https://www.facebook.com/1515025742101981/

Nyein Chan Khit Books, Nyein Chan Khit/484 Books Shop, သင်းဝင်လမ်းနှင့်လောပိတလမ်းထောင့် ၃၄ ရပ်ကွက် မ, Yangon 11421, Yangon (2026)

27/03/2026

ဒီနှစ်နွေရာသီကျောင်းပိတ်ရက်မှာ ဘိုဘိုတို့ဘာလုပ်ကြလဲ
📚📖

နွေရာသီကျောင်းပိတ်ပြီဆိုတော့ ငြိမ်းချမ်းခေတ်နဲ့ ဘိုဘိုတို့သူငယ်ချင်းတွေ အများကောင်းကျိုးဆောင်ရွက်ဖို့ဘာလုပ်ကြမလဲလို့ တိုင်ပင်ကြတယ် 🤗

ဘိုဘိုကပြောတယ်။
"ဆီထည့်ဖို့တန်းစီနေတဲ့ကားတွေဆီသွားပြီး စာအုပ်သွားရောင်းမလား'' 😍

ငြိမ်းချမ်းခေတ်က
"အေး..ကောင်းသားပဲကွ၊ သူတို့လည်းဆီထည့်ဖို့စောင့်နေချိန်ဖုန်းပွတ်နေမယ့်အစား စာအုပ်ဖတ်တာပိုကောင်းတယ်'' 😎

@နိုင်ငံတကာစာပေနှင့် အဟိံသဓမ္မ၏ဩဇာ
@ဇင်လင်း
တန်ဖိုး ၁၅၀၀၀ ကျပ်
#ငြိမ်းချမ်းခေတ်စာအုပ်ဆိုင်

မြောက်ဒဂုံမြို့နယ်၊ ၃၄ ရပ်ကွက်၊ လောပိတလမ်း၊ အမှတ် ၄၈၄၊

ဆိုင်မှာလာဝယ်မယ်ဆို ၂၀ ရာခိုင်နှုန်းလျှော့ပေးပါတယ်ဗျာ 😊

#ကာတွန်းဘိုဘို #မြောက်ဒဂုံ

24/03/2026

စာပေလောကနှင့်ကျားဖြန့်
-----------------------------
ကျွန်တော်မြို့ထဲရောက်တိုင်း မဖြစ်မနေသွားသည့်မှာ စာအုပ်တန်းနှင့် စာအုပ်ဆိုင်များဖြစ်ပါသည်။ မဝယ်သော် လည်း စာအုပ်လေးတွေ ကိုင်ကြည့်၊ မြည်းကြည့်ရသည်ကိုက အရသာတစ်မျိုးဖြစ်သည်။

စာအုပ်ဆိုင်တစ်ဆိုင်ရောက်သည်။ လှပသော အင်္ဂလိပ်စာအုပ်လေးတွေ ပုံပြီးထပ်ထားတာတွေ့သည်။ မျက်နှာဖုံးလေးတွေက နိုင်ငံခြားကာတွန်း ဒီဇိုင်းရုပ်တွေနှင့်။ နာမည်တွေကလည်း အင်္ဂလိပ်လို၊ စာရေးသူ ကလည်း အင်္ဂလိပ်လို၊ စိတ်ဝင်စားသဖြင့် ဖွင့်ကြည့်လိုက်သော အခါတွင် အထဲ၌ မြန်မာစာတွေ ဖြစ်နေသည်။

စာအုပ်ရောင်းသည့် ကောင်မလေးက ကျွန်တော့်လက်ထဲက စာအုပ်ကိုလာလုပြီး

“ဆရာ … အဲဒါ BL စာအုပ်တွေ” ဟုဆိုလိုက်သည်။

“ဘာလဲ BL ဆိုတာ”

“Boy Love လေ ဆရာ … ယောက်ျားအချင်းချင်း ကြိုက်တဲ့ စာအုပ်တွေ”

“ယောက်ျားချင်းကြိုက်တာ ဘာဖြစ်သလဲ”

“ကြိုက်တာထက်လွန်တဲ့ အခန်းတွေ အများကြီးပါတယ်ဆရာ။ မိန်းမချင်း GL တွေလည်း ရှိတယ်။ အဲဒီ တစ်ထပ်လုံးပဲ”

စာအုပ်အမြင့်ကို ပုံပြီးထပ်ထားသည်ပင် ၃ ပေလောက်ရှိမည်။ စာအုပ်နောက်ကျောဖုံးက စာအုပ်ဈေးတွေကို ကြည့်လိုက်တော့ နှစ်သောင်း၊ သုံးသောင်းတွေ။ စာအုပ်တွေက အားလုံးလိုလို ခန့်ချုပ်ကတ္တူအဖုံးတွေနှင့်။

“သမီးတို့လည်း ဒီစာအုပ်မျိုးတွေ မရောင်းချင်ပါဘူးဆရာ … ဒါပေမဲ့ ဒီနေ့ လူငယ်တွေက အဲဒီစာအုပ်တွေပဲ မေးကြတယ်”

ထိုစဉ်မှာပင် ကောင်မလေးတစ်ယောက် ထိုစာအုပ်အပုံထဲမှ စာအုပ်တစ်အုပ်ကို ယူလိုက်သည်။ သူ့နောက်တွင် သူ့မိခင်ဟု ယူဆရသူပါသည်။

“ဒီစာအုပ်ပဲ”

“ဘာစာအုပ်လဲ”

“သရဲအကြောင်း ရေးထားတဲ့စာအုပ်”

