The Maverick Nyo

21/05/2026

12/05/2026

လူတွေဟာ..
သီချင်းတွေ၊ ကဗျာတွေထဲမှာ
ကိုယ့်ကိုယ်ကိုယ်ယုတ်မာသူအဖြစ်
ဘယ်တော့မှပုံမဖော်ကြဘူးကွယ်။

10/05/2026

ညစာရူးနေပြီလား
___________________
တချို့တွေဆိုလည်း..
ဘဝမှာ..
သူတို့ပိုင်ဆိုင်ချင်သူဆီက အချစ်ကို မရလို့..
တသက်လုံး မောင်နှမလို အဝေးကြည့်လေးနဲ့
ချစ်သွားရသူတွေလည်း ရှိတယ်။
အဲဒီအထဲ..
ခင်ဗျားတို့လည်း ပါဖူးမယ်
ကျနော်လည်း ပါဖူးမယ်။
လွမ်းရတယ်။ ဆွေးရတယ်။
တမ်းတမျှော်ငေးနေရတယ်။
သူဟာ..
ပဲငံပြာရည်ပုလင်းလေးပေါ့။
ကျနော့်ရဲ့ပဲခြမ်းသုပ်ကလေးကို
ဂုဏ်ထည်စေခဲ့တယ်။
ခံစားချက်နဲ့ငှဲ့တဲ့ဖန်ခွက်ကလေးကို
မော့‌သောက်..
ပဲခြမ်းသုပ်ကလေး တစ်ဇွန်းလောက်
ခပ်စားပြီး
သူ့ရဲ့ပျော်ရွှင်နေတဲ့အပြုံးတွေကို
စိတ်ကူးထဲမြင်ယောင်ပြီးတော့လည်း
ကြည်နူးရသေးတယ်။
ဒီလိုအဖြစ်မျိုးတွေ..
ရုပ်ရှင်ထဲမှာပဲ ရှိတယ်။
ဟုတ်တယ်..
ရုပ်ရှင်ဆိုတာကလည်း
လူမှုဝန်းကျင်ထဲကနေ မြစ်ဖျားခံလာခဲ့တယ်။
ဘဝက တိုတိုလေးဆိုပေမဲ့
မရေရာခြင်းတွေအကြောင်းကတော့
အကြာကြီးကြာတယ်။
ကိုယ်ဟာ..
မင်းအတွက် အိပ်မက်ပြကွက်တစ်ခုပါပဲ။
မင်းရဲ့လက်တွေ့ဘဝထဲမှာ..
ပျောက်ကွယ်ပေးထားပါ့မယ်..လို့
ဒိုင်ယာရီထဲ ချရေးတာ ဘယ်သူလဲ။
ပြီးတော့..
ငါက လိုချင်တာကို
ရအောင်ယူတတ်တယ်..လို့
ကြုံးဝါးခဲ့တာ ဘယ်သူလဲ။
သူ့ဘက်မှာဓါးရှလို့
ကိုယ့်လက်မှာသွေးထွက်လာ
အဲဒီသွေးတွေ ကြမ်းပြင်ပေါ်
တစက်စက်ကျတော့..
သူ့မျက်နှာပုံဖြစ်သွားတယ်။
အဲဒီလိုအခါမျိုးမှာ..
ကိုယ်တစ်ယောက်တည်း ဆောက်တည်ရာမရ။
ပျောက်သွားတဲ့သူ့ပိုက်ဆံအိတ်ကို
ခိုးသွားတဲ့သူဖြစ်ချင်တယ်။
သူ့ရှေ့မှာ ဝပ်တွားခယ ရင်း..
ပိုက်ဆံအိတ်ကလေး ပြန်လာပေးချင်တယ်။
သူနဲ့ပတ်သက်ရင်
သူ့ဆီက ရသမျှအခွင့်အရေးတွေ
လိုချင်တယ်..။
ဒါပေမဲ့ သူပေးမှပဲ ရချင်တယ်။
ပလေတိုးနစ်အချစ်တဲ့
ကိုယ် မနှစ်သက်ဆုံး စကားလုံး။
သိပ်မုန်းတယ်။
မင်း ငါ့ကို ဘာကောင်ထင်နေလို့လဲ
မင်းလို...
မလောက်လေးမလောက်စားကောင်မလေး
ငြိုငြင်မှာကို.
သေမလောက်ကြောက်တတ်တဲ့ကောင်။
မိုးကောင်းတုန်းတော့..ရွာထားဦးပေါ့ကွာ
မင်းနှလုံးသားလေး မိုးခေါင်ချိန်ကျမှ
မင်း အေးငြိမ်းမှုတွေရစေဖို့
သည်းကြီးမည်းကြီးရွာချပစ်မယ်။
ညဥ့် တဖြည်းဖြည်း နက်လာပြီနော်
ဘယ်လိုလဲ ခင်ဗျား စရူးနေပြီလား။
Maverick Nyo
⠀⠀⠀⠀⠀⠀⠀⠀⠀⠀⠀⠀
⠀⠀⠀⠀⠀⠀⠀⠀⠀⠀⠀⠀
⠀⠀⠀⠀⠀⠀⠀⠀⠀⠀⠀⠀

