Women United MM

24/07/2025

📣 ⚽ ယနေ့ညနေပိုင်းတွင် 🇩🇪ဂျာမနီအမျိုးသမီးအသင်းက UEFA Women’s Euro 2025 ဆီမီးဖိုင်နယ်တွင် 🇪🇸စပိန်အသင်းနှင့် ရင်ဆိုင်ရမည် ဖြစ်ပြီး 🏆ချန်ပီယံဆုလမ်းကြောင်းပေါ်ရောက်လာနိုင်ပါတယ်။
ယနေ့ ဂျာမနီတွင် အမျိုးသမီးဘောလုံးအသင်းက ပိုမိုရေပန်းစားလာသော်လည်း အခက်အခဲများစွာ ဖြတ်သန်းခဲ့ရပါတယ်။ ၁၉၇၀ ခုနှစ်အထိ အနောက်ဂျာမနီရှိ အမျိုးသမီးများသည် ကလပ်အသင်းများ သို့မဟုတ် ပြိုင်ပွဲများတွင် ဘောလုံးကစားခြင်းမှ တရားဝင်တားမြစ်ခံခဲ့ရပါတယ်။၁၉၈၉ ခုနှစ်တွင် ဂျာမန်အမျိုးသမီးဘောလုံးအသင်းက ဥရောပချန်ပီယံဆုကို ပထမဆုံးအကြိမ်ရရှိခဲ့ပြီးဆုကြေးငွေမဟုတ်ဘဲ ပန်းကန်ခွက်ယောက်အစုံကိုသာ ရရှိခဲ့တယ်။မျက်မှောက်ကာလအထိ ပရီမီယံဘောလုံးအသင်းအဓိက ပွဲများတွင် ဆုကြေးအဖြစ်အမျိုးသားအသင်းများက အမျိုးသမီးအသင်းများထက် ၁၀ ဆနီးပါး ပိုမိုရရှိဆဲဖြစ်ပါတယ်။
ယနေ့အောင်မြင်မှုက အမျိုးသမီးအခွင့်အရေးနှင့်အားကစားအတွက် အသိအမှတ်ပြုမှုတို့တွင် မည်မျှအထိ ခရီးရောက်လာသည်ကို ပြသနေပါသော်လည်း ကျွန်ုပ်တို့၏လူ့အဖွဲ့အစည်းအတွင်း ဂျာမနီနှင့်တခြားနိုင်ငံများရှိကျားမတန်းတူအခွင့်အရေးရရှိမှုအပြည့်အ၀ရရှိရန် သွားရမည့်လမ်းမှာ ဝေးကွာနေသေးပါတယ်။
🙌🇩🇪 ဒီညနေမှာတော့ အမျိုးသမီးအသင်းကိုအားပေးရင်း ရှေ့ဆက်ကြပါစို့။



📣 ⚽ This evening, 🇩🇪 Germany faces 🇪🇸 Spain in the UEFA Women’s Euro 2025 semi-final — and maybe a path to the championship!

Women’s soccer is increasingly popular in Germany today, but it’s been a long road: Until 1970, women in West Germany were officially barred from playing in clubs or at tournaments at all. In 1989, the German women’s national soccer team won the European Championship for the first time — and received a set of tableware, not prize money. Even today, the premiums male soccer teams receive for succeeding in major tournaments are nearly 10 times higher than for their female counterparts.

Today’s success shows how far we’ve come in women’s rights and recognition in sports — but it is also a reminder that we still have a long way to go to reach full equality of all genders in our societies, in Germany and beyond.

🙌🇩🇪 Let‘s cheer on the team and keep pushing forward!


© Picture Alliance/dpa

31/05/2025

Aston Villa အသင်းနဲ့ စာချုပ်သစ် ၂ နှစ်သက်တမ်းတိုးလိုက်တဲ့ အင်္ဂလန်လက်ရွေးစင်(ဟောင်း) Rachel Daly....