မိခင်ကိုယ်တိုင်က ဆိုင်ကို ပိုက်ဆံရှင်းပေးနေသည်။ လူကြီးတွေကိုယ်တိုင် အညာခံနေရပြီ။

စာပေလောကတွင် ခေတ်အဆက်ဆက် အညှီအဟောက်စာပေတွေနှင့် ပတ်သက်ပြီး ပြင်းထန်စွာဝေဖန်ခဲ့ကြ သည်။ ထိုစာပေမျိုးတွေကို မရေးရန်၊ မဖတ်ရန်၊ မထုတ်ရန်၊ မရောင်းရန်တွေလည်း လှုံ့ဆော်ဟောပြောခဲ့ကြ သည်။ သို့သော် ယနေ့ခေတ်တွင် ဘာဖြစ်ကုန်ပြီနည်း။

အဖုံးတွင် အင်္ဂလိပ်လိုစာနှင့် ခေါင်းစဉ်တပ်ပြီး အပြာစာအုပ်တွေကို လွတ်လပ်စွာရောင်းဝယ်နေကြသော ခေတ်ကိုပြန်ရောက်နေပြီ။ ထိုစာအုပ်များတွင် ရေးသူအမည် ရှိချင်မှရှိမည်။ အတွင်း၌လည်း ပုံနှိပ်မှတ်တမ်းမရှိ။

ကျွန်တော်စာအုပ်ဖြန့်ချိသည့် ဆိုင်တစ်ဆိုင်ကိုရောက်စဉ်က သူ့စာအုပ်ဆိုင်ကို စာအုပ်ပုံးတွေ လာချသည်။

“ပုံး နှစ်ဆယ်” ဟု လာချသူက ပြောသည်။

“ပုံး ငါးဆယ်မှာတာ မရဘူးလား”

“မရဘူး နှစ်ဆယ်ပဲရတယ်”

ပုံးတစ်ပုံးတွင် စာအုပ် ၂၀ ပါသည်။ စာအုပ် ၄၀၀ ပဲရသဖြင့် ဆိုင်ရှင်ကမကျေနပ်။ သူမှာတာ စာအုပ် ၁၀၀၀ ဖြစ်သည်။ ကျွန်တော်တို့ စာအုပ်တွေ တစ်ခါလာချလျှင် အုပ် ၅၀ တောင်အနိုင်နိုင်ဖြစ်နေသော ဆိုင်က၊ စာအုပ် ၁၀၀၀ ကိုမှာသည်ဆိုသောကြောင့် ဘာစာအုပ်လဲဟုစပ်စုမိသည်။

“ဆရာရယ် ထုံးစံအတိုင်း ဟိုဟာ သည်ဟာတွေနဲ့ မကင်းတဲ့ စာအုပ်တွေပေါ့”

အဖုံးပေါ်တွင် စာရေးသူအမည်မပါ။ အင်္ဂလိပ်စာအုပ်လိုလို ပုံမှားရိုက်ထားသည်။ ထိုစာပေမျိုး တစ်ဆိုင်က အုပ် ၁၀၀၀ မှာသည်ထား။ ဆိုင် ၁၀ ဆိုင်ဆိုလျှင် အုပ် ၁၀၀၀၀ ဖြန့်ချိရလောက်အောင် ရောင်းအားကောင်းနေကြ သည်။

“ဆရာ သိန်းချီရိုက်ရတယ် … ရောင်းမလောက်ဘူး”

ကျွန်တော်အတော်လေး အံ့အားသင့်သွားသည်။ စာပေလောက အရွေ့သည် ဘယ်ဘက်ကို ဦးတည်နေပြီနည်း။ ယနေ့ လူငယ်တွေကို စာမဖတ်ဘူး၊ စာမဖတ်ဘူး ပြောနေကြသည်။ မိဘတွေကိုယ်တိုင်ကရော အင်္ဂလိပ်စာအုပ် တွေကိုင်ပြီး ငါ့သားလေး၊ ငါ့သမီးလေး ဖတ်နေသည် ထင်ကြပါသလား။ ယနေ့လူငယ်တွေ လက်ထဲတွင် ပျံ့နှံ့နေသော စာပေတွေသည် မည်သည့်စာပေတွေဖြစ်နေသည်ဆိုခြင်းကို နှာစေးနေကြသလား၊ မျက်စိမှိတ် နေကြသလား။ ဖြစ်ချင်ရာဖြစ်ဆိုကာ ဒီအတိုင်းကြည့်နေမှာလား။

မြန်မာစာပေလောကထဲကို BL နှင့် GL စာပေတွေ၊ ဇာတ်လမ်းတွေ အရှိန်အဟုန်နှင့်ဝင်လာခြင်းမှာ သတိထားစရာတစ်ခုဖြစ်လာသည်။ ထိုလှိုင်းလုံးကြီးသည် ကြောက်စရာကောင်းသည်ထက် ကောင်းလာပြီ ဆိုခြင်းကို မျက်စိဖွင့် နားစွင့်သင့်သည်။

ယခင်က စာပေစိစစ်ရေးဆိုသည့် ခေတ်တစ်ခေတ်ရှိခဲ့ဖူးသည်။ ထိုခေတ်ကို စာပေကင်ပေတိုင်ခေတ်ဟူ၍လည်း ခေါ်ခဲ့ကြသည်။ စာအုပ်ခေတ်တစ်ခေတ်တွင် စာအုပ်ပေါ်၌ ငွေမင်တွေသုတ်ခဲ့ကြတာတွေ၊ စုတ်ဖြဲခံခဲ့ရတာတွေ ကြုံတွေ့ခဲ့ရဖူးပြီ။

