက်များသည် သင့်ကို ဆက်သွယ်နိုင်မည့်သူကို စိစစ်ရွေးချယ်နိုင်ရန် ကူညီပေးသည်။
သင့်အကောင့် အခိုးခံရသည်ဟု ယုံကြည်ပါက သို့မဟုတ် လိမ်လည်လှည့်ဖြားမှုဖြစ်နိုင်သည့် ကိစ္စတစ်ခုကို ကြုံတွေ့လာပါက ချက်ချင်း Report လုပ် တိုင်ကြားပါ။ ထိုသို့လုပ်ဆောင်ခြင်းသည် သင့်ကိုသာမက ပိုမိုကျယ်ပြန့်သော အသုံးပြုသူအသိုက်အဝန်းကိုပါ ကာကွယ်ရန် ကူညီပေးနိုင်သည်။

သင့်အကောင့်ကို ကာကွယ်ရန် လုပ်‌ဆောင်နိုင်သည့် အဆင့်များ
--------------
သင့်အကောင့်ကို လုံခြုံအောင်ပြုလုပ်ရန် ရိုးရှင်းသော အောက်ပါ အဆင့်များအတိုင်း လုပ်ဆောင်နိုင်သည်။
-ခိုင်မာပြီး ထူးခြားသော Password များကို အသုံးပြုပါ။ အဆိုပါ Password တို့ကို အခြားသူများနှင့် မျှဝေခြင်းမှ ရှောင်ကြဉ်ပါ။
-သံသယဖြစ်ဖွယ်လင့်ခ်များ သို့မဟုတ် ပူးတွဲပါဖိုင်များကို သတိထားပါ။
-ဖုန်းနံပါတ်များ၊ ငွေကြေးဆိုင်ရာအချက်များ သို့မဟုတ် မှတ်ပုံတင်နံပါတ်များကဲ့သို့ ကိုယ်ရေးကိုယ်တာအချက်အလက်များကို မစစ်ဆေးရသေးသော အရင်းအမြစ်များနှင့် မျှဝေခြင်း မပြုပါနှင့်။

SKT International School သည် ကမ္ဘာ့ထိပ်တန်း IB ကျောင်းများအနက် ထိပ်ဆုံး အကောင်းဆုံးကျောင်း အဆင့် ၉ နေရာ ကို ဂုဏ်ယူစွာ ရရ...
03/09/2025

SKT International School သည် ကမ္ဘာ့ထိပ်တန်း IB ကျောင်းများအနက် ထိပ်ဆုံး အကောင်းဆုံးကျောင်း အဆင့် ၉ နေရာ ကို ဂုဏ်ယူစွာ ရရှိခဲ့
==============
SKT International School သည် ကမ္ဘာ့ထိပ်တန်း IB ကျောင်းများ အနက် ထိပ်ဆုံး အကောင်းဆုံးကျောင်း အဆင့် ၉ နေရာ ဂုဏ်ယူစွာ ရရှိခဲ့ကြောင်း သိရသည်။

မြန်မာနိုင်ငံ၏ ဦးဆောင်ပညာရေးကျောင်းတစ်ခုဖြစ်သော SKT International School သည် International Baccalaureate (IB) အဖွဲ့အစည်းမှ ထုတ်ပြန်သော ကမ္ဘာ့ထိပ်တန်း IB ကျောင်းများ စာရင်းတွင် အဆင့် ၉ နေရာကို အောင်မြင်စွာ ရယူနိုင်ခဲ့ကြောင်း တရားဝင် ကြေညာလိုက်သည်။ ကမ္ဘာတစ်ဝန်းရှိ IB DP School ပေါင်း ၃,၀၀၀ ကျော်ထဲမှ ထိပ်တန်း ၁၀ ကျောင်းစာရင်းတွင် ပါဝင်နိုင်ခြင်းသည် မြန်မာ့ပညာရေးလောက အတွက် ဂုဏ်ယူစရာ မှတ်တိုင်တစ်ခု ဖြစ်လာသည်။

ဤ ထူးခြားသော အောင်မြင်မှုသည် SKT International School ၏ ခိုင်မာသော ပညာရေးစနစ်၊ အရည်အချင်းပြည့်ဝသော ဆရာ ဆရာမများ၏ ကြိုးပမ်းအားထုတ်မှု နှင့် ကျောင်းသားများ၏ ထူးချွန်ထက်မြက်မှုကို ထင်ဟပ်ပြသနေသည်။

International Baccalaureate Diploma Programme (IBDP) သည် ကမ္ဘာ့အဆင့်မီ တက္ကသိုလ်များသို့ ဝင်ခွင့်ရရှိရန် လမ်းဖွင့်ပေးသော အသိအမှတ်ပြု ပညာရေးအစီအစဉ် တစ်ခု ဖြစ်ပြီး SKT ကျောင်းသားများ၏ ရလဒ်ကောင်းများသည် ၎င်းတို့၏ နိုင်ငံတကာအဆင့်မီ ပညာရေးစံနှုန်းကို သက်သေပြနေသည်ဟု ဆိုသည်။

"ဒီအောင်မြင်မှုဟာ ကျွန်တော်တို့ရဲ့ ကျောင်းသားတွေ ဆရာ ဆရာမတွေနဲ့ မိဘတွေအားလုံးရဲ့ စုပေါင်းအားထုတ်မှုရဲ့ ရလဒ်ပါပဲ။ ကမ္ဘာ့ပညာရေးစံနှုန်းတွေကို ကျွန်တော်တို့ ရင်ဘောင်တန်းနိုင်ပြီ ဆိုတာ ဒီရလဒ်ကနေ သက်သေပြနေတာပါ" ဟု SKT International School ၏ Head of School ဖြစ်သူ Bayram Odeberdiyev က ပြောကြားသည်။

၂၀၁၀ ပြည့်နှစ်တွင် IB World School အဖြစ် အတည်ပြုခံခဲ့ရသည့် SKT International School သည် Preschool Programme မှစ၍ IB Primary Years Programme (PYP)၊ Lower Secondary ,IGCSE နှင့် IB Diploma Programme (IBDP) အထိ အဆင့်မြင့်ပညာရေးအစီအစဉ်များကို သင်ကြားပေးလျက် ရှိသည်။ လက်ရှိတွင်လည်း SKT မှ IB Diploma ရရှိခဲ့သူများသည် ကမ္ဘာ့အကျော်ကြားဆုံး တက္ကသိုလ်များတွင် ဆက်လက် ပညာသင်ကြားလျက် ရှိသည်။

SKT ကျောင်းမှ IBDP အောင်မြင်သွားသူများ တက်ရောက်ခဲ့သော ကမ္ဘာ့ထိပ်တန်း တက္ကသိုလ်များမှာ အောက်ပါအတိုင်း ဖြစ်ပါသည်။

၂၀၁၄ - Imperial College London (UK)
၂၀၁၆ - University of Cambridge (Full Scholarship) (UK)
၂၀၁၇ - University of Michigan (USA)
၂၀၂၁ - The University of British Columbia (Canada), University of Toronto (Canada)
၂၀၂၃ - University of California, Berkeley (USA), University of Leeds (UK), Queen Mary University of London (UK)
၂၀၂၄ - University of Rome (Italy), University of Bologna (Italy), APU (Full Scholarship) (Turkey)
၂၀၂၅ - NTU (World Ranked 12) (Singapore), University of Amsterdam (Netherlands), University of Waterloo (Canada)

လုပ်ဆောင်ချက် များစွာ ရရှိနိုင်မယ့် Viber Plus ဝန်ဆောင်မှုကို မြန်မာနိုင်ငံ ထိပ်တန်း FinTech & Telco လုပ်ငန်းတွေကနေတဆင့်...
26/08/2025

လုပ်ဆောင်ချက် များစွာ ရရှိနိုင်မယ့် Viber Plus ဝန်ဆောင်မှုကို မြန်မာနိုင်ငံ ထိပ်တန်း FinTech & Telco လုပ်ငန်းတွေကနေတဆင့် အလွယ်တကူ ဝယ်ယူနိုင်မည်
==============
အွန်လိုင်းကနေ သင်ပို့လိုက်တဲ့စာတွေကို သူများတွေ မသိခင် ပြန်ဖျက်ချင်တာမျိုး၊ ပြင်ဆင်ချင်တာမျိုး ကြုံတွေ့ဖူးမှာပါ။ နောက်တစ်ခါ သင် အွန်လိုင်းရှိနေတာကို တစ်ခြားသူတွေ မသိနိုင်တာ၊ အခပေးစတစ်ကာတွေကို အကန့်အသတ်မရှိ Free ရယူအသုံးပြုနိုင်တာ၊ နောက်ပြီး အသံဖိုင်တွေကို စာတို (Text) အနေနဲ့ ပြောင်းလဲဖတ်ရှုနိုင်တာ စတဲ့ လုပ်ဆောင်နိုင်စွမ်းတွေကို ရယူ အသုံးပြုနိုင်မယ် ဆိုရင်ရော ဘယ်လောက် အဆင်ပြေမလဲ? မပူပါနဲ့ ဒီ လုပ်ဆောင်ချက်တွေအားလုံးကို Viber ရဲ့ Premium Version ဖြစ်တဲ့ Viber Plus ကနေ အလွယ်တကူ ရယူ သွားနိုင်ပါပြီ။