သူမက အင်္ဂလန်အမျိုးသမီးလက်ရွေးစင်အသင်း ၂၀၂၂ ဥရောပဖလားဗိုလ်စွဲခဲ့တဲ့အသင်းမှာ အဓိက ကစားသမားအဖြစ် ပါဝင်ခဲ့ပြီး 2024 ဧပရယ်တုန်းကမှ နိုင်ငံအသင်းကစားသမားဘဝကနေ အနားယူထားခဲ့သူပါ။

Photo credits to AVW

25/05/2025

It's ARSENAL, Champions of Europe.

၁၈ နှစ်အကြာမှ "ဒုတိယအကြိမ်" ပြန်ယူနိုင်ခဲ့တဲ့ ချန်ပီယံဆု ဖြစ်ပါတယ်။

အသက် ၃၆ နှစ်သာရှိသေးတဲ့ နည်းပြသစ်လက်ထက်မှာ ဥရောပချန်ပီယံဆု ရပြီ။
ဖိုင်နယ်ကန်ရတာက ကမ္ဘာ့ချန်ပီယံတွေ စုဝေးနေတဲ့ ဘာစီလိုနာနဲ့။
သူတို့ကို ငယ်နိုင်လို သုတ်သင်နေကျအသင်းပေါ့။
တပွဲလုံးလည်း ဘာကာကပဲ ခြေအသာနဲ့ပါ၊
ဒါပေမယ့် အနိုင်ဂိုးကိုတော့ ၆၇ မိနစ်မှာ လူစားလဲ ဝင်လာတဲ့ ဆွီဒင်လက်ရွေးစင်၊ ဘလက်ခ်စတိန်းနီးယပ်စ်က ဝင်ကစားပြီး ၇ မိနစ်အကြာမှာ သွင်းလို့ ချန်ပီယံဖြစ်ခဲ့ပါတယ်။

Bravo, !!!

07/05/2025

2007 UEFA Women Champion league တုန်းက အာဆင်နယ်အမျိုးသမီးဘောလုံးကစားသမားတွေနဲ့အတူ ကွင်းထဲကို mascot အဖြစ်ရောက်လာခဲ့ဖူးတဲ့ ကလေးလေး... Leah...
အခု သူကိုယ်တိုင် ချန်ပီယံလိဂ်ဖိုင်နယ် ကစားတော့မယ်၊ ဘာစီလိုနာနဲ့ပါ။
မေလ ၂၄ ရက်နေ့ ပေါ်တူဂီနိုင်ငံ လစ္စဘွန်းမြို့။

Dreams can come true ✨ ❤️

09/08/2024

2024 Olympics ရဲ့အမျိုးသမီးဘောလုံးပြိုင်ပွဲတွေ ဖိုင်နယ်ကန်ကြမယ့်ရက်တွေ ရောက်လာပါပြီ။

ကြေးတံဆိပ်ဆုအတွက်
ဒီနေ့ ဩဂုတ် ၉ ရက်ည ၇:၃၀ မှာ
စပိန် နဲ့ ဂျာမနီ

ရွှေနဲ့ ငွေတံဆိပ်ဆုတွေအတွက်
မနက်ဖြန် ဩဂုတ် ၁၀ ရက်ည ၉:၃၀ မှာ
အမေရိကန် နဲ့ ဘရာဇေးလ်တို့ ကန်ကြမှာပါ။

လက်ရှိ အမေရိကန်အသင်းနည်းပြ၊
ယခင်ချယ်ဆီးအမျိုးသမီးအသင်းနည်းပြဟောင်း Emma Hayes အတွက်တော့ ပထမဆုံး နိုင်ငံအသင်းနည်းပြတာဝန်ယူချိန်မှာပဲ အမြင့်ဆုံးအောင်မြင်မှုနဲ့ နာရီပိုင်းအလို ရောက်လာတာလို့ ပြောရမှာပါ။
ဂုဏ်ယူပါတယ် Emma...