ယခုခေတ်တွင် စာအုပ်တွေကို ထိန်းချုပ်လည်း Wattpad လိုမျိုး Application တွေနှင့် Social Media တွေကတစ်ဆင့် မည်သူမဆို စာရေးနိုင်ကြသည့် ခေတ်ဖြစ်နေပြီ။ မည်သူမျှ ထိန်းချုပ်ခြင်း မရှိသည့်အတွက် အချစ်ခန်း (NC - No Children/Explicit scenes) တွေကိုလည်း ပေါ်ပေါ်ထင်ထင်ရေးသူတွေက ရေးလာကြ သည်။ ထိုဇာတ်လမ်းတွေကို ဖတ်ချင်သည့် လမ်းပျောက်နေကြသော လူငယ်ထုများစွာ ရှိနေခြင်းကြောင့်လည်း အွန်လိုင်းစာဖတ်ပရိသတ်ရရန် လူငယ်စာရေးသူတွေက အပြိုင်အဆိုင်ရေးလာကြသည်။ ထိုကတစ်ဆင့် BL နှင့် GL စာပေတွေနှင့် လမ်းဖောက်ကာ နောက်ပိုင်းတွင် အပြာစာပေတွေကို ပေါ်ပေါ်ထင်ထင်ရေးလာ၊ ထုတ်လာ ကြပေတော့မည်။

အထူးသဖြင့် ထိုင်းနိုင်ငံမှ Y-Series တွေနှင့် တရုတ်နိုင်ငံမှ Danmei (BL) ဝတ္ထုများသည် အာရှတစ်လွှားတွင်သာ မက မြန်မာနိုင်ငံအတွင်းသို့ပါ ဘာသာပြန်များအနေဖြင့် ထိုးဖောက်ဝင်ရောက်လာပြီဖြစ်သည်။

ယနေ့ခေတ်လူငယ်တွေကြားတွင် Y-Series နှင့် Danmei (BL) ဝတ္ထုများသည် အာရှယဉ်ကျေးမှုထဲသို့ စနစ်တကျနှင့် ထိုးဖောက်ကျူးကျော်လာသော "Soft Power" အနေဖြင့် အတော်လေး ခေတ်စားလာသည်။

ထိုင်းနိုင်ငံတွေ ခေတ်စားနေသော Y-Series ဆိုသည်မှာ Y သည် ဂျပန်စကားလုံး Y**i ကဆင်းသက်လာခြင်း ဖြစ်ပြီး ဂျပန်ကာတွန်းများတွင် အမျိုးသားအချင်းချင်း ချစ်ကြိုက်သည့် ဇာတ်လမ်းများကိုခေါ်ဝေါ်ခြင်းဖြစ်သည်။ ယခုအခါ ထိုင်းနိုင်ငံတွင်လည်း Y-Series ဆိုကာ အမျိုးသားအချင်းချင်း ချစ်ကြိုက်သည့် အချစ်ဇာတ်လမ်း တွေကို ထုတ်ဝေနေကြသည်။

ထိုဝတ္ထုတွေသည် များသောအားဖြင့် လူငယ်တွေနှစ်သက်လောက်အောင် တက္ကသိုလ်ကျောင်းသားဘဝ နောက်ခံတွေကို အသုံးပြုလေ့ရှိသည်။ ဇာတ်ကောင်မင်းသားသည် ရုပ်ရည်ချောမောပြီး ယောက်ျားချင်း ချစ်သည့်အချစ်ကို ချိုမြိန်အားကျအောင် သရုပ်ဖော်ရေးသားကြသည် ဇာတ်လမ်းတွေဖြစ်သည်။

ထိုင်းနိုင်ငံက ထို Y-Series ဇာတ်လမ်းတွေကို တစ်ကမ္ဘာလုံးကို ထပ်မံတင်ပို့ရောင်းချပြီး နိုင်ငံခြားဝင်ငွေ အမြောက်အမြားရှာနေကြသည်။ ထို့ကြောင့် စီးပွားဖြစ် BL စာအုပ်ထုတ်ဝေရေးသည် ထိုင်းနိုင်ငံတွင်ပါ လုပ်ကိုင်သူများလာသည်။

တရုတ်နိုင်ငံက Danmei ဇာတ်လမ်းတွေကလည်း ထိုနည်းအတိုင်းဖြစ်သည်။ Danmei ဆိုသည်မှာ တရုတ်လို “အလှတရားကို အသည်းအသန်ခံစားခြင်း” ဟူ၍ အဓိပ္ပာယ်ရသည်။ တရုတ်နိုင်ငံတွင် အွန်လိုင်းဝတ္ထု (Web Novels) တွေမှာ အခြေခံပေါ်ပေါက်လာသော ဝတ္ထုများဖြစ်သည်။

ထိုင်းနိုင်ငံမှ Y-Series တွေနှင့် တရုတ်နိုင်ငံက Danmei ဇာတ်လမ်းတွေ မတူသည့် အချက်မှာ တရုတ်တွေက နတ်ဘုရားပုံပြင်တွေ၊ သိုင်းလောကနောက်ခံတွေနှင့် ရေးဖွဲ့ကြသည်။ ဇာတ်အိမ်ကြီးပြီး အတွေးအခေါ်ပိုင်း တွေပါထည့်ထားသည်။ တရုတ်နိုင်ငံတွင်လည်း စာပေစိစစ်ရေး ပြင်းထန်သည့်အတွက် ဗီဒီယိုဇာတ်လမ်းများ ရိုက်သည့်အခါတွင် အချစ်ဇာတ်လမ်းဟူ၍ ပေါ်ပေါ်ထင်ထင်မပြောဘဲ ညီအစ်ကိုသံယောဇဉ် (Bromance) အဖြစ် ယဉ်ယဉ်လေး တင်ဆက်ကြသည်။ မူရင်းဝတ္ထုတွေထဲတွင် အချစ်ခန်းတွေမှာ ပက်စက်သည်ဟုဆိုသည်။