နောက်ထပ် ပိုပြီး အဆင်ပြေတာကတော့ Viber Plus ကို စာရင်းပေးသွင်းရယူဖို့ အတွက် နိုင်ငံခြား ဘဏ်ကတ်တွေ တစ်ခုမှ မလိုတော့ပဲ မြန်မာနိုင်ငံက ထိပ်တန်း FinTech နဲ့ Telco Providers တွေ ဖြစ်ကြတဲ့ KBZPay၊ AYA Pay နဲ့ ATOM Store App ပလက်ဖောင်းတွေကနေတဆင့် တစ်လကို မြန်မာငွေ ၉,၀၀၀ ကျပ်တည်းနဲ့ အလွယ်တကူ ဝယ်ယူနိုင်ပါပြီ။

Viber Plus ကနေ ဒီလို အဆင့်မြင့်လုပ်ဆောင်ချက်တွေကို ရရှိသွားနိုင်မှာပါ။
· No ads - ကြော်ငြာကင်းရှင်းစွာဖြင့် အသုံးပြုနိုင်ခြင်း
· Delete messages without a trace – မက်ဆေ့ချ်များကို မှတ်တမ်းမကျန်အောင် ဖျက်နိုင်ခြင်း
· Edit messages without a trace – မက်ဆေ့ချ်များကို မှတ်တမ်းမကျန်စေပဲ ပြင်ဆင်နိုင်ခြင်း
· Invisible mode - မိမိဖက်က စာဖတ်ပြီးတာ၊ အွန်လိုင်းပေါ်ရှိနေတာကို တစ်ဖက်လူမမြင်အောင် ပြုလုပ်နိုင်ခြင်း
· Read voice messages as text - ပေးပို့လာတဲ့ အသံဖိုင်တွေကို စာတိုအဖြစ် ပြောင်းလဲ ဖတ်ရှုနိုင်ခြင်း
· Leave group silently – Group Chat ထဲ မှ တိတ်တဆိတ် ထွက်ခွာနိုင်ခြင်း
· Custom app icons – Viber app icon ဒီဇိုင်းကို မိမိစိတ်ကြိုက် ပြောင်းလဲအသုံးပြုနိုင်ခြင်း
· Unlimited stickers - အခပေး Viber Sticker Packs တွေကို အခမဲ့ Download ရယူအသုံးပြုသွား နိုင်ခြင်း
· Live support – help when you need it, with one tap
· Live Support - ဘယ်အချိန်မဆို ခလုတ်တစ်ချက်နှိပ်ရုံနဲ့ ဝန်ဆောင်မှုနဲ့ပတ်သက်တဲ့ အကူအညီတွေ ရရှိ သွားနိုင်မယ့် Live Support Chat
· Verification badge – show you’re official with a premium touch
· Verification badge – Viber Plus ပရီမီယံဝန်ဆောင်မှုကို စာရင်းပေးသွင်းရယူထားတယ်ဆိုတာ အခြားသူတွေက မြင်တွေ့နိုင်မယ့် Verification Badge
သင့်အနေနဲ့ ကိုယ်ရေးကိုယ်တာအချက်အလက်တွေကို ပိုဂရုစိုက်တာပဲဖြစ်ဖြစ်၊ စတိုင်ကျကျ အသုံးပြုချင်တာပဲဖြစ်ဖြစ်၊ ဒါမှမဟုတ် ရိုးရိုးရှင်းရှင်း ကြော်ငြာတွေ မပေါ်စေချင်တာပဲ ဖြစ်ဖြစ်၊ ဘယ်လိုမျိုး အသုံးပြုသူတိုင်းအတွက်မဆို Viber Plus ဟာ သင့်ရဲ့ နေ့စဉ်စာတိုပေးပို့မှု အတွေ့အကြုံတွေကို တစ်ဆစ်ချိုး ပြောင်းလဲပေးသွားမှာပါ။

“ကျွန်တော်တို့ Rakuten Viber အနေနဲ့ ဒစ်ဂျစ်တယ်နည်းပညာပိုင်းဆိုင်ရာ အဆင့်မြင့် လုပ်ဆောင်ချက်တွေအပြင် ကိုယ်ရေးကိုယ်တာ အချက်အလက်ပိုင်းဆိုင်ရာကိုလည်း ပိုမိုဦးစားပေး အလေးထားတဲ့ အသုံးပြုသူတွေအတွက် ရည်ရွယ်ပြီး Viber Plus ကို ဖန်တီးခဲ့ခြင်း ဖြစ်ပါတယ်။ ဒီလို Viber Plus ရဲ့ ပရီမီယံအဆင့် အသုံးပြုမှု အတွေ့အကြုံ တွေကို ဘယ်သူမဆို၊ ဘယ်နေရာမှာပဲ ရှိရှိ၊ အလွယ်တကူ စာရင်းပေးသွင်းပြီး ရယူအသုံးပြုနိုင်ဖို့အတွက် အခုလို မြန်မာနိုင်ငံက ထိပ်တန်း fintech နဲ့ telco လုပ်ငန်းတွေနဲ့ လက်တွဲလုပ်ဆောင်ခဲ့ခြင်း ဖြစ်ပါတယ်” ဆိုပြီး Rakuten Viber ရဲ့ Senior Director for Asia Pacific ဖြစ်သူ David Tse က မှတ်ချက်ပြု ပြောကြားခဲ့ပါတယ်။

Viber Plus ကို ဘယ်သူတွေက အဓိကအသုံးပြုနေကြသလဲ?
--------------
Viber Plus ကို မြန်မာနိုင်ငံမှာ စတင်မိတ်ဆက်ခဲ့တဲ့ ၂၀၂၃ ခုနှစ်ကစပြီး အခုအချိန်အထိ (Fintech & Telco App တွေကို အများဆုံး အသုံးပြုလေ့ရှိတဲ့) လူငယ်နဲ့ လူလတ်ပိုင်းတွေ ကြားမှာ အဓိက ရေပန်းစား အသုံးပြုမှုများပြားတာကို တွေ့ရှိရပြီး Features (လုပ်ဆောင်ချက်) ပိုင်းနဲ့ပတ်သက်ရင်တော့ မြန်မာနိုင်ငံက အသုံးပြုသူတွေ အနေနဲ့ ‘Delete messages without a trace’, Custom app icons နဲ့ Invisible Mode တွေကို အများဆုံး အသုံးပြုတာ တွေ့ရှိရတယ် လို့ Rakuten Viber က ထုတ်ပြန်ထားပါတယ်။ ဒီအချက်အလက်တွေကို ကြည့်ခြင်းအားဖြင့် အသုံးပြုသူတွေအနေနဲ့ မိမိရဲ့ ကိုယ်ရေးကိုယ်တာအချက်အလက်တွေ လုံခြုံမှုရှိစေဖို့နဲ့ မိမိစိတ်တိုင်းကျ ပြောင်းလဲနိုင်စွမ်းရှိတဲ့ လုပ်ဆောင်ချက် တွေကို ပိုမိုလိုလားတာကို တွေ့ရှိရပြီး ဒီလိုအပ်ချက်တွေ အားလုံးအတွက် ကိုက်ညီမှုအရှိဆုံး လုပ်ဆောင်ချက်တွေ ကိုလည်း Viber Plus ကနေ ပေးအပ်ပေးနေတာကို တွေ့ရှိရပါတယ်။

Viber Plus ကို အခုအချိန်မှာ နိုင်ငံတကာဘဏ်ကတ်တွေ တစ်ခုမှ ရှိစရာမလိုပဲနဲ့ မြန်မာနိုင်ငံက ထိပ်တန်း FinTech နဲ့ Telco ပလက်ဖောင်းတွေ ဖြစ်တဲ့ KBZPay, AYA Pay နဲ့ ATOM Store App တွေကနေတဆင့် တစ်လကို မြန်မာငွေကျပ် ၉,၀၀၀ ကျပ်တည်းနဲ့ အလွယ်တကူ ဝယ်ယူသွားနိုင်ပြီ ဖြစ်ပါတယ်။