08/05/2026

ချစ်ခွင့်ပန်
________________
တို့နှစ်ယောက်ရဲ့အချစ်ခရီးလမ်းမှာ
အသီးအရွက်ကြော်လေးတွေကအစ
အရသာရှိစေရမယ်။
တခါတလေဆို..
မင်းနဲ့အတူ အငွေ့တရားနာရင်း
တိမ်တိုက်တွေရဲ့..
အတိတ်ဘဝ၊ နောက်ဘဝ အကြောင်းတွေကို
ဆွေးနွေးချင်သေးတယ်။
မင်းက ကော်ဖီအေးဆို
ကိုယ်က ကော်ဖီအပူ
မင်းက ကော်ဖီအပူဆို
ကိုယ်က ကော်ဖီအေး
အေးမြတဲ့ဆောင်းမနက်ခင်းတိုင်း
လက်အိတ်မစွပ်ဘဲ..
နွေးတဲ့ကိုယ့်လက်ဖဝါးကိုသာ
ကိုင်ထွေးထားပါ။
မင်းက တက္ကီလာဆို
ကိုယ်က ဘိဖ်စတိက်
မင်းက ဘီယာဆို..
ကိုယ်က အာလူးချောင်းကြော်
မင်းက ရမ်မ် ဆို ကိုယ်က ဆေးဘဲသုပ်ပေါ့။
မင်းရဲ့နှလုံးသား Kitchen မှာ
ကိုယ်က..
အရမ်းတော်တဲ့ စားဖိုမှုးလေးလုပ်မယ်။
မင်းက Mountain Bike ဆို
ကိုယ်က ခြေနင်းပြားကလေးဖြစ်ပေးမယ်။
ခဏခဏ..
ချိန်းကျနေတတ်တဲ့ စက်ဘီးကလေးကို
အဖက်မှ မလုပ်ဘူးဆိုရင်လည်း
ဒီက ချစ်တယ်နော်။
ကိုယ့်နှလုံးသားနဲ့ မင်းနှလုံးသား
သံသရာထဲကအကွာအဝေးက
ဘယ်လောက်များလဲ။
အခုမင်းကို လှမ်းမြင်နေရတာကလည်း
တသံသရာတည်းမှာပဲတော့ ဟုတ်ပါတယ်နော်။
အမျိုးသမီးတစ်ယောက်ကို
မပစ်မှားဘဲနဲ့တော့ ချစ်လို့မရဘူး။
သားဦးကလေးမွေးတဲ့အထိ
အိပ်မက်ထဲမှာ မင်းလက်မောင်းသားကို
ရှိုက်နမ်းနေမိတယ်။
ခန္ဓာကိုယ်ကို ဘယ်လောက်ပဲဆေးကြောပစ်ပါစေ
ချစ်မိတဲ့စိတ်ကလေးကိုတော့..
လျှော်ဖွပ်လို့ကို မရနိုင်ဘူး။
မင်းက တကယ့်အစွန်းအထင်းကလေးပါပဲ။
သတိရစိတ်နဲ့ မျက်ရည်ကျတိုင်း
အလွမ်းရေအိုင်ထဲမှာ
မင်းကို ကိုယ်စားပြုတဲ့ ငါးကလေးတစ်ကောင်
မွေးဖွားလာတယ်။
နွေရာသီပန်းချီကားထဲ
ငုဝါပင်ရဲအကိုင်းပေါ်မှာ
ငှက်ကလေးက တစ်ကောင်တည်း
မင်းရောက်လာမှာကို သူ..မျှော်နေရှာတယ်။
Maverick Nyo