ထိုယဉ်ကျေးမှုများသည် မြန်မာနိုင်ငံအတွင်း စိမ့်ဝင်လာရသည့် အကြောင်းမှာ အွန်လိုင်းကအခြေခံသည်။ လူငယ်တိုင်း လက်ထဲတွင် ဖုန်းတစ်လုံး အနည်းဆုံး ရှိနေသောကြောင့် ထိုဇာတ်လမ်းတွေကို ဖတ်ခွင့်၊ ကြည့်ခွင့် တွေရနေကြသည်။

ထိုဇာတ်လမ်းတွေကို စာအုပ်အဖြစ်ထုတ်ဝေရန် ဘာသာပြန်ပေးနေသူတွေကလည်း လူငယ်တွေပဲဖြစ်ကြ သည်။ ခေတ်သစ်နည်းပညာ တိုးတက်လာမှုူတွေကြောင့် ဘာသာသာပြန်ရသည်မှာ ခက်ခဲသည့်အလုပ်တစ်ခု မဟုတ်တော့ပေ။ ထိုလူငယ်တွေက ဘာသာတွေပြန်ပြီး အွန်လိုင်းပေါ် အခန်းဆက်တွေတင်ကာ လူငယ် ပရိသတ်ကို သူတို့ဘက်ပါအောင် စွဲဆောင်ကြသည်။ စာဖတ်ပရိသတ် အခိုင်အမာရလာလျှင် စာအုပ်လိုင်းအထိ ဆွဲခေါ်ကာ စီးပွားရေးနယ်ချဲ့ကြသည်။ တစ်နည်းအားဖြင့် စာပေနယ်ကိုလည်း ကျားဖြန့်တွေ ရောက်လာပြီဟု ဆိုရမည်ဖြစ်သည်။ ဆန်းသစ်ခြင်းကို စမ်းသပ်လိုသော လူငယ်များအနေဖြင့် ဓားစာခံဖြစ်ကုန်ကြရတော့သည်။

လူငယ်တွေနှင့် ထိုလူငယ်တွေ၏ မိဘများအနေဖြင့် "Bread and Circuses" ဆိုသည့် သဘောတရား တစ်ခုကို နားလည်အောင် ပြောပြချင်ပါသည်။

"Bread and Circuses" ဆိုသည်မှာ ရှေးဟောင်းရောမအင်ပါယာခေတ်ကတည်းက အုပ်ချုပ်သူတွေ အသုံးချ လာခဲ့သော လူထုထိန်းချုပ်ရေး နည်းဗျူဟာတစ်ခုဖြစ်ပါသည်။

ရောမအင်ပါယာခေါင်းဆောင်များသည် ပြည်သူတွေ နိုင်ငံရေးကို စိတ်မဝင်စားဘဲ သူတို့ကို ဆန့်ကျင် ပုန်ကန်ခြင်းလည်း မလုပ်အောင်နည်းလမ်းနှစ်ခုကို အသုံးပြုခဲ့ကြသည်။

ယင်းနည်းမှာ

Bread = စားစရာ

Circuses = ဖျော်ဖြေပွဲတွေဖြစ်သည်။

ဝမ်းဗိုက်ပြည့်နေလျှင် လူတွေက အုပ်ချုပ်သူတွေကို ဒေါသမထွက်တော့ဆိုသည့် သဘောတရားအတိုင်း ဆင်းရဲသားတွေကို အခမဲ့ သို့မဟုတ် ဈေးနှုန်းချိုသာစွာဖြင့် ပေါင်မုန့်တွေဝေပေးကြသည်။ Bread ဗျူဟာဟု ခေါ်သည်။

နောက်ဗျူဟာတစ်ခုမှာ Circuses ဟုခေါ်သည့် ဖျော်ဖြေပွဲတွေကို ကျင်းပပေးခြင်းဖြစ်သည်။ Colosseum ကွင်းကြီးထဲတွင် လူသတ်ပွဲတွေ၊ ရထားလုံးပြိုင်ပွဲတွေစသည့် အလွန်အမင်း စိတ်လှုပ်ရှားဖွယ်ကောင်းသော ဖျော်ဖြေပွဲတွေကို အခမဲ့ပြသခြင်းဖြစ်သည်။

ထိုနည်းလမ်းနှစ်ရပ်၏ အဓိပ္ပာယ်သည် အသိဉာဏ်ကို ထိုင်းမှိုင်းစေရန်နှင့် အာရုံလွဲခြင်းရည်ရွယ်ချက်တွေ ကြောင့်ဖြစ်ကြောင်း သိစေချင်သည်။

ခေတ်သစ် Bread နှင့် ခေတ်သစ် Circuses သဘောတွေကို မြင်အောင်ကြည့်ကာ “အိပ်မွေ့ချခံထားရသူများ” မဖြစ်စေရန် မိဘတွေ၊ ဆရာတွေ သတိထားပြီး အသိတရားနှင့် မိမိတို့သားသမီးများအရေး တွေးဆသင့်ပြီ။

စာပေလောကထဲကို ကျားဖြန့်တွေရောက်လာပါပြီ။ ငွေညှစ်သည့် ကျားဖြန့်ထက်ကြောက်စရာကောင်းသည့် “အသိဉာဏ်ညှစ်သောကျားဖြန့်” တွေသည် စာပေဂုဏ်သိက္ခာကိုအသုံးချပြီး လူငယ်တွေကို အမှောင်ထဲ ဆွဲသွင်းနေကြောင်း သတိထားသင့်ပြီ။