ဝယ်ယူဖို့အတွက် အောက်က ရိုးရှင်းလွယ်ကူတဲ့ အဆင့်အနည်းငယ်ကိုသာ လုပ်ဆောင်ရမှာပါ။
· KBZPay အတွက်ဆိုရင် KBZPay အက်ပလီကေးရှင်းထဲကိုဝင် > Gift Card ကိုသွား > Others ကိုရွေး > Viber Plus ကိုရွေးပြီး ဝယ်ယူရုံပါပဲ။
· AYA Pay အတွက်ဆိုရင် AYA Pay အက်ပလီကေးရှင်းထဲကိုဝင် > Gift Card ကိုသွား > Viber Plus ကိုရွေးပြီး ဝယ်ယူရုံပါပဲ။
· ATOM အတွက်ဆိုရင် ATOM Store အက်ပလီကေးရှင်းထဲကိုဝင် > Other Services ကိုသွား > Viber Plus ကို ရွေး > Buy now ကိုနှိပ်ပြီး ဝယ်ယူရုံပါပဲ။ (ဒီအဆင့်မှာ ဖုန်းနံပါတ်တောင်းရင် သင့်ရဲ့ ATOM နံပါတ်ကိုဖြည့်ပေးပါ - OTP Code ကျလာပြီး ဖြည့်လိုက်ရင် Payment Successful ဖြစ်သွားပါလိမ့်မယ်။)

စာရင်းပေးသွင်း ဝယ်ယူပြီးပြီဆိုရင်တော့ သင့်အနေနဲ့ Link တစ်ခုကို လက်ခံရရှိမှာပါ။ ဒီ Link ကို Viber Application ထဲက My Notes မှာ Copy & Paste လုပ်၊ အဲဒီ Link ကို Click နှိပ်လိုက်ရုံနဲ့ Viber Plus ရဲ့ ပရီမီယံ အဆင့် အသုံးပြုမှု အတွေ့အကြုံတွေကို အလွယ်တကူ ရရှိသွားနိုင်တော့မှာ ဖြစ်ပါတယ်။ နောက်ပြီး အကောင်းမွန်ဆုံး Viber အသုံးပြုမှု အတွေ့အကြုံတွေကို ရရှိခံစားနိုင်ဖို့အတွက်တော့ သင့်ရဲ့ Viber အက်ပလီကေးရှင်းကို နောက်ဆုံး Version ရောက်အောင် Update လုပ်ထားဖို့ အကြံပြုလိုပါတယ်။ ဒါတင်မကသေးပါဘူး သတ်မှတ်ထားတဲ့ ကာလအတွင်း ပထမဆုံးအကြိမ် Viber Plus ကို ဒီ ပလက်ဖောင်း ၃ ခုကနေ စာရင်းပေးသွင်း ဝယ်ယူသူတွေအနေနဲ့ ၁ လစာ ၉,၀၀၀ ကျပ် ပေးသွင်းရုံနဲ့ နောက်ထပ် ၂ လ (စုစုပေါင်း ၃ လ) အထိ Viber Plus ကို အသုံးပြုခွင့် ရရှိသွားမှာ ဖြစ်တယ်လို့ သိရပါတယ်။

အကြမ်းခံပြီး မာကြောတဲ့ ဒီဇိုင်း ခံနိုင်ရည် ကြီးမားတဲ့ ဘက်ထရီ နဲ့အတူ OPPO A5 ကို စတင်မိတ်ဆက်==============ဩဂုတ် ၁၄၊ ၂၀၂၅ ...
14/08/2025

အကြမ်းခံပြီး မာကြောတဲ့ ဒီဇိုင်း ခံနိုင်ရည် ကြီးမားတဲ့ ဘက်ထရီ နဲ့အတူ OPPO A5 ကို စတင်မိတ်ဆက်
==============
ဩဂုတ် ၁၄၊ ၂၀၂၅ ။ ။ ကမ္ဘာ့ထိပ်တန်းစမတ်ဖုန်းအမှတ်တံဆိပ်ဖြစ်တဲ့ OPPO က သုံးစွဲသူတွေ အကြိုက်များကြတဲ့ A Series တွေထဲက နောက်ဆုံးပေါ် ထုတ်ကုန် OPPO A5 ကို ၇၁၉,၉၀၀ ကျပ်ဖြင့် မြန်မာနိုင်ငံဈေးကွက်အတွင်းသို့ စတင်မိတ်ဆက်လိုက်ပြီဖြစ်ပါတယ်။

အကြမ်းတမ်းဆုံး စိန်ခေါ်မှုတွေအတွက် ပုံဖော်ထုတ်လုပ်ထားတဲ့ OPPO A5 ဟာ အချောမွေ့ဆုံး သုံးစွဲမှု အတွေ့အကြုံနဲ့အတူ တည်ဆောက်ဖန်တီးထားသလို IP65 Water and Dust Resistance ၊ Military-Grade Shock Resistance ၊ ကြီးမားတဲ့ 6,000 mAh ဘက်ထရီ အပါအဝင် ၅ နှစ်တာ ခံနိုင်ရည်ပြည့်ဝတဲ့ ဘက်ထရီသက်တမ်းပါရှိလာပြီး ချိုသာသက်သာတဲ့ ဈေးနှုန်းနဲ့အတူ အရည်အသွေးမြင့် ၊ အကြမ်းခံနိုင်မှု အားကောင်းတဲ့ စွမ်းအားမြင့် စမတ်ဖုန်းအဖြစ် ထွက်ရှိလာပြီပဲ ဖြစ်ပါတယ်။

အချိန်များစွာ ကြာမြင့်တဲ့အထိ ခံနိုင်ရည်ရှိတဲ့ OPPO A5 ရဲ့ အကြမ်းခံ မာကြောမှု
--------------
အချိန်မရွေး ခိုင်ခံ့မာကြောစွာ အသုံးပြုနိုင်စေဖို့ အထူးဒီဇိုင်းထုတ်ထားတဲ့ OPPO A5 ဟာဆိုရင် ပြင်ပက ဝင်ရောက်လာနိုင်တဲ့ ရေနဲ့ ဖုန်ဒဏ်တွေကို ခံနိုင်ရည်ရှိအောင် တားဆီးပေးနိုင်တဲ့ IP65 အဆင့်ရှိ Dust and Water Resistance ပါရှိတာကြောင့် ဖုန်းကို ထိခိုက်စေနိုင်တဲ့ ပြင်ပသက်ရောက်မှု ဒဏ်တွေကနေ ကာကွယ်ပေးနိုင်မှာ ဖြစ်ပါတယ်။

OPPO A5 ဟာ သဲ၊ ဖုန်မှုန့် ၊ ညှင်းမွှားစတဲ့ အမှုန်အမွှားတွေ ဖုန်းအတွင်း ဝင်ရောက်မှုကို တားဆီးပေးနိုင်တာကြောင့် ပြင်ပလုပ်ငန်းတွေ၊ ဆောက်လုပ်ရေးနေရာတွေ သို့မဟုတ် ဖုန်ထူထပ်တဲ့ နေရာတွေမှာတောင် အသုံးပြုဖို့အတွက် အထူးသင့်လျော်မှာဖြစ်ပါတယ်။ ဒါတင်သာမက မိုးရွာသွန်းခြင်းနဲ့ အခြား‌သော မတော်တဆ ဖြစ်ရပ်တွေဖြစ်တဲ့ ရေ သို့မဟုတ် ဖျော်ရည်ယမကာတွေ မတော်တဆ ပက်မိခြင်း၊ ထိမိခြင်း ဒဏ်တွေကနေလဲ ကာကွယ်တားဆီးပေးနိုင်မှာ ဖြစ်ပါတယ်။

နေ့စဉ်ဘဝလှုပ်ရှားမှုတွေရဲ့ စိန်ခေါ်မှုတိုင်းကို ကြံ့ကြံ့ခံ ရင်ဆိုင်နိုင်စေရန် ဒီဇိုင်းထုတ်ထားတဲ့ OPPO A5 မှာ အဆင့်မြှင့် ထိန်းချုပ်မှုစနစ်တွေ ပါရှိပြီး ဖုန်းရဲ့ ခံနိုင်ရည်ကို ထပ်မံအားဖြည့်ပေးထားတာကြောင့် Sim Card ထည့်ထားတဲ့ အပေါက်တွေအထိ Silicon Gasket တွေနဲ့ ကာကွယ်ထားပြီး USB-C Type ဆက်သွယ်မှုအပိုင်းကိုလဲ ရေမစိမ့်နိုင်အောင် ဖန်တီးတည်ဆောက်ထားတာဖြစ်တာကြောင့် ရေစိမ့်ဝင်ကာ ဖြစ်လာနိုင်တဲ့ စိုစွတ်မှုတွေကနေ ကင်းဝေးနိုင်မှာဖြစ်ပါတယ်။ ဒါတင်သာမက ဖုန်းအတွင်း ပါဝင်တဲ့ အစိတ်အပိုင်းတွေကို တုန်ခါမှုနဲ့ ထိခိုက်မှုတွေကနေ ကာကွယ်နိုင်စေဖို့ သေသပ်လုံခြုံစွာကပ်ထားတဲ့ ကော်စနစ်ကိုလဲ ထည့်သွင်းအသုံးပြုထားတာကြောင့် OPPO A5 ရဲ့ အတွင်းပိုင်းနဲ့ အပြင်ပိုင်းတွေမှာ ပျက်စီးမှု ဖြစ်နိုင်ခြေကို အနည်းဆုံးဖြစ်စေမဲ့အပြင် ဖုန်းရဲ့ Lifespan ကို ပိုမိုတိုးအောင် ကာကွယ်ပေးနိုင်မှာဖြစ်ပါတယ်။