07/05/2026

"ဒိုင်ယာရီစာအုပ်ထဲက လိပ်ပြာ"
________________________
ဘဝမှာ နေထိုင်ရတာ..
မပျော်တော့တဲ့အရွယ်ကိုလည်း
တကယ်ရောက်လာမယ်။
မင်းအတွက်သာ ဘာမှမဟုတ်တာ
သူ့အတွက်တော့..
"သုက်ထွက်မြန်တာဟာ
ဘဝရဲ့အကြီးမားဆုံးသော
လောကဓံအခက်အခဲလည်း
ဖြစ်နေနိုင်ပါတယ်။
"လူတစ်ယောက်နဲ့တစ်ယောက်
ဘယ်သူကတော့ဖြင့်..
ကျောက်တုံးနဲ့ထိတာမို့ ပြိုလဲရမယ်
ဘယ်သူကတော့ ဖြင့်..
ကြက်ဥခွံကလေးခေါင်းပေါ် ပြုတ်ကျလာလို့
မပြိုလဲရဘူး..ဆိုတာမျိုး
တရားသေသတ်မှတ်ခွင့်မရှိဘူး မဟုတ်လား"
အဲဒီအပေါ်..
မင်းရော မင်းဘာပြောချင်သေးလဲ။
ဘယ်အရက်ဖြစ်ဖြစ်..
သောက်ရင် မူးတာချည်းပါပဲ..
အနှေး နဲ့ အမြန်ပဲကွာတယ်။
မင်းလည်း..
ဘဝကိုမပျော်တော့တဲ့ အရွယ်ကို
အနှေး နဲ့ အမြန်ရောက်လာမယ်။
အဲဒီအရွယ်ကိုရောက်ရင်..
မင်းက ဘယ်အရက်ကိုသောက်ပြီး
တစ်ယောက်တည်းစကားပြောနေလိမ့်မယ်
ထင်လဲ။
ကိုယ့်အမြည်း ကိုယ်ချက်
ကိုယ့်အရက် ကိုယ်ဝယ်
ကိုယ့်ဘာသာကိုယ်သောက်။
ဘဝဟာ..
ပွင့်ပြီးသားပန်းလိုပါပဲ
အတတ်နိုင်ဆုံး တော့..
ဆက်ပြီး ပွင့်ထားရမှာပါပဲ။
အတွေးထဲမှာတင်..
"နှစ်ကြောင်းရေးပြီးရင်
တစ်ကြောင်းပြန်ဖျက်​နေရတဲ့အရွယ်
ရှေ့ကိုသိပ်မရောက်တော့တဲ့ ဘီးတွေလည်း
အသံ တွေ မြည်နေတော့တယ်။
တကယ်တော့ခေါင်းစဥ်ပဲပေးရသေးတဲ့
ရေးလက်စကဗျာနာမည်က..
"ကျွီ" တဲ့။
ဒီလိုအခြေအနေမှာ..
တစ်ယောက်ယောက်ဆီပြေးသွားဖို့
ဘောလ်ပန်န်လေးတချောင်းတလေတောင်
အနားမှာမရှိကြဘူး။
ကိုယ့်ကိုယ်ကိုယ်ပြန်လွမ်းနေမိတဲ့
ညမျိုးဆို..
လရောင်ကလည်း
နောင်တရချင်စရာကောင်းလောက်အောင်
ထိန်ထိန်သာ လို့။
တခါတလေတော့..
မသိစိတ်ထဲ လိပ်ပြာတွေအုပ်စုလိုက်ကြီး
ပျံသန်းနေတာမျိုး ကြုံတတ်တယ်။
ဒါပေမဲ့..
အဲဒီညတွေဆို
မနက်လင်းဖို့ စောင့်ရတာ
သိပ်ကြာတာပဲ။
အဲဒါကြောင့်လည်း..
အဆင်ပြေရင် တစ်စုံတစ်ယောက်ဆီက
"ဘောလ်ပန်န်လေးတစ်ချောင်းတော့..
လက်ဆောင်ရချင်ပါတယ်" ။
Maverick Nyo