တင်ညွန့်

၂၄.၃.၂၀၂၆

20/03/2026

ကဟိုးအနောက်မှာ အေးအေးဆေးဆေးစာဖတ်နေတာ 😍

ဘာစာအုပ်ပဲလိုလို အရှေ့ဒဂုံ၊ မြောက်ဒဂုံ၊ တောင်ဒဂုံ၊ တောင်ဥက္ကလာပမြို့နယ်တို့မှ မှာယူပါက ပို့ခ(အခမဲ့) ဖြင့် (သုတ/ရသ) စာအုပ်များပို့ဆောင်ပေးပါတယ်။
⬜
viber 09261778607 ကနေလိုချင်တဲ့စာအုပ်တွေကို မှာယူနိုင်သလို သားသားမီးမီးတို့အတွက် ကျောင်းဖတ်စာအုပ်တွေလည်းဝယ်ယူရရှိနိုင်ပါပြီ . .
🟥
[အမှတ်(၄၈၄)၊ လောပိတလမ်း၊ သင်းဝင်လမ်းထိပ်၊ ၃၄ ရပ်ကွက်၊ မြောက်ဒဂုံမြို့နယ်]
#စာအုပ်

19/03/2026

ဘာစာအုပ်ပဲလိုလို အရှေ့ဒဂုံ၊ မြောက်ဒဂုံ၊ တောင်ဒဂုံ၊ တောင်ဥက္ကလာပမြို့နယ်တို့မှ မှာယူပါက ပို့ခ(အခမဲ့) ဖြင့် (သုတ/ရသ) စာအုပ်များပို့ဆောင်ပေးပါတယ်။
viber 09261778607 ကနေလိုချင်တဲ့စာအုပ်တွေကို မှာယူနိုင်သလို သားသားမီးမီးတို့အတွက် ကျောင်းဖတ်စာအုပ်တွေလည်းဝယ်ယူရရှိနိုင်ပါပြီ . .
[အမှတ်(၄၈၄)၊ လောပိတလမ်း၊ သင်းဝင်လမ်းထိပ်၊ ၃၄ ရပ်ကွက်၊ မြောက်ဒဂုံမြို့နယ်]
#စာအုပ်

12/03/2026

#သုတဓမ္မဒီပလိုမာပြဋ္ဌာန်းစာအုပ်နဲ့ မှတ်စုစာအုပ်များရပါပြီ..
#ငြိမ်းချမ်းခေတ်စာအုပ်ဆိုင်
#မြောက်ဒဂုံ၊ ၃၄ ရပ်ကွက်၊ လောပိတလမ်း၊ အမှတ်(၄၈၄)
Viber - 09261778607

10/03/2026

အနာဂတ်ဆိုတာ ပစ္စုပ္ပန်မှာဘာလုပ်နေသလဲဆိုတဲ့ အပေါ် မူတည်တယ်။

Mahatma Gandhi
[1869-1948]

#ငြိမ်းချမ်းခေတ်စာအုပ်ဆိုင်

10/03/2026

🟦 မလင်းပြာသို့ (ကဗျာရှည်)

[မောင်သာနိုး (မောင်သိင်္ဂါ)]
မလင်းပြာ
မင်းဘာကြောင့်မိုက်ချင်တာလဲ
မလင်းပြာ
မင်းဘာကြောင့်စိမ်းရတယ်
မလင်းပြာ
ငါ့လက်တံလက်မောင်းတွေဟာ
ဒလက်ကြမ်းချီတက်လာနေတဲ့
သံချပ်ကာ တင့်ကားကြီးကို
ကာဆီးဟန့်တား
ဆွဲကိုင်ရပ်ထားနိုင်အောင်သန်မာရမယ် ။

မလင်းပြာ
ငါ့ရင်ကိုခွဲ
ငါ့အသဲနှလုံးကိုထုတ်
နောက်တလှမ်းဆုတ် ရှေ့တအားပစ်သွင်းလိုက်ရင်
မရင်းတပ်သားတွေ အတုံးအရုံး
ဗုံးကနဲ ဗုံးကနဲ့
လဲသေစေနိုင်ရမယ် ။

မလင်းပြာ
ငါမလွမ်းချင်ဘူး
မလင်းပြာ
ငါမငိုချင်ဘူး
မလင်းပြာ
ငါမပျော့ချင်ဘူးကွယ်
မလင်းပြာ
ငါဗီယက်နမ်ကိုသွားရမယ် ။

အဲဒီမှာ
ရွှံ့ရည်ညစ်ညစ်
သလုံးသားနစ်တဲ့လယ်တရိုးမှာ
ပျိုးနှုတ်နေသူ လုံမရဲ့
ကျောက ရိုင်ဖယ်ကိုယူ
ကျူးလာသူလေယာဉ်မှန်သမျှ
ငါစောင့်ပစ်ပေးရမယ် ။

မလင်းပြာ
ငါ ရိုတီးရှားကိုသွားရမယ် ။
အဲဒီမှာ.....
လူဖြူလက်ဆုတ်စာက
ငါတကော မင်းလုပ်
ပြည်သူကိုချယ်လှယ်သွေးစုတ်ပြီး
ကျွန်လုပ်ညှဉ်းဆဲနေကြရာ
ရရာလက်နက်ကိုကိုင်စွဲ
ပြည်သူတွေ
တော်လှန်စစ်ကိုဆင်နွှဲနေကြရာ
အသားမဲတွေ ဖက်က
ငါဝင်ကူတိုက်ပေးမယ် ။

မလင်းပြာ...
မိုဇမ်ဗစ် အန်ဂိုးလာ
ဇန်ဘာဗွေ ကွန်ဂိုး
အာဖရိက တရိုးမယ်
နိုးကြားလက်နက်စွဲ
တိုက်ပွဲဝင်နေသူလူမဲတွေရဲ့
ခြိမ့်ခြိမ့်သဲစစ်ဗုံးသံ
ဘဝဂ်သို့ညံနေရာ
ငါစစ်ချီတေးတွေ သွားဆိုမယ် ။