OPPO A5 ဟာ Military-Grade Shock Resistance နဲ့ SGS Gold Label အဆင့်သတ်မှတ်ချက်နဲ့ အတူ အချို့သော အခြေအနေတွေမှာတောင် အထူးခိုင်မာတဲ့ စံသတ်မှတ်ချက်တစ်ခုကို ပိုင်ဆိုင်ထားသလို ၎င်းရဲ့ Flagship-level အဆင့်ရှိတဲ့ Double-Tempered Glass မျက်နှာပြင်ဟာ ပုံမှန် မျက်နှာပြင်ထက် ၁၆၀ ရာခိုင်နှုန်းအထိ ပိုတဲ့ ထိခိုက်မှုကို ခံနိုင်လောက်အောင် မာကြောတာဖြစ်ပါတယ်။ ဒါတင်သာမက OPPO ရဲ့ သန်မာကြံ့ခိုင်တဲ့ Metallic သတ္တုစပ် တည်ဆောက်ပုံကလဲ နေ့စဉ်သုံးစွဲမှုတွေမှာ ဖြစ်လေ့ဖြစ်ထရှိတဲ့ မတော်တဆမှုတွေကနေ အရေးကြီး အစိတ်အပိုင်းတွေကို ထိခိုက်မှုကနေ ကာကွယ်ပေးနိုင်မှာဖြစ်ပါတယ်။

ကြီးမားတဲ့ ဘက်ထရီခံနိုင်ရည်နဲ့ ထိရောက်မြန်ဆန်သွက်လက်တဲ့ Fast Charging
--------------
ခေတ်သစ် နေ့စဉ်လူနေမှု ဘဝရဲ့ မရပ်မနား လိုအပ်ချက်တွေကို အကောင်းဆုံးဖြည့်ဆည်းပေးနိုင်ဖို့ ရည်ရွယ် ထုတ်လုပ်ထားတဲ့ OPPO A5 ရဲ့ ကြီးမားတဲ့ 6,000 mAh Battery နဲ့ဆိုရင် OPPO A5 ဟာ ၎င်းနဲ့ဈေးတန်းတူ စမတ်ဖုန်းတွေအကြား သတ်မှတ်စံနှုန်းထက် မြင့်တဲ့ စံသတ်မှတ်ချက်အသစ်တစ်ခုကို သတ်မှတ်ပေးနိုင်ခဲ့ပြီဖြစ်ပါတယ်။ ဒီလိုကောင်းမွန်ကြံ့ခိုင်တဲ့ ဘက်ထရီစွမ်းရည် ရရှိဖို့အတွက် OPPO က ထုတ်လုပ်ထားတဲ့ Centralised-tab Battery အထူးဒီဇိုင်းနဲ့အတူ OPPO A5 ကို ဖန်တီးလာတာဖြစ်ပါတယ်။ ဒီလိုဖန်တီးမှုက အားသွင်းမှုနှုန်းကို မြှင့်တင်ပေးနိုင်သလို အပူထွက်နှုန်းတွေကိုလဲ လျှော့ချပေးကာ ဘက်ထရီလုပ်ဆောင်ချက်နဲ့အတူ အားသွင်းမှုလုပ်ဆောင်ချက်ကိုလဲ ပိုမိုတည်ငြိမ်စေပြီး လုံခြုံစိတ်ချစေတဲ့အပြင် ဒီအဆင့်မြင့်ဘက်ထရီဒီဇိုင်းက တကယ်လိုအပ်တဲ့ Internal Space ကိုသာ ထိထိရောက်ရောက် အသုံးချနိုင်အောင် လုပ်ပေးနိုင်တာကြောင့် စွမ်းအင်အသုံးချမှုပိုင်းမှာဆိုရင်လဲ ပိုမိုထိရောက်ကာ ဘက်ထရီသက်တမ်းကို ပိုမိုကြာရှည်စေမှာဖြစ်တာကြောင့် သုံးစွဲသူတွေအတွက် နှစ်ခြိုက်စရာ အချက်ဖြစ်လာမှာပါ။

ဒီလို ထိရောက်ပြီး ကြာရှည်ခံနိုင်တဲ့ ဘက်ထရီသက်တမ်းနဲ့ ပတ်သက်ပြီး OPPO A5 ဟာ ၎င်းနဲ့ ဈေးနှုန်းတူ စမတ်ဖုန်းတွေမှာ တွေ့ရလေ့မရှိတဲ့ ၅ နှစ်ကြာ ခံနိုင်ရည်ရှိမဲ့ ဘက်ထရီ သက်တမ်းနဲ့အတူ ထွက်ရှိလာမှာဖြစ်ပါတယ်။ OPPO က ပိုပြီးအဆင့်မြှင့်တင်လိုက်တဲ့ Hardware စနစ်နဲ့ ပိုပြီး ကောင်းမွန်လာတဲ့ Software အဆင့်မြှင့်တင်မှုတွေကြောင့် ဘက်ထရီက အကြိမ်ရေ ၁၇၀၀ အားသွင်းပြီးရင်တောင် နဂိုမူရင်း ဘက်ထရီရဲ့ ၈၀ ရာခိုင်နှုန်းအောက်ကို ထိုးကျရောက်ရှိသွားမှာမဟုတ်ပါဘူး။ တစ်နည်းအားဖြင့် ပြောရရင့် ၅ နှစ်တာ သက်တမ်းရှိတဲ့ ဘက်ထရီ လုပ်ဆောင်နိုင်စွမ်းနဲ့အတူ သုံးစွဲသူတွေအနေနဲ့လဲ ၎င်းတို့ရဲ့ စမတ်ဖုန်းကို နှစ်ဘယ်လောက်ကြာကြာ ဘက်ထရီ အစားထိုးလဲလှယ်ခြင်း မရှိဘဲ အသုံးပြုနိုင်မှာဖြစ်ပါတယ်။

ဒါတင်သာမက OPPO A5 အနေနဲ့ သုံးစွဲသူတွေအတွက် အားသွင်းမှုအတွေ့အကြုံကို အပြောင်းအလဲဖြစ်စေနိုင်တဲ့ OPPO ရဲ့ အဆင့်မြင့် SUPERVOOC Flash Charge နည်းပညာဖြစ်တဲ့ 45W SUPERVOOC Flash Charge ပါရှိလာမှာ ဖြစ်ပါတယ်။

နေ့စဉ်ဘဝကို AI လုပ်ဆောင်ချက်တွေနဲ့ ပိုမိုလွယ်ကူအောင် ဖန်တီးပေးနိုင်မဲ့ OPPO A5
--------------
ColorOS 15 နဲ့ အတူ ထွက်ရှိလာတဲ့ OPPO A5 ဟာ နေ့စဉ်ဘဝမှာ သုံးစွဲသူတွေကို ပိုပြီး အဆင်‌ပြေချောမွေ့လွယ်ကူစေမဲ့ အဆင့်မြှင့်တင်ထားတဲ့ AI လုပ်ဆောင်ချက်တွေကိုပါ တစ်ပါတည်း ထည့်သွင်းပေးလာခဲ့ပြီပဲဖြစ်ပါတယ်။ ဒီထဲမှာဆိုရင် နေ့စဉ်လုပ်ဆောင်ချက်တွေကို ပိုပြီးတွင်တွင်ကျယ်ကျယ်အလုပ်ဖြစ်စေနိုင်မဲ့ Google Gemini AI Assistant အထိ ပါရှိလာမှာဖြစ်ပါတယ်။