ဒါပေမယ့် ...
၂၀၂၃ ကမ္ဘာ့ဖလားအပြီးတုန်းက နိုင်ငံလက်ရွေးစင်အသင်းကနေ အိုလံပစ်ပြီးရင် အနားယူမယ်၊
ကလပ်အသင်း ကစားတာကတော့ အခြေအနေအရပေါ့လို့ ဘရာဇီးလ်ဂန္တဝင်ကစားသမားကြီး Marta ကိုလည်း နိုင်ငံလက်ရွေးစင် စင်မြင့်ကနေ အိုလံပစ်ရွှေတံဆိပ်ဆုနဲ့အတူ အနားယူခွင့် ရစေချင်မိပြန်ပါတယ်။
သူမသည်လည်း အမျိုးသမီးဘောလုံးလောက တိုးတက်ပြောင်းလဲရေးအတွက် စွမ်းစွမ်းတမံ ကြိုးပမ်းခဲ့၊ ကြိုးပမ်းဆဲလူတွေထဲက
တစ်ယောက်ပါ။

01/08/2024

The last 8 of women's football Olympics are here.
- USA vs Japan
- Spain vs Colombia
- France vs Brazil
- Germany vs Canada

Photos credit : 433 women fc

31/07/2024

🇱🇷 USA vs Australia 🇦🇺 | Olympics 2024


အရင်ဆုံးရေးရမှာက USA အသင်းနည်းပြ Emma Hayes အကြောင်းပါ။
"အင်္ဂလိပ်ကစားသမားဟောင်း" ဆိုပေမယ့် ခြေကျင်းဝတ်ဒဏ်ရာကြောင့် ဘောလုံးကစားခြင်းကနေ စောစောစီးစီးအနားယူသွားရပြီး အသက် ၂၄ နှစ်မှာ နည်းပြဘဝစတင်ခဲ့သူ။
အသက် ၂၄ နှစ်ကနေ အခု ၄၇ နှစ်ထိ ၂၃ နှစ်တာကာလအတွင်းမှာ ၅ နှစ်ပဲ ဘောလုံးလောကနဲ့ကင်းကွာခဲ့ပြီး ဘောလုံးအသင်း ၅ သင်း တာဝန်ယူခဲ့တယ်။
အောင်ပွဲရာနှုန်းက ၆၅% ရှိတဲ့ထိ ထက်မြက်တဲ့သူပါ။

Emma အတွက် အောင်မြေကတော့ လန်ဒန်ကလပ် ချယ်ဆီးအသင်းပါပဲ။
ဒါပေမယ့် ပြီးခဲ့တဲ့မေလမှာတော့ Emma တယောက် ၁၂ နှစ်တာလက်တွဲအောင်မြင်ခဲ့တဲ့ ချယ်ဆီးကိုနှုတ်ဆက်ပြီး USA အသင်းနဲ့ လက်တွဲခဲ့ပါတယ်။
၆ ပွဲကစား၊ ၅ ပွဲနိုင် ၁ ပွဲသရေနဲ့ ရှုံးပွဲမရှိသေးပါဘူး။

ဒီနေ့ည မြန်မာအချိန် ၁၁:၃၀ မှာ Emma ရဲ့ USA နဲ့ ဩစတေးလျအသင်းတို့ ကစားကြမယ်။
ဩစတေးလျအသင်းဟာ ဒီပွဲမှာ အနိမ့်ဆုံး
သရေရလဒ်ထွက်မှ နောက်တဆင့် တက်မှာပါ။
USA က အခု အိုလံပစ်ပြိုင်ပွဲမှာ ၂ ပွဲကစား ၂ ပွဲနိုင်ထားပြီး ရဂိုးလည်းများတာမို့ ကွာတားတက်ဖို့သေချာသလောက်ပါ။