06/05/2026

❝ပန်းရောင်မက်ဆေ့ချ်❞
⠀⠀⠀⠀⠀⠀⠀⠀⠀⠀
ဆရာမ..
ကျနော့်ရဲ့ရင်ဘတ်ထဲက
လွမ်း..လွမ်းနေတယ်။
⠀⠀⠀⠀⠀⠀⠀⠀⠀⠀
ပန်းကလေးတွေ ပွင့်နေတာတွေ့ရင်
ဆရာမကို ပန်းပေးချင်တယ်။
အဲဒီပန်းကလေးထဲ..
ကျနော့်အသက်ဓါတ်တချို့ စီးဆင်းလို့ပေါ့။
⠀⠀⠀⠀⠀⠀⠀⠀⠀⠀
ဆရာမရဲ့ကိုယ်သင်းရနံ့နဲ့
တိုင်းပြည်တစ်ခုတည်ဆောက်ချင်တယ်။
ကိုယ်ပိုင်အနုပညာပြတိုက်ထဲ..
ဆရာမရဲ့ လှတဲ့ခန္ဓာကိုယ်အစိတ်အပိုင်းတွေရဲ့
ပုံတူပန်းချီကားတွေချည်း ချိတ်ဆွဲထားမယ်။
ဒါနဲ့..
ဆရာမရဲ့နှုတ်ခမ်းလွှာက
ဘာပန်းနဲ့တူတာပါလိမ့်။
⠀⠀⠀⠀⠀⠀⠀⠀⠀⠀
ဆရာမ..
ကျနော့်ရဲ့ရင်ဘတ်ထဲက
လွမ်း လွမ်းနေတယ်။
⠀⠀⠀⠀⠀⠀⠀⠀⠀⠀
စိုးမိုးပေးပါဆရာမ
အဟာရသိဒ္ဓိကိုပြည့်ဝစေသော
မျက်ဝန်းညို အကြည့်ကလေးလည်း
ချီးမြှင့်ပေးပါဆရာမ။
⠀⠀⠀⠀⠀⠀⠀⠀⠀⠀
ဆရာမက..
အလွမ်းတွေနဲ့ စွန်းတဲ့ ကျုပ်အတွက်
ပန်းတွေနဲ့ သွန်းတဲ့ အရုပ်
စိတ်ထဲမှာ..
ပြောင်းဖူးကလေးကို
အခွံခွာကြည့်နေမိတယ်။
⠀⠀⠀⠀⠀⠀⠀⠀⠀⠀
ဆရာမ ဘာ ကတ်ဆွဲဆွဲ
တစ်ကတ် ကတ်မှာ..
ကျနော့်စွဲလမ်းမှုအငွေ့အသက်ကို
မြင်ရမယ်။
ဆရာမဘယ်သွားသွား
ကောင်းကင် တနေရာမှာ..
ဆရာမအပေါ်ရွာချချင်လို့ လိုက်မည်းနေတဲ့
တိမ်တစ်အုပ်လည်းရှိတယ်။
⠀⠀⠀⠀⠀⠀⠀⠀⠀⠀
ဆရာမ..
ကျနော့် ရင်ဘတ်ထဲက
လွမ်း လွမ်းနေတယ်။
ခေါင်းအုံးကလေးနဲ့ ကျနော့်မျက်နှာ
အထိအတွေ့တွေ ကြမ်းတမ်းနေတယ်။
⠀⠀⠀⠀⠀⠀⠀⠀⠀⠀
မှိုရတဲ့မျက်နှာက
ဘယ်လိုမျိုးလဲ
ကျနော်ကတော့..
အပြိုင်စကြဝဠာထဲမှာလည်း
ဆရာမကို
တိတ်တိတ်လေး ငမ်းနေတယ်။
⠀⠀⠀⠀⠀⠀⠀⠀⠀⠀
အချိန်ရတိုင်း..
သတိရတိုင်း..
မေးစေ့ကို ပွတ်ပြီး
အောက်နှုတ်ခမ်းကို ကိုက်ပြီး
မိုးတွေမှောင်ပြီး
အဖျားတွေတက်ပြီး
ပျားရည်ပုလင်းတွေ မှောက်ပြီး
ပန်းရောင်အလံတော်တလွင့်လွင့်နဲ့
လွမ်းနေတယ်။
⠀⠀⠀⠀⠀⠀⠀⠀⠀⠀
Maverick Nyo