ဒါတင်သာမက တီထွင်ဖန်တီးမှုအပိုင်းမှာဆိုရင်လဲ သုံးစွဲသူတွေအတွက် ပိုပြီးကောင်းမွန်တဲ့ ရုပ်ပုံ အတွေ့အကြုံတွေကို ပေးစွမ်းနိုင်ဖို့ အားကောင်းတဲ့ Photography ပိုင်းဆိုင်ရာ AI နည်းပညာကိုလဲ OPPO A5 က ယူဆောင်လာမှာ ဖြစ်ပါတယ်။ ဒါအပြင် OPPO A5 ရဲ့ 50MP Ultra-Clear Main Camera ၊ 2MP Depth Camera နဲ့ 5MP Front Camera တို့ ပေါင်းစပ်မှုကလဲ ပိုပြီး သဘာဝကျကျနဲ့ နှစ်ခြိုက်စရာကောင်းတဲ့ ပုံရိပ်တွေကို ဖမ်းယူမှတ်တမ်းတင်နိုင်မှာ ဖြစ်ပါတယ်။ ပုံရိပ်တွေရဲ့ နောက်ကွယ်မှာဆိုရင်လဲ OPPO ရဲ့ နာမည်ကျော် Trinity Engine က Hardware နဲ့ Software တွေရဲ့ လည်ပတ်မှု စနစ်ကို ညှိနှိုင်းပြုပြင်ပေးထားတာကြောင့် OPPO ရဲ့ 48-Month Fluency Protection Certification အတွက် လိုအပ်မှု မှန်သမျှကို ဖြည့်ဆည်းပေးနိုင်ရုံသာမက OPPO A5 ကို ၄ နှစ်တိတိ အသုံးပြုပြီးချိန်မှာတောင် မြန်မြန်ဆန်ဆန်နဲ့ ယုံကြည်စိတ်ချစွာ အသုံးပြုနိုင်မဲ့ အတွေ့အကြုံကို ပေးအပ်နိုင်မှာ ဖြစ်ပါတယ်။

လှပတောက်ပတဲ့ အသွင်အပြင်နဲ့ မိမိကိုယ်ကို ဖော်ပြနိုင်မဲ့ OPPO A5 ရဲ့ ဒီဇိုင်း
--------------
ပေါ့ပါး ပါးလွှာတဲ့ OPPO A Series တွေရဲ့ ထူးခြားမှု ဂုဏ်ကို ဆက်လက်ထိန်းသိမ်းထားတဲ့အနေနဲ့ OPPO A5 မှာလဲ 7.99 mm အထူ နဲ့အတူ အလေးချိန် 193 g သာ ရှိတဲ့အပြင် အရောင်အားဖြင့် Mist White နဲ့ Aurora Green ဆိုပြီး အရောင် ၂ ရောင် ဖြင့် ထွက်ရှိလာမှာဖြစ်ပါတယ်။ အရောင်တစ်ရောင်ချင်းစီမှာဆိုရင် ပိုပြီး အထက်တန်းကျ စမတ်ကျတဲ့ Matte Gloss Finish နဲ့အတူ CNC Precision Machining နဲ့ UV texture ပါဝင်မှုတို့ကလဲ OPPO A5 ရဲ့ ဒီဇိုင်းကို ပိုမို ကြွရွစေမှာဖြစ်ပါတယ်။ OPPO A5 ရဲ့ အရောင်တိုင်းမှာ အချိန်အခါမရွေး နှစ်တွေ ကြာသွားသည့်တိုင် ထူးခြားတောက်ပ လှပနေစေမဲ့ အသွင်အပြင် နဲ့ တည်ရှိနေမဲ့အပြင် OPPO A5 ကို ရွေးချယ်တဲ့ သုံးစွဲသူတွေအတွက် လုပ်ဆောင်ချက်ပိုင်းမှာရော ဒီဇိုင်းပိုင်းမှာပါ ဘက်စုံ ပြည့်စုံတဲ့ ခံစားချက် ကို ပေးစွမ်းမှာဖြစ်ပါတယ်။


OPPO A5 ကို ဩဂုတ် ၁၅ ရက်နေ့မှစတင်ပြီး မြန်မာနိုင်ငံဈေးကွက်အတွင်းမှာ ၇၁၉,၉၀၀ ကျပ်ဖြင့် စတင်ဝယ်ယူရရှိနိုင်ပြီဖြစ်ပြီး ဩဂုတ် ၃၁ ရက်နေ့အထိ ဝယ်ယူသူတွေအနေနဲ့ လက်ဆောင်တွေအဖြစ် 5-Years Battery Warranty နဲ့အတူ OPPO Bag တို့ကို လက်ဆောင်အဖြစ်ရရှိမှာဖြစ်ပါတယ်။

TikTok က အသုံးပြုသူများအတွက် နှစ်သက်သော အကြောင်းအရာအသစ်များနှင့် ဗီဒီယိုဖန်တီးသူများကို ရှာဖွေရန် နည်းလမ်းအသစ်များကို မိ...
24/06/2025

TikTok က အသုံးပြုသူများအတွက် နှစ်သက်သော အကြောင်းအရာအသစ်များနှင့် ဗီဒီယိုဖန်တီးသူများကို ရှာဖွေရန် နည်းလမ်းအသစ်များကို မိတ်ဆက်
==============
TikTok တွင် For You feed သည် အသုံးပြုသူမှုအတွေ့အကြုံအတွက် အလွန်အရေးပါပြီး အသုံးပြုသူများအတွက် စိတ်၀င်စားမှုအသစ်များကို ရှာဖွေနိုင်ကာ Creator များအတွက် အောင်မြင်သော အသိုင်းအ၀ိုင်းတစ်ခုကို တည်ဆောက်နိုင်သည့်နေရာ ဖြစ်သည်။ ထို့ကြောင့် အသုံးပြုသူများအနေဖြင့် မိမိတို့ feed ကို စိတ်တိုင်းကျ ပြင်ဆင်ပြီး Creator အသစ်များကိုပါ ရှာဖွေနိုင်မည့် feature အသစ်များကို TikTok က ထပ်မံကြေညာလိုက်သည်။ ထိုအထဲတွင် အကြောင်းအရာဗီဒီယိုများကို စိတ်တိုင်းကျရွေးချယ်ပြင်ဆင်နိုင်မည့် နည်းလမ်းအသစ်၊ ပိုမိုအားကောင်းသော Keyword Filter များနှင့် For You feed ကို ပိုမိုကောင်းမွန်အောင်ပြင်ဆင်နိုင်မည့် ပညာပေးလမ်းညွှန်ချက် စသည်တို့ ပါ၀င်သည်။

မိမိစိတ်ကြိုက်အကြောင်းအရာများကို ရှာဖွေရန် Tool အသစ်များ
For You feed သည် အသုံးပြုသူများ ၎င်းတို့နှင့် ကိုက်ညီမည့် အကြောင်းအရာဗီဒီယိုများနှင့် Creator များကို ရှာတွေ့နိုင်အောင် ကူညီပေးသည်။ ထိုသို့ရှာဖွေမှု အတွေ့အကြုံကို ပိုမိုစိတ်ကြိုက်ပြင်ဆင်နိုင်ရန် ကူညီပေးမည့် ထိန်းချုပ်မှု Feature အသစ်တစ်ခုဖြစ်သည့် "Manage Topics" ကို တိုးချဲ့လုပ်ဆောင်နေပြီ ဖြစ်သည်။ "Manage Topics" မှ တစ်ဆင့် ဖန်တီးမှုအနုပညာ၊ ခရီးသွားလာရေး၊ သဘာဝနှင့် အားကစားအပါအ၀င် လူကြိုက်များသည့် အကြောင်းအရာ ၁၀ မျိုးကျော်ထဲမှာ မိမိစိတ်ကြိုက်ရွေးချယ်ပြီး feed တွင် အကြံပြုသည့် အကြောင်းအရာဗီဒီယိုများကို စိတ်ကြိုက်ပြင်ဆင်နိုင်သည်။

ဤဆက်တင်များသည် မည်သည့်အကြောင်းအရာကိုမျှ လုံးလုံးလျားလျား ဖယ်ရှားမည်မဟုတ်သော်လည်း အချိန်ကြာလာသည်နှင့်အမျှ အသုံးပြသူ၏ စိတ်ဝင်စားမှုအပေါ် မူတည်ပြီး သက်ဆိုင်ရာအကြောင်းအရာများကို အကြံပြုသည့် အကြိမ်ရေကို လွှမ်းမိုးနိုင်သည်။

Smart Keyword Filtering ကို မိတ်ဆက်ခြင်း
အသုံးပြုသူများ ၎င်းတို့၏ အကြောင်းအရာဗီဒီယို feed များကို စိတ်ကြိုက်ပြင်ဆင်ရာတွင် ကူညီရန်အတွက် ၎င်းတို့ ရှာဖွေလိုသည့် စာလုံးများ ပါရှိသော အကြောင်းအရာကို ကန့်သတ်မည့် Keyword Filter များကို ပံ့ပိုးပေးထားပြီး ကမ္ဘာတစ်ဝန်းရှိ feed များမှ စာလုံးပေါင်း သန်း၂၀၀ ကျော်ကို စစ်ထုတ်ရန် ၎င်းတို့ကို အသုံးပြုလျက်ရှိသည်။