ပြင်သစ်ကလပ် Lyon ကစားသမားတွေဖြစ်တဲ့
USA အသင်းခေါင်းဆောင် Lindsey Horan နဲ့ ဩစတေးလျနောက်တန်းကစားသမား Carpenter တို့ကို ပြိုင်ဘက်အဖြစ်
ဒီနေ့ညပွဲမှာ မြင်တွေ့ကြရမှာပါရှင်....။

26/07/2024

"ပါရီအိုလံပစ် | ၂၀၂၄ | အမျိုးသမီးဘောလုံး"

အိုလံပစ် ၂၀၂၄ ပြိုင်ပွဲတွေကို ဇူလိုင် ၂၆ ကနေ ဩဂတ်စ် ၁၁ ရက်နေ့ထိ ကျင်းပမှာပါ။
မနေ့ကတော့ အမျိုးသမီးဘောလုံးပြိုင်ပွဲရဲ့ အုပ်စုပတ်လည်ပွဲတွေ စတင်ခဲ့ပါတယ်။

အသင်း ၁၂ သင်း၊ ၄ သင်း တစ်အုပ်စုမို့ အုပ်စု ၃ ခု(A, B,C) ပဲရှိပါတယ်။
အဲ့ဒီထဲကမှ တစ်အုပ်စုစီကနေ ပထမ, ဒုတိယ နှစ်သင်းစီနဲ့ ၆ သင်း၊ တတိယနေရာ (၃) သင်းထဲနေ ဂိုးကွာခြားချက်၊ သွင်းဂိုးအရေအတွက်နဲ့ သန့်ရှင်းမျှတစွာကစားနိုင်မှုစတာတွေအပေါ် မူတည်ပြီး ၂ သင်းထပ်ရွေးကာ စုစုပေါင်း (၈) သင်း ကွာတားဖိုင်နယ်ရောက်မှာပါ။
ပြောရရင် ၁၂ ထဲက ၈ သင်း နောက်တဆင့်တက်မှာလို့ အလွယ်မှတ်လို့ရပါတယ်။

အုပ်စု (A)
- ပြင်သစ် (၃ မှတ်)
- ကနေဒါ (၃ မှတ်)
- ကိုလံဘီယာ
- နယူးဇီလန်

အုပ်စု (B)
- ဂျာမနီ (၃ မှတ်)
- အမေရိကန် (၃ မှတ်)
- ဩစတေးလျ
- ဇမ်ဘီယာ

အုပ်စု(C)
- စပိန် (၃ မှတ်)
- ဘရာဇီးလ် ( ၃ မှတ်)
- ဂျပန်
- နိုင်ဂျီးရီးယား

အုပ်စုပထမဆုံးပွဲစဥ်မှာတော့ ပွဲတိုင်း အနိုင်-အရှုံးအဖြေထွက်ခဲ့ပါတယ်။
ကိုယ်အားပေးတဲ့ ဩစတေးလျအသင်းကတော့
အိုလံပစ် ရွှေ ၄ ကြိမ်ရ အမေရိကန်, ၁ ကြိမ်ရ ဂျာမနီတို့နဲ့ တစ်အုပ်စုတည်းရောက်နေရတာမို့
အုပ်စုမချောင်ပါဘူး။

Tournament တခုရှိရင် ရေးစရာတွေက များလှပါတယ်။
ဩဇီတွေ အုပ်စုကတက်ရင်တော့ ပိုရေးလို့ကောင်းမှာပေါ့ 😊
အခုလည်း ဂျာမနီကို ၃ ဂိုးပြတ်နဲ့တောင် ရှုံးတဲ့သူတို့အသင်းသားတွေရဲ့ပုံတွေနဲ့ပဲ
အိုလံပစ်ပြိုင်ပွဲထဲ "ဝင်စို့" လုပ်လိုက်ရပါတယ်။