05/05/2026

ပျားရည်မြစ်ထဲကငါးကလေး
________________________
နှစ်ဘက်ခွဲပြီး ကစားကြတဲ့အခါ
ဘယ်အသင်းထဲနေမလဲမေးရင်..
သူငယ်ချင်းပဲဖြစ်ချင်တယ်လို့ ဖြေမယ်။
ရင်ခုန်ချင်တယ်
နောင်တမရချင်ဘူး
အိမ်ပြန်ချိန်တွေမှာ
ရယ်သံတွေ လွင်စေချင်တယ်
ကိုယ်က ဆွဲဆောင်မှုမရှိဘူးမဟုတ်လား
ဂစ်တာတစ်လက်ပဲလေ..
ရင်ထဲမှာ သီချင်းတွေရှိပေမဲ့
အနုပညာဆန်တဲ့
လက်ချောင်းသွယ်သွယ်ကလေးကိုပဲ
မျှော်ရတယ်။
စကားတွေပြောနေရင်
မေးထောက်ပြီး မျက်နှာလေးကို
ငေးရတဲ့အရသာ
ဂျာမန်ဘီယာနဲ့ မလဲချင်ဘူးပေါ့။
နှုတ်ခမ်းပါးကလေးက
လွမ်းသလားမေးရင်
မျက်ဝန်းညိုကလေးက
ပါရာစီတမောပါပဲ။
ထမင်းရည်ပူစည်းကို
နင်းချင်တာ ခဏခဏပဲ။
အရက်ဘယ်လောက်မူးမူး
ကျွဲခိုးပေါ်ဖို့ အခုထိခက်နေတုန်းလေ။
Maverick Nyo