ယခုအခါ TikTok က အလားတူ Keyword စာလုံးများ ပါရှိသော အကြောင်းအရာကို ထပ်လောင်းကန့်သတ်ရန် AI ကို အသုံးပြုသည့် ဆက်တင်အသစ်တစ်ခုဖြစ်သည့် "Smart Keyword Filters" ကို စတင်ဖြန့်ချိလိုက်သည်။ ၎င်းသည် မည်သည့်အပို Keyword စကားလုံးများကို စစ်ထုတ်ထားကြောင်း ပြသပေးမည်ဖြစ်ပြီး နောက်ပိုင်းတွင် အဆိုပါ အပို Keyword စကားလုံးများထဲမှ သင်ထည့်သွင်းလိုသည့် သော့ချက်စာလုံးများကို သတ်သတ်မှတ်မှတ် ရွေးချယ် သို့မဟုတ် ဖြုတ်ပစ်နိုင်မည်ဖြစ်သည်။

လူအများအသုံးပြုလာသည်နှင့်အမျှ Smart Keyword Filtering ကို ပိုမိုတိကျလာမည်ဟု မျှော်လင့်ထားပြီး နောက်ပိုင်းလများတွင် စစ်ထုတ်နိုင်သည့် စာလုံးအရေအတွက်ကို ၂၀၀ အထိ တိုးမြှင့်ပေးသွားမည်ဖြစ်ပြီး feed များကို ပုံသွင်းရာတွင် ပိုမိုလျင်မြန်တိကျစေရန် Keyword စာလုံးများကို အစုလိုက် ထည့်သွင်းနိုင်အောင်လည်း လုပ်ဆောင်လျက်ရှိသည်။

ပညာရေးဖြင့် ခွန်အားဖြစ်စေခြင်း
TikTok သည် လူများအား ၎င်းတို့၏ feeds များကို အလွယ်တကူ တစ်နေရာတည်းတွင် နားလည်ပုံဖော်နိုင်စေရန် အကြံပြုချက်များနှင့် ကိရိယာများဖြင့် ခွန်အားပေးသည့် ပညာရေးဆိုင်ရာလမ်းညွှန်အသစ်တစ်ခုကိုလည်း ထုတ်ပြန်ကြေညာထားသည်။ အကြောင်းအရာကို အဘယ်ကြောင့် အကြံပြုထားသည်ကို ပြသသည့်အင်္ဂါရပ်များနှင့် ကမ္ဘာတစ်ဝန်းတွင် ကြည့်ရှုမှု သန်း ၁၈၀ ကျော် ရရှိထားသည့် ပညာပေးဗီဒီယိုများ ပါဝင်ကြောင်း သိရသည်။

အကြောင်းအရာဗီဒီယိုများကို တာ၀န်ရှိရှိ အကြံပြုခြင်း
အထက်ပါ နောက်ဆုံး Update များအပြင် ဆယ်ကျော်သက်နှင့် အရွယ်ရောက်ပြီးသူ အကောင့်နှစ်ခုစလုံးအတွက် ကောင်းမွန်သော feed အတွေ့အကြုံကို ရရှိစေမည့် Tool နှင့် Safeguard များအပေါ် အခြေခံတည်ဆောက်ထားသည့် Update သတင်းများကိုပါ စတင် ထုတ်ပြန်သွားမည် ဟု ဆိုသည်။ ၎င်းတို့တွင် -
• For You feed တွင် မည်သည့်အကြောင်းအရာဗီဒီယို ပေါ်လာနိုင်သည်ကို ဆုံးဖြတ်ရန် တင်းကျပ်သော စည်းမျဉ်းများကို ချမှတ်သွားမည်ဖြစ်သည်။ လူအများစုအတွက် မသင့်လျော်သော သို့မဟုတ် Mature Theme များ ပါရှိသော အကြောင်းအရာဗီဒီယိုများကို Content Levels ကို အသုံးပြု၍ အထူးသဖြင့် ဆယ်ကျော်သက်များအတွက် ကန့်သတ်ထားသည်။
• For You feed အား Refresh လုပ်ခြင်း၊ ဗီဒီယိုများကို "စိတ်မဝင်စားပါ" ဟု အမှတ်အသားပြုခြင်း သို့မဟုတ် လူတိုင်းအတွက် မသင့်လျော်နိုင်သော အကြောင်းအရာ ဗီဒီယိုများကို ကန့်သတ်ရန် ကန့်သတ်မုဒ်ကို ဖွင့်ခြင်းစသည့် For You feed ကို ထိန်းချုပ်ရန် နောက်ထပ် Tool များကို လွှင့်တင်သွားမည်ဖြစ်သည်။
• ဗီဒီယိုအမျိုးအစားအချို့ကို ပြသသည့် အကြိမ်အရေအတွက်ကို လျှော့ချသွားမည်ဖြစ်ပါသည်။ ၎င်းတို့တွင် ရံဖန်ရံခါကြည့်ရှုရန် အဆင်ပြေသော်လည်း မကြာခဏ ကြည့်ရှုမိပါက အန္တရာယ်ဖြစ်စေနိုင်သည့် ပြင်းထန်သည့်အားကစားလေ့ကျင့်ခန်း ဗီဒီယိုများကဲ့သို့သော အကြောင်းအရာများ ပါဝင်သည်။

အထက်ပါ Update များသည် ကြည့်ရှုသူများကို TikTok ပေါ်တွင် အကြောင်းအရာများနှင့် မိမိတို့နှစ်သက်ရာ Creator များကို ရှာဖွေ လေ့လာစူးစမ်းရာတွင် အထောက်အပံ့ပြု အားဖြည့်ပေးသွားမည်ဖြစ်သည်။

စွမ်းအားမြင့် 6500 mAh BlueVolt Battery နည်းပညာ ပါဝင်သည့် vivo Y29 (6GB+128GB) စမတ်ဖုန်းသစ်ကို ပိုမိုသက်သာသော ဈေးနှုန်း ...
17/06/2025

စွမ်းအားမြင့် 6500 mAh BlueVolt Battery နည်းပညာ ပါဝင်သည့် vivo Y29 (6GB+128GB) စမတ်ဖုန်းသစ်ကို ပိုမိုသက်သာသော ဈေးနှုန်း ၇၂၉,၈၀၀ ကျပ် ဖြင့် ဝယ်ယူနိုင်ပြီ
==============
မြန်မာ၊ရန်ကုန်၊ဇွန်လ(၁၇)ရက်၊ ၂၀၂၅။ ။ vivo ၏ နောက်ဆုံးပေါ် Y စီးရီးတစ်ခုဖြစ်သည့် vivo Y29 သည် စတိုင်ကျလှပသောဒီဇိုင်း၊ အကြမ်းခံနိုင်ရည်နှင့် ကြာရှည်ခံနိုင်သော စွမ်းအားမြင့်ဘက်ထရီတို့ပါဝင်သောကြောင့် ဈေးကွက်ထဲတွင် ရေပန်းစား လူကြိုက်များနေသော ဖုန်းတစ်ခုအဖြစ် ရပ်တည်နေသည်။

သုံးစွဲသူများ အဆင်ပြေစေရန်ရည်ရွယ်၍ vivo Y29 ၏ ပိုမိုသက်သာသော ဈေးနှုန်းဖြင့် Ram6GB+128GB ဗားရှင်းကို ထပ်မံ မိတ်ဆက်လိုက်သည်။ vivo Y29 သည် ၆.၆၈လက်မ မျက်နှာပြင် ရှိပြီး 120Hz refresh rate ပါဝင်သော ကြောင့် နေ့ရက်တိုင်းကို လွယ်လွယ်ကူကူချောချောမွေ့မွေ့ဖြင့်သုံးစွဲနိုင်မည်ဖြစ်သည်။ SCHOTT Cover Glass ကို တပ်ဆင်ထားသောကြောင့် ဖုန်းမျက်နှာပြင်သည် နေ့စဉ်ဘဝတွင်ဖြစ်လေ့ရှိသော မတော်တဆများမှ ထိခိုက်မှုများကို ခံနိုင်ရည်ရှိသည်။ ထို့အပြင် Anti-Drop Armor Design ဖြင့်လုပ်ဆောင်ထားပြီး SGS Five-Star Drop Resistance နှင့် Military-Grade certification ရရှိထားသည်။ IP64 Dust and Water Resistance ပါဝင်သောကြောင့် နေ့စဉ်ကြုံတွေ့နေရတဲ့ မတော်တဆဖြစ်လေ့ဖြစ်ထရှိသည့် ရေစင်ဒဏ်၊ဖုန်ဒဏ်တို့ကို ကာကွယ်ပေးနိုင်သည်။