မလင်းပြာ
ငါ လက်တင်အမေရိက ကိုသွားရမယ် ။

အဲဒီမှာ..
ဗင်နီဇွဲလား ကင်ယွန်
ရေတခွန် ရှိူအကြား
ပြောက်ကျားစခန်းတခုကနေ
လှုပ်ရှားမှု့ရေးရာများနဲ့ပတ်သက်လို့
ရဲဘော်` ချေ` ဂွေဗားရားရဲ့
ညွန်ကြားချက်တစောင်ကို
တောင်တွေဖြတ်သန်း
မြိုင်တန်းတွေရှိူဝင်
လွင်ပြင်မှာ ဝပ်တွား
ပြေးလွှားပို့ပေးမဲ့
တော်လှန်ရေး ဆက်သားတွေ
လိုနေ သတဲ့ကွယ် ။

မလင်းပြာ
ငါ နယူးရောက် ကိုသွားရမယ် ။
အဲဒီမှာ...
ဗီယက်နမ် စစ်ညစ်ရပ်စဲပစ်
တို့လူငယ်တွေမသေချင်ဘူး
ရင့်ကျူးဟစ်ဆို
အင်ပါယာ
အဆောက်အဦးကြီးပြိုမတတ်
ဖြိုမရ ခွဲမရ
ဆန္ဒပြတတ်ကြီးတွေ
ဒီရေ လှိုင်းအိ
တတိတိ ချီတက်နေရာ
ငါ ပိုစတာတခုဆွဲပြီးလိုက်အုံးမယ် ။

မလင်းပြာ
မင်းဘာကြောင့် မိုက်ချင်တယ်
မလင်းပြာ
မင်းဘာကြောင့်စိမ်းချင်တယ်
မလင်းပြာ
မင်းပြည်သူတွေကို ချစ်တယ်ဆိုရင်
မလင်းပြာ
မင်းပြည်သူတွေကို သနားတယ်ဆိုရင်
ပြည်သူ့တပ်ဖျားက
စစ်သားကြီးတယောက်ရဲ့
တောက်ပတဲ့သံမဏိနှလုံးသားကိုမှ
အားယိမွကျေ
နှင်းဆီပန်းနုနုလေး ကိုမင်းချေချင်ရသလဲ ။

မလင်းပြာ...
ငါမလွမ်းချင်ဘူး
မလင်းပြာ
ငါမငိုချင်ဘူး
မလင်းပြာ
ငါမပျော့ချင်ဘူးကွယ်
မလင်းပြာ
ငါအခုဘဲစစ်ထွက်ရတော့မယ်။

(ဗီယက်နမ်စစ်ပွဲကာလက ဆရာမောင်သာနိုးရေးခဲ့သောစစ်ဆန့်ကျင်ရေး ကဗျာဖြစ်သည်)

02/03/2026

သက်ပြင်းလောင်းသံ

ငါ...... ကြေကွဲနေပြီ
ရင်ဘက်မှာလည်း ဝိဉာဉ်ကျောက်သားတွေအက်ကွဲလို့...
ငါ....ဘယ်လိုလုပ်ရမလဲ

ပိတ်ထားတဲ့ ပန်းပွင့်ကိုကော
ဘယ်လိုအလင်းနဲ့နမ်းမလဲ
အငွေ့ပြယ်ပြီး ပျောက်သွားရင်လည်းပြီးရော...
တကယ်ဆို
ကောင်းကင်တိုက်ပွဲအသစ်တွေနဲ့သာနေ/သေချင်တော့တယ်...

#တာရာမင်းဝေ
ပန်းချီဒီဇိုင်း - စိုးဝင်းငြိမ်း

(တာရာမင်းဝေမကွယ်လွန်မီ နောက်ဆုံးရေးသားခဲ့သောကဗျာများထဲမှတစ်ပုဒ်ဖြစ်ပါတယ်)

#ငြိမ်းချမ်းခေတ်စာအုပ်ဆိုင်

27/02/2026

#ပြန်ရောင်းဖို့နှမြောတဲ့စာအုပ်တွေထဲ ဒီစာအုပ်ပါတယ်...

အမှတ်(၄၈၄)၊ သင်းဝင်လမ်းနှင့်လောပိတလမ်းထောင့် ၃၄ ရပ်ကွက် ဒဂုံမြို့သစ်(မြောက်ပိုင်း)၊ ရန်ကုန်မြို့။viber - 09261778607

24/02/2026

◾️ အမှောင်ထဲက လက်ခံခြင်းနှင့် အဓိပ္ပာယ်သစ်

ဘဝဆိုတာ တစ်ခါတရံမှာ ကျနော်တို့မျှော်လင့်ထားတဲ့ လမ်းမထက်ကနေ ချော်ကျသွားတတ်ပါတယ်။ အဲဒီလိုလဲကျသွားတဲ့အချိန်မှာ လူအများစုဟာ ‘ဘာလို့ ငါဖြစ်ရတာလဲ’ ဆိုတဲ့မေးခွန်းနဲ့တင် အချိန်ကုန်ပြီး အမှောင်ထဲမှာ ပိတ်မိနေတတ်ကြတယ်။ ဒါပေမဲ့ လဲကျခြင်းရဲ့တစ်ဖက်ခြမ်းမှာ အင်မတန်လှပတဲ့ ‘ရှင်သန်ခြင်းအနုပညာ’ တစ်ခုရှိနေတယ်ဆိုတာကို ဆရာဝန်ကြီးနာဂသိန်းလှိုင်ရဲ့ဘဝက သက်သေပြခဲ့ပါတယ်။