10/12/2023

အမျိုးသမီးပွဲတွေ စိတ်မဝင်စားဘူးလို့ ဘယ်သူပြောလဲ...?
အင်း.. အာရှမှာတော့ စိတ်မဝင်စားဘူး၊
မြန်မာမှာလည်း စိတ်မဝင်စားဘူး။

ဒီနေ့ည ကစားခဲ့တဲ့ အာဆင်နယ်နဲ့ ချယ်ဆီးပွဲမှာတော့ လန်ဒန်မြောက်ပိုင်းက အမ်းမရိတ်ကွင်းမှာ လူ ၆ သောင်းနီးပါး လာအားပေးခဲ့ကြတယ်။
ဇယားထိပ်က ၂ သင်း ပြိုင်တဲ့ပွဲပါ။
လက်ရှိချန်ပီယံချယ်ဆီးကို Gooners တို့က ဂိုးပြတ် (၄-၁) နဲ့အနိုင်ရခဲ့ပါတယ်။
ဒါပေမယ့် ဇယားထိပ်မှာ အမှတ်တူ ဂိုးကွာခြားချက်အသာနဲ့ ချယ်ဆီးက ရပ်တည်နေဆဲ။
ပေးဂိုးမှာ အာဆင်နယ်က နည်းပေးမယ့် ချယ်ဆီးက ဂိုးသွင်းစက်တွေက ဂိုးတွေလှိမ့်သွင်းထားတော့ ကျော်မရသေးဘူး။

Women's Super League မှာက အသင်း ၁၂ ယှဉ်ပြိုင်ကစားကြတာ ဖြစ်ပါတယ်။

Photo credits - Optus Sport

08/12/2023

တချိန်က အင်္ဂလန်နဲ့ အာဆင်နယ်ရဲ့ တိုက်စစ်ဘုရင်မ Kelly Smith နဲ့
လက်ရှိ အင်္ဂလန်နဲ့ အာဆင်နယ်ရဲ့ တိုက်စစ်ကစားသမား Alessia Russo ___
Russo ရဲ့ Idol ဖြစ်ခဲ့ဖူးတဲ့
Kelly Smith ဟာ အခုလက်ရှိ အာဆင်နယ်ရဲ့ လက်ထောက်နည်းပြပါ။

Kelly Smith တို့ကစားချိန်တုန်းက အမျိုးသမီးဘောလုံးပွဲဆိုတာ အများဆုံးမှ ၃-၄ ထောင်ပဲကြည့်ရှုသူရှိခဲ့ရာက
Russo တို့ခေတ်မှာတော့ တကွင်းလုံးလက်မှတ်ကုန်အောင်ရောင်းရတဲ့ပွဲမျိုးတွေတောင် ရှိနေပြီ။
အခြားကမ္ဘာမှာ နယ်ပယ်စုံက မျိုးဆက်တွေ တဆင့်ထက်တဆင့် မြင့်မားလာပုံကို တွေ့ရတာ အားကျစရာပါ။

03/12/2023

Women Nations League ပြိုင်ပွဲ အင်္ဂလန်-နယ်သာလန်ပွဲမှာ ပထမပိုင်းမှာ ၂ ဂိုးနဲ့ ရှုံးနိမ့်နေရာကနေ ဒုတိယပိုင်းကျမှ အင်္ဂလန်က ၃ ဂိုးပြန်သွင်းပြီး အိမ်ကွင်း ဝင်ဘလေမှာ အနိုင်ရခဲ့ပါတယ်။
ပထမပိုင်းမှာ ပေးလိုက်ရတဲ့ဂိုးတွေဟာ သူ့အားနည်းချက်၊ ဒါ့ကြောင့် အသင်းကို ဖိအားတွေပိုစေပြီး ရုန်းကန်ခဲ့ရစေတယ်ဆိုပြီး ပွဲအပြီးမှာ ကြေကွဲနေတဲ့ Mary နဲ့
သူမတို့၏နည်းပြ Sarina Wiegmen___