Y series၏ ပထမဦးဆုံးအနေဖြင့် vivo Y29 တွင် 6500mAh ဘတ်ထရီပါဝင်လာပြီး BlueVolt နည်းပညာကိုပါ ပေါင်းစပ်ထားသောကြောင့် YouTube ကြည့်လျှင် နာရီ ၄၀ ကျော် နှင့် TikTok သုံးလျှင် ၁၉နာရီအထက် သုံးစွဲနိုင်မည်ဖြစ်သည်။ အမြန်အားသွင်းစနစ်အနေဖြင့် 44W FlashCharge စနစ်ပါဝင်ပြီး အား၅၀ရာခိုင်နှုန်းပြည့်ရန် ၄၁မိနစ်သာကြာမြင့် မည် ဖြစ်ပြီး ၁၀၀ ရာခိုင်နှုန်းပြည့်ရန် ၉၂မိနစ်သာ ကြာမြင့်မည် ဖြစ်သည်။ ထို့အပြင် ဘတ်ထရီ သည် ၅နှစ်ကြာသည့်တိုင်အောင် ဘတ်ထရီအရည်အသွေးကို ထိန်းသိမ်းထား နိုင်မည်ဖြစ်ပြီး အကြိမ် ၁၅၀၀ အားသွင်းပြီးလျှင်တောင် ဘတ်ထရီကို ၈၀ရာခိုင်နှုန်းအထိ ရှိနေအောင်လုပ်ဆောင် ပေးနိုင်မည်။

လုပ်ဆောင်ချက်ချောမွေ့စေရန် Snapdragon 685 ကို တပ်ဆင်ထားပြီး အက်ပလီကေးရှင်းများစွာ တစ်ပြိုင်နက်တည်း သုံးစွဲနိုင်သည့်အပြင် စွမ်းဆောင်ရည်ကိုလည်း လ ၅၀ ကြာ ချောမွေ့သော သုံးစွဲမှု အတွေ့အကြုံကို ပေးစွမ်းနိုင်မည်ဖြစ်သည်။ အသံလုပ်ဆောင်ချက်တွင်လည်း Dual Stereo Speaker 400% ပေါင်းစပ်ထားသောကြောင့် သာလွန်သော အသံစွမ်းရည်ကို ဂိမ်းကစားခြင်း၊ လမ်းညွှန်ခြင်း၊ သီချင်းနားထောင် ခြင်းနှင့် ရုပ်ရှင်ကြည့်ခြင်းများမှတဆင့် ခံစားနိုင်မည် ဖြစ်သည်။

နေ့စဉ်ဘဝရဲ့ အမှတ်တရ အခိုက်အတန့်တွေကို သိမ်းဆည်းထားနိုင်ဖို့ Y29 သည် အဆင့်မြင့်ပုံရိပ် နည်းပညာစနစ်ဖြင့် 50MP Ultra HD Main Camera၊ 2MP Bokeh Camera နှင့် 8MP Portrait Camera တို့တပ်ဆင်ထားသည်။ ကျောဖက်ရှိစက်ဝိုင်းသဏ္ဌာန် Dynamic Light သည် ဖုန်းအဝင်ခေါ်ဆိုမှုများ၊ Notifications များကို မတူညီသောအရောင်(၅)ရောင်ဖြင့် ဖော်ပြပေးမည် ဖြစ်သည်။vivo Y29 ကို vivo Y29 ကို‌ အရောင်အနေဖြင့် အဆင့်အတန်းမြင့်၍ ထူးခြားခမ်းနားသော အရောင်ဖြစ်သည့် Espresso Brown ကို လက်ရာမထင် သည့် Glitter Anti-Fingerprint Process ဖြင့်ရရှိနိုင်မည် ဖြစ်ပြီး တိမ်တိုက်များ ကြားထဲတွင် နေရောင်ခြည်ဖြာကျ နေသကဲ့သို့ သဘာဝ၏သန့်စင်သော အလှတရား ကိုဖော်ပြသည့် အရောင် Cloud White ဟူ၍ နှစ်မျိုးရရှိနိုင်မည် ဖြစ်သည်။

vivo Y29 ၏ နောက်ဆုံးထွက် ဗားရှင်းအသစ်ဖြစ်သော သိုလှောင်ပမာဏ (6+128GB) ကို ၇၂၉,၈၀၀ ကျပ်ဖြင့် ဇွန်လ (၁၇)ရက်နေ့မှ စတင် ဝယ်ယူနိုင်ပြီဖြစ်ပြီး ကာစတမ်မာများကို မေတ္တာလက်ဆောင်အနေဖြင့် vivo Fan T Shirt ကို ပစ္စည်းလက်ကျန် ရှိသည်အထိ လက်ဆောင်ပေးအပ်သွားမည့်အပြင် ဇွန်လ (၁၇)ရက်နေ့မှ ဇွန်လ (၃၀)ရက်နေ့အထိ Y29 (6+128GB) ဝယ်ယူကြမည့် ကာစတမ်မာများကိုလည်း ငွေသားလက်ဆောင် ၃၀,၀၀၀ ကျပ်အထိ ပြန်လည် ပေးအပ်ပေးသွားမည်ဖြစ်သည်။

Rakuten Viber ၏ Business Account လုပ်ဆောင်ချက်အား မြန်မာနိုင်ငံ၏ အသေးစားစီးပွားရေးလုပ်ငန်းများ အကြား အသုံးပြုမှု လျင်မြန...
17/06/2025

Rakuten Viber ၏ Business Account လုပ်ဆောင်ချက်အား မြန်မာနိုင်ငံ၏ အသေးစားစီးပွားရေးလုပ်ငန်းများ အကြား အသုံးပြုမှု လျင်မြန်စွာ မြင့်တက်လာ
==============
Rakuten Viber ၏ အရေးအပါဆုံး ဈေးကွက်များအနက် တစ်ခုဖြစ်သည့် မြန်မာနိုင်ငံတွင် (Business Account လုပ်ဆောင်ချက်အသစ်အား မိတ်ဆက်ခဲ့သည့်) ၂၀၂၄ ခုနှစ်၊ နိုဝင်ဘာလမှ စတင်၍ ယခုအချိန်အထိ နိုင်ငံတွင်းရှိ အသေးစား စီးပွားရေးလုပ်ငန်းများ အကြား Business Account အသုံးပြုမှု ၁၂၁% အထိ တဟုန်ထိုး တိုးတက်လာခဲ့ပြီး အပတ်စဉ် နိုင်ငံတဝန်းမှ ပြည်တွင်းစီးပွားရေးလုပ်ငန်းများနှင့် ဝယ်ယူသူများအကြား ဆက်သွယ်စကားပြောဆိုမှုများ လည်း သောင်းချီရှိနေကြောင်း သိရှိရသည်။ ထို့ပြင် Rakuten Viber အား မြန်မာနိုင်ငံတွင် လစဉ်အသုံးပြုသူ (Monthly Active Users – MAU) အရေအတွက်သည်လည်း ယမန်နှစ်ကထက် ၁၈% ပိုမို တိုးတက်လာသည်ကိုလည်း တွေ့ရှိရသည်။

Rakuten Viber မှ ထုတ်ပြန်ချက်အရ မြန်မာနိုင်ငံရှိ Business Account များ၏ ထက်ဝက်ကျော်ခန့်သည် Gen Z နှင့် Millennials (အသက် ၁၈ - ၃၅ နှစ်ကြား) လုပ်ငန်းရှင်များ ဖြစ်ကြပြီး အများစုမှာ Shopping၊ အလှအပ၊ အဝတ်အစား နှင့် အီလက်ထရောနစ်ပိုင်းဆိုင်ရာ လုပ်ငန်း လုပ်ကိုင်သူများ ဖြစ်ကြသည်။

Viber Business Account အားအသုံးပြု၍ ရောင်းအား သိသိသာသာ တိုးတက်လာသည့် ပြည်တွင်းလုပ်ငန်းတစ်ခုမှာ အလှပန်းစည်းများ နှင့် အခြားဈေးနှုန်းသင့်တင့်သည့် လက်ဆောင်ပစ္စည်းများအား ရောင်းချပေးနေသည့် မန္တလေးမြို့အခြေစိုက် HE Floral ဖြစ်သည်။ Viber ၏ Business Account လုပ်ဆောင်ချက်များအား အသုံးပြု၍ HE Floral သည် ၂၀၂၅ ခုနှစ်၊ ဖေဖော်ဝါရီလအတွင်း ရှေ့လကထက် ရောင်းအား ၄၀% ခန့်နှင့် Subscribers အရေအတွက် ၆၆% ခန့်အထိ တိုးတက်လာသည် ဟု ဆိုသည်။