"အဆင်ပြေရာကနေ စတာမဟုတ်ဘူး၊ လိုအပ်တဲ့နေရာကနေ စတာ"

ဆရာဝန်ကြီး နာဂသိန်းလှိုင်ဟာ ရန်ကုန်မြို့ကြီးရဲ့သားနားတဲ့ ခွဲစိတ်ခန်းတွေမှာဂုဏ်ဒြပ်ရှိရှိရှင်သန်နိုင် သူပါ။ ဒါပေမဲ့ သူဟာလမ်းပန်းဆက်သွယ်ရေးခက်ခဲပြီး အမှောင်ဖုံးနေတဲ့နာဂတောင်တန်းကိုရွေးချယ်ခဲ့ တယ်။ လောကီစံနှုန်းနဲ့ တိုင်းတာရင်တော့ ဒါဟာ ‘ရပိုင်ခွင့်တွေကနေ လဲကျသွားခြင်း’ လို့ ထင်ရနိုင်ပါ တယ်။ ဒါပေမဲ့ ဆရာကြီးအတွက်တော့ အစစ်အမှန်ဆုံးသော ‘ရှင်သန်ခြင်းအဓိပ္ပာယ်’ ကို ရှာဖွေတွေ့ရှိ ခြင်းပါပဲ။

ဖယောင်းတိုင်မီးရောင်အောက်မှာ၊ သံချေးတက်နေတဲ့ ကတ်ကြေးတွေကို အသုံးပြုပြီး လူနာတွေကို ခွဲစိတ်ကုသပေးခဲ့ရတဲ့ ဆရာကြီးရဲ့ဘဝက ကျနော်တို့ကိုစကားတစ်ခွန်းပြောနေပါတယ်။

"အခြေအနေတွေက မင်းကိုအမှောင်ထဲပစ်ချလိုက်တဲ့အခါ၊ အဲဒီအမှောင်ထဲမှာပဲ မင်းဟာမီးအိမ်တစ်လုံး ဖြစ်အောင် ကြိုးစားလိုက်ပါ"

ကျနော်တို့လည်း ဒီနေ့ခေတ်မှာ အခြေအနေအရပ်ရပ်ကြောင့် လဲကျနေနိုင်ပါတယ်။ စီးပွားရေးတွေ ပျက်စီးတာ၊ အခွင့်အရေးတွေ ဆုံးရှုံးတာ၊ ချစ်ခင်ရသူတွေနဲ့ ခွဲခွာရတာတွေဟာ ကျနော်တို့ကိုအမှောင် ထဲတွန်းပို့နေသလို ခံစားရနိုင်ပါတယ်။ ဒါပေမဲ့ ဆရာကြီးနာဂသိန်းလှိုင် နာဂတောင်တန်းမှာ ဖယောင်းတိုင်မီးနဲ့ခွဲစိတ်ခန်းကို စတင်ခဲ့သလိုပါပဲ၊ ကျနော်တို့မှာရှိတဲ့ ‘အကြွင်းအကျန်အရင်းအမြစ် လေးတွေ’ နဲ့ပဲ ဘဝကိုအဓိပ္ပာယ်သစ်ပြန်စလို့ရပါတယ်။

လဲကျခြင်းဟာ အဆုံးသတ်မဟုတ်ပါဘူး။ ကိုယ့်ရဲ့တန်ဖိုးကိုမြို့ပေါ်က ခေတ်မီစက်ကိရိယာတွေထဲမှာ မရှာဘဲ၊ ကိုယ့်ရဲ့ ‘စေတနာ’ နဲ့ ‘ရပ်တည်ချက်’ ထဲမှာရှာဖွေတတ်ဖို့ ဆရာကြီးကလမ်းပြခဲ့တယ်လို့ ငြိမ်းချမ်းခေတ်စာအုပ်ဆိုင်ရဲ့ ကနေ့အတွေးအမြင်ကိုရေးသားဖော်ပြလိုက်ပါတယ် . . .

ဘာစာအုပ်ပဲလိုလို အရှေ့ဒဂုံ၊ မြောက်ဒဂုံ၊ တောင်ဒဂုံ၊ တောင်ဥက္ကလာပမြို့နယ်တို့မှ မှာယူပါက (သုတ/ရသ) စာအုပ်များကို ပို့ခ **(အခမဲ့) ပို့ဆောင်ပေးပါတယ်။

• viber 09261778607 ကနေလိုချင်တဲ့စာအုပ်တွေကို မှာယူနိုင်သလို သားသားမီးမီးတို့အတွက် ကျောင်းဖတ်စာအုပ်တွေလည်းဝယ်ယူရရှိနိုင်ပါပြီ . .

[အမှတ်(၄၈၄)၊ လောပိတလမ်း၊ သင်းဝင်လမ်းထိပ်၊ ၃၄ ရပ်ကွက်၊ မြောက်ဒဂုံမြို့နယ်]
#စာအုပ်

22/02/2026

📖"READING MAKES A COUNTRY GREAT"
‘စာဖတ်ခြင်းက နိုင်ငံတစ်နိုင်ငံကိုကြီးကျယ်ခမ်းနားစေတယ်’
_________ 📖 📖 📖 __________
သည်စကားက နိုင်ငံတကာမှာလူသိများ တဲ့စကားတစ်ခွန်းဖြစ်သလို အမေရိကန်ပညာရေးလောကရဲ့ဆောင်ပုဒ် (Slogan) အဖြစ်လည်းထင်ရှားတဲ့စကားတစ်ခွန်းဖြစ်ပါတယ်။