အင်္ဂလန်ဟာ အုပ်စုနောက်ဆုံးပွဲစဉ်အဖြစ် စကော့တလန်နဲ့ ကစားရမှာဖြစ်ပြီး အနိုင်ရမှ Nations League ရဲ့ Semi-Finals ကို တက်ရောက်နိုင်မှာပါ။

29/11/2023

ပို့စ်မတင်ဖြစ်တာ ၂ လတောင်ပြည့်ခါနီးပေါ့။
အခုတော့ "Meado" လို့ အာဆင်နယ်ပရိတ်သတ်တွေချစ်စနိုးခေါ်ကြတဲ့ အင်္ဂလန်လက်ရွေးစင်
"Beth Mead" အကြောင်းလေး ရေးရင်း "ဝင်စို့" လုပ်ချင်ပါတယ်။

မစ်ဒယ်ဘရော့အကယ်ဒမီထွက်၊ လက်ရှိ အာဆင်နယ်ရဲ့အဓိက ကစားသမား Beth Mead ဟာ ရှေ့တန်းတိုက်စစ်ကစားသမား၊
၂၀၂၂ ယူရိုပြိုင်ပွဲမှာ အင်္ဂလန်အသင်း ချန်ပီယံဆုရအောင် အဓိကစွမ်းဆောင်ပေးနိုင်ခဲ့သူတွေထဲက တယောက်ဖြစ်ပြီး ပြိုင်ပွဲရဲ့ "ရွှေဖိနပ်ဆု" ရခဲ့တဲ့သူပါ။

လူဦးရေ ၂၀၀၀ တောင်မပြည့်တဲ့ North Yorkshire ခရိုင်ထဲက Hinderwell ရွာကလေးမှာ မွေးဖွားကြီးပြင်းခဲ့တဲ့ Mead ဟာ အသက် ၆ နှစ်မှာ ဘောလုံးစတင်ကစားခဲ့ပါတယ်။
အရပ်ထဲက မြက်ပင်ရှည်ရှည်တွေနဲ့ တိရစ္ဆာန်တွေလည်း လွှတ်ကျောင်းထားတဲ့ ကွင်းထဲကို ဘောလုံးကန်ဖို့ သူတို့သားအမိတွေ သွားကြတော့ ကိုယ်ထူကိုယ်ထနည်းပြက
"ယောက်ျားလေးတွေနဲ့ ရောပြီးကစားလို့ ဖြစ်ပါ့မလား၊ သူတို့တွေက ကြမ်းတမ်းတယ်နော်" လို့ ပြောတုန်းက
သူမအမေက "ရပါတယ်၊ သူကစားနိုင်ပါတယ်" လို့ပြောပြီး သမီးကို ထားခဲ့တယ်။
အချိန်ပြည့်လို့ ပြန်လာခေါ်တော့
"ခင်ဗျားသမီးက ယောက်ျားလေးတွေထက်တောင် ခပ်ကြမ်းကြမ်း ကစားနိုင်တယ်" လို့ ပြောခဲ့ရတယ်တဲ့။
အချိန်ကာလအားဖြင့် ၂၀၀၁/၂ ခုနှစ်ဝန်းကျင်ပေါ့။

ထိုကတဆင့် မစ်ဒယ်ဘရော့အကယ်ဒမီ၊ ဆန်ဒါးလန်းအသင်း၊ နောက်ဆုံး Women Super League ရဲ့ ထိပ်တန်း အာဆင်နယ်အသင်းဆီ ရောက်လာခဲ့တဲ့ Mead ဟာ Sports Development ဘာသာရပ်နဲ့ တက္ကသိုလ်ဘွဲ့ရထားသူပါ။