“Viber Business Account စတင်ဖွင့်လှစ်လိုက်တဲ့အချိန်ကစပြီး ကျွန်မတို့ရဲ့ ဝယ်ယူအားပေးသူတွေနဲ့ ပိုမို မြန်ဆန်ချောမွှေ့စွာ ဆက်သွယ်ချိတ်ဆက်နိုင်လာပါတယ်။ Viber Business Account ဟာ အသုံးပြုရ လွယ်ကူတဲ့အပြင် လုပ်ငန်းနဲ့ပတ်သက်တဲ့ အသေးစိတ် အချက်အလက်တွေကို သိရှိနိုင်တာကလည်း ကျွန်မတို့ အတွက် တစ်ကယ့်ကို အသုံးဝင်စေပါတယ်။ အထူးသဖြင့် Viber Business Account ကနေတဆင့် Reach, Subscriber Growth (အသုံးပြုသူ ပမာဏ တိုးတက်လာမှု) နဲ့ Average Response Time (မေးမြန်းမှုများအတွက် ပြန်လည်ဖြေကြားရန် ပျှမ်းမျှကြာချိန်)
စတာတွေကို စောင့်ကြည့်နေနိုင်တဲ့အတွက် ဝယ်ယူအားပေးသူတွေ ပိုမိုစိတ်ကျေနပ်မှုရှိစေဖို့ ဘယ်လိုမျိုး ဆောင်ရွက်နိုင်မလဲဆိုတာကို ကျွန်မတို့အနေနဲ့ အချိန်နဲ့တပြေးညီ သိရှိနိုင်ပါတယ်” ဟု HE Floral ၏ တည်ထောင်သူ မအိသဉ္ဇာကျော် က ပြောကြားခဲ့သည်။

ဖုန်းနှင့်ဆက်စပ်ပစ္စည်း လက်လီလက်ကား ရောင်းဝယ်ရေး လုပ်ငန်းတစ်ခုဖြစ်သည့် ရန်ကုန်မြို့မှ Cover Link သည်လည်း Viber ၏ Business Account လုပ်ဆောင်ချက်များအား ထိရောက်စွာ အသုံးပြု၍ ပိုမိုများပြားသော ဝယ်ယူသူများနှင့် ချိတ်ဆက်နိုင်ခဲ့သည်။ Cover Link အနေနှင့် Business Account မှတဆင့် ၂၀၂၅ ခုနှစ်၊ ဖေဖော်ဝါရီလအတွင်း ရှေ့လကထက် ရောင်းအား ၃၀%၊ Subscribers အရေအတွက် ၅၀% နှင့် Reach ၂၄% အထိ ပိုမို တိုးတက်လာခဲ့ခြင်း ဖြစ်သည်။

“ကျွန်တော် Cover Link အနေနဲ့ Viber Business Account ကိုစတင်အသုံးပြုတဲ့အချိန်ကစပြီး Sales, Subscribers နဲ့ Reach တွေ ပုံမှန်တိုးတက်လာတာကို တွေ့ရှိရပါတယ်။ ဖုန်းနဲ့ဆက်စပ်ပစ္စည်းတွေကို ဝယ်ယူချင်သူတွေ အနေနဲ့ မဝယ်ခင်မှာ ထုတ်ကုန်တွေနဲ့ ဒီဇိုင်းတွေကို ကြည့်ရှုနိုင်ဖို့က အရေးအကြီးဆုံးဖြစ်ပြီး Viber Business Account မှာဆိုရင် ထုတ်ကုန်တွေနဲ့ ရောင်းဈေးတွေကို တစ်ခါတည်း ပြသထားနိုင်တဲ့အတွက် ကျွန်တော်တို့ရဲ့ ဝယ်ယူသူတွေအတွက် တစ်ကယ်ကို အဆင်ပြေစေပါတယ်။ ရှေ့ဆက်ပြီး တော့လည်း Rakuten Viber အနေနဲ့ ဘယ်လိုမျိုး ဆန်းသစ်တဲ့ စီးပွားရေးပိုင်းဆိုင်ရာ လုပ်ဆောင်ချက်တွေကို မိတ်ဆက်ဦးမလဲဆိုတာ စောင့်မျှော်နေပါတယ်” ဟု Cover Link ၏ ပိုင်ရှင်ဖြစ်သူ ကိုဝင်းအောင် က ပြောကြားခဲ့သည်။


အသေးစားစီးပွားရေးလုပ်ငန်းများအား အွန်လိုင်းမှ အသုံးပြုသူများနှင့် ပိုမိုရှင်းလင်းလွယ်ကူစွာ ဆက်သွယ်ချိတ်ဆက်ပေးနိုင်ရန် ဟူသည့် ရည်ရွယ်ချက်ဖြင့် Rakuten Viber သည် ၎င်း၏ Business Account လုပ်ဆောင်ချက်များအား ကမ္ဘာတဝန်းမှ အဓိကဈေးကွက်များတွင် ၂၀၂၄ ခုနှစ်၊ စတုတ္တ ၄ လပတ်အတွင်း စတင်မိတ်ဆက်ခဲ့ခြင်း ဖြစ်သည်။ အဆိုပါ Viber Business Account အား အသုံးပြု၍ စီးပွားရေး လုပ်ငန်းရှင်များအနေနှင့် ၎င်းတို့၏ လုပ်ငန်းပရိုဖိုင်များအား အလွယ်တကူဖန်တီးနိုင်ခြင်း၊ ထုတ်ကုန် (သို့) ဝန်ဆောင်မှု အခု ၅၀ အထိ ပြသထားနိုင်ခြင်း၊ စုံလင်လှသည့် Marketing Tools များအား အသုံးပြုနိုင်ခြင်းနှင့် လုပ်ငန်းပိုင်းဆိုင်ရာ အသေးစိတ်အချက်အလက် များအား သိရှိနိုင်ခြင်း အစရှိသည့် နောက်ဆုံးပေါ် လုပ်ဆောင်ချက်များအား ရယူအသုံးပြုသွားနိုင်မည် ဖြစ်ကာ အွန်လိုင်းပေါ်မှတဆင့် ဝယ်ယူအားပေးသူများနှင့် ပိုမိုအဆင်ပြေလွယ်ကူမှုရှိရှိ ဆက်သွယ်ချိတ်ဆက်သွားနိုင်မည် ဖြစ်သည်။

စီးပွားရေးလုပ်ငန်းများအနေနှင့် Viber ၏ Business Account အား အသုံးပြု၍ လုပ်ငန်းပရိုဖိုင်များ ဖန်တီးနိုင်ခြင်း၊ ရရှိနိုင်မည့် ထုတ်ကုန် (သို့) ဝန်ဆောင်မှုများ၏ နာမည်၊ ဈေးနှုန်း၊ ရုပ်ပုံ၊ အသေးစိတ်ဖော်ပြချက်များအား ပြသထားနိုင်ခြင်း အစရှိသည့် သူမတူသော နည်းလမ်းများဖြင့် ဝယ်ယူအားပေးသူများ၏ စိတ်ဝင်စားမှုများအား ရယူသွားနိုင်မည် ဖြစ်သည်။

ထို့ပြင် လုပ်ငန်းများ၏ အမည်၊ တည်နေရာနှင့် လုပ်ငန်း အမျိုးအစားများအပေါ်မူတည်၍ Viber ၏ Search မှတဆင့် အလွယ်တကူ ရှာဖွေတွေ့ရှိနိုင်မည်ဖြစ်ကာ Marketing Tools များကို အသုံးပြု၍လည်း ရောင်းအားတိုးတက်လာစေရန် လုပ်ဆောင်နိုင်မည် ဖြစ်သည်။ အလားတူပင် ဝယ်ယူအားပေးသူများထံ အလိုအလျောက်ပြန်လည်ဖြေကြားမှုများအား ကြိုတင်သတ်မှတ် စီစဉ်ထားနိုင် မည် ဖြစ်သည့်အပြင် Reach, Subscribers Growth နှင့် Average Response Time စသည့် လုပ်ငန်းပိုင်းဆိုင်ရာ အသေးစိတ် အချက်အလက်များ ကိုလည်း အချိန်နှင့်တပြေးညီ သိရှိသွားနိုင်မည် ဖြစ်သည်။

Viber အသုံးပြုသူများအနေနှင့် Business Account များအား အခမဲ့ ဖွင့်လှစ်အသုံးပြုနိုင်မည် ဖြစ်ပြီး ပိုမိုစိတ်လှုပ်ရှားဖွယ် ကောင်းသည့် လုပ်ဆောင်ချက်အသစ်များကိုလည်း မကြာမီ ဆက်လက်မိတ်ဆက်သွားမည် ဖြစ်ကြောင်း သိရသည်။

Address

Thanthumar Street, Thingangyun Township
Yangon
11071

Telephone

+959254970654

Website

Alerts

Be the first to know and let us send you an email when Myanmar Digital Life posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Myanmar Digital Life:

Shortcuts

Share

Category