ဒီစကားကို ပိုပြီးလူသိများစေခဲ့တာကတော့ အမေရိကန်သမ္မတဂျော့ဘုရ် (George W. Bush) နဲ့တွဲပြီး ရိုက်ထားတဲ့ဓာတ်ပုံတစ်ပုံကစပါတယ်။ သည်ဓာတ်ပုံက သမိုင်းဝင်ဓာတ်ပုံတစ်ပုံလည်းဖြစ်ခဲ့ပါတယ်။

၂၀၀၁ ခုနှစ်၊ စက်တင်ဘာလ ၁၁ ရက် (9/11) မနက်ပိုင်းမှာ အမေရိကန်သမ္မတ ဂျော့ဘုရ်ဟာ ဖလော်ရီဒါပြည်နယ်က Emma E. Booker Elementary School ကို သွားရောက်ပြီးကလေးတွေကို စာဖတ်ပြနေခဲ့တာပါ။ အဲဒီအချိန်မှာ သမ္မတဂျော့ဘုရ်ရဲ့အနောက်ကကျောက်သင်ပုန်းပေါ်မှာ "READING MAKES A COUNTRY GREAT" ဆိုတဲ့ စာသားကိုရေးထားတာဖြစ်ပါတယ်။

သည်ဓာတ်ပုံကမ္ဘာကျော်သွားရတဲ့ အကြောင်းရင်းကတော့ သမ္မတစာဖတ်ပြနေတုန်းမှာပဲ "အမေရိကန်နိုင်ငံတိုက်ခိုက်ခံနေရပြီ (ဒုတိယလေယာဉ် ဝေါထရိတ်စင်တာကိုတိုက်မိပြီ)" ဆိုတဲ့သတင်းကို သူ့ရဲ့အမှုဆောင်အရာရှိက နားနားကပ်ပြောတဲ့အချိန်မှာရိုက်ထားမိလို့ဖြစ်ပါတယ်။

၂၀၀၀ ပြည့်နှစ်ဝန်းကျင် ဂျော့ဘုရ်အစိုးရလက်ထက်မှာ "No Child Left Behind" (ဘယ်ကလေးကိုမှ နောက်ကောက်မကျစေရ) ဆိုတဲ့ မူဝါဒနဲ့အတူ စာဖတ်ခြင်းဟာ နိုင်ငံသားကောင်းဖြစ်ဖို့နဲ့ နိုင်ငံတိုးတက်ဖို့ အခြေခံကျတယ်ဆိုတဲ့အယူအဆကို "READING MAKES A COUNTRY GREAT" ဆိုတဲ့စကားနဲ့ အကြီးအကျယ်အရှိန်မြှင့်တင်ခဲ့ကြတာပါ။

ဒီအတွေးအခေါ်ဟာ အမေရိကန်နိုင်ငံထူထောင်သူတွေထဲက တစ်ဦးဖြစ်တဲ့ သောမတ်စ်ဂျက်ဖာဆင် (Thomas Jefferson) နဲ့ အမေရိကန်ပြည်သူ့ပညာရေးဖခင် ဟောရေ့စ်မန်း (Horace Mann) တို့ရဲ့ "အသိပညာရှိသော နိုင်ငံသားများကသာ ဒီမိုကရေစီနိုင်ငံကိုခိုင်မြဲစေသည်" ဆိုတဲ့ အယူအဆကနေဆင်းသက်လာတာဖြစ်ပါတယ်။

မြန်မာနိုင်ငံမှာလည်း ဒီစကားကို ကုလသမဂ္ဂအထွေထွေအတွင်းရေးမှူးချုပ်ဟောင်းဦးသန့်က ပြောကြားခဲ့တယ်လို့လူသိများပါတယ်။ ဦးသန့်ဟာပညာရေးလောကကလာသူဖြစ်ပြီး နိုင်ငံတကာအတွေ့အကြုံလည်းများတာကြောင့် စာကြည့်တိုက်တွေရဲ့အရေးပါမှုနဲ့စာဖတ်ခြင်းဟာ နိုင်ငံဖွံ့ဖြိုးဖို့ အဓိကလက်နက်ဖြစ်ကြောင်း သူ့ရဲ့မိန့်ခွန်းတွေ၊ ဆောင်းပါးတွေမှာ တစိုက်မတ်မတ်တိုက်တွန်းခဲ့ ပါတယ်။

#ငြိမ်းချမ်းခေတ်စာအုပ်ဆိုင်

👉 ဘာစာအုပ်ပဲလိုလို အရှေ့ဒဂုံ၊ မြောက်ဒဂုံ၊ တောင်ဒဂုံ၊ တောင်ဥက္ကလာပမြို့နယ်တို့မှ မှာယူပါက (သုတ/ရသ) စာအုပ်များကို ပို့ခ **(အခမဲ့) ပို့ဆောင်ပေးပါတယ်။

• viber 09261778607 ကနေလိုချင်တဲ့စာအုပ်တွေကို မှာယူနိုင်သလို သားသားမီးမီးတို့အတွက် ကျောင်းဖတ်စာအုပ်တွေလည်းဝယ်ယူရရှိနိုင်ပါပြီ . .

[အမှတ်(၄၈၄)၊ လောပိတလမ်း၊ သင်းဝင်လမ်းထိပ်၊ ၃၄ ရပ်ကွက်၊ မြောက်ဒဂုံမြို့နယ်]

#စာအုပ်

Nyein Chan Khit Books

27/03/2026

24/03/2026

20/03/2026

19/03/2026

12/03/2026

10/03/2026

10/03/2026

02/03/2026

27/02/2026

24/02/2026

22/02/2026

Address

Telephone

Website

Alerts

Contact The Business

Shortcuts

Share

Category