ယူရိုဖလားရပြီးနောက်ပိုင်း ၂၀၂၂/၂၃ နှစ်တွေကတော့ Mead အတွက် အတက်အကျတွေ များလွန်းခဲ့တဲ့ နှစ်တွေပါပဲ။
ယူရိုမှာ အောင်မြင်ပြီး ဘာမှမကြာသေးဘဲ ဒူးဒဏ်ရာရပြီး တနှစ်ခွဲလောက် နားခဲ့ရပါတယ်။
ဒုတိယနဲ့ နှစ်သိမ့်လိုက်ရတဲ့ အင်္ဂလန်ရဲ့ ကမ္ဘာ့ဖလားပွဲနဲ့လည်း လွဲချော်ခဲ့ရပြန်တာပေါ့။
လောကဓံက စုပြုံပြီးမှ လာတတ်တယ်ဆိုတာ Mead အတွက် တကယ်မှန်တာပေါ့။
ဒဏ်ရာကြောင့် အင်မတန်နှစ်သက်တဲ့ဘောလုံးကစားခြင်းကနေ နားနေရစဉ်မှာ မိခင်ဖြစ်သူက သားဥအိမ်ကင်ဆာရောဂါနဲ့ ဆုံးပါးသွားခဲ့ပြန်ပါတယ်။
သမီးဖြစ်သူကို အကယ်ဒမီပို့နိုင်ဖို့
အလုပ်နှစ်ခုလုပ်ပြီး ရုန်းကန်ထောက်ပံ့ခဲ့တဲ့ Mead ရဲ့မိခင်က
Mead ယူရိုမှာ တောက်လျှောက်ခြေစွမ်းပြနေစဉ်အချိန်မှာကတည်းက ဒီရောဂါဆိုးကြီးကို ခံစားနေခဲ့ရပါပြီ။
Mead က အချိန်အကန့်အသတ်နဲ့ရှိနေတဲ့ ငါ့အမေအတွက် အကောင်းဆုံးကို လုပ်ပေးချင်ခဲ့တယ်လို့ ပြောခဲ့ဖူးပါတယ်။

ဒီနှစ်၊ အောက်တိုဘာမှာတော့ Mead ဟာ သူချစ်တဲ့ မြက်ခင်းစိမ်းစိမ်းနဲ့ အသင်းဖော်တွေဆီ ပြန်လာနိုင်ခဲ့ပါတယ်။
Mead ပြန်ကစားနိုင်တာကို အသင်းတာဝန်ရှိသူတွေ၊ အသင်းဖော်တွေသာမက ပြိုင်ဘက်တွေအပါအဝင် Mead နဲ့ ပတ်သက်သမျှလူတိုင်းက ကျေနပ်ဂုဏ်ယူ ဝမ်းသာကြရပါတယ်။
ကလပ်အသင်းမှာ တဆင့်ပြီးတဆင့် ထရိန်နင်ပြန်ဆင်း၊ မိနစ်ပိုင်းကစား၊ ပွဲချိန်တဝက်ကစား၊ ပွဲချိန်ပြည့်ကစားနေရင်း 26th Nov မှာတော့ Mead ဂိုးပေါက်ပြန်ရှာတွေ့ပြီး West Ham ကို 0-3 နဲ့နိုင်တဲ့ပွဲမှာ ၂ ဂိုးသွင်းယူနိုင်ခဲ့ပါတယ်။
အဲ့ဒီပွဲမတိုင်ခင်ကတည်းက အင်္ဂလန်အသင်းကလည်း သူ့ကို ပြန်လည်ရွေးချယ်ခဲ့ပါတယ်။

ပုံမှာ ပထမပုံကလေးက အင်္ဂလန်အသင်းရဲ့ Camp ဆီလာတဲ့ချိန် Mead ရဲ့ Luggage ပါ 😍
ဒုတိယပုံကတော့ ဂိုးပြန်သွင်းနိုင်ချိန်
"ဒီဂိုးက အမေ့အတွက်" လို့ရေးထားတဲ့ Mead ရဲ့ အောင်ပွဲခံပုံနဲ့ Instagram post ပါ...။