04/05/2026

လှိုင်ယူနီဗာ့စ်
______________
ကိုကာကိုလာဘူးကို
ဘယ်သူမှ မလှုပ်ခါရဲသလို
ငါ့ဆန္ဒတွေဟာ အသွေးအသားထဲကနေ
ရှူးခနဲ ဒိုင်းခနဲ ..
ဂက်စ်တွေလို ပန်းထွက်ဖို့ အသင့်ပဲကွယ်။
နှလုံးသားကို ဖုန်းခေါ်ကြည့်စမ်းပါ
❝ကစ်ကစ်တစ်တစ်လေး..❞ ရဲ့။
❝မင်းကိုငါ ပစ်မှားနေတဲ့
တရှဲရှဲမြည်သံတွေကို ကြားရဲ့လား❞
ဒီနေ့ဆို..
ဖက်ဆွတ်မိုးတွေက တဖျောက်ဖျောက်နဲ့
လွမ်းရတာပေါ့ကွယ် ချွေးစေးတွေပျံလို့..
အရိုးသားဆုံးပါပဲ။
ယောက်ျားတစ်ယောက်ရဲ့သမာဓိကို
ပြိုလဲစေတဲ့ ကိုယ်လုံးကလေးရယ်..
ယောက်ျားတစ်ယောက်ကို
ယောက်ျားတစ်ယောက်လို့ သေချာ​စေတဲ့..
အဆွေးနှော ထားတဲ့ ဝိုင်လိုမူးရီစေသော
မျက်ဝန်းကလေးရယ်..
ငှက်ပျောပင်ကလေးကို ဆွဲလှဲပစ်ချင်တယ်။
အရက်ကို အားမနာတမ်း မူးချင်တယ်။
ငါ့လျှာဟာ ကြောင်ပျောက်နေတယ်
စပ်ပြဲလန်လေးကို တရှူးရှူးနဲ နဲ့ စားချင်မိတယ်။
ဘလိုင်းကြီး၊ ပလိန်းကြီး၊
ဇွတ်ကြီး၊ အတင်းကြီး၊ နွားသိုးကြိုးပြတ်ကြီး
မည်းမည်းမြင်ရာ ဝင်ကြုံးချင်တဲ့ အာသီသကြီး
ထမင်းပေါင်းကို ငတ်သလို
မင်းကိုငါ ငတ်တယ် ကလေးလေး။
အခေါက်ရယ်၊ အဆီရယ်၊ အသားရယ်
ရှယ်ကြိတ်ချင်ပါတယ် သုံးထပ်သားကင်လေး
ရွှဲရွှဲနစ်နစ်၊ ချွဲချွဲပျစ်ပျစ်..
ချစ်တဲ့ ကော်ရည်မွှေးမွှေးလေး။
မျက်နှာလေး နီရဲလာစေမယ့်
❝ရှက်စရာကောင်းတဲ့စကားတွေကို
မင်း နား နား ကပ်ပြးပြောချင်တယ်❞
လေသံတိုးတိုးနဲ့ ​သိစိတ်ကို အမှောင်ချချင်တယ်။
နာရီဆိုတာ..
ချွတ်ထားရင်လည်း ရင်ခုန်သံလို ဆက်မြည်နေမှာပဲ။
❝ရှက်နေတာလေးက လှနေရင်..
ဘယ်လိုအရောင်ဖြစ်မလဲ
ဘယ်လိုရနံ့မျိုးထွက်လာမလဲ
ဘယ်လိုအသံမျိုး မြည်လာမလဲ❞
သိချင်တယ်..။
ဘယ်လောက်တောင်အဖိုးတန်တဲ့
အသီးကလေးလဲကွယ်
စိတ်ကူးထဲမှာတောင် ဝါးရတာ
သိပ်ပြီး စေးလွန်းတယ်။
Maverick Nyo

03/05/2026

ချစ်တယ်ဆိုတာ
______________________
ချစ်တယ်ဆိုတာ
ကမ္ဘာကြီးကို မေ့သွားတာပါပဲ။
ပရိုမိုးရှင်းပွဲဆိုတာ..
ရောက်နေတဲ့အရပ်ဟာ
လှည်းတန်းလမ်းဆုံ ဆိုတာ
သတိမရတော့တာဖြစ်ပြီး..
ကဗျာလိုင်းတွေကို
ရှေ့နောက်အစီအစဥ်မကျ ရေးမိသလို
အိုဗာတွေလုပ်မိပြီးမှ
ချစ်တယ် လို့ ပြောဖို့ မေ့ကျန်ခဲ့ပြန်တယ်။
လွမ်းဖို့မကောင်းဘူးလား။
Maverick Nyo

30/04/2026

ဝန်ခံပါ
Guitar Covered
By

29/04/2026

ဟိုကောင်မလေးက ကျနော့်ကိုမချစ်ဘူး
ကျနော်က တီဗွီတောင်ဝယ်ထားပြီးပြီ။